ပန်းပွင့်ကြောင့်ပွင့်သော ပန်းတစ်ပွင့်

ပန်းပွင့်ကြောင့်ပွင့်သော ပန်းတစ်ပွင့် (ဝတ္တုတို)

" ဘယ်သွားမလို့လဲ...သား "
အိမ်တံခါးဝ ရောက်နေပြီဖြစ်သော
ကျွန်တော့်ခြေလှမ်းတို့မေမေလှမ်းမေးသံကြောင့် ခေတ္တရပ်ဆိုင်းလိုက်ရသည်။
     " ဟိုလေ..ဟိုနားဒီနားပါ မေမေရဲ့ "
ကျွန်တော် ခေါင်းလေးအသာကုတ်လို့ ဝေ့လည်
ကြောင်ပတ် ပြန်ဖြေလိုက်သည်။
     "ဟင်း..သိနေတယ်နော်"
       " အဟဲ"
      " သားကောင်မလေးဆီ မဟုတ်လား "
ကျွန်တော် မငြင်းတော့။
      " ဟုတ် မေမေ"
      "အင်း  ငါ့သားလေးခမျာလဲကွယ် အတော်ချစ်ရှာသားပဲ  အမေကတော့ ဘာမှမပြောလိုပါဘူး။
     ဒါပေမယ့် သားရယ်..သူတို့ကအမေတို့ထက်
   ချမ်းသာတယ်လေ။တော်ကြာ ငါ့သားလေးကို
   မတူဘူး မတန်ဘူး ပြောနေပါဦးမယ် "
ကျွန်တော်ဘာမှပြန်မပြောတော့ပဲ အိမ်အပြင်ဘက်ထွက်လာခဲ့တော့သည်။
မေမေပြောတာလဲမှန်ပါသည်။ဖြူနုနှင့်ကျွန်တော် ချစ်နေကြသည်မှာမှန်သော်လည်း အဆင့်တန်းက ကွာခြားသည်။ကျွန်တော်တို့က အမေတစ်ခု၊သားတစ်ခုဘဝ။မုဆိုးမဘဝနှင့်မေ
မေက ဈေးထဲတွင် မုန့်ဟင်းခါးရောင်း၍ ရုန်းကန်နေရသောဘဝ။ဖြူနုတို့ဘဝက ငွေကြေးချမ်းသာသော အသိုင်းဝိုင်း။
      " ဟူး..."
သက်ပြင်းသာ ချမိပါတော့သည်။
              ×××××××××××××××××
    " မောင်.."
ကျွန်တော့်ပခုံးလေး ခေါင်းလေးမှီထားသော ဖြူနုက ခပ်ဖွဖွလေး ခေါ်သည်။
"ဒီပန်းခြံလေးက အေးချမ်းတယ်နော်.."
ကျွန်တော်တို့နှစ်ယောက် ပန်းခြံထဲလာ၍ ထိုင်ခုံလေးပေါ်မှာ စကားပြောနေခြင်းဖြစ်သည်။
  "အင်း"
  "ပြီးတော့..မြက်ခင်းလေးတွေလည်း လှတယ်နော်
  "အင်း"
  "ဟာကွာ..မောင်ကလဲ တအင်းအင်းနဲ့ ဘာဖြစ်နေတာလဲ"
  "ဘာမှမဖြစ်ပါဘူး"
  "မညာနဲ့ တစ်ခုခုဖြစ်နေတာ သေချာတယ်"
  "ဘာရယ်မဟုတ်ပါဘူးကွာ..ဖြူနဲ့မောင်တို့ကို ဖြူ့မိဘတွေ သဘောတူပါ့မလားလို့ စဉ်းစားနေတာပါ"
ကျွန်တော့်စိတ်ထဲရှိတဲ့အတိုင်း ပြောလိုက်တော့
ဖြူ့မျက်နှာလေး ည်ှိုးသွားလေသည်။
ပြီးမှ တစ်စုံတစ်ခုကို သတိရသွားဟန်ဖြင့်
  "မောင့်ကို ပြောစရာရှိတယ် သိလား"
  "မသိဘူး"
  "မောင်..မနောက်နဲ့ကွာ အတည်ပြောမလို့"
  "ဖြူ စိတ်ညစ်မှာစိုးလို့ပါ ကဲ..ပြော"
  "မနေ့က မေမေကပြောတယ် မောင့်ကိုအိမ်လာတွေ့ပါတဲ့.."
