စမ်းချောင်းကလေး ကျဉ်းလှတယ် (ဝတ္ထုတို)
....
"ဆိုက္ကားသမားသား။ ဟင်းရွက်သည်မသား"
ကျောင်းကအပြန် ကျော်သူတို့တစ်စု ကျွန်တော့်ကို
ဝိုင်းလှောင်နေကြတယ်။ ကျွန်တော်ရှက်တယ်။ ငိုလည်းငိုချင်လာတယ်။
"ဟေ့..မင်းတို့ မောင်နိုင်ကို မစကြနဲ့ကွာ။ကိုယ့်လမ်း
ကိုယ်သွား"လို့
သူရက ကျော်သူတို့အုပ်စုကို ဝင်မာန်လိုက်တယ်။
ဒါမျိုးဖြင့် အစခံနေရတာ နေ့တိုင်းလိုလိုပါပဲ။
"မောင်နိုင်..မငိုပါနဲ့ကွာ။ငါတို့ရှိပါတယ်"
"ဟုတ်သားပဲကွာ။ဒီကောင်တွေ အလကားကောင်တွေ။ တိတ်တော့နော်"
"အေး..အေးပါကွာ။ ငါသွားတော့မယ်။ မင်းတို့လည်း
ပြန်တော့နော်"
ကျွန်တော် ဗွက်ထူထူလမ်းကွေ့လေးထဲ ချိုးဝင်လာ
လိုက်တယ်။
ကျွန်တော်ဟာ လေးတန်းကျောင်းသား တစ်ယောက်ပါ။ ကျွန်တော့်မှာ အရင်းနီးဆုံး သူငယ်ချင်း
လေးယောက်ရှိပါတယ်။ အဲ့ဒီထဲမှာ အောင်အောင်ရယ်၊ သူရရယ်၊ ရဲကိုရယ်က ချမ်းသာသော သူများဖြစ်ပြီး ကြွက်နီကတော့ ကျွန်တော့်လို ဆင်းရဲ
သား တစ်ယောက်ပါ။ ကျွန်တော့်သူငယ်ချင်းတွေက
ကျွန်တော့်ကို အမြဲတမ်း အားပေးစကားပြောတတ်ကြတယ်။
ဒါပေမယ့် ကျွန်တော်ရှက်တယ်။ ဆင်းရဲသားဘဝ
ကို မုန်းတယ်။ ကျွန်တော်စီးထားတဲ့ တာယာဖိနပ်
အဟောင်းလေးကို မုန်းတယ်။ လွယ်အိတ်အစုတ်လေးကို မုန်းတယ်။ ဖာထေးရာအပြည့်နဲ့ ကျောင်းစိမ်း
အဝတ်တွေကို မုန်းတယ်။ ပြီးတော့ အဖေနင်းတဲ့
ဆိုက္ကားကိုလည်း မုန်းတယ်။ အမေ့ရဲ့ ဟင်းရွက်စုံ
ဈေးဗန်းကိုလည်း မုန်းတယ်။ ချမ်းသာတဲ့ဘဝနဲ့
နေချင်တယ်ဗျာ။ ဆင်းရဲတဲ့ဘဝမှာ မပျော်ဘူး။
အိမ်ပေါ်လှမ်းတက်လိုက်တော့ အဖေက
"သား..ပြန်လာပြီလား"လို့
ဆိုက္ကားကိုတိုက်ချွတ်နေရင်း အိမ်ရှေ့နားက လှမ်းမေးတာကို ကျွန်တော် မဖြေခဲ့။အခန်းထဲ ဝင်ပြီး
အိပ်နေလိုက်တယ်။
ကျွန်တော့်ညီလေးနှစ်ယောက်ကတော့ အဖေ့နားမှာ ကစားနေတယ်လေ။
မိုးချုပ်တော့ အမေက ထမင်းစားဖို့ ခေါ်တယ်။ ထွက်သွားလိုက်တော့ အမေက
"ဟယ်..သား ရေမချိုးရသေးဘူးလား။ အဝတ်တွေလဲ မလဲရသေးဘူး"
"နောက်မှချိုးတော့မယ်။ ထမင်းစာပြီ"
"ဪ..အေး..အေး။ ရော့..သားလေးစား"
အမေ အရှေ့တိုးပေးတဲ့ ထမင်းပန်ကန်ကို
ကြည့်လိုက်တော့ စိတ်ထဲမှာ ငိုချင်လာတယ်။
ဆေးသားပျက်ပြီး ဟောင်းနေတဲ့ သံပန်းကန်ပြားပေါ်
မှာ စားနေကြ မာတောင့်တောင့် ထမင်းတွေ။
ပြီးတော့ ကန်စွန်းရွက်ကြော်။
အဖေက
"စားလေ သားရဲ့။ ဘာဖြစ်လို့လဲ "
