" ယောင် "
======
#ဦးဆွေ(ဒဿနိက)
“
ဟဲ့ ပလုတ်တုတ်၊ နင့်အဖေ တစ်ကျိပ်နဲ့ ငါနဲ့ညား။ သြော် သံချောင်း၊ ကာလနာ ကိုယ့်ဘာသာ ကိုယ်သောက်တာ အေးအေးဆေးဆေး မသောက်ဘူး။ ငါ့ပဲ လာလာ စ နေ”
“
ဟဲ...ဟဲ အန်တီဝင်းကလည်း ချစ်လို့၊ ပျော်လို့ စတာပါဗျ”
“
အန်တီဝင်း ဒါမျိုးကို ငြိမ်ခံ မနေနဲ့ ဟောသည်လို၊ ဟောသည်လို ပြန်ရိုက်လိုက်”
အမြည်းပွဲ လာချ ပေးနေတဲ့ အသားဖြူဖြူ ထောင်ထောင်မောင်းမောင်း နဲ့ ဥပဓိရုပ် ကောင်းကောင်း အမျိုးသမီး ကြီးကို အရက်ဝိုင်းက ကောင်လေး တစ်ယောက်က ခါးကို တို့လိုက်တော့ ယောင်ပြီး ပြောချင်ရာ ပြောနေတာရယ်ကို နောက်ကောင်လေး တစ်ယောက်က ခါးကို ထပ်တို့ပြီး စောစောက စလိုက်တဲ့ ကောင်လေးကို ရိုက်ပြလိုက်တယ်။
အမျိုးသမီးက “ရိုက်.. ရိုက်.. ရိုက်.. ရိုက်” လို့ ပါးစပ်က တတွတ် တွတ်ရွတ်ပြီး ကောင်လေး ကျောပြင်ကို လက်ဖ၀ါးနဲ့ ရိုက်နေလေရဲ့။ ဆိုင်ထဲက လူအားလုံးကတော့ သည်မြင် ကွင်းကိုကြည့်ပြီး တ၀ါးဝါး တဟားဟားနဲ့ပါ။ အမျိုး သမီးက ဆိုင်ထဲကို မျက်စောင်း လှမ်းထိုးလိုက်တယ်။
“
အဲဒါတွေကြောင့် ငါ့မှာ အလုပ် ပျက်နေတာနော်။ ငါ့ကို မစကြပါနဲ့ဆို။ လူက ကျနေတာဟဲ့”
“
အဘွား အဘွား၊ ဟို ဘက်ဝိုင်းက မြင်းခွာရွက်သုပ် တစ်ပွဲတဲ့”
“
အေး...အေး...သား လာပြီ...လာပြီ” အန်တီဝင်း ဆိုတဲ့ အမျိုးသမီးက ထထွက်သွားမလို့ လုပ်တယ်။ ဒါကို စောစောက သံချောင်း ဆိုတဲ့ ကောင်လေးကပဲ
“
ဒီလိုထွက်သွားလို့ ဘယ်ရမလဲ၊ အကလေးနဲ့ သွားမှပေါ့”
ဆိုပြီး ခါးကိုတို့ပြီး ကတဲ့ ဟန်လုပ်ပြလိုက်တယ်။ အန်တီဝင်းကလည်း
“
က...က...က... က”
ဆိုပြီး တကယ့်ကို အက လေးနဲ့ ထွက်သွားတော့တာ ပဲ။ အားလုံးက တ၀ါးဝါး ပွဲကျနေကြလေရဲ့။
ကိုအေးကိုတို့ ၃ ယောက်စလုံးလည်း ဒီမြင်ကွင်းကို ကြည့်ပြီး သဘော ကျနေကြတယ်။ အပြင်မှာ အတော် ဣနြေ္ဒကြီးနဲ့ နေတတ်တဲ့ သူငယ်ချင်း ကိုစိုး နိုင်ကတောင် ပြုံးစစနဲ့။
“
ကဲ ဘယ်နှယ့်လဲ”
လို့၊ သည်ဆိုင်လေးကို ခေါ်လာတဲ့ ကိုသန်းတင်က သူတို့ နှစ်ယောက်စလုံးကို မေးငေါ့ပြီး မေးလိုက်တယ်။ ကိုအေးကိုက လက်ကျန်လေး ကို မော့လိုက်ကာ ပုစွန်ခြောက်သုပ် တစ်ဇွန်းကို စားလိုက်ပြီး
“
