ချွင်ခနဲတစ်ချက် မျိုးဆက်သစ်တို့ရဲ့အမှန် - ထွန်းတောက်ထွဋ်(သင်္ချာ)
* * *
ချွင်ခနဲ တစ်ချက် …
"ချွင်”
ချွင်ခနဲ ထွက်ပေါ်လာတဲ့ အသံနဲ့အတူ မက်ဆင်ဂျာ ထဲက စာသား တချို့ကို မြင်လိုက်ရတဲ့ အခါမှာတော့ ဟန်မဆောင်နိုင်တဲ့ အထိ ပျော်ရွှင် သွားခဲ့ရတာ သေချာပါတယ်။
“မ ကျွန်တော်နဲ့ တွေ့ချင် စကားပြောချင်တယ် ဆိုရင် မနက်ဖြန် ဆယ်နာရီလောက် မဟာဗန္ဓုလ ပန်းခြံထဲ လာခဲ့လေ။ ကျွန်တော် စောင့်နေမယ်”
အပြင်မှာ တစ်ခါမှ မတွေ့ဖူး ကြပါဘဲ၊ ဖေ့စ်ဘွတ်ခ် ထဲမှာတောင် ရည်းစား မဖြစ်ကြသေးဘဲနဲ့ အသက် သုံးဆယ်ကျော်စ အမျိုးသား တစ်ယောက်ရဲ့ စကားကို သူ့ထက် လေးနှစ်လောက် ကြီးတဲ့ ချောချောလှလှ အပျိုကြီး မမ တစ်ယောက်က “စိတ်ချ လာခဲ့မယ်” လို့ ပြန်ဖြေ လိုက်မိခြင်းဟာ "ဖေ့စ်ဘွတ်ခ်နတ်” ဝင်သွားပြီ ဆိုတဲ့ သဘောများလား။
ရည်းစားနဲ့ နှစ်ခါလောက် ကွဲထားဖူးတဲ့ အမျိုးသမီး တစ်ယောက်ရဲ့ ပင်ကိုစိတ် အခံကြောင့် များလား။ နှစ်နဲ့ချီပြီး လစ်ဟာနေတဲ့ နှလုံးသား လိုအင်ဆန္ဒ အတွက် ထွက်ပေါက် တစ်ခုများလား။ သေချာတာကတော့ မက်ဆင်ဂျာက နေပြီး ညစဉ် စကား ပြောကြရင်း ကျွန်မဘက်က မောင့်ကို တစ်ဖက်သတ်ကြီး ချစ်နေမိပြီ ဆိုတာ မှန်သော စကားပါလေ။
* * *
၁။
ပေါင်ရင်းအတိ ခပ်ကျပ်ကျပ် အောက်ခံဘောင်းဘီ အနက်ကလေးနဲ့ အပေါ်ပိုင်း ဗလာကျင်းရင်း ရေကူးကန်ပေါင်ပေါ် လက်နှစ်ဖက်ထောက်၊ ညာခြေဖျားတစ်ဖက် တင်ပြီး လှမ်းတက်နေတဲ့ ပုံဟန်ဟာ သားကောင်ကို မြင်လို့ ခုန်အုပ်တော့မယ့် ကျားတစ်ကောင်ရဲ့ ဟန်ပန် အတိုင်းမို့ အမြင်ရိုင်းတယ် မဆိုသာပါဘူး။ ကျစ်လျစ်၊ သန်မာ၊ တောင့်တင်းတဲ့ လက်မောင်းနှစ်ဖက်တင်မက အမွေးအမှင် သိပ်မထူတဲ့ ရင်အုပ်၊ လက်ဖျံ၊ သလုံးသားတွေ ပေါ်မှာ လှပစွာ ထိုးထားတဲ့ တက်တူး ရောင်စုံတွေက အချိုးအစား ကျနလွန်းတဲ့ မောင့်ရဲ့ ခန္ဓာကိုယ်နဲ့ အပ်စပ် ကြည့်ကောင်း နေတာလည်း အမှန်ပါပဲ။ ရုပ်ရှင်မင်းသား ကျော်ရဲအောင် ငယ်ငယ်ကလိုလို ရုပ်ခံနဲ့ ရီဝေဝေ အကြည့်တွေက တော်ရုံ မိန်းမသား ပစ်လဲကျလောက်တဲ့ ပရိုဖိုင် ပုံမျိုးပါ။
ရိုက်ကွင်းက ပုံတချို့ တင်လေ့ ရှိသလို နယ်ခရီး ထွက်တာပဲ ဖြစ်ဖြစ်၊ နိုင်ငံခြားခရီး သွားတာပဲ ဖြစ်ဖြစ် ရောက်ရာ အရပ်က သူ့ ဓာတ်ပုံကလေးတွေ ဖေ့စ်ဘွတ်ခ်ပေါ် တင်တာက လွဲပြီး သူ့ကို ပိုးကြေး ပန်းကြေးနဲ့ ဝင်ပြောလာတဲ့ ကောင်မလေးတွေရဲ့ ကွန့်မန့်အောက်မှာ အနှောင့်အသွား မလွတ်တဲ့ စကားတွေနဲ့ ပြန်မဖြေတတ် ခဲ့တာလည်း ကျွန်မ မောင့်ကို သဘောကျရတဲ့ အချက်တွေထဲက တစ်ချက်လို့ ပြောရင် ရပါတယ်။ ဘာပဲဖြစ်ဖြစ် ဘန်ကောက်မှာ ရိုက်ခဲ့တဲ့ ဓာတ်ပုံတွေ မြင်ပြီး မောင့်ကို အထင်ကြီး စိတ်နဲ့ သဘောကျ ခဲ့တာလား၊ စမတ်ကျကျ ဝတ်စားတတ်တဲ့ မင်းသားပုံ ပေါက်နေတဲ့ မောင့်ရဲ့ စတိုင်ကို နှစ်သက်ခဲ့တာလား၊ ပရိုဖိုင်ပုံထဲက ယောက်ျား ပီသတဲ့ ခန္ဓာကိုယ် အချိုးအဆစ်ကို မြင်ပြီး စိတ်ဝင်စား ခဲ့တာလား မပြောတတ်ပါဘူး။ ကျွန်မ ပြောတတ်တာ တစ်ခုကတော့ မောင့်ကို တစ်ဖက်သတ် ချစ်မိနေတဲ့ကျွန်မ မောင် ချိန်းထားတဲ့ မဟာဗန္ဓုလ ပန်းခြံထဲ ရောက်မှ မိန်းမဈေး ကျနေမှန်း သဘောပေါက် ခဲ့ရတာမျိုးပါ။
