ထီးစုတ်တစ်လက် (ဝတ္ထုတို)
...
ကျုပ်နာမည် အောင်မောင်း။ ကျုပ်တို့ရပ်ကွက်
ထဲမှာ အောင်မောင်းဟေ့ဆိုရင် အကုန်ငြိမ်ကျပြီး
သား။ အဲဒီလိုဖြစ်နေရတာကိုက ကျုပ်ဗလနဲ့
ကျုပ်`ဇ´က ရပ်ကွက်ထဲမှာ နံပါတ်တစ်နေရာကိုး။ တော်ရုံတန်ရုံကောင် နှစ်ယောက်သုံး
ယောက်လောက်ပဲဆိုရင် ကျုပ်တစ်ယောက်တည်း အသာလေးလှဲသိပ်နေကျ။ ကျုပ် အရက်ဆိုင်ကနေ အရက်သောက်ပြီးပြန်လာချိန်ဆို
ဘေးကနေဖြတ်လျှောက်သွားတဲ့ ဘယ်သူမဆို
ကျုပ်ကိုမော့မကြည့်ရဲကြဘူး။ အဲဒါမျိုးကို ကျုပ်ကသဘောကျနေတာ။ တစ်ခါတစ်လေ
ကျုပ်မိန်းမမိတုတ်က လာလာချည်သေး။
"က်ိုအောင်မောင်းရယ်။ ရှင့်မလဲ ရပ်ကွက်ထဲမှာ
လူမိုက်ကြီးလုံးလုံးက်ိုဖြစ်လို့။ သတ္တိရှိတာတော့
ရှိပေါ့။ ဒါပေမယ့် သူ့နေရာနဲ့သူလေ။ တော်ရုံတန်ရုံဆိုလည်း သည်းခံလိုက်စမ်းပါရှင်။ အခုဟာက အားလုံးကရှင့်ကို ရွံကြောက်ကြီး"
"ဒီမှာမိတုတ်။ ငါ့ပိုက်ဆံနဲ့ ငါသောက်တယ်။
ငါ့ဘာသာနေတယ်။ အေး...ငါ့ကိုတော့ လာမထိနဲ့။ ဘယ်ကောင်မှ ဂရုမစိုက်ဘူး"
ကျုပ်တို့မှာ သားလေးနှစ်ယောက်ရှိတယ်။
အကြီးကောင်က ခြောက်နှစ်။ အငယ်ကောင်က
သုံးနှစ်။ ကျုပ်က ပန်းရံလုပ်ပြီး သူတို့ကိုရှာကျွေး
တယ်။ မိုးတွင်းဘက် ပန်းရံအလုပ်နည်းရင်တော့
ဈေးထဲမှာကုန်ထမ်းတယ်။
ကျုပ်သားနှစ်ယောက်ကိုလည်း ခုကတည်းက
သင်ထားပေးပြီးသား။ ရန်ဖြစ်ပြီဆိုရင် ဘယ်တော့မှ မခံလာရစေနဲ့လို့။ ကျုပ်ကိုလည်း ကျုပ်မိဘတွေ ဒီလိုပဲသင်ပေးခဲ့တာ။ ရန်ဖြစ်လို့ ငိုပြီး
ခံလာရပြီဆို အိမ်ရောက်ရင် ကျုပ်ကိုထပ်သမတာ။ အဲဒီကတည်းကစပြီး ကျုပ်ဘယ်တော့မှ မခံဘူး။ ကိုယ်ကဦးအောင် ဆော်ထည့်လိုက်တာချည်း။ ကျုပ်သားတွေလည်း ဒီလိုပဲဖြစ်
ရမှာပေါ့။
