ငယ်ရိပ်သန်း၍

“ ငယ်ရိပ်သန်း၍ ”
ရေးသူ - လဲ့ဝင်းကြည်(ချို)

“ ကြီးတော်မြရေ ဧည့်သည် ” ဖိုးလေးသား မောင်ဦး အော်သံကြောင့် မီးဖိုဆောင်မှ အပြေးထွက်၍ ခြံဝမှဧည့်သည်ကိုကြည့်တော့ မြရီ မျက်လုံးပြူးကာ အံ့သြသွားသည်။
“ အပြန်မှ ကျွန်တော်ဝင်ခဲ့မယ် ကြီးတော်မြ ” ဆိုကာ မောင်ဦး အိမ်ထဲလိုက်မ၀င်ဘဲ ပြန်ထွက်သွား၏။ အိမ်ခြံတွင်း စိုက်ထားသည့်အပင်များကို ဘာရယ်မဟုတ် အိမ်လာတိုင်း အမြဲလိုလို လက်နှင့်ဆွဲခြွေတတ်၍မလုပ်ရန် အော်ရသေးသည်။ ပြီးမှ ဧည့်သည်ဘက်လှည့်ကာ “ ဘယ့်နှယ့်တော်၊ ဘာကိစ္စနဲ့ အိမ်လာပါလိမ့် ” အတွေးက နှုတ်မှပင် ခုန်ထွက်တော့မလို ဖြစ်လာ၏။ သူကတော့ ငယ်မူဟန်ပုံစံအတိုင်း မပြောင်း၊ နဖူးပြောင်ပြောင်ကို လက်ဖြင့် အသာပွတ်ကာ ၀ါနီကြင်ကြင်သွားများပေါ်အောင်ရယ်၍ အိမ်ပေါ်လှမ်းတက်လာသည်။
“ ကိုထွန်းခင်၊ ဘယ့်နှယ် ကျုပ်အိမ်ရောက်လာတုံး ”
“ သတိရလို့ လာတာပေါ့ ကျုပ်နှမရဲ့ ”
“ အလိုတော်…. ” ဆိုကာ မြရီ ဘာစကားမျှ မဆက်နိုင်တော့။ ကိုထွန်းခင်ကလည်း ဘာမျှ မပြောတော့။
အိမ်ရှေ့ခန်းမှာ ရေနွေးတစ်အိုး၊ လက်ဖက်တစ်ပွဲပြင်ပေးပြီး နောက်ဖေးဆောင်ဝင်ကာ မြရီ နံနက်စာချက်နေလိုက်၏။ ပျောက်ကွယ်ပြီဟု ထင်ထားသည့် ရင်ခုန်လှိုင်းက မြရီရင်အုံကို တစ်ကျော့ပြန် နှိုးဆွအသက်ဝင်စေသည်။
ဘာကိုဘယ်လိုခုန်မှန်းမသိဘဲ ရင်ခုန်နေတတ်သည့် ဆယ့်ခွန်စွန်းစအရွယ်၊ ကိုထွန်းခင်က နှစ်ဆယ်ပြည့်လုလု၊ ညိုမောင်းမောင်း ဟန်ထွားထွားဖြင့် မြရီရွှေရင်အုံ တသိမ့်သိမ့်ခုန်အောင် အကြည့်စူးနစ်နစ်နှင့် မြရီနှလုံးသားကို ခြွေယူသိမ်းပိုက်ချင်နေသည့်ကာလ။
မိဘတွေဆုံးပြီးစလည်းဖြစ်၊ အသက်လည်း အတော်လေးကွာသည့် အငယ်ထွေးနှမ မြရီကို အရွယ်တော် နှစ်စိတ်ဟိုင်းလုလု အစ်မအပျိုကြီးနှင့် အစ်ကိုလူပျိုကြီးတို့က စိတ်မချစွာ ဖိဖို့ထိန်းကွပ်မှုကြောင့် မြရီ ကိုထွန်းခင် ရှိသည့်နေရာကိုပင် မလှမ်းဝံ့၊ အောင်သွယ်အလီလီကိုလည်း နှုတ်ကြမ်းကြမ်း ကိုယ်ရမ်းရမ်းဖြင့် ပြောဆိုတတ်သည့် အစ်ကိုအစ်မတို့ကြောင့် ဘာကို ဘယ်လို လွမ်းရမှန်းမသိဘဲ လွမ်းဆွတ်စွာ မြရီနှင့်ကိုထွန်းခင် အရွယ်အတော်လေး ဟိုင်းခဲ့ရ၏။
