က,တယ်နော် ...၊ သော့ကို သော့တာ

" က,တယ်နော် ...၊ သော့ကို သော့တာ .."
   =====================

                                                #ဆူးငှက်

          မိတ်ဆွေတစ်ဦးက ကျွန်တော့်ကို ဤသို့ဤနှယ်မေးမြန်းဖူး၏။

        
          'သင်္ကြန်မိုးဇာတ်ကားမပြခင်တုန်းက မန္တလေးသင်္ကြန်မှာ ဘာသီချင်းတွေဆိုကြတာလဲဗျ' ဟူ၍ဖြစ်သည်။ ကျွန်တော်အနှီ ပုဂ္ဂိုလ်ကို အံ့အားသင့်စွာ စူးစိုက်ကြည့်မိပြီး ...

       
           'သင်္ကြန်မိုးမတိုင်ခင်ကတည်းက မန္တလေးမှာ သင်္ကြန်ဆိုရင် အဲဒီသီချင်းတွေပဲ ဆိုကြတာပေါ့ဗျ။ ဒါတောင် မြို့မရေသဘင်အသင်းက သီချင်းပဲရှိ သေးတာ။ တခြားအသင်းတွေကလည်း တစ်နှစ်ဆို ကိုယ်ပိုင်သီချင်း သုံးလေးပုဒ်အနည်းဆုံးရှိတယ်။ အနည်းဆုံးငါးနှစ်သက်တမ်းရှိတဲ့ အသင်းတစ်သင်းမှာ သီချင်း ၁၅ ပုဒ်အနည်းဆုံးရှိမှာပေါ့ ...။ အဲလို အသင်းမျိုး မန္တလေးမှာ ရာချီရှိခဲ့ဖူးတယ်လေ ...' ဟု ပြောပြမိသည်။

         
          ထိုအခါ မိတ်ဆွေက 'ဟုတ်ရဲ့လားဗျာ' ဟု တအံ့တသြမေးသည်။
ပြန်လှန်တွေးကြည့်တော့ တကယ်လည်းဟုတ်၏။ ဟိုစဉ် သင်္ကြန်ဆိုတာ ရပ်ကွက်ထဲစိတ်တူကိုယ်တူ တွေ စုဝေးကြပြီး စိတ်ပါလက်ပါစုဝေးကြပြီး အားကြိုးမာန်တက်၊ အားတက်သရော ဖွဲ့စည်းကြ၊ ကခုန်ကြခြင်းဖြစ်၏။ သီချင်းရေးစပ်သူကလည်း ရပ်ကွက်ထဲက ဝါသနာရှင်အဆင့်လောက်မဟုတ်။ ပညာရှင်အဆင့်လောက်ပုဂ္ဂိုလ်က ရေးစပ်ပေးခြင်းဖြစ်သည်။ မှတ်တမ်းမတင်နိုင်၊ အသံသွင်းမထားနိုင်၍သာ ပျောက်ကွယ်သွားရခြင်းဖြစ်သည်။ ပျိုတို့မောင်၊ မြို့မ၊ မာဃ၊ မင်္ဂလာအေဝမ်း၊ ရှုတိုင်းယဉ်၊ ဖူးစာရှင်၊ လင်းရောင်ခြည်၊ နေပြည်တော်၊ မင်္ဂလာညွန့်စတဲ့ အမျိုးသားအလှပြယာဉ်များကား ကနဦးပေါ်အသင်း များဖြစ်သည်။

                  ၁၉၂၅ ခုနှစ်ဆီက ဈေးချိုအနားရှိ အိန္ဒိယအမျိုးသားသူဋ္ဌေးတွေ ပိုင်ဆိုင်သော ကုန်တင်ကားများပေါ်သို့ ရေစည်ရေအိုးများတင်ပြီး ကားဖြင့်လည်ကာ ရေပက်သောအခါ အောက်က ကလေးတွေကလည်း ပြန်လှန်ရေပက်ကြခြင်းဖြင့် ရေပက်ခံကားတွေ စတင်ပေါ်ပေါက်ခဲ့၏။

