ဟင်းထုပ်

#ဟင်းထုပ်
🌠🌠🌠🌠

နုနုရည် (အင်းဝ)

မနက်လင်းပြီဆိုတာနဲ့ ခင် မွှေးတို့ပျံကျဈေးတန်းကလေး ဆူ ညံစပြုပြီ။ ပျံကျဈေးသူတို့ရဲ့ စူး ရှရှ၊ ပြာလဲ့လဲ့၊ အက်ကွဲကွဲအသံ မျိုးစုံဟာ ပျံကျဈေးကလေးကို သက်ဝင်လှုပ်ရှားစေတယ်။

‘‘ဟောဒီမှာ...မျှစ်ချိုနုလေး တွေ အစိတ်သားကို နှစ်ကျပ်၊ နံ နံပင်တွေ အရိုင်းစည်းတွေတစ် စည်းမှ တစ်ကျပ်တည်း...တစ် ကျပ်တည်း။ ပေါပေါလေးတွေ ပေးကုန်ပြီ’’

ဒါက စူးရှရှ၊ အက်ကွဲကွဲ အေးမြင့်မာရဲ့ အသံပေါ့။

‘‘ပေါတာလေးနဲ့ လတ်တာ လေးကို စားမယ်အစ်ကိုရေ။ ချဉ် ပေါင်တွေ၊ ကန်စွန်းတွေ၊ ကန် စွန်းတွေ၊ ချဉ်ပေါင်တွေကတော့ ပေါသလားလို့မမေးနဲ့၊ လတ်သ လားလို့မမေးနဲ့ သူများအတိုင်းပဲ’’ ဆိုတဲ့ ပြာလဲ့လဲ့နှာခေါင်းသံပိုင်ရှင် ကတော့ အ၀င်းမလို့ ခေါ်နေကြ တဲ့ ကနွဲ့ကလျကောင်လေး။

‘‘လာ...လာ... ဒီမှာ ကြက် သွန်၊ အာလူး၊ အာလူး၊ ကြက် သွန်’’ဆိုပြီး ထပ်တလဲလဲပေါ် ထွက်နေတဲ့ တိုးတိုးနဲ့လေးလေး အသံပိုင်ရှင်က ဒေါ်ကြီးသိန်း။

ခင်မွှေးအသံက သေးသေး စူးစူးလေး။

‘‘ပဲသီးတွေ၊  ခရမ်းသီးတွေ၊ မုန်လာဥတွေက ဒီမှာလေ၊ ဟင်း ရွက်စုံဒီမှာရတယ်’’ လို့များ ခင် မွှေးအသံကုန်တင်လိုက်ရင် ဈေး သည်တွေချာခနဲ လှည့်ကြည့်ရမြဲ၊ ဆိုင်နီးချင်းတွေကလည်း မျက် စောင်းထိုးကြမြဲ။ အ၀င်းမဆို ခပ် ပိုပိုနဲ့လက်ကလေးနှစ်ဖက်ကော့ ပြီး နားတွေကိုပိတ်ရသေးတာ။

ဒီနေ့က ဥပုသ်နေ့ဆိုတော့ ပျံကျဈေးတန်းက ပိုစည်ကားနေ သလိုပဲ၊ ဈေးရုံကြီးပိတ်တယ် လေ။

‘‘ဦးကလည်း ဒါလေးများ၊ ယူသွားပါဦးရဲ့။ တရုတ်ကန်စွန်း စစ်စစ်လေး ကြော်စားအားရှိ တယ်၊ ကျေးဇူးတင်ပါတယ်ဦး ရယ်၊ ခုလိုအားပေးတာ’’

လုပ်ကုန်ပြီ အ၀င်းမတို့က တော့။ မျှစ်ဇလုံထဲကို လက်နဲ့ထိုး ဖွရင်းက အေးမြင့်မာအ၀င်းမဆီ ကို လှမ်းကြည့်မိအောင်ကြည့် လိုက်မိသေးတယ်။