မြရီတို့မိသားစု ‘ ဒွေးပင်စု ’ နှင့် နှစ်ရွာခြား ‘ ညောင်နှစ်ခွ ’ ရွာသို့ ရေကြည်ရာ မြက်နုရာ ရှာရင်းရောက်ခဲ့သည်။ ကိုထွန်းခင်ကတော့ ‘ ဒွေးပင်စု ’ မှာ အလွမ်းဖြင့်ဖွဲ့သည့်ရင်နှင့် ကျန်ရစ်၏။ မြရီမှာလည်း…..။
ခု အသက်ခြောက်ဆယ်နားနီးအရွယ်မှ ကိုထွန်းခင် ဘယ်စိတ်ကူးနှင့် အိမ်ရောက်လာသည်မသိ။ ငယ်နုစဉ်တုန်းကတော့ ဒီရဲစိတ်ဆန္ဒတွေ ဘယ်မှာသွားပစ်ထားမှန်းမသိ…။ သူ့ဘက်ကသာ ရဲရဲဝံ့ဝံ့ရှေ့တိုးခဲ့ရင် မြရီလည်း သြော်…. သူကြောက်ရမည့် အစ်ကိုအစ်မတွေမှ မရှိတော့ဘဲ။ ဟယ်…. ဒါပေမဲ့ ဒီအရွယ်ရောက်မှ….။
“ ဟဲ့ ပလုတ်တုတ်၊ ဟင်းအိုး ဟင်းအိုးဆူနေပြီ။ လက်ခု လက်ခု ” အတွေးဖြင့်မျောရင်း ရင်ခုန်နှုန်းတွေ ကပြောင်းကပြန်ကာရန်သီနေကြ၏။
“ မြရီ နှမ၊ ကျုပ်ကို စကားလေးဘာလေး လာပြောဦးမှပေါ့။ ကျုပ်တစ်ယောက်တည်း အဖန်ရည်တွေ ဖိသောက်နေရတော့ ဘယ်ကောင်းလိမ့်မတုံး ”
“ လာပါမယ်တော်၊ လာပါတယ်၊ ဟင်းအိုး ကျက်လုပြီတော့ ”
မြရီ ပြန်အော်ရင်း “ ကြီးကောင်ကြီးမားမှ ” ဟု ရေရွတ်ကာ ရထားသွားသံ ရင်ခုန်နှုန်းဖြင့် ရင်ခွင်မှာ ပန်းသွေးရင့်ရင့်မြစ်တစ်စင်း ဖြတ်စီးသည်။ ပန်းနုရောင် လှိုင်းလုံးများလည်း ဇရာမျက်နှာပြင်ထက် ကြွတက်နေ၏။
“ မီးဖိုဆောင်အလုပ်ကလည်း အရှုပ်သားတော်ရဲ့ ” ဆိုပြီး ကိုထွန်းခင်ရှေ့မှာ ရင့်ကျက်နေသည့် မိန်းမပျိုတစ်ယောက်ဟန်နှင့် ၀င်ထိုင်လိုက်သည်။
“ ဟုတ်ပါတယ် နှမရယ်၊ ကျုပ်လည်း ရှေ့ဘက်ရွာကို နွားသွားကြည့်မလို့ ကြုံတာနဲ့ဝင်လာတာ ”
“ ကြုံမှပဲ ၀င်လာတယ်တော် ” ဟု မူစိုစိုလေး မြရီဆိုဖြစ်သွား၏။ “ ကြုံရင်ကြုံသလိုပေါ့ နှမရယ် ” နီဝါကြင်ကြင် သွားကျဲကြီးများပေါ်အောင် ရယ်ရင်း နဖူးပြောင်ပြောင်ကို လက်ဖြင့်ပွတ်သပ်ကာ ကိုထွန်းခင်ဆိုပြန်တော့ “ အလိုတော် ” အသံနှင့် မြရီမျက်စောင်း ကိုထွန်းခင်ရင်ဘတ်ထဲ ရောက်သွားသည်။ အဖန်ရည်ကိုင်သောက်နေသည့် လက်တွေလည်း မငြိမ်သက်တော့။
