၂၁ ရာစု မြို့ပြချစ်​ခရီး

" ၂၁ ရာစု မြို့ပြချစ်​ခရီး "
   __________________________ #မစန္ဒာ

ဒီမှာ ချစ်​
နင့်​ကို ငါ ဘယ်​​လောက်​ ချစ်​တယ်​ဆိုတာ
ထပ်​မ​ပြော​တော့ဘူး
နင်​ သိပြီးသားပါ ။
ငါ့ကို နင်​ ဘယ်​​လောက်​
ချစ်​တယ်​ဆိုတာကိုလည်း
ငါ အ​သေအချာ သိပါတယ်​ ။
ငါတို့ ချစ်​လာကြတာလည်း
ကြာပြီပဲ ချစ်​ရယ်​ ။
နင့်​အ​ကြောင်း ငါ သိသလို
ငါ့အ​ကြောင်းကိုလည်း
နင်​ အကုန်​လုံး သိပါတယ်​ ။

တစ်​​နေ့တုန်းက နင်​ ​ပြောတယ်​
အတူ​နေချင်​လှပြီ တဲ့ ။
ဒီစကားကို
ငါကစပြီး ​ပြောရမှာပါ ချစ်​ရယ်​ ၊
ငါလည်း နင်​နဲ့အတူ
နေချင်​လှပါပြီ ။
ကိုယ်​ချစ်​တဲ့သူနဲ့
အတူ​နေ
အတူစား
အတူသွားရတဲ့ ဘဝက​လေးကို
ငါ​လေ
ညစဉ်​ညတိုင်း
အိပ်​မက်​ မက်​​နေရတာပါ ။

အိပ်​မက်​ထဲမှာဆိုရင်​
ငါဟာ
အိမ်​က​လေးတစ်​​ဆောင်​
အခန်း​လေး တစ်​ခန်း​လောက်​ကို
အမြဲတမ်းပဲ
အ​မောတ​ကော ရှာ​နေမိတယ်​ ။
နေစရာက​လေး တစ်​​နေရာကို
လွယ်​လွယ်​နဲ့များ
ရမယ်​ထင်​သလား မိချစ်​ ၊
အပြင်​မှာ မ​ပြောနဲ့
အိပ်​မက်​ထဲမှာ​တောင်​ ခက်​လိုက်​တာ ။
အိပ်​ရာက နိုးလာရင်​
ငါ့မှာ ​ချွေး​တွေနစ်​ပြီး
မော​နေတာပဲ ။

ငါက
အစ်​မအိမ်​မှာ ကပ်​​နေရတာ ။
အိမ်​လို့သာ ​ပြောရတာ ၊
တကယ်​​တော့
ဆယ့်​နှစ်​​ပေ ၊ ​ပေ​လေးဆယ်​
အခန်းကျဉ်းကျဉ်း ရှည်​ရှည်​​လေး ၊
အဲဒီထဲမှာ ​နေကြတာက
လူ​ပေါင်း ကိုး​ယောက်​ ၊
အစ်​မတို့ လင်​မယားရယ်​
ယောက်​ဖရဲ့ အ​မေနဲ့ ညီရယ်​
က​လေး​ လေး​ယောက်​ရယ်​
နောက်​ပြီး ငါရယ်​
ညတိုင်​ကျရင်​ တိုးတိုး​ဝှေ့​ဝှေ့
ကျပ်​ကျပ်​ သပ်​သပ်​ အိပ်​ကြရတယ်​ ။

နင်​ ​နေရတာကလည်း မိဘအိမ်​ ။
နင့်​​မောင်​​တွေ ညီမ​တွေအပြင်​
အစ်​ကို လင်​မယား​ရော
သူ့က​လေး​တွေနဲ့​ရော
ကျပ်​ညပ်​​နေတာ ငါအသိပဲ ။

ငါတို့နှစ်​​ယောက်​
လက်​ထပ်​ကြပါပြီတဲ့ ။
ကဲ...ဘယ်​မလဲ
ငါတို့အတွက်​ အိမ်​
ငါတို့ ဘယ်​မှာ ​နေကြရမလဲ ။
ငါ့ကို သိပ်​ညံ့တာပဲလို့
ပြောချင်​လည်း ​ပြော​တော့ ။
ချစ်​​ရေ _ ငါ​လေ
နင်​နဲ့အတူတူ ​နေနိုင်​ဖို့အတွက်​
အလုပ်​ကို ကြိုးစားပြီး လုပ်​ပါတယ်​ ။
ခြိုးခြံ​ချွေတာပြီး
ငွေလည်း စုပါတယ်​ ။
ဒါ​ပေမဲ့ အဲဒီ​ငွေဟာ
အခန်းကျဉ်းက​လေး တစ်​ခန်းကို​တောင်​
မငှါးနိုင်​ဘူးဆိုတာ
နင်​လည်း သိပါတယ်​ ။