“ကျွန်တော် ဘာကောင်မှ မဟုတ်သေးပါဘူး မ,ရယ်။ ရုပ်ရှင်၊ ဗီဒီယို ရိုက်တယ် ဆိုတာကလည်း မင်းသား သူငယ်ချင်း အခန်းက ပါရတာ တစ်ကား နှစ်ကားလောက်ပါ။ လူကြမ်းအဖြစ် လာငှားကြတာပဲ များပါတယ်။ အလုပ်ပေါ်ရင် ပေါ်သလို နေ့စား ကဖစ်လိုက်၊ ကားပြတ် တစ်သိန်းလောက် ရလိုက်နဲ့ ဝေလေလေ အဆင့်ပါ မ,ရာ”
နေ့ခင်း ကြောင်တောင်ကြီး အရက်ကလေး ခပ်ထွေထွေနဲ့ မောင် ပြောပြသမျှ မောင့်ရဲ့ ရုပ်ရည် အချိုးအစားနဲ့ ဘယ်လိုမှ မသင့်တော် မအပ်စပ်တဲ့ လူကြမ်း နေရာ၊ လူစားထိုး နေရာတွေမှာသာ အများဆုံး သရုပ်ဆောင်ခွင့် ရတဲ့အကြောင်း ကျွန်မ သိသိချင်း စိတ်မကောင်း ဖြစ်ရတာ အမှန်ပါ။ တကယ်တော့ ဖေ့စ်ဘွတ်ခ် ပေါ်မှာ သူ တင်လေ့ရှိတဲ့ စတေးတပ် စာသားထဲက သတ်ပုံ မမှန်တဲ့ ဝါကျတွေကြောင့် မောင် သင်ယူထားတဲ့ အတန်းပညာ သိပ်မရှိနိုင်ဘူးလို့ ကျွန်မဘက်က တွေးထင်ခဲ့ ပြီးသားပါ။ ကျွန်မအထင် ပိုပြီး သေချာသွားတာ ကတော့ လေးတန်းနဲ့ ကျောင်းထွက်ပြီး လူပျိုပေါက် အရွယ် ကတည်းက ရန်ကုန် ရောက်လာတဲ့ မောင်က အလုပ် အမျိုးစုံ၊ ဘဝ အမျိုးစုံမှာ ကျင်လည် ခဲ့ရပြီး သူ ဝါသနာ ကြီးလွန်းတဲ့ ရုပ်ရှင်၊ ဗီဒီယို ရိုက်ကွင်းတွေမှာတော့ ဒိုင်ယာလော့ခ်ကို စာရွက်နဲ့ မကျက်တတ်ဘဲ ဒါရိုက်တာ ကိုယ်တိုင် နှုတ်တိုက် ချပေးမှ ပြောဆိုတတ်သူ အဖြစ် မောင်ကိုယ်တိုင် ဝန်ခံခဲ့တာကြောင့်ပါ။ မောင် အင်မတန် ဖြစ်ချင်တဲ့ သရုပ်ဆောင်ကောင်း တစ်ယောက် ဖြစ်ဖို့အရေး တတ်ထားသင့်တဲ့ အတန်းပညာနဲ့ ဖတ်ထားသင့်တဲ့ စာပေ ဗဟုသုတတွေ အလုံအလောက် မရှိတာ မှန်ပေမဲ့ ပင်ကိုဗီဇ အရ၊ အမြင် အရ၊ အတွေ့အကြုံ အရ ကျရာ ဇာတ်ရုပ်မှာ ပီပြင်သူ တစ်ယောက် ဆိုတာကိုတော့ မောင်ပြတဲ့ ဇာတ်ကား နမူနာတွေ ကြည့်ပြီး ကျွန်မဘက်က လက်ခံခဲ့ရတာမျိုးပါ။
ဘာပဲဖြစ်ဖြစ် စာမဖတ်၊ အတန်းပညာ သိပ်မတတ်ဘဲ ရုပ်ရည် အချိုးအစား ယောက်ျား ပီသလွန်းတဲ့ လူချော တစ်ယောက်ကို ချစ်မိသွားသူက နယ်က လာပြီး အဆောင်မှာ နေတဲ့ ရုံးဝန်ထမ်း၊ ပညာတတ် တစ်ယောက် ဖြစ်နေလေတော့ မောင့်ရဲ့ အားနည်းချက်တွေကို ဖြည့်ဆည်းပေးရင်း၊ အောင်မြင်တဲ့ သရုပ်ဆောင် တစ်ယောက် ဖြစ်အောင် ကူညီရင်း ဘဝ တစ်သက်စာ အတွက် လက်တွဲဖော် အဖြစ် စိတ်ကူးယဉ်ခဲ့မိသူက ကျွန်မရယ်ပါလေ။
* * *
၂။
