ပွင့်လွှာရယ် မစုံခဲ့သော်လည်း

* ပွင့်လွှာရယ် မစုံခဲ့သော်လည်း*
                               
      သည်းလိုက်တဲ့ မိုးတွေနှယ်နော်။
ပြေးထားစမ်း ဝေဝေ ပြေးထားစမ်း။
      ဒီမိုးဒီလေတွေကို ကျော်ပြီး အနီးဆုံး ရဲကင်းတစ်ခုဆီ အမြန်ဆုံးရောက်ဖို့လိုတယ်။မောပန်း နာကျင်မှုတွေ နဲ့အတူ ကိုယ့်ကိုယ်ကို အားတင်းရင်း... ပခုံးပေါ်မှာ သားပိုးတဘက်ကိုစလွယ်သိုင်း၊လွတ်နေတဲ့ လက်တဖက်က သမီးလေး ပုံပုံ ကို ကျစ်နေအောင် ပွေ့ထားပြီး အားကုန်ပြေးနေမိတယ်။သမီးလေးခမျာ ကြောက်ရှာလွန်းလို့ထင်ပါရဲ့ ဝေဝေ့ ရင်ခွင်ထဲမှာ တဆတ်ဆတ် တုန်နေရှာတယ်။
   ရောက်လုပြီ။ရှေ့မှာမြင်နေရတဲ့ စွန့်ပစ်မြေစာပုံကြီး တစ်ပုံကို ကျော်ပြီးရင် မှော်သစ်ရွာရဲ့ ရဲကင်းကို ရောက်ခါနီးပြီ။
      "ဟေ့,.ရပ်...ဘယ်သူတွေလဲ"
        ၁။
       တကယ်လို့များသာ  ရွာကို အလည်ပြန်လာတဲ့ မိတင်မိုးက ခေါ်မလာခဲ့ဘူး ဆိုရင် ဝေဝေ  ဒီကို ရောက်လာဖြစ်မယ် မထင်ပါ။
     "ညည်းနှယ်..ဟယ်...ရွာမှာနေလည်း သူများဘောက်အလုပ် လိုက်လုပ်နေရမယ့်အတူတူ ငါနဲ့ မှော်ထဲလိုက်ခဲ့ချေ"တဲ့။
    မှော်တဲ့။ ဖားကန့်နယ်မြေဆိုတာကြီးကို ဟိုးငယ်ငယ်လေးထဲကကြားဖူးပေမယ့် ဝေဝေဖြင့် တစ်ခါမှ သွားဖို့မတွေးခဲ့ဖူးဘူး။
        "ဟို..ရောက်ရင် ဆိုင်းထမ်းလေးနဲ့ ရှေ့နောက် လင်ဗန်းလေးထဲမှာ ရာသီပေါ် သီးနှံလေးတွေထည့် အချဉ်ပေါင်းလို ကန်စွန်းဥပြုတ်လို ဟာလေးတွေထည့်ပြီး ရေမဆေးကျောက် ရှာကြတဲ့ မြေစာပုံတွေနားမှာ လူစည်ရာလိုက်ရွှေ့ရောင်းရုံပဲ..တစ်နေ့ လေး,ငါးထောင်ကတော့ ပြေးမလွတ်ပါဘူးအေ"တဲ့။
    မိတင်မိုး စကားက အားရှိစရာကြီး။
ရွာမှာ စပါးရိတ်၊ပဲနှူတ်၊ယာခင်းထဲပေါင်းရှင်း ၊နေပူမရှောင်မိုးရွာမရှောင် လိုက်လုပ်တာတောင် တနေကုန်လို့မှ ဝေဝေ့မှာ နှစ်ထောင်ပဲရတာပါ။
  ရွာကအလုပ် ဆိုတာမျိုးကလည်း ကိုယ်ကဘယ်လောက် လုပ်ချင်နေနေ သူ့ရာသီနဲ့သူ လုပ်စရာအလုပ်က ရှိဦးမှကိုး။
