ပထမ

ပထမ
*****

မသီတာ(စမ်းချောင်း)

7Day Daily
Sat, 2018-06-02 04:30
Issue No. No.1818 Saturday, June 2, 2018

ပထမ (၁)

မှတ်မိနေသော ပထမနေ့ များအနက် မူကြိုကျောင်း ပထမ နေ့သည် ပထမဆုံးဖြစ်သည်။

‘‘ဟင်း...အိမ်ပြန်မယ်၊ မေမေတို့နဲ့ လိုက်ပြန်မယ်’’ ဟု စ ကားမပီကလာဖြင့် ဇီဇာကြောင် စွာအော်ဟစ်ငိုယိုခဲ့ရသည်။ ယမင်း စိတ်ကြိုက်ကစားခွင့်၊ စားခွင့် ရနေသည့်တိုင် တစ်ချက်တစ်ချက် ငိုဖြစ်သည်။ ဖေဖေ၊ မေမေတို့ မရှိသောနေရာတွင် နေရခြင်း သည် လွတ်လပ်ခြင်းထက်အား ငယ်ခြင်းကို ပို၍ဖြစ်စေခဲ့သည်။

ကျောင်းနေကြာ၍ ကျောင်း မှာ ပျော်လာသောအခါ ပထမနေ့ က အဖြစ်ကို ရှက်သလိုလိုဖြစ်မိ သော်လည်း နောင်တတော့မရ ချေ။ ပထမနေ့အဖြစ် ပထမဆုံး မှတ်မိသိရှိသော ပထမနေ့ (၁)။

ပထမ (၂)

နှစ်ကြိမ်မြောက် မှတ်မိသော  ပထမနေ့သည် အထက်တန်း ကျောင်းသို့ မူလတန်းကျောင်းသူ သစ်အဖြစ်ပြောင်းရသော ပထမ နေ့။

မူကြို ပထမနေ့ကလို အော် မငိုဖြစ်တော့။ ကျောင်းထဲမှ ထွက် သွားသော ဖေဖေနှင့်မေမေကို ကြည့်ပြီး မျက်ရည်တွေကျလာ သေးသည်။ သည်တုန်းက နောက် ထပ် ပထမနေ့များစွာကို ဖြတ် သန်းရမည်ဟု မရိပ်မိခဲ့သေး။

ပထမနေ့အဖြစ် ဒုတိယမှတ် မိသိရှိသော ပထမနေ့ (၂)။

ပထမ (၃)

ပထမတန်း စတက်သည့် ပထမနေ့မှစ၍ ယမင်းပထမနေ့ များကို ချစ်တတ်လာသည်။

အတန်းသစ်သို့ ပထမဆုံး တက်ရသော ပထမနေ့၊ အင်္ကျီ သစ်၊ ဂါဝန်သစ်၊ လွယ်အိတ်သစ်၊  ထမင်းဘူးသစ်၊ ခဲတံဘူးသစ်၊ ခဲ တံသစ်၊ ချွန်စက်သစ်တို့ကို ပထမဆုံးသုံးသည့် ပထမနေ့။

ယမင်း ပထမနေ့များကို မျှော်တတ်ခဲ့သည်။ ထို့အတူ ပထမအဆင့်၊ ပထမဆုံး၊ ပထမ လူအဖြစ်ကိုပါ လိုးလားတတ်ခဲ့ သည်။

ပထမအရွယ် ယမင်းငယ် အတွက် ‘ပထမ’သည် ပထမအ တောင့်တဆုံး၊ အပိုင်ဆိုင်ရဆုံး ဝေါဟာရဖြစ်ခဲ့သည်။ ‘ပထမ’ သည်ယမင်းအတွက် ငြီးငွေ့စရာ မဖြစ်ခဲ့။

ပထမ (၄)

ဆေးရုံသို့ ပထမအကြိမ်အ ဖြစ် ပထမထပ်တွင် တက်ရသော ပထမနေ့ကိုလည်း မှတ်မိနေသေး သည်။ အဖျားဒီဂရီ ၁၀၆ ရှိနေသည်မို့ အသေးစိတ် မမှတ် မိသော်လည်း မေမေက ယမင်းကို ပွေ့ထားတာ၊ ခုတင်ဘေးမှာ ဖေဖေနှင့် မေမေထိုင်ပြီး  ယမင်း ကို စိုက်ကြည့်နေတာ၊ ယမင်းနှာ ခေါင်းကို ပိုက်ချောင်းတစ်ခုသွင်း လိုက်တာ၊ ပြတင်းပေါက်ကနေ တရုတ်သံရုံးဂိတ်တံခါးနီနီကြီးကို မြင်နေရတာစသဖြင့် အချို့ကို မှတ်မိနေသေးသည်။

