လေလံပွဲ

လေလံပွဲ (သိပ္ပံမောင်ဝ)
-----------------------

ဘာလေလံပွဲလဲ။ အင်းလေလံပွဲ ဖြစ်ပါသည်။

ယနေ့ကား အင်းလေလံပွဲနေ့ ဖြစ်၏။ အင်းစားကြီးတို့ အဖို့ နေ့ထူး နေ့မြတ်ကြီး ဖြစ်လေသည်။ မောင်လူအေး၏ နယ်အတွင်းရှိ ငါးများ အဖို့ကား နေ့ဆိုး နေ့ယုတ်ကြီး ပေတည်း။

နံနက်စောစော ကပင် နယ်ပိုင် ရုံတော်ဝင်း အတွင်းသို့ အင်းသားကြီး၊ အင်းသားလတ်၊ အင်းသားကလေး၊ အင်းသားမကြီး၊ (ဝါ) အင်းသမီးကြီး၊ အင်းသားမလတ်၊ (ဝါ) အင်းသမီးလတ်၊ အင်းသားမကလေး၊ (ဝါ) အင်းသမီးကလေး၊ လက်ထောက် အင်းသား၊ လက်ထောက် အင်းသမီး၊ (ဝါ) လက်ထောက် အင်းသမ၊ အချခံ အင်းသမီး၊ (ဝါ) အချခံ အင်းသမ၊ အင်းသားယောင်၊ အင်းသမီးယောင် (ဝါ) အင်းသမယောင်၊ အင်းကူလီမှ စ၍ အင်းနှင့် အသက်မွေးသူတို့ ရောက်နှင့် ကြလေပြီ။

တမြို့လုံးလည်း သူတို့ချည်း၊ ဟိုသွားလည်း သူတို့နှင့် တွေ့။ သည်သွားလည်း သူတို့နှင့် တွေ့။ ဈေးထဲမှာလည်း သူတို့။ တရုပ် ခေါက်ဆွဲဆိုင်မှာလည်း သူတို့။ ကုလား ထမင်းဆိုင်မှာလည်း သူတို့။ အပြန့် ထမင်းဆိုင်မှာလည်း သူတို့။ ကုလား မူဆာ၏ ကဇော်ဆိုင်မှာလည်း သူတို့။ မောင်တူ၏ ဖဲဝိုင်းမှာလည်း သူတို့။ တမြို့လုံး အနှံ့အပြား အင်းသားတတွေ လွတ်၍ နေကြလေသည်။

အင်းသားကြီး တယောက်မှာ နောက်လိုက်က အထွေထွေ။ ခေါင်းပေါင်းစကြီးတွေ တထောင်ထောင်နှင့် ဟိုသွား သည်သွား။ အိတ်ထဲများမှာ ငွေသံတွေ တချွင်ချွင်။ မယား ခမျာမှာလည်း အပါးက မခွါ။ မျက်နှာထား ခပ်မာမာ။ အချို့မှာ အသင်း အပင်း အစုအဝေးနှင့် နယ်ပိုင် ရုံးဝင်း အတွင်း ကုက္ကိုပင်ကြီး အောက်တွင် ကော်ဇောတွေ ခင်းလျက် ထမင်းစားပွဲကြီး ကျင်းပ နေကြ လေတော့သည်။

ကိုသာလူကား အင်းခွန် မကြေသောကြောင့် အင်းဆွဲရန် လက်မှတ် မရနိုင်။ မိတ်ဆွေ မောင်ဘိုးအောင်အား ထောင်၍ အင်း အဆွဲခိုင်းရန် ကြံ၏။ သို့သော် မောင်ဘိုးအောင်လည်း လက်မှတ် မရနိုင်။ ပစ္စည်းရှိသူ မဟုတ်။ ကိုသာလူကား အနည်းငယ်မျှ မစိုးရီမ်။ အင်းမသူကြီး ဦးဘိုးရှင် ထံသွား၍ မောင်ဘိုးအောင်၌ ပစ္စည်း ရှိကြောင်း လက်မှတ် အထိုး ခိုင်းရပေမည်။ ကိုယ်တော်မြတ် သူကြီးမှာ မျက်နှာထား တည်တည်နှင့် အမြင်ကပ်စရာ။ သို့သော် သူ့နေရာနှင့် သူ၊ အောက်မကြို့က မဖြစ်။ တောင်းပန်စကား သွား၍ ပြော၏။ အဖက်မလုပ်။ တော်တော် လူဝါးဝတဲ့ သူကြီး။ သူ့ကိုယ်ကို သူ သိကြားများ မှတ်နေလေရော့ သလား။ သို့သော် ကိုသာလူတို့ မည်သို့ လုပ်လိုက်သည် မသိ။ ခဏကြာလျှင် သူကြီးလည်း ပြုံးပြုံးရွှင်ရွှင်နှင့်ပင် လက်မှတ်ကို ထိုး၍ ပေးလိုက်၏။