      အရင်တုန်းကတော့ ဝေဝေ တို့လည်း လယ်ပိုင်ယာပိုင်တွေပါပဲ။ဟိုး,.တမြန်နှစ်တုန်းက ပုသိမ်/မုံရွာ ကားလမ်းကြီးဖောက်တော့ ဝေဝေ တို့ရွာက လယ်မြေတချို့ အသိမ်းခံကြရတယ်။ အများကြီးပိုင်တဲ့သူတွေ အဖို့တော့  ကျန်နေသေးတဲ့မြေလေးနဲ့ စိုက်ပျိုးစားလို့ ရကြသေးတယ်ဆိုပေမယ့် ဝေဝေ တို့လို ယာလေးတစ်ကွက်၊နွားလေးတစ်ရှဉ်းသာ ရှိသူတွေအတွက်တော့ ခြေတွေလက်တွေ ရိုက်ချိုး ခံလိုက်ရသလိုပါပဲ။
     အခုဆိုရင် ရွာမှာ လုပ်စရာအလုပ်အကိုင်က ရှားပါးတော့ အရွယ်လေးများ ရောက်လာကြရင် ထိုင်းတို့ မလေးရှားတို့ထွက်ပြီး အလုပ်လုပ်ကြတာ များလာတယ်။ဝေဝေလည်း သူတို့လိုသွားလုပ်ချင်တာပါ။ဒါပေမယ့် အမေက မလွှတ်ဘူးရယ်။ဟိုမှာ အဖမ်းခံရတာတွေ ကြိမ်နဲ့အရိုက်ခံရပြီးမှ ရွာပြန်ရောက်လာကြတာမျိုးတွေလည်း မြင်နေတွေ့နေရတော့ စိတ်မချဘူး တဲ့လေ။
    အခု ဖားကန့်မှာ ဈေးရောင်းဖို့ လိုက်သွားချင်တာတောင် မိတင်မိုးကို လိုက်ပြောပေးခိုင်းရတယ်။
     "ကျွန်မတစ်ယောက်လုံး ရှိပါတယ် အရီးလေးရဲ့..ဘာမှမဖြစ်စေရပါဘူး စိတ်ချပါ"လို့အတန်တန် ပြောနေတာတောင်မှ...
    " ညည်းတို့လည်း သိတဲ့အတိုင်းပဲ..ဒို့အိမ်ကဟာက ညည်းတို့ထက်ကိုမှပိုပြီးနုနေလွန်း နွဲ့နေလွန်းလို့ ငါ့မှာစိတ်မချတာအေ့"တဲ့။
    "ဟွန့်"အမေ့ကို မျက်စောင်းကြီးထိုးပြီး ဝေဝေလည်း ၂ရက်လောက် စိတ်ကောက်ပြလိုက်တယ်။အဲ့ဒီကျမှ..
    "ဒီလောက်မှ စိတ်အားထက်သန်နေလည်း လိုက်သွားချေ အေ"တဲ့။
            ၂။
    မှော်ထဲကို ရောက်ရောက်ချင်း ပထမဆုံးကြုံရတဲ့ အခက်အခဲကတော့ ဝေဝေနေဖို့ အခန်းငှားရခက်နေတာပါ။မိတင်မိုးတို့ အခန်းမှာက သူ့သူငယ်ချင်း မိန်းကလေးဖော် ၂ယောက်ကရှိနေသေးတယ်။၁၂"ပေ လောက်ပဲရှိတဲ့ အခန်းကျဉ်းလေးထဲမှာ အတူတူရောပြီး နေကြဖို့က မသင့်တော်ဘူးလေ။
     ဒါကြောင့်လည်း ပုံပုံ လေးနဲ့ ဆုံခွင့်ရတယ် ဆိုရမှာပေါ့။
   ဝေဝေ ရောက်ပြီး ၅ရက်လောက်နေတော့မှ အခန်းကရှာလို့ရတယ်။
      "အခန်းကရတယ် ဆိုပေမယ့် ရွာ့အပြင်ဘက်နည်းနည်းကျနေတယ်အေ.."
အားတုန့်အားနာမျက်နှာလေးနဲ့ ပြောလာတဲ့ မိတင်မိုးကိုပြုံးပြရင်း..