  မြတ်စွာဘုရား..
  "ဘာပြောမလို့လဲဟင်"
  "မသိဘူး..အကဲခတ်မလို့ ထင်ပါရဲ့ ..အဲဒါ ဒီကပြန်ရင် တစ်ခါတည်း လိုက်ခဲ့နော်" လိုက်တွေ့ရမှာပေါ့ဖြူရယ် တစ်ချိန်ချိန်ဖြစ်လာမယ်ဆိုတာ ကြိုတွေးပြီးသားပါ။  ဖြူ့မေမေ ဘာတွေမေးမလဲ
ဘာတွေ ပြန်ဖြေရမလဲ နဖူးပေါ်စို့ထွက်လာသော ချွေးစက်တွေကို လက်ဖဝါးဖြင့် သုတ်ချလိုက်လေတော့သည်။
       ××××××××××××
  " ကဲ..ထိုင်ပါဦး     သ္မီးအိမ်ပေါ်မှာသွားနေ"
  ဖြူ့မေမေက ကျွန်တော့်ကိုလည်းထိုင်ခိုင်းပြီး ဖြူ့ကိုလည်း အိမ်ပေါ်ကိုသွားခိုင်းနေသည်။
  ဖြူက အတွန့်တက်သည်။
  "ဟိုလေ..မေမေ"
  "သမီး"
  ခပ်ဆတ်ဆတ်လေသံကြောင့် ဖြူဘာမှမပြောပဲလှည့်ထွက်သွားလေသည်။ဖြူ့ကျောပြင်လေးကိုငေးကြည့်နေတုန်း
  "အဟမ်း.."
  ဖြူ့မေမေ ချောင်းဟမ့်သံကြောင့် သူ့မျက်နှာချင်းဆိုင်ခုံတစ်လုံးမှာဝင်ထိုင်လိုက်
လေသည်။ဆိုဖာကြီးက အိလိုက်တာနော်
  "မင်းအန်ကယ်တော့ မရှိဘူး။ အလုပ်သွားတယ်" ဟင်ဘာအန်ကယ်လဲ။ယောက်ခမလို့မပြောဘူး။
  "မင်းနာမည် ဘယ်လိုခေါ်လဲ"
  "ယောက္ခမ....အဲ"
  ကိုယ့်ပါးစပ်ကိုယ် လှမ်းပိတ်သေးပေမယ့် မမှီတော့။ပါးစပ်က လက်ဝါးထက်များ ကြီးနေလို့လား။အိမ်ရောက်မှ မှန်ထဲမှာ ပြန်ကြည့်ရဦးမယ်။
  "ဘယ်လို"
"ဪ..ဒီလိုပါအန်တီ။ကျွန်တော့်သူငယ်ချင်းရဲ့
ယောက္ခမက ကျွန်တော့်ကို ငဇွဲလို့ခေါ်တဲ့အကြောင်း ပြောပြမလို့်ပါ"
  ပါးစပ်ထဲရှိရာ ပြောလိုက်သည်။အမှန်က ပါးစပ်ထဲကလာတာမဟုတ်။ဦးနှောက်ရဲ့ ကလိန်ကကျစ်အမိန့်။
  "မလိုဘူး..နာမည်အရင်းပဲပြော"
  အူကြောင်ကြောင် အရူးတစ်ကောင်ကို ပြောသလိုမျက်နှာထားဖြင့် ဖြူ့မေမေက ပြောသည်။အမှန်ကအူကြောင်ကြောင် အရူးကို ဘယ်လိုပြောရလဲတော့
  ကျွန်တော်မသိ။မှန်းပြောကြည့်ခြင်းသာ။
  "နာမည်အရင်းက ဇွဲဆု ပါ"
  မချိုမချဉ် မျက်နှာထားဖြင့် ဖြူ့မေမေက ဆက်မေးသည်။ချိုချဉ်ချဉ် မျက်နှာထားက ဘယ်လိုဆိုတာလည်း ကျွန်တော်မသိပါ။
  "အလုပ်အကိုင် က.."
