" အာလူးကောက်သူများ "
==============
#တာရာမင်းဝေ
(၁)
ကျွန်တော့်အတွက်ကတော့ ထူထဲလေးလံနေတဲ့အမှောင်ကို စောင်လိုခြုံထားရတဲ့ညပါပဲ။ အနက်ရောင်မြူတွေက လူပေါ်ကို တလွင့်လွင့် ခုန်ချနေကြတယ်။ အဲဒီအခိုက်အတန့်မှာ ဟိုးအဝေးကနေ တစ်စစ နီးလာတဲ့ ညခြေသံတစ်ခုကို ကျွန်တော် ကြားလိုက်ရတယ်။
" ဖျပ် ဖျပ်……ဖျပ် ဖျပ် "
ကျွန်တော်က ခြေသံတွေကို အသက်အောင့်ပြီး နားထောင်နေရတယ်။ မြေပက်ကြားအက်တို့ ဆွဲဆွဲငင်ငင် အူနေကြသလို ခြေသံတွေကလည်း ဆွေးမြည့်ရှည်လျားလှတယ်။ ဒါပေမယ့် နောက်ဆုံးတော့ ခြေသံတို့ တိုးတိတ်သွားတယ်။ ခြေသံရှင်ဟာ ကျွန်တော်ရဲ့မလှမ်းမကမ်းမှာ ရောက်နေပါပြီ။ အဖြူရောင်မီးခိုးတွေက သူ့ရှေ့မှာ ဒိုင်းလိုကာထားကြလို့ ကျွန်တော်ကြည့်ရတာ ဝေဝေဝါးဝါးဖြစ်နေတယ်။ မီးခိုးဖြူတွေ လွင့်ပျံပြယ်ရှင်းသွားတော့မှပဲ လူတစ်ယောက်ကို မြင်ရတယ်။ အဲဒီလူဟာ လွင့်မျောနေတဲ့ ဆံမျှင်ရှည်တွေနဲ့ စိတ္တဇဆန်တယ်။ မသေသပ်တဲ့ တေလေဝတ်ရုံတစ်ထည်နဲ့ ဒီညကို ပင်လယ်လို ဖြတ်ကူးလာခဲ့တယ်။ သူ့ကိုယ်မှာလည်း နှင်းမြူတွေ ဖိတ်လက်စိုရွှဲလို့။ ကျွန်တော်က သူ့ကို မေးလိုက်တယ်။
" ခင်ဗျားက ဘယ်သူလဲ "
သူ့ဖြေသံက တိုးညှင်းပေမယ့် ပြတ်သားတယ်။
" ငါ…ဗင်းဆင့်ဗန်ဂိုး "
" ဟင် "
ကျွန်တော် အပြင်းအထန် ဝမ်းသာသွားတယ်။ သူကတော့ တည်ငြိမ်စွာ ရပ်တန့်နေရင်းက ကျွန်တော့်ကို မေးလာတယ်။
" မင်း…ငါရဲ့အာလူးစားသူများဆိုတဲ့ ပန်းချီကားကို သိလား "
ခေါင်းညိတ်ရင်း ပြန်ဖြေလိုက်တယ်။
" သိတာပေါ့။ အဲဒီပန်းချီကားရဲ့မိတ္တူပုံတွေကိုလည်း ကျွန်တော်ကြည့်ဖူးတာပေါ့။ သိပ်ကြိုက်တယ်။ ပန်းချီကားထဲမှာ အာလူးကိုကြည့်နေတဲ့ လူတွေရဲ့မျက်လုံးတွေကလည်း သိပ်လက်ရာမြောက်တယ်။ အဲဒီမျက်လုံးတွေဟာ ဆာလောင်မွတ်သိပ်မှုတွေနဲ့……"
ကျွန်တော်က အားတက်သရောနဲ့ ပြောနေတုန်းမှာ သူက ဆူပွက်နေတဲ့ သက်ပြင်းရှည်တစ်ချက်ကို ချတယ်။ လောင်မီးဆန်တဲ့ အဲဒီအငွေ့အသက်ကြောင့် ကျွန်တော့်စကားတွေ ရပ်သွားရတယ်။ သူက အက်ကွဲကွဲလေသံနဲ့ ပြောလာတယ်။
" အဲဒီပန်းချီကားပေါ့ကွာ ... "
ကျွန်တော်က နားမလည်ပါ။
" အဲဒီပန်းချီကားက ဘာဖြစ်လို့လဲ "
ကျွန်တော်မေးတော့ သူက အနောက်ဘက် အမှောင်ထုထဲကို လက်နဲ့ တစ်ချက်ဝှေ့ယမ်းလိုက်တယ်။ သူ့လက်ထဲမှာ ပန်းချီကားတစ်ချပ်ပါလာတယ်။ ကျွန်တော့်ကို ပြတယ်။
" ကြည့်စမ်းပါဦးကွာ၊ ဒါ အာလူးစားသူများ ပန်းချီကားပေါ့ "