  "ရပါတယ်.မိတင်မိုးရဲ့..လောလောဆယ် နေလို့ဖြစ်ရင်ပြီးတာပဲဟာကို အေရယ်..တသက်လုံးနေရမှာမှ မဟုက်ပဲနဲ့"
    ဝေဝေ ငှားလို့ရတဲ့ အခန်းလေးက ကျောက်တူးပြီးသားလုပ်ကွက် အဟောင်းပေါ်မှာဆောက်ထားတာပါ။ကျောက်ရှာပြီးလို့စွန့်ပစ်ထားတဲ့မြေစာပုံကြီးက တောင်တစ်လုံးလို ပြန်ဖြစ်နေတာပေါ့။အဲ့ဒီအပေါ်မှာမှ ၆ခန်းတွဲ တန်းလျားအဟောင်းလေးဆောက်ထားတာ။ရေသုံးဖို့ကတော့ တောင်ခြေကိုဆင်းရတယ် ချောင်းလေးတစ်ခုက အမြဲလိုလို စီးနေလို့ သုံးဖို့ အတွက်တော့အဆင်ပြေပါတယ်လေ။
  ပထမဆုံးအခန်းမှာက တန့်ဆည်နယ်ဘက်က လက်သမားဆရာကြီးလင်မယားနေတယ်။အသက်ကြီးကြပါပြီ ။အေးအေးဆေးဆေးသမားတွေပါပဲ။
  သူတို့နဲ့ဘေးချင်းကပ်လျက်အခန်းက ဝေဝေ ပေါ့။
   ဝေဝေ့ ဘေးက အခန်း၃ခန်းမှာက လူမရှိသေးဘူး။နောက်ဆုံး အစွန်ကအခန်းမှာတော့ ကိုယော လို့ခေါ်ကြတဲ့ ကျောက်သမားတစ်ယောက်ရယ်၊သူ့အမျိုးသမီး မစန်းရယ်၊သူတို့ရဲ့ သမီးလေးပုံပုံရယ် နေကြတယ်။ကလေးလေးကလေ ၁နှစ်ခွဲ ၂နှစ်အရွယ်လောက်လေးပေါ့။အထုတ်အပိုးတွေနဲ့ဝင်လာတဲ့ ဝေဝေ့ကို ရီ(ရယ်)ပြနေပုံလေးက ချစ်စရာကောင်းလိုက်တာ။
        ၃။
   မနက်ဆိုရင်စောစောထပြီး မိတင်မိုးတို့နဲ့ အတူ ဈေးရောင်းထွက်ရတယ်။
    ဝေဝေ့အပေါ် ကောင်းကြရှာပါတယ်။ လမ်းတွေပြပေးတယ်။ပစ္စည်းဝယ်ဖို့ဆိုင်တွေပြပေးကြတယ်။တစ်ပါတ်လောက် အတူတူတွဲရောင်းပြီးတော့ ဝေဝေတစ်ယောက်ထဲ ခွဲရောင်းရဲပါပြီ။
     ဈေးရောင်းရတာအဆင်ပြေပေမယ့် နေရတာအဆင်မပြေပြန်ဘူး။အစွန်ဆုံးအခန်းမှာနေတဲ့ ကိုယောတို့ လင်မယားပေါ့။ သူတို့က ခဏခဏ ရန်ဖြစ်ကြတယ်။ဖြစ်တိုင်းလည်း အပြန်အလှန် ထိုးကြရိုက်ကြလေ့ရှိတာပါပဲ။ရွာနဲ့ကလည်း ဝေးတော့ ဘယ်သူမှ သိပ်မသိကြဘူးထင်ပါတယ်။သူတို့ ရန်ဖြစ်ကြတိုင်းပုံပုံ လေးက ဝေဝေ့ အခန်းကို ပြေးလာလေ့ရှိတာရယ်။တခါတလေဆို ဝေဝေ့လက်မောင်းပေါ်မှာ ခေါင်းလေးအုံးပြီး အိပ်ပျော်သွားရှာတာ။သူတို့ လင်မယားတွေ အသံတိတ်သွားချိန်ကျမှ ကလေးကိုပွေ့ပြီး ပြန်ပို့ပေးရတာပေါ့။
    မစန်းကတော့ ပြောပါတယ်။
"ဝေဝေ့ ကိုအားနာလိုက်တာ သမီးလေးကိုခေါ်ထားပေးလို့ ကျေးဇူးလည်းအရမ်းတင်ပါတယ်'တဲ့လေ။
  သူတို့လင်မယားတွေရန်ခဏခဏ ဖြစ်တဲ့အကြောင်း မိတင်မိုးကိုပြောပြဖြစ်တော့..