  "မရှိပါဘူး"
  "မင်းမိဘတွေက ဘာလုပ်လဲ"
  "အဖေက ငယ်ငယ်တည်းက ဆုံးသွားပါပြီ။
အမေက ဈေးထဲမှာ မုန့်ဟင်းခါး ရောင်းပါတယ်"
  ဒီတစ်ခါတော့ ဖြူ့မေမေမျက်နှာ သိသိသာသာကြီး ချဉ်သွားပြီထင်ပါသည်။
"ပညာအရည်အချင်း က"
  "၁၀တန်း နှစ်ခါကျ"
လုံးဝ ခါးတူးသွားသည့် ဖြူ့မေမေမျက်နှာ။
  "ဒီမယ် မောင်ရင်..အန်တီတို့က ဂုဏ်နဲ့ဒြပ်နဲ့နေတာ။မင်းက အန်တီ့သမီးကို ယူပြီးရင် မင်းရဲ့အရည်ချင်းနဲ့ဘာလုပ်ကျွေးမှာလဲ"
  ကျွန်တော် ဘာမှပြန်မပြော။
  "ပညာလည်းမတတ် ပိုက်ဆံလဲမရှိ"
  နှုတ်ဆိတ်နေမိတုန်း။
  "ကျောထောက်နောက်ခံလည်းမကောင်း"
ကျွန်တော် ပြန်ပြောရပါတော့မယ်။
  "အန်တီ ကျွန်တော်ယောင်္ကျားပါ။မိန်းမတစ်ယောက်
  တော့ ကောင်းကောင်းရှာကျွေးနိုင်ပါတယ်"
တစ်ယောက်တင်မက နှစ်ယောက်၊သုံးယောက်
လောက်တောင် ရှာကျွေးနိုင်ကြောင်းတော့ ထည့်မပြောဖြစ်ပေ။
ဖြူ့မေမေက မဲ့ပြုံးကလေးဖြင့်
  "ကောင်းပြီလေ..ရှာကျွေးတာကနောက်မှ
  အန်တီတို့အသိုင်းဝိုင်း ဂုဏ်မပျက်အောင်တော့
မင်္ဂလာပွဲကို သိန်းတစ်ရာလောက်ပဲ အကုန်ကျခံပြီး လုပ်ပေးကြည့်စမ်းပါ။အဲဒါဆိုရင် မင်းရှာကျွေးနိုင်တာကို ယုံကြည်ပေးပြီး လက်ထပ်ပေးမယ် ဘယ်လိုလဲ"
  ဘယ်လိုမှ မဖြစ်နိုင်မှန်းသိလို့ တမင်တကာ ပြောမှန်းသိသာသည်။သို့သော် ကျွန်တော်က အညံ့မခံ။
  "သိန်းတစ်ရာ အပ်နိုင်တဲ့နေ့ လက်ထပ်ပေးမှာ
  သေချာလား"
  "ငါ လူကြီးပါ ထွေးပြီးသားတံထွေး ဘယ်တော့မှ ပြန်မလျက်ဘူး"
  "လေးဘက်ထောက် သွားတဲ့အရွယ်ကတော့
  လျက်ဖူးမှာပါ"
  "ဘာ..မင်း..မင်း.."