ကျွန်တော်က ဆွဲယူကြည့်ပြီး "ဟင်"ခနဲ ဖြစ်သွားမိတယ်။ သူ့ကို ပြန်မော့ကြည့်တော့ သူက ခေါင်းကို ဖြည်းဖြည်းချင်းညိတ်ပြတယ်။
" အေး …… အဲဒီလိုဖြစ်နေတယ် "
" မျက်လုံး … မျက်လုံးတွေ ဘယ်ရောက်သွားလဲ "
ပန်းချီကားထဲမှာ အာလူးကိုစိုက်ကြည့်နေသူတွေရဲ့ မျက်လုံးတွေ မရှိတော့ဘူး။ သူတို့ဟာ မျက်လုံးဟောက်ပက်တွေနဲ့ ငေးငိုင်နေကြတယ်။ ကျွန်တော် ထပ်မေးလိုက်တယ်။
" မျက်လုံးတွေ ဘယ်ရောက်သွားတာလဲ "
ဗန်ဂိုးက တစ်ပိုင်းတစ်စ နာကြည်းဟန်နဲ့ ပြုံးတယ်။
" ငါလည်း အဲဒါကို သိချင်နေတာပဲ "
" ဟင် …… "
" ဟုတ်တယ် ငါရဲ့အာလူးစားသူများပန်းချီကားထဲက မျက်လုံးတွေ အလိုအလျောက် ပျောက်ဆုံးသွားတယ်။ ငါလည်း လိုက်ရှာနေတာပဲ။ အခုထိတော့ မတွေ့သေးဘူး "
အဲဒီလို ကျွန်တော်တို့စကားပြောနေကြတုန်းမှာပဲ ညကောင်းကင်မှာ မိုးရိပ်လေရိပ်တွေ သက်ဝင်လာကြတယ်။ လေနီကြမ်းတွေကလည်း သစ်ပင်တွေကို တောင်ပံနဲ့ တဖြန်းဖြန်းရိုက်ကြတယ်။ တန်ခိုးရှင်တစ်ယောက်က သူ့လက်ချောင်းတွေကို ကောင်းကင်ဆီ ဆန့်မြှောက်ပြီး မိုးကြိုးတွေ တစ်ပွင့်ချင်း ပစ်ဖောက်နေတယ်။
နောက်တော့လည်း ဗန်ဂိုးဟာ မိုးတွေလေတွေကြားထဲမှာပဲ ပန်းချီကားကိုပိုက်ပြီး ခေါင်းငိုက်စိုက်နဲ့ ပြန်သွားပါတယ်။ ကျွန်တော့်ကိုလည်း ပန်းချီကားထဲက ပျောက်ဆုံးနေတဲ့မျက်လုံးတွေ ကူရှာပေးဖို့ ပြောသွားလေရဲ့။
(၂)
ငြီးငွေ့စရာကောင်းတဲ့ ညနေခင်းဟာ မီးခိုးခေါင်းတိုင်တွေရဲ့ အာပုပ်ငွေ့တွေနဲ့ပဲ ထိုင်းမှိုင်းခြောက်သွေ့နေတယ်။ ကျွန်တော်စီးလာတဲ့ ဘတ်စ်ကားအိုကြီးကလည်း ချိုင့်ခွက်များတဲ့ ကတ္တရာလမ်းပေါ်မှာ ဘီးတပ်ထားတဲ့လိပ်ကြီးတစ်ကောင်လို တွားသွားနေတယ်။ လမ်းဘေးသစ်ပင်တွေက မိုးတိုးမတ်တတ်နဲ့။ လူတွေနဲ့ခွေးလေခွေးလွင့်တွေဟာ တစ်နေရာက တစ်နေရာကို သုတ်သီးသုတ်ပျာ သွားနေကြတယ်။ အားမရှိတဲ့နေရောင်တွေကလည်း မြေပေါ်မှာ ကြောင်စီစီနဲ့ စွန်းပေနေကြရဲ့။
ဘတ်စ်ကားအိုကြီးပေါ်မှာပဲ ကျွန်တော် ငေးမောလိုက်ပါနေတယ်။ အချို့ခရီးသည်တွေက စကားတီးတိုးပြောနေကြတယ်။ ခရီးသည်အများစုကတော့ တစ်ယောက်ကိုတစ်ယောက် စိတ်မဝင်စားကြပါဘူး။ မှတ်တိုင်တွေ တစ်ခုပြီးတစ်ခု ဖြတ်လာတယ်။ လူတွေက တက်လိုက်ကြ၊ ဆင်းလိုက်ကြ။ ဘတ်စ်ကားကြီးထဲ ကိုယ့်ကိုယ်ကို လွှဲဝင်ကြ။ ငှက်တွေ ခေါင်းဝှက်အိပ်ကြသလို အပေါ်ကလက်ကိုင်တန်းကို ခိုပြီး မတ်တတ်ကြီးတွေ လည်လိမ်အိပ်ငိုက်နေကြ။
