ဝေဒနာ

ဝေဒနာ (ဝတ္ထုတို)
....
     ကျွန်​မ ရုတ်​တရက်​လန့်​နိုးသွား​တော့ ရင်​ခွင်​ထဲ တိုး​ဝှေ့​နေကြတဲ့ ကျွန်​မက​လေး​တွေကို ​တွေ့လိုက်​ရတယ်​။ဘယ်​​လောက်​ပဲ နာကျင်​ပြီး ပင်​ပန်း​မောဟိုက်​​နေပါ​စေ သူတို့်မျက်​နှာ​လေး​တေ
ွမြင်​လိုက်​ရ​တော့လည်း ​ဝေဒနာ​တွေ​ပျောက်​ကွယ်​သွားသလိုပါပဲလား။
     ဒါ​ပေမယ့်​​ပေါ့။ များများစားစားမဟုတ်​ရင်​​တောင်​ နည်းနည်းပါးပါး​လောက်​ဖြစ်​ဖြစ်​ ကျွန်​မကိုယ်​ကျွန်​မ ဂရုစိုက်​ဦးမှဖြစ်​မယ်​။ဒါကလည်း ကျွန်​မအတွက်​​တော့ မဟုတ်​ပါဘူး။ကျွန်​မက​လေး​တွေ ​ရေရှည်​ရပ်​တည်​နိုင်​ဖို့က ကျွန်​မရှိမှ ဖြစ်​မှာမို့​လေ။
     နာကျင်​ပင်​ပန်းတဲ့ဒဏ်​နဲ့ ဆာ​လောင်​​နေတဲ့ဒဏ်​ နှစ်​ခု​ပေါင်းလိုက်​​တော့ မလှုပ်​ချင်​​လောက်​​အောင်​ကို ဖြစ်​​နေတယ်​။ဆာ​လောင်​မှု​တွေ
ပြေ​ပျောက်​ဖို့ ကျွန်​မ ရုန်းကန်​လှုပ်​ရှားရဦးမယ်​။က​လေး​တွေအိပ်​​မောကျ​​အောင်​​စောင့်​ပြီး အသာအယာက​လေး လမ်း​ပေါ်ထွက်​လာခဲ့တယ်​။
     အရင်​တုန်းက​တော့ ကျွန်​မဟာ ခုလို အိမ်​​ခြေယာမဲ့မဟုတ်​ပါဘူး။ကျွန်​မမှာ ​နေစရာရှိတယ်​။စားစရာရှိတယ်​။ချစ်​ချစ်​ခင်​ခင်​နဲ့ ​စောင့်​​ရှောက်​​ပေးသူ​တွေရှိတယ်​။သူတို့ရှိတုန်းက​တော့ ကျွန်​မဘဝ အ​နေ​အစား​ချောင်​ခဲ့ပါတယ်​။ဒါ​ပေမယ့်​ ကျွန်​မဘဝတစ်​​လျှောက်​လုံး ဘယ်​​တော့မှ​မေ့နိုင်​​တော့မှာမဟုတ်​တဲ့ ​အဖြစ်​အပျက်​​တွေကြုံလာခဲ့တယ်​။
"မလုပ်​ကြပါနဲ့ဗျာ။ ကျွန်​​တော်​တို့မှာ ​နေစရာဆိုလို့ ဒီတဲ​လေးပဲရှိတာပါ။
ဟာ မိန်းမ မိန်းမ လုပ်​ကြပါဦးဗျာ ကျွန်​​တော့်​မိန်းမ သတိလစ်​သွားလို့"
"ကိုသာဒွန်း​ရေ မြန်​မြန်​သယ်​ပါ​တော့ ဘူဒိုဇာကြီးလိုက်​ဖြို​နေတာ
ကျွန်​မတို့အိမ်​နား​တောင်​ ​ရောက်​​နေပြီ​တော့"
"ခဏ​လေး​စောင့်​ကြပါဦးဗျာ ရှိကြီးခိုးပါရဲ့"
    ​ပြေးလွှား​အော်​ဟစ်​ ဆူညံသံ​တွေနဲ့ ​တောင်းပန်​ဝန်​ချ ငိုယိုသံ​တွေက နားနဲ့မဆံ့နိုင်​​​လောက်​အောင်​ ဖြစ်​ခဲ့ရပါတယ်​။
