ဘာသာပြန်ကဗျာများ(၁၂)ပုဒ်​ _​ဇေယျာလင်း

ဘာသာပြန်ကဗျာများ(၁၂)ပုဒ်​
_​ဇေယျာလင်း
________________________________
.
မိမိနိုးထလာတယ်
=============

မိမိနိုးထလာတယ်
အဲဒါနိုင်ငံရေးပဲ။
မိမိကော်ဖီဖျော်လိုက်တယ်၊ကော်ဖီဟာနိုင်ငံရေးပဲ။
မိမိရေချိုးတယ်၊ရေဟာနိုင်ငံရေး။
ဘောင်းဘီတိုတိုလေးနဲ့ ဘော့ဘ်မိုက်ဇာအပေါ်အင်္ကျီ
ကျပ်ကျပ်နဲ့လမ်းလျှောက်ထွက်တယ်၊အဲဒါဟာ
နိုင်ငံရေးပဲ၊လမ်းလျှောက်တာ၊ဘောင်းဘီတို၊
ဂျီစတရင်းဂ်ပဲဝတ်ထားတဲ့ဗလကြီးရဲ့
ရောင်စုံမိတ်ကပ်လူးထားပုံ။
နေကာမျက်မှန်မိမိမေ့ကျန်ခဲ့တယ်၊ပြီး၊မကြာခင်မှာ
မိမိဟာရထားပေါ်ရောက်နေတယ်၊အဲဒါနိုင်ငံရေးပဲ။
ရထားတွဲပေါ်ကကိုလူချောတစ်ယောက်စီရဲ့
မျက်နှာတွေမိမိစေ့စေ့ကြည့်လိုက်တာ၊
ဘယ်သူပိုချောသလဲလို့မိမိထင်မြင်တာဟာ
နိုင်ငံရေးပဲ။ တက္ကသိုလ်မှာမိမိအလုပ်သွားလုပ်တယ်၊
အရာရာဟာထင်ထင်ရှားရှားနိုင်ငံရေးတွေပဲ၊
ဘာသာရပ်ဌာနတွေနဲ့အဆောက်အအုံတစ်ခုလုံး။
အတန်းတစ်တန်းနဲ့တစ်တန်းကြားမိမိသောက်တဲ့
ဆေးလိပ်တိုင်းဟာနိုင်ငံရေးချည့်ပဲ။ သောက်ပြီး
ပစ်ချလိုက်တဲ့နေရာဟာလည်းနိုင်ငံရေးပါပဲ။
မိမိဆံပင်ဟာရွှေဝါရောင်။
အဲဒါကိုကနိုင်ငံရေး။
ရွှေဝါရောင်ဆံပင်ကို blond လို့ပေါင်းမလား၊
blonde လို့ပေါင်းမလား။အဲဒါနိုင်ငံရေး။
မိမိဆံပင်ရှည်ထားတယ်။ဟုတ်ပ၊နိုင်ငံရေး။
မိမိခေါင်းတုန်းတုန်းလိုက်တယ်၊ဒါလည်းနိုင်ငံရေး။
အမေရိကန်မှာတစ်ယောက်ယောက် အသတ်ခံရလို့
မိမိဝမ်းမနည်းတာဟာနိုင်ငံရေး။ အမေရိကန်ဟာ
တစ်ယောက်ယောက်ကိုသတ်လိုက်တာဟာနိုင်ငံရေး။
သတ်ခံရသူဟာဘယ်သူ၊ဘာအသားအရောင်၊ဘာလိင်၊
မိမိနဲ့ဘာတော်စပ်၊အဲဒါတွေဟာနိုင်ငံရေးပဲ။ ခလေးဘဝလို
ခိုကားရာမဲ့ခံစားရတယ်အဲဒီအကြောင်းတွေစဉ်းစားတိုင်း။
မိမိဟာခလေးအရွယ်ပဲရှိသေးတယ်။အဲဒါနိုင်ငံရေး။
ယောက်ျားဖြစ်ပြီးယောက်ျားမပီသတာ၊အဲဒါနိုင်ငံရေး။
ဘောလုံးကစားလို့ဘောလုံးကိုမိအောင်မဖမ်းနိုင်တာ၊
အဲဒါနိုင်ငံရေး။မိမိရဲ့မိခင်ဟာ မိမိကို အိပ်ရာဝင်ပုံပြင်
ညတိုင်းနီးပါးဖတ်ပြတယ်။မိမိရဲ့မိခင် အဲသလိုလုပ်နိုင်တာဟာ
နိုင်ငံရေးပဲ။အဖေ့ပိုက်ဆံတွေဟာအသစ်ချပ်ချွတ်ဖြစ်တာ၊
အဲဒါဟာလည်းနိုင်ငံရေး။တစ်ခုခုကိုသက်သေပြနေတာ
ဖြစ်တယ်။တစ်ယောက်ကမိမိကို 'အခြောက်' လို့ခေါ်တယ်။
အဲဒါဟာနိုင်ငံရေးပဲ။မိမိကိုမိမိ 'အခြောက်' လို့ခေါ်လိုက်တာ
အဲဒါလည်းနိုင်ငံရေး။တကယ့်ဘဝနဲ့  ခက်ခဲတယ်လို့
ခံစားရတဲ့မိမိဘဝရဲ့ ကွာခြားမှုဟာနိုင်ငံရေး။
မိမိဟာ စာရေးဆရာဖြစ်လာနိုင်မယ်လို့တွေးမိပြီး
အဲသလိုတွေးမိတာကိုကနိုင်ငံရေးပဲ။ မိမိဟာ
နိုင်ငံရေးကဗျာဆရာလို့ မိမိမထင်ပေမယ့်
မိမိရဲ့စိတ်ကူးတွေဟာနိုင်ငံရေးတွေဆန်နေတယ်။
တကယ်ပါပဲ၊မိမိအိပ်မောကျနေခဲ့တဲ့တလျှောက်လုံးဟာ
နိုင်ငံရေးတွေချည့်ပါပဲ။  ။

ဂျေးမ်စင်န် ဖစ်တ်ဇ်ပက်ထရစ်က်

Poetry (January 2017)  ပါ
Jameson Fitzpatrick ရဲ့
' I Woke Up'
_____________________________________________
နမ်းရှုပ်ခြင်း
--------

နမ်းရှုပ်ခြင်းဟာရုန်းရင်းဆန်ခတ်တွေ၊ထိုးနှက်ရိုက်ထုခြင်းတွေ၊
    ဒါမှမဟုတ် လေကိုတဝကြီးရှူရခြင်းတွေမှာဖြစ်တတ်တယ်။
နှုတ်ခမ်းနဲ့နှုတ်ခမ်းချင်းဖြစ်စေ၊အခြားအစိပ်အပိုင်းနဲ့ဖြစ်စေ၊
    ဖိထိလိုက်တာဟာနှလုံးသားဝိဥာဉ် ၂ခုကိုဆောင့်နှိုးလိုက်တာပဲ။
နို့တိုက်သတ္တဝါတွေပဲနမ်းကြသလား။ကင်းလိပ်ချောတွေ   
      ပိုးကောင်တွေနမ်းတာမြင်ဘူးလား။
မိမိတို့ရဲ့တည်ကြည်လေးနက်တဲ့ရုပ်ကြီးနဲ့မုတ်ဆိတ်စားပွဲထိုးကို
      နမ်းရှုပ်ဖို့ရှင်စိတ်ကူးကြည့်လို့ရသလား။
ဒီအနမ်းဟာရေရှည်စောင့်မျှော်ခဲ့ရတဲ့အမိန့်ကိုချမှတ်လိုက်တာ
      ဖြစ်တယ်။
နမ်းရှုပ်ခြင်းဟာအန္တရာယ်ကြီးတဲ့ခရီးလမ်းကြောင်းမြေပုံကို
      ချဆွဲလိုက်တာဖြစ်တယ်။
နမ်းရှုပ်ခြင်းဟာဘေးကင်းဂါထာရွတ်ပေးသလိုဒဏ်ရာအနာတရ
      ပြုလုပ်ခြင်းရဲ့ရှေ့ပြေးနိမိတ်လည်းဖြစ်တယ်။
မှတ်တမ်းတင်ရတဲ့အအေးခဲဆုံးဆောင်းရာသီထဲဥရောပဟာ
     ဆိုးဆိုးဝါးဝါးကျရောက်သလိုနမ်းရှုပ်ခြင်းဟာ
     နမ်းသူနှစ်ယောက်ကိုဖိဖိစီးစီးဖမ်းစားဆုပ်ကိုင်ထားတယ်။
နမ်းရှုပ်ခြင်းဟာကိုယ်ခန္ဒာရဲ့အလိုတူဖို့စိတ်ဒုန်းဒုန်းချလိုက်တာကို
      ရှင်းရှင်းလင်းလင်းပြသတယ်။
နမ်းရှုပ်ခြင်းဟာ မရှိတော့တဲ့ text ကို ပြန်ညွှန်းသလို      
      အဲဒီ text ကိုပဉ္စလက်နဲ့ပြန်လည်ကြိုးစားခေါ်ယူတာ
      ဖြစ်တယ်။

အေမီ ဂါ့စ်တ်လာ ( အမေရိကန်)
Amy Gertsler ရဲ့ Kissing
____________________________________________
စကားလုံးများ
----------

ရေကိုပင်အပ်နဲ့ဖမ်းယူတယ်
ရေဟာနောက်ကျိညစ်ပေသွားတော့တယ်။
သစ်ပင်ကိုလက်နဲ့ညွှန်လိုက်တာ
သစ်ပင်ဟာမီးစွဲလောင်တော့တယ်။
လိုင်းတွေ(ပါဒတွေ)ကိုအရိပ်တစ်ခုနဲ့ခွဲလိုက်တယ်။
တံခါးကိုဖွင့်လိုက်တယ်
ချစ်ခြင်းတရားဝင်လာစေ
သေခြင်းဝင်လာစေ။ ။