"ဘာမှမဖြစ်ပါဘူး"
စားချင်စိတ်မရှိလို့ နည်းနည်းပဲ စားလိုက်တယ်။
ပြီးတာနဲ့ လက်ဆေးပြီး အိမ်ခန်းထဲ ပြန်ဝင်နေလိုက်
တယ်။
"ဖေကြီး။ သားလေးဘာဖြစ်နေလဲ မသိဘူး"
"မသိပါဘူး မေကြီးရာ။ကျောင်းကပြန်လာကတည်း
က မှုန်ကုပ်နေတာ"
"ကျမသွားချော့ကြည့်လိုက်မယ်"
"နေပါစေကွာ။ သူစိတ်ချမ်းသာသလို နေပါစေ"
အဖေနဲ့ အမေရဲ့ စကားသံတွေက ကျွန်တော့်နားထဲ
တိုးဝင်လာလို့ နားနှစ်ဖက်ကို လက်နှစ်ဖက်နဲ့ဖိပြီး
အုပ်ထားလိုက်တယ်။
ခဏကြာတော့ ကျွန်တော့်ညီ အငယ်ဆုံးလေး စာဖတ်သံကို
ကြားရပြန်တယ်။
"စမ်းချောင်းကလေး ကျဉ်းလှတယ်
မြစ်လောက်သူမကျယ်"
စမ်းချောင်း။ ဟုတ်တယ်။ ကျွန်တော့်ဘဝဟာ
စမ်းချောင်းလေးလို ကျဉ်းကျဉ်းလေး။ သူရတို့
အောင်အောင်တို့ ဘဝတွေကသာ မြစ်လိုကျယ်တာ။
သူတို့က ချမ်းသားတာကိုး။ ကျွန်တော်ကသာ
အလှောင်ခံဘဝနဲ့ ဆင်းရဲနေတာ။
ကျွန်တော် ချမ်းသာချင်တယ်။ ချမ်းသာရင် တော်
တော်ပျော်ဖို့ ကောင်းမှာပဲ။ အင်္ကျီအသစ်၊ဖိနပ်အသစ်၊
လွယ်အိတ်အသစ်တွေနဲ့ လှနေမှာလေ။ ပြီးတော့
သူများတွေ မလှောင်တော့ဘူးပေါ့။
ချမ်းသာချင်တယ်။
ချမ်းသာချင်တယ်။
ချမ်းသာချင်တယ်။
......
ဟုတ်တယ်။ ကျွန်တော်ချမ်းသာချင်တယ်။ ဟောဒီ
ဆင်းရဲတဲ့အိမ်မှာ မနေတော့ဘူး။
ကျွန်တော့်ခြေလှမ်းတွေကို ကျွန်တော့်သူငယ်ချင်း
သူရရဲ့အိမ်ကို ဦးတည်လိုက်ပြီ။
ကျွန်တော်သူတို့အိမ်ရောက်တော့ သူရရဲ့ အဖေနဲ့
အမေ ရန်ဖြစ်နေကြတယ်။
"ရှင် တော်တော် အောက်တန်းကျပါလား။ ကျမတစ်ယောက်လုံးရှိလျက်နဲ့ မယားငယ်ထားတယ်ပေါ့လေ"
"အေး..ထားတယ်ကွာ ဘာဖြစ်လဲ။ ငါရှာကျွေးနိုင်လို့
ငါယူတာ။ မင်းလိုမိန်းမထက်တော့ အများကြီးသာတယ်ကွ"
"ဪ..ရတယ်လေ။ ဒါဆိုလည်း ရှင့်မယားအိမ်
သွားနေ။ ကျမတို့သားမိဆီ လာမနေနဲ့"
ကျွန်တော်ဆက်နားမထောင်ချင်တော့ဘူး။
သူရကို ကြည့်လိုက်တော့ ခပ်လှမ်းလှမ်းမှာ ငိုနေတယ်။ ကျွန်တော် နှုတ်မဆက်တော့ပဲ ပြန်ထွက်လာလိုက်တယ်။
နောက်တစ်အိမ်။ အောင်အောင်တို့အိမ်ကိုပေါ့။
"ဟာ! မောင်နိုင်။ ငါ့ဆီလာတာလား"
"အေး..မင်းတို့အိမ်မှာ နေမလို့"
"ပျော်လိုက်တာကွာ။ ငါတစ်ယောက်တည်း စိတ်ညစ်နေတာ။ မင်းလာနေရင် ငါပျော်တာပေါ့
လာ..လာ"
"မင်းအဖေနဲ့ အမေရော"
အောင်အောင့်မျက်နှာ ညှိုးကျသွားတယ်။
"ငါ့အဖေက သင်္ဘောသားလေ။ အိမ်ကို အကြာကြီးနေမှ ပြန်လာတာ။ ငါ့အမေကတော့ ဟိုမှာ.."
