ကွယ်ဝှက်၍ ကြွေသောကြယ်

ကွယ်ဝှက်၍ ကြွေသောကြယ်(ဝတ္ထုတို)
....
  ဒီလိုညနေစောင်းအချိန်ဆို စာအုပ်အငှါးဆိုင်လေးထဲ၌ စာအုပ်ငှါးသူများ စည်ကားမြဲ။ မိမိရွေး
ထားသောစာအုပ်ကို စာရင်းမှတ်ဖို့ရန် ရှေ့မှာနှစ်ယောက်ရှိနေ၍ ခေတ္တစောင့်နေရသေးသည်။
ပထမတစ်ယောက်ပြီးသွားတော့ ဒုတိယတစ်ယောက်အလှည့်။

"ညီမကို ဒီစာအုပ်လေး မှတ်ပေးပါရှင်"

"ညီမက ဒီရပ်ကွက်ထဲကပဲလားဟင်။ ဟိုလေ..
တခါမှ မမြင်ဘူးသေးလို့ပါ။တမျိုးမထင်နဲ့နော်"

"ဟုတ်ကဲ့။မထင်ပါဘူးရှင်။ ဒီရပ်ကွက်ထဲကို
ပြောင်းလာတာ သုံးရက်ပဲရှိပါသေးတယ်။
နှင်းဆီလမ်းထဲက ကောင်းကင်ရိပ်စံအိမ်မှာ နေပါတယ်။ စာအုပ်ငှါးဖို့ ငွေပေါင်ပေးဖို့လိုရင်
ပေးခဲ့ပါ့မယ်ရှင့်"

"ဪ.........ကောင်းကင်ရိပ်စံအိမ်ကလား။ ငွေပေါင်ပေးဖို့
မလိုပါဘူး။ အမက မေးကြည့်တာပါ။ စိတ်မရှိနဲ့နော်"

"ဟုတ်"

"ညီမနာမည်က.."

"အလင်းဖူးပါရှင့်"

  နာမည်လေးက အလင်းဖူးဆိုပါလား။လှလိုက်တဲ့နာမည်လေး။ လူကလည်း လှမှလှ။ ကောင်း
ကင်ရိပ်စံအိမ်ကို ဟိုတလောက လာဝယ်ကြသည်တော့ ကြားမိလိုက်သေးသည်။ အလင်း
ဖူးဆိုသော မိန်းမလှလေးက ကောင်းကင်ရိပ်
စံအိမ်ကဆိုတော့ လူချမ်းသာအသိုင်းဝိုင်းကပေါ့။
ဟူး..လှချက်ကတော့ ကမ်းကုန်။

"အတာ! ဟဲ့..အတာ!"

"ခင်..ခင်ဗျာ"

"ပေးလေစာအုပ်။မှတ်ပေးမယ်။ ဟွန်း..ငမ်းနေလိုက်ပုံများ မျက်လုံးပါ ကျွတ်ပါသွားပြီလား
ထင်ရတယ်"

"ဟာ..အမသက်ကလည်း"

ကျွန်တော် ရှက်ရယ်ရယ်တော့ အမသက်က

"အင်း...ရည်းစားမထားဖူးတဲ့ ကောင်းလေးတစ်
ယောက်တော့ ဟတ်ထိသွားပြီထင်တယ် ဟိဟိ"

"အမသက်နော်။ လူကြီးဖြစ်ပြီး လိုက်စနေတယ်။
စာအုပ်ပေး။ သွားတော့မယ်"

"ကဲ..ရော့ရော့။ အဆောင်ကိုတန်းပြန်နော်။
နှင်းဆီလမ်းဘက် ခြေလှမ်းမလှည့်နေနဲ့"