တိုမာ့ရှ် ဆားလမန်း (ဆလိုဗီးနီးယား)
Tomas Salamun ရဲ့  Words

____________________________________________
ဘုရားသခင်နဲ့မိမိပိုနီးစပ်ချင်လို့
------------------------------------

ဟောဒီကမ္ဘာကြီးမှာသင်ဘာလုပ်နေတာလဲ။
ဘုရားသခင်ကမိမိကိုတစ်ချိန်လုံးဓာတ်ပုံရိုက်နေလို့
မိမိကိုယ်မိမိလှတပတနေနေရတယ်လေ။

မိမိဟာဘုရားသခင်ကိုကိုယ်တော့်ခန္ဓာပေးလိုက်တယ်။
လူတွေကိုသေစေပြီးလူအသစ်တွေလုပ်နေမယ့်အစား
အခုရှိနေတဲ့လူတွေကိုပဲဆက်လက်ထားရှိလိုက်ပါလား။

ယေရှုဟာမိမိတို့ အိမ်ကိုသုညစက္ကန့်အတွင်းမ,နိုင်တယ်။
ယေရှုဟာသူ့ညီအကိုတွေနဲ့ဆူပါမာရီယိုကစားမယ်။

မိမိရဲ့ဘုရားသခင်ဟာမိမိကိုပိုက်ဆံပေးတယ်။ဘုရား
သခင်ဟာချစ်ဖို့ကောင်းတယ်။ဘုရားသခင်ကိုမိမိ
ချစ်တယ်။များသောအားဖြင့်တော့ခရီးလွန်နေတတ်ပါတယ်၊
ကိစ္စမရှိပါဘူး။ဘုရားသခင်ရဲ့ချောကလက်ကို မိမိ
စားလိုက်တယ်။အရမ်းကောင်းတာပဲ။ဘုရားသခင်ဟာ
အတော်ဆုံး အကောင်းဆုံးပဲ။

နတ်ဘုရားတွေဟာငကြောင်တွေပဲ။
မနေ့ညကပဲမိမိတို့ရဲ့နောက်ဖေးခြံမှာ
တစ်ပါးကိုတွေ့လိုက်တယ်။
အမြီးကအမွေးအတောင်တွေကိုခါပြတယ်။

ဘုရားသခင်ဟာအသိုက်တွေဆောက်တယ်။
ဦးခေါင်းကတစ်မျိုးကြီးပဲ။
ဘုရားသခင်ကိုထိလိုက်ရင်
ဘုရားသခင်ကအဆိပ်ဆူးနဲ့ပြန်တုပ်တယ်။
ဘုရားသခင်ရဲ့တောင်ပံတွေဟာအရိုးပေါ်အရေတင်။
ဘုရားသခင်ရဲ့ဦးခေါင်းကိုမိမိကြိုက်တယ်။
ဘုရားသခင်ဟာပိုက်ဆံတွေကိုပြုလုပ်တယ်။

ဘုရားသခင်ကိုမိမိကြိုက်ပြီး
မိမိကိုဘုရားသခင်ကကြိုက်တယ်။
ဘုရားသခင်တွေဟာအဝါရောင်။ဘုရားသခင်ဟာ
အသားစားတယ်။ဘုရားသခင်ဟာမြင်နိုင်တယ်။
ဘုရားသခင်ဟာအရက်သောက်တယ်။
ဘုရားသခင်ဟာထိုးကြိတ်တတ်တယ်။

ဘုရားသခင်ဟာဥတွေဥတယ်။
ဘုရားသခင်ရဲ့နှလုံးကတစ်မျိုးကြီးပဲ။ဘုရားသခင်ရဲ့
ကျောကုန်းဟာပျော့စိစိ။ဘုရားသခင်ရဲ့
ဦးခေါင်းဟာဝတုတ်ကြီး။
ဘုရားသခင်ရဲ့အမြီးဟာနှလုံးတစ်ခုဖြစ်တယ်။

ဘောလုံးကိုသင်ကန်တယ်။ဘောလုံးကိုသင်
အမြင့်ကြီးကန်လိုက်တယ်။ဘောလုံးကိုသင့်လက်နဲ့
သင်မထိဘူး။သင်ဟာသင့်ကိုသင်မြေကြီးပေါ်တမင်
မလှဲချဘူး။

မိမိရဲ့ဘုရားသခင်ဟာအရိုးသေးသေးလေးတွေကို
စားတယ်။မိမိရဲ့ဘုရားသခင်အိပ်ပုံဟာတစ်မျိုးကြီးပဲ။

မိမိရဲ့ဘုရားသခင်ဟာ ပစ်လိုက်တဲ့ဘောလုံးကို
ပြေးကောက်ပြီးပြန်လာပေးတယ်။
မိမိရဲ့ဘုရားသခင်ဟာချစ်ဖို့ကောင်းတယ်။
မိမိရဲ့ဘုရားသခင်ဟာပိစိညောင့်တောက်လေး။
မိမိရဲ့ဘုရားသခင်ဟာအမည်း။

ဘုရားသခင်မှာမိမိလိုမျက်လုံးရှိတယ်။
ဘုရားသခင်ဟာမိမိလို ရေခဲမုန့်စားတယ်။
ဘုရားသခင်ဟာသန့်ရှင်းရေးကောင်းကောင်းလုပ်တယ်။
ဘုရားသခင်ဟာမာန်ဖီပြီးတိရိစ္ဆာန်တွေကိုသတ်ဖြတ်တယ်။
မိမိကသတ်စရာမလိုဘူး။မိမိရဲ့အမေဟာ
ထမင်းဟင်းချက်တော်တယ်။

'ဘုရားသခင်လေးဟေ့'
လျှောက်ပြေးလွှားပြီးအော်ဟစ်နေတာ
"ငါ့မှာ ဗဂျိုင်းနား ရှိတယ်"
မေမေရေ...ဘာလို့သူ့မှာအပေါက်ရှိနေတာလဲဟင်။

မေမေရေ၊အဲဒီအမျိုးသမီးရဲ့ဘောင်းဘီဟာဧရာမပဲ။
ဘုရားသခင်ဟာနေရာတိုင်းမှာရှိနေရင် ဘုရားသခင်ဟာ
မိမိရဲ့အတွင်းခံဘောင်းဘီထဲမှာလည်းပဲရှိနေမှာပဲ။

ဘုရားသခင်အကြောင်းမိမိစဉ်းစားနေတာမဟုတ်ဘူး၊
ဖတ်ပဲဖတ်နေတာ။ အဆုံးသတ်ကိုလည်းမမှတ်မိတာ
မကောင်းလို့ပဲဖြစ်မှာပါ။ ပိုကောင်းတဲ့အဆုံးသတ်
မိမိပေးမှဖြစ်တော့မယ်။

နတ်ဘုရားတွေဟာမိုက်တယ်။
နတ်ဘုရားတွေဟာမီးပန်းမှုတ်တယ်။
နတ်ဘုရားတွေဟာလျှောက်သွားတယ်။
နတ်ဘုရားတွေဟာအစိမ်းရောင်။
နတ်ဘုရားတွေဟာလူသားတွေကိုမုန်းတီးတယ်။
နတ်ဘုရားတွေဟာအစောင့်အရှောက်တွေဖြစ်နိုင်တယ်။
နတ်ဘုရားတွေဟာပျံသန်းနိုင်ကြတယ်။

ဘုရားသခင်ဟာဒိုင်နိုဆောကိုစူးစိုက်ကြည့်လိုက်တယ်
ဒါပေမယ့်ဒိုင်နိုဆောမှာစိတ်ကောင်းရှိတယ်။   ။

ကေသီ ဒက်ဂင်းန်တက်ရှ် (အမေရိကန်)
Katie Degentesh ရဲ့
I Wanted to Feel Closer to God

____________________________________________

အခြားဘာရှိသေးလဲ
-------------------------

အများကြီးကျန်သေးတယ်၊မိမိတို့
မမြင်ဘူးကြသေးတာတွေ၊ပန်းချီကားတွေမှာ။
ဆိုပါစို့၊နှင်း၊အခုကျနေတဲ့နှင်း၊အခု ၅:၁၉ တိတိမှာ
ကျနေတဲ့နှင်း။ကောင်းကင်ဟာသူ့ဆည်းဈာရောင်ကို
ဆက်လက်ထိမ်းသိမ်းထားချိန်မှာ
နှင်းဟာလာဗင်န်ဒါ
အစိမ်းဖြစ်ဖို့ကိုငြင်းဆန်နေတဲ့အပြာ။

ပြီး၊ရှိသေးတယ်၊အမဲသားတွေ၊
မိမိတို့ဟာဘယ်သူတွေ၊မိမိတို့ရဲ့အဓိပ္ပါယ်ဟာဘာ၊
အဲဒါတွေနဲ့မသတီစရာပတ်သက်လို့။
အရိုးတွေ၊အတွင်းကလီဇာတွေ။မသိနိုင်ဘူးလေ
ဘာလို့အများကြီးရှိနေသေးတာ

ဘယ်သူမှသတိမပြုမိ၊ဘယ်သူမှမှတ်ချက်မပေး၊
ဆီလျှော်တည့်မတ်မှုအကာအရံရဲ့
နောက်ကွယ်မှာ။မိမိတို့အကျိူးကိုထမ်းဆောင်တဲ့
ယန္တယားတစ်ခုကိုမိမိတို့ အလုပ်အကျွေးပြုကြတယ်---
မိမိတို့ရဲ့မျက်လုံးပေါ့။
ယင်းဟာနေ့ကိုမြင်တယ်။
မြင်ခြင်းပေါ်မှာမလိမ်ညာဘူးလို့
ယင်းကိုယင်းထင်တယ်။
အများကြီးကျန်ရှိနေသေးတယ်။ ။