ဖြူ့မေမေ ဘယ်လိုကျန်ရစ်ခဲ့မည် ကျွန်တော်မသိတော့။ခပ်တည်တည်နှင့် ပြန်လှည့်ထွက်လာခဲ့လေသည်။
ပြောသာ ပြောခဲ့ရတာ။သိန်းတစ်ရာက ဘယ်လိုမှမဖြစ်နိုင်။
တောက်...တော်တော်ရစ်တဲ့ ယောက္ခမ။ အဲသူ့သမီးကတော့
တော်တော်ချစ်ဖို့ကောင်းတယ်။
      ×××××××××××××
ဒီရက်ပိုင်းအတွင်း ဖြူနဲ့လည်း မတွေ့ဖြစ်တော့။
ကျွန်တော့်ဘက်က တမင်တကာ သွားမတွေ့ဖြစ်ခြင်းသာ။ခေါင်းထဲမှာ အမြဲရှိနေတာက သိန်းတစ်ရာ ဘယ်ကရမလဲဆိုတဲ့ အတွေး။ကျွန်တော် စိတ်ညစ်ညစ်နှင့် တစ်ယောက်တည်း
ကုန်းကြောင်းလျောက်နေမိသည်။
(စီးစရာ ဆိုင်ကယ်မှ မရှိတာ)
ရောက်တတ်ရာရာ စဉ်းစားလာရင်း
တစ်နေရာအရောက်
ဟင်...ဟိုမှာ ကားတစ်စီးလမ်းဘေးထိုးရပ်လို့။
နေရာကလည်း လူပြတ်တဲ့နေရာ။ကားခေါင်းခန်း
က လူကြီးကလည်း မလှုတ်မယှက် ငြိမ်သက်လို့။အကူညီပေးနိုင်ငြား ဖွင့်ထားသော ကားမှန်ကနေ သူ့လက်မောင်းကို လှုတ်နှိုးကြည့်မိသည်။
" အန်ကယ်..အန်ကယ်"
မရ။ဘယ်လိုလုပ်ရင် ကောင်းမလဲလို့ ဟိုကြည့်ဒီကြည့်နှင့် ကားနောက်ခန်းကို မျက်စိအရောက်၌..
ဟာ..ငွေတွေ..ငွေတွေ..မနည်းပါလား။
ငါးရာတန် ကျွတ်ကျွတ်အိတ်အကြည်စားထဲမှာ တစ်ထောင်တန်၊ငါးထောင်တန်
တွေက မြင်မကောင်းအောင် အထပ်လိုက်။
ငါ..ဘာလုပ်သင့်သလဲ။
ငါ..ဘာလုပ်သင့်သလဲ။
ဇွဲဆု မင်းစဉ်းစားစမ်း။
သိန်းတစ်ရာ..သိန်းတစ်ရာ...
ဟုတ်ပြီ....
       ×××××××××××××××
ဒီနေ့ ဖြူ့အိမ်ကို ဒုတိယတစ်ခေါက် ရောက်လာခဲ့ခြင်းမှာ အပျော်တွေ တစ်ပွေ့တစ်ပိုက်နှင့်။
ကျွန်တော်လာမည်ဆိုတာ ဖြူ့ကို ကြိုတင်အကြောင်းကြားထား၍လားမသိ။ ဖြူ့ဖေဖေရော၊ဖြူ့မေမေရော
ဖြူပါ စုံစုံလင်လင် ရှိနေကြသည်။
ကျွန်တော်က သူတို့ထိုင်ခုံတွေအရှေ့ရှိ စားပွဲခုံပေါ်သို့ အသင့်ပါလာသော ငွေသိန်းတစ်ရာပါသည့် ကျွတ်ကျွတ်အိတ်ကို တင်လိုက်သည်။ပြီးနောက် ကျွန်တော် အရသာတွေ့လှသော အိစက်စက် ဆိုဖာ
ပေါ်သို့ အားပါးတရ စွေ့ကနဲ ထိုင်ချလိုက်သည်။
စွေ့ လို့တော့ အသံက ထွက်မသွားပါဘူး။
ဖြူ့ဖေဖေက သတင်းစာကြီးဖတ်လို့ ကျွန်တော့်ကို မျက်လုံးလေးလှန်ကြည့်ုပြီး သူ့ဘာသူ သတင်းစာပြန်ဖတ်နေသည်။