ထိုစဉ်က ပထမအစမ်း စာ မေးပွဲကို ယမင်းမဖြေခဲ့ရ။

ပထမ (၅)

ဆေးတက္ကသိုလ် (၁) တွင် ပထမဆုံးနေ့အဖြစ် တက်ရသော  မောင်မယ်သစ်လွင် ကြိုဆိုပွဲနေ့ ကို သတိရသည်။

‘ဥပဌာနံ အနုကမ္မံ ဥပါဒယ’ နှင့် ပထမဆုံး တွေ့ဆုံရသည့်နေ့။ လိပ်ခုံးမှာ ရက်ရှည်ပညာသင်ယူ ရန် ပထမဆုံးခြေချဖြစ်သည့်နေ့။ စိန်ပန်းတွေ မပွင့်သေးသော်လည်း ပထမနှစ်ကျောင်းသား အသစ် စက်စက်တို့၏ တက်ကြွသွေး ကြောင့် ထိုနေ့က လိပ်ခုံးဝန်းကျင် သည် သန္တာရောင်သန်းနေသည် ဟုထင်မိခဲ့သည်။

ပထမ (၆)

ဒုတိယနှစ် နွေရာသီကျောင်း ပြန်ဖွင့်သည့် ပထမနေ့မှာ အဘွား ဆုံးသည်။ ယမင်းတစ်သက်အိမ်  မှ မိသားစုတစ်ယောက်ယောက် ဆုံးခြင်းကို ယခုမှ ပထမဆုံးအ ကြိမ်အဖြစ်ကြုံခဲ့ရသည်။

ဝမ်းနည်းထိခိုက်၊ ပူဆွေးယူ ကျုံးမရမှု ပြင်းပြင်းထန်ထန်ဖြစ် ခြင်းသည် ယခုအကြိမ်ပထမဆုံး ဖြစ်သည်။ သိပ်လှုပ်လှုပ်ရှားရှား  အလုပ်မလုပ်ခဲ့ရသော မျက်ရည် ကြည်အိတ်သည် ပထမဆုံးအ ကြိမ် အားကုန်လှုပ်ရှားခဲ့ရသည်။

မဖြစ်နိုင်မှန်း သိသော်လည်း  ယခုလို ‘ပထမ’ ကိုတော့ပူးတွဲ ဝေါဟာရအဖြစ် ‘နောက်ဆုံး’ ကို ပေါင်းကာ စက္ကင်းမရောင်းဖို့ ဘိုး ဘိုးကိုကြည့်ပြီး ဆုတောင်းခဲ့ရ သည်။

ပထမကို ယမင်းချစ်တတ် ရုံမက ကြောက်တတ်လာခဲ့သည်။

ပထမ (၇)

တတိယနှစ် ပထမဆုံးနေ့ သည်လည်း အမှတ်တရနေ့များ တွင် တစ်နေ့အပါအ၀င်ဖြစ်ခဲ့ သည်။

လိပ်ခုံးမှ လမ်းမတော် ကျောင်းသို့ ပြောင်းလာရပြီဖြစ် သဖြင့်လည်းကောင်း၊ ပထမဆုံး  လက်ချာကို ဆေးရုံကြီးစာသင် ခန်းမတွင် သင်မည်ဖြစ်၍ ပထမ ဆုံး ဆေးရုံအတွေ့အကြုံ ရတော့ မည်ဖြစ်သဖြင့် လည်းကောင်း ယမင်းပျော်နေ၊ ရင်ခုန်နေမိခဲ့ သည်။

သို့သော် ဆေးရုံကြီးတွင် နံ နက် ၁၀နာရီလက်ချာရှိသည်ကို သာ မှတ်မိပြီး နံနက် ၈နာရီ ကျောင်းတွင် ရောဂါဗေဒ လက် ချာရှိကြောင်း မေ့နေသဖြင့် ပထမ ဆုံးလက်ချာလွတ်သွားခဲ့သည်။

ပထမ (၈)

