ကျွန်တော်တို့ ပတ်ဝန်းကျင်က နာမည်များ
@~~~~~~~~~~~~~~~~~~~~~@
စ/ဆုံး
နီကိုရဲ
ကျွန်တော်တို့ ဆွေမျိုးများထဲတွင် နာမည်နှင့် ပတ်သတ်၍ အကြီး အကျယ် ပြဿနာ တက်ခဲ့ရဖူးသော ဖြစ်ရပ် တစ်ခု ရှိခဲ့ဖူးသည်။ ကျွန်တော် အမေ ဘက်မှ အမေကြီး ဒေါ်ကောက်၏ မောင်၊ ကျွန်တော့် အဘကလေး၏ သား အကြီးဆုံး မွေးခဲ့စဉ်က ဖြစ်သည်။ ထိုခေတ် ထိုအခါက မြန်မာ့ ရုပ်ရှင် လောကတွင် မင်းသားကြီး မြင့်အောင်မှာ နာမည် အင်မတန်ကြီး နေချိန်လည်း ဖြစ်ပါသည်။ ထို မင်းသားကြီး ဦးမြင့်အောင်ကို ကျွန်တော်တို့ နတ်စင်ဘောက်ထော် ရွာသားများ အရူးအမူး နှစ်သက်ကြ၊ ကြိုက်ကြသည်။ ကျွန်တော့် ဒေါ်လေးများမှ အစ တစ်ရွာလုံး အပျိုတွေ သည်းသည်းလှုပ် မြင့်အောင် ဖြစ်နေကြချိန်ပင် ဖြစ်သည်။ ရုပ်ရှင် မင်းသားကြီး ဦးမြင့်အောင်က သာဓုခြံတွင်လာရောက် ရုပ်ရှင် ရိုက်ကြသည့်အခါ ကျွန်တော့် အဒေါ်တွေ ခြံအပြင်က သွားချောင်းကြည့်ကြရင်း ထမင်းတွေ၊ ဘာတွေပင် ငတ်ဖူး သည့်အထိ ဖြစ်သည်။
ထိုခေတ် ထိုအချိန်က ရုပ်ရငှ် မင်းသား၊ မင်းသမီး အပြိုင်နည်း ကြသဖြင့် တစ်ဦးတည်း နှစ်ဦးတည်းသော မင်းသား မင်းသမီး များ အပေါ် သူတို့ မြတ်နိုး ချစ်ခင်ပုံ အထင်ကြီး လေးစားပုံက ဒီနေ့ခေတ် ထက် ပိုဆိုးမည် ဟု ထင်ပါသည်။ ပြဿနာက ကျွန်တော့် အဘကလေး၏ သားဖြစ်သူက ကြာသပတေးနေ့တွင် မွေးသည်။ တစ်မျိုးလုံး၊ တစ်ဆွေလုံး ပျော်လိုက် ကြသည့်ဖြစ်ခြင်း၊ ပျော်ရခြင်းက မြေးကလေး၊ သားကလေး၊ မောင်ကလေး ရသည်က တစ်မျိုး၊ ထိုမြေးကလေး၊ သားကလေး၊ မောင်ကလေးသည် ကြာသပတေးနေ့မှာ မွေးသည်က တစ်မျိုးကြောင့် ဖြစ်၏။ အားလုံး သဘော တူညီချက်အရ (ဗေဒင် ဆရာ မပါ) ထို ကလေးကို မြင့်အောင် ဟု နာမည်မှည့်ကြ ခြင်းပင် ဖြစ်သည်။ သောကြာနေ့က စ၍ မြင့်အောင် မြင့်အောင် နှင့် ထိုကလေးကို မိုးမွှန်အောင် ခေါ်ကြ၏။
ထိုနာမည် ပေးကြောင်း ပြောကြြွကားကြ၏။ ထိုမှာပင် ပြဿနာက စလေသည်။ ကျွန်တော် တို့ ခြံနှင့် သုံးခြံလောက် အကွာ တိုက်အိမ်ကြီးမှ ချမ်းသာသော မိသားစု ကလည်း ကျွန်တော့် အဘကလေး၏ သားထက် တစ်ပတ် စောမွေးသော သူတို့ မြေးကလေး ကြာသပတေးသားကို မြင့်အောင်ဟုပင် နာမည် ပေးထားကြသည်။ ကျွန်တော်တို့က ထို နာမည် ပေးကြောင်းကို သိကြ သောအခါ သူတို့ဘက်က စကားသံ ထွက်လာသည်။ သူတို့က အရင် ပေးတာ ဖြစ်ကြောင်း၊ ထိုကြောင့် သူတို့ကို လိုက်တုကာ နောက်မှ ပေးတာ မခံနိုင်ကြောင်း၊ ပြောင်းပေး စေချင် ကြောင်းပင် ဖြစ်သည်။