ဖြူ့မေမေက
"အဲဒါ ဘာတွေလဲ"
စားပွဲပေါ်က ပိုက်ဆံထုတ်ကို မေးငေါ့၍ မေးခြင်းဖြစ်သည်။
"ပိုက်ဆံတွေလေ အန်တီပြောတဲ့ သိန်းတစ်ရာ"
ဖြူ့မေမေက မယုံသလိုမျက်လုံးဖြင့် ကြည့်နေသည်။
အင်းလေ ယုံချင်စရာမှ မရှိတာ။
"ပိုက်ဆံတွေမှန်း ငါသိတယ် မင်းဘယ်ကရတာလဲလို့ မေးနေတာ"
"ဟာ..အန်တီကလည်း အန်တီပြောတဲ့ အထဲမှာ ရှာလို့ရရင် လက်ထပ်ပေးမယ်ပဲပြောတာလေ။
ဘယ်ကနေ ရှာလာလဲဆိုတာ ပြန်ပြောရမယ်လို့
မပါဘူးလေ"
"ဘယ်ဖြစ်မလဲ မင်း ခိုးဝှက်လာရင် ငါတို့ပါ အမှုပတ်မှာလေ။ မင်း ရိုးမှရိုးရဲ့လား။ မင်းအရည်ချင်းနဲ့ ဒီလောက် ပိုက်ဆံတွေ ရလာစရာအကြောင်း မရှိဘူး"
"အန်တီ မရစ်နဲ့နော်။ဘာလဲထွေးပြီးသားတံတွေး
  ပြန်လျက်မလို့လား"
"ဟင်..မင်း...."
ဖြူ့မေမေ ဆက်ပြောချိန်မရလိုက်ပါ။
ဖြူ့ဖေဖေက သတင်းစာကို သူ့မျက်နှာရှေ့က ဖယ်၍ သူ့မိန်းမကို
"ဟုတ်သားပဲ မိန်းမရယ်။မိန်းမပဲသိန်းတစ်ရာတန်
လက်ထပ်ပွဲ လုပ်ပေးနိုင်ရင် သဘောတူမယ်
ပြောထားတယ်ဆို...ဟိုတစ်ယောက်က ယူလာပြီလေ..ထားလိုက်ပါတော့ကွာ"
သူ့မိန်းမကို နားချသလို လေသံဖြင့်ပြောသည်။
"အေး...ဒီလောက်တောင်ဖြစ်နေတာ ရှင်တို့သဘောပဲ
ကျွန်မ ဘာမှမပြောတော့ဘူး"  ဟု ဆိုကာ
စကားဝိုင်းမှ ထထွက်သွားပြီးမှ ပြန်လှည့်လာ၍
စားပွဲခုံ မှ ငွေထုတ်ကိုဆွဲယူကာ ဆောင့်ကြီးအောင့်ကြီးနှင့် အိမ်ပေါ်ထပ် တက်သွားလေသည်။မယူတာလည်း မဟုတ်။
ထိုအခါမှ ဖြူ့ဖေဖေက သူ့သမီးဘက်လှည့်၍
"ကဲ..သ္မီး ဖေဖေသွားနားလိုက်ဦးမယ်။ စကားပြောကြ။မောင်ရင်လည်း အန်ကယ့်ကို ခွင့်ပြုဦး"
ခွင့်မပြုပါက ထွက်သွားပါ့မလားတော့ ကျွန်တော်မသိ။ ကျွန်တော် ဘာမှ ပြန်မပြောခင်
ဖြူ့ဖေဖေက ထထွက်သွားလေသည်။
ဖြူက ကျွန်တော့်ကို စိုးရိမ်သလို လေသံဖြင့်
"မောင် ဒီလောက်ပိုက်ဆံတွေ ဘယ်ကရလာလဲ
မှန်မှန်ပြော"
"ဒီလိုပါပဲ "
"လွယ်လွယ်မပြောနဲ့မောင် ဖြူတို့နှစ်ယောက်နီးရမှာ မှန်ပေမယ့်
မောင် မဟုတ်တာတွေတော့ မလုပ်ပါနဲ့"
"ဟာ..ဖြူကလဲကွာ"
"ပြောပါမောင် ဘယ်ကရလာလဲ"
"××××××"
"ပြောဆို"
"××××××××"
"မောင်..."