   ကျွန်တော် စပ်ဖြဲဖြဲနှင့် ပြန်ထွက်လာခဲ့သည်။
အမသက်နှင့် ကျွန်တော်မှာ အားမနာတမ်း
နောက်နေကျ။ အမသက်က အသက်သုံးဆယ့်
ငါးနှစ်အရွယ် အပျိုကြီးတစ်ယောက်ဖြစ်သည်။
ကျွန်တော့်ထက် ဆယ်နှစ်ကြီးသည်။
အဆောင်ပြန်ရောက်တော့ ငှါးလာတဲ့
စာအုပ်ကို မဖတ်ဖြစ်သေး။ ကုတင်ပေါ်ပက်လက်လှန်ကာ ဦးနှောက်ရဲ့မြင်ကွင်းတွေကို
ဖယ်ရှားကြည့်သေးသည်။ မရပေ။ အရာရာ
သူ့ပုံရိပ်များသာ။
   အို..အလင်းဖူးဆိုတဲ့ မိန်းကလေးရေ။ ငါ့စိတ်ရဲ့ နယ်မြေအားလုံးကို စစ်မခင်းပဲ သိမ်းပိုက်လိုက်ပြီလား။တကယ်ဆို မင်းဟာ ငါ့နှလုံးကို
ပထမဆုံး နယ်ချဲ့လာသူပေါ့။
ထိုနေ့က ကျွန်တော့်ဝန်းကျင်တစ်ခုလုံး ပုံရိပ်နံ့
တွေ သင်းခဲ့လေသည်။
..........

"ဟေ့ကောင်..ဘာတွေငုံ့ရေးနေတာလဲ"

အောင်မြင့်အသံကြားတော့ ရေးလက်စစာကို
ကမန်းကတန်းဖွက်လိုက်သည်။

"အံမယ်..လုပ်မနေပါနဲ့ကွာ မင်း ရည်းစားစာရေး
နေတာမလား"

"ရှူး! တိုးတိုးလုပ်လေကွာ။ မင်း..အသံပြဲကြီးနဲ့"

"ဒါဆိုငါ့ပေးဖတ်"

"ဟာ..ဒါတော့"

"မင်းပေးမဖတ်ရင် တစ်ဆောင်လုံးကြားအောင်
အော်လိုက်မှာနော်။ ဒီမှာ အတာရည်းစားစာရေးနေ"

  ကျွန်တော် အောင်မြင့်ပါးစပ်ကို အတင်းလိုက်ပိတ်လိုက်သည်။

"မင်းကွာ..ရှက်စရာကြီး"

"ဟ..လူပျိုရည်းစားထားတာ ရှက်စရာလား။
ပေး..ငါဖတ်ကြည့်မယ်"

"ရော့..ရော့။ ဒါပေမယ့် မရယ်နဲ့နော်"

"မရယ်ပါဘူးကွာ..ဟီးဟီး"

"ဟာ..မရယ်ဘူးလဲဆိုသေး"

   အောင်မြင့်လက်မောင်းကို ခပ်ဆတ်ဆတ်လေး ထိုးပစ်လိုက်သည်။

"သို့..

အလင်းဖူးဆိုတဲ့ ကောင်မလေးရေ...

လူတစ်ယောက်ရဲ့နှလုံးဟာ တစ်နေ့အကြိမ်
တစ်သိန်းခုန်သတဲ့
အဲဒီမှာလေ ငါ့ရဲ့နှလုံးခုန်သံ ခြောက်သောင်း
ကျော်လောက်ဟာ နင့်နာမည်ပဲရွတ်နေတယ်..
ကျန်တဲ့အကြိမ်သုံးသောင်းကျော်က
နင့်ပုံရိပ်တွေကို မိတ္တူကူးနေမိတယ်..
ကောင်းကင်ကိုမော့ကြည့်ရင်း
မရှိတဲ့လမင်းကို စိတ်ကူးနဲ့ သာနေမိတယ်ဟာ...
ပင်လယ်တွေကျယ်တာ မအံဩမိဘူး
သူတို့မှာ အနားသတ်ရှိတယ်လေ
ငါ့အချစ်တွေကတော့ သင်္ချာသဘောတရားအရ
တစ်ဆယ်ကို သုံးနဲ့စားသလိုပေါ့
ဘယ်အထိ လိုက်စားစား
တစ်ကြွင်းနေတယ်လေ..
ဆိုလိုချင်တာက
မိန်းကလေးအားလုံးထဲ
ငါ့ရင်ခုန်သံ အခြေတည်ရာသည်
နင်တစ်ယောက်တည်း ရှ်ိပါကြောင်း...