မောင်ဘိုးအောင် လက်မှတ် ရသွား လေပြီ။ အကယ်ပင် ကိစ္စ တုံးပြီလော။ မတုံးသေး။ မြို့ပိုင်မင်းထံ ပြေးရဦးမည်။ သူကြီး၏လက်မှတ်ကား ပစ္စည်း ရှိကြောင်း လက်မှတ် သာတည်း။ အင်းဆွဲရန် လက်မှတ်ကား မြို့ပိုင်မင်း၊ အင်းခွန်ဝန်မင်း၊ နယ်ပိုင်မင်းတို့ကသာ ပေးနိုင်လေသည်။

မြို့ပိုင်မင်းထံ ဝင်ရန်မှာလည်း မလွယ်ကူ။ အင်းလက်မှတ် အတွက် စောင့်စား နေကြသော လူထုကြီးကား မနည်း။ မောင်ဘိုးနီ၊ မောင်သာဟန်၊ မောင်မြို့၊ မောင်နီတာတို့လည်း ချွေးတလုံးလုံးနှင့် အင်းသားကြီး မောင်ကြိုင်လည်း လူထုထဲတွင် ဟိုတိုး သည်တိုးနှင့် နေပါကလား။ သည်အကောင် မနှစ်က အင်းဖိုးငွေ မကျေတာတောင် မျက်နှာပြောင် တိုက်ပြီး လာသေးသကိုး၊ တကဲ့ အကောင်။

မြို့ပိုင်မင်းကား စောစောကပင် ရုံးသို့ ရောက်နေလေသည်။ သူ၏ အခန်းထဲတွင် ရှိ၏။ မြို့ပိုင်မင်းထက် ကြောက်ရသူကား မြို့ပိုင်မင်း၏ ယပ်ဆွဲသူ မောင်ခင် ဖြစ်လေသည်။ ကိုယ်တော်မြတ်မှာ မြို့ပိုင်မင်းထက်ပင် အဝတ်အစား ပြောင်သေး၏။ စီးကရက်ကို လက်ကြားညှပ်၊ ဘိနပ်ဖြူကို စီးလျက်၊ ဟိုလူ့ကိုအော်၊ သည်လူ့ကို မာန်နှင့် အင်မတန် ဂိုက်ထုတ် နေလေသည်။ သူနှင့် သင့်သူကား ရှေ့က နေရ၏။ မသင့် သူတို့ကား နောက်သို့ ဆုတ်ရလေသည်။ သူ့ကိုယ်သူ မြို့ပိုင်မင်း ထင်နေ လေရော့သလား။ အင်းကိုပင် မဆွဲရသေး။ ငရဲသို့ ရောက်ကြရပေပြီ။

မောင်ခင်က မျက်နှာသာ ပေးလိုက်သော သူတို့ တယောက်ပြီး တယောက် အစဉ်အတိုင်း ရုံးခန်းထဲ ဝင်ကြရ၏။ မြို့ပိုင်မင်းနှင့် တွေ့ပြီလော။ မတွေ့ရသေးပါ။ ရုံးစာရေးကြီး၊ ရုံးစာရေးကလေး အသင်ရုံးစာရေးများ၊ ရုံးစာရေးကြီး၏ လက်ထောက်များ၊ အကူ ရုံးစာရေးများနှင့် တဆင့် တဆင့် တွေ့၍ သွားရလေသည်။ သူတို့လည်း အမျိုးမျိုး မေးခွန်းတွေ ဘာတွေနှင့် အနှောင့်အရှက် ပြုကြလေသည်။ ဪ ဒုက္ခ၊ ကျားကြီးလဲ ကြောက်ရ၊ ကျားကလေးလဲ ကြောက်ရ၊ ဘယ်နေရာမှ ဟန်မကျပါကလားနော်။