   ​နောက်​တစ်​​နေ့မနက်​ ကျွန်​မ ဗိုက်​ဝ​အောင်​ စားပြီးကာစမှာ​ပေါ့....။
"​မိန်းမ​ရေ ဟိုမှာကား​ရောက်​​နေပြီ ပစ္စည်း​တွေတင်​ကြရ​အောင်​ကွာ ကဲ သားနဲ့သမီး ကားနားမှာသွား​စောင့်​​နေ​နော်​ ​လျှောက်​မ​ဆော့နဲ့​တော့"
"​ဖေ​ဖေ သားသားတို့ မိနီမကို ​ခေါ်သွားလို့မရဘူးလားဟင်​"
"ဘယ်​ဖြစ်​မလဲသားရယ်​ ​ဖေ​ဖေတို့​ကျူး​ကျော်​တဲ​လေးတောင်​
အဖျက်​ခံရလို့ သားဦး​လေးအိမ်​မှာ သွားကပ်​​နေရမှာ​လေ"
"ဟုတ်​တယ်​သား မိနီမကို သံ​ယောဇဉ်​ရှိ​လို့​ခေါ်သွားချင်​​ပေမယ့်​ သားဦး​လေးက မကြိုက်​ဘူး။ခွေး​တော့ ​ခေါ်မလာခဲ့နဲ့ အိမ်​ရှုပ်​တယ်​တဲ့ သူ့ဘဝ သူ့ကံအ​ကြောင်းပဲ​ပေါ့ စိတ်​မ​ကောင်း​ပေမယ့်​ ထားခဲ့ရမှာပဲသားရယ်​
အ​မေတို့လည်း ဘယ်​တတ်​န်ိုင်​ပါ့မလဲ"
     သူတို့အနားက​နေမခွာပဲ ရစ်​သီရစ်​သီလုပ်​​နေ​တော့ ကျွန်​မကို ခဏခဏ စိုက်​ကြည့်​​နေခဲ့ကြတယ်​။ သူတို့​တွေ ကား​ပေါ်တက်​သွား​လို့ ကျွန်​မလည်း လိုက်​တက်​​ချင်​ပေမယ့်​ ကျွန်​မကို​​တော့အတက်​မခံခဲ့ကြဘူး။
    ကား​စထွက်​​သွားတော့ ​ခေါ်နိုး​ခေါ်နိုးနဲ့ ကျွန်​မ​ပြေးလိုက်​သွားခဲ့တယ်​။
"မိနီမ​ရေ ငါတို့ကိုခွင့်​လွှတ်​ပါဟယ်​"
    ကားအရှိန်​မြင့်​လာသ​လောက်​ မီ​အောင်​ကျွန်​မ ​ပြေးလိုက်​သွားခဲ့ တယ်​။ဒါ​ပေမယ့်​ တုန်​ယင်​​မောဟိုက်​စွာနဲ့ပဲ အ​ဝေးကရပ်​ကြည့်​ရင်း
ကျွန်​မ ကျန်​ရစ်​ခဲ့ရပါ​တော့တယ်​။ဝမ်းနည်းစိတ်​​နဲ့ တစာစာ​အော်​​ခေါ်​ပေမယ့်​ သူတို့​တွေ ပြန်​လှည့်​မလာခဲ့ကြဘူး။ကျွန်​မနဲ့​ဝေးရာ ​ဝေးရာကို
ထွက်​သွားရင်း တဖြည်းဖြည်း​ပျောက်​ကွယ်​သွားပါ​တော့တယ်​။
အဲ့ဒီ​နောက်​ပိုင်း ပူပင်​​သောက​တွေနဲ့ကျွန်​မ ​နေစရာ၊စားစရာရဖို့ ​
တော်​​တော်​​လေး ကြိုးစားရပ်​တည်​ခဲ့ရပါတယ်​။အခက်​အခဲ​ပေါင်းစုံကို ရင်​ဆိုင်​​ကျော်​ဖြတ်​ရင်း ​လောကဓံအခါး​တွေကို ကြံ့ကြံ့ခံန်ိုင်​​အောင်​ ကြိုးစားခဲ့ရတယ်​။
     ခု​တော့ကျွန်​မ သူတို့မရှိလည်း ​နေတတ်​ခဲ့ပါပြီ။ကြုံရာမှာအိပ်​ပြီးကြုံရာမှာစားတတ်​​နေပါပြီ။ဘဝတူ​တွေအားလုံးနဲ့မဟုတ်​ရင်​​တောင်​ ​တော်​​တော်​များများနဲ့​တော့ အတတ်​နိုင်​ဆုံး ပြဿနာမဖြစ်​​အောင်​ ကျွန်​မစိတ်​ကို ချိုးနှိမ်​ထားတတ်​​နေပါပြီ။မလွန်​ဆန်​နိုင်​တဲ့ သဘာဝအာသီသ
ကို ဖြည့်​ဆည်းမိရင်းနဲ့ ကျွန်​မ ကိုယ်​​လေးလက်​ဝန်​ရှိလာခဲ့တယ်​။ ဒီလိုနဲ့ အချိန်​အတိုင်းအတာတစ်​ခု ဖြတ်​သန်းရင်း ကျွန်​မမှာ ညကမှ​မွေးထုတ်​ထားတဲ့ နှလုံးသည်းပွတ်​ ရင်​နင့်​သည်းချာ က​လေးသုံး​ကောင်​​တောင်​ရှိ​နေပါပြီ။
   ​ဈေးထဲသွားပြီး ရှာစားရတာ တစ်​ခါတစ်​​လေလွယ်​​ပေမယ့်​ တစ်​ခါတစ်​​လေ​တော့ ​တော်​​တော်​ဒုက္ခ​ရောက်​ပါတယ်​။ ညှာတာမှုမရှိ ရိုင်းစိုင်းပြီး ခွန်​အားကြီးမားတဲ့ တစ်​ချို့အ​ကောင်​​တွေနဲ့​တွေ့ရင်​ စားရဖို့​နေ​နေသာသာ အကိုက်​မခံရဖို့ ကိုယ်​လွတ်​ရုန်းပြီး ထွက်​​ပြေးရတတ်​ပါတယ်​။
   ညကမှ မီးဖွားထားလို့ ပင်​ပန်းခဲ့ရ​ပေမယ့်​ ​စောင့်​​ရှောက်​​ပေးမယ့်​ သခင်​​တွေမရှိတဲ့ ကျွန်​မတို့အဖို့ အစာရှာထွက်​ရပြန်​တာပဲ။ဒီမနက်​အဖို့ ရသ​လောက်​​လေးရှာစားရတာ ဗိုက်​ပြည့်​​အောင်​​တော့မဝခဲ့​ပေမယ့်​
ကျွန်​မတင်းတိမ်​နိုင်​ပါတယ်​။ပြန်​​ရောက်​​တော့ ကျွန်​မရဲ့ ချစ်​စရာ
အသည်းတုံး​လေး​တွေက အိပ်​​နေလိုက်​တာမှသိုးလို့။ သူတို့နား
ဝင်​​ခွေလိုက်​​တော့ လှုပ်​လှုပ်​ရှားရှားဖြစ်​လာကြတယ်​။ကျွန်​မရဲ့ရင်​ခွင်​ထဲ တိုး​ဝှေ့လာကြပြီး နို့စို့ကြပါတယ်​။
    ကားလမ်းနဲ့မနီးမ​ဝေး ​ဟောဒီခြုံပုတ်​​လေးဟာ ကျွန်​မတို့မိသားစုရဲ့​ပျော်​စရာသိုက်​မြုံက​လေး​ပေါ့။ကျွန်​မအနားမှာ ဘယ်​သူမရှိ​တော့ရင်​​နေ ကျွန်​မက​လေး​တွေရှိရင်​ပဲ ပြီးပြည့်​စုံပါတယ်​။စား​ကောင်း​သောက်​​ကောင်း​တွေကို ဝဝလင်​လင်​မစားရရင်​​နေ ထမင်းအသိုး ငါးအရိုး​​လောက်​ကိုပဲ မဝမလင်​စား​သောက်​ရင်း ကျွန်​မက​လေး​တွေအတွက်​ အဟာရဝဝ