တော်မ် ဒစ်စ်က်(အမေရိကန်)
Tom Disch ရဲ့
What Else Is There

____________________________________________
နျူးယော့က်ဟာနျူးယောက့်ပဲဆိုတော့လည်း
--------------------------------------------

နျူးယော့က်ဟာဘယ်တော့မှမအိပ်တဲ့မြို့တော်မဟုတ်ဘူး။
နျူးယော့က်ဟာဘယ်သူဘယ်ဝါမှဟုတ်တိပတ်တိမရှိကြတဲ့
    မြို့တော်ဖြစ်တယ်။
အဲဒါကြောင့်လည်းဘယ်သူကမှဘာကိုမှ
     ဟုတ်တိပတ်တိမကြောက်ကြဘူး။
နျူးယော့က်ဟာ ၂၂ အော်တိုမက်တစ်က်ဘရွတ်ကလင်န်တွေ၊
       ဓာတ်ငွေ့ဖြစ်နေတဲ့ဟဒ်ဆင်န်မြစ်ရဲ့ ၁.၃ ပါဝါ
       မဲန်ဟက်တင်န်တွေရဲ့ ၂.၂ ပါဝါအဆင့်ရှိတဲ့ စိတ္တဇ။
လူတွေဟာ ပင်လယ်လေညင်းခံတံတားရှည်မှာ၊
       ဓာတ်လှေခါးတွေမှာ၊ ဥယျာဉ်တွေမှာ၊ ငြိမ်းဧမှုမှာ၊
       လတ်လတ်ဆတ်ဆတ်အိုးမဲ့အိမ်မဲ့ဘဝရောက်ရခြင်း
       တွေမှာ၊ သူတို့ရဲ့လက်ကိုင်အိတ်တွေထဲမှာ
       ပျော်ပွဲစားထွက်ကြတယ်။
ပို့စ်-စက်မှုရေနံ။ နျူးယော့က်ရေနံ။နျူးယော့က်လေမှုတ်ဘူး။
လဲ-သေ-လိုက်-စမ်း-ပါ-နျူးယော့က်-ရာ။
ကန်းထရီးဝက်စ်တင်န်သီချင်းတွေနဲ့
        အဲမ်ဖက်တမင်းန်လမ်းဘေးပလက်ဖောင်းတွေနား
        ပြုပြင်မွမ်းမံထားတဲ့အဆောက်အဦးတွေ။
သံချောင်းသံခဲလှောင်ပြောင်သရော်မှုတွေ၊
   ကောင်းကင်ကိုထိုးဖောက်တဲ့အတံတွေ၊
        အံ့ဘွယ်အရပ်ဒေသဆီရောက်ရှိလာတဲ့ယေရှု။
ဟောဒီမှာ ကောင်ကလေးတွေ နေခဲ့ကြ အလုပ်တွေလုပ်ခဲ့ကြ
      မုတ်ဆိတ်မွေးတွေထားနိုင်ဖို့ ဘွဲ့တွေဘာတွေယူခဲ့ကြ။
ဟောဒီမှာ ကောင်မလေးတွေ နေထိုင်ကြီးပြင်းကြ
     အလုပ်တွေလုပ်ကြ  ကြီးမားတဲ့အကျိုးဆက်တွေ
     ဖြစ်စေတဲ့ မောက်မာမှုတွေမာမာတင်းတင်းထားရှိကြ။
ဒီမယ်၊နျူးယော့က်၊ ကိစ္စက အိမ်ငှားတွေသတ်ဖြတ်ခံရမှုတင်
     မဟုတ်သေးဘူး။ဓာတ်လှေကားတွေလည်းပါဝင်ပတ်သက်
     နေကြတယ်။သုညအဆင့်မှာမျက်ခွံတင်းတင်းစေ့လို့။
နေ့ခင်းကြောင်တောင်လူလည်ခေါင်မှာ
      ယန်းကီးစတိုင်လိင်ဆက်ဆံမှုတွေပြုလုပ်လို့။
နျူးယော့က်ဆိုတာ ယော့က်မြို့သစ်ကိုမဆိုလိုဘူး။
နျူးယော့က်ဆိုတာ လေဆိပ်တွေမှာ ဓာတ်ပုံရိုက်ကိရိယာတို့ရဲ့
        ဓာတ်ခဲတွေဖြစ်တယ်။
နျူးယော့က်ဆိုတာအခြားစကားလုံးတွေအပြင် 'ဘုရားသခင်'
       ကိုလည်းအော်ဟစ်ပြောရတဲ့နေရာဖြစ်တယ်။
နျူးယော့က်ကနေ နျူးယော့က်ကိုမောင်းနှင်ပြီး
        နျူးယော့က်ကိုသင်တွေ့ရှိနိုင်တယ်။
        ဒါမှမဟုတ် နီယွန်ကထွက်ပြီး ဘရော့န်ခ်စ် အဝင်။
ဒီမြို့တော်ဟာ ခေတ်ပေါ်စိတ်ညှိုးနွမ်းမှုပြတိုက်တွေနဲ့
        သွေးသားတော်စပ်တယ်။
အဲဒါကိုသူ့ရှေ့မှာပဲပြောင်ပြောလို့ရတယ်။
နျူးယော့က်ဟာ သူ့ကိုသူ ဇွန်းနဲ့ခပ်ယူတယ်။
နျူးယော့က်ဟာ ဖရစ္စကိုက မသိနိုင်တဲ့အရာတော့
        မဟုတ်ဘူး။ဟင့်အင်း၊မဟုတ်ဘူး။
နျူးယော့က်မှာ ရာသီဥတုဟာ အနာဂတ်နဲ့ဆင်လွန်းတယ်။
အချို့အထင်တော့ နျူးယော့က်ဟာ သူ့ကိုသူ
        ပေ လို့ထင်နေတဲ့ ဝတ်ရည်စုပ်ငှက်လို အိပ်စက်တယ်။
သတိကြီးစွာထားရင်းအိပ်စက်ပုံကိုသိတယ်မလား။
အမြင့်မားဆုံးအပြာရောင်တွေနဲ့ အနက်ရှိုင်းဆုံးအနီရောင်တွေ
        ရှိတဲ့နျူးယော့က်။
အဝါရောင်တွေပွင့်လန်းတဲ့တက္ကဆီရုပ်ပုံတွေ စာအုပ်ထဲက
        ထိုးထောင်ထွက်လာတဲ့ နျူးယော့က်။
ပထမအမေရိက တုန်းက ပြောင်းခင်းတွေကိုပဲဆွဲခဲ့ကြတဲ့
         ပန်းချီဆရာကြီးတွေကိုသတိရမိစေရဲ့။
ယူတီကာမြို့က ဆေးဆရာ နယ်လှည့်စာဆိုတွေလေ
        သူတို့ကပဲနျူးယော့က်စစ်စစ်တွေများလား။
တော်ပီဒိုလမ်းမ ပေါ်ပဲလျှောက်သွားကြည့်လိုက်ပါ၊
       အဲဒီမှာ သဘာဝရေမြေတောတောင်အရပ်ကို
       ကောင်းကင်ပေါ်တင်လွှတ်လိုက်တာလေ။
အဲဒီအရပ်မှာပဲသင်ဖြတ်သွားလိုက်ပါ၊
       ဆွဲလို့ဆန့်လို့ရတဲ့အရောအနှောနေထိုင်မှုတစ်ခုလို
       ဒါမှမဟုတ်၊ ဝံပုလွေနဲ့ မိမိကိုမိမိပြန်ဆန်းစစ်သလို။
ဘာကြောင့်လည်းဆိုတော့
နျူးယော့က်ဟာ နျူးယော့က် မို့လို့ပဲပေါ့လေ။   ။

ရော်န် ဝင်န်ကလာ (အမေရိကန်)
Ron Winkler  ရဲ့
Since It's New York

____________________________________________
မြေဆွဲအားဥပဒေသ
------------------

လျှပ်စီးထဲမှာ ဘွားကနဲ
ပိန်ချိချိတံတားလေး။
စက်တင်ဘာဆည်းဈာ၊ နေ့အလင်းတွေမှိန်လာချိန်၊
မြစ်ပေါ်မှာသတိနဲ့ငိုက်မြည်းနေကြတဲ့
ငန်းတစ်အုပ်၊အနက်ရောင်အခင်းတွေဟာ
ပေါ့ပေါ့ပါးပါးပဲတွန့်ကြေ။
ဟိုဘက်မှာ
အပြာရင့်ကောင်းကင်ဆီထိုးတက်သွားတဲ့
ဂေါ့သစ်က်မျှော်စင်အထီးတည်း။
မြိ့ပြင်ကကုန်းကမူတွေပေါ်
မိမိတက်သွားနေတယ်လေ၊
အဲဒီမှာ ပြန်လည်မွမ်းမံနေကြတယ်
ဆင်းရဲသားတွေစုနေကြတဲ့တိုက်အိုကြီး။
ဒီမြို့တော်ကနေ
ခရီးသည်တွေအားလုံး
ထွက်ခွာသွားကြပြီ။
ဒီမြို့တော်နဲ့ မိမိ
ချိတ်ဆက်လို့ရနေသေးတာဟာ
မြေဆွဲအားဥပဒေသတစ်ခုတည်း။
ပြီး၊
ကြောင်တွေကိုမယုံကြည်ခြင်း၊
မျက်စိစပါးမွေးစူးရတဲ့ကျီးတွေ၊ နဲ့
မှတ်ပုံတင်စာအုပ်တွေရဲ့
စပ်စပ်စုစုမေးမြန်းစုံစမ်းခြင်း။
နေဝင်ဆည်းဈာကို
ဘယ်သူတွေငေးကြည့်ကြတော့သလဲ၊
ခေတ်ဟောင်းသွားပြီဖြစ်တဲ့
ညနေခင်းအေးအေးလူလူလမ်းလျှောက်ထွက်ခြင်းကို
ဖက်တွယ်ထားကြသေးသူတွေပဲပေါ့၊
နေဝင်ရီတရောကိုလွမ်းလွမ်းမောမောမျောငေးလို့။
ပြောရရင်တော့
အဲဒီနေဝင်ဖျိုးဖျထဲမှာပဲ
လေဟာပုန်းလျှိုးကွယ်လျှိုး
ချောင်းမြောင်းလို့နေတာပေါ့။ ။