ဘာကဘယ်လို “ အလိုတော် ” လိုက်မှန်းမသိဘဲ မြရီ ကိုထွန်းခင်မျက်နှာကို မကြည့်ရဲအောင် ရှက်နေပြီ။ ကိုထွန်းခင်၏ မျက်ဝန်းတို့က ရွှန်းစိုလက်လဲ့၍ နှုတ်ခမ်းနှစ်လွှာကလည်း မပြုံး၊ ဤသို့ပြုံး ဤသို့ဖြင့် သက်ဝင်နွေးထွေးလွန်းလှ၏။ အသက်အရွယ်နှင့်မဆိုင်သော ပျိုမျစ်နုနယ်သည့် ရင်ခုန်လှိုင်းအားကို လက်တွေ့သိမြင်ခံစားရပြီမို့ စကားမဆိုနိုင်ကြတော့။ အဖန်ရည်ပူပူကိုသာ တဖူးဖူးဖြင့် မှုတ်သောက်နေကြရသည်။
“ မြရီ နှမ ကျုပ်သွားတော့မယ် ”
ငြိမ်သက်နေရာမှ အာရင်းသံလေးလေးကြီးဖြင့် ပြောလိုက်သည့် ကိုထွန်းခင်စကားကြောင့် မြရီ ရင်အုံတုန်သွားကာ “ အယ်…. ထမင်းစားသွားဦးလေ ” ဟု သံစဉ်မညီမညာ ပြောမိသည်။
“ မစားတော့ဘူး၊ မစားတော့ဘူး၊ သွားတော့မယ် ” ဆိုရင်း ကိုထွန်းခင် လွယ်အိတ်နှင့် ခမောက်ကို ကိုင်သည်။ မြရီရင် သာသာလေး အခုန်မြန်သွား၏။ သွေးခုန်နှုန်း ပြတ်တောင်းတောင်းနှင့် ၀ဲချင်ချင်ဖြစ်နေသည့် မျက်ရည်ကို အသာထိန်းကာ “ ကြုံရင် ၀င်လာလည်ပါတော် ” လို့ အမှာဖွဖွ ပါးမိသည်။
မြရီ မှာခြွေစကားကို နားထောင်ပြီး ကိုထွန်းခင် တွေတွေကြီးရပ်၍ မြရီကို စိုက်ကြည့်လေ၏။ ပြီး လွယ်အိတ်ထဲလက်နှိုက်ကာ တစ်ခုခုရှာနေ၍ ကိုထွန်းခင် လက်ထဲပါလာမည့်အရာကို မြရီ စိတ်ဝင်စားစွာကြည့်တော့ လက်တစ်ဆစ်ခန့် မြေဖြူခဲသေးသေးလေးကို တွေ့သည်။
အိမ်ပေါက်ဝဘေးအတွင်း သူရပ်နေသည့် နံရံဘက်မှာ ချိတ်ထားသော နှစ်ပေပတ်လည်ခန့် မည်းဖျော့ဖျော့ ကျောက်သင်ပုန်းဟောင်းပေါ်သို့ ကိုထွန်းခင် စာလုံးခြောက်လုံးခန့် ကသောကမျောလှည့်ရေးပြီး မြရီကို နှုတ်မဆက်ဘဲ ခြေလှမ်းကျဲကြီးများဖြင့် အိမ်ပေါ်မှ ဆင်းသွား၏။
မြရီ လှိုက်ဖိုဖိုရင်နှင့် ကိုထွန်းခင်ရေးသွားသည့် စာကိုဖတ်သည်။ နှုတ်မှ ပြောမထွက်သည့် စကားလုံးအချို့ကို အက္ခရာတင်ရေးပြသွားသည့်အတွက် “ ရှင် ဘာစာရေးသွားတာလဲ၊ ပြောပြစမ်းပါတော် ” ဟု ကိုထွန်းခင်ကျောကို အားပါးတရထုကာ ကနွဲ့ကလျလေး ဆိုချင်လာ၏။ သို့သော် အချိန်နှင့်အရွယ်က မြရီတို့နှစ်ဦးကို အဆိပ်ငွေ့လို တဖြည်းဖြည်းရင့်ရော် အိုမှိုင်းစေပြီ။