နောက်ဆုံး၌ မြို့ပိုင်မင်း ထံသို့ ရောက်ကြ၏။ မြို့ပိုင်မင်းလည်း မေးခွန်း အမျိုးမျိုး ထုတ်လျက် နေလေတော့သည်။ ဝိဇ္ဇာ စာမေးပွဲတွင် မေးသော မေးခွန်းတို့ထက်ပင် အင်းသားကြီးတို့ အဖို့ ခက်သေး၏။ အားလုံး မမှန်သည်ကိုချည်း ဖြေကြလေသည်။ နှစ်ဆယ်တန် အိမ်ကို နှစ်ထောင် တန်သည်ဟု ကျမ်းကိုင်၍ ဆို၏။ ငါးကျပ် တန်သော လှေတစင်းကို တရာ တန်သည်ဟု ကျမ်းကိုင်၍ ဆို၏။ တဆယ် တန်သော နွားတကောင်ကို တရာ တန်သည်ဟု ကျမ်းကိုင်၍ ဆို၏။ ကျမ်းစူးသည် ဆိုသော စကားကို မကြားဘူး သကဲ့သို့ ညာနိုင်သမျှ ညာသော ဟူ၏။ သေသေချာချာ ကျကျနန စစ်ဆေးသော သူကိုပင် ယောင်လည်လည် ဖြစ်အောင် ဖြေကြလေသည်။ တော်လဲ တော်ကြ ပါပေရဲ့။

နောက်ဆုံး မြို့ပိုင်မင်းလည်း အချို့ကို ပယ်၍ အချို့ကို လက်မှတ် ထုတ်၍ ပေးလိုက် လေသည်။ လက်မှတ် ရလာသူများ အနက် ဘိုးအောင်၊ ထွန်းစိန်၊ စံဦး၊ မောင်မြ၊ လုံထော်တို့လည်း ပါကြလေသည်။ လက်မှတ်ကလေးတွေ ကိုယ်စီနှင့် ထွက်လာကြကုန်၏။ မျက်နှာတွေကား မှိုရသလို။ ကိုစံပကြီးကား မောင်ခင်နှင့် မသင့်သူ ဖြစ်သောကြောင့် ရုံးအပြင်ဖက်တွင် ဟိုတိုး သည်တိုးနှင့် နေရရှာ၏။ သနားစရာ ခမျာမှာ လက်မှတ် မရသဖြင့် အခက်။

အင်းသားဟောင်းကြီး ဦးငွေရ၊ ဦးစံဖူး၊ ဦးဘိုးထွန်း၊ ဦးဘသာတို့ကား စောစောပင် လက်မှတ် ရထားသူများ ဖြစ်ကြသောကြောင့် တိုးဝှေ့ နေကြသူများတွင် မပါဝင်။ ခပ်အေးအေးပင် ကုက္ကိုပင်ရိပ်တွင် ဆေးလိပ် ဖွာကာ ကွမ်းစားကာနှင့် ထိုင်နေကြလေသည်။ သူတို့၏ နောက်လိုက်များကား ဝိုင်းလျက်။

မောင်မြကား လက်မှတ် ရလာသည်နှင့် တပြိုင်နက် အင်းသားကြီး ဦးငွေရတို့ ထိုင်နေရာသို့ ရောက်လာလေသည်။ မျက်နှာထား ရွှင်ပျစွာ ထားလျက် နေ၏။ မောင်မြ ရလာသော လက်မှတ်ကား ပန်းလှိုင်ရေကျော် အင်းအတွက် လက်မှတ် ဖြစ်လေသည်။ ပန်းလှိုင်ရေကျော် အင်းသားကြီးဟောင်း ဦးငွေရကား လက်မှတ်ကို မောင်မြ လက်ထဲ မြင်လိုက်သည်နှင့် တပြိုင်နက် မျက်နှာ ပျက်လျက် သွားတော့၏။ ထိုအင်း မိမိလက်မှ လွတ်သွားက ခက်လေတော့မည်။ ဦးငွေရ၏ မယား ဒေါ်ရုကား မျက်နှာကြီး စူလျက်။

မောင်မြကား ပန်းလှိုင်ရေကျော် အင်းကို နှစ်ထောင်အထိ တက်ပေးမည်ဟု ဦးငွေရ မကြားတကြား ပြောလျက် နေ၏။ ဦးငွေရ မျက်နှာ နီ၍ လာလေပြီ။ မိမိက တထောင်ထက် ပို၍ မပေးနိုင်။ တထောင်နှင့် ရမှ ငွေနှစ်ရာလောက် မြတ်မည်။ မောင်မြကား ပစ္ဏည်း မရှိသူ မှန်၏။ သို့သော် အင်းဆွဲရန် လက်မှတ်ရသူ ဖြစ်လေသည်။ နောင်ခါမှ ဖြစ်ချင်ရာဖြစ်၊ နှစ်ထောင်များ ပေးလိုက်မှဖြင့် မိမိတို့ အလုပ် လက်မဲ့ ဖြစ်လေတော့မည်။ အခက်ကြီးနှင့် ကြုံရပေ၏။ မောင်မြကား လက်မှတ်ကို ဝင့်ကာ ဝင့်ကာနှင့် စကားများလျက် နေလေတော့သည်။ ဦးငွေရတို့ လင်မယားကား ချွေးဖြိုင်ဖြိုင် ယိုကာ ကျလေပြီ။