                ၁၉၂၇ ခုနှစ်ရောက်သောအခါ မော်တော်ယာဉ်တစ်စင်းကို ပိတ်ရောင်စုံများဖြင့် ရေခံထည်ဆင်ပြီး နဖူးစီးတွင် 'ပျိုတို့မောင် သင်္ကြန်အဖွဲ့' ဟု ရေးသားထားသော အလှပြရေပက်ယာဉ်တစ်စင်း စတင်ပေါ်လာ သောအခါ ဓာတ်ရှင်ကြော်ငြာလှည့်ကားမှတ်သဖြင့် ကလေးများ ထွက်ကြည့်ပြီး ကြော်ငြာ တောင်းကြ၏။

                 ထိုရေပက်ခံအလှပြယာဉ်ပေါ်မှ အသင်းသားများ၏ ခေါင်းတွင် P.D.M ဟု ရေးထားသော ခေါင်းစည်းပဝါများဆင်တူစည်းထားကြသည်။ ထိုအဖွဲ့က အကွက် ၆၁၇၊ ၂၇ လမ်းနှင့် ၇၆ လမ်းထောင့်ရှိ ဟေမာဇလအရှေ့ပိုင်း စာကြည့်အသင်းအဖွဲ့သားများဖြစ်၏။ မန္တလေးရုပ်ရှင် မီးဘက် ဦးရှင်၊ ဦးအေး၊ ဦးလူကလေး၊ ဦးဘကြည်တို့ ခေါင်းဆောင်ကြသည်။ ပထမဆုံးစထွက်သော 'ပျိုတို့မောင် အလှပြယာဉ်' က 'ပြည်ရွှေမန်းမြို့ နာဂရာတစ်ခွင်၊ ပထမထွင်တဲ့ ရေပက်အသင်း၊ တူညီဝတ်လို့ ပျော်ရွှင်ရွှင်၊ မောင်တို့ဖက်ရှင် မြင်ကြရဲ့လား၊ ပျိုတို့မောင်များ တောင်းဆုဆင်၊ မြန်ပြည်တစ်ခွင်၊ အေးမြစေသား ....'ဟူသော ကိုယ်ပိုင်သံချပ်အား စည်တိုကို ဗုံတောင်ခေါက်ပြီး သီဆိုခဲ့ကြသည်။ နောက်နှစ်တွေမှ မြို့မ၊ မာဃ၊ မင်္ဂလာအေဝမ်း၊ ရှုတိုင်းယဉ်၊ ဖူးစာရှင်၊ လင်းရောင် ခြည်၊ နေပြည်တော် အလှပြအသင်းများ ထွက်လာကြသည်။

                 ထိုအသင်းများအနက် မင်္ဂလာအေဝမ်းက ၆ ဝပ်ဘက်ထရီမီးလုံးများထွန်းကာ ကားကို အလှဆင်သည်။ ထို့ပြင် မြို့မက ငွေငန်း၊ ရှုတိုင်းယဉ်က ပဉ္စရူပ၊ ပျိုတို့မောင်က ကြက်ရုပ်များချိုးပြီး ကားကို အလှဆင်သည်။ တူရိယာများအနေနှင့် ခေတ်မီထရန်းပက်၊ ကောနက်စသည့် ပစ္စည်းများကို သုံးလာကြ ၏။ အမျိုးသမီးအသင်းများအနေနှင့်လည်း ရှမ်းပွဲရပ်တွင် ဟော်နန်းသူဇာ၊ ကြည်တင်၊ တရုတ်တန်း၌ ရွှေဝါဖူး၊ လှပျိုဖြူတို့ရှိသည်။ နောက်ပိုင်းမှာတော့ အမျိုးသမီးရေသဘင်မဏ္ဍပ်တွေ မန္တလေးမြို့အနှံ့ တစ်ပြတစ်သင်းနှုန်း ရှိလာတော့၏။ သင်္ကြန်မတိုင်မီကပင် တီးလုံးတိုက်သံတွေ ဆူညံနေတော့သည်။

                      Xxxxx     xxxxx     xxxxx

                              'ခါသင်္ကြန်လေနုအေးရယ် ...
  သွေးကာ သူနော့ .. နော့တာ။
  ပိတောက်ရွှေ မာလာဝတ်မှုံဝင့်ကာ သူကြော့ ... ကြော့တာ။
  ပက်ဖျန်းကာ ရေစင်လောင်းတယ် ...
  သင်္ကြန်မယ် ပျိုဖြူများမှာ
  က,တယ်နော် ...၊ သော့ကို သော့တာ ...။'