                                      အတာ

"မဆိုးဘူးကွ။
ဒါနဲ့ ကောင်မလေးနဲ့သိတာ ကြာပြီလား"

"တစ်ပတ်လောက်တော့ရှိပြီကွ။ ငါကသာကြိတ်
ကြွေနေတာ သူငါ့ကိုမသိဘူး"

"ဟင်!ဘယ်လိုကြီးလဲ "

"အမသက်တို့စာအုပ်ဆိုင်မှာတွေ့တာကွ။ အဟဲ
သူငါ့ကို မြင်ဖူးမှာတောင်မဟုတ်ဘူး"

"ဪ..မင်းကိုမသိပဲနဲ့ စာလိုက်ပေးတော့
ပါးချလွှတ်ရင် ဘယ်လိုလုပ်မလဲ။ အရင်ဆုံး
ရင်းနီးအောင်လုပ်လေ။ဒီမှာ ...မြောင်းခင်းပြီးမှ
ရေစီးစမ်းပါကွာ"

"မရတော့ဘူးသူငယ်ချင်း။ ငါ့ရောဂါ ကျွမ်းနေပြီ။
ပန်းတစ်ပွင့် ပွင့်ဖို့အတွက် အဖူးဘဝကို မစောင့်
နိုင်တော့ဘူး။ သူပန်သည်ဖြစ်စေ မပန်သည်ဖြစ်
စေ ရနံ့ရော အဆင်းပါ ပေးလိုက်ချင်ပြီ။ ငါ့အချစ်က တဖြည်းဖြည်းရှင်သန်လာတဲ့ အပင်မျိုးမဟုတ်ဘူး။ အပင်လိုက်စိုက်ဝင်လာတာမျိုး။
ဟောဒီ ဘယ်ဘက်ရင်အုံတည့်တည့်ကိုပေါ့။
အခုချိန်ကစပြီး သူ့ကိုတွေ့တာနဲ့ ဒီစာကို
ငါပေးလိုက်တော့မယ်"

"ကဲ...ပြောမရလဲ သဘောပဲကွာ"

      ထိုနေ့က ကျွန်တော့်ရင်ခွင်တစ်ခုလုံး
ပန်းရောင်လမင်း အပြည့်သာခဲ့သည်။

.....

    သူဋ္ဌေးရုံးခန်းထဲကထွက်လာတဲ့ ကျွန်တော့
ခြေလှမ်းတွေကို ကျွန်တော်ကိုယ်တိုင်သယ်
ဆောင်လာခဲ့တာ ဟုတ်၊မဟုတ် ကျွန်တော်မမှတ်မိတော့။ ကျွန်တော်မှတ်မိတာက သူဋ္ဌေး
ရဲ့စကားသံ။
      "ငါတို့ကုမ္ပဏီ အရှုံးပေါ်တဲ့ဒဏ် မခံနိုင်တော့ဘူးကွာ။ ရပ်ဆိုင်းပစ်တော့မယ်" တဲ့။
ကျွန်တော့်နားထဲမှာ အဲဒီအသံပဲ ပဲ့တင်ထပ်နေတယ်။
      အဲဒီစကားရဲ့နောက်မှာ တစ်ဆက်တည်း
ဝင်လာတဲ့အကြောင်းအရာတွေက ကျွန်တော့်
လစာငွေကို လစဉ်မျှော်လင့်နေရတဲ့ နယ်မြို့လေးက မိဘနှစ်ပါး။ အဆောင်လခနဲ့ ကျွန်တော့်
အသုံးစရိတ်။
     မဖြစ်ဘူး။ကျွန်တော်ပြိုလဲလို့ လုံးဝမဖြစ်။
လက်ရှိလစာထက်မများရင်တောင် မနည်းတဲ့
အလုပ်တစ်ခု အမြန်ဆုံးရှာရမယ်။
    ထိုနေ့က ကျွန်တော့်ဦးနှောက်ထဲ၌ အနက်
ရောင်မိုး ထစ်ချုန်းခဲ့လေသည်။

......