     "သူတို့လင်မယားက အဲ့လိုပဲ အမြဲဖြစ်နေကြတာရယ်...အမြင်မတော်လို့ဆိုပြီး သွားများမဆွဲမိမတားမိစေနဲ့နော်  ဆွဲတဲ့သူပါ ရန်လုပ်တတ်လို့ရွာထဲကသူတွေလည်း ဘယ်သူနဲ့မှ မတည့်ဘူး"
  "အားတော့မငယ်ပါနဲ့ဟယ်နော် တို့ဘေးကအခန်းတွေလူလွတ်ရင်ပြန် ပြောင်းလာခဲ့လို့ ရတာပဲ"
     တချို့ရွာထဲက သူတွေကလည်းပြောကြတယ်။
   "ကိုယောဆိုတဲ့လူက သိပ်ပြီးစိတ်မမှန်ဘူး တခါတလေကျဖောက်တယ် ဂရုစိုက်ပြီးတော့နေ"
  "သူက ဆေးချတယ်လေ..တခါတလေဆေးကြောင်တာထင်တာပဲ"
    လူအစုံဆိုတော့လည်း စကားအစုံတွေကြားရတာပေါ့။ဝေဝေကတော့ သမီးလေးပုံပုံကိုပဲ သနားနေမိတာပါ။
        ၄။
   ဒီလိုနဲ့ဘဲ ပုံမှန်လည်ပတ်ရင်း ဝေဝေ မှော်ထဲရောက်တာ၆လလောက်တောင်ရှိလာပါပြီ။မနက်ဆိုရင် ဆိုင်းထမ်းလေးနဲ့ဈေးရောင်းထွက်တယ်။ ယောက်ျားလေးတွေအများစုကြားမှာ ရောင်းရတာဆိုတော့လည်း ရိသဲ့သဲ့ လုပ်ကြသူတွေတော့ရှိတာပေါ့။တချို့က ကြတော့လည်း သူတို့ဆန္ဒကို ပွင့်ပွင့်လင်းလင်းပဲ တည့်တည့်ပြောလာတတ်ပြန်တယ်။ အို...တော်ပါပြီလေ။ ဒါတွေပြောရတာ ရှက်ပါတယ်။ ဝေဝေ့ဘဝထဲမှာ ဘယ်တော့မှ အကြာကြီးနေလေ့မရှိတဲ့ သူတို့ကို ဝေဝေမချစ်ရဲတော့ပါဘူးရယ်လေ။ရိုးရိုးသားသားစိတ်နဲ့ရင်းနှီး ခင်မင်လာကြသူတွေလည်း ရှိတာပေါ့။သူတို့နဲ့တော့ စကားတွေအများကြီး ပြောဖြစ်တယ်။သူတို့ပြောပြတဲ့ ကျောက်စိမ်းအကြောင်းတွေကို ဝေဝေ စိတ်ဝင်စားတယ်။ကျောက်မှာ ကုဋေကြောနဲ့မြေမှန်ကြောရယ်လို့ရှိတယ်တဲ့လေ။ကုဋေကြောကကျောက်စိမ်းက အမည်းရောင်တမျိုးပဲထွက်သတဲ့။မြေမှန် ဆိုတာကျတော့ တူးဖော်တဲ့မြေကြီးအရောင်အတိုင်းသာ ထွက်တာတဲ့လေ။သူတို့ပြောပြတာတွေကတော့အများကြီးပဲပေါ့ ဝေဝေက အတွေ့အကြုံမရှိတဲ့သူဆိုတော့ အကုန်လုံးလည်း မမှတ်မိနေပါဘူး။
  အခုဆိုရင် ညနေအိမ်ပြန်လာချိန်တွေမှာ ပုံပုံလေးကလည်း...
    "ဝေဝေ ..ကျန်ရာပြီ..ဝေဝေကျန်ရာပြီ.."ဆိုတဲ့ မပီကလာပီကလာ အသံလေးနဲ့ ခုန်ဆွခုန်ဆွ အမူအယာလေး လုပ်ပြီး ကြိုတတ်နေပါပြီ။ သူကလေးအတွက်ရယ်လို့ရည်စူးပြီး မုန့်လေးတစ်ခုခု အမြဲပါအောင်ဝယ်ခဲ့ရတာကိုလည်း ဝေဝေ ကြည်နူးတတ်လာပြီ။သူလေးကို အလိုက်သင့်ပွေ့ချီလိုက်တိုင်း" အာဘွား"ဆိုပြီး နှုတ်ခမ်းလေးနဲ့ ညာနမ်းတတ်ပြန်သေးတဲ့ ကလေးငယ်လေးဟာ အပြစ်ကင်းစင်လွန်းလှပါတယ်။
   သံယောဇဉ်ဆိုတဲ့ ကြိုးလေးတစ်ချောင်းရဲ့ အပြန်အလှန် ဖွဲ့ချည်မှုအပေါ်မှာ ဝေဝေ ကိုယ်တိုင် ကျေနပ်ကြည်နူးနေခဲ့မိပါတယ်။တနေ့နေ့ သူတို့တွေပြောင်းသွားခဲ့ကြရင်ဆိုတဲ့ အတွေးလေးတစ်စ ဝင်လာတိုင်း ရင်မှာစစ်ကနဲ နာကျင်ရပြန်တယ်။ဝေဝေကိုယ်တိုင်ကလည်း မှော်ထဲက တဒင်္ဂ ဧည့်သည် တစ်ယောက်ပဲမဟုက်လားလေ။ဒီလိုနဲ့ပဲ နေ့ရက်တွေဟာ တိုက်စား လွယ်လွန်းတယ်ထင်ပါရဲ့။ကဆုန် နယုန်ရောက်လို့ မိုးဦးတောင်ကျတော့မယ်။
           ၅။
    ဒီနေ့တော့ အိမ်ကို စောစောပဲပြန်လာခဲ့လိုက်ပါတယ်။ဟိုး...ကသိုဏ်းတောင်ကြီးထိပ်မှာလည်း မိုးတွေကညို့လို့ရယ်။မှော်ထဲကလူတွေ အတော်များများလည်း အိမ်ပြန်ဆင်းကုန်ကြပါပြီ။တချို့ ကုမ္ပဏီလုပ်ကွက်တွေလည်း သိမ်းကုန်ကြပြီ။တစ်ဆောင်းနဲ့တစ်နွေ ကျောက်တူးလုပ်ငန်းရဲ့ ရာသီချိန် ကုန်ပြီလေ။မိတင်မိုး တို့တောင် ရွာပြန်သွားတာ တစ်ပါတ်လောက်ရှိပြီ။ ဘေးအခန်းက လက်သမား ဆရာကြီးလင်မယားလည်း ရွှေမှော်တွေဘက်ကို ရွှေ့သွားကြပြီ။ဝေဝေ လည်း ပြန်တော့မှာပါ။ဈေးဖိုးအကြွေးကျထားတဲ့လက်စလေးတွေမပြတ်သေးတာနဲ့ မပြန်ဖြစ်သေးတာ။
      "ဒုန်း...ခွပ်.ခွပ်."