ကျွန်တော်က အတက်အဆင်းပေါက်ရဲ့ အနီးဆုံးထိုင်ခုံမှာ ထိုင်နေတယ်။ ဘတ်စ်ကားပေါ်တက်လက်စရှိသေးတဲ့ အဘိုးအိုတစ်ယောက်ဟာ ကံအားလျော်စွာ ကျွန်တော့်နံဘေးမှာ နေရာရသွားပါတယ်။ ကျွန်တော် သူ့ကို ဂရုမစိုက်မိပါဘူး။ ဒါပေမယ့် သူက ကျွန်တော့်ကို ခပ်သဲ့သဲ့ ခေါ်တယ်။
" လူလေး "
ကျွန်တော်လှည့်ကြည့်တော့ သူ့မျက်နှာက အေးအေးချမ်းချမ်း ပြုံးနေတယ်။ သူသွားချင်တဲ့နေရာကို ဘယ်မှတ်တိုင်မှာ ဆင်းရမလဲဆိုတာရယ်၊ အဲဒီအတွက် ကားခ ဘယ်လောက်ပေးရမယ်ဆိုတာရယ်ကို မေးတာပါ။ ကျွန်တော်ပြောပြလိုက်တဲ့အခါ သူက ခေါင်းညိတ်ရင်း ဘတ်စ်ကားခအတွက် နှိုက်ယူတယ်။ အဲဒီမှာ သူ့ကို ကျွန်တော် သတိထားမိစရာဖြစ်သွားတယ်။
(အဘိုးအိုဟာ ဘတ်စ်ကားစီးနေကျလူ မဟုတ်ဘူး။ သူက ဘတ်စ်ကားစီးစရာမလိုတဲ့ လူတန်းစားထဲကဆိုတာ သူ့ပုံပန်းသဏ္ဌာန်ကို ကြည့်ပြီး ရိပ်မိနားလည်ရပါတယ်။ သူ့အိတ်ထဲမှာလည်း ငွေအတော်များများ ပါလာတယ်။ ဒါကို ကျွန်တော်အပါအဝင် ဘေးက ခရီးသည်တွေအားလုံး မြင်လိုက်တယ်။)
အဘိုးအိုက စပယ်ယာကို ကားခပေးတယ်။ သူ့မျက်နှာက ကြည်လင်ငြိမ်းချမ်းနေပြီး သူရဲ့ပြောဆိုလှုပ်ရှားမှုတွေကလည်း နူးညံ့သိမ်မွေ့တယ်။ ဒါပေမယ့် ကျွန်တော့်အတွက်တော့ ဘာမှ စိတ်ဝင်စားစရာမကောင်းဘူး။ အဲဒါကြောင့် ဘေးပတ်ဝန်းကျင်ကိုပဲ
ပြတင်းပေါက်ကတစ်ဆင့် ကြည့်ရင်း ငေးရင်း အဘိုးအိုကို ကျွန်တော် ပြန်လည်မေ့လျော့သွားတယ်။
အဲဒီလိုနေရင်းက ကားအတွင်းဘက်ကို တစ်ချက်ငဲ့စောင်းကြည့်မိတဲ့အခါ ကျွန်တော် မျက်မှောင်ကြုတ်သွားမိပါတယ်။ ခရီးသည်တွေကြားမှာ တိုးဝှေ့ရောက်ရှိနေတဲ့ စပယ်ယာကို အဘိုးအိုက ပိုက်ဆံထပ်ပေးနေတာ တွေ့လိုက်လို့ပါပဲ။ ပထမတော့ ကျွန်တော် ကြောင်သွားသေးတယ်။ နောက်တော့လည်း သူ မူလမှတ်တိုင်မှာ မဆင်းတော့ဘဲ ရှေ့ကိုဆက်သွားမလို့ ကားခထပ်ပေးတာ ဖြစ်မှာပေါ့လို့ စဉ်းစားမိတယ်။
အဲဒီလိုနဲ့ ဘတ်စ်ကားအိုကြီးဟာ ကျွန်တော့်အတွက်တော့ အတော်အတန် ခရီးပေါက်ရောက်လာခဲ့ပါပြီ။ စပယ်ယာက ယာဉ်စီးခတွေ ပေးကြဖို့ အော်ဟစ်ပြောဆိုရင်း ကျွန်တော်တို့အနားကို ရောက်လာပြန်တယ်။ ကျွန်တော် ပျင်းပျင်းရိရိ သမ်းဝေနေလိုက်စဉ်မှာပဲ အဘိုးအိုက စပယ်ယာကို ပိုက်ဆံထပ်ပေးပြန်တယ်။
" ဟင်… "