“ မြရီ ဖတ်ပြီး ဖျက်ပစ်မှာပဲ ” အတွေးဖြင့် ရေးခဲ့ဟန်တူသည်။ စာကောင်းကောင်း မသင်ခဲ့ရ၍ ခုချိန်မှာ စာလုံးတွေလည်း မဖတ်တတ်၊ မရေးတတ်တော့။ ကိုယ့်နာမည်ကို ပေါင်းတတ်အောင် မနည်းကြိုးစားမှတ်နေရသည့် အရွယ်ရောက်မှ အရေးကြုံလည်း သက်လုံမရှိ။ ငယ်နုစဉ်က ခါးကြား၊ ရင်အုံကြား လိန်ကျစ်ခေါက်ယူ၍ သူငယ်ချင်းလှမေကို ဖတ်ခိုင်းခဲ့သည်။ ဒီအရွယ်ရောက်မှ၊ ဒီအချိန်အရွယ်မှာ ဒီစာကြောင်းကို ဘယ်သူ့ခေါ်ဖတ်ခိုင်းရပ့ါ။ စိတ်ပျက်နေသော ရင်အုံ မှိုင်းညို့ညို့မျက်ဝန်းအိမ်ဖြင့် စာလုံးများကို ငိုင်ကြည့်နေရသည်။
ဘေးခြံက မအုန်းခိုင်သမီးလေး ဆိုဆိုပြသည့် “ ရေအိုးကလေး ရွက်လာရင် အဲဒါလုံးကြီးတင်၊ ပြေးရင်ပင်နောက်ပြန်လဲ နောက်ပစ်ကလေးပဲ ” စာလုံးတွေလည်းပါမှာပဲ စိတ်ကူးဖြင့် သင်ပုန်းကြီးဖတ်စာကျေအောင် သင်ချင်သည့် အာသီသပြင်းပြလာ၏။ ကိုယ့်အဖြစ် ကိုယ်ပြန်တွေးကာ စာမကျေခဲ့သည့်ဘ၀ကို မကျေနပ်သလိုဖြစ်လာ၏။
ကျောက်သင်ပုန်းပေါ်မှာ မညီမညာရေးထားသည့် စာလုံးခြောက်လုံးခန့်က မြရီစိတ်အာရုံကို ညှို့ငင်သိမ်းသွင်းထားပေမယ့် မြရီမှာ…။ လျှပ်တစ်ပြက်ထွက်ပေါ်လာသည့် ဥာဏ်ကြောင့် မြရီရင် အပျော်လူးကာ ဘေးခြံမှ မအုန်းခိုင်သမီးကြီး သုံးတန်းကျောင်းသူကို လှမ်းအော်ခေါ်လိုက်သည်။
“ ၀ါဝါ မရှိဘူး။ သူ့ဘွားလေး ကျင်ခအိမ် သွားတယ် ”
မအုန်းခိုင်ပြန်ဖြေစကားကြောင့် မြရီ ရင်အုံအကြံအိုက်ပူပန်ရပြန်၏။ သို့ပေမဲ့ ဖြစ်ပေါ်နေသည့် စိတ်အာရုံက အာသီသပြင်းစွာ သွေးထိုးလှုံ့ဆော်လာ၍ ၀ါဝါကို မကျင်ခအိမ်မှာ သွားခေါ်ရန် ထွက်ခဲ့သည်။
မြရီ ခြေလှမ်းတွေ တွန်းကန်အားတစ်ခုကြောင့် အရွယ်နှင့်မမျှ သွက်နေသည်။ လမ်းမှာနှုတ်ဆက်သည့် အသိမိတ်ဆွေတို့ကိုလည်း စကားကြာကြာရပ်မပြောနိုင်။ မကျင်ခအိမ်သို့ ၀ါဝါကိုခေါ်ရန်သာ အလျင်နှုန်းကောင်းကောင်းဖြင့် လှမ်းနေရ၏။
“ ဟယ်…. ၀ါဝါ၊ လုံမ လာလာ၊ ကြီးမြအိမ်လိုက်ခဲ့၊ မုန့်ကျွေးမယ် ”