အ၀င်းမက သနပ်ခါးနဲ့၊ ကာ ချယ်နဲ့။ ခင်မွှေးတို့တစ်တွေက တစ်ယောက်မှ သနပ်ခါးမပါကြ ဘူး။ ဒေါ်ကြီးသိန်းကတော့ လူ ကြီးမို့ထားပါတော့။ ဟို အပျိုလေး အရွယ်လေး မိမွှေးကလည်း မျက် နှာပြောင်နဲ့ အေးမြင့်မာတို့က တော့ ပြောစရာမလိုပါဘူး။ ယောက်ျားနဲ့ကွဲတဲ့ အကြောင်းရင်း တွေထဲမှာ ဒီသနပ်ခါးမလိမ်းတဲ့ အမှုပါတယ်။ မပြောလိုက်ချင် ဘူး။ ယောက်ျားတွေဟာ မိန်းမ တွေကို တော်တော်သနပ်ခါးလိမ်း စေချင်တယ်။ ဒါဖြင့်ထားပါလား လို့။ အိမ်မှာဇိမ်နဲ့နှပ်ပြီး နေရတဲ့ ဘ၀မျိုးမှာထားပါလားလို့။ မိုး မလင်းခင် မျက်နှာတောင်အနိုင် နိုင်သစ်ပြီး ပြေးရတဲ့ပျံကျဈေး သည်မဘ၀မှာ ဘာလို့ထားသေး တုံး။

‘‘နံနံပင် ပေးပါဦး’’

‘‘ဩော်...ယူလေမမ၊ အ ရိုင်းစည်းကြီးတွေ တစ်ကျပ်ပါ။ ကဲ ...မျှစ်ချိုနုလေးတွေ ဒီဘက်မှာ ပေါပေါလေး၊ နံနံပင်တွေ ပေါ ပေါလေး’’

‘‘အေးမြင့်မာ ဒေါ်ကြီးကို ကျပ်တန်တစ်ရွက်လောက်။ ဘာ ယူမလဲ ကလေး...ယူလေ’’

အေးမြင့်မာဆီက ကျပ်တန် တစ်ရွက်ကို ဈေးဝယ်သူငယ်လေး ဆီ လှမ်းအမ်းတုန်းသည်းခနဲဆူညံ ကြားလိုက်ရတော့ ဒေါ်ကြီးသိန်း တိတ်ခနဲဖြစ်ပြီး ရင်တွေတုန်လာ တယ်။ ဘာလဲဟဲ့။ ဩော် ... ငါး သည်တွေဘက်က ရန်ဖြစ်တာ။ ဘုရား...ဘုရား ခုတစ်လော ဘာ ဖြစ်မှန်းလဲမသိပါဘူး။ ရုတ်ရုတ် သဲသဲဆို ထိတ်လန့်ပြီးရင်တွေ တုန်၊ ဟာတာတာ မောတော တောကြီးဖြစ်ဖြစ်လာတယ်။ အ သက်ကြီးလာလို့ပဲ ထင်ပါရဲ့။ တကယ်တော့ ဒီအသံဗလံတွေ ကြားထဲမှာ ကိုယ်တစ်လျှောက် လုံးနေလာခဲ့တာပဲဟာ။ အင်း ... ဟာတာတာကြီးဖြစ်ဖြစ်နေတာ ဟာ အစားအသောက်ချွေလို့များ လား။ ဟုတ်..မထင်ပါဘူးလေ။ ကိုယ်ချွေတယ်ဆိုတာ အေးမြင့် မာတို့၊ မွှေးမွှေးတို့ မီမထင်ပါ ဘူး။ ငယ်ရွယ်သူတွေ ဘယ်ချွေ ချင်ကြပါ့မလဲနော်။ ဒါပေမဲ့ ချွေ ကြရတယ်။ မိသားစုတွေနဲ့၊ ၀င် ငွေနည်းနည်းလေးနဲ့၊ ကြွေးနဲ့ ဈေး နှုန်းနဲ့။ အ၀င်းမလေးလည်း ဒီလို ပဲ။

‘‘ဘူးသီးနုနုလေးတွေ၊ ခရမ်း ချိုသီးကြီးတွေကတော့ ဒီမှာနော်။ ဘူးသီးဟင်းခါးလေးချက်မလား၊ ခရမ်းသီးလေးနှပ်မလား’’

