{ကောင်းကင်ပေါ်ကဆင်းသက်လာတဲ့အချစ်}
(ရွှေအမြုတေ၊မေ၊၂၀၁၆) ရွှေနှလုံးသား/
-----------------
ကူးရဲ့ခြေဖွေးဖွေးလေးတွေကိုဦးပိန်ရဲ့သစ်သားတုံးလေးတွေနဲ့စတင်ထိတွေ့လိုက်ရတယ်ဆိုရင်ပဲကူးရင်ထဲဆို့နစ်နာကျင်မှုကတရိပ်ရိပ်နဲ့ဆောင့်တက်လာတယ်။ကူးဘယ်နေရာပဲကြည့်လိုက်ကြည့်လိုက်ကူးသိပ်ချစ်ရတဲ့မောင့်အရိပ်တွေချည်းပဲ။မောင်ကကူးကိုညီညာတဲ့သွားဖွေးဖွေးလေးတွေပေါ်အောင်ပြုံးပြနေတယ်။ကူးဆက်လျှောက်နေမိတယ်။ဦးထုပ်ဝိုင်းဝိုင်းလေးကိုဆောင်းပြီးသိသိသာသာမှုန်ရီနေတဲ့မျက်ဝန်းတွေနဲ့ဖြေးဖြေးချင်းလျှောက်လာနေတဲ့ကူးရဲ့ပုံရိပ်ကိုငေးကြည့်နေကြတာကူးသတိထားမိတယ်။ကူးဒီအချိန်မှာဘာကိုမှစိတ်မဝင်စားတော့ဘူး။ကူးစိတ်ဝင်စားတာတစ်ခုပဲရှိတယ်။ကူးရဲ့နှလုံးသားကိုအုပ်စိုးခဲ့တဲ့မောင့်ကိုပြင်းပြင်းပြပြသတိရနေတယ်။ကူးရဲ့ပါးပြင်းလေးကိုတရှိုက်မက်မက်နမ်းရှိုက်ခဲ့တဲ့မောင့်ရဲ့စွဲမက်ဖွယ်နှုတ်ခမ်းလေးတွေကို မွတ်သိပ်လွမ်းမောနေတယ်။ ပြီးတော့၊ဟောဒီဦးပိန်တံတားပေါ်မှာပဲကူးကိုအမှတ်တရပေါင်းများစွာပေးခဲ့ဖူးတဲ့မောင့်ရဲ့ချစ်စဖွယ်အတိပြီးတဲ့မျက်နှာလေးနဲ့ရယ်သံချိုချိုလေးတွေကိုကူးသိပ်ကိုတမ်းတနေမိတယ်။ဒီဦးပိန်တံ တားပေါ်ကိုလမ်းလျှောက်ရတာ ဦီးပိန်ရဲ့ရှုခင်းအလှအပကိုငေးမောရတာဒီတစ်ခါကူးအတွက်အတော်ကိုခြောက်ကပ်ကပ်နိုင်လွန်းလှတယ်။ကူးမျက်ဝန်းတွေထဲမှာစိုစိုပြေပြေရှိတာရယ်လို့တစ်နေရာမှမတွေ့တော့ဘူး။မြင်မြင်သမျှအရာအားလုံးကကူးနှလုံးသားကိုဆွေးမြေ့နာကျင်စေရုံကလွဲလို့ကူးအတွက်ကန္တာရဆန်နေတယ်။ဘုရားရေမြင်လိုက်ရတဲ့မြင်ကွင်းတစ်ခုကြောင့်ကူးဘုရားတလိုက်မိတယ်။မြင်ကွင်းလေးကကူးရဲ့နှလုံးသွေးတွေရပ်တန့်သွားစေနိုင်လောက်အောင်ဆွဲဆောင်အားပြင်းလွန်းတယ်။လှေငယ်လေးပေါ်မှာဆင်တူအကျီင်္လေးတွေဝတ်လို့မောင်နဲ့ကူးပျော်မြူးနေကြတဲ့မြင်ကွင်းလေး။ကူးသေသေချာချာကြည့်လိုက်မိတော့မောင်နဲ့ကူးမဟုတ်တော့ပြန်ဘူး။အခြားစုံတွဲဖြစ်နေတယ်။အဲဒီခဏမှာပဲကူးရင်တွေတဆက်ဆက်တုန်လို့နာကျင်သွားလိုက်ရပုံများဆိုဖွယ်မရှိတော့ဘူး။ကူးအတွက်ဒီလောက်ဆိုလုံလောက်ပါပြီဆိုတဲ့အတွေးနဲ့ကူးလာရာလမ်းအတိုင်းပြန်လျှောက်လာတော့ကူးနှလုံးသားကိုထပ်ဆင့်ကြေကွဲသွားစေမယ့်အရာလေးတွေကကူးကိုပြုံးပြုံးကြီးဆီးကြိုလို့နေပြန်တယ်။အဲဒါကတော။့ကူးသိပ်ချစ်တဲ့မောင်နဲ့အတူဦးပိန်ကိုလာတဲ့အခါတိုင်းမောင်ကကူးအတွက်လက်ဆောင်ပစ္စည်းလေးတွေဝယ်ပေးနေကြဖြစ်တဲ့ဗန်းလေးတွေနဲ့တည်ရောင်းနေကြတဲ့လက်ဆောင်ပစ္စည်းဆိုင်လေးတွေပဲဖြစ်တယ်။လက်ဆောင်ပစ္စည်းဆိုင်ရှေ့ရောက်တော့ယောင်နနနဲ့ကူးလက်ဆောင်ပစ္စည်းလေးတွေကိုကိုင်ကြည့်နေလိုက်မိတယ်ဆိုရင်ပဲရောင်းသူအစ်မကဝေခွဲမရတဲ့အပြုံး တွေနဲ့။