ယမင်း ဝေါ့ဒ်ပိုစတင်ကို အ ထွေထွေရောဂါကု ဆေးရုံသစ် ကြီးမှာကျသည်။ တတိယနှစ် ဆေးကျောင်းသားများအနက်ဤ  ဆေးရုံသစ်ကြီးတွင် ခွဲစိတ်ကု ပညာသင်ယူလေ့လာသည့် ပထ မဆုံးအဖွဲ့အဖြစ် ယမင်းတို့အဖွဲ့ က သွားရမည်ဖြစ်သည်။

ဆေးရုံသစ်ကြီးသို့ ပထမဆုံး  သွားရသောနေ့မှာပင် ယမင်း ရောဂါစရသည်။ စာသင်မည့် ဆရာနောက်က တကောက် ကောက်လိုက်လျှောက်ရင်း ၀ဲ ယာဝန်းကျင်ကို ယမင်းတို့အဖွဲ့ ငေးခဲ့ကြသည်။ အမျိုးသမီးခွဲစိတ် ဆောင်မှ စထွက်ကတည်းကပင်  ယမင်းမူးချင်ချင်ဖြစ်လာသည်။

‘‘ပထမဆုံးတော့ ဒီဟာပဲ ကြည့်ကြဦးပေါ့ကွာ’’ ဟု ဆရာက  လူနာလက်ယာဘက်နံရိုး မျဉ်း အောက်နား ကျနေသော ရော် ဘာပြွန်နှင့် တစ်ဆက်တည်းရှိ နေသည့် ငှက်ပျောဖူးပုလင်းကို လက်ညှိုးညွှန်ပြသည်။ ခုတင် အောက်မို့ငုံ့အကြည့်တွင် ယမင်း  မြင်ကွင်းတစ်ခုလုံးသည် မည်း မှောင်နက်ရှိုင်းသွားခဲ့သည်။သည့် နောက်မှာတော့ ‘‘ပထမနေ့မှာ  တင်တစ်ယောက်တော့ ပျော့ သွားပြီဟေ့’’ ဟူသည့် စကားတစ် ခွန်းကိုသာ ၀ိုးတ၀ါးကြားလိုက်ရ သည်။

ယမင်းသည် ယခုတိုင် ‘ပထမ’ နှင့် တွဲဖက်အပ်စပ်မြဲဖြစ် သည်။

ပထမ (၉)

အူရောင်ငန်းဖျားနှင့် ၀မ်း ကိုက်ရောဂါဟု ရောဂါအမည်တို့ ကို ပထမဆုံးအကြိမ်သိရစဉ်က ယမင်းစိတ်ညစ်ခဲ့ရသည်။

နောက်တော့ တိုးလို့သာ စိတ်ညစ်ရပြန်သည်။ အဖျားက ၁၀၁ ဒီဂရီမှာ တိုင်နေသည်။ ခေါင်းမူး၊ ပျို့အန်၊ မောပန်းရုံမက  ညတိုင်းညတိုင်း ခြေတွေလက် တွေ တဆတ်ဆတ် တုန်လာတတ် သည်။ ဗိုက်ကြောတင်းကာနာနေ သည်။ ၀ဲယာနံရိုးများအောက်တွင်  တင်းနေသည်။

ဖြူ၊ နီ၊ စိမ်း၊ ၀ါ၊ ညို ဆေး ပြားများကို တစ်နေ့စာအတွက် ရေကြည့်မိသည်။ စုစုပေါင်း ၂၉ လုံးတိတိ။ အူရောင်ငန်းဖျားမို့ ဟောလစ်ကိုပင် ဆန်ခါစစ်ကာ သောက်နေရသော်လည်း ဆေး လုံးတွေကိုတော့ ပုံမပျက်မျိုနေ သည်။ အစိုင်အခဲဟူ၍ ဆေးတစ် မျိုးသာ စားရသဖြင့် အိပ်လို့ လည်း မပျော်တော့။ ဆေးဝါးဗေ ဒ သင်ခန်းစာတွေ တက်စဉ်က သူ ငယ်ချင်းတစ်ယောက်ကို‘‘နှစ်ကုန် ၍ စားမေးပွဲဖြေလျှင် ဆေးတစ်ခု ချင်းစီ၏ အကြောင်းအကျိုးတွေ မှတ်မိပါ့မလား’’ ဟု ယမင်းမေးခဲ့ သည်။