‘‘ဟေ့.. ကိုယ့်ချစ်ချစ်နဲ့ကျမှ ဟင်းစီစဉ်ဟေ့။ သူများတွေ လိုက်စီစဉ်ပေးမနေနဲ့။ နားငြီး တယ်’’

အ၀င်းမကို ခင်မွှေးမျက် စောင်းထိုးပစ်လိုက်တယ်။ နားငြီး ရင်နားပိတ်ထားဟေ့လို့ အသံစူး စူးနဲ့လည်း ပြန်အော်လိုက်တယ်။

ကုန်တွေပြင်နေတဲ့လက်က လည်း ခရမ်းသီးအပုပ်တစ်လုံးကို ဆတ်ခနဲဆွဲယူပြီး ဘေးကိုလွှင့်ပစ် လိုက်တယ်။ ဒီမှာလည်း တစ်လုံး။ ဟင်း .... ဟောဒီဆူးပုပ်ရွက်စည်း ကလည်း ပစ်ရပါပြီ။ ၀ါပြီး အကုန် ကြွေကျတော့မယ်။ ရက်ကြာ တော့ ရေကနာလာရော။ ကဲ... သွားပေရော့ ဆူးပုပ်ရွက်တစ် စည်း။ ဂေါ်ဖီရွက်တွေကလည်း အပြင်ကဟာတွေက ၀ါတောင် လာကြပြီ။ နွမ်းတာကလည်း မြန် လိုက်တာ။ ကုန်စိမ်းရောင်းရတာ များ အဲဒါစိတ်ညစ်တာ။ အရင် တုန်းကတော့ ဒီအနွမ်းတွေကို ကိုယ့်ဟာကိုယ် ပေါပေါချက်စား ပစ်တာပေါ့။ နွမ်းရင် ဈေးဝယ်က လည်း မကြိုက်ဘူး။ ခုတော့ ဈေး ၀ယ်ကလည်း အနွမ်းဈေးနဲ့ဝယ် တယ်။ ကိုယ်လည်း ချက်မစားနိုင် တော့ဘူး။

‘‘ခင်မွှေးရေ’’

‘‘ဘာလဲဟဲ့’’

အချက်ပေးတဲ့အသံနဲ့ခေါ် တဲ့ အ၀င်းမဆီကို ခင်မွှေးလှမ်း ကြည့်လိုက်တယ်။ အ၀င်းမမျက်စ သွားရာ ဒေါ်ကြီးသိန်းနဲ့အေးမြင့်မ တို့ဘေးမှာ၊ ဩော်...ဟိုလူကြီး လား၊ အသားမည်းမည်း၊ တုတ် တုတ်ခိုင်ခိုင်၊ မျက်နှာပေါက်ဆိုး ဆိုးနဲ့လူကြီးက အာလူးပုပ်တွေ၊  ကြက်သွန်ပုပ်တွေ၊ မျှစ်အခွံတွေ၊ အရင့်တွေ၊ နံနံပင်အနာတွေကို သူ့အိတ်မည်းကြီးထဲ ကျုံးထည့်နေ တယ်။ ဒေါ်ကြီးသိန်းနဲ့ အေးမြင့် မာတို့ လွှင့်ပစ်ထားတာတွေပေါ့။ သည်လို ဈေးနဲ့မှ မရောင်းရတော့ တဲ့ဟာတွေလေ။

လူကြီးက အ၀င်းမဘေးနား က အရွက်ပါလေကာ ချဉ်ပေါင် အရိပင်တွေနဲ့ ကန်စွန်းရိုးနီအရိ တွေကိုပါ ကျုံးထည့်နေပြန်တယ်။ ခင်မွှေးပစ်ထားတဲ့ ခရမ်းသီးပုပ်နဲ့ ဆူးပုပ်စည်းအ၀ါကြွေတွေ၊ ဂေါ်ဖီ ရွက်အ၀ါတွေရော။ လူကြီးက ခပ် တည်တည်ရယ်။ ဘယ်သူမှလည်း မကြည့်ဘူး။ ဒေါ်ကြီးသိန်းနဲ့လူ ကြီး ရွယ်တူလောက်ပဲထင်တယ်။ (၅၀)တော့ရှိရောပေါ့။