"ညီမ ဒီတစ်ခါတစ်ယောက်ထဲပါလား။ညီမချစ်သူ ချောချောကောင်လေးရောမပါဘူးလား"
လို့ပြောလာတယ်။ကူးခံနိုင်ရည်မရှိတော့တဲ့အဆုံးကူးလက်ထဲမှာကိုင်ထားတဲ့အရုပ်လေးကိုချပြီးအဲဒီအစ်မမေးတဲ့မေးခွန်းကိုဘယ်လိုဖြေခဲ့မိသလဲဆိုတာတောင်သတိမရတော့ဘူး။ကူးပြေးထွက်လာခဲ့မိတယ်။
"ဘယ်လိုလဲကူး၊ ကောင်းစစ်နိုင်ကိုသတိရ နေတဲ့နင့်စိတ်တွေဖြေလို့ရခဲ့ပြီလား"
ကူးရဲ့အချစ်ဆုံးသူငယ်ချုင်း၊ကူးရဲ့လုပ်ဖော်ကိုင်ဖက်၊ကူးရဲ့တိုးတိုးဖော်၊ကူးအတွက်ဆိုအမြဲတမ်းဦးစားပေးတတ်တဲ့၊ကူးအပေါ်အပြည့်အဝနားလည်နိုင်စွမ်းရှိတဲ့ရွှေမှုံကတံတားအဆင်းကစားသောက်ဆိုင်မှာထိုင်ပြီးငါးကြော်ကိုပါးစပ်ထဲခွင့်လို့ကြံရည်ကိုပိုက်ကလေးနဲ့စုပ်သောက်နေရင်းကကူးရဲ့တစက်ကလေးမှသာယာနာပျော်ဖွယ်မရှိတဲ့မျက်နှာလေးကိုစိုက်ကြည့်ပြီးမေးလာတယ်ဆိုရင်ပဲကူးကရင်ထဲလှိုက်တက်လာတဲ့အသံလေးနဲ့။
"ဖြေလို့ရပြီရွှေမှုံ။ငါမောင်နဲ့ပက်ပတ်တာမှန်သမျှမောင့်ရဲ့ခြေရာလေးတွေအဆုံး၊တစ်ခုမကျန်လိုက်ကောက်ပြီး ငါ့ရင်ဘတ်ထဲထည့်လာခဲ့တယ်"
လို့ဆိုလိုက်တယ်ဆိုရင်ပဲရွှေမှုံကကူးမျက်နှာလေးကိုပါးစပ်အဟောင်းသားနဲ့ငေးကြည့်နေပြီးအလေးနက်ကြီးပြောချလာတယ်။
"သေချာတယ်ကူး။နင်ကောင်းစစ်နိုင်အပေါ်ချစ်တဲ့အချစ်ကသာမာန်အချစ်မျိုးမဟုတ်ဘူး။နင်ပြောပြောနေတဲ့ကောင်းကင်ပေါ်ကဆင်းသက်လာတဲ့အချစ်ဆိုတာမျိုးပဲဖြစ်ရမယ် "
တဲ့၊ကဲဘယ်လောက်အချစ်စွမ်းအားတွေနဲ့ဖွဲ့တည်ထားတဲ့ရင်ခုန်ကြည်နူးစရာအတိပြီးတဲ့အချစ်စကားပွင့်လေးများပါလဲ၊နောက်ဆုံးတော့။ရွှေမှုံမောင်းတဲ့ဆိုင်ကယ်နောက်ကနေရွှေမှုံ့ခါျးလးကိုဖက်ပြီးဦးပိန်ကိုကျောခိုင်းလို့ပြန်ခဲ့ကြတယ်။ရွှေမှုံ့မောင်းတဲ့ဆိုင်ကယ်နောက်ကနေရွှေမှုံခါးကိုဖက်ပြီးလိုက်ရတဲ့အရသာနဲရွှေမှုံ့ရဲ့အငွေ့သက်တွေကအစိမ်းလိုက်ဝါးစားလိုက်ရတဲ့တမာရွက်တွေလိုပဲခါးသက်လို့ပူလောင်နေတယ်။တစ်ခုတော့ရှိတယ်။မောင်နဲ့ဆိုင်ကယ်အတူစီးပြီးမောင်ရဲ့မွှေးပျံ့တဲ့ကျောပြင်လေးကိုမှီမောင့်ရဲ့ချိုမြိန်မှုတွေနဲ့သကာခြယ်ထားတဲ့မောင့်ရဲ့နွေးထွေးတဲ့ခါးလေးကိုဖက်ပြီးကူးရင်ခုန်သံတွေမမြန်ခဲ့ဖူးဘူးဆိုရင်တော့ရွှေမှုံရဲ့အငွေ့သက်တွေနဲ့ရွှေမှုံရဲ့ခါးလေးကကူးအတွက်သကာလိုချိုပြီးနွေးထွေးမှုပေးကောင်းပေးနိုင်ပါလိမ့်မယ်၊အခုတော့။အဲဒီခဏမှာပဲကူးမောင့်ကိုပြင်းပြင်းပြပြသတိရသွားလို့ကူးရဲ့မျက်ရည်တစက်ကအပြင်ဘက်ကိုခုန်ပေါက် လို့ထွက်ကျလာတော့တယ်။
