ငိုက်မြည်းခဲ့ခြင်းများ

အက်​​ဆေး(၁၉)
______________
ငိုက်မြည်းခဲ့ခြင်းများ
=============
လွင်​​မောင်​​မောင်​
.
အပြင်ဖက်မှာသြဂုတ်လရဲ့အရောင်မွဲမွဲမိုးရေတွေတဖွဲဖွဲနဲ့ရွာနေသည်။စိုထိုင်းထိုင်းနံရံပေါ်မှာတော့ပုရွက်ဆိတ် တွေခရီးရှည်ချီတက်နေကြသည်။ရေဒီယိုမှလူတိုင်းအလွတ်ရနေသည့်ကြော်ငြာသီချင်းတပုဒ်လာနေသည်။ အိပ်ယာထဲမှာတော့ကျွန်တော်ဟာအပြင်းဖျားနေခဲ့ကာအိမ်မက်တွေအဆက်မပြတ်မက်နေခဲ့သည်။ရွှင်မြူးဘွယ် မျက်ခင်းစ်ိမ်း၊စစ်တုရင်အရုပ်တွေ၊သေသွားတဲ့သူငယ်ချင်း၊နေလုံးနီနီ၊မေမေ။ကျွန်တော့်မျက်လုံးထဲမှာတံလျှပ် တွေတရိပ်ရိပ်ထနေသည်။ကျွန်တော့်တကိုယ်လုံးသဲပူကန္တာရထဲနစ်မြုတ်နေသည်။အုတ်တွေ၊အလုပ်တွေ၊သံ ယက်မတွေနဲ့ဖွဲ့စည်းထားသည့်ပြာမှိုင်းမှိုင်းမြို့ကြီးရဲ့တစ်နေရာမှာကျွန်တော်ဟာအပြင်းဖျားနေခဲ့တာဘယ် လောက်ကြာခဲ့ပြီလဲ။အဆောက်အဦးတွေရဲ့ညစ်ထေးထေးတံစက်မြိတ်တွေနဲ့ဓါတ်ကြိုးတွေပေါ်မှာတော့ခိုတွေ ငြိမ်ကုပ်နေသည်။မှောင်မည်းမည်းထပ်ခိုးလေးပေါ်တစ်ခုပေါ်တွင်ကျွန်တော်လဲလျောင်းနေခဲ့သည်။အေးစက်ချမ်း စိမ့်သည့်ကြယ်တွေကကျွန်တော့်ဦးခေါင်းထဲတွင်ဝင်းမည့်နေကြသည်။
“ဟောဒီမှာရှင်သောက်ရမဲ့ဆေးတွေ..ဒါကအခုညအိပ်ယာဝင်ကါနီး..ဟောဒါကနောက်နေ့မနက်တစ်ကြိမ်…”   ကောင်တာမှာဆေးပေးသည့်ကောင်မလေးသည်ဆရာဝန်လက်ရေးကိုဖတ်လျှက်ဆေးလုံးများရေတွက်ပေးနေ သည်။သူမ၏လက်ချောင်းသွယ်သွယ်လေးကိုကျွန်တော်ငေးကြည့်နေမိသည်။ကျွန်တော်ဘာကြောင့်များဖျားရသလဲကောင်မလေးရယ်။နာရီတွေမြည်နေကြပြီ။ကျွန်တော်တို့ဘ၀တွေရဲ့ပိုးနသန်ကောင်တွေတဆစ်ဆစ်မြည် လို့။သူတို့မေးရိုးတွေကသန်စွမ်းပါပေရဲ့။ကဖေးဆိုင်တဆိုင်ဆိုင်သွားထိုင်မည်။ပေါင်မုန့်မီးကင်နံ့သင်းသင်း လေးနှင့်ညနေမိုးရေစက်တွေငေးမည်။တစ်ခါတုန်းကကျွန်တော့်သူငယ်ချင်းတစ်ယောက်နှင့်အတူခြေဦးတည့်ရာ လျှောက်သွားခဲ့သည်။လမ်းတွေကကျွန်တော်တို့ကိုသယ်ဆောင်သွားသည်။ဆေးဘိများ၊မိန်းမပျက်များနှင့်ညစ် ထေးစုတ်ပဲ့သည့်ရပ်ကွက်ကြိုရပ်ကွက်ကြားဘ၀များထဲလေပွေတချက်ဝှေ့တိုက်တိုင်းအမှိုက်များလွင့်လျှက်။ ပူပြင်းသည့်နေရောင်ကကျွန်တော်တို့ကိုတောက်လောင်နေသည်။လက်မရွံတစ်ယောက်ကခြေသလုံးတွင်စည်း ထားသည့်စကေဘာကိုပွတ်သတ်နေသည်။ဆဲသံဆိုသံများထဲကမ္ဘာကြီးနစ်မြုတ်သွားစဉ်ကျွန်တော်တို့ကူးခတ်ပြီးအိမ်ပြန်ခဲ့ကြသည်။