ခင်မွှေးတို့နားလာပြီးတာနဲ့ လူကြီးငါးသည်တွေဘက်ရောက် သွားပြီး ကြည့် ...ကြည့်၊ ငါးသည် တွေဘေးပုံထားတဲ့ ငါးအညစ်အ ကြေးတွေ၊ အကြေးခွံတွေကို ၀င် ကျုံးပြန်သည်။ ခင်မွှေးတို့တစ်တွေ သူ့ဆီကနေ မျက်နှာလွှဲလိုက်ကြ ရင်း တစ်ယောက်မျက်နှာတစ် ယောက် ဖျတ်ခနဲကြည့်မိကြ တယ်။ ပြီးတော့ ကိုယ့်အသံတွေ ကို ထုတ်လွှင့်အော်ဟစ်လိုက်ကြ ရင်း ဈေးရောင်းကြပြန်တယ်။

‘‘စိပ်ပုတီး...စိပ်ပုတီး...စိပ် ပုတီး’’

နှုတ်ခမ်းမွေးဖြူဖြူ၊ ဆံပင် ဖြူဖြူနဲ့ ပုတီးတွေရောင်းတဲ့အဘိုး ကြီးလာပြီ။ ဈေးဝယ်တွေကြားထဲ မှာ ပုတီးတွေ အတင်းလှုပ်ယမ်း ပြနေပေမယ့် ဘယ်သူကမှလည်း သိပ်မ၀ယ်ကြဘူးနော်။ ဟောဟို ဟာမလေးလည်း လာနေပြီဟေ့။ သတိထားကြ။ သခွားသီးတို့၊ သ ရက်သီးတို့၊ ဘာတို့ကို ဆိုးခနဲ ဆတ်ခနဲဆွဲယူစားပစ်တတ်တဲ့ စိတ်မနှံ့တနှံ့ကောင်မလေးပေါ့။ သနပ်ခါးပိန်းကျားနဲ့ ပါးစပ်ထဲက လည်း ဘာတွေလဲမသိ။ ပလုတ်ပ လောင်းဝါးလို့၊ သူ့ကြည့်ရတာ တစ်နေ့တခြားပိန်လိုက်လာသလို ပဲ။

‘‘သားတို့ သမီးတို့ မြေးတို့ ရယ် အဘိုးဟာလည်း အရင်တုန်း က ဒီဈေးထဲမှာ ဈေးရောင်းစားတဲ့ သူတစ်ယောက်ပါပဲ။ အခုတော့ အဘိုးအသက်(၈၆)နှစ်ရှိပါပြီ။ ဘာမှ မလုပ်နိုင်၊ မကိုင်နိုင်၊ မစား နိုင်တော့လို့ အဘိုးကို ကျွေးကြပါ ဦးကွယ်’’

ဒီအဘိုးရဲ့ တုန်တုန်ယင်ယင် ပြတ်တောင်းပြတ်တောင်းအသံ ကတော့ ကြားရသူတိုင်းကို စိတ် ထိခိုက်စေတယ်။ မေးစေ့နဲ့မြေ ကြီးနဲ့ထိမတတ်ကိုင်းနေရှာတဲ့ ခါး ကို တောင်ဝှေးနဲ့ဖေးမရင်း ဖြည်း ဖြည်းချင်းလျှောက်နေရှာတဲ့ အ ဘိုးရဲ့လည်ပင်းက လွယ်အိတ် ကလေးထဲကို ဘယ်သူဖြစ်ဖြစ် ပိုက်ဆံထည့်လိုက်ကြတာပဲ။ ဒေါ် ကြီးသိန်းဆို အဲဒီအဘိုးလာတိုင်း မျက်ရည်က တ၀ဲဝဲ။ အားကိုးအား ထားမရှိတဲ့ အပျိုကြီး တစ်ကိုယ် တည်းက ငါကြီးရင်လည်း ဒီလိုပဲ ဒီဈေးထဲမှာ လာရမလားမသိဘူး နော်တဲ့။