    ကား show room ခန်းကြီးက ခန်းနား
ထည်ဝါလှလေသည်။ အသိမိတ်ဆွေဟူ၍ တစ်
ယောက်တလေမျှမရှိ။ သတင်းစာထဲမှာ အလုပ်
ခေါ်စာတွေ့စဉ်က ဤမျှခန်းနားလိမ့်မည်ဟု
မထင်မိ။မိမိကိုယ်ကိုလည်း အားငယ်မိသလိုပင်။
ဤနေရာ၌ အလုပ်ရခဲ့ပါက ယခင်လစာထက်ပင်
များနိုင်သေးသည်။ဘုရား ဘုရား အလုပ်ရပါစေ။
     ထိုင်စောင့်နေရသည်မှာ ဆယ်မိနစ်ခန့်သာ
ရှိသေးသော်လည်း ဤအခိုက်အတန့်တွင်
အချိန်ကုန်ရန်ခက်ခဲသည်ဟု ထင်မိသည်။အေးစက်နေသော လက်ဖဝါးနှစ်ဖက်ကိုလည်း
အကြောင်းမဲ့ ပွတ်သပ်နေမိသည်။

  "အစ်ကို..ဝင်လို့ရပါပြီရှင်"

"ဪ..ဟုတ်..ဟုတ်ကဲ့"

  ဝန်ထမ်းတစ်ဦးညွှန်ပြရာ အခန်းထဲသို့ ကျွန်တော် ဝင်လာခဲ့လိုက်သည်။ အလုပ်ရှင်၏
ရှေ့တည့်တည့်ထိုင်ခုံတွင် ထိုင်ပြီးမှ မော့အကြည့်
ဟင်! အလင်းဖူး...အလင်းဖူးပါလား။သူက
ဒီ ကား show room ရဲ့ အလုပ်ရှင်များလား။

"ရှင် ဘာနဲ့ကျောင်းပြီးလဲ"

"ခင်..ခင်ဗျာ"

"ဪ..ဘာနဲ့ကျောင်းပြီးလဲလို့"

"ကွန်ပျူတာနဲ့ပါ"

"Customer တွေကို စိတ်ရှည်ရှည်နဲ့ ရှင်းပြ
နိုင်လား။ စကားပြောရင်လည်း ချိုချိုသာသာနဲ့
ယဉ်ယဉ်ကျေးကျေး ပြောရမှာနော်"

"ဟုတ်..ဟုတ်ကဲ့"

"ရှင် လုပ်လို့ဖြစ်ရဲ့လား။ ရှင့်ကြည့်ရတာ
တစ်မျိုးပဲ။ အထစ်ထစ် အငေါ့ငေါ့နဲ့"

"ဖြစ်ပါတယ်ခင်ဗျာ။ အတတ်နိုင်ဆုံး ကျွန်တော်ကြိုးစားပါ့မယ်"

   အလင်းဖူးရယ်..အထစ်ထစ် အငေါ့ငေါ့ဖြစ်ရတာ အလုပ်ကြောင့်မဟုတ်ပါဘူး။ မင်းကြောင့်
ဖြစ်ရတာပါကွာ။ဒါတွေကို မင်းကတော့ မသိနိုင်ပါဘူးဟု စိတ်ထဲတွင်ပြောမိလိုက်သေးသည်။