မာရစ်က် ဗြော်ဒီလို(ပိုလန်)
Marek Wojdylo ရဲ့
Law of Gravitatio

____________________________________________

ဘော့ခ်ျညာ လျူဘိုမဲလ်ဆကီးလမ်းက တိုက်ခန်းတွေ
-------------------------------------------

နှစ်ပေါင်းများစွာ သင်ဟာ လူသေတစ်ယောက်ထဲ
နေထိုင်နေခဲ့ပြီးမှတော့
ဘာဖြစ်လို့တိုက်ခန်းတွေပြောင်းနေရတာလဲ
သေလူဟာလည်း
သင်ဘယ်တော့မှမရောက်နိုင်မယ့်
လောကဘုံတွေကိုစွန့်ခွာပြီး
သင်နဲ့အတူလိုက်နေမှာမို့တဲ့လား

ပိုကျယ်ရင်ကျယ်၊ပိုကျဉ်းရင်ကျဉ်း
တိုက်ခန်းတွေဘာဖြစ်လို့သင်
ပြောင်းပြောင်းနေတာလဲ
သင့်သေလူဟာအိပ်စက်မှုသစ်ထဲ
ထာဝစဉ်အမြဲစတည်းချလိုက်တော့မှာလား
ရှေးဟောင်းပေါရာဏတွေအစား
နွေးထွေးမှုနဲ့အအေးဒဏ်ချွတ်ခွာထားတဲ့
နံရံတွေကိုသူတွေ့ရှိသွားလို့လား

ဒါဆိုဘာလို့ထိုသေလူဟာ
သင့်ရဲ့အိုးအိမ်ဖြစ်နေသလဲ
အမည်နာမမရှိသူ
ရှိလည်းအမည်နာမကနေရာပေးမှာမဟုတ်တဲ့သူ
သင်ငှားနေတဲ့တိုက်ခန်းဟာလည်း
သေလူလိုသေးကြုံ့သွားမှာမဟုတ်ဘူး
သင်ဘယ်လိုမှမရောက်ရှိနိုင်တဲ့
သေလူရဲ့လောကဘုံတွေဆီ
သင်သွားနေလိုက်ချင်တယ်

အဲဒီမှာလစဉ်မီးဖိုးရေဖိုးတွေ
ပေးစရာမလိုဘူးလေ။ ။

ယူဂျီးနီးယပ်စ် ကာရှီရှင်-ဒျစ်ကီ(ပိုလန်)
Eugeniusz Tkaczyszyn-Dycki ရဲ့
Lodgings in Boczna Lubomelskiej Lane

____________________________________________
အမြင့်မှငုံ့ကြည့်လျင်မူးနောက်တတ်တဲ့ဝေဒနာ
---------------------------

ခြေသလုံးအိမ်တိုင်လှည့်လည်သွားနေသူဟာ
သူတစ်ယောက်တည်းပါပဲ။ သူမ ဝမ်းနည်းတဲ့အခါ
လမ်းပေါ်ထွက်သွားတယ်၊လူတွေနဲ့တွေ့ဖို့။
အတွဲကလေးရှိရင်တော့ တစ်နေရာမဟုတ်တစ်နေရာ
မုချသွားကြမှာပါပဲ။ ဆိုက်ပရပ်စ်ပင်ခြေရင်းမှာ
သူတို့လှဲအိပ်လိုက်ကြတယ်၊ငှက်တစ်ကောင်ရဲ့နံဘေးမှာ။
မိမိဟာမိုးကောင်းကင်ကိုစိတ်ကူးကြည့်လိုက်တယ်။
ယင်းဟာသူမရဲ့တောင်းတွေအပြင်လှိုင်းတွေကိုပါ
ဖြန့်ထွက်စေတယ်။မော်တော်ကားတာယာလုပ်တဲ့
မြို့လေးကနေ သူမ ထွက်လာခဲ့လိုက်တာဖြစ်တယ်။
ပုံပြင်ဇာတ်လမ်းတွေလုပ်ဖို့ဘာတွေသုံးသလဲ၊
လှေခါးထစ်တွေ၊ကြိုးတွေပေါ့။ သူများစကားထဲ
မိမိဟာ နှစ်ပေါင်းများစွာ ဖြတ်ဖြတ်ပြောနေခဲ့တာ
မိမိကိုယ်တိုင်တောင်သတိမထားမိခဲ့ဘူး။
ဟောဒီရှေးဟောင်းဥယျာဉ်။
မှောင်မည်းတဲ့ငါးသားဖောက်ကန်။
အင်္ကျီနဲ့ဘောင်းဘီတစ်ဆက်တည်းဝတ်ထားကြတဲ့
အလုပ်သမားတွေဟာ အာရုဏ်ဦးမှာ
သူတို့ရဲ့အဆိပ်တွေကိုပစ်ချကြတယ်။
အားလုံးကိုသရုပ်ဖော်ပြလို့မရဘူး။ ဒါဟာလုံးဝ
သဘာဝကျတဲ့ကိစ္စ။ အကယ်၍သူမ,ဟာ
အချစ်အကြောင်းစဉ်းစားနေခဲ့ရင် အိပ်ခန်းရဲ့
တံခါးကိုသူမ ချိုးဖျက်ဝင်သလား။
ဘယ်လုပ်ပါ့မလဲလေ။ လူပုံလည်မှာဒါမျိုးတွေ
ဘယ်သူထုတ်ပြောမှာလဲလေ။ ဘယ်ဘက်မှာ
ဆိုဖာထိုင်ခုံတစ်လုံးချထားတယ်။ မိမိတို့ဟာ
ကိုယ်ပိုင်အိမ်ရာတွေမရှိကြတဲ့အိမ်ငှားတွေပဲဖြစ်တယ်။
အကြောင်းအရာနဲ့ပတ်သက်လို့တော့ဒါပါပဲ။
အုံးထန်းပင်တွေကြားမျောလွင့်နေကြတာ
ဘေးတိုက်ပုံပဲမြင်ရတဲ့ဝတ်လစ်စလစ်တွေ။
အယူအဆဟာ ပို့စ်ကဒ်တစ်ကဒ်လို
တိုးရစ္စဆန်လိုက်တာ။ ဇာတ်ရုံမှာ မိမိရဲ့
ထိုင်ခုံဟာတကယ့်ကျဉ်းကျဉ်းကြပ်ကြပ်လေး။
လူတွေအထူးများပြားတဲ့ ရုံးတက်ရုံးဆင်းချိန်တွေကို
မိမိအထူးစိတ်ဝင်တစားစောင့်ကြည့်တယ်။
ရေးနေရင်းမှာပဲမေ့ပျောက်သွားတဲ့အရာတွေကို
မိမိအားလုံးချရေးတယ်။အထူးသဖြင့် ညဘက်တွေမှာ။
အခန်းတံခါးကိုအတွင်းထဲကနေ
မိမိဂျက်ချထားလိုက်တယ်။  ။

ရဲလဖ် အိန်ဂျလ် (အမေရိကန်)
Ralph Angel ရဲ့
Vertigo

(AMERICAN HYBRID POETRY ကဗျာပေါင်းချုပ်မှ)

____________________________________________
မနေ့တုန်းက
-------------------

ဟိုဘက်အိမ်ကအမှိုက်ပုံးပေါ်အမြဲထိုင်နေတတ်တဲ့ကြောင်နက် မရှိ
တော့ဘူး။
* ဝက်ဆီပါဝင်တဲ့အစားအသောက် ကုန်ဈေးနှုံးတွေအနည်းငယ်   
   တက်သွားခဲ့သော်လည်းမိမိသွားနေကျဆိုင်က သက်သတ်လွတ်   
   အင်္ဂလိပ်မနက်စာတော့ ယခင်ဈေးအတိုင်းပဲ။
* မိမိတက်ခဲ့ဘူးတဲ့တက္ကသိုလ်က စာကြည့်တိုက်မှူးဟာ အဖုံးပျော့
   နဲ့စာအုပ်တွေကို 'အပေါစား' လို့ပြောပေမယ့် ဘယ်သူကမှသူ့ကို
   လုပ်ကြံဖို့မကြိုးစားကြပါဘူး။
* အမေရိကမှာနေတုန်းကဝယ်စုထားတဲ့ ဖလန်ထည်ဆင်ဆင်
   ချည်သား ညဝတ်အင်္ကျီ အပေါ်ပိုင်းဟာ
    ဝိဥာဉ်နဲ့ ကိုယ် အိုးစားကွဲသွားတယ်။

