ကျွန်တော်နှင့် ရွက်ကြမ်းရေကျိုအလွဲများ
အပိုင်း(၂)
...
ဒီည သီတင်းကျွတ်ည။ ဝါတွင်းကာလ အောင့်အီးထားသမျှ အပီချဲကြတော့မယ့် အာဝါဟ
ဝိဝါဟလုပ်မယ့်စုံတွဲတွေ အပြေးပြိုင်ပွဲအစမှာ
ဝီစီသံစမှုတ်လို့ တာစထွက်ဖို့ အသင့်ပြင်ကြတော့မယ့် အချက်ပေးညပေါ့။
ဒီညမှာ ကျွန်တော့်ရဲ့ချစ်ကညာတစ်ပါးလည်း
ပွဲခင်းထဲရောက်လာမှာ သတင်းအတိအကျရပြီးသား။ပွဲကလည်း စည်ကားလိုက်သည်ဖြစ်ခြင်း။
ကျွန်တော် ပွဲခင်းထဲကစာအုပ်သည်နား အဆင်သင့် စောင့်နေလိုက်တယ်။စာဖတ်ဝါသနာကြီးလို့တော့မဟုတ်။ ကြူလေးက စာအုပ်သည်မြင်တိုင်း ဝင်ပြီးမွှေနှောက်တတ်တာ သူ့ဝါသနာလေ။ သူက စာဖတ်ဝါသနာ ကြီးသူကိုး။ သူရောက်လာလို့ ကျွန်တော်စာအုပ်ဝယ်တာမြင်ရင် ဘာပဲပြောပြော နည်းနည်းလောက်တော့ အထင်ကြီးမိမှာပဲလေ။ဟုတ်ဘူးလား။
ကျွန်တော် စာအုပ်တစ်အုပ်ကို အပျင်းပြေ
လှန်လှောကြည့်နေလိုက်တယ်။ ပီမိုးနင်းရဲ့
အောင်စိတ်စာအုပ်ပါ။ ဖတ်လို့တော့
ကောင်းသားဗျ။ ဘဝမှာ အောင်မြင်လိုသူတိုင်း
ဖတ်ရှုသင့်တဲ့ စာအုပ်မျိုး။
မကြာပါဘူး။ကျွန်တော့်ရဲ့ကြူလေး စာအုပ်သည်နား ရောက်လာပြီ။ ဟော...စာအုပ်ပုံထဲ
ဝင်မွှေပြီ။ကျွန်တော်လည်း စာအုပ်ကို အာရုံစိုက်
ဖတ်နေရင်းမှ သူ့ကိုတွေ့မိသလိုဟန်မျိုးနဲ့
လှမ်းပြုံးပြလိုက်တယ်။
ငင့်။စူးလိုက်တဲ့ မျက်စောင်း။ ကြည့်ရတာ
တော်သလင်းဇာတ်ထုပ်ကို အခဲမကြေသေးတဲ့ပုံ။ ဒါပေမယ့် ကျွန်တော်စာဖတ်နေတာ
မြင်တော့ မျက်နှာက တစ်မျိုးပြောင်းသွားတယ်။
ကြည်သာသွားတဲ့ မျက်နှာမျိုး။ ဟီး...မဆိုးဘူး။
ကျွန်တော့်တိုက်ကွက် အောင်သလိုလို။
"အင့်.."