ချစ်တီး ကုလားတွေရဲ့ အတိုးဒဏ်၊ အင်္ဂလိပ် အစိုးရရဲ့ လယ်ခွန်၊ လူခွန်ဒဏ်နဲ့ အရင်းရှင်တွေရဲ့ ခေါင်းပုံဖြတ်မှု ဒဏ်ကို ခံစားနေရတဲ့ မြန်မာ လယ်သမားတွေဟာ အကြွေးနွံထဲ နစ်ခဲ့ကြတာ သေချာပါတယ်။ အဲဒီ ပြဿနာတွေနဲ့ မရှေးမနှောင်းမှာပဲ ကမ္ဘာ့စီးပွားရေးပျက် ကပ်ကြောင့် စပါးဈေး ထိုးကျသွားတဲ့ အခါမှာတော့ လယ်သမားတွေဟာ လယ်ယာမြေတွေ ပေါင်နှံ ရောင်းချပြီး အကြွေးဆပ် ကြရတာပါပဲ။ ဒီကြားထဲ အရင်းရှင်တွေက အိန္ဒိယက နေပြီး ဈေးပေါတဲ့ လယ်ကူလီတွေကို ခေါ်သွင်း လာပြန်တဲ့ အတွက် လယ်မဲ့ယာမဲ့၊ အလုပ်လက်မဲ့ ဖြစ်လာကြတဲ့ လယ်သမားတွေရဲ့ အပူမီးဟာ အထွေထွေ မကျေနပ်မှုကို စတင် ဖြစ်ပေါ်စေမှာ မလွဲပါဘူး။
ဒီလိုနဲ့ပဲ အင်းအိုင်၊ လက်ဖွဲ့၊ ဂါထာ၊ မန္တရားတွေနဲ့ တုတ်ပြီး၊ ဓားပြီး၊ သေနတ်ပြီး ကိစ္စတွေ စီရင်ပေးခဲ့တဲ့ ခေါင်းဆောင် တစ်ယောက်နဲ့ သူ့ရဲ့ အပေါင်းအပါ တပ်သားတွေဟာ ရရာလက်နက် စွဲကိုင်ပြီး အင်္ဂလိပ် အစိုးရကို တော်လှန်ခဲ့ကြမှာ သေချာသလောက် ပါပဲ။ အင်္ဂလိပ် အစိုးရရဲ့ ရက်ရက်စက်စက် နှိမ်နှင်းမှုကြောင့် ခေါင်းဆောင်ကြီးနဲ့ တခြားခေါင်းဆောင်တွေ ကြိုးပေး၊ ကွပ်မျက် ခံခဲ့ရတယ်ဆိုတဲ့ အဖြစ်က သမိုင်းမှာ အထင်အရှား ရှိခဲ့တဲ့ ဖြစ်ရပ်မှန် တစ်ခုပါလေ။ ဘာပဲဖြစ်ဖြစ် ကြိုးမိန့် အပေးခံခဲ့ရတဲ့ သူတွေထဲမှာ ပါဝင်ခဲ့ပေမဲ့ အသက်ငယ်ဆုံး ဆိုတဲ့ အကြောင်းပြချက်နဲ့ ဆရာတော် တစ်ပါးရဲ့ မေတ္တာရပ်ခံချက်ကြောင့် ကြိုးမိန့်ကနေပြီး ထောင်ဒဏ် တစ်သက်တစ်ကျွန်း အဖြစ် ပြစ်ဒဏ် လျှော့ပေါ့ ခံစားခဲ့ရသူက မောင့်အဘိုး ဆိုတာ သိလိုက်ရတဲ့အ တွက် ကျွန်မ အံ့ဩသွားရတာတော့ အမှန်ပါပဲ။
“အဘိုးက ကျွန်တော့်ကို အရမ်းချစ်တာ မ,ရ။ ကျွန်တော် ငယ်ငယ်က ညဘက်တွေဆို အဘိုးကို နင်းနှိပ် ပေးရတယ်လေ။ အဘိုးက ကျွန်တော် မပျင်းအောင် ဆိုပြီး သူတို့ ငယ်ငယ်က တိုက်ပွဲဝင်ခဲ့တဲ့ အကြောင်းတွေကို ပုံပြင်တစ်ပုဒ်လို ပြောပြခဲ့တာ မ,ရဲ့”
ဪ ... သူရဲကောင်း တစ်ယောက်ရဲ့ မြေးဟာ မောင်တဲ့လား။ ခေတ်တွေ အလီလီ ပြောင်းပြီး ထောင် တစ်သက်တစ်ကျွန်း ဒဏ်ကလွတ်။ ဂါထာ၊ မန္တရား၊ အင်းအိုင်၊ လက်ဖွဲ့ အတတ်တွေနဲ့ ဆေးကုစား ခဲ့ရတာ မောင့်အဘိုးတဲ့လား။ တိုက်ပွဲဝင် ဓားနဲ့ အင်းပဝါကို အမိန့် တစ်ခုကြောင့် ပြတိုက်ထဲ ပို့ပေးခဲ့ရပြီး မဖြစ်စလောက် ပင်စင် လစာကလေးနဲ့ ခေတ်ကို အန်တုရင်း အသက် ရှစ်ဆယ်ကျော် အထိ နေပြသွားခဲ့သူဟာ မောင့်အဘိုး ဖြစ်နေတာမျိုးလား။ တိုက်ပွဲဝင် လက်ကျန် ဓားနှစ်ချောင်းကို ပြတိုက်ထဲ ပို့ခိုင်းမှာ စိုးလို့ အိပ်ရာအောက်ထဲ ဝှက်၊ အမှတ်တရ ထားရင်း သေတဲ့အထိ အဆွေးခံ သွားခဲ့တာ မောင့်အဘိုး တဲ့လား။ သားယောက်ျားလေး မမွေးခဲ့ဘဲ သမီးချည်းပဲ သုံးယောက် ရခဲ့ပြီး အငယ်ဆုံး သမီးရဲ့ အငယ်ဆုံးသော သားဟာ အဘိုးအတွက် အားကိုး မျှော်လင့်စရာ လက်ရုံးတစ်ဆူ ဖြစ်စေချင်ခဲ့တာမျိုးလား။ ဥပဓိရုပ်ခံ ကောင်းသလို အချိုးအဆစ်ပါ ကောင်းလာနိုင်စရာ ရှိတဲ့ မြေးဖြစ်သူကို သူ့လို သူရဲကောင်း တစ်ယောက် မဟုတ်တာတောင် ယောက်ျားပီသ စေလိုစိတ်နဲ့ ငယ်စဉ်ကတည်းက တက်တူးတချို့ ထိုးပေးခဲ့တာဟာ အဘိုးရဲ့ မျှော်လင့်ခြင်း လက်ဆောင် တစ်မျိုးလား။ အရွယ်ရောက် လူလားမြောက် လာခဲ့စဉ်မှာတော့ ခန္ဓာကိုယ်ပေါ်မှာ တက်တူး အရုပ်တွေနဲ့ ပြည့်နှက် နေတာမျိုးကို သဘောကျ လာသူဟာ ကျွန်မဘက်က တိတ်တခိုး ချစ်နေမိတဲ့ မောင် တဲ့လား။