"ပေးစမ်းဆို အသာတကြည်ပေးနော် သောက်ကောင်မ..မချွတ်ပေးရင် နင့်နားရွတ်ကြီးပြတ်သွားမယ်"
     "သေချင်းဆိုး မပေးဘူး..လာစမ်း..နင်လုပ်ရဲ လုပ်ကြည့်စမ်း ဒီနေ့ ငါမသေရင် နင်အသေပဲ"
  မကြားဝံ့မနာသာ ဆဲဆိုနေသံတွေကို အိမ်ရှေ့မရောက်ခင်ထဲက ကြားနေရတယ်။အပြန်အလှန် ရိုက်နှက်နေကြတဲ့အသံတွေကြားမှာ ကလေးရဲ့ စူးစူးဝါးဝါးငိုသံပါ ကြားနေရပါတယ်။သူတို့ အခန်းရှေ့ကဖြတ်ပြီးပြန်ရတာမို့ ပုံပုံလေးက ဝေဝေ့ကိုမြင်တာနဲ့ လက်ကလေးနှစ်ဘက်ဆန့်ပြီး အတင်းပြေးထွက်လာတော့ အလိုက်သင့်ပွေ့ပြီး ခေါ်လာခဲ့ရတာပေါ့။
      "ပုံပုံ့ကို အဖေကရိုက်တယ်,.ရိုက်တယ် ..ဖိနပ်ကြီးနဲ့ရိုက်တာ..ဟီး,ဟီးဟီး"
ငိုရှိူက်ရင်းအားကိုးတကြီး တိုင်နေရှာတဲ့ ပုံပုံလေးကို ရင်ခွင်ထဲဆွဲယူရင်း ကလေးတင်ပါးကိုကြည့်မိတော့..ဟုက်ပါရဲ့ ကလေးတင်ပါးမှာ နီရဲနေတာပါပဲလား။စိတ်ထဲမှာ နာကျင်မှုတစ်ခုက မျက်ကနဲ ပေါ်လာပေမယ့်ကြိတ်မှိတ် မျိုသိပ်လိုက်ပါတယ်။ ကလေးကိုကောက်ချီလိုက်ပြီး ရွာထဲက မိတင်မိုးတို့နေသွားတဲ့ အခန်းဟောင်းလေးမှာ ခဏသွားရှောင်နေဖို့ စဉ်းစားလိုက်တယ်။မိုးက ဖွဲဖွဲလေးကျနေပါပြီ။ဈေးဗန်းအုပ်တဲ့ မိုးကာစလေးကို ခြုံပြီးထွက်လာခဲ့လိုက်တယ်။
      အခန်းကိုရောက်တော့ ကလေးကိုချော့သိပ်ထားပြီး ဈေးစာရင်းလေးတွေ ထိုင်လုပ်နေလိုက်တာ ကလေးကို သတိရလို့တစ်ချက်ကြည့်လိုက်မိတော့..