(အဲဒီကြောင်နက်နဲ့ ညဝတ်အင်္ကျီအပေါ်ပိုင်း အပြင်) မိမိဘဝမှာ တစ်ခုခုမဲ့နေတယ်။
* မိမိနေထိုင်တဲ့စီရင်စုမှာ စွန့်ပစ်အမှိုက်ရီဆိုင်ကလ်လုပ်တဲ့စနစ်
   ပြောင်းလိုက်ပေမယ့် မိမိမှာ ဆက်ဟာနေတုန်းပဲ။
* နိုင်ငံခြားတိုင်းပြည်တွေက အမျိုးသမီးအခွင့်အရေးတွေ၊
   ဓာတ်ဆီထိုးသွင်းမှုတွေ၊နောက်ဆုံးပေါ် သွားဖြူဖွေးနည်းဆိုင်ရာ
   သတင်းတွေဟာလည်းထို့အတူ။
* မြို့တော်ဝန် မက်(က်)ချိစ် နဲ့ ရုပ်ချင်းတော်တော်ဆင်လာနေတဲ့
   ဟောလီးဝုဒ်မင်းသားအကြောင်းဟာလည်း မိမိကို အာရုံ
   မပြောင်းနိုင်စေခဲ့ဘူး။

မိမိဘဝဖြစ်တည်မှုရဲ့ မနက်ရှိုင်းခြင်းဟာ ဖြစ်ပေါ်တိုးတက်မှုအသစ်
လို့လည်း မဆိုသာ။
* ဈေးချရောင်းတဲ့ဆိုင်တွေမိမိသွားတတ်တာ၊ မိမိကိုလက်ထပ်ဖို့
  လာတောင်ဆိုကြသူတွေကို ဆံပင်ပုံစုံကြည့်ပြီး
  မိမိပယ်လိုက်တာ အားလုံးအသိပဲ။
* တစ်ယောက်တည်း အဖော်မဲ့ကစားရပေမယ့် ကလူဒိုဂိမ်းမှာ
   ဦးနှောက်သုံးရတဲ့စစ်ကြောနည်းသစ်တွေကို
   မိမိနာရီပေါင်းများစွာထွင်နေခဲ့တယ်။
* Velcro ကပ်ခွာပစ္စည်း ဖျက်သိမ်းရေးဦးတည်ချက်နဲ့
   ဖွဲ့စည်းထားတဲ့လျှို့ဝှက်အဖွဲ့အစည်းမှာမိမိဟာ
   တင်းပြည့်ပါတီဝင်ဖြစ်တယ်။

စာပေအနုပညာဟာ မိမိကိုကယ်တင်နိုင်မလားဆိုတာ မိမိကိုယ်တိုင်
မရှင်းဘူး။
* ဂျာမန် လက်နှိပ်စက်ဈေးကွက်မတည်ငြိမ်မှုကြာင့်     
   စာလုံးစောင်းတွေကို ဈေးကွက်ကနေ
   ပြန်ရုပ်သိမ်းလိုက်ပြီ။
* ဖောက်ထွင်းမြင်စက္ကူတီထွင်လိုက်တာနဲ့ ထိုးဇာတ်စာပေမှာ  
   ထင်သာမြင်သာရှိရေးအတွက် လှုပ်ရှားမှု
   ပေါ်ပေါ်ထင်ထင်စကြပြီ။
* စာသားဒွါဓိပ္ပါယ်ပေါက်မှုဟုန်းကနဲမြင့်မားလာခဲ့တဲ့အတွက်   
   အချစ်ကဗျာဟာခေတ်တုန်းသွားတော့တယ်....
   အဲဒါဟုတ်မှဟုတ်ရဲ့လား။

နောက်ဆုံးတော့ ဒီပြဿနာတွေအကြာင်း မိမိစဉ်းစားရတာ
ငြီးငွေ့လာတော့တယ်။
* ဘေးအိမ်က စပယ်နီယလ်ခွေးလေးပြေးထွက်လာပြီး မိမိကို
   နှလုံးသားဝိဥာဉ်ခံစားမှုအပြည့်နဲ့ကြည့်လိုက်တယ်။
* ဘက်တာစီး ခွေးဂေဟာအတွက် တစ်နေ့ငွေလှူဖို့ မိမိရဲ့စေတနာဟာ
   တဖြေးဖြေး သုည ဖြစ်သွားတယ်။
* ရာသီဥတုအပြောင်းအလဲကြောင့် ငရဲဘုံဟာ အေးခဲသွားဖို့
   ရာခိုင်နှုံး ၆၀ ရှိပေမယ့် စတြိတမ်အရပ်ကိုတော့ ထိခိုက်မှာ
   မဟုတ်ဘူးလို့ သိပ္ပံပညာရှင်တွေကြညာချက်ထုတ်ပြန်တယ်။
* အဆင့် ၅ ရှိတဲ့ ဝတ်မှုံလေလွင့်မှုကြောင့် မိမိဟာ ဖုံစုပ်စက်နဲ့  
   သန့်ရှင်းရေးအပြင်းအထန်ပြုလုပ်ရတော့တယ်။
   ဒါတောင် မိမိနေတာဟာ လေအလုံပိတ်
   ရဲတိုက်ထဲမှာဖြစ်တယ်။ ။

ဂျေးန် ယေး(ဗြိတိသျှ)
Jane Yeh ရဲ့
Yesterday,
____________________________________________

လက်ကိုင်ပဝါအနမ်း
------------------------------

ဘာသာပြန်ကဗျာဟာ လက်ကိုင်ပဝါကြားခံနမ်းရသလိုပဲ...
      အာရ် အက်စ် သောမတ်စ်

အမှောင်ထဲပွတ်သပ်ခြင်းလား။
မိမိတို့တော်တော်ရိုးအခဲ့ကြတာပဲ

မနေ့တုန်းကလျှို့ဝှက်အနမ်းတွေပေါ့။
ဒီနေ့တော့သာမန်နှုတ်ဆက်မှုသဘောပါပဲ၊

စကရင်သေးသေးလေးမှာမိမိတို့ကြည့်ကြတယ်
ကမ္ဘာ့ခေါင်းဆောင်ကြီးတွေငြိမ်းချမ်းရေးဝေကြပုံ

အေးစက်တဲ့ပွေ့ဖက်မှုနဲ့၊ မဟုတ်ရင်
အဆိပ်ပြင်းမြွေအနမ်းနဲ့။ လစ်ရစ်က်ကဗျာ

ဘာသာပြန်ခြင်းဟာ လက်ကိုင်ပဝါခံပြီး
နမ်းရသလိုပဲလို့ စာဆိုရှင်ကဆိုလေတယ်။
မိမိကတော့ စာမျက်နှာတစ်ရွက်နဲ့တစ်ရွက်ကြားက
ကဗျာတွေကိုပွေ့ဖက်တယ်
ချစ်သူတွေဆိုတဲ့စကားလုံးကို
ပြန်ယူဆောင်လာတဲ့ကဗျာတွေလေ။
ကဗျာပုဒ်ဟာလက်ကိုင်ပဝါတစ်ထည်
ပါလာရင်ပါလာပလေ့စေ၊
မိမိနှုတ်ခမ်းပေါ်မှာ ဖုံးကွယ်ထားတဲ့အနမ်းကိုပဲ
ထားရစ်ခဲ့ပါစေလေ။  ။

မန္နာ အယ်လ်ဖင့်န်တ် (ဝေလ)
Menna Elfynt ရဲ့
Handkerchief Kiss
____________________________________________
မွေးရပ်မြေ
-----------

ကိုယ့်မှာလေယာဉ်အကြာကြီးစီးခဲ့ရလို့
ညောင်းညာမအီမသာဖြစ်နေတာကိုသိရတယ်၊
ဘာကြောင့်ဆို ဘယ်သူမှကိုယ်နဲ့ချစ်မှုမပြုပဲကို။
ယောက်ျားတိုင်းဟာကိုယ့်ကို ဗမ်ပါးယားလို့ ထင်ကြတယ်။
မိန်းမတိုင်းဟာ

မိန်းမတွေပဲပေါ့။အဲဒီနှစ်က လူမည်းတွေဟာအိပ်မက်တွေ
ဆက်တိုက်မက်နေကြတယ်၊ သမ္မတကြီးလုပ်ကြံခံ
လိုက်ရပြီလို့။ အဲဒါပြီး သမ္မတကြီးဟာတကယ်ပဲ
သေနတ်နဲ့ပစ်ခံလိုက်ရတယ်၊အိမ်ဖြူတော်ထဲ
ဖောက်ထွင်းဝင်နေတုန်း။ ပြောတော့ သူ့သော့တွဲ
ပျောက်သွားလို့တဲ့။ ကိုယ့်အိမ်ထဲကိုကိုယ်ပြန်ဖောက်ထွင်း
ဝင်သူကိုဘာလို့ခေါ်သလဲ။

စီးနင်းလိုက်ပါလာကြတဲ့ခရီးသည် အချို့ကို
ကိုယ်မေးလိုက်တော့ အဲဒီအခေါ်အဝေါ်ရှိတယ်တဲ့။
'ဂျစ်ဂါ'တဲ့။ အဲဒါပြီးနောက် မျက်လုံးနီခရီးကိုယ်စီးလိုက်တယ်။
ဟိုးအောက်ကမှောင်ကျနေတဲ့လယ်ကွင်းတွေထဲ
နေဝင်သွားသလိုနက်ရှိူင်းတဲ့ပင့်သက်ရှည်ကိုယ်ချလိုက်တယ်။

အချို့အိပ်ကြတယ်။ဒါပေမယ့် 'လုံခြုံရေး' လို့အမည်ရှိကြတဲ့
ဘယ်သူမှကိုယ့်ကိုမယုံဘူး။ သိမ်းခံလိုက်ရတယ်

ကိုယ့်ရဲ့ အတြီပလာ။ ကိုယ့်ရဲ့ ဆလက်ခ်ဆာ။ ကိုယ့်ရဲ့
ကော်တီဆိုးန်။ ကိုယ့်ရဲ့ကလော်နိုပင်န်။ ကိုယ့်ရဲ့ ဖလက်ဆရစ်လ်။
ကိုယ့်ရဲ့ဇီယာရ်တက်ခ်။ ကိုယ့်ရဲ့နေဆရလ်။ ကိုယ့်ရဲ့
ပါကိုစက်တ်။ ကိုယ့်ရဲ့အယ်မ်ဘီယင်န်။