##############
ကူးဒီနေ့အရမ်းပျော်တယ်။ပျော်တာမှဆွေ့ဆွေ့ကိုခုန်လို့လို့ပြောရမယ်။ကူးသိပ်ချစ်တဲ့ကူးရဲ့အရှင်သခင်ဖြစ်တဲ့မောင်ကကူးကိုရုပ်ရှင်အတူကြည့်ပြီးတစ်နေကုန်လျှောက်လည်ကြရအောင်လို့ဖုန်းဆက်လာတယ်။အဲဒီတော့ကူးကလဲဘယ်နေမလဲကူးဘယ်လောက်အလုပ်ရှုပ်ရှုပ်ကူးရဲ့ဖောက်သည်တွေဘယ်လောက်ပဲလာဖို့ရှိနေပါစေ။အားလုံးကိုရက်ချိန်းလို့မောင်နဲ့အတူလျှောက်လည်ရဖို့အရေးပဲဦးစားပေးလေ့ရှိတယ်။အဲဒီကိစ္စနဲ့ပတ်သက်ပြီးဆိုင်ရှင်ကကူးကို မကြာခဏသတိ ပေးစကားဆိုတယ်။
"မိကူးကူးညဉ်းဆေးမိနေပြီ။ယောကျာင်္းတစ်ယောက်အတွက်နဲ့ကိုယ့်အလုပ်ကိုအထိခိုက်ခံရဲတယ်။ကိုယ့်အလုပ်ကိုအထိခိုက်ခံပြီးညည်းအခုလိုအချစ်ကိုဦးစားပေးနေတာဟာညည်းဘဝကိုစုတ်ပြတ်သတ်အောင်ညည်းဖန်တီးနေတာနဲ့အတူတူပဲနော် ။ညည်းဘဝမမေ့နဲ့"
ကူးကတော့ဘယ်လိုပဲသတိပေးစကားဆိုနေပါစေ။မောင်နဲ့ပက်သတ်လို့ကတော့တစက်လေးမှကိုပြောင်းလဲခြင်းမရှိဘူး။ပြောင်းလဲဖို့လည်းစိတ်ကူးမရှိဘူး။ကူးအတွက်မောင်ကအရေးကြီးဆုံး။မောင်ထက်အရေးကြီးတာဒီကမ္ဘာမှာဘာမှမရှိဘူးလို့ကူးတွေးပစ်လိုက်တာပဲ။အဲဒီအတွက် ၊ရွှေမှုန်ကလည်း။
"ကူး၊ငါနင့်အတွက်တကယ်ရင်လေးမိတယ်။နင်ဒီအတိုင်းအချစ်ကိုခေါင်းပေါ်တင်ပြီးဘဝကိုရှေ့ဆက်သွားဖို့အဆင်မပြေဘူးနော်။နင်ဘာကြောင့်ဒီနေရာမှာအလုပ်လုပ်နေရသလဲဆိုတာနင်မေ့နေသလိုပဲ။နင်ပဲတစ်နေ့ကျရင်အောင်မြင်တဲ့လုပ်ငန်းရှင်တစ်ယောက်ဖြစ်အောင်ကြိုးစားမယ်ဆို၊ကိုယ်ပိုင်အလှပြင်ဆိုင်တွေအများကြီးဖွင့်နိုင်အောင်ကြိုးစားမယ်ဆို။အခုအဲဒီကောင်းတဲ့စိတိကူးတွေကိုနင်ကအချစ်ဆိုတဲ့ခေါင်းစဉ်အောက်မှာမြေမြုတ်ပစ်လိုက်ပြီလား။နင့်မှာဖောက်သည်တွေလည်းအများကြီး။အခုနင်အဲဒီဖောက်သည်တွေကိုလည်းဂရုမစိုက်တော့ဘူး။နင်စုထားတဲ့ပိုက်ဆံတွေလည်းနင့်ချစ်သူကိုပေးကမ်းဆင်မြန်းနေရတာနဲ့ပဲနင်အခွံပဲကျန်တော့တယ်။ငါတကယ်ရင်လေးမိတယ်ကူးရယ်နင်နွံနစ်နေုပြီ။နင်ကိုယ်နင်လည်းထိမ်းစမ်းပါဦး "
ဆိုပြီးကူးကိုအားမရတဲ့ပုံစံမျိုးနဲ့အမြဲတမ်းဆိုတယ်။နောက်ဆုံးတော့ရွှေမှုံပဲလက်လျှော့သွားရတာချည်းပဲကူးကရွှေမှုံစကားကိုအလေးမထားသလို။ဂရုမစိုက်သလိုပြောင်စပ်စပ်လုပ်ပြီးအမြဲတမ်းအဆုံးသတ်စေတယ်လေ။