             မြို့မဦးရင်လေး၏ 'သော့' ဆိုသော သင်္ကြန်သီချင်းလေးကို ဆိုညည်းရင်း သင်္ကြန်ကို လွမ်းဆွတ်နေမိ၏။ 'လေနုအေးကား နော့နေဆဲကို ..' ဟူသော ဆရာဒဂုန်တာရာ၏ နာမည်ကျော် 'မေ' ဝတ္ထုမှ အဖွင့်စာကြောင်းကား မြို့မဦးရင်လေး၏ သင်္ကြန်သီချင်းနှင့်ထင်ဟပ်ပြိုင်နေ၏။ မြို့မဦးရင်လေး က 'နော့' ကိုပင် ထပ်မံကာ ကွန့်လိုက်သည်။ ဘာတဲ့ ... ပိတောက်ရွှေ မာလာဝတ်မှုံက 'ကြော့' သတဲ့။ လတ်ဆတ်သော၊ ဝင့်ကြွားသော၊ တောက်ပသော၊ ငွားစွင့်သော ပိတောက်ပန်း၏အလှကို 'ကြော့' ဟူသည့် စာတစ်လုံးတည်းဖြင့်ပင် ပိုင်းဖြတ်ပေးလိုက်ခြင်းဖြစ်သည်။

             အလှတွင် အယဉ်ဆင့်ဆိုသလို လှခြင်း၏ ထွဋ်ခေါင်က ယဉ်ခြင်းဖြစ်၏။ အယဉ်တကာ့ ထိပ်ခေါင်က အကြော့တွင်စုလေသောကြောင့် 'ကြော့' ခြင်းသည်ကား လှမျိုးစုံ၊ ယဉ်မျိုးစုပင်ဖြစ်သည်။
သင်္ကြန်လေနုအေးလေးက တနော့နော့ ...။

          ပိတောက်ခက်လေးက ခပ်ကြော့ကြော့ ...၊ သည်ရာသီ၊ သည်မြင်ကွင်းလေးမှာ သွက်လက်မြူးကြသော ဒိုးဆစ်၊ ဒိုးချက်များတွင် သင်္ကြန်မယ်ကလေး က,နေပုံမှ 'သော့' လို့တဲ့ ...။

         နုပျိုခြင်း၊ တက်ကြွခြင်း၊ ဖျတ်လတ်ခြင်း၊ ပျော်ရွှင်ခြင်း၏ လက္ခဏာများကို မြို့မငြိမ်းက 'သော့' ဟူသော စကားလုံးလေးတစ်လုံးနှင့်ပင် ဖော်ပြလိုက် ၏။ လှလိုက်သည့်ဖြစ်ခြင်း ....။

           ထိုသီချင်းလေးအား အမှတ်ထင်ထင်ရွတ်ဆိုမိလေတိုင်း မထိတထိ ကလူကျီစယ်သော နွေဦးလေညင်းတွင် လတ်ဆတ်မှု၊ တောက်ပမှု၊ ဝင့်ကြွားမှု များနှင့်အတူ နုပျိုခြင်း၊ တက်ကြွခြင်း၊ ဖျတ်လတ်ခြင်း၊ ပျော်ရွှင်ခြင်းသရုပ်များဖြစ်သည့် 'တာသင်္ကြန်' ၏ အတိတ်ပုံရိပ်ကိုနင့်နေအောင် ခံစားလိုက်ရချေသည်။

           'သြော် ... မခို့တရို့နဲ့ပင် သိင်္ဂီဝင် ပိတောက်ရွှင်မြူးကြ ခါတော်ရေသဘင်' ... တဲ့။
ဆရာဦးဘသိန်းကလည်း သင်္ကြန်သီချင်းတစ်ပုဒ်ကို 'မခို့တရို့' ဟူသော စကားလုံးဖြင့် စပ်ဆိုထား၏။ 'မခို့တရို့' တဲ့။ ယခု မသုံးသလောက်ရှားပါး လှသော စကားလုံးဖြစ်သည်။

           မြန်မာမိန်းကလေးတစ်ယောက်၏ ဣနြေ္ဒ၊ ချစ်စဖွယ် အမူအရာ၊ ထိန်းချုပ်သော အပြုံး၊ လှစ်ခနဲ ပြလိုက်သည့် ကြည်နူးမှု (သို့မဟုတ်) အချစ်....။