ဒီမှာပင် ကျွန်တော်တို့ဘက်က လည်း မလျှော့ကြ။ သူတို့ ထိုနာမည် ပေးထားတာ မသိကြောင်း၊ မြင့်အောင်ကို ကြိုက်၍ မြင့်အောင် ပေးထားကြောင်း၊ ပြောင်းမပေး နိုင်ကြောင်းပင် ဖြစ်သည်။ နောက်တစ်ချက်က ကျွန်တော်တို့ ဆွေမျိုး အသိုင်းအဝိုင်းထက် ဟိုတစ်ဖက်က ပို၍ ငွေကြေး ပြည့်စုံကာ ဂုဏ်ရှိ ကြသည်။ ထိုအချက်ကို အကြောင်းပြုကာ သူတို့က သူတို့မြေး၊ သူတို့သားနှင့် ကျွန်တော်တို့ ကလေးကို နာမည် အတူမခံနိုင်ကြောင်း ပြောကြ၏။ သူတို့ဘက်မှ အဒေါ် တစ်ယောက်က အိမ်ကို လာကာ ထိုကိစ္စကို တစ်ဆင့် စကားနှင့် မဟုတ်ဘဲ တရားဝင် ပြောသည်။ သူတို့က ရက်ဦးကြောင်း၊ နောက်ဆုတ် ပေးစေချင်ကြောင်း၊ သူတို့က သူတို့ တူကို အကျွေးအမွေးနှင့် နာမည် ပေးမှာ ဖြစ်ကြောင်းတွေ ပါသည်။
ဒီဘက် ကလည်း မခံနိုင်၊ သူတို့က ငွေရှိတာနဲ့ တို့က ပြောင်းရမလား၊ သူတို့လိုပဲ တို့လည်း တို့တူကို အကျွေးအမွေး နှင့် ကင်ပွန်းတပ် မှာပေါ့ ဖြစ်လာ ကြသည်။ အဒေါ်တွေ၊ အဒေါ်တွေ ညီမ တွေချင်း တွေ့လျှင် ခနဲ့ကြ၊ စောင်းကြ၊ မြောင်းကြ ဖြစ်လာ ကြသည်။ ထိုကိစ္စသည် ဘကြီး၊ ဘထွေး အထိ ခေါင်းခဲလာကြ၏။ လူကြီးတွေ အေးစေလို၍ ပြောင်းပေးရန် နားချ သော်လည်း မာန်ရှိသော လူငယ်တွေက စကားတွေ အလွန်အကျွံ ပြောထား ကြပြီ ဖြစ်သဖြင့် မရတော့ပြီ။ မြင့်အောင် မှ မြင့်အောင်ပဲ တစ်ပြားမှ မလျှော့နိုင်ကြ။ နောက်ဆုံး တစ်ဖက်နှင့် တစ်ဖက် စောင်းမြောင်းသည် အထိမှ တရားဝင် စကားများ ကြသည်။ နာမည်နှင့် မဆိုင်သော အခြား နိုင်ကွက် ပိုင်ကွက် များကို ပြောကြပြီ။ တဲအိမ် နဲ့နေပြီး မြင့်အောင် မှည့်တော့ ဘာဖြစ်မှာမို့လဲ၊ ဟိုမင်းသား မြင့်အောင်သာ ကြားရင် စိန်စားသေမှာ။ ဟေ့ တို့ မြင့်အောင်က ရိုးသားတဲ့ မြင့်အောင်ကွ။ ဂေါပကမြေး မြင့်အောင် မဟုတ်ဘူး။
ဟိုဘက်က ဂေါပကလုပ်သူ ဘကြီးလည်း မနေရ၊ ဒီဘက်က နားနည်းနည်း လေးသူ အဘကလေးလည်း မနေရတွေ ဖြစ်ကုန်။ နိုင်ရာဆိုင်ရာ လူတွေ ကျိတ်တား ကြသော်လည်း မရတော့။ မြင့်အောင် နာမည်လုပွဲကြီး ဆင်နွှဲကာ အဒေါ်လုပ်သူတွေ နပန်းလုံးကာ ကုတ်ကြ ဖဲ့ကြသည်။ ညီမဖြစ်သူတွေ ဆံပင်ဆွဲကာ ဆော်ကြတီးကြ ဖြစ်ကုန် ကြသည်။ ဘေးက အမှန် အတိုင်း ဖြစ်စေချင် ကြသူတွေလည်း အုပ်စုကွဲ ကုန်ကြ၏။ ကိုယ့်ဘက်က စောတာပဲ ဘာဖြစ်လို့ ပြောင်းရမှာလဲ၊ သက်သက် ခွတိုက်တာ၊ မပြောင်းနဲ့ ဆိုသူတွေက ဟိုဘက် တိုက်ကို သွားကြပြီး ပိုက်ဆံရှိရင် ရွှေပဲဝယ်လို့ ရမယ်၊ နာမည်ဝယ်လို့ ရမလား၊ ဒါသက်သက် တင်စီးတာ၊ ငါ့မိန်းမတောင် မမွေးသေးလို့ မွေးရင် ဘာနေ့သားပဲ ဖြစ်ဖြစ် မြင့်အောင်လို့ ထပ်ပေး လိုက်ချင်သေး မပြောင်းနဲ့ ဆိုသူတွေကလည်း ကျွန်တော်တို့ ခြံဘက်ကို လာကြ၏။