မနက်ခင်းတစ်ခု၏တိတ်ဆိတ်မှုထဲတွင်ကျွန်တော့်အဖိုးသည်သတင်းစာတစ်စောင်ကိုသဲကြီးမဲကြီးဖတ် နေသည်။ရေပုံပိုင်ပိုက်ခေါင်းမှရေတို့တစက်စက်ကျနေသည်။နေ့ရက်များကတရက်ပြီးတရက်ကုန်ဆုံးနေသည်။ အလျှင်အမြန်ပင်ကျွန်တော်တို့အိုမင်းလာနေသည်။ကျွန်တော့်ထပ်ခိုးမည်းမှောင်မှောင်ပေါ်တွင်ပျင်းရိငိုက်မြည်း မှုများနှင့်ပင့်ဖလွိုက်အခွေတစ်ချိူ့ရှိသည်။မြွေတကောင်လိုခွေနေသည့်စစ်ကိုင်းအိုးဂစ်တာတလုံးရှိသည်။ စာအုပ် အနည်းငယ်နှင့်ရေးလက်စသီချင်းများရှိသည်။ကျွန်တော့်အိတ်ကပ်ထဲတွင်ပိုက်ဆံအနည်းငယ်ရှိသည်။မဒမ်ကျူရီ ကိုဝယ်ချင်သည်။ကျွန်းတကျွန်းကိုဝယ်ချင်သည်။လေကတဟူးဟူးနှင့်။စားလက်စပန်းကန်တွေ၊စီးကရက်ပြာများနှင့်မိုက်မဲတစ်ချိူ့ကိုပြန်ဝယ်ချင်သည်။ကျွန်တော်ဖျားနေခဲ့သည်။မိုးရေအစင်းကြောင်းထဲတွင်ကျွန်တော်လမ်း လျှောက်ခဲ့သည်။တိုက်အမြင့်ကြီးများဆီမှမီးများလင်းလာခဲ့ပြီ။မွဲညစ်ညစ်ကောင်လေးတသိုက်ကျွန်တော့်ကိုဖြတ် ကျော်သွားကြသည်။ကျွန်တော့်သူငယ်ချင်းကသူ့ကောင်မလေးအကြောင်းကိုတဖွဲ့တနွဲ့ပြောခဲ့သည်။ယခုတော့သူ သေခဲ့သည်။တကယ်ပဲသူသေဆုံးခဲ့သည့်မှာနှစ်များကြာခဲ့ပြီ။အမှောင်ရိပ်သန်းနေသည့်လမ်းကြားအိုလေးထဲတွင် သူ့အရောင်မွဲမွဲဂျင်းအကျီင်္နောက်ကျောပြင်ကိုသာနောက်ဆုံးတွေ့လိုက်ရသည်။ကျွန်တော်သည်နွေကောင်းကင် ပြာထဲမှအထီးကျန်ကြယ်လေးတစ်စင်းနဲ့စကားပြောချင်နေသည်။ပျင်းရိဘွယ်နေ့လည်ခင်းတခုထဲတွင်ဂျက်စ်ဂီတကိုနား ထောင်ချင်သည်။တောမြို့လေးတစ်မြို့၏အုတ်မိုးနီနီဘူတာရုံလေးကိုလွမ်းချင်သည်။ကျွန်တော့်မိန်းက လေးမှာထိုတောမြို့လေးတွင်နေထိုင်သူဖြစ်သည်။ကျွန်တော့်ထံစာတစ်စောင်ရောက်လာသည်။၁၉၉၉ခုနှစ် ရက်စွဲနှင့်ဖြစ်သည်။ဘယ်ကပို့လိုက်တာလဲ။နိုင်ငံခြားတိုင်းပြည်တစ်ပြည်ပြည်ကလား။ကျွန်းတစ်ကျွန်းဆီက လား။စာကိုကျွန်တော်ချောင်ထိုးထားလိုက်သည်။အပြင်ဘက်တွင်မိုးနည်းနည်းပါးပါးရွာနေ သည်။ကျွန်တော်ချောင်းမဆိုးတော့ပါ။ပန်းခြံတစ်ခုထဲတွင်ကျွန်တော်ထိုင်နေသည်။လိပ်ပြာလေးတစ်ကောင်ကျွန် တော့်ပခုံးပေါ်လာနားသည်။လူတစ်ယောက်ကျွန်တော့်အနားလာထိုင်သည်။သူ့ကိုယ်မှရေမွှေးနံကအော်ဂလီဆန်လွန်းသည်။ကျွန်တော့်အနားတဖြေးဖြေးကပ်လာသည်။ဆာလှောင်သောရမ္မက်နှင့်ကျွန်တော့်ပေါင်ကိုအငမ်းမရလာပွတ်သပ်နေသည်။ကျွန်တော့်မုန်းတီးစိတ်ကသူ့မျက်နှာကိုဖြတ်ရိုက်ခိုင်းသော်လည်းလူကြီးလူကောင်းပီသစွာငြင်းပယ်ရင်းထလာခဲ့သည်။ပုဇင်းရင်ကွဲများမြည်နေသည်။ရေပန်းတစ်ခုမှာရေတို့လျှံကျကာမြက်ခင်းတို့မှာစိုစွတ်နေသည်။သစ်ရွက်ကြွေများပေါ်ကျွန်တော်နင်းလျှောက်ခဲ့သည်။လမ်းပေါ်မှရေအိုင်ငယ်လေးထဲတွင်ကောင်းကင် ပြာနှင့်ဓါတ်ကြိုးတန်းများ၏အရိပ်တို့ထင်နေသည်။ချာတိတ်တွေလမ်းပေါ်တွင်ဘောလုံးကန်နေကြသည်။လီ ဘိုင်းဂျင်းပင်အဟောင်းတစ်ထည်ကျွန်တော်ဝတ်ထားသည်။ကျွန်တော်နည်းနည်းဖျားနေသည်။ကျွန်တော့်ခြေ လှမ်းတွေကညနေသေတင်းကုတ်လေးဆီခြေဦးလှည့်နေသည်။ချောင်ကျကျစားပွဲအိုလေးတွင်ထိုင်လျှက်တစိတ်လောက်သောက်မည်လေ။လမ်းမီးတွေလာနေသည်။ပလီအမိုးကြားထဲတွင်ခိုများငြိမ်ကုပ်လျှက်။ညနေမြူထဲတွင် စိုထိုင်းသောဗံဒါရွက်များဆီမှရေစက်ရေပေါက်လေးများတစ်စက်စက်ကျနေသည်။အိမ်ခေါင်မိုးများပေါ်သို့အမှောင်ထုကတရွေ့ ရွေ့ပြိုဆင်းလာနေသည်။ရုပ်မြင်သံကြားမှစစ်ပွဲသတင်းများလာနေသည်။ခေါင်းကိုက်ပျောက် ဆေးနှင့်အိမ်ခြံမြေအရောင်းမြှင့်တင်ရေးကြော်ငြာလာနေသည်။လေယာဉ်ပျက်ကျသည်။ဒေါ်လာဈေးဆက်တိုက် ကျသည်။သူမအိမ်ထောင်ကျသည်။ကလေး၂ယောက်ရသောအခါသူမယောင်္ကျားထောင်ကျသည်။smoke yသီချင်းတိတ်ခွေများနှင့်နံချပ်ကူတို့မရှိသောအခါကူရိုဆာဝါနှင့်မြတ်လေးတို့လည်းမှုန်ဝါးသွားသည်။လေကတ ဟူးဟူးနှင့်။အကြာကြီးငေးကြည့်ချင်သော်လည်းညနေခင်းသည်တလွှာခြင်းချွတ်၍ညမြစ်ထဲရေဆင်းစိမ်တော့ မည်။ကြယ်ငါးလေးများကပွတ်သပ်သောအခါသင့်အိမ်မက်များပလုံစီပေတော့မည်။သမ္မတကမ်းခြေဖက်သို့ စက်တပ်သမ္ဗာန်လေးနှင့်ကူးသည့်နေ့ကရန်ကုန်မြစ်ထဲတွင်လှိုင်းများထန်နေသည်။သမ္ဗာန်လေးသည်လှိုင်းကြားထဲလူးလွန့်ယိမ်းထိုးနေသည်။နွံတောပေါ်ဖြတ်ထိုးထားသည့်ယိုင်နဲ့နဲ့သစ်သားတံတားအိုပေါ်ရပ်ရင်းရန်ကုန်ဖက်ကိုပြန်ကြည့်ခဲ့သည်။တိုးဝှေ့တိုက်ခတ်သွားသောလေညှင်းလေးနောက်ကျွန်တော်လိုက်သွားသည်။ကွင်းပြင်ကျယ်ကြီးထဲတွင်ကျွန်တော်သူငယ်ချင်းနံမည်ကိုအော်ခေါ်လိုက်ချင်သည်။တခါကတွံတေးတူးမြောင်းထဲခုတ်မောင်းနေ သည့်နှစ်ထပ်သဘောင်္ပေါ်မှအဝေးကွင်းပြင်ကျယ်ချုပ်ညရီတနံတလျားကိုသူနဲ့ကျွန်တော်ငေးခဲ့ကြသည်။ဆိုရှယ်လစ်ခေတ်ကြီး၏နောက်ဆုံးနေ့ရက်များ၌ဖြစ်သည်။စစ်ကါးတွေမလာသေး။လူအုပ်ကြီးလမ်းပေါ်မရောက်သေးခင် သို့မဟုတ်ရောက်လုဆဲဆဲနေ့ရက်များထဲမှတခုသောနေ့တနေ့၏တခုသောနေ၀င်ချိန်လေး၌ဖြစ်သည်။ကျွန်တော် တို့ထိုအချိန်လေးကိုပိုင်ခဲ့သည်။ပိုင်ခဲ့သည်ဟုထင်ခဲ့ကြသည်။နောက်တော့ဘာမှမပိုင်ပဲလက်ချည်းဗလာသက် သက်ဖြင့်လောကထဲမှပြန်ထွက်သွားခဲ့သည်။သေခြင်းသည်သူ့မျက်လုံးကြယ်သီးတွေကိုတပ်လိုက်သည်။နှစ်များစွာ ကြာခဲ့သည်။ဆင်ဝင်အိုကြီးတခုအောက်တွင်ကျွန်တော်ရပ်လိုက်သည်။taxi တံခါးဆောင့်ပိတ်သည့်အသံ ကြားရသည်။သတင်းစာများကပျင်းစရာကောင်းလှသည်။ဂြိုလ်သားတွေအကြောင်းမရေးကြတော့ဖူးလား။ ဖုန်းသံကိုမုန်းသည်။ဖုန်းသံမကြားရလေပျော်စရာကောင်းလေလေ။ညနေတိုင်းကျွန်တော်လမ်းလျှောက်သည်။ လူရှင်းသောလမ်းတွေကအရသာတမျိူးဖြစ်သည်။ငုံကိုင်းနေသောသစ်ရိပ်များ၊ခြံစည်းရိုးများနှင့်ထာဝရပိတ်ထား သည့်ပြုတင်းများနောက်တွင်ဘ၀အရသာကတစက်ချင်းယိုစိမ့်နေသည်။တောင်ကုန်းပေါ်ကစတော်ဘယ်ရီခင်း တွေလိုအရသာရှိလိမ့်မည်။ထိုစတော်ဘယ်ရီခင်းထဲတွင်ကျွန်တော်တရေးတမောအိပ်ချင်သည်။နိုးလာသည့်အခါ ကြည်လင်အေးမြသောရေတစ်ခွက်လောက်သောက်ချင်သည်။ဘယ်အချိန်ကြည့်ကြည့်ကမ္ဘာကြီးကကမ္ဘာကြီးပင် ဖြစ်လိမ့်မည်။ဒါပေမဲ့ဖိုးထောင်ဆိုသောတောသားလေးသာဂျိူးထောင်ရင်ဖြင့်ကမ္ဘာကြီးကငြိမ်နေတော့တာပဲ လို့သွားလေသူကဗျာဆရာကရေးခဲ့သည်။
ယခုအခါတကျွီကျွီမြည်နေသောလှေကါးအိုကြီးအတိုင်းတက်လာလျှင်ကျွန်တော့်ရုံးခန်းသို့ရောက်လိမ့်မည်။ကျွန် တော့်ဘိဇနက်သည်ငိုက်မြည်းခြင်းဖြစ်သည်။ထိုငိုက်မြည်းခြင်း၏တ၀က်တပျက်ရောက်တတ်ရာရာအိမ်မက်များသည်ကျွန်တော့်productများဖြစ်သည်။ယခုအခါတွင်ကျွန်တော်ငိုက်မြည်းဖို့အရေးတကြီးလိုအပ်နေသည်။ကျွန်တော့်စားပွဲပေါ်တွင်ငိုက်မြည်းဘွယ်ရာစာအုပ်များရှိသည်။ကျွန်တော့်တကိုယ်ရည်သုံးကွန်ပြူတာမှဆာရှင်အင် ဂျင်ထဲငိုက်မြည်းစရာများရှာသည်။အချိန်တန်ကျွန်တော်ငိုက်မြည်းမှဖြစ်လိမ့်မည်။ထိုအခါနိုးတ၀က်အိပ်တ၀က် အိမ်မက်ထဲတွင်ပြာမှိုင်းသောကမ္ဘာကြီးကိုထပ်တွေ့ရဦးမည်ပင်ဖြစ်သည်။ ။
.
လွင်​​မောင်​​မောင်