နောက်ဆုံး၌ ဦးငွေရက မောင်မြအား မိမိ အင်းကို ဝင်၍ လုမဆွဲရန် တောင်းပန် ရှာ၏။ မောင်မြကား တောင်းပန်၍ မရ။ ခရီးစရိတ် ငွေအစိတ်ကို ထုတ်၍ ပေး၏။ နည်းသေးသည်။ မယူ။ သုံးဆယ် ပေး၏။ နည်းသေးသည် မယူ။ လေးဆယ် ပေး၏။ နည်းသေးသည် မယူ။ ငါးဆယ်ပေးမှ ကျေနပ် လေတော့၏။ ငွေငါးဆယ် ရလျှင် မောင်မြလည်း မောင်တူ၏ ဖဲဝိုင်းသို့ စိုင်းလေပြီ။ ဦးငွေရကား အင်းမှ မဆွဲရသေးမီ ငွေငါးဆယ် ထွက်ရရှာ၏။ ဤနည်းအတိုင်း ဘိုးနီနှင့် သာဟန် တို့လည်း အင်းသားဟောင်းကြီး ဦးဘိုးနီနှင့် ဦးဘသာတို့ ထံမှ ငွေသုံးဆယ်စီ ရခဲ့ ကြလေသည်။ တရုတ်အပြန့်၏ အရက်ဆိုင်သို့ ခြေဦး လှည့်ကြလေပြီ။

ရန်ကုန်မှ ယနေ့ နံနက် ရောက်၍ လာသော ငါးပွဲစား မောင်ကန် မှာလည်း ခေါင်းပေါင်းစ တထောင်ထောင်နှင့်ပင်။ သူ၏ နောက်မှ အင်းသားကြီးဟောင်းများ၊ အင်းသားကြီးလောင်းများ တကောက်ကောက် မခွါနိုင်ကြ။ သူ၏ အိတ်ထဲတွင် ငွေ နှစ်ထောင် ပါလာသည်ဟု ကြားရ၏။ စပေါ် ငွေပေးရန် သူ့ထံမှ မျက်နှာသေကလေးများနှင့် ငွေတောင်း နေကြလေသည်။ အင်းဂရန်ကို အပေါင်ထားမည် ဆိုသူကဆို။ အင်းမှ ထွက်သော ကုန်များကို ပေါပေါနှင့် ပေးမည် ဆိုသူက မရှား။ အမျိုးမျိုး ချော့ကာ မော့ကာ မောင်ကန် ထံမှ ငွေထွက်အောင် ညှစ်၍ နေကြကုန်၏။ ဤအခါတွင် မောင်ကန်ကား နတ်သိကြားထက်ပင် တန်ခိုး ကြီးပေသေး၏။ ယပ်ခတ် ပေးသူပေး။ ရေယူ ပေးသူတွေကလည်း အများ။ တော်တော်ပင် ခမ်းနား ပေသည်။

သို့နှင့်ပင် နယ်ပိုင်ရုံးဝင်း တဝင်းလုံး ဟိုစုရုံး သည်စုရုံး၊ ဟိုလူးလာခပ်၊ သည်လူးလာခပ်၊ ဟိုပြော သည်ပြောနှင့် တသောသော နေကြ လေတော့သည်။ ရုံးအောက်က လက်ဖက်ရည်ဆိုင်ရှင် ဒေါ်သိန်းခင်မှာလည်း အရောင်းရ တွင်သောကြောင့် တပြုံးပြုံး။ လက်ပင် မလည်နိုင်။ နယ်ပိုင်ရုံးတွင် တနှစ်ပတ်လုံး ဤအခါကဲ့သို့ လူစည်ကားခြင်း တခါမျှ မရှိခဲ့ဘူး။ အင်းဆွဲရန် လက်မှတ် ရသူတို့ကား တရွှင်ရွှင်။ မရသူတို့က တမှိုင်မှိုင်။ မောင်ကုလားတို့ လူစုကား အင်းဆွဲနိုင် သူတွေလည်း မဟုတ်။ လက်မှတ်ရနိုင် သူတွေလည်း မဟုတ်။ ငွေကြေးဆို၍ တပြား တချပ်မျှ ရှိသူတွေလည်း မဟုတ်။ သို့ပါလျက် ခုနစ်မိုင် ခရီးမှ လာ၍ သူတကာ အင်းလေလံ ဆွဲသည်ကို သွားရည်ယိုသည်မှာ အံ့ဩပါရဲ့။