"ငါမောင့်ကိုချစ်တဲ့အချစ်ကသာမာန်အချစ်မျိုးမဟုတ်ဘူးရွှေမှုံရဲ့။ကောင်းကင်ပေါ်ကဆင်းသက်လာတဲ့အချစ်၊ဒါကြောင့်၊မောင့်အတွက်အားလုံးစွှတ်လွှတ်ပစ်လိုက်ဖို့ဝန်မလေးဘူး။နင်ဘာမှလာပြောမနေနဲ့အပိုပဲ"
အခုလည်း။မောင်နဲ့ရုပ်ရှင်ကြည့်ပြီးတစ်နေကုန်လျှောက်လည်မယ့်အကြောင်းပြောတော့ရွှေမှုံကအားမလိုအားမရပုံစံနဲ့ကူးကိုဘာတားမြစ်စကားမှမဆိုပဲလက်မြှောက်တယ်ဆိုတဲ့ပုံစံမျိုးနဲ့ကျန်ရစ်ခဲ့တယ်လေ။မောင်နဲ့အတူလျှောက်လည်ကြတော့ကူးလေရင်ခုန်သံတွေမြန်ပြီးပျော်လိုက်တာဆိုပြောမနေပါနဲ့တော။့ပထမဆုံးရုပ်ရှင်သွားကြည့်ကြတယ်။ရုပ်ရှင်ကြည့်တော့မောင်ကကူးကိုနေကြာစေ့လေးတွေကိုအခွံခွာကြွေးတယ်။ကူးကမောင်ရဲ့ပခုံးလေးထက်မှာမှီပြီးချစ်ခြင်းရဲ့အနှစ်သာရကိုကောင်းကောင်းကြီးပုံဖော်ခံစားနေမိတယ်။အဲဒီအချိန်လေးပါပဲကူးရင်ခုန်သံတွေပူနွေးလှိုက်ဖိုလို့နာရီတွေကိုရှေ့မဆက်စေချင်တော့တာ။ကူးအတွက်ဒီလိုအချိန်မျိုးလေးတွေကရွှေအဆင်းနဲ့လင်းနေတဲ့တန်ဖိုးဖြတ်လို့မရတဲ့အချိန်မျိုးလေးတွေဆိုတာသေချာတယ်လေ။ရုပ်ရှင်ကြည့်ပြီးတော့ကူးနဲ့မောင်နေ့လည်စာသွားစားကြတယ်။ပြီးတော့၊ထုံးစံအတိုင်းဦးပိန်ကိုသွားခဲ့ကြတယ်။ဦးပိန်ရောက်တော့နှစ်ယောက်သားလက်ချင်းယှက်လို့တံတားပေါ်တက်ခဲ့ကြတယ်။ချစ်စကားလေးတွေသီကျူးကြတယ်။ဘဲဥပုံနေကာမှန်လေးကိုတပ်ပြီးအပြာရောင်Giordanoဘောင်းဘီလေးနဲ့အဖြူရောင်တီရှပ်အကျီလေးကိုတွဲဖက်ဝတ်ဆင်ထားတဲ့ကူးဆင်မြန်းပေးထားတဲ့အရာလေးတွေနဲ့ချောမောခန့်ညားလွန်းနေတဲ့မောင့်ပုံစံလေးကမင်းသားတွေတောင်လက်မြှောက်ရမယ့်အနေထားမျိုးလေ။မောင်နဲ့အတူအပြင်သွားဖြစ်တဲ့အခါတိုင်းကောင်မလေးတွေကမောင့်ကိုလည်ပြန်ငေးကြည့်သွားကြပြီးကူးကိုအားကျသွားတဲ့ပုံစံမျိုးကူးအမြဲတမ်းကြုံရတယ်။အဲဒီကိစ္စနဲ့ပတ်သက်ပြီးမောင့်ကိုကူးသဝန်တိုမိတာလည်းအကြိမ်ကြိမ်ရယ်လေ။ဖြစ်နိုင်ရင်မောင့်မျက်ဝန်းတွေမောင်ဆီမှရှိရှိသမျှအရာအားလုံးတွေကူးတစ်ယောက်အတွက်သာဖြစ်စေချင်တယ်။အခုလည်းတံတားပေါ်မှာချစ်စကားလေးတွေသီကျူးလို့အတူတူကြည်နူးနေမိကြတဲ့ကူးနဲ့မောင့်ကိုလူတွေကအဓိပ္ပါယ်အမျိုးမျိုးနဲ့ငေးကြည့်သွားကြတယ်ဆိုရင်ပဲကူးကမောင့်လက်ကိုလိုတာထက်ပိုပြီးတွဲလို့မဏ္ဍပ်တိုင်တက်ပြလိုက်တယ်လေ။မောင်ကတော့အေးဆေးပါပဲကူးနဲ့အတူရှိတဲ့အခါတိုင်းမောင့်ရဲ့မျက်ဝန်းတွေကကူးဆီကလွဲပြီးတခြားဘယ်သူ့ဆီကိုမှရွေ့လျားမသွားဘူး။ပြီးတော့