မကျင်ခအိမ်မှပြန်လာသည့် ၀ါဝါကို လမ်းတစ်ဝက်တွင်ပင်တွေ့၍ ၀ါဝါလက်အမြန်ဆွဲကာ မြရီအိမ်သို့ အမြန်နှင်သည်။ ကလေးက မုန့်စားရမည့်အတွေးဖြင့်ပင် မြရီ ခြေကုန်လျှောက်သည်ကို အမီပြေးလျှောက်ရင်း “ ကြီးမြ ကလည်း မြန်လိုက်တာ ” ဆိုသည်။
ကိုထွန်းခင်ရေးသွားသည့် စာကြောင်းကို မြရီ သိချင်နေ၍ ၀ါဝါ၏ မောဟန်နှင့်ပြောသံကိုလည်း ဂရုမစိုက်နိုင်။ ဖတ်ပြီးသည်နှင့် ဖျက်ပစ်ရမည့်စာ၊ တခြားသူတွေ ဖတ်မိသွားလျှင်လို့ မြရီ တွေးရင်း အရှက်ဝင်ကာ ခလုတ်တိုက်မလို ဖြစ်သွား၏။ အိမ်ဘက်ဆီသို့လည်း လှမ်းမျှော်ကြည့်မှ လှစ်ခနဲ လူရိပ်တစ်ရိပ်ထွက်သွားသလိုမြင်၍ ခြေလှမ်းအားကုန်လျှောက်လိုက်သည်။
မြရီ ခြံပေါက်ဝ ခြေချမိမှ ရင်မှထန်နေသည့် အပူလှိုင်းငြိမ်းကာ “ လုံမ၊ မောနေပြီလား။ ကြီးမြ မရွေးကျွေးမယ်နော် ” ဆိုပြီး လှိုက်ဖိုခုန်စိတ်ရိုင်း အငုံလေးကိုဖွင့်ဖို့ အိမ်ပေါ်သို့ လှမ်းဆင့်တက်လိုက်၏။
“ ၀ါဝါ လုံမ၊ ဟယ်… မရှိတော့ဘူး၊ ပျက်သွားပြီတော် ”
ရင်အုံထဲ လိပ်ထည့်ခြင်းခံထားရသည့် ငွေစက္ကူအနွမ်းလိုပုံနှယ် နွမ်းရိစွာခြေပစ်လက်ပစ် ထိုင်ချလိုက်တော့၏။ မကြာသေးခင်အချိန်ကမှ လက်ဖြင့်အဖျက်ခံထားရသည့် ဖျက်ရာစာကြောင်းလေးကိုကြည့်ပြီး မြရီ သွေးခုန်နှုန်း ကပြောင်းကပြန်ဆန်စွာ မျက်ရည်များလည်း နှလုံးသား၏ တွန်းကန်အားကြောင့် မျက်လုံးအိမ်တွင် ၀ိုင်းရစ်အုံဖွဲ့ ကျလုလုဖြစ်လာသည်။
မြရီမျက်နှာကို ၀ါဝါအဖြေရှာသလို ကြည့်နေ၏။ မြရီ ဘယ်လိုစကားမျိုးမှ ပြောမထွက်နိုင်သေး။
“ မုန့်မရှိရင်လည်း ပြန်တော့မယ် ” ဆိုကာ ၀ါဝါ သူ့ခြံဘက်သို့ ပြေးသွားပြီ။ မြရီ နှုတ်ခမ်းတွေ ဆွံ့အစွာဖြင့် တစ်ကိုယ်လုံး လှုပ်ရှားမှုမဲ့နေပေမယ့် ရင်တစ်ပြင်လုံးမှာတော့ ဒီရေလှိုင်းပေါင်းစု ထိတွေ့နေကြ၏။
သက်ရှိရုပ်ကြွင်းနှယ် မြရီထိုင်ငိုင်ကာ ဘာမှန်းမသိလိုက်ရသည့် စာကြောင်းလေးကို မှန်းဆရင်ခုန်နေရင်း နှုတ်မှအသံဖွဖွလေး ထွက်သွား၏။
“ ကြီးတဲ့အထိ လူကိုဒုက္ခလာပေးတုန်း ”

လဲ့ဝင်းကြည်(ချို)
ရွှေအမြုတေရုပ်စုံမဂ္ဂဇင်း၊ မေလ၊ ၂၀၀၅