ပြန်​လည်​ဖြည့်​ဆည်း​ပေး​နေရရင်​ကို ပီတ်ိ​တွေနဲ့ ကျွန်​မ
ဝမ်းဝတယ်​လို့ မှတ်​နိုင်​ပါတယ်​။
      တစ်​​နေဝင်​တစ်​​နေထွက်​နဲ့ ရက်​နည်းနည်းကြာလာ​တော့ ကျွန်​မက​လေး​တွေ မျက်​လုံး​လေး​တွေ ပွင့်​လို့လာပါပြီ။သန်​သန်​မာမာနဲ့ ဝဝကစ်​ကစ်​က​လေး​တွေက သူတို့လက်​က​လေး​တွေနဲ့ ကျွန်​မရဲ့​ရွှေရင်​မွှာ​တွေကို တွန်းထိုးပြီး​တော့လည်း စို့တတ်​​နေကြပြီ။
ဟိုနားဒီနားကိုလည်း ​တောက်​​တောက်​​တောက်​​တောက်​နဲ့ ​
လျှောက်​သွား​နေတတ်​ကြပြီ။သူတို့အချင်းချင်းလည်း
လုံး​ထွေးရစ်​ပတ်​လို့ ​ဆော့ကစားတတ်​ကြပြီ။
      ကျွန်​မအိပ်​​ပျော်​​နေတုန်းမှာ ချွတ်​ချွတ်​ချွတ်​ချွတ်​အသံကြားလို့ နိုးသွားပြီး ​ခေါင်း​ထောင်​ကြည့်​လိုက်​​တော့ ကျွန်​မတို့ရိပ်​မြုံ​လေးအနားမှာ လူနှစ်​​ယောက်​​ရောက်​​နေတယ်​။ကျွန်​မ​က​လေး​တွေအတွက်​ စိုးရိမ်​စိတ်​က ဒိန်းကနဲတက်​လာတယ်​။
"ဂါး ဝုတ်​ဝုတ်​ ဝုတ်​"
"ကျွတ်​ ကျွတ်​ အို့ အို့ အို့"
    ရုတ်​တရက်​ ​ပြေးကိုက်​ပစ်​လိုက်​ဖို့ အရှိန်​ယူလိုက်​ပြီးမှ သူတို့က
ကျွန်​မကို ခင်​တွယ်​လိုဟန်​ပြ​နေတာ​ကြောင့်​ တစ်​ချက်​​တော့​တွေ​ဝေသွားတယ်​။သူတို့လက်​ထဲက အထုပ်​​လေးကို​ကြည့်​မိ​တော့
အနံ့သင်းသင်း​လေးက ကျွန်​မစိတ်​ကို ညှို့ငင်​လိုက်​သလိုပဲ။
"အို့ အို့ အို့ ​ရော့ဒီမှာ။ နင်​တို့ကို အန္တရယ်​ပြုဖို့ မဟုတ်​ပါဘူးဟ အစာလာ​ကျွေးတာပါ ​ရော့ စား"
    ကျွန်​မ ဆာ​လောင်​စိတ်​က တိုးထွက်​လာ​ပေမယ့်​ အရမ်းကြီး​တော့ မယုံရဲ​သေးပါဘူး။သတိထားပြီး တစ်​ခုခုဆို ​ပြေးကိုက်​လို့ရ​အောင်​ အသင့်​အ​နေအထား​တော့ ပြင်​ဆင်​ထားပါတယ်​။ဒါ​ပေမယ့်​ သူတို့က အထုတ်​က​လေးကို အသာ​ဖြေချ​ပေးပြီး
ဖြည်းဖြည်းချင်းပြန်​ထွက်​သွားပါတယ်​။
     သူတို့မရှိ​တော့မှ အထုပ်​နား အသာတိုးကပ်​ကြည့်​လိုက်​​တော့ အားပါးပါး ​မွှေးလိုက်​တာမှပဲ။ထမင်းနဲ့ငါးရိုးနည်းနည်း ​ရောပြီးနယ်​ထားတဲ့ အဟာရ​တွေ။က​လေး​တွေကိုလည်း​ကျွေးရင်း ကျွန်​မပါစားတာ ဗိုက်​တင်း​လောက်​​အောင်​ လုံ​လောက်​တယ်​။