၊ကူးအပေါ်မှာပဲမောင်ကအာရုံအပြည့်ထားသလိုဆိုတော့ကူးလေမောင့်ကိုချစ်လိုက်တာပြောကိုမနေပါနဲ့တော့။ပြီးတော။့မောင့်ကိုဆုံးရှုံးရမှာလည်းသေမလောက်ကြောက်မိလာခဲ့တယ်လေ။ကူးကမောင့်လက်မောင်းလေးကိုတွဲလို့မြူးတူးနေချိန်မှာမောင်ကသိသိသာကိုတိတ်ဆိတ်လို့ညှိုးနွမ်းနေသယောင်ရှိတာကြောင့်မောင်နဲ့တံတားအဆင်းလေးကစားသောက်ဆိုင်မှာထိုင်ရင်း။မောင်မျက်နှာလေးတစ်ချက်ညှိုးတိုင်းမနေတတ်မထိုင်တတ်ဖြစ်ရသူပီပီ၊မောင့်မျက်နှာလေးဘာကြောင့်ညှိုးနေရသလဲအပြုးလေးနဲ့မေးခွန်းထုတ်လိုက်တယ်ဆိုရင်ပဲမောင်ကထုံးစံအတိုင်း။
"ပိုက်ဆံသုံးသိန်းလောက်အရမ်းလိုအပ်နေလို့ပါကူး"
လို့ဆိုလိုလိုက်တော့မောင့်မျက်နှာလေးကိုငေးပြီးကူးရင်ထဲတော်တော်ကိုမောသွားခဲ့တော့တယ်။ချက်ခြင်းဆိုသလိုပဲမောင့်ရဲ့လိုအပ်ချက်ကိုကူးဖြည့်ဆည်းပေးမှပြီးပြည့်စုံသွားလိမ့်မယ်လို့လည်းကူးတွေးမိတယ်လေ။ပြီးတော့။မောင့်ရှေ့မှာချထားတဲ့samsungnote4ဖုန်းလေးနဲ့။ကူးရှေ့မှာရှိနေတဲ့coolpadဖုန်းလေးရဲ့ကွာခြားချက်ကိုလည်းကူးဝမ်းပမ်းတနည်းစဉ်းစားမိသွားလေရဲ့။ကူးကတော့ကူးဆီမှာဘယ်လိုမပြည့်စုံမှုတွေနဲ့စီခြယ်ထားပါစေ။မောင့်ကိုတော့ပြည့်စုံမှုတွေနဲ့တခမ်းတနားလှပနေစေချင်မိတာကူးဘယ်လိုမှမမှားဘူးလို့ကူးအကြိမ်ကြိမ်တွေးမိခဲ့လို့အခုဆိုကူးဆီကပြည့်စုံမှုတွေက။မောင့်ဆီပြေးကပ်သွားပြီးမောင့်ဆီကမပြည့်စုံမှုတွေကကူးထံပြန်ကပ်လာခဲ့တာကြာခဲ့ပြီပေါ့လေ။
"မောင်ဘာမှစိတ်ပူမနေနဲ့။ကူးရင်ထဲမှာမောင်ရှိနေသရွေ့မောင်အရာအားလုံးအဆင်ပြေနေစေရမယ်"
ကူးကငါးကြော်လေးကိုအချဉ်ရည်လေးနဲ့တို့လို့ဝါးစားလိုက်ပြီးအဲဒီလိုဆိုက်တယ်ဆိုရင်ပဲကူးရဲ့အနမ်းပွင့်တွေနဲ့စီခြယ်ထားတဲ့မောင့်ရဲ့ချစ်စဖွယ်အတိပြီးတဲ့မျက်နှာလေးကအလွှာတစ်ချပ်ကိုခွာချလိုက်သလိုချက်ခြင်းပဲအရောင်ပြောင်းလာခဲ့တယ်။ပြီးတော့။ကူးရဲ့မျက်နှာလေးကိုချစ်ရည်တွေဆွတ်ဖျန်းထားတဲ့ပုံးစံလေးနဲ့ပြုံးပြုံးလေးငေးစိုက်ကြည့်လာခဲ့တယ်ဆိုရင်ပဲကူးလေအဲဒီလိုမောင့်ရဲ့ဆွဲအားပြင်းတဲ့အကြည့်ချိုချိုလေးတွေအောက်မှာအတုံးလိုက်အတစ်လိုက်ကျရှုံးလို့။ကောင်းကင်ပေါ်မြောက်တက်သွားလိုက်ရသလားတောင်ထင်မှတ်မှားရတဲ့အထိမောင့်ကိုအရူးအမူးချစ်မိသွားပြီးကူးအတွက်မောင့်ရဲ့အခုလိုအပြုံးချိုချိုလေးတွေသာထာဝရရှိနေမယ်ဆိုရင်ကူးဘယ်လိုပုံစံနဲ့ပဲပေးဆပ်ရပေးဆပ်ရကူးကျေနပ်နေမှာအမှန်ပဲဆိုတာကူးမကြာခဏတွေးမိတယ်လေ။အဲဒီနေ့ကမောင့်ရောကူးရောအပျော်တွေထပ်တူကြခဲ့တယ်။မောင်ကမောင့်လိုအင်ပြည့်သွားလို့ပျော်သွားရသလို၊ကူးလည်းကူးရဲ့ချစ်တတ်မှု၊ဂရုစိုက်မှု၊ဖြည့်ဆည်းပေးမှုလေးတွေအောက်မှာပီတိတွေဖြာထွက်နေတဲ့ပုံစံမျိုးလေးနဲ့ကူးကိုနှုတ်ဆက်ပြီးဆိုင်ကယ်လေးကိုမောင်းထွက်သွားတဲ့မောင့်ရဲ့ကျောပြင်လေးကိုငေးလို့ကူးလည်း