    အို,..ပုံပုံလေးဟာ အိပ်ပျော်နေရင်း တရှုံ့ရှူံ့နဲ့ ရှိူက်နေရှာတာပါလား။
   ရင်ထဲမှာလှိူက်တက်လာတဲ့ သနားကြင်နာ စိတ်နဲ့အတူ ငါသာ ပြန်သွားရင်ဒီကလေးကို ဘယ်လိုလုပ်ပါ့မလဲ ဆိုတဲ့အတွေးက မွန်းကျပ်လာမိပါတယ်။
  နှစ်နှစ်ခြိုက်ခြိုက်အိပ်ပျော်နေချိန်မှာတောင် ရှိူက်ငိုနေရရှာတဲ့ ၂နှစ်အရွယ်ကလေးငယ်တစ်ယောက် အပေါ် ဘယ်လိုစိတ်မျိုးနဲ့ထားခဲ့ရက်ရမှာလဲ။
          ညကျရင် အိမ်ပြန်ရောက်တဲ့အခါ
ကိုယောနဲ့မစန်း တို့ကို ပြောရပါဦးမယ်။ ကလေးဆိုတာ ဗလာစာရွက်အလွတ်လေး တစ်ရွက်နဲ့ တူတယ်ဆိုတဲ့အကြောင်းပေါ့။အဲ့ဒီ စာရွက်လေးထဲကို လှပညီညာတဲ့စာလုံးလေးတွေ ရေးထည့်နိုင်ဖို့ ဆိုတာကတော့ မိဘတွေကသာ အဓိကကျတယ် ဆိုတဲ့ အကြောင်းသူတို့နားလည်လွယ်အောင် ဘယ်လိုပြောရပါ့မလည်းလို့တွေးရင်းပုံပုံ လေးဘေးမှာ ခဏလှဲလိုက်မိတယ်။
   ဝေဝေပါ မှေးကနဲ အိပ်ပျော်သွားတယ် ထင်ပါရဲ့။မိုးခြိမ်းသံတွေကြားလို့သာ လန့်နိုးလာတော့တယ်။
  ည၉နာရီတောင် ထိုးနေပါပေါ့လား။အိမ်ပြန်မှ ဖြစ်မယ်လေ။အပြင်မှာတော့ မိုးကသည်းစပြုလာပါပြီ။
        ၆။
အိမ်ပြန်ရောက်တော့ အရမ်းတိတ်ဆိတ်လွန်းနေတယ်။ဒါနဲ့ ဝေဝေလည်း အခန်းတံခါးကို အသံမမြည်အောင်တိတ်တိတ်လေးဖွင့်ပြီး ကလေးကို ခေါင်းအုံးပေါ် အသာလေးချသိပ်လိုက်တယ်။ဟိုလင်မယား အခြေအနေကိုကြည့်ရဦးမှာမို့ ဘုရားစင်ပေါ်က ဓာတ်မီးကိုယူပြီး အိမ်အပြင်ကို အထွက်မှာ...
     ပေါက်တူးတစ်လက်ကိုထမ်းလာတဲ့လူတစ်ယောက်၊မလှမ်းမကမ်းမှာ ရှိနေတဲ့မြေစာပုံတွေကြားကနေ တက်လာတာကိုလျှပ်စီးလက်လိုက်တဲ့ အလင်းရောင်နဲ့ တွေ့လိုက်ရတယ်။လမ်းလျှောက်တဲ့ ပုံစံအရဆိုရင်တော့ ဒါ...
  "ကိုယော...ကိုယော. .. ပဲ "သေချာတယ်။မလွဲနိုင်ဘူး။အံ့သြမှုနဲ့အတူစိတ်မှာတွေဝေနေမိပါတယ်။
   ဒီအချိန်က ကျောက်ရှာချိန်မှ မဟုက်တာ။ဒါဆိုရင် ကိုယောက ဘာသွားလုပ်တာလဲ။မစန်းကရော "ဘုရား...ဘုရား.."
ပဟေဍိဆန်လွန်းနေတဲ့ မြင်ကွင်းတစ်ခုအတွက် တိကျတဲ့အဖြေ သိရဖို့ သူတို့ အခန်းဘက်ကို အပြေးအလွှားတက်ကြည့်မိတယ်။
     "မစန်းရေ..ငါ..ဝေဝေပါဟေ့..နင်..နင်ရှိနေလား"
မှောင်မည်းတိတ်ဆိတ်နေတဲ့ အခန်းထဲမှာ 'မစန်း'ရဲ့ အရိပ်အယောင်မတွေ့ရဘူး။
      ဒါပေမယ့်...အိမ်ထဲကပြန်ထွက်ဖို့ နောက်ကိုပြန် အလှည့်မှာ နင်းလိုက်မိတဲ့ ခြေထောက်အောက်က စေးထန်းထန်း ပျစ်ချွဲချွဲ အထိအတွေ့ကြောင့် ဓာတ်မီးနဲ့ ထိုးကြည့်မိတယ်။
     "ဘုရား..ဘုရား,သွေး..သွေးတွေ"
   အကွက်လိုက် ကျန်ရှိနေသေးတဲ့ သွေးအိုင်တစ်ခု၊ဒါဆို ကိုယောက မစန်းကို လက်လွန်သွားလို့များ ...အို မတွေးရဲတော့ဘူး။ဘယ်လိုပဲ ဖြစ်ဖြစ် လောလောဆယ်တော့ ပြေးမှဖြစ်မယ်။ဟုတ်တယ်..ပြေးရမယ် ပြေးမှဖြစ်မယ်။သေချာတဲ့ ဆုံးဖြတ်ချက် တစ်ခုကိုရပြီမို့ ဝေဝေ့အခန်းဘက်ကိုပြန်အကူးမှာ...