            စင်ပေါ်မှ က,နေသည့် သင်္ကြန်မယ်လေးဆီက ရလိုက်သော 'မခို့တရို့' အမူအရာသည် အဘယ်မှာ မေ့နိုင်တော့ပါမည်နည်း ...၊ 'မခို့တရို့' ဟူသည် ယဉ် ကျေးလွန်းနူးညံ့လွန်းလှသော တုံ့ပြန်မှုလေးမို့ အဘယ်သူသည် ရင်တဖိုဖို အသည်းတလှပ်လှပ်နှင့် မကြည်နူးဘဲ နေနိုင်ပါအံ့နည်း ...။

                                         'ပန်းအိရောင်သွင် ပြုံးလို့ချိုရွှင် ...
  ခင့်မျက်နှာရေဥလေးတွေ၊ ဖွေးနုနုတင်' တဲ့။

               မြို့မကိုပေါကလည်း သူ၏ 'ဖြူပြမူရာ' သင်္ကြန်သီချင်းမှာ စပ်ဆိုခဲ့သည်။ ပြုံးချိုရွှင်နေသော ပန်းအိရောင်ခင့်မျက်နှာမှာ 'ရေဥ' လေးတွေ ဖွေးနု တင်သတဲ့။ အင်မတန် အသက်ပါလှသော သင်္ကြန်မယ် ပေါ့ထရိတ်ဓာတ်ပုံတစ်ပုံပင်ဖြစ်သည်။ အလင်းအမှောင် အနေအထား၊ အဖြတ်အတောက်၊ ဆေးသား အနုအရင့် ဘာမှပြောစရာမလို ...။ ဒိုင်အားလုံးက တစ်ပြိုင်နက် ခလုတ်နှိပ် အမှတ်ပေးကြမည့် ပုံကောင်းတစ်ပုံ။ ဘာတဲ့ 'ခင့်မျက်နှာရေဥလေးတွေ ဖွေးနုနုတင်' သတဲ့။ သင်္ကြန်မယ်လေးမျက်နှာပေါ်က သင်္ကြန်ရေဥလေးကိုတော့ မေ့မရနိုင်။ သြော် ... ချစ်သော သင်္ကြန်ကိုမှ တစ်ချိန်က သင်္ကြန်သီချင်းလေးတွေထဲမှာပဲ ရင်ခုန်စွာ ခံစားပေတော့။
                                                       
                                       Xxxxxx     xxxxx     xxxxx

             နှစ်တွေကြာညောင်း ခေတ်တွေပြောင်းသွားပြန်ပေါ့။  သည်ကနေ့က 'ရယ်ဒီမိတ်' ခေတ်။ သင်္ကြန်ကလည်း ရယ်ဒီမိတ်သင်္ကြန်ဖြစ်လာသည်။ ကျုံးဘေးမှာ ရေပက်ကြမည့် ကုမ္ပဏီသင်္ကြန်မဏ္ဍပ်တွင် ရေကစားရန် အမျိုးသမီးငယ်လေးတွေကို ဓာတ်ပုံနှင့်အတူ လျှောက်လွှာခေါ်ကြသည်။

            သင်္ကြန်ဆိုတာ မခဲယဉ်းတော့ ...။ သီချင်းသစ် စပ်စရာမလိုတော့ ...။ ရန်ကုန်က တီးဝိုင်း၊ မင်းသား၊ မင်းသမီး၊ အဆိုတော်၊ မော်ဒယ်ဂဲလ် ကြေးကြီးပေးငှားရမ်း၊ ရေပက်မည့်သူတွေဆီက ပိုက်ဆံကောက်၊ မြတ်မယ်ဆိုရင် ကဲရီးအွန် ...။ 'ရောသမမွှေ' ...။ နတ်ဒိုး .. ဒီဂျေဘိ ...။ ဒုန်း ... ဒုန်း ... ဒုန်း ...။ ခုန် ... ခုန် ... ခုန် ..။ ယောက်ျားလေးမရှိ ...။ မိန်းကလေးမရှိ ...။ အားလုံးပညတ် ..။ 

                                                                                                                                                                                                                                                                                                                        
                                            #ဆူးငှက်

#ဆရာဆူးငှက်Facebookမှယူလာပါတယ်။