သို့နှင့်ပင် ဆယ်နာရီ ထိုး၏။ ထိုနောက် ဆယ်နာရီ ခွဲ၏။ နယ်ပိုင် မောင်လူအေး လာလေပြီ။ အားလုံး ဝိုင်း၍ ကြည့်ကြ၏။ “တယ်ဆိုးတဲ့ နယ်ပိုင်” “တယ်ကြမ်းတဲ့ နယ်ပိုင်” စသည်ဖြင့် တီးတိုး စကား ပြောကြလေသည်။ (မောင်လူအေးကား ရှေးအခါက လူအေး ဖြစ်သည် မှန်၏။ ယခု လူသရမ်းတွေနှင့် လုပ်နေရသောကြောင့် လူကြမ်း ဖြစ်နေလေပြီ။)

အရေးပိုင်ကား သူ၏ သင်္ဘော ထဲတွင် ရှိသေး၏။ အရေးပိုင် လာမှ လေလံပွဲ စသည်။ အရေးပိုင်မင်း အလာကိုသာလျှင် စောင့်စား၍ နေကြကုန်၏။ လေလံ ဆွဲမည့် သူများ၏ စိတ်ထဲတွင် တထိတ်ထိတ်နှင့် နေလေတော့သည်။

လေလံ ပစ်မည့် နေရာကား နယ်ပိုင်မင်းရုံး အောက်တွင် ဖြစ်၏။ အရေးပိုင်မင်း ထိုင်ရန် ခုံမြင့်ကလေး ပြုလုပ်၍ ထားလေသည်။ အခြား အရာရှိများကား မြေပြင်၌ ကုလားထိုင်များ ပေါ်တွင် ထိုင်ကြရမည်။

ဆဲ့တနာရီ ထိုးသည်နှင့် တပြိုင်နက် အရေးပိုင်မင်း ပေါက်၍ လာလေသည်။ နယ်ပိုင် မောင်လူအေးလည်း ခရီးဦးကြို ပြု၍ ခုံမြင့် ရှိရာသို့ ခေါ်ခဲ့၏။ ရောက်လျှင် နှစ်ယောက်သား ခုံမြင့်ပေါ်ရှိ ကုလားထိုင် နှစ်လုံးတွင် ယှဉ်ကာ ထိုင်ကြလေသည်။ မြို့ပိုင်၊ အခွန်ဝန်၊ အင်းခွန်ဝန်တို့လည်း အသီးသီး မိမိတို့ နေရာများတွင် ထိုင်ကြလေသည်။

အင်းဆွဲမည့် သူများနှင့်တကွ မိမိတို့၏ နောက်လိုက်များပါ ထိုနေရာသို့ ဝိုင်း၍ လာကြ၏။ ထိုသူတို့ ရောက်သည်နှင့် တပြိင်နက် အခွန်ဝန်မင်းက အင်းအမှုတွဲ တွဲကို ကိုင်ပြီးလျှင် “ပန်းလှိုင်ရေကျော်အင်း” ဟူ၍ အော်လိုက်လေသည်။ အနားတွင် ထိုင်နေကြသော သူတို့လည်း ဟိုကြည့် သည်ကြည့်နှင့် လုပ်နေကြ၏။ အတန်ကလေး ကြာလျှင် ထောင့်တထောင့်မှ ဦးငွေရကြီး ထ၍ လာလေသည်။ အားလုံးသော ပရိသတ်တို့ သူ့အား စိုက်၍ ကြည့်နေကြလေသည်။ အခြား မည်သူ ထမည်နည်း။ မည်သူ တဦးမျှ မထ။ ဦးငွေရ စိတ်အေးသွား လေတော့သည်။ မောင်မြအား ငွေငါးဆယ် ပေးလိုက်ပြီ မဟုတ်ပါလော။

ဦးငွေရလည်း အရေးပိုင်မင်းတို့ ရှေ့သို့ ရောက်လေပြီ။ အင်းဆွဲရန် လက်မှတ်ကို အခွန်ဝန်မင်းအား ကမ်းပေး လိုက်၏။ အခွန်ဝန်မင်းလည်း အမှုတွဲနှင့် လက်မှတ်ကိုပါ အရေးပိုင်မင်းထံ ကမ်း၍ ပေးပြန်၏။