အောင်အောင် မေးငေါ့ပြရာ အိမ်အတွင်းဘက်ကို ကြည့်လိုက်တော့ သူ့အမေနဲ့ လူလေးငါးယောက်လောက် စားပွဲခုံပေါ်မှာ ဖဲရိုက်နေကြတယ်လေ။
"ဟင်! မင်းအမေက ဖဲရိုက်နေတာလား"
"ဟုတ်တယ်ကွ။ နေ့တိုင်းပဲ။ ငါ့နားမှာ နေမပေးဘူး။
အမြဲတမ်း ငါတစ်ယောက်တည်း။ ဒါကြောင့် စိတ်ညစ်
နေတာ"
"တော်ပြီကွာ။ ငါပြန်တော့မယ်"
သူရတို့အိမ်က ပြန်ထွက်လာပြန်ပြီပေါ့။
ဒီတစ်ခါ ထပ်သွားမှာက ရဲကိုရဲ့ အိမ်ကိုလေ။
ရဲကိုတို့ အိမ်ရောက်တော့ ရဲကိုက
တီဗွီကြည့်နေတယ်။ တစ်ယောက်းတည်းပေါ့။
သူ့ဖေက ကွန်ပျူတာရှေ့မှာလေ။
"သူငယ်ချင်း.. .ရဲကို"
အိမ်ထဲကို မဝင်သေးပဲ အိမ်ဝနားက ကျွန်တော်လှမ်း
ခေါ်တော့ ရဲကိုက အပြင်ထွက်လာတယ်။
"ငါ..မင်းနဲ့လာနေတာ"
"ဟာ! ကောင်းတာပေါ့ကွာ"
"မင်းအဖေက ဘာလုပ်နေတာလဲ"
"အဲ့ဒီလိုပါပဲကွာ။ နေ့တိုင်းပါပဲ။ အလုပ်ကပြန်လာပြီး
ရင်လည်း အိမ်မှာ ကွန်ပျူတာနဲ့ ထပ်လုပ်တယ်။
အလုပ်တွေ မပြီးသေးလို့တဲ့လေ"
"မင်းအမေကရော"
"ငါ့အမေက ဆရာဝန်လေ။ ဆေးရုံမှာပဲ နေတာများတယ်။ ငါ မနက်အိပ်ရာထရင် သူတို့တွေ
မရှိကြတော့ဘူး။ အလုပ်သွားကြပြီ။ ငါကျောင်းက
ပြန်လာရင်လည်း သူတို့တွေ ပြန်မရောက်ကြသေးဘူး။ ငါ့မှာ အိမ်ဖော်တွေနဲ့ပဲ နေရတာများတယ်။
ကျောင်းပိတ်ရက်လည်း အလည်မပို့ပေးကြဘူး။ သူတို့အလုပ်တွေနဲ့ပဲ သူတို့ရှုပ်နေကြတာ။ ငါအရမ်း
စိတ်ညစ်တာပဲ"
"ဟင်..ဟုတ်လား။ ငါပြန်တော့မယ်ကွာ"
ပြောပြီးတာနဲ့ ကျွန်တော် ထွက်လာလိုက်တယ်။ ကျွန်တော်နေမလို့ လိုက်သွားလာတာ သုံးအိမ်ရှိပြီ
လေ။ ပျော်စရာကောင်းတာ တစ်အိမ်မှမတွေ့သေးဘူး။
စိတ်ပျက်ပျက်နဲ့ လမ်းပေါ်လျှောက်နေတုန်း
ကြွက်နီတို့မိသားစုနဲ့တွေ့တယ်။ ကြွက်နီရယ်၊သူ့အဖေရယ်၊ သူ့အမေရယ်ပေါ့။
သူတို့ကြည့်ရတာ ပျော်လို့ရွှင်လို့ပဲ။
"ဟေ့..ကြွက်နီ"
"ဟာ..မောင်နိုင်။ ဘယ်လဲ"
"လျှောက်သွားနေတာ။မင်းကရော.."