"ကောင်းပြီလေ။ မနက်ဖြန်ကျရင် လိုအပ်တဲ့
စာရွက်စာတမ်းတွေယူလာပြီး အလုပ်ဆင်းနိုင်ပါ
ပြီ။ရှင့်ကို အစမ်းခန့်ကြည့်လိုက်ပါ့မယ်။လစာကို
တော့ လုပ်ရည်ကိုင်ရည်ကြည့်ပြီးမှ ဆုံးဖြတ်ပေးပါ့မယ်။ ပုံမှန်အားဖြင့်တော့ ဖေဖေပဲလာလေ့
ရှိပါတယ်။ အခု ဖေဖေအလုပ်ကိစ္စနဲ့ နိုင်ငံခြား
သွားလို့ ကျွန်မလာထိုင်တာပါ။နောက်ရက်တွေ
မှာ ဖေဖေပဲရှိပါလိမ့်မယ်။ မသိတာရှိရင် တစ်ခြားသူတွေကို မေးနိုင်ပါတယ်။ ရှင် ပြန်နိုင်ပါပြီ။
Good Luck"

    ကျွန်တော် ခေါင်းငိုက်စိုက်ဖြင့် ပြန်ထွက်လာခဲ့သည်။ ကျွန်တော်ဘာလုပ်ရမလဲ။
    အချစ်ကိုငွေကြေးဖြင့် ဝယ်၍မရဟုဆိုသော်လည်း ငွေကြေးကိုရော အချစ်နှင့်လဲ၍ ရနိုင်ပါသလား။ ယခု ကျွန်တော့်အချစ်က ထိုသို့ဖြစ်နေသည်။
    ကျွန်တော့်ရင်ထဲမှာ တိတ်တခိုးမြတ်နိးခဲ့ရတဲ့
အလင်းဖူးဆိုသော မိန်းကလေးသည် ပူပူနွေးနွေး ကျွန်တော့်ရဲ့အလုပ်ရှင် ဖြစ်နေလေပြီ။
ဒီလိုဘဝမျိုးနဲ့ ကျွန်တော့်ရဲ့အချစ်တွေကို ဖွင့်ဟ
ပြလိုက်ပါမူ ဘာဖြစ်သွားမည်နည်း။ နောက်ပိုင်း
တွင် ကျွန်တော့်ရဲ့မိဘနှစ်ပါး။
    ကံတရားက မြေနိမ့်ရာကျွန်တော့်နှလုံးသား
တည့်တည့်ကိုမှ လှံချက်များလွန်းလှသည်ပင်။
ရှိပါစေတော့လေ။ စင်စစ်မှာက လွမ်းရေးထက်
ဝမ်းရေးက ခက်နေပြီပဲ။ ဘယ်မိုးတိမ် ဘယ်လောက်ငြှိုးငြှိုးပေါ့။ ကျွန်တော့်မိုးတိမ်မှာ အချစ်တစ်ပေါက်မျှ မကျစေရဘူး။ကျွန်တော်ဆုံးဖြတ်ချက် ချလိုက်ပါပြီ။ မျိုသိပ်၊ဖျောက်ဖျက်လိုက်
ပါတော့မယ်။
    အဆောင်ကိုပြန်ရောက်သည်အထိ လက်ထဲ၌ ကျစ်ကျစ်ပါအောင် ဆုပ်ကိုင်၊လုံးခြေထား
သော စာရွက်ခေါက်ကလေးကို မပစ်ထုတ်မိသေးပေ။
   ထိုအရာကား သူမကိုတွေ့သည်နှင့် ပေးမည်
ဟု ဆုံးဖြတ်ထားသော မပေးဖြစ်သောစာတစ်စောင်ပင် ဖြစ်လေသည်။
    ထိုနေ့က ကျွန်တော့်နှလုံးသားတည့်တည့်၌်
ကြေကွဲနှင်းဆီ ပွင့်ခဲ့လေတော့သည်။

(ပြီး)

နတ်စောင်း(ကျိုက်ထို)
၇.၉.၂၀၁၅
၁၀း၄၅