အရေးပိုင်မင်း။ ။ သည်အင်းကို ဘယ်လောက် ပေးမလဲ ဦးငွေရ။
ဦးငွေရ။ ။ ငါးရာ ပေးပါမည် ဘုရား။
အရေးပိုင်။ ။ မရောင်းနိုင်ဘူး။ မနှစ်က တထောင်နဲ့ ရောင်းတယ်။
ရ။ ။ မနှစ်က ရှုံးပါ ဘုရား။
နယ်ပိုင်။ ။ မနှစ်က ရှုံးပေမဲ့ သည်နှစ် မြတ်မယ်။
ရ။ ။ မြတ်မှာ မဟုတ်ပါဘူး။ ဆားဈေးတွေက တက်နေပါ ဘုရား။
အင်းခွန်ဝန်။ ။ ခင်ဗျား တထောင်နဲ့တောင် မြတ်သေးတာ ကျုပ် အသိသားနဲ့။ လာညာ နေပြန်ပြီ။
ရ။ ။ ရှုံးပါ ဘုရား။ ဘယ်အကျိန်မျိုးဘဲ ပေးပေး။
အခွန်ဝန်။ ။ သည်ထက် တက်မပေးနိုင်ဘူးလား။
ရ။ ။ ခုနစ်ရာ့ ငါးဆယ် ပေးပါ့မယ် ဘုရား။ သည့်ထက် တက်မပေးနိုင်တော့ပါ။ ဒါ အများဆုံးပါဘဲ။
အရေးပိုင်။ ။ သည်ဈေးနဲ့ မရောင်းဘူး။ နည်းတယ်။
ရ။ ။ မနည်းပါ ဘုရား။ များတောင် နေပါသေးတယ်။
(ပရိသတ်က ရယ်ကြ၏။)
နယ်ပိုင်။ ။ များတယ် ထင်ယင် လေလံ ချိုးထားလိုက်မယ်။ တက်မလား၊ မပေးဘူးလား။
ရ။ ။ ရှစ်ရာ ပေးပါ့မယ် ဘုရား။ သည်ထက်တော့ မပေးနိုင်တော့ပါ။
အရေးပိုင်။ ။ ကောင်းပြီ။ ရှစ်ရာနဲ့ တနှစ် ရောင်းမယ်။ အင်းသားကြီးဟောင်း ဖြစ်လို့ ရှော့ပေးတယ်။ သိလား။ စပေါ် ငွေ ရှစ်ဆယ် ပေးရမယ်။
ရ။ ။ “ပေးပါ့မယ်” ဆို၍ အခွန်ဝန်ကို ငွေထုတ်ပေး၏။

အခွန်ဝန်က ငွေတိုက်တွင် သွား၍ အသွင်းခိုင်း လေသည်။ ဦးငွေရလည်း ပြုံး၍ ထွက်သွား လေတော့၏။ မနှစ်ကထက် နှစ်ရာတောင် သက်သာလေသည်။ သူ၏ သား မယား ဆွေမျိုး နောက်လိုက် တစုတို့လည်း တပြုံးပြုံးနှင့် နောက်က လိုက်လာ ကြလေသည်။ အထက်ပါ နည်းအတိုင်း လုသူ မရှိဘဲ လျှော့ဈေးနှင့် ရောင်းလိုက်ရသော အင်းပေါင်း ၁၀- အင်းခန့် ရှိလေပြီ။

အခွန်ဝန်မင်းက “တပေကုလားအင်း” ဟု အော်လိုက်သည်နှင့် တပြိုင်နက် ဘိုးအောင်နှင့် ကုလားကြီးတို့ ထောင့်တထောင့်စီမှ ထ၍ လာကြ လေသည်။ ပရိသတ်လည်း အုတ်အုတ်ကျက်ကျက် ဖြစ်သွား၏။ လက်မှတ် အသီးသီး ကမ်းပေးကြ၏။ ကုလားကြီးကား အင်းသားကြီးဟောင်း သူတို့၏ အမည်များကို အရေးပိုင်မင်း အမှုတွဲတွင် မှတ်လေပြီ။ ပြီးသည်နှင့် တပြိုင်နက် လေလံ ပစ်တော့မည် လုပ်၏။ ကုလားကြီးက “လျှောက်ပါရစေ” ဟု ဆို၏။

အရေးပိုင်။ ။ ဘာလျှောက် လိုသလဲ။
ကုလားကြီး။ ။ အခု လေလံမှာ ဝင်လုတဲ့ မောင်ဘိုးအောင်ဟာ အခွန် မကြေတဲ့ အင်းသားကြီးဟောင်း ကိုသာလူက ထောင်ဆွဲသူ ဖြစ်ပါတယ် ဘုရား။

(အထက်ပါ အတိုင်း မောင်ကုလားကြီးက ပုတ်လိုက်လျှင် ပရိသတ်ကြီးလည်း အုတ်အုတ်ကျက်ကျက် ဖြစ်သွား၏။)