    ​နောက်​​နေ့​တွေ သူတို့လာလာ​ကျွေး​တော့ ကျွန်​မသူတို့ကို ရန်​မမူ​တော့ပါဘူး။အစာ​ကျွေးတဲ့လက်​ကို ကျွန်​မ​ကောင်း​ကောင်းမှတ်​မိပါတယ်​။သူတို့နှစ်​​ယောက်​က ​နေ့တိုင်း အချိန်​မှန်​မှန်​ အစာလာ​ကျွေးတတ်​ကြပါတယ်​။ကျွန်​မ​က​လေး​တွေကိုလည်း ချီကြည့်​တတ်​ကြပါတယ်​။
"ကိုကြီး ဒီ​ကောင်​​လေးက ချစ်​စရာ​လေး​နော်​ ဝဝကစ်​ကစ်​နဲ့ ဖြူစွတ်​​နေတာပဲ"
"ဟုတ်​တယ်​ကွ သုံး​ကောင်​ထဲမှာမှ အထီးဆိုလို့ အဲဒီတစ်​​ကောင်​ထဲပါတာ။ကျန်​တဲ့နှစ်​​ကောင်​က အမ​တွေဟ"
     တစ်​ရက်​ပြီးတစ်​ရက်​ ​ဖြတ်​သန်းရင်း ကျွန်​မက​လေး​တွေက
နို့တိုက်​စရာမလို​တော့​အောင်​ ကြီးထွားလာပါပြီ။ဒီ​နေ့ အစာလာ​ကျွေး​နေကျအချိန်​​တောင်​ လွန်​​နေပြီ။ သူတို့​ရောက်​မလာကြ​သေး​တော့
ကျွန်​မ​မျှော်​​နေမိတယ်​။လာနိုးလာနိုး​စောင့်​​မျှော်​ခဲ့​ပေမယ့်​ မ​ရောက်​လာတဲ့အဆုံး ကျွန်​မ အစာရှာထွက်​ရပါ​တော့မယ်​။ကျွန်​မက​လေး​တွေလည်း ဆာ​နေ​လောက်​​ရော​ပေါ့။
   ​ဈေးထဲမှာစွန့်​ပစ်​ထားတဲ့ ထမင်းထုပ်​တစ်​ထုပ်​ရလာ​တော့
အားရဝမ်းသာနဲ့ ကျွန်​မက​လေး​တွေဆီ ပြန်​ချီလာခဲ့ပါတယ်​။ကျွန်​မတို့ရဲ့ ရိပ်​မြုံ​လေးဆီကို ပြန်​​ရောက်​​တော့ က​လေး​တွေအနားမှာ ထမင်းထုပ်​တစ်​ထုပ်​​ရောက်​နှင့်​​နေတာ ​တွေ့လိုက်​ရတယ်​။က​လေး​တွေကိုကြည့်​လိုက်​​တော့တစ်​​ကောင်​​လျော့​နေပါ​ရောလား။
  ရင်​ထဲ​ ကျဉ်​ခနဲရောက်​လာတာ ဘယ်​လို​ဝေဒနာပါလိမ့်​။  ပါးစပ်​မှာ ကိုက်​ချီထားတဲ့ ထမင်းထုပ်​ကိုလွှတ်​ချလိုက်​ပြီး ဟိုနားဒီနား
လိုက်​ရှာကြည့်​​ပေမယ့်​မ​တွေ့။တလိမ့်​လိမ့်​တက်​လာတဲ့ ဝမ်းနည်းပူ​ဆွေးမှု​တွေနဲ့အတူ​ခပ်​​လှမ်းလှမ်းမှာ လိုက်​ရှာကြည့်​​ပေမယ့်​လည်း အချည်းအနှီးပဲမို့ ​လေးကန်​တဲ့​ခြေလှမ်း​တွေနဲ့ ပြန်​လှည့်​လာခဲ့တယ်​။