တစ်ရက်....။ အရက်ဆိုင်မှာ ကျုပ်တစ်ယောက်တည်း ထိုင်သောက်နေတုန်း။
"ကိုအောင်မောင်း။ ခင်ဗျားကို ပြောစရာရှိလို့"
ခုံဆွဲပြီးထိုင်လာတဲ့သူကိုကြည့်လိုက်တော့
ကျုပ်တို့လိုအရက်သမား ထွန်းအောင်။
"အေး။ ပြောစရာရှိရင်ပြော ကပ်သောက်ဖို့တော့
မစဉ်းစားနဲ့။ မင်းငါ့အကြောင်း သိတယ်နော်"
"ကပ်သောက်ဖို့မဟုတ်ပါဘူးဗျာ။ ကိုအောင်မောင်းကို ဒါရမယ့်နည်းလမ်း ပြောပြမလို့"
ထွန်းအောင်က သူ့လက်ညှိုးနဲ့လက်မကို
ဝိုင်းပြတယ်။ သဘောက ငွေပေါ့။
"ဆိုစမ်းပါဦး"
"ဒီလိုဗျ။ ဟိုဘက်ရပ်ကွက်က ဦးစိန်သောင်းလေ။ အဲဒီလူကြီးက လူတစ်ယောက်ကို ဆုံးမချင်နေတာ။ သူက လူကြီးလူကောင်း နာမည်ခံထားတော့ သူကိုယ်တိုင်မလုပ်ချင်ဘူးတဲ့။ အဲဒါ လက်ရဲဇက်ရဲရှိတဲ့လူနဲ့ ဆုံးမခိုင်းမလို့တဲ့။လုပ်ပေးတဲ့သူကို တစ်သိန်းပေးမယ်တဲ့။
နည်းနည်းပါးပါး ထိုးကြိတ်ပေးလိုက်ရုံပဲ။ တစ်ခုခု
ဖြစ်လာခဲ့ရင်လည်း နောက်ကနေ သူတာဝန်ယူ
ရှင်းပေးမယ်တဲ့ဗျာ။ စဉ်းစားကြည့်တော့ ကျုပ်မျက်စိထဲမှာ ကိုအောင်မောင်းကိုပဲ ပြေးမြင်တယ်။ ကဲ..ဘယ်လိုသဘောရလဲ"
ကျုပ်စိတ်ထဲမှာ မရိုးမရွဖြစ်သွားတယ်။ မိုးတွင်းကြီးထဲ ပန်းရံကလည်းပါး။ အလုပ်ခေါင်းနဲ့
ပြဿနာဖြစ်ထားလို့ ကုန်မထမ်းဖြစ်တဲ့ဒီရက်ထဲ
ကျုပ်လက်ထဲ ငွေမရှိဖြစ်နေတဲ့အချိန်။ မိတုတ်ကလည်း ပြောလှပြီ။ " အလုပ်လေးဘာလေး
ရှာပါဉ်ီး"တဲ့။ ထွန်းအောင်ပြောတာလုပ်လိုက်ရင်
တစ်သိန်းတောင်ရမှာဗျ။ ထိုးရုံကြိတ်ရုံပဲဆို
ကြီးကြီးကျယ်ကျယ် မဖြစ်လောက်ပါဘူး။ ဖြစ်ရင်လည်း တာဝန်ယူတယ် ဆိုထားသားပဲ။မထူးဘူး။
"နေပါဦး။ ဘယ်သူ့ကို လုပ်ရမှာလဲ"
"ဦးစိန်သောင်းတို့ ရပ်ကွက်ကပဲ။ နာမည်က
မြင့်ကျော်"
......
ဒီနေ့ ကျုပ် ရေချိန်ကိုက်အောင် သောက်ထား
တယ်။ ခါတိုင်းထက်ပိုပြီး ဒရီးဒယိုင်ဖြစ်အောင်
လမ်းကို ဟန်လုပ်ပြီးလျှောက်နေလိုက်တယ်။
တွေ့ပြီ။ ကျုပ် တမင်တကာစောင့်နေတဲ့
မြင့်ကျော်။ ကျုပ်ရှိတဲ့ဘက် မျက်နှာချင်းဆိုင်
လျှောက်လာပြီ။ အနားရောက်တော့ ကျုပ်က
ကို့ရို့ကားယား ယ်ိုင်ထိုးပြတော့ သူက ကွေ့ရှောင်
နေသေး။
"ဟေ့ကောင်။ မင်းကငါ့ကို လမ်းပိတ်နေတာလား"
မြင့်ကျော်ရဲ့ ရင်ဘတ်နားကအင်္ကျီစကို
ဆောင့်ဆွဲပြီး ကျုပ် ရန်စကားစပြောလိုက်ပြီ။
ကျုပ်ဘက်ကစပြီးရန်စတာ ကျုပ်ဘဝမှာ ဒီတစ်ခါ ပထမဆုံးပဲ။
"ဟာ! မ..မဟုတ်ပါဘူးဗျာ။ ကျွန်တော့်ဘာသာ
လမ်းလျှောက်လာတာပါ။ အစ်ကိုကသာမူးပြီး
ကျွန်တော့်အရှေ့ရောက်လာတာပါ"
"ဘာကွ။ ငါ့ကိုငမူးသမားလို့ ပြောလိုက်တာပေါ့လေ။ ကဲကွာ....ခွပ်!...ဖုန်း!..အုန်း!"
ကျုပ် သိပ်ပြီးလက်စွမ်းမပြလိုက်ရဘူး။ လေးငါးချက်ဆက်တိုက် ထိုးကြိတ်ကန်ကျောက်
ပစ်လိုက်တာ မြင့်ကျော်ဆိုတဲ့ကောင် ထတောင်
မနိုင်တော့ဘူး။အနည်းဆုံးတော့ သွားနှစ်ချောင်း
ကျွတ်သွားလောက်ပြီ။ ကျုပ်လက်စ ကျုပ်သိတာပေါ့။ ငွေတစ်သိန်းဆိုတာ လွယ်လွယ်လေးပါလား။
.......
ကျုပ်လက်ထဲပါလာတဲ့ ခေါက်ဆွဲကြော်ထုတ်ကို မိတုတ်ကို လှမ်းပေးလိုက်တယ်။ ကျုပ်ကလေးတွေ ဒီညတော့ အူစိုပြီပေါ့။
"ရော့ မိတုတ်။ ငွေကိုးသောင်း။ ကျန်တဲ့တစ်သောင်းက ငါ့အရက်ဖိုးနဲ့ ခေါက်ဆွဲကြော်ဝယ်လိုက်တာ ကုန်ပြီ။ ရပ်ကွက်ထဲက ချေးထားတဲ့ အကြွေးတွေလည်းဆပ်လိုက်ဦး။"
"ရှင် အချုပ်ထဲသုံးရက်လောက်နေတာ အဆင်
ရောပြေရဲ့လား"
"ပါးပါးလေးပါဟာ။ သုံးရက်လောက်နဲ့ ငွေတစ်သိန်း။ဟေဟေ့ တန်ပါ့ကွာ။ မြင့်ကျော်ဘက်ကိုတော့ ဆေးဖိုးဝါးခဆိုပြီး နှစ်သိန်းလျော်လိုက်ရတယ်။ ဦးစိန်သောင်းပဲ တစ်ဖက်လှည့်နဲ့ အကုန်ခံသွားတာ"
"ဘာမှမဖြစ်ရင်လည်းပြီးတာပဲ။ နောက်တစ်ခါတော့ ဒါမျိုးထပ်မလုပ်ပါနဲ့ရှင်"
"ကဲ...တော်ပြီ။ စကားမရှည်နဲ့တော့။ ငါအိပ်ချင်ပြီ"
မိတုတ်ကတော့ ငွေကိုးသောင်း လက်ထဲရောက်သွားလို့ထင်။ ပြုံးစိစိနဲ့ ကျုပ်ကို အိပ်ယာခင်းပေးပြီ။ ကျုပ်လည်း မသောက်ရတဲ့
သုံးရက်အတွက် အတိုးချပြီးသောက်လာတဲ့အရှိန်နဲ့ သိုးနေအောင် အိပ်တော့တာပေါ့။
.....