ဟန်ဆောင် ထိုး၊ ဟန်ဆောင် ခုတ်၊ ဟန်ဆောင် ပစ်ခတ်၊ အော်ဟစ်၊ ကြိမ်းမောင်း နေရတဲ့ ရုပ်ရှင် ဗီဒီယိုထဲက “သရုပ်ဆောင် လူကြမ်းတစ်ယောက် ဖြစ်လာနိုင်တယ်” လို့ မောင့်အဘိုးဘက်က တွေးခဲ့မှာ မဟုတ်သလို မောင်ကိုယ်တိုင်လည်း အဲဒီလို ဖြစ်ချင်မယ်လို့ ကျွန်မ မထင်ပါဘူး။ မောင် ပြလာတဲ့ မိသားစု ဓာတ်ပုံတချို့နဲ့ မောင့်ရဲ့ ရုပ်ရည် အချိုးအစား ပြင်ပ အသွင်အပြင် အရ “ဘမျိုးဘိုးတူ” ဆိုတဲ့ စကားဟာ မောင်နဲ့ကျမှ ကွက်တိ မှန်ခဲ့တာမျိုးပါ။ ဘာပဲဖြစ်ဖြစ် မောင် ကျင်လည်ခဲ့ရတဲ့ ဘဝနဲ့၊ မောင်ကိုယ်တိုင် လက်ရှိ ဖြတ်သန်းနေရတဲ့ ဘဝ အခြေအနေက ခေတ်ကြောင့်ပဲ ပြောပြော၊ ကံတရားကြောင့်ပဲ ဆိုဆို သူရဲကောင်း တစ်ယောက်ရဲ့ မြေးအနေနဲ့ လားလားမှ မအပ်စပ်နေတာ အမှန်ပါ။ မောင့်အဘိုးသာ သက်ရှိထင်ရှား ရှိနေဦးမယ် ဆိုရင်တော့ မောင့်ရဲ့ ပကတိ အခြေအနေကို ဘာတွေများ ပြောဦးမလဲ ဆိုပြီး ကျွန်မ သိချင်နေတာတော့ သေချာပါတယ်။
ဘာပဲပြောပြော အဘိုးက ချစ်တဲ့၊ အဘိုးကို ချစ်တဲ့ မြေးတစ်ယောက်ပီပီ သူ့အဘိုးအကြောင်း ပြောပြနေတဲ့ မောင့်ရဲ့ ရီဝေဝေ မျက်ဝန်းတစ်စုံမှာ အရည်ကြည်တွေ တွဲခိုလာတာကြောင့် ကျွန်မလည်း မောင်နဲ့ထပ်တူ စိတ်မကောင်း ဖြစ်ရင်း နှစ်သိမ့်ပေးရ ပြန်ပါတယ်။ စိတ်အလိုဆန္ဒ မပြည့်ဝမှုကြောင့် နှစ်နဲ့ချီပြီး နစ်မွန်းခဲ့မှာ သေချာတဲ့ အရက်သောက်ခြင်း ကိစ္စကိုတော့ အချိန်ယူပြီး တဖြည်းဖြည်း သိမ်းသွင်းရမယ်လို့ပဲ ကျွန်မစိတ်ထဲ တေးထားလိုက် ပါတယ်။ ဒါပေမဲ့ ကျွန်မနဲ့ ဆုံလေ့ရှိတဲ့ နေ့ခင်းကြောင်တောင် အချိန်ကြီးမှာတောင် မူးယစ်ရီဝေ နေတဲ့ သူ့အဖြစ်ကြောင့် အရက်နဲ့ ပတ်သက်တဲ့ ကျွန်မရဲ့ သဘောထား အမှန်ကို မောင်သိအောင် ကြိုတင်ရှင်းပြ၊ ပြောပြ၊ နားချကြည့်တဲ့ အခါမှာတော့ မောင့်ဘက်က ဘာတစ်ခွန်းမှ ပြန်မပြောဘဲ ရယ်ကျဲကျဲသာ လုပ်နေခဲ့ပါတယ်။ နဂိုကတည်းက အထင်ကြီးစိတ်နဲ့ စ,ခဲ့ရတဲ့ အချစ်တစ်ခုဟာ အဖြစ်မှန်တွေ သိပြီးနောက်မှာတော့ သနားစိတ်အဖြစ် ပြောင်းလဲ သွားပြန်တယ် ဆိုရင် ကျွန်မ မိုက်မဲသူ တစ်ယောက်လို့ အများက ဆိုကြလေမလား။ ကျွန်မ လိုချင်တဲ့ အချစ်၊ မေတ္တာတရားတွေ မောင့်ဆီက ပြန်ရမရ ဆိုတာ သိပ်မသေချာပေမဲ့ အသေချာဆုံး ကိစ္စတစ်ခုကတော့ မောင့်ဘက်က ကျွန်မကို တွယ်တာနေခြင်းဟာ မိခင် တစ်ယောက်လို၊ အစ်မ တစ်ယောက်လိုထက် ပိုမနေခဲ့တာမျိုးပါ။