အရေးပိုင်။ ။ မောင်ကုလားကြီး ပြောတဲ့ အတိုင်း မှတ်သလား။ မောင်ဘိုးအောင်။
ဘိုးအောင်။ ။ မဟုတ်ရပါ ဘုရား။
ကုလားကြီး။ ။ မယုံလျင် သူကြီးကို မေးပါ။

သူကြီးကို ခေါ်၏။ သူကြီး ဦးဘိုးရှင် နေရာမှ ထ၏။

အရေးပိုင်။ ။ မောင်ကုလားကြီး ပြောတဲ့အတိုင်း မှန်သလား သူကြီးမင်း။
သူကြီး။ ။ မှန်ပါတယ် ဘုရား။

(ခက်ပြီ၊ ခက်ပြီ။ ခွေးမသား သူကြီး။ ငါတို့ကို သတ်ပြီ။ စောစောကတော့ လက်မှတ်ပေးပြီး အခု အချက်ထဲကျမှ ဂွလုပ်လေတယ်။ နေနှင့်အုံး။ တနေ့တော့ တွေ့ရမပ။)

အရေးပိုင်။ ။ မောင်ဘိုးအောင် လေလံ မဆွဲနိုင်ဘူး။

မောင်ဘိုးအောင်လည်း သူကြီး အပေါ်တွင် အခဲ မကျေဘဲ မျက်နှာသေကလေးနှင့် လေလံပွဲမှ ထွက်ကြွ၍ သွားလေပြီ။ ပရိသတ် ထဲမှ အချို့က ဝမ်းသာ၏။ အချို့က ဝမ်းနည်း လေသည်။

တပေကုလား အင်းကို မောင်ကုလားကြီးအား တထောင့်ခြောက်ရာနှင့် ရောင်းလိုက် လေပြီ။ ကုလားကြီးတို့ လူစု ဝမ်းမြောက် ဝမ်းသာနှင့် ထွက်၍ သွားကြ၏။

ပြီးလျှင် အခွန်ဝန်မင်းက “မက်ခင်းကြီးအင်း” ဟူ၍ အော်လိုက်၏။

မောင်ပန်းဦးနှင့် မောင်သိန်းမောင်တို့ တထောင့်စီမှ ထ၍ လာကြလေသည်။ အသီးသီး လက်မှတ်များကို ကမ်း၍ ပေး၏။ မောင်ပန်းဦးကား ဣနြေ္ဒရရ။ မောင်သိန်းမောင်ကား အရက် မူးလျက် ယိုင်တိယိုင်တိုင်။

အရေးပိုင်မင်းလည်း ထိုသူတို့၏ နာမည်များကို အမှုတွဲတွင် ရေးပြီးနောက် ပန်းဦးဖက်သို့ လှည့်လျက် “သည်အင်းကို ဘယ်လောက် ပေးမလဲ” ဟု မေး၏။

ပန်းဦး။ ။ ၂,၅၀၀ိ ပေးပါမယ် ဘုရား။
အရေးပိုင်မင်း။ ။ သိန်းမောင်ကော။
သိန်းမောင်။ ။ ၂,၇၀၀ိ ပေးပါမယ်။
ပန်းဦး။ ။ ၃,၀၀၀ိ-
သိန်းမောင်။ ။ ၃,၅၀၀ိ-
ပန်းဦး။ ။ ၄,၀၀၀ိ-
သိန်းမောင်။ ။ ၄,၅၀၀ိ-

(အရေးပိုင်မင်းက “မနှစ်က ၂,၅၀၀ိ နဲ့ ရောင်းတယ်။ စဉ်းစားပြီး ဆွဲကြ။ အမြတ်မရှိဘဲ မခံချင်လို့ ဆွဲယင် အလကားဘဲ” ဟုဆို၏။)

ပန်းဦး။ ။ ၅,၀၀၀ိ။
သိန်းမောင်။ ။ ၅,၅၀၀ိ။

ပန်းဦးအား သူ၏ မိတ်ဆွေများက ဆွဲ၍ ထားကြ၏။ ရုံး၍ ထ၏။ မထနိုင်။

အရေးပိုင်။ ။ ၅,၅၀၀ိ- တခါ။
၅,၅၀၀ိ။
ပန်းဦး။ ။ ၆,၀၀၀ိ (ဆွဲထားရာမှ)
သိန်းမောင်။ ။ ၆,၅၀၀ိ။