ဒီတိုင်းပြည်မှာ ဘယ်သူမှလုံခြုံတယ်လို့မထင်ရဘူး။
အဲသလိုဖြစ်ရခြင်းအကြောင်းပြချက်တွေထဲ
ကိုယ်လည်းအပါအဝင်ဖြစ်တုန်းပဲ။နေ့စဉ်နေ့တိုင်းပဲ

တစ်ခုမဟုတ်တစ်ခုဟာစွန့်ပစ်ခံရတယ်၊အကြောင်းကတော့
နောက်ကြောင်းရာဇဝင်ရှိလို့၊ဆံပင်ရှည်လို့၊ လက်သည်းရှည်လို့၊
အင်းပေါ့၊ထိုနည်းတူ၊ကိုယ့်အစွယ်တွေလည်းပဲပါ့။  ။

မှတ်ချက်။ ။
vampire = ဗမ်ပါးယား ။ 'သွေးစုပ်ဖုတ်ကောင်' ထက်ရွတ်လို့ကောင်းလို့။
Jigger = ဂျစ်ဂါ။ ဒေသခံအခေါ်၊ 'သန်းလှေး' လို့ အဓိပ္ပါယ်ရ။
'သန်းလှေး' ထက် 'ဂျစ်ဂါ' ဟာရွတ်လို့ပိုကောင်း။
'မျက်လုံးနီခရီး' = red eye ။ ညလုံးပေါက်လေယာဉ်စီးရလို့ မနက်မှာ မျက်လုံးနီနေတာ။
သိမ်းခံရတဲ့ သောက်ဆေးနာမည်တွေ။

ဂျယ်ရီကို ဘရောင်းန်(အမေရိကန်)
Jericho Brown ရဲ့
Homeland

____________________________________________
ဟိုအရပ်ဒီအရပ်ထံမှပေးပို့သောပို့စ်ကဒ်များ
-------------------------------------------

သို့။
ပုံအတွက်ပေးထားတဲ့ခေါင်းစဉ်အပြင်အခြားခေါင်းစဉ်။ ဟိုခြစ်ဒီခြစ်ပုံနဲ့အလွန်အကျွံရှင်းလင်းပြနေခြင်း။အချိန်ဇယား
အသေးစိပ်၊ စတိကတိ၊ အသိဿယဝုတ္တိအချစ်တွေဖွင့်ဟခြင်း။ သင့်...။

သို့။ တိမ်တွေထူထပ်ကြောင်း၊အကောင်းဆုံးတွေသောက်ရကြောင်း၊တွေ့ရတဲ့လူစိမ်းတွေအကောင်း။ ရာသီဥတုကိုညွှနွ်းခြင်း၊စကားလုံး
အသစ်တွေအတတ်ဆန်းခြင်း၊ ယုတ္တိမကျတဲ့မေးခွန်း၊စိတ်မပါ့တပါ
ဟာသ။
သင့်...။

သို့။
ဘူတာမှာနားစွန်နားဖျားကြားလိုက်ရတဲ့သမိုင်းအချက်အလက်။ဖုံးဆက်ဖော်ရတဲ့အတွက်ကျေးဇူးစကား။ကျေးဇူးတင်စကားထပ်
ပြောခြင်း။ကြုံရာကျပမ်းတည်ရှိရာတွေနဲ့ယှဉ်ပြီးဆူညံသံကိုဝေဖန်
ပြောဆိုခြင်း။ဒီအထိပြောခဲ့ပြီးသားတွေကိုငြင်းဆိုခြင်း။စိတ်အနှောက်အယှက်ဖြစ်ရခြင်း။တောင်းပန်စကားပြောခြင်း။
သင့်...။

သို့။ လတ်တလောဝယ်ယူထားတဲ့ပစ္စည်းနဲ့ပတ်သက်လို့ပျော်ရွှင်နေကြောင်း။မသိမသာအလွမ်းစိတ်နဲ့ ပါရာနွိုက်ဒ်စိန်ရောဂါ။ ငယ်စဉ်ကျောင်းသားဘဝတုန်းကထွင်သုံးခဲ့တဲ့လျှို့ဝှက်စကား။
လျှို့ဝှက်စာသားနဲ့နာမည်။လျှို့ဝက်စာသားနဲ့နာမည်။
သင့်...။

သို့။
ပြပွဲဆိုင်ရာစာသားထဲမှကောက်နုတ်ချက်။ 'ပြန်လည်ပြုလုပ်နိုင်ခြင်း'
  ' အစီရင်ခံနိုင်ခြင်း'၊ 'ဆင်းရဲနွမ်းပါးခြင်း'၊ 'ဘက်မလိုက်ခြင်း' စကားလုံးတွေကိုဦးစားပေးသုံးစွဲခြင်း။ 'မ_ ခြင်း' ကိုပယ်ဖျက်ခြင်း။ စကားလုံးတစ်လုံးတွင်းကထုတ်ယူနိုင်တဲ့စကားလုံးတွေ၊ဥပမာ၊ 'စကားလုံး' ထဲက 'စ'၊ 'ကား'၊ 'လုံး' တွေကိုသတိပြုခြင်း။
သင့်...။

ကော်န်ချစ်တီးနား ခရုဇ်(ဖိလစ်ပိုင်)
Conchitina Cruz ရဲ့
Postcards from Here and There
____________________________________________
သတို့သမီးဝတ်စုံများရဲ့ဝမ်းနည်းကြေကွဲမှု အကြောင်း
-------------------------------

ကြယ်တွေလည်းမရှိ၊လေလည်းမတိုက်တဲ့
ခုလိုညမျိုးတွေမှာ
ကြားနေရတယ်လို့ထင်မိတယ်

အနှစ်မပါတဲ့ပလာအိန်ဂျလ်နတ်သမီးတွေလို
မျှော်လင့်ချက်မဲ့တောင့်တမှုနဲ့အလင်းပြန်ရင်း

သတို့သမီးဝတ်စုံတို့ရဲ့
တရှုံ့ရှုံ့ငိုနေသံ။

ဘယ်သူမှသူတို့ကို
ဝတ်ဆင်ကြမှာမဟုတ်တော့တာ
သူတို့သိခဲ့ကြပြီလေ။

ပွဲလယ်တင့်နေ့ရက်တစ်ရက်အပြီး
သူတို့ကိုလိုချင်သူတွေမရှိကြတော့။

ဒါပေမယ့်၊ဗီဒိုတွေရဲ့အမှောင်ထုတွေထဲ
အလိုဆန္ဒနဲ့သူတို့တောက်ပနေကြတယ်။

ကံကောင်းတဲ့ဝတ်စုံအချို့ဆို
သမီးတွေဆက်ဝတ်ခွင့်ရကြတယ်။

ဒါပေမယ့်ဒါဟာလည်း
နောက်ထပ်တစ်ကြိမ်မျှသာပဲ။

ပြီးပြန်သွားရတယ်ဗီဒိုထဲ။

အများစုဟာအချန်ကြာတော့ဝါနွမ်းသွားကြတယ်၊
သူတို့ကိုမိုးကောင်းကင်ဆီသယ်မ,သွားဖို့
ဆင်လိပ်ပြာကြီးတွေကိုစောင့်မျှော်ရင်း။

မင့်အမေရဲ့သတို့သမီးဝတ်စုံဘယ်မှာလဲ၊
ဘယ်ဘီဒိုထဲမှာလဲ။
မင့်အဖွားရဲ့သတို့သမီးဝတ်စုံဘယ်မှာလဲ။
ဘာ၊မရှိတော့ဘူး၊ဟုတ်လား။

နောက်ဆုံးတော့လည်း
အားလုံးပျောက်ကွယ်သွားကြတာပါပဲ။

ဘယ်တွေရောက်သွားကြသလဲ၊
ဘယ်သူသိမှာလဲတဲ့လေ။

အဟောင်းဆိုင်တွေဟာသတို့သမီးဝတ်စုံတင်ပါ့မလား။
Goodwill တစ်ပတ်နွမ်းအဝတ်အထည်ဆိုင်မှာတော့
သတို့သမီးဝတ်စုံတစ်ခါတွေ့ဘူးတယ်။
ဘယ်လိုဝမ်းနည်းဘွယ်ရာကိစ္စမျိုးနဲ့
အဲဒီကို အဲသလို ရောက်သွားခဲ့သလဲကွယ်။
ဘယ်လိုကြေကွဲမှုဟာ
ယင်းကိုယူဆောင်သွားခဲ့သလဲ။

ကံအကောင်းဆုံးသတို့သမီးဝတ်စုံတွေကျတော့
မင်္ဂလာဆောင်ပြီးတစ်ပတ်မှာပဲ
လင်ယောက်ျားရဲ့သစ္စာဖောက်ခံလိုက်ရတဲ့
လတ်လတ်ဆတ်ဆတ်ဇနီးသည်တွေရဲ့
ဝတ်စုံတွေပဲဖြစ်ကြတယ်၊

ယင်းတို့ကို ကားနောက်တွဲချိတ်ရွေ့လျားအိမ်
ဒါမှမဟုတ် တယ်လ္လူရိုက်ဒ်အရပ်ဒေသက ကွန်ဒိုတစ်တိုက်ရဲ့
အပြင်ဘက်
လွှင့်ပစ်လိုက်ပြီး ဓာတ်ဆီလောင်းချလိုက်တယ်။