ဘာပဲဖြစ်ဖြစ် ကျွန်မနဲ့ ပတ်သက်ပြီး မောင့်ရဲ့ စိတ်ခံစားချက် အမှန်ကို ရိပ်မိလာတဲ့ နောက်ပိုင်း ကာလတွေမှာတော့ ကျွန်မဆိုတဲ့ မိန်းမ တစ်ယောက်ဟာ မောင်နဲ့ ပတ်သက်သမျှ ပေးဆပ်တတ်သူ တစ်ယောက် ဖြစ်မှန်းမသိ ဖြစ်နေခဲ့ပါပြီ။ ဒါပေမဲ့ မောင့်ရဲ့ လက်ရှိဘဝ အခြေအနေထက် မဆိုစလောက်ကလေး ပိုသာနေတဲ့ ကျွန်မအတွက် သိပ်ပြီး ခက်ခဲလှတဲ့ ပေးဆပ်မှုမျိုးတွေတော့ မဟုတ်ပါဘူး။ ဥပမာ မောင့်အတွက် ဖုန်းဘေလ် ငါးထောင်လောက် ထည့်ပေး လိုက်တာမျိုး၊ မောင် နယ်ခဏ ပြန်ချင်တယ် ဆိုရင် လမ်းစရိတ် သုံးသောင်းလောက် ထုတ်ပေး လိုက်တာမျိုး၊ မောင့်အတွက် အဆောင်လခ ငါးသောင်းလောက် စိုက်ပေး လိုက်တာမျိုးက လွဲပြီး မောင့်ဘက်ကလည်း မတန်တဆတွေ အတင်း မပူဆာပါဘူး။ ကျွန်မ အတပ်ပြောရဲတာ တစ်ခုကတော့ မောင်ဟာ ယောက်ျားပိုင်းလုံး တစ်ယောက် မဟုတ်သလို သူ့လိုအပ်ချက်အတွက် မိန်းမတစ်ယောက်ရဲ့ ကူညီပေးကမ်းမှု မှန်သမျှ ငြင်းဆန်တတ်တဲ့ လူတစ်ယောက်လည်း မဟုတ်ပြန်ပါဘူး။ အကောင်းစား အဝတ်အထည်၊ လူ့အသုံးအဆောင် ပစ္စည်းတွေ ဝတ်ဆင် သုံးစွဲတတ်လေ့ ရှိတဲ့ မောင်တစ်ယောက် ငွေကြေး အဆင်ပြေခဲ့စဉ် ကာလက ကူညီပေးကမ်းခဲ့သူတွေ အများကြီး ရှိခဲ့တယ် ဆိုတာတော့ သေချာ နေပါတယ်လေ။
* * *
ပဉ္စမမြောက် မောင်နဲ့ ဆုံဖြစ်ကြတဲ့ အခါမှာတော့ မိုးဦးကျကာလ ဖြစ်တဲ့အတွက် မောင့်ရဲ့ လက်ရှိအလုပ်တွေ အခြေအနေ မကောင်းတဲ့ အကြောင်းနဲ့ သူ့ရွာသူ ခဏ ပြန်နေတော့မယ် ဆိုတဲ့အကြောင်း၊ မောင့်မိတ်ဆွေ၊ အပေါင်းအဖော်တွေ ကလည်း အဆောင်လခ အတွက် ပိုက်ဆံချေးပေးဖို့ နေနေသာသာ သူတို့ နေထိုင်ရာမှာ ခဏတာ တည်းခိုစေပြီး ထမင်း တစ်နပ်တောင် ခေါ်မကျွေးချင် ကြတဲ့အကြောင်း၊ အဆင်မပြေခြင်း ဓာတ်ပြားဟောင်းတွေနဲ့ပဲ ဆီးကြိုခဲ့တာမျိုးပါ။
မိန်းမတစ်ယောက် အနေနဲ့ မောင် ချိန်းဆိုတဲ့ မောင် သောက်နေကျ အရက်ဆိုင်ထဲအထိ ရောက်ခဲ့ပြီ ဆိုတာကတော့ အချစ်က မိန်းမသားတစ်ယောက်ရဲ့ ဂုဏ်သိက္ခာကို အနိုင်ပိုင်းသွားပြီ ဆိုတဲ့ သက်သေပါ။ မောင် သောက်နေကျ ဆိုင်ထဲမှာလည်း မနက် ဆယ်နာရီဝန်းကျင် အချိန်ကြီးမှာတောင် မောင့်လိုပဲ ဟိုမရောက်၊ ဒီမရောက် အနုပညာသည် အများစု မူးယစ်သောက်စား ပေါက်ကွဲ နေကြတာမျိုးပါ။
“မ, ကိုလည်း အပူ မကပ်ချင်ပါဘူး။ ကျွန်တော် မ,ဆီက ယူခဲ့တာတွေ များပါပြီ။ ဘာပဲဖြစ်ဖြစ် အဆင်ပြေတဲ့ တစ်နေ့ မ,ကျေးဇူးတွေ ကျွန်တော် ပြန်ဆပ်မှာပါ။ ဒီတစ်လ နှစ်လအတွင်း ကြိုတင် ယူထားတဲ့ ငွေလည်း မရှိ၊ ဘာစာချုပ်မှလည်း မရှိတော့ ရွာမှာပဲ ခဏ ပြန်နေတာ ကောင်းပါတယ် မ,ရယ်။ လောလောဆယ်တော့ ကျွန်တော် သောက်ထား စားထားတာတွေပဲ မ, ရှင်းပေးပါတော့။ ရွာအပြန် လမ်းစရိတ် ကျွန်တော့်မှာ ရှိပါတယ်”