"ငါတို့မိသားစု ဘုရားပွဲကပြန်လာတာလေ။ ပျော်စရာကြီးကွာ"
"ဪ..အေး..အေး။ ငါသွားတော့မယ်"
ကျွန်တော်လျှောက်လာတဲ့ခြေလှမ်းတွေမှာ အားမရှိ
တော့သလို ခံစားလာရတယ်။ အခုကြည့်လေ။ကြွက်နီတို့မိသားစုက ကျွန်တော်တို့မိသားစုနဲ့ ဆင်းရဲပုံခြင်း ထူးမခြားနား။ သူ့အဖေက ပန်းရံလုပ်တာ။ သူတို့ ဆင်းရဲနေရဲ့သားနဲ့ ကြွက်နီကတော့ ပျော်လို့။
ချမ်းသာပါတယ်ဆိုတဲ့ အောင်အောင်၊သူရ၊ရဲကိုတို့ကျတော့ စိတ်ညစ်စရာတွေချည်း။
ချမ်းသာတဲ့လူတိုင်းပျော်ဖို့ကောင်းမှာပဲဆိုတဲ့
ကျွန်တော့်အတွေး မှာသွားပြီပေါ့။ ပျော်ရွှင်မှုဆိုတာ
ဆင်းရဲတာ၊ချမ်းသာတာနဲ့ မဆိုင်ဘူးပဲကိုး။
တစ်ခါတစ်လေ အမေရယ်၊ကျွန်တော်ရယ်၊
ကျွန်တော့်ညီလေးနှစ်ယောက်ရယ်က ဆိုက္ကားပေါ်မှာထိုင်။
အဖေကနင်း။ လျှောက်လည်တဲ့အခါဆိုရင် ကျွန်တော်တို့မိသားစု ပျော်လိုက်ရတာဗျာ။ အခုမှ အမှတ်ရတယ်။
ထမင်းစားချိန်ဆို အမေ့ဟင်းရွက်ဗန်းထဲက တို့စရာတွေယူစား အားရပါးရပေါ့။ တပျော်တပါးကြီးပါဗျာ။
တော်ပြီ။ကျွန်တော့်အိမ်မှာပဲပျော်တယ်။ ကျွန်တော်
အိမ်ပြန်တော့မယ်။
အတွေးထဲမှာတောင် ပျော်နေရင်း အိမ်ပြန်ဖို့ စိတ်ကူးမိချိန်မှာပဲ
"ဟေ့ကောင်လေး..ဘယ်လဲ"
ကြည့်လိုက်တော့ ဦးလေးကြီးသုံးယောက်။
"အိမ်ပြန်မလို့ပါ"
"ငါတို့နဲ့လိုက်နေမလား ပိုက်ဆံတွေရမယ်"
"မနေပါဘူး"
"နေပါကွ။ မင်းပျော်ရစေမယ်။ ပိုက်ဆံတွေနဲ့ လိုချင်တာဝယ်ပေါ့"
"ဟာ..မလိုချင်ဘူး။ကျွန်တော် အိမ်ကိုပဲပြန်မှာ"
"မရဘူးကွာ။ ငါတို့လိုချင်တဲ့ပစ္စည်းတွေ လိုက်ခိုးပေးရုံပဲ။ လာပါကွာ"
"မ..မနေဘူးဗျာ။ အိမ်ပြန်မှာ"
"ကြာတယ်ကွာ။ မင်းကိုဖမ်းသွားမယ်"
"မ..မလုပ်ကြပါနဲ့ဗျာ။ အိမ်ပြန်မယ်။အိမ်ပြန်မယ်"
"အိမ်ပြန်မယ်။ အိမ်ပြန်မယ်"
"သား..သားလေး။ဘာဖြစ်နေတာလဲ"
ကျွန်တော် အထိန့်တလန့် မျက်စိဖွင့်ကြည့်လိုက်တော့ အဖေနဲ့အမေပါလား။
အမေက
"သား..အိပ်မက် မက်နေတယ်ထင်တယ်။ အဖေကြီး
ရေတစ်ခွက်လောက်"လို့ ပြောတော့
အဖေက ရေသွားခပ်တယ်။
"ဟုတ် အမေ။သား အိပ်မက် မက်နေတာ"
"ရော့ သား။ သောက်လိုက်"