အဲဒီသတို့သမီးဝတ်စုံတွေဟာ
ကွန်ဂရက်ကျူလေးရှင်းတွေပြည့်နှက်နေတဲ့
မိုးကောင်းကင်ဆီ

မီးတောက်မီးလျှံတွေစီးပြီး
မီးခိုးငွေ့တွေအဖြစ်
လွင့်ပျံတက်သွားကြတော့တယ်။ ။

ဂျေးမ်စ် ဂဲလ်ဗင်န်(အမေရိကန်)
James Galvin  ရဲ့
On the Sadness of Wedding Dresses

____________________________________________
ဗောဓိသတ္တ
------------

သတင်းထူးကတော့ ရှင့်ကိုကျွန်မချစ်တယ်၊
ကျွန်မရဲ့ နျူးဒစ္စ(တ်)ရေ
သတင်းထူးကတော့ ရှင့်ကိုကျွန်မချစ်တယ်၊
ကျွန်မရဲ့ ဘူးဒစ္စ(တ်)ရေ

ကျွန်မရဲ့ဝတ်လစ်စလစ်ခန္ဒာနဲ့
ဖူးပွင့်လာနေတဲ့သာယာမှုဟာ
ရှင်ရှိနေခြင်းမိုးလေဝသထဲမှာ

ရှင်ရှိနေမလား၊ရှိမနေဘူးလား
အို...အချစ်ဟာ
နျူရိုးစစ္စပင်စည်ပေါ်မှာအဖုအသစ်ပေါက်လာတာ

ကျွန်မတို့အတွက်ခေတ်သစ် 'ငြိမ်းချမ်းရေးပေးသနားပါ'
အဆိုပြုလာတဲ့ နှင်းဆီပွင့်သစ်တို့ရဲ့ပန်းစည်း

အို...ကျွန်မရဲ့နှင်းဆီပွင့်သစ်တို့ရဲ့ဗောဓိသတ္တရေ
အချစ်မဲ့ခြင်းနျူရိုးစစ္စမှ ကျွန်မကိုရှင်ကယ်တင်ပါလေ

ကျွန်မရဲ့ခန္ဒာဟောင်းကို ဖာ့တ်ဝါသေမိန့်ကနေ
ရှင်ကယ်တင်ပြီး
နှင်းဆီခင်းအိပ်ယာပေါ်လဲလျောင်းလိုက်ကြပါစို့လေ

နှင်းဆီပွင့်ကိုဝိုင်းရံထားတဲ့အိတ်ကပ်အပြည့်
ဒီမှာကမ္ဘာကြီးပျက်သုဉ်းသွားတောင် ကျွန်မရဲ့ချစ်သူရေ
အိပ်ရာထဲပစ်လှဲလိုက်ကြပြီးသေပွဲဝင်လိုက်ကြစို့လေ

နတ္ထိကိုခေါင်းညိတ်မှုအသစ်ပေးကြစို့
ပလာနတ္ထိပကတိကိုနှင်းဆီတစ်ဖူးပေးလိုက်စို့
နတ္ထိရဲ့နှင်းဆီတွေကိုကျွန်မချစ်ရပါတယ်လေ

အို...ကျွန်မရဲ့နတ္ထိရဲ့ဗောဓိသတ္တရေ
ဒီသတင်းကလွဲလို့အခြားသတင်းမျိုး
နိမတ်မပြပါနဲ့လေ

ကျွန်မတို့ရဲ့ခန္ဒာတွေဝိဥာဉ်တွေအတွက်
ဘာမှမမျှော်လင့်ပါဘူး
ငြိမ်းချမ်းခြင်းရဲ့မိုးလေဝသကလွဲလို့လေ။

မှတ်ချက်။
Bodhisattva= ဗောဓိသတ္တ
Nudist= ဝတ်လစ်စလစ်နေထိုင်မှုအဖွဲ့ဝင်
Buddhist= ဗုဒ်ဓ (  font ပြဿနာ) ဘာသာဝင်
နဘေကိုတမင်ယူခြင်း
Fatwa= မူစလင်မ်ဘာသာတွင်သေမိန့်ပေးခြင်း

ဆာရာ အာဗီယို  (အမေရိကန်)
Sarah Avio ရဲ့
Bodhisattva

____________________________________________
အဆက်များ
------------

(ကင့်စုဂိ ဆိုတာ ကျိုးပဲ့သွားတဲ့တန်ဘိုးကြီးကြွေထည်ပစ္စည်းကို ရွှေနဲ့ပြန်ဆက်တဲ့လက်မှုပညာ)

ရှင်နဲ့ကျွန်မကြားရှိတဲ့အရာဟာ
လက်မနဲ့လက်ညှိုးကြားက
အရေပြားပါးပါးလေးလိုပဲ ပျော့ပြောင်းတယ်။

ပျော့ပြောင်းတယ်ထင်ရပေမယ့်
တကယ်တော့အဲသလိုမဟုတ်ဘူး
ရွှံ့စေးနဲ့လုပ်ထားတာ။

စင်ပေါ်မှာတင်ထားတဲ့ခွက်တွေလိုပဲပေါ့။
ကျိုးလွယ်၊ပဲ့လွယ်၊ကျကွဲလွယ်။
ပြန်ဆက်ရတာမလွယ်ကူတဲ့အလုပ်ပဲ။

ဒဏ်ရာရအနားသားတွေကို
မဝံ့မရဲနဲ့ ကျွန်မတို့ရဲ့လက်ချောင်းတွေနဲ့
ရှင်နဲ့ကျွန်မ ကော်ပြန်ကပ်လိုက်တယ်။
အမာရွတ်တစ်သျှူးဟာ
မျက်မြင်ရာဇဝင်ပဲလေ။

ရှင်နဲ့ကျွန်မအတွက်
အဲဒီခွက်ဟာ တန်ဘိုးကြီးတယ်လေ
မစွန့်ပစ်ပဲ ကျွန်မတို့ ထိမ်းသိမ်းခဲ့တာကိုး။

ကင့်စုဂိလက်မှုပညာမှာ
ကွဲသွားတဲ့ခွက်ရဲ့ ကွဲတဲ့နေရာတွေမှာ
ကော်စေးကပ်ပြီး
ရွှေမှုန်လေးတွေဖြူးလိုက်တယ်။

ဆက်ရာတွေဟာ အနုစိပ်လွန်းလို့
အဲသလိုသိမ်မွေ့နိုင်အောင်ပဲ
အိုးလုပ်သူဟာ
ခွက်ကိုကွဲစေအောင်များ တမင်လုပ်သလားပဲ
အဲသလိုလည်းဆိုကြယ်။ ။

ချာနာ ဘလော့(က်) (အမေရိကန်)
Chana Bloch ရဲ့
The  Joins

____________________________________________

ဘိန်းပန်းသစ်ရွက်တွေပေါ်မှာလေ
အမှတ်ရစရာတွေကျန်ရှိနေ
လိပ်ပြာတောင်ပံတွေ။

ဗသျိုး
____________________________________________

အမေရိကန်စိတ်ကူးအိပ်မက်တစ်ခု
------------------

ကမ္ဘာမြေကြီးပေါ်  ရဟတ်ယာဉ်တွေလို
စာရင်းစစ်တွေဝဲပတ်ကြပြီး
ဟေဂလ်ရဲ့နာမည်ထွင်းထားတဲ့
အရိုးသေးသေးလေးတွေကျဲချကြတယ်။
အဲဒီအရိုးလေးတွေကို ခွေးတူဝက်တူတစ်ကောင်ဟာ
သူ့အမွေးပွထဲသယ်သွားပြီး
သူ့တွင်းထဲသူဝင်သွားတယ်၊
အဲဒီည အဲဒီမှာပဲ တစ်မိသားစုလုံး
သေဆုံးသွားရှာတယ်။

လိုက်ကာရဲ့နောက်ကွယ်မှာ
သံပြိုင်သီဆိုပေးရတဲ့မိန်းကလေးဟာ
နာရီပေါင်းများစွာရပ်နေပြီး
လမ်းမဘက်ကိုပဲငေးကြည့်နေရှာတယ်။
ထရပ်က်ကားပြုပြင်ရေးဝပ်ရှော့ဆိုင် ပြတင်းတွေမှာ
ဆေးအဖြူရောင်သုတ်ထားတဲ့
သစ်ကိုင်းခြောက်တွေရှိကြတယ်။
ကြမ်းပြင်ကရွက်ခြောက်တွေကိုရှောင်ရှားဖို့
အဲဒီသစ်ကိုင်းခြောက်တွေကို
မိကျောင်းပေါက်စလေးက ခဲထားတယ်။

ညမှာ ပျားလဘို့ဟာ အိပ်မက်ဆန်းတွေမက်လို့၊
ပတ်ခြာလည်ခုတ်မောင်းနေကြတဲ့အနက်ရောင်
ရထားသေးသေးလေးတွေ----
မိုးရေစက်ထဲရေနစ်သွားကြတဲ့
ရှေးဟောင်းစစ်သင်္ဘောကြီးတွေ။  ။

ရောဘတ် ဘလိုင်း
Robert Bly ရဲ့
An American Dream

____________________________________________
ချိုးငှက်
---------

ကင်းမြီးကောက်ရဲ့အဆိပ်ဆူးဟာ
မိမိရဲ့မျက်နှာပုဝါကိုစုတ်ဖြဲပစ်လိုက်တယ်၊
ရှင့်ရဲ့အဆိပ်တောက်မျက်လုံးတွေရဲ့အကြည့်လေ။

ကင်းမြီးကောက်တစ်ကောင်မိမိကိုအဆိပ်မြီးနဲ့
ပေါက်လိုက်တယ်၊သူ့အဆိပ်တွေဟာမိမိသွေးကြောထဲ
ကူးခတ်နေတော့တယ်။ရှင့်ထံကဆိုးဝါးတဲ့ဆူးပဲပေါ့၊
ရှင့်ဖျားနာမှုထဲ မိမိတွန့်လိမ်နေရပြီ။