ပျော်ခဲ့တယ်လေ။
"နားလည်ပေးနိုင်လိမ့်မယ်လို့မျှော်လင့်ပါတယ်ကူး။ကူးဆီကလိုအပ်တယ်ဆိုပြီးယူသွားတဲ့ငွေတွေကကျွန်တော် မိန်းမခိုးပြေးဖို့လိုအပ်နေလို့ပါ။ကူးကျွန်တော့်ကိုဘယ်လောက်ထိချစ်တယ်ဆိုတာကျွန်တော်နားလည်ပါတယ်။ ဒါပေမယ့်"
ဘုရား၊ဘုရား။ကြားလိုက်ရတဲ့စကားလုံးတွေကကူးရဲ့နူးညံ့လှတဲ့နှလုံးသားကိုသေနတ်ကြီးနဲ့တစ်ချက်ချင်းပစ် ဖောက်လို့ကူးလွင့်စင်ထွက်သွားလိုက်ရသလိုခံစားလိုက်ရတယ်။ကူးခေါင်းကိုမိုးကြိုးပစ်ချလိုက်လိုက်သလို၊ကူးရင်ဘတ်ကိုအစိမ်းလိုက်ခွဲပြီးကူးအသည်းနှလုံးကိုရက်ရက်စက်စက်ဆွဲနူတ်ယူသွားခြင်းခံလိုက်ရသလို၊ကူးအောက်မျက်နာကျင်သွားလိုက်ရပုံများကူးမျက်ရည်လည်ရွှဲနဲ့အရုပ်ကြိုးပျက်ဖြစ်သွားတဲ့ကူးရဲ့နာကျင်မှုတွေကသက်သေပြလို့နေတယ်။ကူးမခံစားနိုင်တော့တဲ့အဆုံးဖုန်းကိုနားနဲ့ခွာလို့ရှိုက်ကြီးတငင်ငိုကြွေးနေလိုက်မိတယ်။မောင့်မှာကူးမဟုတ်တဲ့အခြားမိန်းမတစ်ယောက်နဲ့အခုလိုခိုးပြေးသွားဖို့နေနေသာသာချစ်သူရှိနေတယ်ဆိုတဲ့အရိပ်ငွေ့လေးတောင်ရှာမတွေ့ခဲ့မိတာကူးရဲ့အသုံးမကျလှတဲ့မဟာအမှားကြီးလား။ဒါမှမဟုတ်။ကူးရဲ့အချစ်တွေကိုလစ်လျူရှုလို့ကူးဆင်မြန်းပေးထားတဲ့တင့်တယ်မှုတွေနဲ့ကူးမဟုတ်တဲ့အခြားမိန်းမတစ်ယောက်ကိုခိုးပြေးသွားရက်တဲ့မောင့်ရဲ့အမှားလား။ကူးမဝေခွဲတတ်တော့ပါဘူး။သေချာတာကတော့။ကူးအမြဲတမ်းရေရွတ်လေ့ရှိတဲ့ကောင်းကင်ပေါ်ကဆင်းသက်လာတဲ့ကူးရဲ့အချစ်တွေဟာမောင့်အတွက်ဘာမှအသုံးမဝင်တော့ဘူးဆိုတာနဲ့ကူးအတွက်လည်းကူးနှလုံးသားကိုရက်ရက်စက်စက်ခွဲဖြတ်သွားတဲ့အသွားထက်တဲ့ဓားတလက်ဖြစ်စေခဲ့တယ်ဆိုတာပါပဲ။အဲဒီကိစ္စနဲ့ပတ်သက်ပြီးဆိုင်ရှင်ကကူးကိုဘာမှမထူးဆန်းတဲ့ပုံစံနဲ့နေခဲ့ကြည့်ခဲ့ပြောခဲ့သလို။ရွှေမှုံကလည်းအဲဒီအတိုင်းပါပဲ။ငါထင်ထားတာကွက်တိကိုမှန်နေခဲ့တာပဲ"လို့တရှုံ့ရှုံ့နဲ့ငိုနေတဲ့ကူးရဲ့ငိုပွဲကိုတစိမ့်စိမ့်ကြည့်ရင်းပြောခဲ့ပါတယ်။ဘယ်လိုပဲဖြစ်ဖြစ်။နောက်ဆုံးတော့။ကူးသိပ်ချစ်ရတဲ့မောင့်အတွက်၊မောင်စိတ်ချမ်းသာဖို့အတွက်၊မောင့်မျက်နှာလေးတစ်ချက်ညှိုးရင်ပဲမနေတတ်သူပီပီကူးဖြည့်တွေးလို့၊မောင့်အပေါ်အဆုံးစွန်ထိနားလည်ဖြည့်ဆည်းပေးနိုင်သူတစ်ယောက်ဖြစ်အောင်ကြိုးစားနေပြီးခဲ့တဲ့အဆုံး၊ကူးမောင်နဲ့ချစ်ရည်လူးခဲ့တဲ့။မောင့်အငွေ့သက်တွေ၊မောင့်ခြေရာတွေ၊မောင်စံပျော်ရာမန္တလေးမြို့ကြီးနဲ့ဝေးရာအရပ်ကိုအရောက်သွားဖို့ကူးရဲ့ဆိုင်ရှင်နဲ့ကူးအတွက်မရှိမဖြစ်တဲ့သူငယ်ချင်းရွှေမှုံရဲ့အကြံပေးစကားအောက်မှာကူးလိုက်နာလို့၊ကူးဘဝ၊ကူးမျှော်လင့်ချက်၊ကူးရပ်တည်ချက်တွေအကောင်ထည်ပေါ်လာဖို့အရေးကူးအစွမ်းကုန်ကြိုးစားသွားပါ့မယ်လို့ကတိပေးရင်းမျက်ရည်တွေတသွင်သွင်စီးကျနေတဲ့ကူးရဲ့ဆိုင်ရှင်နဲ့ရွှေမှုံရှေ့ကနေပြေးထွက်လာခဲ့ပြီးကူးကိုကူးချစ်တဲ့အရပ်ကနေနယ်နိမိတ်စိမ်းစိမ်းတွေဆီကိုပို့ဆောင်ပေးမယ့်ရန်ကုန်၊မန္တလေးအဝေးပြေးExpressကားကြီးပေါ်ကိုကူးတက်ခဲ့လိုက်ခြင်းဖြင့်ကူးရဲ့ကောင်းကင်ပေါ်ကဆင်းသက်လာတဲ့အချစ်တွေက။ကူးကိုကောင်းကောင်းကြီးခံစားစေခဲ့ရပြီလေ။
################
တရိပ်ရိပ်နဲ့ပြေးနေတဲ့အဝေးပြေးလမ်းမကြီးပေါ်ကExpressကားကြီးပေါ်ကူးတစ်ယောက်အိပ်ငိုက်ခြင်းအလျဉ်းမရှိပဲအတွေးတွေဗရပွနဲ့လိုက်ပါလာတယ်။ကားကြီးပေါ်မှာလိုက်ပါလာတဲ့လူအားလုံးကတော့တိတ်ဆိက်ငြိမ်သက်လို့။အိပ်သူတွေရော။ငိုက်မျဉ်းနေသူတွေရော။တချို့ဆို၊တခွီးခွီးတခေါခေါနဲ့ဟောက်တောင်နေလိုက်ကြသေးရဲ့လေ။ကူးကိုရှမ်းပြည်နယ်မြောက်ပိုင်းကရွာလေးတစ်ရွာမှာမွေးတယ်။ကူးဘဝကအများသူငါလိုပြီးပြည့်စုံမှုဆိုတာဘာမှန်းတောင်မသိခဲ့ရဘူး။ထမင်းကိုဖြစ်သလိုနပ်မှန်အောင်စားခဲ့ရရုံကလွဲလို့တစ်ခါမှခံတွင်းစိုအောင်မစားခဲ့ရဘူး။ကူးအတွက်ဆိုးလွန်းတာကကူးမျက်စိနှစ်လုံးပွင့်ကတည်းကအဖေဆိုတာမမြင်ခဲ့ရဘူး။ကူးအတွက်၊ကူးရဲ့နုနယ်တဲ့နှလုံးသားလေးအတွက်၊ကြောက်ရွံ့ထိတ်လန့်မှုတွေနဲ့အဆုံးသတ်စေခဲ့တဲ့ကူးရဲ့နေ့ရက်တွေကိုပထွေးဆိုတဲ့ဘီလူးသရဲဆန်ဆန်လူတစ်ယောက်ရဲ့ထိကပါးရိကပါးပြောဆိုဆက်ဆံခြင်း။အမြဲတစေမူးရူးနေပြီးအမေ့လုပ်စာထိုင်စားလို့ကူးအပေါ်တစက်လေးမှအမြင်မကြည်ပဲဆဲဆိုကြိမ်းမောင်းခံနေရခြင်းအောက်မှာကူးဘဝရဲ့ငယ်စဉ်ပုံရိပ်တွေကိုခါးခါးသီးသီးဖြတ်သန်းခဲ့ရတယ်။အမေကလည်းကူးဘက်မှာသိပ်မရှိဘူး။ပထွေးရဲ့စကားတစ်ခွန်းအောက်မှာပဲတုံးပိတဲ့ဖားလိုပြားပြားဝပ်ပြီးနေခဲ့ရတယ်။တစ်ခါတစ်ခါ။အမေရောပထွေးရောကကူးပုံစံကိုကြည့်ပြီး"ကျက်သရေကိုမရှိဘူး"ဆိုတဲ့စကားကိုပြောလေ့ရှိတယ်။အဲဒီစကားကိုကူးမခံနိုင်ဆုံးပဲ။နောက်ဆုံးတော့။ရွာကပွဲစားတစ်ယောက်ရဲ့အကူညီနဲ့။ကူးမန္တလေးမြို့ကိုရောက်ခဲပြီး။အခုလို။အောင်မြင်တဲ့အလှဖန်တီးရှင်တစ်ယောက်၊ယောင်္ကျားတစ်ယောက်ကိုအချစ်ကြီးချစ်ခဲ့မိလို့အသည်းတွေဗြန်းဗြန်းကွဲပြီးအဲဒီယောင်္ကျားအတွက်နဲ့စုဆောင်းထားတဲ့ပိုက်ဆံတွေလည်းကုန်၊ကူးမျှော်လင့်ချက်တွေလည်းယိမ်းယိုင်ပျက်စီးလို့အခွံပဲကျန်ခဲ့ရတော့တဲ့မိန်းမတစ်ယောက်ဖြစ်ခဲ့ရတယ်ဆိုပါတော့။( )မိုင်ရောက်တော့အပေါ့အပါးသွားညလည်စာစားဖို့ကားခဏနားပေးလိုက်တယ်ဆိုရင်ပဲကူးလည်းဗိုက်ဆာတာနဲ့ကြက်ထမင်းကြော်တစ်ပွဲ၊sharkတစ်ဗူး၊ရေသန့်တစ်လုံးမှာပြီးစားသောက်နေရင်းက နေ။
"ပြောင်းပြန်စီးတဲ့မြစ်ဆိုတာဘယ်တော့မှလိုရာခရီးကိုရောက်အောင်မစီးဆင်းနိုင်ဘူး"
ဆိုတဲ့ဆိုင်ပိုင်ရှင်ခဏတိုင်းပြောတဲ့အဲဒီစကားကိုကူးပြန်ကြားယောင်နေမိသလို။
"နင့်အချစ်ကကောင်းကင်ပေါ်ကဆင်းသက်လာတဲ့အချစ်ဆိုတာမှန်သလို၊ပြန်လမ်းမရှိတဲ့အချစ်ဆိုတာလည်းမှန်တယ်ကူး။ပြီးတော့၊ဘယ်တော့မှအဆုံးသတ်ခွင့်မရှိတဲ့သိပ်ကိုပူလောင်တဲ့အချစ်ဆိုရင်လည်းမမှားပြန်ဘူး"
ဆိုတဲ့ရွှေမှုံရဲ့စကားကိုလည်းပြန်ကြားယောင်လာမိတယ်။ကူးရင်ထဲကနာကျင်မှုကတဖြည်းဖြည်းနဲ့လှိုက်တက်လာပြန်တယ်။ကူးပိုက်ဆံရှင်းဖို့အိတ်ထဲကိုနှိုက်ကြည့်လိုက်တော့ပိုက်ဆံကတစ်သောင်းယဲ့ယဲ့သာကျန်တော့တယ်။တကယ်ဆို။ကူးအိတ်ထဲမှာပိုက်ဆံတွေရွှန်ပြီးပြည့်နေရမှာမဟုတ်လား။အခုတော့။ကူးပိုက်ဆံရှင်းပြီးtoilet(အိမ်သာ)ရှိရာဆီထွက်လာခဲ့လိုက်တယ်ဆိုရင်ပဲ။ကျား။မ။ခွဲခြားထားတဲ့toilet(အိမ်သာ)တန်းနှစ်ခုကကူးကိုဘယ်ဟာရွေးမလဲဆိုတဲ့ပုံစံမျိုးနဲ့မျက်စပစ်ပြနေသလိုခံစားလိုက်ရတယ်။ပြီးတော့။ရွှေမှုံရဲ့လက်သုံးစကားဖြစ်တဲ့။
"တစ်ခါတစ်ခါငါတို့အဖြစ်တွေကဘယ်ဟာရွေးချယ်လို့ရွေးချယ်ရမှန်းမသိဘူး။ကိုယ်ရွေးချယ်ချင်သလိုရွေးချယ်ခွင့်လည်းမရှိဘူး။အရမ်းကိုနာကျင်စရာကောင်းတယ်သိလားကူး"
ဆိုတဲ့စကားကိုသက်ပြင်းမောတွေကြားကနေကူးပြန်လည်ကြားယောင်မိလိုက်တယ်ဆိုရင်ပဲကူးမောင့်ကိုပြင်း ပြင်းပြပြသတိရသွားလို့ကူးဝမ်းနည်းမှုကကူးနှလုံးအိမ်ကိုခပ်ကြမ်းကြမ်းဝင်ဆောင့်လာတော့တယ်။မောင်သာအခုလိုအနေထားမျိုးမှာကူးဘေးရှိနေခဲ့ရင်ဝေခွဲမရဖြစ်နေတဲ့ကူးရဲ့မျက်နှာလေးကိုငေးပြီးချိုမြတဲ့ပုံစံလေးနဲ့ညီညာတဲ့သွားဖွေးဖွေးလေးတွေပေါ်အောင်ရယ်နေခဲ့မှာအသေချာပဲမဟုတ်လား။
###############
ညှို့ပြင်းရှ
No comments:
Post a Comment