နာရီဟန်ချက် ဥပဒေသ

"ဒေါက်. . . ဒေါက်"

တံခါးခေါက်သံ ထွက်ပေါ်လာ၏။ ဂမ္မာက တံခါးဖွင့်ပေးလိုက်သည်။ လူတစ်ယောက် ပျာယိပျာယာ ဝင်လာ၏။ သူ့ကို မျက်လုံးဖြင့်
ကြည့်ကာ 
" ဒေါက်တာဂမ္မာပါလား ခင်ဗျာ" 
" ဟုတ်ပါတယ် " 
" အို. . . တွေ့ချင်လွန်းလို့ ဝင်လာနှုတ်ဆက်တာပါ။ ဒေါက်တာလို လူမျိုးရှိတာ လူသားအားလုံးအတွက် ကျေးဇူးကြီးလှပါတယ် " 
သူ့ကို အထပ်ထပ် လက်ဆွဲနှုတ်ဆက်ကာ ထိုပုဂ္ဂိုလ် ပြန်ထွက်သွား၏။ ဂမ္မာက တံခါးပြန်ပိတ်ကာ အခန်းထဲသို့ပြန်လှည့်ဝင်ခဲ့သည်။

ထိုစဉ် အချိန်မှာပဲ "ဒေါက်. . . ဒေါက်" နောက်တစ်ယောက် တံခါးလာခေါက်ပြန်သည်။ ဖွင့်ပေးလိုက်တော့ စီးပွါးရေးသမားပုံစံ ရှိသော လူတစ်ယောက် ဝင်လာသည်။ 
" ဒီ ဆုတံဆိပ်ကို လက်ခံပါခင်ဗျာ " 
" အို နေပါဦး ၊ ဒီမှာ အရမ်းများနေပြီ " 
" မငြင်းပါနဲ့ ဒေါက်တာရယ်၊ ကျွန်တော်တို့အဖွဲ့အစည်းကို ဂုဏ်ပြုသောအားဖြင့် ဒီဆုတံဆိပ်ကို လက်ခံပါ " 
ဂမ္မာက အားနာတတ်သည်။ ငြင်းရခက်လာသဖြင့်
" အင်း . . . ဒါဖြင့်လည်း ထားခဲ့လေ " 
" ကျေးဇူးပါပဲ ဒေါက်တာ . . . ကျေးဇူးပါပဲ " ဆုတံဆိပ်ကို ထားခဲ့ကာ ထိုလူ ပျော်ရွှင်စွာ ပြန်ထွက်သွား၏။

တံခါးမပိတ်ရသေးခင်မှာ ပညာရှင်ပုံပေါက်သော ဆံပင်ဖြူဖြူ အဘိုးအိုတစ်ယောက် ရောက်လာပြန်သည်။ 
" ဂမ္မာဆိုတာ မင်းလား "
အဘိုးအိုက လေသံမာမာဖြင့် မေး၏။ 
" ဟုတ်. . . ဟုတ်ပါတယ် " 
အဘိုးအိုက အခန်းထဲမှ ဆုတံဆိပ်များ၊ ဂုဏ်ပြုလက်မှတ်များကို တပြန့်တကျဲ လိုက်ကြည့်၏။ ပြီး ဂမ္မာမျက်လုံးထဲကိုစိုက်ကြည့်ကာ 
" ဒီနေ့ မနက်ကပဲ တက္ကသိုလ် တော်တော်များများက ဒေါက်တာဘွဲ့ ဝိုင်းပေးခံရတဲ့ ဂမ္မာဆိုတာ မင်းနော် ၊ သေချာတယ်နော် " 
" ဟုတ်ကဲ့ပါခင်ဗျာ ၊ သေချာပါတယ် ၊ ကျွန်တော်ပါပဲ . . . ဆရာကြီး ထိုင်ပါဦးလား "
အဘိုးအိုက မထိုင်ချေ ။ သူပြောချင်သော စကားများကိုသာ ဆက်ပြော၏။ 
" မင်းက ဒီဒေါက်တာဘွဲ့ကို သချာင်္ဥပဒေသတစ်ခု ထုတ်ပြန်ပြီး ရတာဆို "
" ဟုတ်ပါတယ် "
" တက္ကသိုလ်တွေကတင် မကဘူး၊ ကြားရတဲ့ လူတိုင်းက မင်းရဲ့ ဥပဒေသကို အရမ်း သဘောကျကြတယ်ဆို " 
" ဟုတ်ကဲ့ ၊ အဲဒီအတိုင်း ဖြစ်နေတာပါပဲ "
အဘိုးအို၏ မျက်နှာထားက တင်းမာသွားသည်။ အထက်စီးလေသံနှင့် ဆက်မေး၏။ 
" ဆိုစမ်းပါဦး ၊ မင်းရဲ့ သချာင်္ဥပဒေသက ဘာနာမည်တုံး ၊ ဘယ်လိုခေါ်သလဲ "
" နာရီဟန်ချက် ဥပဒေသလို့ ခေါ်ပါတယ် " 
အဘိုးအိုက မျက်မှောင်ကြုတ်သွား၏။
" နာရီဟန်ချက် ဥပဒေသ ဟုတ်လား ၊ အချိန်နဲ့ ပတ်သက်သော သဘောတရားများ ဆိုတဲ့ ကျမ်းတွေကို ငါ အတွဲလိုက်ရေးထုတ် ခဲ့တာကွ ၊ မင်းကို တစ်ခါမှ မကြားဖူးပါဘူး ။ ဆိုစမ်းပါဦး မင်းရဲ့ ဥပဒေသက ဘာကို ဖွင့်ဆိုတာလဲ "