လုပ်​ရက်​လိုက်​ကြတာ။ကျွန်​မဘဝ၊ ကျွန်​မတို့်ိသားစု၊ ကျွန်​မတို့ရိပ်​မြုံ​​လေးနားက​နေ ကျွန်​မနှလုံးသားတစ်​စိတ်​တစ်​​ဒေသ နာကျင်​စွာပဲ့ထွက်​သွားခဲ့ပြီ။
"ကျွီ"
"ဂိန်​ ဂိန်​"
   စူးရှကျယ်​​လောင်​တဲ့ အသံလာရာကားလမ်းဘက်​ကို
လှမ်းကြည့်​လိုက်​​တော့ ဟင်​ ကျွန်​မက​လေး...။
   အလျင်​အမြန်​​ပြေးသွားပြီး အနား​ရောက်​​သွားခဲ့​ပေမယ့်​ အရာအားလုံးက ​နောက်​ကျသွားခဲ့ပြီ။ က​လေးက ​သွေးအိုင်​ထဲမှာ လုံးဝငြိမ်​သက်​လို့။
"​တောက်​ ဒီ​ခွေး​တွေကလည်းကွာ ကားလမ်း​ပေါ်ထိ​ရောက်​တယ်​။သူတို့ကို​ရှောင်​​နေရင်​လည်း ကားပါ​မှောက်​သွားဦးမယ်​။ဟေ့​ကောင်​ ဆက်​ကြည့်​မ​နေနဲ့ ​မောင်း​စရာရှိတာ​မောင်းတော့"
   ရင်​ထဲမှာ ​ဖော်​မပြနိုင်​တဲ့ ​ဝေဒနာများစွာနဲ့။
"အူ...ဝူ"
   ဆွဲဆွဲငင်​ငင်​ ငိုရှိုက်​ပစ်​လိုက်​​ပေမယ့်​ ​ဝေဒနာ​တွေက ​လျော့မသွားခဲ့။
ကျွန်​မရဲ့ ချစ်​လှစွာ​သော ရင်​​သွေး​လေးတစ်​​ကောင်​ ​နောက်​ထပ်​ ဆုံးရှံးလိုက်​ရပြန်​ပြီ။လောကကြီးက မတရားဘူး။ကျွန်​မတို့မိသားစုအ​ပေါ် ထိုးနှက်​ချက်​​တွေများလွန်းတယ်​။ကျွန်​မရဲ့ ​ဝေဒနာဆင်​ရိုင်းကို ဘယ်​လို​ဖြေသိမ့်​စရာမျိုးနဲ့ အချိန်​မီ ချွန်းအုပ်​နိုင်​မှာပဲ။ ဆက်​တိုက်​ဖြစ်​​ပေါ်လာတဲ့ ကြမ္မာဆိုး​တွေနဲ့ ကျွန်​မတို့ဘဝကို ဘယ်​သူကမှ ကရုဏာအနည်းငယ်​​လေး​တောင်​ လာမစွန့်​ကြဲကြ။
အချိန်​ကြာကြာ ဝမ်းနည်းငို​ကျွေးပြီး​နောက်​ ပြန်​ပြင်​ခွင့်​မရှိ​တော့တဲ့ အလှည့်​အ​ပြောင်း​တွေကို​ကျောခိုင်းပြီး ရိပ်​မြုံ​လေးဆီပြန်​ခဲ့တယ်​။
ကျွန်​မမှာ ​နောက်​ဆုံးရင်​​သွေး​လေး
ရှိ​နေပြန်​​သေးတယ်​​လေ။သူ့ကိုလည်း ​စောက်​​ရှောက်​ရဦးမယ်​။
    တစ်​​ကောင်​တည်းကျန်​​နေ​တော့တဲ့ ကျွန်​မရင်​​သွေး​လေးကို လျှာနဲ့သပ်​တင်​​ပေး​နေရင်း အ​တွေးတစ်​ခုဝင်​လာတယ်​။ဒီ​နေရာဟာကျွန်​မတို့အတွက်​ သုခရိပ်​မြုံမဟုတ်​​နိုင်​တော့ဘူး။ဒီ့ထက်​လုံခြုံတဲ့​နေရာ ရှာမှဖြစ်​​တော့မယ်​။