  "ဟိတ်..ရပ်နေစမ်း.."
သူ...သူ ...ဝေဝေ့ ကို တွေ့သွားပြီ။အသံနက်ကြီးနဲ့ အော်ပြီး  တရှိန်ထိုးပြေးလာနေပါပြီ။
    အခန်းထဲကို အမြန်ပြေးဝင်ရင်းနဲ့ တံခါးချက်ကို ချလိုက်တယ်။အဝတ်ကြိုးတန်းပေါ်မှာ လှန်းထားတဲ့ကိုယ်လုံးသုတ် သဘတ်ကို ဆွဲယူပြီး  စလွယ်သိုင်း ချည်လိုက်တယ်။နိုးနေပြီဖြစ်တဲ့ ပုံပုံလေးကို သဘတ်ထဲထည့်ပြီးပိုးလိုက်ပါတယ်။အတွင်းကနေ တံခါးချက်ချထားပေမယ့် ထရံကာ အခန်းလေးရဲ့တံခါးချက်ဟာ ဘယ်လိုမှမခိုင်မာနိုင်ပါဘူး။
        "ဒုန်း'ဒုန်း'ဒုန်း "
"ဖွင့်စမ်း.ဖွင့်စမ်း"သတ်ပြစ်မယ် နင်တို့အားလုံးသေမှအေးမယ် ဟား,ဟား,ဟား.ဟား."
   သူ..သူ့လက်ထဲက ပေါက်တူးနဲ့ တံခါးကို ရိုက်ဖွင့်နေပြီ။
     "တောင်းပန်ပါတယ်..ရှိကြီးခိုးပါတယ်,.ဝေဝေ..ဝေဝေ ကြောက်လှပါပြီ"
     တကိုယ်လုံးတဆတ်ဆတ်တုန်အောင် ကြောက်ရွံ့ထိတ်လန့်လှပါပြီ။ အသံကုန် အော်ဟစ် အကူညီတောင်းနေမိပေမယ့် မိုးသံလေသံတွေ အောက်မှာ ဝေဝေ့အသံတွေ ပျောက်ကွယ်သွားပြီ ထင်ပါရဲ့။
   ပုံပုံလေးကလည်း စူးစူးဝါးဝါး အော်ငိုနေရှာတယ်။ကြောက်လွန်းလို့အတင်းဖတ်တွယ်လာတဲ့ လက်ကလေးတွေကလည်း အေးစက်လို့ပါလား ။
   "ဝုန်း" 
ပြုတ်ထွက်သွားတဲ့ တံခါးရွတ်နဲ့အတူ ကိုယောပါ အရှိန်နဲ့အခန်းထဲကိုရောက်လာပြီး ဝေဝေ့မျက်နှာကို လက်သီးနဲ့ ပစ်ထိုးပါတယ်။ကလေးကို မထိမိအောင် လက်နှစ်ဘက်နဲ့ ကာထားလို့ ဘယ်လိုမှ မရှောင်နိုင်ဘူး။ အင့် ကနဲ မူးမိုက်သွားပေမယ့် ကြိုးစားပြီး ပြန်ထရပ်မိတယ်။
"ဟင့်အင်း ငါ လဲကျလို့ မဖြစ်ဘူး"
ပုံမှန်စိတ်ပျောက်ဆုံးနေတဲ့ လူတစ်ယောက်ကို ငါရင်ဆိုင်နိုင်မှဖြစ်မယ်။ ပုံပုံလေးနဲ့ ငါ့လွတ်မြောက်မှု အတွက် သူ့ကို ရင်ဆိုင်ရဲဖို့လိုတယ်။ယောက်ယက်ခတ်နေတဲ့ စိတ်အတွေးတွေနဲ့အတူ ဖျင်းကနဲ ခံပြင်းနာကျင်မှုက နှစ်ကာလများစွာ ပျောက်ဆုံးနေခဲ့တဲ့ အငုံ့စိတ်ကို နှိုးဆွပေးလိုက်လေသလားရယ်။
    ကိုယောက နောက်တစ်ကြိမ် တိုက်ခိုက်ဖို့ ပြေးဝင်လာပြန်ပါပြီ။သူ့လက်ထဲက ပေါက်တူးနဲ့ ဝေဝေ့ကိုခုတ်ဖို့ပြင်တယ်။ရင်ခွင်ထဲက ပုံပုံလေးကို နောက်ကျောဘက်ဆ်ီပို့လိုက်ရင်းနဲ့  ဒင်းလက်ထဲက ပေါက်တူးရိုးလက်ကိုင်နေရာကို မှန်းပြီးဖမ်းဆုတ် လိုက်တယ်။လူချင်းလုံးနေတုန်း သူ့လက်မောင်းကို တအားငုံ့ကိုက်ပြစ်လိုက်တယ်။ပြီးတော့,..ပြီးတော့...ဝေဝေ့ လက်ထဲကို ပါလာတဲ့ ပေါက်တူးနဲ့ ဒင်းခန္ဓာကိုယ်ပေါ်ကို အားကုန်လွှဲပြီး ခုတ်ချလိုက်မိပါတယ်။
    ဟော..ဟော,.သူ.. သူ ဒယိမ်းဒယိုင်နဲ့ပြန်ထလာပြန်ပါပြီ။ ပြေးမယ်။နောက်လှည့်မကြည့်စတမ်း ပြေးမှဖြစ်မယ်။
          ၇။
    သည်းလိုက်တဲ့ မိုးတွေနှယ်နော်။ဒီမိုးဒီလေတွေကို ကျော်ပြီး အနီးဆုံး ရဲကင်းတစ်ခုဆီ ရောက်ဖို့လိုတယ် ဆိုတဲ့စိတ်နဲ့
ကိုယ့်ကိုယ်ကို အားတင်းရင်း...