အင်း မဆိုးပါဘူးဗျ။ အမြည်းလေး တွေကလည်း တိုတိုထွာထွာ လေးတွေ၊ ဈေးလည်းချိုတယ်။ စားလို့လည်း ကောင်းပါတယ်။ နောက်ပြီး ဟို အန်တီဝင်း ကြောင့်လည်း စိတ်လက်တော်တော် ပေါ့ပါး သွားတယ်ဗျ။ ကျွန်တော်ဖြင့် ဟက်ဟက်ပက်ပက် မရယ်မိတာ၊ အင်း အခုလို မရယ်မိတာ အတော်တောင် ကြာပြီ ထင်တယ်။ အတော့်ကို ယောင်တတ်တဲ့ အမျိုးသမီး ပဲ...နော”
“
အေးဗျ..ကျွန်တော်လည်း ခပ်ရွံ့ရွံ့နဲ့သာ လိုက်လာရတာ၊ သည်လိုဆိုင်မျိုး က ပြဿနာ ရှိတတ်တယ်လေ၊ နောက်ပြီး ဆူဆူညံညံနဲ့။ အခုတော့ ရယ်ရယ်မောမော၊ ပျော်ပျော်ရွှင်ရွှင်နဲ့ စနေ၊ နောက်နေကြတာပဲ တွေ့ရတယ်။ မူးပြီး ဆူညံ၊ ရမ်းသံ၊ ဂျီကျသံတွေ မကြားရတော့ သဘောတောင် ခပ်ကျကျ ဖြစ်လာတယ်”
ကိုစိုးနိုင်က လေအေးလေးနဲ့ ပြန်ပြောလိုက်တယ်။ ကိုသန်းတင်က သူတို့ နှစ်ယောက်နား ခေါင်းချင်းနည်းနည်း ကပ်လိုက်တယ်။
“
အမျိုးသမီး နာမည်က ဒေါ်ခင်ဝင်းတဲ့ဗျ။ ဒီမှာတော့ ကြီးကြီးငယ်ငယ် သူ့ကို အန်တီဝင်းလို့ပဲ ခေါ်ကြပါတယ်။ အသက်ကတော့ ကျွန်တော်တို့၊ ခင်ဗျားတို့နဲ့ မတိမ်းမယိမ်းပဲ ရှိမယ်။ သူ့ယောက်ျား ဆုံးသွားတာ ၁၅ နှစ်ကျော်ကျော် လောက်တော့ ရှိမယ်ဗျ။ သည် အရက်ဆိုင်က သူ့တူလေးဆိုင်၊ သူက ဟိုဘက်က စားပွဲ တစ်လုံးနဲ့ အမြည်း ရောင်းတာပေါ့ဗျာ။ နေတာကတော့ ဟိုဘက် ရပ်ကွက်မှာ သူ့သမီး အငယ် နဲ့ နေတယ်။ သမီးအကြီး တစ်ယောက်တော့ ရှိသေးတယ် ဗျ။ သည်မြို့မှာ မနေဘူး။ သမီးအငယ် ယောက်ျားကလည်း ငပေပါဗျာ။ လက်သမားလေး ယောင်ယောင်၊ ပန်းရန် သမားလေး ယောင်ယောင်နဲ့ အရက်ပဲ တစ်နေ ကုန် မူးနေတဲ့ ကောင်ပါ။ မွေးထားတဲ့ ကလေးတွေက ဗုံစီ ထားသလိုပဲ။ အခု အန်တီဝင်းနဲ့ ပါလာတဲ့ ကောင်လေးကလည်း အဲဒီကောင် သားလေးပဲလေ”
ကိုသန်းတင်က ရှည်ရှည်ဝေးဝေး ရှင်းပြပါတယ်။ ကိုအေးကိုတို့ ဘေးစားပွဲက အဲသည့် အချိန်မှာပဲ အမြည်း တစ်ပွဲ ထမှာတယ်။
“
အန်တီဝင်းရေ၊ အဘိုး ကြီးသုပ် တစ်ပွဲဗျို့”
“
ရမယ် သားရေ။ လာမယ်၊ လာမယ်”
“
ဘာလဲဗျ အဘိုးကြီး သုပ်ဆိုတာ”
ခရိုင်အဆင့် ဥပဒေ အရာရှိ လုပ်နေတဲ့ ကိုစိုးနိုင်က ၀င်မေးတယ်။ သူ မမေးလည်း ကိုအေးကိုက မေး တော့မလို့ပါပဲ။ ကိုသန်းတင်က ပြုံးလိုက်တယ်။
“
လာတော့ ကြည့်ပေါ့ ဗျာ”
သိပ်မကြာပါဘူး။ အန်တီဝင်း ကိုယ်တိုင် လာချတော့မှ၊ ဘာလဲလို့။ လက်ဖက်ကို အစုံ သုပ်ထားတာကိုး။ ဒီဝိုင်းကလည်း အန်တီဝင်းနဲ့ ရင်းနှီးပြီးသား ထင်တယ်။ အမြည်းပွဲ ချပေးပြီး ပြန်ထွက်မယ် အလုပ်၊ တစ်ယောက်က
“