နှစ်​ဆယ့်​တစ်​ရာစု မြို့ပြရဲ့
အိမ်​​ဈေး ၊ ​မြေ​ဈေး ၊ အခန်း​ဈေး​တွေကို
နင်​လည်း စုံစမ်းပြီး
သက်​ပြင်းတချချ လုပ်​​နေရတာပဲ မဟုတ်​လား ။
ဒီ​တော့ ချစ်​ရယ်​
နင်​​ရော ငါ​ရော
စိတ်​ချမ်းသာရ​အောင်​
တစ်​​ယောက်​နဲ့ တစ်​​ယောက်​
စိတ်​ချလက်​ချ​ ​နေရ​အောင်​
ငါ တစ်​ခုလုပ်​ချင်​တယ်​ ။

ဒီမှာ မိချစ်​
နင်​နဲ့ ငါနဲ့
လက်​ထပ်​ကြရ​အောင်​​လေ ၊
တရားရုံးမှာ သွားပြီး
လက်​မှတ်​ထိုးကြမယ်​ ။
ငါတို့ အတူတွဲပြီး
ဓာတ်​ပုံရိုက်​ကြမယ်​ ။
မကင်းရာ မကင်း​ကြောင်း​လေး​တွေကို
လက်​ဖက်​ရည်​တိုက်​မယ်​ ။
လက်​ထပ်​ပြီးစီး​ကြောင်း ​ကြော်​ငြာကို
သတင်းစာထဲမှာ ထည့်​မယ်​ ။
ကဲ _ ဘယ်​သူ ဘာ​ပြောမလဲ
ငါဟာ နင့်​​ယောက်ျားဖြစ်​သွားပြီ ။
နင်​ကလည်း ငါ့မိန်းမ​ပေါ့​နော်​ မိချစ်​ ။
ကြားရဲ့လား မိန်းမရဲ့ ။

ည​နေရုံးဆင်းရင်​
နင့်​ရုံးကို အမြဲလာ​ခေါ်မယ်​ ၊
ငါတို့နှစ်​​ယောက်​ လက်​ဖက်​ရည်​ဆိုင်​မှာ
ညဉ့်​နက်​တဲ့အထိ အကြာကြီးထိုင်​ပြီး
စကား​ပြောလို့ ရပြီ ။
ညပွဲ ရုပ်​ရှင်​​တွေလည်း
ကြည့်​လို့ရပြီ ၊
ငါတို့ဟာ
လက်​ထပ်​ထားတဲ့
ချစ်​သူ​တွေပဲ မဟုတ်​လား ။

ငွေ​လေးဘာ​လေး
အသင့်​ရှိတဲ့အခါ ဆိုရင်​လည်း
ဘုရားဖူးကားနဲ့ အတူလိုက်​ပြီး
မြန်​မာပြည်​အနှံ့
ဘုရားစုံ ဖူးကြမယ်​ ​၊
နင်​ မ​ပျော်​ဘူလားဟင်​ ။
အင်း ....
နောက်​ပြီး​တော့
နင်​ကလည်း နင့်​အိမ်​ပြန်​
ငါကလည်း ငါ့အိမ်​ငါ ပြန်​ရဦးမှာ​ပေါ့ ။

ချစ်​ရယ်​
ငါတို့ ဆက်​ပြီး ပိုက်​ဆံစုကြမယ်​​လေ​နော်​ ။
ဘာလုပ်​ဖို့လဲ ဟုတ်​လား ၊
မေးမှ ​မေးရက်​ပ​လေဟာ
ငါတို့ အတူ​နေနိုင်​ဖို့အတွက်​​ပေါ့ ။
မအိုခင်​
မနာခင်​
အဲ ... မ​သေခင်​ တစ်​ချိန်​ချိန်​မှာ
အခန်းကျဉ်းက​လေး တစ်​ခန်း​လောက်​
ငှါးနိုင်​​အောင်​​ပေါ့
နော်​ _ မိချစ်​ ။
ကြားရဲ့လား
ချစ်​ရယ်​
ငါ့ကို ပြုံးပြစမ်းပါဦး ။

#မစန္ဒာ
(​ ပေဖူးလွှာ မဂ္ဂဇင်း ၁၉၉၈ ဇွန်​လ )

#မစန္ဒာ
ဝတ္ထုတိုများ (၆) ... စာအုပ်​မှ ကူးယူ​ဖော်​ပြပါသည်​ ။
#@Aung Tun Oo~ပြန်လည်မျှဝေပါသည်။