  ပခုန်းပေါ်မှာ သားပိုးတဘက်ကို စလွယ်သိုင်း၊လွတ်နေတဲ့ လက်တစ်ဖက်ကတော့ သမီးလေး 'ပုံပုံ'ကို ကျစ်နေအောင် ပွေ့ထားပြီး အားကုန်ပြေးနေမိတယ်။သမီးလေးခင်မျာ ကြောက်လွန်းလို့ထင်ပါရဲ့။ဝေဝေ့ ရင်ခွင်ထဲကနေ တဆတ်ဆတ်တုန်နေရှာတယ်။
    ရောက်လုပြီ။ရှေ့မှာမြင်နေရတဲ့ စွန့်ပစ်မြေစာပုံကြီး တစ်ပုံကို ကျော်ပြီးရင် မှော်သစ်ရွာရဲ့ ရဲကင်းကို ရောက်ခါနီးပြီ။
    "ဟေ့..ရပ်...ဘယ်သူတွေလဲ"
"ဝေဝေလို့ ခေါ်ပါတယ်ဆရာ လူသတ်..မှု..ဖြစ်လို့ အမှုဖွင့်ချင်လို့ပါ .. ဆရာ"
        စခန်းမှူးကြီးက  ဝေဝေတို့ကို ထိုင်ခိုင်းပါတယ်။ရေစိုအဝတ်တွေလဲလှယ်ဖို့ ကူညီကြတယ်။ပုံပုံလေးကတော့ ဘယ်သူမှ ခေါ်လို့မရလောက်အောင် ထိတ်လန့်နေဆဲပါ။
      "တိုင်ချက်ဖွင့်ဖို့ အတွက် နာမည် အပြည့်အစုံလေးပြောပါဦး"
       သက်ပြင်းမောတစ်ချက်ကို ချမိသည်ထင်ပါရဲ့။ ရှည်လျားလွန်းတဲ့ညတာကြီးတစ်ခုအတွက် ဝေဝေ မောပန်းလှပါပြီ။ရင်ခွင်ထဲမှာ နှစ်နှစ်ခြိုက်ခြိုက် အိပ်ပျော်နေတဲ့ ပုံပုံ လေးကိုကြည့်ရင်း နှုတ်ခမ်းဖျားက ထွက်ကျလာတဲ့ အသံတွေဟာ တုန်ယင်နေခဲ့လေမလား။ဝေဝေကိုယ်တိုင်မသိတော့ပါ။ဒီနာမည်ကို ဝေဝေ မနှစ်သက်ပါ။ဒါကြောင့်လည်း ဘယ်သူခေါ်တာမှ မကြိုက်ခဲ့ဘူး။ဒါပေမယ့် ဒါ  ပေ မယ့်
       "ဝေဝေ့ နာမည် အပြည့်အစုံက  ဦး ဝေ မိုး အောင်လို့ခေါ်ပါတယ်ခင်ဗျာ"
   သန်းခေါင်ယံလွန်စပြုပါပြီ။ တစ်ညလုံး သည်းခဲ့တဲ့ မိုးဟာ စဲစပြုနေပြီ။မနက်ဖြန်မှာတော့ အရာရာဟာ...။
    နွေမိုးဝေ
(တက္ကသိုလ်ရဟန်းပျိုစာစောင်- အတွဲ၆-အမှတ်၃-အောက်တိုဘာလ-၂၀၁၇)
#Nway moe wai