“မ,ကို ချစ်တယ်။ မ,နဲ့ အတူနေမယ်။ ဖြစ်လာတဲ့ ဘဝကို နှစ်ယောက် အတူတူ ရင်ဆိုင်ကျော်ဖြတ် ကြတာပေါ့ မ,ရယ်” ဆိုတဲ့ စကားမျိုး ပြောလာမယ် ဆိုရင်တောင် ကျွန်မ စုဆောင်း ထားတာလေးတွေနဲ့ မောင်နဲ့အတူ ဘဝတစ်ခုကို ထူထောင်ဖို့ စိတ်ကူးမိချင် စိတ်ကူးမိဦးမှာပါ။ ခုဟာက ကျွန်မ ကြားချင်တဲ့ စကားတွေ တစ်ခွန်းမှ မပြောဘဲ သူ့လိုအပ်ချက် တချို့ကိုပဲ ပြောလာတာက မောင်နဲ့ကျွန်မ ဘယ်လိုမှ ဆက်စပ်လို့ မရနိုင်တော့ဘူး ဆိုတဲ့သဘော ပြနေတာပါပဲ။ ဘာပဲဖြစ်ဖြစ် လက်ရှိ အခြေအနေအရ မောင့်မှာ ရည်းစား မရှိဘူး ဆိုတာကို သိနေတဲ့ ကျွန်မက ခေါင်းမာတတ်သူ တစ်ယောက်လေ။ ကျွန်မ ဖြစ်ချင်တာကို မဖြစ်ဖြစ်အောင် လုပ်လိုက်ရမှ ကျေနပ်သူ တစ်ယောက်လေ။
“မောင် မ,ကို ဟောဒီ ရန်ကုန်မြို့ကြီးမှာ ဘယ်လို ထားခဲ့မယ်လို့ စဉ်းစားထားသလဲ”
ကျွန်မနှုတ်က ထွက်ပေါ်လာတဲ့ စကားကြောင့် မောင့်ဘက်က ခဏလောက်တော့ တွေခနဲ ဖြစ်သွားခဲ့ပါတယ်။ ဒါပေမဲ့ …
“မ,က မ, အလုပ်နဲ့ မ, နေသားကျ နေပြီလေ။ ရန်ကုန်မှာပဲ အရင်လို ပုံမှန်အတိုင်း ဆက်နေခဲ့ပေါ့။ အလုပ်ပိတ်တဲ့အခါ မ, မိဘတွေရှိတဲ့ နယ်ခဏ ပြန်ချင်ပြန်လေ။ တစ်လ နှစ်လပါပဲ မ,ရယ်၊ မကြာပါဘူး။ ကျွန်တော် ပြန်လာလို့ အဆင်ပြေတာနဲ့ မ,ကူညီခဲ့တာတွေ ပြန်ဆပ်မှာပါ”
မောင့်နှုတ်က ထွက်ပေါ်လာတဲ့ ထူးမခြားနား စကားတွေဟာ ကျွန်မရဲ့ မျှော်လင့်ချက်ကို ရိုက်ချိုးသလို ဖြစ်သွားခဲ့ပြီး နောက်မှာတော့ မောင်နဲ့ကျွန်မ မပတ်သက်တော့ဖို့ ကျွန်မကိုယ်ကျွန်မ သံပတ်တင်းကြည့် ရပါတယ်။ တင်းဆို ကျွန်မက မောင့်လိုပဲ ကိုယ့်အတွက်ကိုယ် ကြည့်တတ်သူ တစ်ယောက်ပဲလေ။ ကိုယ်ဖြစ်ချင်သလို မဖြစ်ရဘူးဆိုတာ သေချာနေပြီး နောက်မှာတော့ ဆက်နစ်နေလည်း ဘာမှ မထူးတော့တဲ့ ဥစ္စာ။ ဒါပေမဲ့ ဆန်းကြယ်တဲ့ အချစ်မေတ္တာတရားက “မောင်နဲ့သာ တကယ် ဝေးခဲ့မယ်ဆိုရင် ကျွန်မဘက်က ခံနိုင်ရည်ရှိမှာ မဟုတ်ဘူး” ဆိုတဲ့ အသိက စိုးထိတ် ကြေကွဲစိတ်တွေနဲ့ အတူ သတိပေး လာခဲ့တာပါ။ မောင်ဟာ ကျွန်မဘဝအတွက် ရှာမှရှားတဲ့ ယောက်ျား တစ်ယောက်ပါ။ “လွတ်တဲ့ငါး ကြီးတယ်” ဆိုတဲ့ စကားဟာ မောင်နဲ့ကျမှ ကွက်တိ မှန်နိုင်တာမျိုးပါ။ ကျွန်မ ထားခဲ့ဖူးတဲ့ ရည်းစားတွေထက် အဆပေါင်းများစွာ သာတဲ့ ရုပ်ရည်၊ အချိုးအစား ရှိသူဟာ မောင်ဆိုတာ သေချာခဲ့ပြီး နောက်မှာတော့ မိုက်မိုက်မဲမဲနဲ့ပဲ “လောလောဆယ် မောင်ပြောတဲ့ အတိုင်း နေလိုက်တာပဲ ကောင်းပါတယ်လေ” ဆိုပြီး ဆုံးဖြတ်လိုက် ရပါတယ်။ မောင်ကတော့ ကျွန်မ အတွင်းစိတ်နဲ့ ကျွန်မ တိုက်ပွဲဝင် နေတာကို မသိဘဲ သက်သောင့်သက်သာ ပုံစံမျိုးနဲ့ သန့်စင်ခန်းဘက် ထွက်သွားခဲ့ပါတယ်။
"ချွင် ချွင် ချွင်”
ဘာပဲဖြစ်ဖြစ် ချွင်ခနဲ မြည်သံကြောင့် အတွေးစတွေ ပြတ်တောက် သွားရတဲ့ ကျွန်မ မောင် ချထားတဲ့ ဖုန်းဆီ အာရုံရောက် သွားခဲ့ပါတယ်။ အင်တာနက်လိုင်း ဖွင့်ထားပုံရတဲ့ မောင့်ဖုန်းထဲက နေပြီး တချွင်ချွင် အသံပေးရင်း အဆက်မပြတ် ပို့နေတဲ့ မက်ဆေ့ခ်ျတွေကြောင့် လူ့ကျင့်ဝတ် ချိုးဖောက်ပြီး ကောက်ယူ ဖတ်ကြည့်မိခဲ့တာ ပါပဲ။