အဖေလှမ်းပေးသော ရေခွက်ကို သောက်ချလိုက်မှ
မောနေတာ သက်သာသွားတယ်။
"သား ညက ရေမချိုးပဲ အိပ်တာကိုး။ဒါကြောင့် အိပ်မက်ဆိုးတွေ မက်တာ။ ကဲ..ထတော့နော်။ မိုးလင်းနေပြီ"
အိမ်အပြင်ကို ကြည့်လိုက်တော့ ဟုတ်ပါရဲ့။မိုးတောင်လင်းနေပြီ။
"ဟုတ်ကဲ့"
ကျွန်တော်ရေချိုးနေတုန်း စဉ်းစားမိတာက ဒီနေ့ကျောင်းသွားလို့ ကျော်သူတို့အဖွဲ့က
"ဆိုက္ကားသမားသား၊ဟင်ရွက်သည်မသား" လို့
စရင်လည်း မငိုတော့ဘူး။
ဟုတ်တာပဲလေ။ အဖေက ဆိုက္ကားနင်းပြီး ရှာကျွေး
တယ်။ အမေက ဟင်းရွက်ရောင်းပြီး ရှာကျွေးတယ်။
မှန်တာပဲကို။
ပြီးတော့။ တာယာဖိနပ် အဟောင်းလေးရယ်၊ လွယ်
အိတ်အစုတ်လေးရယ်၊ ဝတ်နေကျ ဖာထေးကွက်တွေနဲ့ အဝတ်အစားတွေရယ် သူတို့ကိုလည်း မမုန်း
တော့ဘူး။ ဆင်းရဲတာအဓိကမဟုတ်ဘူး။ စိတ်ချမ်း
သာဖို့က အဓိက။ ကျွန်တော့်မိသားစုနဲ့အတူ ကျွန်တော် ပျော်သွားပြီ။လေ။ ကျွန်တော်တို့မိသားစုဟာ နွေးထွေးတဲ့ကမ္ဘာလေးပါ။ စမ်းချောင်းဆိုတာ မြစ်လောက်မကျယ်ပေမယ့် အရမ်းအေးမြတယ်ဆိုတာ ကျွန်တော်သိသွားပြီ။
ကျွန်တော့်သူငယ်ချင်းတွေဖြစ်တဲ့ သူရ၊အောင်အောင်၊ရဲကိုတို့လည်း အိပ်မက်ထဲကလို တကယ်မဟုတ်ပါစေနဲ့။ပျော်ရွှင်ကြပါစေလို့ ဆုတောင်းပေးလိုက်သေးတယ်။
ရေချိုးပြီး အိမ်ပေါ်ပြန်တက်တော့ ညီအလတ်က
စာတွေဖတ်နေပြီ။
သူဆိုနေတာက
တို့ဖေဖေ
....
စားဝတ်နေရေး
ငွေရှာပေး
ကျေးဇူးကြီးပေ တို့ဖေဖေ။
ကိစ္စများဖြင်
ပေါ်ပေါက်လျင်
စီရင်တတ်ပေ တို့ဖေဖေ။
အိမ်ထောင်အရေး
စီမံပေး
လေးစားလောက်ပေ တို့ဖေဖေ။
စဉ်းစားမြော်မြင်
ဥာဏ်နှင့်ယှဉ်
ပဲ့ပြင်တတ်ပေ တို့ဖေဖေ။
နိုင်ငံ့အကျိုး
တို့အကျိုး
သယ်ပိုးနိုင်ပေ တို့ဖေဖေ။
တို့မေမေ
...
ကျွေးမွေးသုတ်သင်
သက်ဆုံးပင်
ချစ်ခင်ရှာပေ တို့မေမေ။
ငယ်စဉ်ကာလ
စည်းကမ်းပြ
ဆုံးမတတ်ပေ တို့မေမေ။
အရွယ်ရောက်လာ
ကျောင်းအပ်ကာ
ပညာပေးပေ တို့မေမေ။
ကျန်းမာဖို့ရေး
သင့်ရာကျွေး
လေးစားအပ်ပေ တို့မေမေ။
ဝတ်စားဆင်ယင်
မြတ်နိုးကြင်
ချစ်ခင်အပ်ပေ တို့မေမေ။
(ပြီး)
.....
နတ်စောင်း(ကျိုက်ထို)
၂.၈.၂၀၁၅
No comments:
Post a Comment