ထိုအချိန်မှာပဲ သတင်းထောက်များ ရောက်လာသည်။ ဘာစကားမှ မပြောခင် ဂမ္မာကို ဓာတ်ပုံတဖျတ်ဖျတ် ဝိုင်းရိုက်ကြ၏ ။
ပြီးမှ သတင်းထောက် တစ်ယောက်က 
" ဒေါက်တာရဲ့ ဥပဒေသကို ရှင်းပြပါဦးခင်ဗျာ " 
ဂမ္မာက အဘိုးအိုကို မျက်လုံးတစ်ချက် ဝင့်ကြည့်ကာ သတင်းထောက်များဆီ ဦးတည်ရှင်းပြလိုက်၏ ။ တိုင်ကပ်နာရီကြီးတစ်လုံးကို လက်ညှိုးညွှန်ကာ ရှင်းပြခြင်းဖြစ်၏။ 

" ဒီလိုလေ နာရီဆိုတာ အင်မတန် တိကျတဲ့အရာပဲ။ လောကကြီးဟာ သူ့ရင်ဘတ်မှာ နာရီကို ကပ်ပြီး လည်ပတ်နေရတာ၊ နာရီရဲ့ တိကျမှုကို မှီခိုပြီး လူတွေဟာ အလုပ်လုပ်နေကြတယ် မဟုတ်လား "
" ဟုတ်ပါတယ် ဒေါက်တာ "
" အဲဒီလို တိကျတဲ့ နာရီမှာတောင် လွဲချော်မှုရှိတယ် ။ တိကျသော လွဲချော်မှုဖြစ်တယ် "
" ဟုတ်ကဲ့ ရှင်းပါဦး ဒေါက်တာ "
" မိနစ်တံနဲ့ နာရီတံဟာ တစ်နာရီမှာ တစ်ကြိမ် ထပ်လျက်ကျတယ်။ ၂၄နာရီမှာ ၂၄ကြိမ် ထပ်လျက်ကျမယ်။ အဲလိုယူဆစရာရှိတယ် မဟုတ်လား "
" ဟုတ်ပါတယ် ဒေါက်တာ "
" ဒါပေမယ့် လက်တွေ့မှာ အဲဒီလို မဟုတ်ဘူး။ နာရီလက်တံကလည်း တစ်ပတ် ပတ်ပစ်လိုက်တဲ့အတွက်ကြောင့် မိနစ်တံနဲ့ နာရီ တံဟာ(၁၂)နာရီမှာ (၁၁)ကြိမ်ပဲ ထပ်တယ်။ တစ်ရက်ဖြစ်တဲ့ (၂၄)နာရီမှာ သူတို့ဟာ (၂၂)ကြိမ်ပဲထပ်တယ်။ နှစ်ချက်လျော့တယ် "
" ဪ ဟုတ်သားပဲ ၊ ဆက်ပါဦး ဒေါက်တာ " 
" အင်မတန် တိကျပါတယ်ဆိုတဲ့ နာရီမှာတောင် မိနစ်တံနဲ့ နာရီလက်တံဟာ တစ်ရက်ကို နှစ်ကြိမ်စီ လွဲချော်နေကြတယ် "
" ဟုတ်ကဲ့ "
" အဲဒါကြောင့် လူသားဖြစ်တဲ့ ကျွန်တော်တို့ကလည်း တစ်ရက်မှာ နှစ်ကြိမ် လွဲချော်ခွင့်ရှိတယ်။ အဲဒါကို ကျွန်တော်က နာရီဟန်ချက် ဥပဒေသလို့ သတ်မှတ်တယ် "
" ဟာ. . . ပြောင်မြောက်ပါပေတယ် ဆရာရယ်၊ တကယ် အဖိုးတန်တဲ့ သဘောတရားပါပဲ "

သတင်းထောက်များ ပြန်ထွက်သွားချိန်တွင် သချာင်္ပညာရှင် အဘိုးအိုက ဂမ္မာ့ကို လက်ဆွဲနှုတ်ဆက်၏ ။ သက်ပြင်းတစ်ချက်ချပြီး ပြော၏။
" ဒေါက်တာ့လို ပညာရှင်ကို မလေးမစား လုပ်မိတာ ခွင့်လွှတ်ပါဗျာ၊ ကျွန်တော်မှားသွားတယ်။ ဒါ ဒီနေ့ဖို့ရာ ကျွန်တော့ရဲ့ ပထမ အကြိမ်လွဲချော်မှုလို့ သဘောထားပေးပါ "

အဘိုးအိုလည်းပြန်သွား၏ ။ အခန်းထဲမှာ ဂမ္မာ တစ်ယောက်တည်း ကျန်ရစ်ခဲ့သည် ။ ခေါက်တုံ့ခေါက်ပြန် လမ်းလျှောက်ရင်း ဂမ္မာ
မျက်နှာက ပြုံးစိစိ ဖြစ်နေလေသည် ။

တာရာမင်းဝေ