ပန်းဦးကား မူးနေသူ မဟုတ်။ သို့သော် မခံချင်သော စိတ်မိုက်က သွေးဆောင်လျက် နေ၏။ မိမိ မယားက မိမိ၏ လုံချည်စကို ဆွဲထား လေသည်။ အကယ်၍ ၆,၅၀၀ိ ထက်ပို၍ ပေးလိုက်လျှင် ၃,၀၀၀ိ ကျော် ရှုံးပေလိမ့်မည်။ မိမိ၌ စိုက်ဆောင်စရာ ငွေသုံးထောင်လည်း မရှိ။ ၆,၅၀၀ိ ထက်ပို၍ တက်ပေးလိုက်လျှင် မိမိ ထောင်ကျမည်မှာ ဧကန္တ။ ထောင်ကျရုံ မက မိမိ၏ သားမယားတို့လည်း အတိဒုက္ခ ရောက်ကြ ပေလိမ့်မည်။ မျက်စိ တဖက်တွင် ထောင်ကြီးကို မြင်လျက် နေ၏။ အခြား တဖက်တွင်ကား သိန်းမောင်က မိမိအား လူကြောက်ဟု ခေါ်နေသည်ကို ၄င်း၊ ပရိသတ်တို့က သတ္တိကြောင်သူ ဟူ၍ ခေါ်နေသည်ကို ၄င်း မြင်လျက် နေလေသည်။ ထောင်ကို ကြောက်သော စိတ်ကောင်းနှင့် မခံချင်သော စိတ်ရိုင်းတို့၏ အကြားတွင် ပန်းဦးကား မှိုင်တွေတွေကြီး နေလေတော့သည်။

အရေးပိုင်မင်း။ ။ ၆,၅၀၀ိ- တခါ။
၆,၅၀၀ိ- နှစ်ခါ။
၆,၅၀၀ိ- နှစ်ခါ။
ပန်းဦး။ ။ ၇,၀၀၀ိ။

သိန်းမောင်ကား မထနိုင်ပြီ။ သူ၏ ပါးစပ်ကို မယားနှင့် ဆွေမျိုးတွေက ပိတ်၍ ထားကြလေသည်။

အရေးပိုင်မင်း။ ။ ၇,၀၀၀ိ- တခါ။
၇,၀၀၀ိ- နှစ်ခါ။
၇,၀၀၀ိ- သုံးခါ။

ပန်းဦး မက်ခင်းကြီး အင်းကို ၇,၀၀၀ိ နှင့် ရသွား လေပြီ။ အကျိုးရှိသော ရခြင်းမျိုး မဟုတ်။ ဧကန္တ ထောင်ကျမည့် ရခြင်း ဖြစ်လေသည်။ မခံချင်သော စိတ်ရိုင်းက ချယ်လှယ်သောကြောင့် အင်းသားကြီးတွေ ထောင်နန်းစံဘူး ကြသည်မှာ များလှလေပြီ။

ပရိသတ် အထဲမှ အချို့က ပန်းဦး၏ သတ္တိကို ချီးမွမ်းကြ၏။ အချို့က လူမိုက်၊ အရူးဟု ခေါ်ဆိုကြ လေသည်။ ပန်းဦးကား အင်းကို ရသော်လည်း ဝမ်းမသာပြီ။ မိမိ၏ ပျက်စီးရာ ပျက်စီးကြောင်း အင်းကြီး ပေတည်း။ တသက်လုံး စုဆောင်း၍ ထားသော ငွေကလေး ၁၅ မိနစ်အတွင်း ပျက်စီးခြင်းသို့ ရောက်ရ ပေတော့မည်။ ပစ္စည်း ပျက်စီးခြင်းကား မထောင်းတာ။ ထောင်အတွင်းသို့ ရောက်ခြင်းကား မခံနိုင်စရာ။ ဣနြေ္ဒမပျက်ရန် ဟန်ဆောင် ပါသော်လည်း မျက်နှာမူကား ဣနြေ္ဒပျက်ကြောင်း သက်သေ ခံလျက်ပင်။ ဤကား မခံချင်သော စိတ်၏ တာသွားပုံတည်း။

အရေးပိုင်မင်းနှင့် အရာရှိများလည်း အစဉ်အတိုင်း အင်းများကို လေလံတင်လျက် သွားကြ၏။ လေးနာရီ ထိုးလျှင် အင်းပေါင်း ၉၀ ပြီးလေပြီ။ ဤမျှနှင့် လေလံပွဲကြီး ပြီးဆုံးခြင်းသို့ ရောက်တော့သတည်း။

------------
သိပ္ပံမောင်ဝ
ဂန္ထလောက ၁၂၉၅ ခု၊ ကဆုန်လ။
(ဝတ္ထုဆောင်းပါးများ (၁၉၆၆))