စာအုပ်ဖတ်ရင်း စော်ငမ်းနေတဲ့ကျွန်တော့်ကို
လူတစ်ယောက် ဝင်တိုက်မိခြင်းပါ။ အရှိန်က
ကျွန်တော့်ဘတ်သီးက ပုလင်းဖင်ပါ လွင့်ထွက်သွားတယ်။
"ဆောရီးနော် အန်တီ"
အန်..။ဒီရုပ်က အန်တီတဲ့လား။
"ကျန်..ကျန်ကျောချမ်း။အဲ..ပြန်ပြောကြည့်စမ်း။
ဟောဒီမှာ ဇလုပ်ကြီးနဲ့ကွ"
လည်ပင်းကို ခပ်တင်းတင်းမော့ပြလိုက်တယ်။
ပြီးတော့ ဇလုပ်ကြီးကိုပါ လက်ညှိုးနဲ့ ထောက်ပြ
လိုက်တာပေါ့။ကိုင်း... တွေ့ပြီလား။
"ဪ..အထီးကြီးကိုး။ အဲ..ရောင်လို့။ ယောကျာင်္းကြီးကိုး။ သိဘူးလေ။ နောက်ကကြည့်
တော့ ဆံပင်ရှည်ကြီးနဲ့ လေ။ ကိုယ်လုံးကလည်း
သေးသေးလေးဆိုတော့...ဟီး"
"မင်း..မင်းနော်"
စကားမဆုံးလိုက်။ သကောင့်သား လစ်လေပြီ။ ကျွန်တော်လည်း လက်ထဲကစာအုပ်ကို
အသာပြန်ချလို့ ကျွတ်သွားတဲ့ပုလင်းဖင် ပြန်စမ်း
နေရသေးတယ်။
ဟော...ပြန်စမ်းမိပြီ။
မျက်မှန်ကိုအသာပြန်တပ်လို့ အောက်နားက
စာအုပ်ကို ပြန်ကောက်ထားလိုက်တယ်။ ကြူကြူကြိုင်ကြည့်တော့ စာအုပ်တွေ ရွေးနေတုန်း။
"အဟီး..ကြူရေး။ အဲ ...ကြူလေး။ စာအုပ်တွေရွေးနေတာလား။ ဒီစာအုပ်ဖတ်ကြည့်လေ။
ဆရာပီမိုးနင်းရေးထားတာ။ ဘဝအတွက် မရှိမဖြစ် လိုအပ်တာလေးတွေပေါ့"
လက်ထဲကစာအုပ်ကို မျက်နှာချိုးသွေးပြီိး ထိုးပေးလိုက်တော့ ကြူလေးက ရွှန်းလဲ့တဲ့မျက်နှာလေးနဲ့ လှမ်းယူလိုက်ပြီ။
"ဖုတ်!"
အဲ။ ချက်ချင်းဆိုသလို
စာအုပ်က ကျွန်တော့်မျက်နှာတည့်တည့်ကို
ပြန်မှန်ပြီ။ ကြူလေးရဲ့ ပစ်ပေါက်ချက်။
မှန်း။ ဘာဖြစ်တာလဲ ။
စာအုပ်ကိုပြန်ကြည့်တော့ ဟိုက်...သွားပြန်ပြီ။
ဖိုမသဘာဝ ဆိုပါလား။ ဟုတ်ဝူး..ဟုတ်ဝူးလို့ဆို။
ကြူရေး..ကြူရေးရေ။
ဘယ်လိုလုပ် ဒီဖိုမသဘာဝက ရောက်လာတာလဲ။ ဟင်..ခုနက မျက်မှန်ကောက်ပြီး
ပြန်အယူ လွဲသွားပြန်ပြီပေါ့။
"ကြူလေး...ကြူလေးရေ"
ပြေးလိုက်တာမှ မှုန်နေတာပဲ။ ကားမှတ်တိုင်ရောက်တော့ တွေ့တဲ့ကားပေါ်
တစ်ချိုးတည်းတက်ပြေးတာ။ ဘယ်ရမလဲ။
အမီလိုက်တက်တာပေါ့။
ကားပေါ်ရောက်တော့ သူ့နားကို မသ်ိမသာ
တ်ိုးကပ်တော့ မျက်နှာညိုကြီးနဲ့ ပြန်ကြည့်တယ်။
တော်တော်လန့်နေပုံပဲ။
"ဟီးဟီး "
ထုံးစံအတိုင်း မျက်နှာကြီး စပ်ဖြဲပြရပြန်ပြီ။
ကားကလည်း လူကြပ်လိုက်တာနော်။
တစ်မှတ်တိုင်ရောက်တော့ လူတွေပိုကြပ်လာတယ်။
"အွန့်!"