အန်တီဝင်းရေ၊ ရက်ပ် ကလေး လုပ်စမ်းပါဦး။ ရို့... ရို့...အာဟာ...အာဟာ”
ဆိုပြီး ခါးကို တို့လိုက်တော့ အန်တီဝင်းခမျာ တရို့ရို့နဲ့ ပါးစပ်က အော်ပြီး ကလိုက်တာ ကောက်ကွေးနေ တာပဲ၊ အတော်လေးကြာမှ
“
မသာကောင်တွေ နော်။ ငါ့မှာ အမြည်းတစ်ပွဲ ရောင်းရတာနဲ့ မကာမိဘူး။ မောကိုနေပြီ”
လို့ပြောပြီး မျက်စောင်းကို ခပ်ဆောင့်ဆောင့် ထိုးလို့ ထွက်သွားတယ်။
ဆယ်ကျော်သက် ကောင်မလေးတွေ ကသလို ရက်ပ်ကနေတဲ့ အန်တီဝင်းကို ကြည့်ပြီး ကိုအေးကိုနဲ့ ကိုစိုးနိုင်တို့ နှစ်ယောက်ကတော့ ရယ်လိုက်ကြတာ မျက် ရည်ကို ထွက်လို့။ သောက်ထားတဲ့ ဘီအီးနဲ့ ဘီယာ အရောကလေး ဘယ်ရောက် သွားမှန်းတောင် မသိတော့ပါဘူး။
၂။
အမှန်တော့ သည်မြို့နဲ့ သည်မြို့ဆိုတာ ဧရာဝတီ မြစ်ကြီးပဲ ခြားတာပါ။ တံတားပဲ ခြားတယ် ပြောပါတော့။ ဆိုင်ကယ်နဲ့ သွား၊ ဘယ်လောက် ကြာတာ မှတ်လို့၊ ဒါပေမယ့် ကိုယ့်ဌာနဆိုင်ရာ အလုပ်တွေ၊ မိသားစု ကိစ္စတွေနဲ့ ဆိုတော့ တစ်နှစ်နေလို့ကို တစ်ခေါက် မရောက်ဖြစ်ဘူး။ ရန်ကုန်တို့၊ မန္တလေးတို့ကမှ တစ်နှစ်ကို နှစ်ခေါက်၊ သုံးခေါက် ရောက်သေးတယ်။
အခုလည်း ငယ်ငယ်က ဒေသ ကောလိပ်တက်ဖက် သူငယ်ချင်း တစ်ယောက်ရဲ့ သမီး မင်္ဂလာဆောင် ဖိတ်လို့ လာရတာ။ ကိုစိုးနိုင် ကတော့ ကိုအေးကို တို့မြို့နဲ့ မိုင် ၁၀၀ လောက်ဝေးတဲ့ မြို့ကပါ။ ဒါပေမယ့် သတို့သမီး အဖေရော၊ ကိုသန်းတင် ရောကကို အေးကိုတို့၊ ကိုစိုးနိုင်တို့နဲ့ ဒေသ ကောလိပ်တက်ဖက်၊ တစ်ဆောင်တည်း အတူနေ လာကြတဲ့ သူတွေ။ သူတို့ အထဲမှာ ကိုသန်းတင်ကတော့ ငယ်ငယ်ကတည်းက ၀န်ထမ်း မလုပ်ဘူး။ အခုလည်း အိမ်မှာ စာအုပ်နဲ့ ဗီစီဒီအငှား ဆိုင်လေး ဖွင့်ထားတယ်။ သတို့သမီး အဖေကတော့ အဝေးမြို့က လာတဲ့ ကိုအေးကိုတို့ နှစ်ယောက်အတွက် နေစရာ၊ အိပ်စရာ အိမ်စီစဉ် ပြီးသားပါ။ ဒါပေမယ့် ငယ် သူငယ်ချင်းတွေ မဆုံဖြစ်ကြ တာလည်း ကြာပြီ။ မြို့ခံဖြစ်တဲ့ ကိုသန်းတင်ကလည်း သူ့ အိမ်ပဲလိုက်အိပ်။ သူတို့လည်း လင်ကိုယ်မယားပဲ။ အိမ်က ကျယ်လည်းကျယ်၊ လွတ်လည်း လွတ်လပ်တယ် ဆိုလို့ သူတို့နှစ်ယောက် ကိုသန်းတင် အိမ်မှာပဲ စတည်းချ လိုက်ကြတာပါ။
ပြဿနာစတာက ညနေ ရေမိုးချိုးပြီးတဲ့ အချိန်မှာပဲ။ အရှေ့ဘက်ကမ်း၊ အနောက်ဘက်ကမ်း ဆိုတော့ ကိုအေး ကိုကလည်း ဆိုင်ကယ်နဲ့ လာ တာ။ ကိုစိုးနိုင်က အဝေးက ဆိုတော့ မပါဘူး။ ရေမိုးချိုး၊ အ၀တ်အစား လဲပြီးနေတဲ့ သူတို့ နှစ်ယောက်ကို အိမ်ရှင်ဖြစ်တဲ့ ကိုသန်းတင်က မျက်လုံး ဝေ့ပြီးကြည့်တယ်။