ဖြူ့လေသံ ပိုမာလာသည်။
"ကဲပါ...မောင်ပြောပြပါ့မယ် ခြံထဲမှာ သွားပြောရအောင်"
"ပြီးရော...ဒါဆိုလာခဲ့ ခြံထဲသွားမယ်"
     ××××××××××
သိန်းတစ်ရာ...
သိန်းတစ်ရာ...
ဇွဲဆု မင်း စဉ်းစားစမ်း ။ဟုတ်ပြီ။
မေ့မျောနေသော လူကြီးကို လှုတ်နှိုးနေသော လက်တစ်ဖက်က ကားနောက်ခန်းက ငွေထုတ်က်ို လှမ်းယူမယ်အပြု။
ဟင် ငါဘာတွေ တွေးနေပါလိမ့်။မလုပ်သင့်ဘူး။
မလုပ်ရဘူး။လုံးဝ မလုပ်သင့်ဘူး။
ကိုယ့်မကောင်းစိတ်ကို ကိုယ့်ဘာသာ ပြန်ထိန်းချုပ်ပြီး လူကြီးကိုသာ ပြန်လှုတ်နှိုးနေမိသည်။
"အန်ကယ်...အန်ကယ်"
"အင်း..ဟင်း"
ဟော..သတိရလာပြီ။
"အန်ကယ်..သတိရပြီလား"
"ဪ..အင်း မောင်ရင်က.."
"အန်ကယ် မေ့မျောနေတာ တွေ့လို့ပါ။တစ်ခုခု
ဖြစ်မှာစိုးလို့ ကူညီပေးနေတာ"
"ဟာ..ဟုတ်ပါ့ကွာ ။ကားမောင်းရင်းနဲ့ ဘာဖြစ်တယ်မသိဘူး ။အရမ်းမူးလာလို့ ကားရပ်ပြီး နားနေတာ။
ကျေးဇူးပါပဲငါ့တူရာ။အခုတော့သက်သာသွားပါပြီ
လာ..မောင်ရင်ဘယ်သွားမလို့လဲ။ ကားပေါ်တက်။အန်ကယ် လိုက်ပို့ပေးမယ်"
"ရပါတယ်ခင်ဗျာ အားနာစရာ"
"မဟုတ်တာ မောင်ရင်ရယ် လာပါတက်"
ကျွန်တော် မငြင်းသာတော့။ ကားပေါ်တက်လိုက်လေသည်။ကားဆိုဖာလေးက အိလိုက်တာ။အင်း..ငါ့နှယ်နော်။ တော်တော်ဆိုဖာကြိုက်တဲ့ ဖင်ပဲ။
ခဏအကြာ၌ အန်ကယ်ကြီးက ဘာအတွေးပေါ်သည်မသိ လှမ်းပြောသည်။
"အန်ကယ် သတိလစ်နေချိန် နောက်ခန်းထဲက
ပိုက်ဆံတွေကို မောင်ရင် မတွေ့မိဘူးလား"
"ဟုတ်..တွေ့မိပါတယ်"
"ဟာ..လေးစားစရာပါလား မောင်ရင်ရယ် မောင်ရင့်စိတ်ဓာတ်က.."