‘‘မပူပါနဲ့  ယပက်လက်ရယ်၊ အဲဒီအချိန်လောက်ဆို အဲဒီဆေး တွေအားလုံးနင်သုံးပြီးသားဖြစ် နေမှာမို့ အပိုင်ဖြစ်နေမှာပါ’’ ဟု ပြန်ပြောခဲ့သော သူငယ်ချင်း တစ် ယောက်၏ အဖြေကို သတိရနေ မိသည်။

ကျောင်းတစ်လကျော်ပျက် သည့် ရက်ပိုင်းအတွင်း အဏုဇီ ၀ ဗေဒဌာနက စစ်သော ပထမဆုံး စာမေးပွဲကို မဖြေဖြစ်ခဲ့။

ပထမ (၁၀)

မနက်ဖြန်ကျောင်းပြန်တက် ရမည်။ ယမင်းစိတ်ထဲတွင် ပထ မဆုံးနေ့ မဟုတ်သော်လည်း ဒု တိယအကြိမ် ပထမဆုံးနေ့ဟု ထင်မိသည်။

ဆေးရုံကို ပြန်သွားရမည်။ ထပ်မူးသွားမည်လား၊ စာတွေ လိုက်နိုင်ပါ့မည်လား။ ကျောင်း စောရောက်နေလို့ သီရေတာ တံ ခါးမဖွင့်သေးလျှင်ကြောင်တောင် တောင်ရပ်စောင့်နေမည်လား။ 

ပထမဆုံးနေ့လို ရင်ခုန်နေ သည်။ ‘ပထမ’ သည် ယမင်းကို စိုးမိုးဆဲ။

ပထမ (၁၁)

မှတ်မိသမျှသော ‘ပထမ’ တို့ ကိုပြန်လည်စုစည်း စဉ်းစားမိ သည်။ တွေးတော ဆင်ခြင်ကြည့် သည်။ ခံစားနားလည်ယူသည်။ 

နောက် ‘ပထမ’ ပေါင်းများ စွာကို တွေးဖြစ်သည်။

အလုပ်သင်ဆရာဝန် ပထမ နေ့၊ အလုပ်ဝင်ဆရာဝန် ပထမ နေ့၊ အထူးကုဆရာဝန် ပထမနေ့၊ အသက် (၄၀) ပြည့် ဘ၀အစ ပထမနေ့၊ လုပ်ငန်းခွင်မှ အနား ယူသည့် ပထမနေ့၊ လူနာဖြစ်  သည့် ပထမနေ့၊ နောက်ဆုံးဘ၀ တစ်ပါးအတွက် အဆင်သင့် ဖြစ်မည့် ပထမနေ့။ ပထမနေ့ ပေါင်းများစွာကို တွေးကြည့် သည်။ မရေရာ၊ ၀ိုးတ၀ါး၊ မထင် မရှား၊ ဖြတ်လမ်းတွေ၊ ကြားကား တွေ၊ ရှော့တ်ကတ်တွေ ခေတ်စား  သလို ဇရာကနေ မရဏကို ခုန် ကူးသွားနိုင်သေးသည်။

နောက်ပထမအဆင့်၊ ပညာ ထူးချွန်မှု ပထမအဆင့်၊ လူမှု ထူးချွန် ပထမအဆင့်၊ တရားနှလုံးသွင်းနိုင်မှု ပထမအဆင့်၊ နိဂုံးကောင်းမှု ပထမအဆင့်၊ ပထမအဆင့်ပေါင်းများစွာကို စဉ်းစားကြည့်မိသည်။ သာ၍ေ၀၀ါးလာသည်။ ‘ပထမ’သည် ‘ကောင်းမွန်ခြင်း’ နှင့်ထာဝရတွဲမနေပါ။

ပထမ (၁၂)

ခုမှသတိရသည်။ ယမင်း မသိသေးသော၊ မမှတ်မိသော၊ မတွေးမိသော ‘ပထမ’ တစ်ခုကျန် ရစ်ခဲ့သည်။

ထို ပထမကား ယမင်းဆို သောလူတစ်ယောက်၏ ‘ဇာတိ’။  ထိုဇာတိ၏ ‘ပထမ’။ ပထမတို့၏  ပထမဆုံးသော ‘ပထမ’။

ပေဖူးလွှာ မဂ္ဂဇင်း
သြဂုတ်၊ ၁၉၈၈

7Day Daily webpage ကနေ ကူးယူပါတယ်။ ဆဲဗင်းဒေးကို ကျေးဇူးတင်ပါတယ်။

စလေ ငနော့ (ကျော်ဇင်လတ်)

share by မွန်းလေးဖေဖေ