“
ပြော ကိုယ်လူတို့။ ဘာအစီအစဉ် ဆွဲမလို့တုံး”
“
ဒီလိုပေါ့ဗျာ။ ရောက်တုန်း မြို့ထဲ လျှောက်ကြည့် မလားလို့”
ကိုအေးကို လေပျော့ လေးနဲ့ ဖြေတယ်။ ကိုသန်းတင်က မျက်ခုံး တစ်ဖက်ကို ပင့်ပြီး ပြုံးလိုက်တယ်။
“
လုပ်မနေစမ်းပါနဲ့ ဗျာ။ ခင်ဗျားတို့ နှစ်ယောက် အချိုးတွေ ကျောင်းတုန်းကတည်းက ကျုပ် သိတယ်။ ဒါ သွားလုပ်မှာမို့လား”
လက်မကိုကော့ပြီး ပါးစပ်ကို တေ့တဲ့ အမူအရာလုပ် ပြရင်း ပြန်မေးတယ်။
“
ဟုတ်တယ်၊ ကိုသန်း တင်ရ။ ကျွန်တော်က ကိုအေး ကို ကို စည်ဘီယာဆိုင် ကောင်းကောင်းလေး လိုက်ပို့ ခိုင်းမလားလို့”
“
ကျွန်တော်ကတော့ စည်ဘီယာ မကြိုက်ဘူးဗျ။ အလကား ဗိုက်ပြည့်တယ်။ H.C လေး ၃၊ ၄ ပက် လောက် သွားချမလားလို့”
ကိုသန်းတင်က ပြူးကြည့်တယ်။ ဟုတ်တယ်လေ၊ နှစ်ယောက်စလုံးက အကြိုက် တူကြတာ မဟုတ်ဘူး။ တစ်ယောက်က သောက်ချင်တာ အပျော့၊ စည်ဘီယာ။ နောက်တစ်ယောက်က အပြင်း၊ ဟိုက် ကော်မရှင်နာ ၀ီစကီ။
“
ဒီလိုလုပ်ဗျာ။ ကျွန်တော် သွားနေကျ ဆိုင်တစ်ဆိုင် ရှိတယ်။ အဲသည်ကို ခင်ဗျားတို့ နှစ်ယောက်ကို ခေါ်သွားမယ်”
“
ဘာလဲဗျ။ စင်တင် တေးဂီတတွေ၊ ဘာတွေရှိတဲ့ ဆိုင်လား”
ကိုစိုးနိုင်က ဖြတ်မေးလိုက်တယ်။
“
အံမယ် သူက ပန်းကုံး တွေ၊ ဘာတွေ စွပ်ချင်တယ်နဲ့ တူတယ်”
ကိုအေးကိုက ဖြတ်ပြီး ရိလိုက်တယ်။ ကိုသန်းတင်က သူတို့ကို လက်ကာပြပြီး
“
ကျွန်တော် ခေါ်သွားမယ့် ဆိုင်က အရက်တစ်မျိုး ပဲရတယ်။ ဒါပေမယ့် အမြည်းတွေကတော့ တိုတို ထွာထွာလေးတွေ၊ အမျိုးလည်း စုံတယ်။ စားလို့လည်း အရသာရှိတယ်။ ဈေးလည်း မကြီးဘူး။ သေချာတာကတော့ ခင်ဗျားတို့ အဲသည်ဆိုင် ရောက်ရင် စိတ်လက် ပေါ့ပါးပြီး ပျော်သွားမှာ အမှန်ပဲဗျ”
“
အရက်က ဘာလဲ။ ဘာအရက်လဲ”
“
ဘီအီး”
ကိုစိုးနိုင် မျက်နှာ ရှုံ့သွားသလို ကိုအေးကိုလည်း မျက်လုံး ပြူးသွားတယ်။
“
ဘာလဲ ခင်ဗျားတို့က အရာရှိတွေ ဖြစ်နေကြပြီ ဆိုပြီး သည်လို ဆိုင်မျိုးကို ထိုင်ဖို့ဝန်လေး နေကြတာလား။ ကျောင်းတုန်းက တစ်ခါတလေ ကျွန်တော်တို့ သွားသွား ထိုင်ကြတာတွေ မေ့သွား ကြပြီလား”
“
အင်း အဲဒီလိုလည်း မဟုတ်ပါဘူးဗျာ။ ဒါပေမယ့် ဘီအီးဆိုင် ဆိုတော့ အင်း...”