‘‘အ၀င်းမရေ ဗိုက်ဆာလိုက် တာဟယ်။ အိပ်လည်း အိပ်ချင် တယ်’’

ဒီလိုအချိန်ဆို ဂါထာလိုရွတ် နေကျ ခင်မွှေးရဲ့ညည်းညူသံကို အေးမြင့်မာက ထောက်ခံတယ်။ မနက်ကတည်းက ဘာမှ မစားရ သေးဘူးတဲ့။

‘‘အတိုင်းအဖောက်တော် တော်ညီနေကြ။ ကိုယ့်ခေါင်းပေါ် လည်း ကိုယ်ကြည့်ကြဦး။ ဒေဝေါ က မည်းလို့သည်းလို့’’

‘‘ဟဲ့..လာပြီဟဲ့... လာပြီဟဲ့’’

အ၀င်းမတောင် စကားမဆုံး သေးဘူး။ ရန်ကုန်မိုးပီသလိုက် တာ။ ဒေါ်ကြီးသိန်းရဲ့ ဖြစ်ကတတ် ဆန်း ပလတ်စတစ်အမိုးလေး အောက်ကို ခင်မွှေးတို့တစ်တွေ စုပြုံတိုးဝှေ့ပြီး မိုးခိုကြရတယ်။ ခင်မွှေးတို့၊ အ၀င်းမတို့ ကုန်စိမ်း တွေက ဘာအရေးလဲ။ မိုးမိတော့ လည်း ရေဆွတ်ပြီးသားဖြစ်တာ ပေါ့။ ဒေါ်ကြီးသိန်းကြက်သွန်တွေ ကသာ မိုးစိုမခံနိုင်တာ။

‘‘တိတ်ပါတော့ဟယ်၊ မိုးက လည်း။ ငါတို့ ထမင်းဆာနေပြီ’’

ဒေါ်ကြီးသိန်းအသံတိုးတိုး လိုပဲ အားလုံးဆီက အသံတွေ ထွက်လာကြတယ်။ ဈေးကွဲချိန် လေ။ ဈေးကွဲချိန်ဖြစ်သလို ထမင်း စားချိန်လည်း ဖြစ်တယ်။ ထမင်း စားပြီးရင် ဒီနားမှာပဲ တစ်ရေးတ မောအိပ်ပြီး ညနေဈေးကို စောင့် ကြရမယ်။

လောလောဆယ်ကတော့ ဒီ မိုးလေးတိတ်ရင် အားလုံးထမင်း စားကြဖို့ပဲ။

***

‘‘အ၀င်းမရယ် ထမင်းသွား ၀ယ်တာ အိမ်ထောင်များကျနေသ လားလို့အေ...’’

‘‘အောင်မယ်...နောက်ဆို ကိုယ့်ဘာကိုယ်သွားဝယ်ကြ။ ကျုပ်ဝယ်မခိုင်းကြနဲ့’’

‘‘မလုပ်ပါနဲ့အေ။ ညည်းက လည်း စိတ်မကောက်ပါနဲ့။ ညည်း ၀ယ်မှ ထမင်းကပိုရတာအေ့။ ခင် မွှေးမပြောပါနဲ့ဟဲ့’’

အေးမြင့်မာလက်ထဲက ထ မင်းထုပ်တွေကို ခင်မွှေးက မျက် စောင်းထိုးကြည့်လိုက်တယ်။ ဟုတ်တော့လည်း ဟုတ်တယ်။ ထမင်းသုံးကျပ်ဖိုးကို ကြွပ်ကြွပ် အိတ်အသေးလေးတစ်လုံး မပြည့် တပြည့်ရအောင် အ၀င်းမမို့ဝယ် နိုင်တာ။ ဒါပေမဲ့ ခင်မွှေးတော့ ဘယ်တော့ဖြစ်ဖြစ် မ၀ပေါင်။

ထမင်းဖြူထုပ်လေးတွေ ကိုယ်စီရှေ့ချရင်း ခင်မွှေးတို့တစ် တွေငြိမ်သက်နေကြတယ်။အ၀င်း မဆီက တံတွေးကို ဂလုခနဲမျိုချ သံထွက်လာတယ်။ ဆာလှပြီလေ’’ ဒါပေမဲ့ စားလို့မှမရသေးတာ။ ထမင်းပဲရှိပြီး ဟင်းမရှိသေးဘူး လေ။