အနိုင်ကျင့်ထိုးကြိတ်ပြီးရလာတဲ့ငွေတွေက
ကုန်ကာနီးပြီဆိုတော့ ကျုပ်မိန်းမမိတုတ်လည်း
ထုံးစံအတိုင်း နားပူနားဆာ လုပ်လာပြန်ပြီလေ။
ကျုပ်လည်း ညစ်ညစ်နဲ့ အရက်သောက်ပြီး
ပြန်လာတဲ့အချိန် ကျုပ်ရှေ့မှာ လူသုံးယောက်
ပိတ်ရပ်နေတယ်။
"ဘယ်သူတွေလဲကွ။ လမ်းဖယ်ပေးစမ်း။ငါ့အကြောင်း မသိသေးဘူးထင်တယ်"
"သိပ်သိတာပေါ့ဗျာ။ ဟိုတစ်လောက ခင်ဗျားကိုယ်တိုင် သွားနှစ်ချောင်းနှုတ်ပေးလိုက်တဲ့
မြင့်ကျော်လေ။ သေချာကြည့်ပါဦး"
"ဪ..မင်းကိုး။ ထပ်နာချင်လို့လား။ ဘေးဖယ်စမ်း"
"ဒီတစ်ခါနာရမှာ ကျုပ်မဟုတ်ဘူး ခင်ဗျား။
ကဲကွာ...ခွပ်!"
မြင့်ကျော်က ပြောရင်းဆိုရင်းထိုးချလိုက်တာ
အလစ်နဲ့ဆိုတော့ ကျုပ်ခံလိုက်ရတယ်။ကျုပ်ဒေါ
သက ငယ်ထိပ်ရောက်သွားပြီ။
"တောက်! ဒီလောက်တောင်ဖြစ်တာ
ဖုန်း!...ခွပ်!....ခွပ်!"
ကျုပ် သူတို့သုံးယောက်ကို စိတ်ရှိလက်ရှိ
ထိုးချပစ်လိုက်တယ်။ လုံးရင်းထွေးရင်းနဲ့
သူတို့ဘက်က အထိနာလာတော့ သူတို့ခါးကြား
ထဲကနေ ဓားမြောင်တွေကိုယ်စီ ထုတ်လာကြပြီ။
ကျုပ် သတိထားရပြီပေါ့။ သတိထားရင်းနဲ့
ကျုပ်လက်မောင်းကို တစ်ချက်ထိသွားတယ်။
ကျုပ်လည်း သူတို့လက်ထဲက ဓားတစ်ချောင်းကို
ရအောင်လုပြီး ဝင်လာတဲ့ကောင် အကုန်စွပ်ထိုး
ပစ်လိုက်တယ်။
"ကဲကွာ..စွပ်!.....စွပ်!......စွပ်"
မကြာပါဘူး။ ကျုပ်သတိထားမိလိုက်ချိန်မှာ
သုံးယောက်စလုံး သွေးတရဲရဲနဲ့ မြေပေါ်လဲကုန်ပြီ။ သွားပြီ။ ကျုပ် လက်လွန်သွားပြီ။ ကျုပ်ရဲ့ ဆတ်ဆတ်ထိမခံတဲ့စိတ်၊ လူမိုက်`ဇ´နဲ့ အရက်တန်ခိုးပေါင်းလိုက်တာ အကြီးအကျယ်အမှားတစ်ခုကို ကျုးလွန်မိသား ဖြစ်သွားပြီ။ဒီတော့ ကျုပ် အဖမ်းခံလိုက်ရပြီပေါ့။
ဒီလိုနဲ့ တစ်ရက်ပြီးတစ်ရက်ကြာလာလိုက်တာ ကျုပ်ကိုနောက်ဆုံးအမိန့်ချမယ့်ရက် ရောက်လာပြီလေ။
နောင်တရနေတဲ့ လူမိုက်ကြီးရဲ့အကြောက်တရားကလည်း တဖြည်းဖြည်းကြီးထွားလာပြီ