“
အေးလေ...ခင်ဗျားကလည်း သည်မြို့မှာ အရက်ဆိုင်တွေ ပေါပါတယ်ဗျာ”
“
လိုက်ခဲ့ကြစမ်းပါ။ ဆိုင်လေးက မြစ်ကမ်း နံဘေး မှာဗျ၊ ဆိုင်ထဲကနေ ကြည့်ရင် မြစ်ပြင် တစ်ခုလုံးကို မြင်ရတယ်။ ပြီးတော့ လေလေးကလည်း တဖြူးဖြူးနဲ့ လာပါ။ မအုန်းရေ၊ ငါ အပြင် သွားမလို့ဟေ့”
ပြောပြောဆိုဆိုပဲ ကိုသန်းတင်က အိမ်ပေါ်က ဆင်းတယ်။ ကိုသန်းတင်က ဆိုင်ကယ်တစ်စီး၊ ကိုအေးကိုနဲ့ ကိုစိုးနိုင်က ဆိုင်ကယ် တစ်စီးစီနဲ့ ချီတက်ခဲ့ကြတယ်။ လိုက်သာ လိုက်ခဲ့ရတယ်၊ နှစ်ယောက်စလုံး မျက်နှာအို အို၊ စိတ်မသက်မသာနဲ့ပါ။ ကိုစိုးနိုင်က ဆိုင်ထဲမှာ သူ့အမှုသည် တချို့နဲ့ တွေ့မှာ စိုးရိမ်နေသလို၊ ကိုအေးကို ကလည်း သည်လို ဆိုင်မျိုးမှာ သူ့တပည့် ကျောင်းဆရာ တချို့နဲ့ သွားဆုံမှာကို စိုးတထိတ်ထိတ်နဲ့ပါ။ နောက်ပြီး သည်လို ဆိုင်မျိုးက ပြောရတာ မဟုတ်ဘူး။ တော်ကြာ ရန်ပွဲ၊ သတ်ပွဲပုတ်ပွဲ ထဖြစ်ချင်ဖြစ် တတ်တာမျိုးမို့လား။ အဲသည်လိုနဲ့ သည်ဘီအီး ဆိုင်လေးကို သူတို့ရောက်ပြီး အန်တီဝင်းနဲ့ တွေ့ခဲ့ကြရတာ ပါပဲ။
၃။
သည်နေ့ မင်္ဂလာဆောင် အခမ်းအနား ပြီးတယ်။ ကိုအေးကိုက တန်းပြန်ချင်ပေမယ့် ကိုစိုးနိုင် ပြန်ရမယ့် ကားက နောက်နေ့မနက် စောစောမှ ထွက်မှာမို့ သူလည်း အဖော်ရအောင် ဆိုပြီး တစ်ည ဆက်နေလိုက်တယ်။ သတို့သမီး အဖေက အဲသည်နေ့ ညအတွက် သူတာဝန်ယူ ဧည့်ခံမယ်လို့ စီစဉ်ထားတာ တောင် ဧည့်ခံပွဲမှာ မကောင်းတတ်လို့ တစ်ခွက်၊ နှစ်ခွက်လောက် သောက်ပြီး သူတို့ သုံးယောက် လစ်ထွက်ခဲ့တယ်။ အန်တီ ၀င်းဆိုင်ကိုပေါ့။
ဂျော်နီလမ်းလျှောက် အနက်ကိုစွန့်ပြီး ဘီအီး သောက်ဖို့ ထွက်လာတဲ့ သူတို့ သုံးယောက် အကြောင်းကိုများ သတို့သမီး အဖေသာ သိရင် ဆိုတဲ့ အတွေးကို တွေးပြီး တစ်ယောက်နဲ့ တစ်ယောက် မျက်နှာကြည့်ပြီး ပြိုင်တူပြုံး မိကြသေးတယ်။ သူတို့ ရောက်တော့ ဆိုင်တောင်သိမ်း ခါနီးပြီ ထင်ပါရဲ့။ စားပွဲ ၃ လုံးလောက်မှာ ထိုင်သောက် နေတဲ့ သူတွေလောက်ပဲ ရှိတော့တယ်။ မြေကြီးပေါ်ဖျာ ချပြီး ထိုင်သောက်နေတဲ့ သူတွေ မရှိတော့ဘူး။
“
ဦးသန်းတင်တို့ပါ လား...ဘာမှာကြမလဲ”
သူတို့ခုံမှာ ထိုင်လိုက်တာနဲ့ အန်တီဝင်း ရောက်လာတယ်။ ကိုသန်းတင်က ဆိုင်ကယ်ခြင်းထဲ ထည့်ယူလာခဲ့တဲ့ ဘီယာ နှစ်လုံးကို စားပွဲပေါ် တင်ပြီ။
“
ဘီအီး တစ်လုံးဗျာ။ နောက်ပြီး အမြည်းက ၀က်ခေါင်းသုပ်ရယ်၊ စာကလေးကြော်ရယ်၊ ရှောက်သီးသုပ်ရယ်၊ မြင်းခွာရွက်သုပ် ရယ်...”
“
ရမယ် ရမယ် ဟဲ့... မောင်စိုး သည်စားပွဲက ဘီအီး တစ်လုံးတဲ့ သွားယူပြီး ချပေးလိုက်”