   ကျွန်​မရင်​​သွေး​လေးကို ကိုက်​ချီသယ်​လာရင်း ဇရပ်​တစ်​ခုကို သွား​တွေ့တယ်​။ဇရပ်​​အောက်​​ခြေထဲ တိုးဝင်​သွားရင်း ရိပ်​မြုံသစ်​တစ်​ခု
တည်​​ဆောက်​လိုက်​ပါတယ်​။
အ​မှောင်​ဝင်​ချိန်​ ကြမ်းကြားက​နေ ​မျှော်​ကြည့်​​တော့ လင်း​နေတဲ့​ကောင်းကင်​ကို သွား​တွေ့တယ်​။ကြယ်​​တွေအ​မြောက်​အများခြံရံပြီး ​ပျော်​​နေတဲ့လမင်းကို​ငေးမိ​တော့ ကျွန်​မဘဝနဲ့တစ်​ခြားစီပါလား။ ကျွန်​မအနားမှာ​တော့ ကြယ်​က​လေးတစ်​ပွင့်​ပဲ ကျန်​​နေ​တော့တယ်​။ ရင်ထဲက​ဝေဒနာတွေအတွက်​ ​ပြေ​ပျောက်​လို​ပြေ​ပျောက်​ငြား ​မိုး​ပေါ်ကလမင်းကို တိုင်​တည်​မိလိုက်​တယ်​။
"အူ ဝူ"
     ကိုယ်​တိုင်​အစာရှာစား​သောက်​ဖို့ မလွယ်​ကူ​သေးတဲ့ရင်​​သွေး​တွေအတွက်​ ရှာ​ဖွေ​ကျွေး​မွေးရခြင်းဆိုတာ မိဘ​တွေရဲ့ ဝတ္တရားမဟုတ်​လား။သွားတဲ့​နေရာ ​ခေါ်သွားချင်​​ပေမယ့်​ အန္တရယ်​​ကောင်​​တွေရဲ့
ရန်​ကိုလည်း ​ကြောက်​ရ​သေး​တော့ စိတ်​မချ​ပေမယ့်​ ခဏ​တော့ ထားခဲ့ရတာပါပဲ။
   တစ်​မနက်​လုံးရှာခဲ့​ပေမယ့်​ ဘာအစာမှမရခဲ့လို့ စိတ်​အားငယ်​စွာပြန်​လာချိန်​ ဇရပ်​​အောက်​က ရိပ်​မြုံသစ်​ဆီမှာ ကျွန်​မရဲ့ ​နောက်​ဆုံးရင်​​သွေး​လေး ရှိမ​နေ​တော့ပြန်​ဘူး။ထပ်​ဆင့်​တိုးလာတဲ့ ​ဝေဒနာ​တွေက တစ်​ရစ်​ပြီးတစ်​ရစ်​။
    မဖြစ်​ဘူး မဖြစ်​ဘူး။ကျွန်​မဘဝမှာ သူပဲရှိ​တော့တာမို့ မ​တွေ့​တွေ့​အောင်​ရှာရမယ်​။က​လေး​ရေ ရင်​နင့်​သည်းချာက​လေး​​လေးရေ။အ​မေရင်​​မောလှချည်​ရဲ့ မင်းဘယ်​မှာလဲကွယ်​။
   တစ်​လမ်းဝင်​တစ်​လမ်းထွက်​ လိုက်​ရှာခဲ့​ပေမယ့်​ ကျွန်​မရင်​​သွေး​လေးကို ရှာလို့မ​တွေ့ခဲ့ဘူး။ဆာ​လောင်​​မောပန်းခြင်း​ဝေဒနာ​တွေက
ရင်​ထဲက ပူပင်​​သောက​တွေရဲ့ ​ခြေမှုန်​​ခြေမွှား​လောက်​ကို​တောင်​ မီမယ်​မထင်​။
"ဂိန်​ ဂိန်​ ဂိန်​"
    ခြံတစ်​ခြံ​ရှေ့ကအဖြတ်​ ​အော်​သံကြားလို့ကြည့်​မိလိုက်​တယ်​။
"သမီးငယ်​ ဘယ်​က​ခွေး​ပေါက်​စကို သွား​ခေါ်လာတာလဲ။ဟင်​ တုတ်​နဲ့မရိုက်​​ဆော့နဲ့လေ သူကငယ်​ငယ်​​လေးရှိ​သေးတာ ဘယ်​ခံနိုင်​ပါ့မလဲ"