ဆိုပါတော့။ ဘယ်တုန်းကမှမကြောက်ခဲ့ဖူးတဲ့
ကျုပ်ဟာ ထိုင်ခုံပေါ်က တရားသူကြီးရဲ့အမိန့်ကို
နားမထောင်ရဲလောက်အောင် ကြောက်နေမိပြီ။
ကျုပ် ယောင်္ကျားပါ။ လုပ်ရဲရင်ခံရဲတယ်။ ကျုပ်
ကြောက်တယ်ဆိုတာက ကျုပ်ရဲ့မိသားစု
ဒုက္ခရောက်မှာ၊ ကျုပ်မိန်းမမိတုတ်နဲ့ ကျုပ်သား
နှစ်ယောက်ကို ထီးတစ်လက်လို အရိပ်မိုးပေးခွင့်မရတော့မှာ ကျုပ်ကြောက်တာ။ ဒါပေမယ့် အရာအားလုံးက ပြန်ပြင်လို့မရတော့ဘူး။ကျုပ်က ကျုပ်မိသားစုအတွက် သုံးလို့မရတော့တဲ့ ထီးစုတ်ကြီးဖြစ်သွားပြီ။ငွေကိုအချောင်လိုချင်မှု၊ သူတစ်ပါးကိုရန်စစော်ကားမိတဲ့ မိုက်မဲမှုတွေကြောင့် ထွက်ပေါ်လာတဲ့ဆိုးကျိုးတွေက ကျုပ်နဲ့ကျုပ်မိသားစုဘဝကို တန်ပြန်ရိုက်ချိုးပစ်လိုက်ပြီ။အရင်က ကျုပ်မက်မောခဲ့တဲ့ ကျုပ်ကိုဘယ်သူမှမော့မကြည့်ရဲဘူးဆိုတဲ့ တလွဲဆံပင်ကောင်းခြင်းဟာလည်း ကျုပ်လက်ကောက်ဝတ်နှစ်ဖက်က လက်ထိပ်ကို နည်းနည်းမျှ ဖြေလျှော့မပေးနိုင်။ကျုပ်လုပ်လိုက်တဲ့ သုံးယောက်ကလည်း သေသွားကြပြီဆိုတော့ ကျုပ်အပြစ် ကျုပ်ခံရတော့မယ်။ တရားသူကြီးကလည်း အမိန့်ကိုစပြီး ဖတ်ကြားနေပြီ။
ဒီအချိန်မှာ ကျုပ်တွေးနေမိတာက တကယ်လို့
ကျုပ်မှာ ပြန်လွတ်လာနိုင်ဖို့အခွင့်အရေး ရှိသေးတယ်ဆိုရင် ထောင်ကနေကျုပ်ပြန်လွတ်လာတဲ့တစ်နေ့ ကျုပ်သားနှစ်ယောက် ကျုပ်လို
လူမိုက်ကြီးမဖြစ်အောင် သွန်သင်ဆုံးမမှု
မှန်မှန်ကန်ကန်နဲ့ အချိန်မီထိန်းကျောင်း
ချင်တဲ့အကြောင်းပါ။ဒီအခွင့်အရေး ရပါ့တော့မလား။မရတော့ဘူးဆိုရင်တော့ ကျုပ်ဆန္ဒတွေက်ို မိတုတ်ကိုပဲ သေသေချာချာ မှာထားခဲ့ရတော့မှာပေါ့။ ကျုပ်မိန်းမမိတုတ်ကတော့ ကျုပ်နောက်ကျောဘက်က ထိုင်ခုံတွေပေါ်ထိုင်ပြီး တရားသူကြီးရဲ့အမိန့်ကို ကျုပ်လိုပဲ
မျက်ရည်စက်လက်နဲ့ အာရုံစိုက်နားထောင်နေမှာ လှည့်မကြည့်မိလည်း ကျုပ်သိနေပါတယ်လေ။
နတ်စောင်း(ကျိုက်ထို)
No comments:
Post a Comment