အန်တီဝင်းက အနားက ပါလာတဲ့ သူ့မြေးကို အရက် သွားယူခိုင်းပြီး အိပဲ့ အိပဲ့နဲ့ ထွက်သွားတယ်။ ကိုအေးကိုက မင်္ဂလာဆောင် အိမ်က သောက်လာတဲ့ နှစ်ခွက်အရှိန် ကြောင့်လားတော့ မသိဘူး။ အဲဒီအန်တီဝင်းနဲ့ မရင်းနှီးလို့၊ ရင်းနှီးရင် ခါးကလေး တစ်ချက်လောက် တို့ပြီး ယောင်ချင်ရာ ယောင်သွားအောင် စလိုက်ချင်သေးတာ။ ထွက်သွားတဲ့ အန်တီဝင်းကို ကြည့်ပြီး ပြုံးစစ လုပ်နေတဲ့ ကိုအေးကို ကို ကိုစိုးနိုင်က တံတောင်နဲ့ တွတ်တယ်။
“
ဘာလဲ၊ ခင်ဗျား မကြီး မငယ်နဲ့ ခါးတို့ချင်နေတာမို့ လား”
လို့မေးလိုက်တယ်။ သူလည်း စပ်ဖြီးဖြီးနဲ့ပါ။ ဖြစ်နိုင်ရင် သူလည်း တို့ချင်နေပုံပါ။ မကြာပါဘူး။ အမြည်းပွဲ သူတို့ စားပွဲကို ချဖို့ လာနေတဲ့ အန်တီဝင်းကို ရှေ့စားပွဲက ကောင်လေး တစ်ယောက်က ခါးသွား တို့လိုက်တယ်။
“
ဟဲ့ ဖားပြုတ်ကိုက် နေတိုးနဲ့ ငါနဲ့ကြိုက်”
ဆိုပြီး ယောင်တော့တာပဲ။
“
အန်တီဝင်း ယောင်တာကလည်း နာနေပါဦး မယ်”
လို့ ကောင်လေးက ထပ်စနေသေးတယ်။ ထူးတော့ထူးခြားတယ်။ ယောင် ပြီးတွန့်ပြီးသွားတာတောင် လက်ထဲက အမြည်းပန်းကန် သုံးချပ်ပေါင်း ကိုင်လာတာ တစ်ချပ်မှ အောက်မကျဘူး။ အန်တီဝင်း ပါးစပ်ထဲက ခပ် ကြမ်းကြမ်းတွေ ထွက်သွားတယ်။ အားလုံးကတော့ တ၀ါးဝါးနဲ့ပါ။ သူတို့နား ရောက်တော့
“
အဲသည်လိုပါပဲ ဆရာတို့ရယ်။ ကျွန်မက ယောင်တတ်တော့ သူတို့က အချိန်တိုင်းကို စနေကြတာ။ တစ်ခါတစ်ခါများ အရက် သောက်ချင်လို့ လာတာလား။ ကျွန်မကို စချင်နောက်ချင်လို့ လာတာလား ခွဲမရဘူး။ ဒါပေမယ့် ကိုယ့်တူ၊ ကိုယ့်သား တွေဆိုတော့ ခွင့်လွှတ်နေရ တာပဲ”
“
ဟုတ်တာပေါ့၊ ဟုတ် တာပေါ့”
ကိုအေးကိုက နှုတ်ခပ် သွက်သွက်နဲ့ ထောက်ခံ တယ်။
“
လိုတာ ပြောပါနော် ဆရာတို့”
ဆိုပြီး အန်တီဝင်း ထွက်သွားတယ်။ သူ့စားပွဲကိုတော့ မဟုတ်ပါဘူး။ တခြားဝိုင်း တစ်ဝိုင်းကိုပါ။ ပြောသံဆိုသံ သဲသဲကွဲကွဲ မကြားရ ပေမယ့် အန်တီဝင်း အမူအရာနဲ့ တ၀ါးဝါး၊ တဟားဟား အသံတွေ ကြားရတာနဲ့တင် ယောင်တတ်သူကို စနေကြပြန်ပြီ ဆိုတာ သိနိုင်ပါတယ်။ အဝေးက အမူအရာကို မြင်ရတာနဲ့ ပဲ သူတို့အဖွဲ့ ရယ်နေကြရပြန် ပြီလေ။
သူတို့သုံးယောက် သောက်လို့ ပုလင်းတစ်ဝက် မကျမီမှာဘဲ ကလေးတစ်ယောက်က ကိုသန်းတင်ကို လာခေါ်တယ်။ သူ့အမျိုးသမီးက ကိစ္စရှိလို့ အမြန်လာပါဆို ပဲ။ ကိုသန်းတင်က သူတို့နှစ် ယောက်ကို တောင်းပန်ပြီး ပြန်သွားတယ်။ ရတယ်လေ။မနေ့က ရောက်ခဲ့ဖူးလို့ လမ်းသိပြီးသားပဲ။ ဘာမှ အားနာ မနေနဲ့။ ကိုယ့်ဘာသာကိုယ်ပဲ ပြန်ခဲ့မယ်လို့ ပြောပြီး သူတို့ နှစ်ယောက်ပဲဆက်ချလိုက် တယ်။