မိမိအိပ်မက်မက်တယ်
ချောင်းဆိုးလိုက်သလိုတေးသီငှက်၊မိမိရဲ့ပါးစပ်ထဲက
ထွက်လာတယ်၊ကောင်းကင်ထံ မိမိလွှတ်ပေးလိုက်တယ်။
သဲကန္တာရကြီးကိုကျော်ဖြတ်သွားမယ့်လေယာဉ်ပေါ်
ရှင်တက်သွားပြီပေါ့။

ချိုးငှက်တွေရဲ့ခြေထောက်တွေမှာ စကားတွေမိမိပါးဖို့
ကြိုးနဲ့ချည်လိုက်မယ်၊သူတို့ကို ဆည်းဈာမှာ
ရွက်လွှင့်လိုက်မယ်လေ၊ရှင့်တိုင်းပြည်ဆီမြေပုံ
ကားချပ်နဲ့အတူ။

ရေငတ်လို့ သူတို့ပြုတ်ကျသွားကြတယ်၊ ကောင်းကင်က
မိုးတွေရွာချသလို၊ သူတို့ရဲ့အသားခြောက်တွေဟာ
ကြို့တို့ကျဲတဲတောင်ပံတွေထဲမာခဲ။

လေယာဉ်ပျံရဲ့အရိပ်တွေကို မိမိခဲနဲ့ပေါက်လွှတ်တယ်၊
သံကိုယ်ထည်တွေပျက်ကျပါစေကျိန်ဆဲတယ်၊
ကြိမ်ပင်တွေကြားမီးလောင်ပျက်ကျကြပါစေ။

အဲတော့မှ ရှင့်ရဲ့အာသာဆန္ဒကြောင့် မိမိရဲ့အရေပြားမှာ
မီးလောင်ဖုတွေမပေါက်တော့မှာ၊ ငှက်ကလေးတွေချိုးဖို့
ရေချိုးကန်လေးတွေထဲမှာ ငှက်သတ်ဆေးတွေ ပုလင်းလိုက်
ဖွင့်ပြီး မိမိလောင်းသွန်ထည့်လိုက်တယ်။ ။

ရာဂျစ်ဗ် မိုဟားဗီးယား
Rajiv Mohabir ရဲ့
Dove
____________________________________________
များပြားလွန်းတဲ့နာမည်တွေ
----------------------

တနင်္လာတွေဟာအင်္ဂါတွေနဲ့ချိတ်ဆက်နေကြတယ်
ရက်သတ္တပတ်ဟာတစ်နှစ်လုံးနဲ့ဆိုင်တယ်။
ပင်ပမ်းနေတဲ့သင့်ကတ်ကျေးတွေနဲ့
အချိန်ကာလကိုပိုင်းဖြတ်ပစ်လို့မရဘူး။
နေ့ရဲ့နာမည်အားလုံးကို
ညရဲ့ရေတွေကဆေးကြောပစ်လိုက်တယ်။

ပက်ဒရိုဆိုတဲ့နာမည်ကိုဘယ်သူမှမူပိုင်ခွင့်မရှိဘူး
ဘယ်တစ်ဦးတစ်ယောက်တည်းမှ ရိုဇာ၊မာရီယာမဟုတ်ဘူး
မိမိတို့အားလုံးဟာဖုံမှုန့်မဟုတ်ရင်သဲမှုန့်ပဲ
မိမိတို့အားလုံးဟာမိုးတွေထဲကမိုးရေမဲ။
ဗင်နဇွဲလားအကြောင်း၊ချီလီအကြောင်း
ပါရာဂွိုင်းအကြောင်း သူတို့ကိုယ့်ကိုလာပြောတယ်
ကိုယ်တစ်ခုမှနားမလည်ဘူး
ကိုယ်သိတာကတစ်ခုတည်း
နာမည်မရှိတဲ့ကမ္ဘာကြီးရဲ့အရေပြား။

မြစ်တွေနဲ့အတူကိုယ်နေစဉ်တုန်းက
ပန်းတွေနဲ့အတူနေရတာထက်ပျော်ခဲ့တယ်
ကျောက်ခဲတစ်လုံးနဲ့စကားစမြည်ပြောတဲ့အခါ
ခေါင်းလောင်းတစ်လုံးလိုမြည်တော့တယ်။

ကြာလိုက်တာ၊ နွေဦးရာသီဟာ
တစ်ဆောင်းတွင်းလုံးထဲဆက်သွားတယ်။
အချိန်ကာလရဲ့ရှူးဖိနပ်တွေပျောက်သွားတယ်။
နှစ်တစ်နှစ်ဟာရာစုလေးခုဖြစ်သွားတယ်။

ညတိုင်းကိုယ်အိပ်စက်တဲ့အခါ
ကိုယ့်ကိုဘယ်လိုခေါ်သလဲ
ဒါမှမဟုတ် ဘယ်လိုမခေါ်ဘူးလဲ
ကိုယ်နိုးထလာတဲ့အခါ ကိုယ်အိပ်နေစဉ်မှာ
ကိုယ်ဟာကိုယ်မဟုတ်ရင်ကိုယ်ဟာဘယ်သူလဲ။

ဘဝဆီဆင်းသက်ကြတာနဲ့
မွေးကင်းစဘဝတွေကိုယ်တို့ရရှိကြရတယ်
ကိုယ်တို့ရဲ့ပါးစပ်တွေထဲ
များပြားလှတဲ့အထစ်ထစ်အငေါ့ငေါ့အမည်တွေ
များပြားလှတဲ့ဝမ်းနည်းဘွယ်ကိန်းကြီးခန်းကြီးတွေ
များပြားလှတဲ့ဟိတ်ဟန်ကြီးကြီးအက္ခရာတွေ
များပြားလှတဲ့မင်းရဲ့ပိုင်ဆိုင်မှုငါ့ရဲ့ပိုင်ဆိုင်မှု
များပြားလှတဲ့စာချုပ်တွေပေါ်ကလက်မှတ်တွေနဲ့
မထိုးသိပ်လိုက်ကြပါနဲ့လား။

ကိုယ်လုပ်ချင်တာလုပ်ရရင်
အရာရာကို နက်နဲရှုပ်ထွေးသွားအောင်
ပေါင်းစည်းသွားကြအောင်
မွေးဖွားလာစေမယ် ရောထွေးပစ်လိုက်မယ်
အဝတ်အစားတွေချွတ်လိုက်မယ်
ဟောဒီကမ္ဘာကြီးရဲ့အလင်းရောင်ဟာ
သမုဒ္ဒရာရဲ့တစ်သားတည်းဖြစ်ခြင်းကိုရရှိမယ်
ပြီး
ရက်ရောတဲ့၊ ကျယ်ပြောတဲ့ ၊တပေါင်းတစည်း
တကြွပ်ကြွပ်တကျစ်ကျစ်မြည်နေတဲ့ ရနံ့တစ်ခု။

ပါဗလို နရူဒါ
Pablo Neruda ရဲ့
Too Many Names
____________________________________________

အဖြူရောင်ညများ
-------------

ဒီမှာဘယ်သူမှမရှိကြဘူး၊
ခန္ဒာကိုယ်ကပြောတယ်၊ဘာပဲပြောပြော
ဘာမှမပြောရဘူး၊ဆိုပေမယ့်လည်းဘယ်သူကမှ
ကိုယ်ခန္ဒာမှမဟုတ်တာ။ကိုယ်ခန္ဒာပြောတာကိုလည်း
ဘယ်သူကမှမပြောကြဘူး၊
သင်ကလွဲလို့ပေါ့။

နှင်းတွေကျ၊ပြီး၊ည။တောအုပ်လေးထဲမှာ
လူသတ်မှုတစ်ခုဟာ ထပ်ကြော့။မြေပြင်ပေါ်
ကလောင်တံဟာရွေ့သွားတယ်။ဘာဖြစ်လာမလဲ
ယင်းမသိတော့ဘူး၊ ယင်းကိုကိုင်ထားတဲ့လက်ဟာ
ပျောက်ကွယ်သွားပြီလေ။

ပသို့ဆိုစေ၊ယင်းဟာဆက်ရေးနေတုန်းပဲ
ယင်းဟာရေးတယ်၊မူလအစမှာ
တောအုပ်လေးထဲ ညထဲကနေ
ကိုယ်ခန္ဒာတစ်ခုဟာ
လမ်းလျှောက်ထွက်လာခဲ့တယ်။
ယင်းဟာရေးတယ်၊ကိုယ်ခန္ဒာရဲ့အဖြူရောင်ဟာ
မြေကြီးရဲ့အရောင်ဖြစ်တယ်၊ မြေကြီးဖြစ်တယ်
မြေကြီးဟာရေးတယ်၊အရာခပ်သိမ်းဟာ
တိတ်ဆိတ်မှုရဲ့အရောင်တွေပဲဖြစ်ကြတယ်။

ကိုယ်ဒီမှာမရှိတော့ဘူး။ကိုယ်တစ်ခါမှ
မပြောခဲ့ပါဘူး၊ကိုယ်ပြောခဲ့တယ်လို့
မင်းပြောခဲ့တာ။ကိုယ်ခန္ဒာကတော့
ဘာမှမသေဆုံးတဲ့နေရာပဲလေ။
ညတိုင်းမှာ တောအုပ်လေးရဲ့
တိတ်ဆိတ်မှုကနေ၊ မင်းသိနေပြီးသားပါလေ၊
မင်းထံပါး
ကိုယ့်စကားသံဟာလမ်းလျှောက်ထွက်လာတယ်။ ။

ပေါလ် ဩစ္စတာ ( အမေရိကန်)
Paul Auster ရဲ့
White Nights