“ဟိုညက ညီ လက်ဆောင် ပေးသွားတဲ့ အတွင်းခံ ဘောင်းဘီကို အစ်ကို မဝတ်တတ်ဘူး ဖြစ်နေတယ်။ ရှေ့ပိုင်းမှာ လုံပြီး နောက်ပိုင်းမှာ ဟာတာတာ ဖြစ်နေတော့ အဆင်မပြေဘူး ညီရ။ ပိုဆိုးတာက နောက်ပိုင်းမှာ အသည်းပုံလိုမျိုး ဟာလာဟင်းလင်း ဖြစ်နေတာကြောင့်ပါ။ ညီ ဝတ်ထားတာတော့ မိုက်ပါတယ်ကွာ ဟားဟား။ နောင် ဒါမျိုး လက်ဆောင် မပေးပါနဲ့ ညီရ။ ပေးချင်ရင် ရိုးရိုးပုံစံပဲပေး။ အိုကေနော်။ ဒီလထဲ အစ်ကို သင်္ဘော ပြန်တက်ဖြစ်တယ် ညီလေး။ ပြန်လာမှ ဆုံကြသေးတာပေါ့။ ဆီးယူ”
မက်ဆင်ဂျာထဲက ထူးခြားတဲ့ စာသားတွေကို ဖတ်ပြီး ကျွန်မလည်း စဉ်းစားရကျပ်စွာနဲ့ မောင့်ဖုန်းကို နေသားတကျ ပြန်ထားလိုက်မိ ပါတယ်။ ယောက်ျားလေးတွေ ဝတ်တဲ့ အတွင်းခံ ဘောင်းဘီတွေမှာ ဒါမျိုးပုံစံ ရှိသတဲ့လား၊ မောင်ကရော သင်္ဘောသား တစ်ယောက်ကိုမှ ဒါမျိုး လက်ဆောင်ပေး သတဲ့လား၊ မောင် ကိုယ်တိုင်ကော ဒါမျိုးတွေ ဝတ်သတဲ့လား၊ မောင့်တင်ပါးမှာ တက်တူး ထိုးထားလို့ ဒါမျိုး ဝတ်တာများလား။ အဲဒီတက်တူးကို ဘယ်သူမြင်စေချင်လို့ ဘုရား ဘုရား၊ မောင်ဟာ ဘာလဲ။
“ဘာတွေ အလိုမကျဖြစ်ပြီး မျက်မှောင်ကြုတ် နေတာလဲ မ”
“ဟင် ဟို ဘောင်းဘီ”
“ဗျာ ဘောင်းဘီ”
“ဟို ဟိုလေ၊ မောင့်ရဲ့ ဖေ့စ်ဘွတ်ခ် အကောင့် ပရိုဖိုင်ပုံထဲက မောင် ဝတ်ထားတဲ့ ဘောင်းဘီအတို အနက်ကလေး မောင်နဲ့ လိုက်တဲ့အကြောင်း တွေးနေတာ”
“ဪ ဟား ... ဟား … ဟား၊ ဒါလား မ,ရာ။ အဲဒီဓာတ်ပုံက ဘန်ကောက်မှာ ကျွန်တော် အတွင်းခံဘောင်းဘီ ကြော်ငြာ သွားရိုက်တုန်းက တင်ခဲ့တဲ့ဓာတ်ပုံ မ,ရဲ့”
“ဟင်၊ မောင်က အတွင်းခံ ဘောင်းဘီ ကြော်ငြာလည်း ရိုက်တယ်”
“ရိုက်တာပေါ့ မ,ရဲ့၊ ဒါအလုပ်ပဲလေ။ ခေတ်က ပြောင်းလဲနေပြီ ဥစ္စာ။ တော်ရုံလူ ရိုက်လို့ရတာ မဟုတ်ဘူး မ,ရဲ့။ ကျွန်တော့်ဘော်ဒီ အချိုးအစား မိုက်လို့၊ အဆက်အသွယ် ကောင်းလို့ ရိုက်ရတာ။ ဖေ့စ်ဘွတ်ခ်မှာ ခင်ခဲ့တဲ့ ဦးလေးကြီး တစ်ယောက်ရဲ့ ကောင်းမှုပေါ့ မ,ရ။ သူပဲ အစစအရာရာ စီစဉ်ပေးတာ။ သူက ထိုင်း ရောက်နေတာ ကြာပြီ မ,ရဲ့။ သူ ဒီကို ခဏပြန်လာတော့ ကျွန်တော်ပဲ ဘုရားစုံ လိုက်ပို့ ပေးရတာပေါ့။ ထိုင်းက လက်ဆောင်တွေ ဝယ်လာတာမှ အများကြီး။ သူပြန်တော့ ကျွန်တော်လည်း သူနဲ့အတူ ဘန်ကောက် လိုက်သွားခဲ့ပြီး အဲဒီကြော်ငြာ ရိုက်ဖြစ်တာပဲ။ အဲဒီတုန်းက ဘာအဆင်ပြေသလဲ မမေးနဲ့။ ရတဲ့ ဒေါ်လာတွေနဲ့ ဘန်ကောက်မှာ လျှောက်လည်၊ လျှောက်စား၊ လျှောက်သောက်၊ လိုချင်တာ ဝယ်တာပဲ။ ကုမ္ပဏီက ပေးတဲ့ လက်ဆောင် ဘောင်းဘီတွေ အများကြီး ရခဲ့တာဆိုတော့ ခင်တဲ့သူတိုင်းကို လက်ဆောင် ပြန်ပေးရတာပေါ့။ ခုတော့ အဲဒီလူကြီးနဲ့ ကျွန်တော် အဆက်အသွယ် ပြတ်သွားကြပါပြီ။ ဘာပဲဖြစ်ဖြစ် သူ ကျွန်တော့်အပေါ် တော်တော် ကောင်းခဲ့တာ မ,ရဲ့။ ဟား ဟား ဟား ဟား”