လမိုက်ရက် ဆိုပေမယ့် ကြယ်ရောင်နဲ့ လင်းနေသေးတယ်။ ကြယ်ရောင်အောက်က မြစ်ပြင်ကိုကြည့်၊ မြစ်ကို ဖြတ်တိုက်လာတဲ့ လေအေးကို အားရပါးရ ရှူပြီး နှစ် ယောက်သား သောက်လိုက်၊ လေပစ်လိုက် လုပ်နေလိုက်ကြတာ ဆိုင်သိမ်းမှပဲ ထဖြစ်ကြ တော့တယ်။ ဆိုင်ကယ်ကို ကမ်းပါးပေါ် တွန်းတင်ပြီး အပေါ်ကျ မှ စီးကြတယ်။ ၀ါးသုံး၊ လေး ရိုက်လောက်ပဲ ရှိဦးမယ်။ နောက်ဘီးက ရမ်းတမ်းတမ်း ဖြစ်နေတယ် ထင်လို့ ရပ်ပြီး ကြည့်လိုက်တော့ နောက်ဘီး က ပြားနေပြီ။
“
ဒုက္ခပဲဗျို့။ အချိန်ကလည်း ၁၀ နာရီကျော်ပြီ။ သည်အချိန်ဆို ဘီးဖာတဲ့ဆိုင် တွေလည်း ရှိမှာမဟုတ်တော့ ဘူး”
ကိုအေးကိုက ညည်းလိုက်တယ်။
“
ဘာဖြစ်လဲဗျာ။ တစ်ယောက်တစ်လှည့် တွန်းပြီး ပြန်ကြတာပေါ့။ အတွေ့အကြုံ ရတာပေါ့”
ကိုစိုးနိုင်က အားပေးစကား ပြောပါတယ်။ ဒီလိုနဲ့ပဲ တွန်းလိုက်၊ ပေါက်ကရတွေ ပြောလိုက်၊ ကျောင်းတုန်းက အကြောင်းတွေလည်း ပါရဲ့။ စောစောက အန်တီ ၀င်းအကြောင်းလည်း ပါရဲ့။ တွန်းခါစကတော့ မမောဘူး။ နည်းနည်းကြာတော့ နှစ်ယောက်စလုံး ဟိုက်လာတယ်။ ဒါနဲ့ တံတားတိုလေး တစ်နေရာ ရောက်တော့ ဆိုင်ကယ်ကို ဘေးနားထိုး ကပ်ပြီး တံတားအုတ်ခုံ တစ်ဖက်တစ်ချက်စီ ပေါ်မှာ နှစ်ယောက်သား ပက်လက်လှန်ပြီး နားလိုက်ကြရတယ်။
အဲ သည်အချိန်လောက်မှာပဲ သူတို့လာတဲ့ လမ်းက ဖိနပ်သံ တစ်ဖျပ်ဖျပ် ကြားရတယ်။ လူကလည်း သည်နားက နည်းနည်းပြတ်တော့ ခေါင်းထောင် ကြည့်လိုက်ကြတယ်။ နီးလာတော့ အမျိုး သမီးတစ်ယောက်နဲ့ ကလေး တစ်ယောက်။ သူတို့ခေါင်းတွေ အုတ်ခုံပေါ် ပြန်ကျသွား တယ်။ အမျိုးသမီးနဲ့ ကလေး လေးက သူတို့နှစ်ယောက်ကို ဖြတ်ကျော်သွားတယ်။ အမျိုး သမီးခေါင်းပေါ်မှာတော့ ဒန်အိုးလို၊ ဇလုံလိုဟာ ရွက်ထား တာတွေ့တယ်။ သူတို့နည်း နည်းလွန်သွားမှ ကိုစိုးနိုင်က တိုးတိုးမေးတယ်။
“
ဟေ့လူ၊ ဒါ ဟိုအန်တီ ၀င်းဆိုတဲ့ အမျိုးသမီး မဟုတ်လားဗျ”
“
အင်း ထင်တာပဲ”
“
ကဲ ကဲ သိပ်အကြာ ကြီး နားမနေနဲ့။ ကျုပ်တို့ လည်း သွားရအောင်၊ တော်ကြာ အရှိန်လေးနဲ့ ဆိုတော့ အိပ် ပျော်သွားဦးမယ်”
ဆိုင်ကယ်ကို တွန်းပြီး ရှေ့က နှစ်ယောက်နောက် လိုက်ကြတယ်။ မလှမ်းမကမ်း ရောက်တဲ့အခါ အမျိုးသမီးနဲ့ ကလေးလေး စကား ပြောသံကို ကြားလိုက်ရ တယ်။ မှောင်ကလည်း မှောင်ဆိုတော့ သူတို့ကို ဘယ်သူတွေမှန်းလည်း သိပုံ မရပါ ဘူး။
“
အဘွား အဘွား”
“
ဟဲ့ ဘာလဲဟဲ့၊ ခါးကို တတို့တို့နဲ့ ပြောမှာပြောသာ မဟုတ်ဘူး။ ဒီမှာ အပေါ်က ရွက်ထားရတာက တစ်ဖက်၊ မှောင်လို့ လမ်းကြည့်ရတာက တစ်မျိုး”
“
အဘွားကို ကျွန်တော် ခါးတို့နေတာ လေးငါးခါရှိ ပြီ။ အဘွားကလည်း တစ်ခါမှလည်း မယောင်ဘူး”
“
ဟဲ့ ယောင်စရာလား၊ ဟဲ့ အကောင်ရဲ့”
“
ဟင် အဘွားကလည်း ဆိုင်မှာတုန်းကတော့ တစ်ချိန်လုံး ယောင်နေပြီးတော့...”