"အမှန်တိုင်းပြောရင်တော့ မကောင်းတဲ့စိတ်ကူး
ဝင်မိပါသေးတယ်။ ဒါပေမယ့် မလုပ်သင့်ဘူးဆိုတာသိလို့ အချိန်မီ ထိန်းနိုင်ခဲ့ပါတယ်"
"အင်း..ဖြစ်တတ်ပါတယ်။ပုထုဇဉ်တွေပဲ။
ဒါနဲ့ မောင်ရင့်မိဘတွေ ဘာလုပ်လဲ"
"အဖေကတော့ မရှိတော့ပါဘူး။အမေကတော့
မုန့်ဟင်းခါး ရောင်းပါတယ်"
"မောင်ရင့်နာမည်က.."
"ဇွဲဆု ပါခင်ဗျာ "
အန်ကယ်ကြီး ခေတ္တမျှ တိတ်ဆိတ်သွားသည်။
"နေဦးကွ ဒီနာမည်ကြားဖူးသလိုပဲ"
ခဏအကြာ
"မောင်ရင် ဖြူနုကိုသိလား"
"ဟုတ်..ကျွန်တော့်ချစ်သူနာမည်နဲ့တော့
ချွတ်စွပ်ပဲ"
"ဟာ..ဒါဆို သေချာပြီ။
မောင်ရင်က အန်ကယ့်သမီးရဲ့ချစ်သူပဲ။ ဖြူနုဆိုတာ အန်ကယ့်သမီးလေ။ အန်ကယ့်အမျိုးသမီးပြောပြလို့ မောင်ရင့်အကြောင်း သိနေတာ"
"ဟင်.."
"မောင်ရင် သိန်းတစ်ရာ ရပြီလား"
ကျွန်တော် ဘာမှ ပြန်မပြောမိ။
အန်ကယ်ကြီးက ခပ်ပြုံးပြုံးဖြင့်
"စိတ်အေးအေး ထားလိုက်တော့ မောင်ရင်။
အန်ကယ် သဘောတူပါတယ်။
အဲဒီသိန်းတစ်ရာ အန်ကယ် ပေးမယ်။ မောင်ရင့်စာရိတ္တကို လေးစားလို့။ဒါပေမယ့် မင်းအန်တီကိုတော့ ပြန်မပြောနဲ့ကွာ။
တော်ကြာ ငါ့ကို ထောင်းနေဦးမယ်"
ကျွန်တော့်နားပင် ကျွန်တော်မယုံနိုင်တော့။
ကြားရတာ ကြက်သီးမွှေးညှင်းများပင် ထောင်လျက်။
"အန်...အန်ကယ် တကယ်ပြောတာလားဟင်"
အန်ကယ်..အဲ...ယောက္ခမလောင်းကြီးက
ဘာမှပြန်မပြော မိန့်မိန့်ကြီးပြုံးလျက်။
ဟေးဟေး။ငါကွ မိန်းမရတော့မယ်..အဟီး။
      ×××××××××
"ဪ ဒါဆို မောင်က ဖေဖေပေးတဲ့ ပိုက်ဆံနဲ့
ငါးကြင်းဆီနဲ့ ငါးကြင်းကြော်တာပေါ့လေ။ကဲဟာ"
ဖြူနုက ကျွန်တော့်ကြောပြင်ကို ခပ်ဖွဖွထုသည်။
ဟား....
ကမ္ဘ္ဘာလောကကြီးဟာ ကျွန်တော့်အတွက်
လက်ဆောင်လှလှလေး ပေးလိုက်ပါပြီ။
ကျွန်တော်လား။
ကျွန်တော့်ချစ်သူ ပါးပြင်ထက် အနမ်းတစ်ချက်
ချွေပစ်လိုက်တာ သစ်ရွက်လေးတွေတောင်
ရှက်သွေးဖြာလို့ လှုတ်ခတ်ကုန်တယ်လေ။
××××××××××××××××××××
နတ်စောင်း(ကျိုက်ထို)
၂၉.၅.၂၀၁၅