အရင်က အကြောင်းတွေ ပြန်ပြောရင်း တွေ့စကထက် ကြည်လင်လန်းဆန်း သွက်လက် ပျော်ရွှင်နေတဲ့ မောင့်ပုံစံကို ကြည့်ရင်း ကျွန်မလည်း ပါးစပ်ဟ, နေမိတာ သေချာပါတယ်။ ကျွန်မ နေထိုင်ရာ အဆောင် ပြန်ရောက်တဲ့ အခါမှာတော့ စိတ်ထဲ မရှင်းမရှင်း ဖြစ်နေတဲ့ ကိစ္စအတွက် ဖုန်းထဲက အင်တာနက်လိုင်းကို ဖွင့်၊ မောင့်ရဲ့ ဖေ့စ်ဘွတ်ခ် အကောင့်ထဲကို ဝင်ပြီး မောင် တင်ထားသမျှ စတေးတပ် စာသားတွေနဲ့ မောင့်ဓာတ်ပုံတွေကို တစ်ခုချင်း သေချာဆွဲတင်၊ နောက်ကြောင်း ပြန်ကြည့်မိတာ ပါပဲ။
ဘန်ကောက်မြို့ အနှံ့ ရိုက်ထားတဲ့ မောင့်ဓာတ်ပုံ လှလှတွေ၊ အရွယ်ရင့် လူကြီး နှစ်ယောက်နဲ့ မောင်။ ပြီးတော့ မောင့်အရွယ် ကောင်လေးတစ်ယောက်။ စုစုပေါင်း လေးယောက် စားသောက်ပျော်ရွှင် နေကြတဲ့ ပုံစံတွေ။ မူးယစ် က,ခုန် နေကြတဲ့ ဟန်ပန်တွေ။ ခမ်းနားလှပတဲ့ ဟိုတယ် အိပ်ခန်းကျယ်ကြီးထဲက မောင့်ရဲ့ စတိုင်အမျိုးမျိုး၊ ပို့စ်အထွေထွေ၊ ယောက်ျားပီသတဲ့ ကိုယ်နေဟန်ထားတွေ။ မင်္ဂလာဒုံ လေဆိပ် ပြည်ပ ဆိုက်ရောက်ရာ ခန်းမလို့ ယူဆရတဲ့ နောက်ခံ ဘက်ဂရောင်းနဲ့ မောင်ရဲ့ ပျော်ရွှင်နေတဲ့ပုံဟန်။ မောင်ကိုင်ထားတဲ့ နှင်းဆီပန်းစည်းလှလှ။ နှင်းဆီပန်းစည်းကို တရှိုက်မက်မက် ပုံစံနဲ့ နမ်းရှိုက်နေတဲ့ မျက်နှာချိုချိုနဲ့ အရွယ်ရင့် လူကြီး ဟန်ပန်။ မြတ်စွာဘုရား။ မောင်တို့ ယောက်ျားတွေ အဲဒီလောက်အထိ တစ်ယောက်ကို တစ်ယောက် ချစ်တတ်ကြသတဲ့လား၊ ဂရုစိုက်တတ် ကြသတဲ့လား။ အခြေအနေ ပေးရင်ပေးသလို တတွဲတွဲ မခွဲအတူ နေတတ်ကြသတဲ့လား။ မောင် အဆင်ပြေအောင် အစစအရာရာ ဦးဆောင်ပေးခဲ့တာ အဲဒီလူကြီး တဲ့လား။ အသက်အရွယ်ချင်း မတူကြပေမဲ့ မောင်တို့ အချင်းချင်း နားလည် သဘောပေါက်၊ ရင်းနှီးကျွမ်းဝင်၊ ချစ်ခင်စေတဲ့ ဘာသာစကားဟာ ဘာဆိုတာကို ကျွန်မ သဘောပေါက် လိုက်ပြီး နောက်မှာတော့ စက်ဆုပ် ရွံရှာစွာနဲ့ပဲ လက်ထဲက ဖုန်းကို အိပ်ရာပေါ် လှမ်းပစ် လိုက်မိပါတယ်။
ရုပ်ရည် အချိုးအစား ယောက်ျား ပီသလွန်းတဲ့ မောင်နဲ့ မောင့်အဘိုးရဲ့ ပုံဟန်တွေက ကျွန်မရဲ့ အတွေးအာရုံမှာ တစ်လှည့်စီ နေရာယူလာ ခဲ့တာပါပဲ။ ဒီတစ်သက် ကျွန်မ ချစ်သလို မောင့်ဘက်က ပြန်မချစ်နိုင်တော့ဘူးလား၊ မောင် နှစ်သက် တပ်မက်တဲ့ အရာတွေထဲမှာ ကျွန်မ မပါနိုင်တော့ဘူးလား၊ သူရဲကောင်း တစ်ယောက်ရဲ့ မျိုးဆက်ဟာ ခေတ်လက်ချက်ကြောင့် ဘဝပျက် နေတာမျိုးလား၊ အတိတ်ကံတရား ကြောင့်လား၊ မောင့်မှာ နဂိုရှိပြီးသား ဗီဇ ကြောင့်လား။ မုန်းစရာ ကောင်းလိုက်တာ။ မောင့်ကိုရော ကျွန်မကိုယ် ကျွန်မပါ စက်ဆုပ်ရွံရှာ မုန်းတီး လာရတာတော့ အမှန်ပါပဲ။
"ချွင်”
ဘာပဲဖြစ်ဖြစ် ကျွန်မရဲ့ အတွေးစကား မဆုံးခင်မှာပဲ ချွင်ခနဲ ထွက်ပေါ်လာတဲ့ ဖုန်းထဲက အသံကြောင့် ဆတ်ခနဲ တုန်လှုပ်သွားပြီး နောက်မှာတော့ …။
* * *
ထွန်းတောက်ထွဋ် (သင်္ချာ)
ရွှေအမြုတေ၊ နိုဝင်ဘာလ၊ ၂၀၁၇။
Credit - Phay Moon Lay
No comments:
Post a Comment