နောက်ဆုံး မြင့်အောင်အရေး မြင့်အောင် ဘေးက ဆရာတော် ဘုရားထံ ရောက်သွား၏။ ဆရာတော်က နှစ်ဖက် ဆွေမျိုးတွေခေါ် ၊ ရှေ့တွင် မေးကာ အဆုံးအဖြတ် ပေးသည်။ အရင်မွေး၍ အရင်ပေး သူက နာမည်ယူကာ နောက်မွေး သူက နာမည် ပြောင်းစေ။ ကျွန်တော့် ဒေါ်လေးတွေ မျက်ရည်ကျကာ နှပ်ညှစ် ကြသည်။ ရွာဦး ဆရာတော် ဆိုတော့ ဘာမှလည်း စောဒက မတက်နိုင်ကြ၊ လိုက်နာဖို့ပဲ ရှိသည်။ မြင့်အောင်ကို ပိုင်သွား သူက ဆရာတော်နှင့် သံဃာတော် ငါးပါး ပင့်ကာ နာမည်ပေး ကင်ပွန်းတပ်သည်။
ကျွန်တော်တို့ ဘက်ကလည်း ဆရာတော် ဆုံးဖြတ် သလိုနာမည်ပြောင်း ပါသည်။ သို့သော် ပြောင်းသည့် နာမည်က အောင်မြင့် ဖြစ်၏။ ထိုထက်တော့ မလျှော့နိုင်။ တစ်ဖက် ကလည်း မြင့်မအောင်ရင် ပြီးရော၊ သူ့ဘာသာ ဘာပဲမြင့်မြင့်။ မင်းသားကြီး ဦးမြင့်အောင် ကတော့ ဘာမှ သိလိမ့်မည် မထင်ပါ။ သို့နှင့် ကြီးလာကြတော့ ထိုမြင့်အောင် နှင့် အောင်မြင့်သည် ရွယ်တူ ယောကျာ်းလေးတွေ ဖြစ်လာကာ အတူတူ ကစားကြသည်။ ဆော့ကြသည်။ ထိုအထိ လူကြီးတွေက မခေါ်နိုင် မပြောနိုင် ရှိကြသည်။ ယခုထက် ထိလည်း ထိုမြင့်အောင်နှင့် အောင်မြင့် သက်ရှိ ထင်ရှား ရှိနေပါ သေးသည်။ ကျွန်တော့် ဦးလေး အရှုံးသမား ကိုအောင်မြင့်က ရေဖြူမြို့နယ်သူ နှင့် အိမ်ထောင်ကျကာ ထို အရပ်မှာ ရှိလေသည်။ အနိုင်ရသူ မြင့်အောင် ကတော့ ဘယ်မှာလဲ ကျွန်တော် မသိ။
(၃-၄-၂၀ဝ၀) ရက်နေ့က စာရေးဆရာကျော် တာရာမင်းဝေ၏ ဇနီး မနော်ဟရီက သားဦးလေးကို အောင်မြင်စွာ မွေးဖွားလိုက်ကြောင်း သိရသည်။ ကလေးကို သွားကြည့်တော့ နီတာရဲကလေး ဖြစ်သည်။ သို့သော် မည်သည့် ကလေးမဆို မွေးလာလျှင် နီတာရဲကလေး ဖြစ်သဖြင့် ထိုနာမည်ကို စကားလုံး အရှာ တော်သော တာရာမင်းဝေ ယူလိမ့်မည်ဟု ကျွန်တော် မထင်ပါ။
သူ ဘာနာမည် ကင်ပွန်းတပ်မလဲ။ ကျွန်တော် စိတ်ဝင်တစား သိချင်နေပါသည် ခင်ဗျား။ ။
##====@@@====##
နီကိုရဲ
သဘင်အနုပညာ ဂျာနယ် ၆၇။
လူနှင့် သူတို့ ၏ဟာသများ။ ပြန်လည်မျှဝေပါသည် မွန်းလေးဖေဖေ
No comments:
Post a Comment