မဟုတ်တော့ဘူးလို့ စိတ်ထဲမှာ ထင်လိုက်တယ်။ မျက်လုံးတွေကလည်း ကျယ်သွားတယ်။ ဘယ်လိုဖြစ်နေရတာလဲ။ ဒီအချိန်မှာ ကားစပယ်ယာကလည်း ကျွန်တော့်လိုပဲ အံ့သြသွားတယ်။ အဘိုးအို ပထမအခေါက်ပေးတာကို သူ မမှတ်မိပေမယ့် ဒုတိယအခေါက်ပေးတာကိုတော့ မှတ်မိထားတယ်။ အဲဒါကြောင့် သူက အဘိုးအိုပေးတဲ့ပိုက်ဆံကို လက်နဲ့ပြန်တွန်းရင်း ပြောတယ်။
" အဘိုး…ခုနက ပေးပြီးပြီလေ။ အဘိုးမေ့နေပြီ ထင်တယ်။ အဘိုး ကားခပေးပြီးသားပါ "
" သြော် ... အင်း…အဟင်း.... "
အဘိုးအိုက ရယ်ရယ်မောမောကလေးနဲ့ သူ့ပိုက်ဆံကို ပြန်ယူတယ်။ ကားပေါ်က ခရီးသည်တွေအားလုံးလိုလိုက သူ့ကို သတိထားမိသွားကြပြန်တယ်။ အားလုံးက သူ့ကို စူးစမ်းသလို ကြည့်နေကြတယ်။ အဘိုးအိုက ကျွန်တော့်ကို လှည့်ပြောတယ်။
" ဒီနေ့က အဘိုးဘဝရဲ့ အထိမ်းအမှတ်နေ့တစ်နေ့ကွဲ့ "
" ဟုတ်ကဲ့ "
" ဒီနေ့မှာ အဘိုးက ကုသိုလ်ယူချင်လို့ "
" ဟုတ်ကဲ့ "
" အဲဒါကြောင့် နံဘေးမှာ ငွေလာတောင်းသူရှိရင် ဘယ်သူ့ကိုမဆို ပေးမယ်။ ဒီနေ့မှာတော့ ဒါနသန့်သန့်ပြုမယ်လို့ အဓိဋ္ဌာန်ထားတာ ကားခပေးထားပြီးသားကို မေ့လို့ မဟုတ်ပါဘူး။ ကိုယ့်အဓိဋ္ဌာန်အရ ဘေးမှာ သူ လာတောင်းနေလို့ ပေးတာကွဲ့…အဟင်း… "
အဘိုးအိုရဲ့စကားကို တစ်ချက်ချင်း ခေါင်းညိတ်ပြ နားထောင်နေရင်း ကျွန်တော့်စိတ်အာရုံထဲမှာ တစ်စုံတစ်ရာကို ရိုးရိုးရိပ်ရိပ် ခံစားလာရတယ်။ အဲဒါနဲ့ ကားထဲက တခြားလူတွေဆီ ခေါင်းမော့ကြည့်လိုက်တယ်။
" အို …… "
ကျွန်တော့်ရင်ထဲမှာ ဒိန်းခနဲဖြစ်သွားတယ်။
------------------------------------------------------------
------------------------------------------------------------------------
------------------------------------------------------------------------
( ၃ )
------------------------------------------------------------------------
------------------------------------------------------------------------
------------------------------------------------------------------------
" ဟေး………ဗန်ဂိုးရေ .. ဗန်ဂိုး………ဗန်ဂိုးရေ .....ဗန်ဂိုးရေ…… "
ကျွန်တော့်နှလုံးသွေးအစက်စက်တို့က ဗန်ဂိုးကို သံပြိုင်အော်ခေါ်နေတယ်။
""ဗန်ဂိုးရေ……လာ ဒီမှာ တွေ့ပြီ။ ခင်ဗျားရဲ့ ပျောက်ဆုံးနေတဲ့မျက်လုံးတွေကို ကျွန်တော် ပြန်ရှာတွေ့ခဲ့ပြီ။ အဲဒီမျက်လုံးတွေဟာ လူတချို့ဆီမှာ ရောက်နေတယ်။ အဲဒီလူတွေ ဒီမှာရှိတယ်။ ခု.. ရှိတယ်။ အဲဒီလမ်းကြား …… အဲဒီလမ်းကြား ... သူတို့တွေ အာလူးကောက်သွားကြလေရဲ့ "
တာရာမင်းဝေ