    ဒါ ဒါ ကျွန်​မရင်​​သွေး​လေးရဲ့ ​အော်​သံပဲ။ဟုတ်​တာ​ပေါ့ ကြည့်​စမ်း ကျွန်​မက​လေး​လေး နာကျင်​​နေရပြီ။ ဟို​ကောင်​မ​လေးလက်​ထဲမှာက တုတ်​ကြီးနဲ့ ပြီး​တော့ ကျွန်​မရင်​​သွေးကို ရိုက်​​နေတယ်​။
    ​ဒေါသစိတ်​​တွေတက်​လာပြီး ​ခြေလှမ်း​တွေက အလိုလို ခြံထဲပစ်​ဝင်​သွားတယ်​။ကိုင်း ကဲဟာ။
"ဟဲ့​ခွေး ဟာ ငါ့သမီးကို ကိုက်​လိုက်​ပြီ လုပ်​ကြပါဦးဟ"
    ​စုပြုံအုံခဲ​နေတဲ့ ​ဒေါသစိတ်​​တွေနဲ့ ဖြစ်​ချင်​ရာဖြစ်​ မလွတ်​တမ်း ခဲထားလိုက်​တယ်​။ကျွန်​မက​လေးကို သူရိုက်​တယ်​။
"ဟဲ့​ခွေး ဟဲ့​ခွေး ဟာ ဒီ​ခွေး​တော့လား ​တွေ့မယ်​"
    ​ခေါ်​ပေါ်ကျလာတဲ့ တုတ်​ပိုင်းကိုမမြင်​နိုင်​ ကျွန်​မက​လေး နာကျင်​​နေမှာကို ​တွေးမိတဲ့ဝေဒနာ​တွေပဲ ​ခေါင်းထဲမှာတဝဲလည်​လည်​။
ကျွန်​မက​လေးကို သူရိုက်​တယ်​။
"​ဖြောင်း ​ဖြောင်း"
"ကဲကွာ ငါ့က​လေးကို ကိုက်​ဦး"
    ​ခေါင်းထဲမှာ ပူခနဲဖြစ်​သွားပြီး မျက်​လုံး​တွေပြာ​ဝေသွားတယ်​။ဒါ​ပေမယ့်​ ရင်​ထဲက ​ဝေဒနာက ပိုကြီးတယ်​။
ကျွန်​မက​လေးကို သူရိုက်​တယ်​။
"ကဲကွာ ငါ့က​လေးကို ကိုက်​ဦး"
   ​ထပ်​ကျလာတဲ့ အားပြင်းတဲ့ရိုက်​ချက်​​တွေ​ကြောင့်​ ကိုက်​ထားတာ လွတ်​ထွတ်​သွားပြီး  ​မြေ​ပေါ်​ပုံလဲကျသွား​တယ်​။ဘာမှမမြင်​ရ​တော့ပဲ လှုပ်​ရှားနိုင်​ခြင်းမရှိ​တော့​ပေမယ့်​ လွတ်​ထွက်​သွားကာနီးစိတ်​ထဲမှာ
သိ​နေတာက တစ်​ခုတည်း။ကျွန်​မက​လေးကို သူရိုက်​တယ်​။
"ကဲကွာ ငါ့က​လေးကို ကိုက်​ဦး"
    ​နောက်​ထပ်​ရိုက်​ချက်​တစ်​ချက်​မှာ အရာအားလုံး အ​မှောင်​ဖုံးသွားပြီး ​ဝေဒနာ​တွေချုပ်​ငြိမ်းသွားတယ်​။
ဒါ​ပေမယ့်​ ​ဝေဒနာတစ်​ခု​တော့ ကျန်​​သေးတယ်​။
ကျွန်​မ​က​လေးကို သူရိုက်​တယ်​။
ကျွန်​မက​လေးကို သူရိုက်​တယ်​။

နတ်​​စောင်း(ကျိုက်​ထို)

၂၀၁၈ ​ဖေ​ဖော်​ဝါရီလထုတ်​
`ဗုဒ္ဓအသံ´ မန္တ​လေး သီတဂူဗုဒ္ဓတက္ကသိုလ်​ နှစ်​လည်​မဂ္ဂဇင်း

ဆရာ့ page မှကူးယူဖော်ပြပါသည်
မွန်းလေးဖေဖေ