ကျက်သီးတွေပါ တစ်ဖြန်းနှစ်ဖြန်း လေးငါးဖြန်း
တစ်သီကြီးဖြန်းကုန်တယ်။ ထောက်လှမ်းရေး..
ကျွန်တော့်ကို ထောက်လှမ်းရေးတစ်ယောက်
ထောက်လှမ်းနေပြီ။ ဒီဆံပင်အရှည်နဲ့ ကိုယ်လုံး
သေးသေးက တော်တော်လေးကို မိန်းမရုပ်
ပေါက်နေသလားပဲ။ ထောက်ထားလိုက်တာများ
အံဝင်ခွင်ကျ။ တော်တော်လေးကို ကျင့်သားရနေတဲ့ပုံ။
ကြာလာတာနဲ့အမျှ ကျွန်တော် ချွေးတွေပါပြန်
လာတယ်။ မဖြစ်ဘူး။ ဒီအတိုင်းဆက်ငြိမ်နေရင်
ကျွန်တော် ဘဝပါပြောင်းသွားနိုင်တယ်။မထူးတော့ဘူး။ ဒီလောက်တောင်ဖြစ်လှပညာပေးမှဖြစ်တော့တယ်။
"ရိ!"
တရုပ်ကားတွေထဲကလို ရှိသမျှအတွင်းအားတွေကိုစုစည်းပြီး လက်ကောက်ဝတ်ထဲကို
ပို့လွှတ်လိုက်တယ်။ ကဲ..ငနဲသားရေ။ ငယ်သံပါ
ဖို့သာပြင်ပေတော့။လာထား။
"အုယား!"
ကျွန်တော် ရှိသမျှအားတွေနဲ့ အစွမ်းကုန်ညှစ်
ချလိုက်တယ်။
"ပကျိ!"
အဲ။ ဒီအဆင်နဲ့ ဒီအဆင် အားခနဲထအော်ရမှာ
ဘယ်လိုလုပ် ပကျိဆိုပြီး အသံထွက်လာရတာလဲ။
မသေချာမှာစိုးလို့ ထပ်ညှပ်ကြည့်လိုက်တယ်။
"ပကျိ!"
ဟုတ်သေးပါဘူး။ လွဲတော့နေပြီ။ ဘယ်လိုလုပ် ဒီအသံထွက်လာသလဲ။
ကျွန်တော် အသာလှည့်ကြည့်လိုက်တော့
သောက်ကျိုးနဲ။ ပွဲခင်းထဲရောင်းလေ့ရှိတဲ့
ကလေးကစားစရာ အရုပ်ပူပေါင်း။
ကျွန်တော့်အနောက်ကထောက်လှမ်းရေးက
ထောက်လှမ်းရေးအစစ်မဟုတ်။ အမျိုးသမီးတစ်
ယောက်က ကလေးချီလျက်သား။ ကလေးရဲ့
လက်ထဲမှာက ပူစီပေါင်းရှည်မျောမျော။ ဒါလေးက လာထောက်ထားတာကိုး။
ကျွန်တော့်ရဲ့ ပူပေါင်းညှစ်သံကြောင့် ကားပေါ်ကလူတွေက ကျွန်တော့်ကို ပြူးတူးပြဲတဲ
ကြည့်လာကြတယ်။ ကျွန်တော်လည်း ဘာလုပ်ရ
မှန်းမသိ ချော်လဲရောထိုင် ခပ်တည်တည်နဲ့
စပ်ဖြီးဖြီး ထပ်ညှစ်နေလိုက်တယ်။
"ပကျိ!"
"အဟီး...ညှစ်လို့ကောင်းတယ်နော်"
ကားပေါ်ကလူတွေကို သွားဖြဲပြီးရယ်ပြလိုက်
ဆက်ညှစ်လိုက်ပေါ့။
"ပကျိ!"
"အဟီး"
"ပကျိ!"
"အဟီး"
"ပကျိ!"
"အဟီး"
.....
အပိုင်း ၃ ဆက်ရန်
တစ်ချက်ပြုံးရင်း အသက်တစ်ရက် ပိုရှည်ကြပါစေ။
နတ်စောင်း(ကျိုက်ထို)
No comments:
Post a Comment