‘‘ဟင်းထုပ်...ဟင်းထုပ်’’

ဟော...လာပြီဆိုတဲ့အသံ တွေ တညီတည်းထွက်သွားကြပြီး ခေါင်းတွေချာခနဲလည်သွားကြ တယ်။ ဟင်းထုပ်..ဟင်းထုပ်ဆို တဲ့ မာဆတ်ဆတ်အသံဟာ ပျံကျ ဈေးသူဈေးသားတွေအတွက် အင်မတန်သာယာနာပျော်ဖွယ်ရှိ တဲ့အသံ။ ဟိုမှာလာနေပါပြီ။ ဟင်းထုပ်ကလေးတွေအပြည့်နဲ့ ဆွဲခြင်းဆွဲထားတဲ့ ဟင်းထုပ်သည် လာနေပါပြီ။ ခင်မွှေးတို့တစ်တွေ ငါးကျပ်တန်အနွမ်းလေးတွေကို အဆင်သင့်ထုတ်ထားလိုက်ကြ တယ်။

‘‘ဒီကို လေးထုပ်’’

ခင်မွှေးတို့ရှေ့ကို ငါးကျပ် တန်ဟင်းထုပ်ပူပူနွေးနွေးလေး တွေရောက်လာတယ်။ မဆလာ နံ့တသင်းသင်းက ပျံကျဈေးတစ်ခု လုံးကိုတောင် ဖုံးသွားမတတ်ပဲ။ ပိုးစော်နံ ထမင်းကိုတော့အသာ လေးဖုံးနိုင်တာပေါ့။

ဟင်းထုပ်သည်ကို ဟိုကဒီ ကလှမ်းခေါ်ကြတယ်။ မရလိုက် မှာစိုးလို့။ ငါးကျပ်တန်ဟင်းဆို တာ ဘယ်မှာမှ မရနိုင်ဘူးလေ။

ဘယ်သူတွေက ဘယ် လောက်ပဲခေါ်ခေါ် အသားမည်း မည်း၊ တုတ်တုတ်ခိုင်ခိုင်၊ မျက် နှာပေါက်ဆိုးဆိုးနဲ့ အသက်(၅၀) လောက်ရှိတဲ့ ဟင်းထုပ်သည်လူ ကြီးက ဘာမှလည်း ပြန်မပြော၊ ပြန်မဆိုခပ်တည်တည်ပဲ။ မနက် တုန်းကလို ခပ်တည်တည်ပဲ။

ကြွပ်ကြွပ်အိတ်ထမင်းထုပ် ထဲမှာ ခင်မွှေးဆမ်းလိုက်တဲ့ ဟင်း ထဲက ငါးအကြေးခွံဖတ်လေးတွေ က ငရုတ်ဆီရောင်ဝင်းလို့။ ပြီး တော့ ခရမ်းသီးဖတ်တစ်ဖတ်၊ ထမင်းလုတ်ကို ဆုပ်လုဆဲဆဲခင် မွှေးလက်တွေ တွန့်သွားတယ်။ ခင်မွှေးကျမှာနော်...အို...ဘာ တွန့်စရာရှိလဲ။ ဆာလှပြီ။ ဟိုမှာ သူများတွေ စားနေလိုက်ကြတာ။

ထမင်းလုတ်ကို ပါးစပ်ထဲ သွင်းရင်း ရှေ့ကခရမ်းသီးပုံပေါ် ခင်မွှေးမျက်လုံးရောက်တယ်။ ပိုး ပေါက်ခရမ်းသီးပုပ်ထဲက တရွရွ ထွက်လာတဲ့ ပိုးလောက်ကလေး က ခင်မွှေးကို လှောင်ပြုံးပြုံးပြနေ သလိုပါပဲလား...။

🔲

နုနုရည် (အင်းဝ)

(၁၉၉၁ ကလျာမဂ္ဂဇင်း)