အန်တီဝင်းက သူ့ဘေး က လျှောက်လာတဲ့ ကောင်လေး ခေါင်းကို ဒေါက်ခနဲ ခေါက်လိုက်တယ်။
“
ပင်ပန်းရတဲ့ကြားထဲ၊ ကဲ ဟယ်။ ဆိုင်မှာတော့ ငါ ယောင်နေရတာပေါ့ဟဲ့။ ငါ အဲဒီလို ယောင်နေလို့ နင်တို့ ထမင်း စားနေရတာဟဲ့။ ယောင်ချင်တိုင်း ယောင်နေ တာ မဟုတ်ဘူး။ စကားများ မနေနဲ့။ ဓာတ်မီးကို လမ်း ကြည့်ထိုး”
စကားသံကို နောက်က သဲသဲကွဲကွဲ ကြားလိုက်ရတဲ့ ကိုအေးကိုနဲ့ ကိုစိုးနိုင်တို့ နှစ်ယောက် တစ်ယောက်မျက်နှာ တစ်ယောက်ကြည့်ပြီး ကိုယ့် နဖူးကို ကိုယ်ရိုက်လိုက်ကြ တယ်။ မောပြီးချွေးတွေ လည်း ပြန်လာတယ်။ ဆိုင်ကယ် တွန်းရတာချည်းကြောင့် တော့ မဟုတ်ပါဘူး။
၎။
“
ဒါ မရိုးသားမှုပဲဗျ။ ကျုပ်တို့ကတော့ တကယ်မှတ်လို့ သဘောတွေ ကျပြီး ၂ ရက်ဆက်တိုက်တောင် သွားလိုက်သေး။ သက်သက် အရူးလုပ် ခံလိုက်ရတာဗျ”
ကိုသန်းတင်ရဲ့ ဧည့်ခန်း ကို ခေါက်တုံ့ခေါက်ပြန် လျှောက်ရင်း မကျေမချမ်းနဲ့ ပြောနေတဲ့ ကိုစိုးနိုင်ကို ကိုသန်းတင်က ကုလားထိုင် ပေါ်ကနေ ခပ်အေးအေးပဲ ကြည့်နေတယ်။ မျက်နှာနီ မြန်းနေအောင် စိတ်တိုနေတဲ့ ကိုအေးကိုကလည်း ကိုသန်းတင်ကို တစ်ချက်ဝင်ပြောတယ်။
“
နေပါဦး၊ ခင်ဗျားက မြို့ခံပဲ။ အဲသည် မိန်းမကြီး အကြောင်း ခင်ဗျား မသိဘူးလား”
ကိုသန်းတင်က ပြုံး လိုက်တယ်။
“
မယောင်တတ်ဘဲနဲ့ ယောင်တတ်ချင်ယောင် ဆောင်တဲ့ အကြောင်းတော့ ကျွန်တော် မသိဘူးဗျ။ ခင်ဗျားတို့ အခု ပြောမှပဲသိတာ။ ဒါပေမယ့် ကျွန်တော်ကတော့ ပိုပြီးတော့တောင် သဘောကျ ကျေနပ် သွားသေးတယ်။ စိတ်တို စိတ်ဆိုးစရာမှ မဟုတ်တာပဲဗျာ”
“
ဒါ စိတ်ဆိုးစရာ၊ ဒေါသ ထွက်စရာပေါ့ဗျ။ သူ ဈေးရောင်းရအောင်လို့ လိမ်တာပဲ ဥစ္စာ”
နှစ်ယောက်စလုံးက လေသံ ထန်ထန်နဲ့ ပြန်ပြောလိုက်တယ်။ ကိုသန်းတင် မျက်နှာက ပြုံးနေရာကနေ တဖြည်းဖြည်း တည်သွားတယ်။ ကိုအေးကိုနဲ့ ကိုစိုးနိုင်တို့ နှစ်ယောက်စလုံးရဲ့ မျက်နှာတွေကို တစ်လှည့်စီ စိမ်းစိမ်းစူးစူး ကြည့်လိုက်တယ်။ ပြီးတော့မှ
“
ဒီမယ် ကိုယ့်လူတို့၊ သူလုပ်တာ ဘယ်သူ့မှ ဘာမှ ထိခိုက် မသွားပါဘူးဗျာ။ သူ့စားဝတ်နေရေး အတွက် ယောင်တာပဲ။ နောက်ပြီး ကျွန်တော် ထင်တာကတော့ အဲသည်လို ယောင်တဲ့ သူတွေ၊ အေးလေ ခင်ဗျားတို့ ပြောသလို မယောင်တတ်ဘဲနဲ့ ယောင်တဲ့သူတွေ ဒီလောကမှာ အန်တီဝင်း တစ်ယောက်တည်း မဟုတ်ပါဘူးဗျာ။ သူ ယောင်တာက သူ့အရက်ဆိုင်လေးထဲ တင်မှာပါဗျ။ တချို့ ဆို...”
ကိုသန်းတင်က သူ့ စကားကို ဖြတ်ပြီး သူတို့ နှစ်ယောက် စလုံးရဲ့ မျက်နှာတွေကို ကြည့်ပြီး မျက်လုံးချင်း ဆိုင်ဖို့ ကြိုးစားလိုက်တယ်။ ကိုအေးကိုနဲ့ ကိုစိုးနိုင် ဘယ် သူကစပြီး ခေါင်းအရင် ငုံ့မိသလဲ မသိပါဘူး။ ညဥ့်နက်ပြီ ဖြစ်လို့ အသံတွေ အားလုံး တိတ်ဆိတ်လို့၊ တစ်ချက်တစ်ချက် ပေါ်လာတဲ့ ပုရစ်အော်သံ လေးတွေက လွဲရင်ပေါ့လေ။
ဦးဆွေ(ဒဿနိက)
ရွှေအမြုတေ မဂ္ဂဇင်း၊ဇန်န၀ါရီလ ၂၀၁၁။
