အလင္းမနက္ျဖန္

Zawgyi version
ု
အလင္းမနက္ျဖန္
္
      "မျဖစ္ႏိုင္ပါဘူး၊မျဖစ္ႏိုင္ေလာက္ပါဘူး"ဟု အႀကိမ္ႀကိမ္ စိတ္ေျဖအားတင္းရင္းက ကြၽန္ေတာ္ရင္ေတြ
တဒိတ္ဒိတ္ ခုန္လာသည္ ။ ဒီစိတ္ေၾကာင့္ ေသာကေရာက္၍ အိပ္ေရးပ်က္ခဲ့ရေသာ ညေတြ မ်ားလွေပၿပီ။ HIV ပဋိ ပစၥည္း ႐ွိ၊မ႐ွိ စစ္ေဆးသည့္ ကိရိယာအတံကေလး တြင္ ေပၚလာမည့္ အေျဖမ်ဥ္းမ်ားကို ေစာင့္ၾကည့္
ေနေသာ ကြၽန္ေတာ့္ မ်က္၀န္း အစံုက မ်က္ေတာင္ပင္ မခတ္မိ။ အသက္႐ွဴဖို႔ကိုပင္ ေမ့ ေလ်ာ့ေန၏။
ကၽြန္ ေတာ္ တစ္ကိုယ္လံုး ေခြၽးမ်ား ရႊဲစိုေနျပီး ေျခဖ်ားလက္ဖ်ားေတြ ေအးစက္လာသည္။ တျဖည္းျဖည္းႏွင္ ့.....
###################
       မႏၱေလးသို႔သြားရန္ ငွားထားေသာ ကားေပၚသုိ႔ ကြၽန္ေတာ့္အထုပ္ပိုးမ်ား တင္ခ်ိန္တြင္ ညီငယ္က ေျမႀကီး
ေပၚ လူးလွိမ့္၍ ငိုေတာ့ သည္။
"ကိုႀကီး မသြားရဘူး။ ကိုၾကီး မ႐ွိရင္ ညီေလးနဲ႔ ဘယ္သူက လာကစားေပးမွာလဲ။ ပံုျပင္ေတြ ဘယ္သူက
ေျပာျပမွာလဲ။ အီး....ဟီး....ဟီး...."
"သားငယ္က လိမၼာတယ္ေနာ္။ အေမ႐ွိတယ္ေလ။ ပံုျပင္ေတြ ညတိုင္းေျပာျပမွာေပါ့။ လာ အေမ့ဆီ "
ေျမႀကီးေပၚ လူးလိွမ့္ ငို ေနေသာ ညီေလးကို အေမက ေပြ ့ခ်ီသည္။
" ကိုႀကီးကဆရာဝန္ျဖစ္ဖုိ႔ စာသြားသင္ရမွာေလ။စေန၊ တနဂၤေႏြ ေန႔တိုင္း ျပန္လာမွာေလကြာ။ ညီ ေလး
အတြက္ မုန္႔ေတြ၊အ႐ုပ္ေတြ ၀ယ္ခဲ့မယ္။ ကိုႀကီး ကို ခ်စ္ ရင္ မငိုရဘူး။ တိတ္ေတာ့"
"တကယ္ေနာ္ ကိုႀကီး။ မညာရဘူးေနာ္။ လာ လက္သန္းခ်င္း ခ်ိတ္မယ္" ႏွာေခါင္း တရံႈ႕႐ႈံ႕လုပ္ၿပီး လက္သန္း
ကေလး ေကြးကာေပးလာ ေသာ ညီငယ္ကိုျကည့္၍ အေမေရာ ကြၽန္ေတာ္ပါ မ်က္ရည္ ေတြ က်ရသည္။ အိမ္ႏွင့္တစ္ခါမွ ခြဲ မအိပ္ဖူးေသာ ကြၽန္ ေတာ္ အတြက္ပါ အေမ မ်က္ရည္က်ဟန္တူသည္။ မႏၱေလး မွ အေဒၚအိမ္တြင္ လိမ္လိမ္မာမာ ေနဖို႔၊ က်န္းမာေရး ဂ႐ုစိုက္ဖို႔၊ စာႀကိဳးစားဖို႔ အေမ တတြတ္တြတ္ေျပာေနသည္မွာ ရြာမွ
ကားစထြက္သည့္အခ်ိန္ထိျဖစ္သည္။
      ကၽြန္ေတာ္ ႏွင့္ ညီေလးအတြက္ အေမသည္သာ အဖ၊ အေမသည္သာ အမိျဖစ္ခဲ့ရ၏။ ကၽြန္ေတာ္ကိုးတန္း၊ညီငယ္ ေလးတန္ းအရြယ္မွာပင္ ထင္မွတ္မထားေသာ ေလာကဓံ မုန္တိုင္း ၀င္ေရာက္တိုက္ခတ္ခဲ့၏။ `ေမာင္ျမသန္း လယ္ထြန္းရင္း ပိုးထိတာ.. လယ္ကြင္းထဲမွပဲ...´...ေဘးအိမ္က ဦးေမာင္သယ္ေဆာင္လာ ေသာ သတင္းဆိုးေနာက္တြင္ ကြၽန္ေတာ္ႏွင့္ ညီေလး၏အေဖကိုတၿပီး ငိုညည္းသံေတြက ကမၻာေျမ ပ်က္မတတ္ က်ယ္ေလာင္
သြားသည္။ အေမက ကြၽန္ေတာ္ ႏွင့္ညီေလးလက္ကို ခပ္တင္းတင္းဆုပ္ကိုင္ကာ မ်က္ေတာင္ပုတ္ခတ္ ပုတ္ခတ္လုပ္ၿပီး တုန္ယင္ေနေသာ စကားသံမ်ားအန္က် လာ၏။"သားတို႔မွာ အေမတစ္ေယာက္လံုး ႐ွိေသးတယ္ေလ။မငိုနဲ႔ တိတ္ၾကေတာ့၊ အေမ႐ွိပါေသးတယ္..အေမ႐ွိပါေသးတယ္ ကြယ္..."
      အေဖဆံုးသြားခ်ိန္တြင္ အေမ့အသက္မွာ ေလးဆယ္သာ ႐ွိ ေသးေသာ္လည္း ေနာက္အိမ္ေထာင္ မထူဘဲ လယ္ မ်ားအားလံုးေရာင္း၍ရြာ၌ပင္ ကုန္စံုဆိုင္ဖြင့္ကာ ကြၽန္ေတာ္ႏွင္ ့ညီေလးကို လူတန္းေစ့ေအာင္ ထားခဲ့
သည္။ ကြၽန္ေတာ္သည္လည္း အစ္ကိုၿကီး အဖရာဆိုသလို ညီငယ္အေပၚ ဖခင္လို တစ္မ်ိဳး ခ်စ္ခင္ၾကင္နာရၿပီး ၊အစ္ ကိုလိုတစ္သြယ္ အျမတ္တႏိုးထား ျပဳစုပ်ိဳး ေထာင္ရ၏။ အေပါင္းအသင္း နည္းေသာ ညီငယ္အတြက္
ကၽြန္ေတာ္သည္ သာ ကစား ေဖာ္သူငယ္ခ်င္းျဖစ္ခဲ့ရသည္။ ငယ္ငယ္ကတည္ းက ညီငယ္ႏွင့္ကၽြန္ေတာ္က
အိပ္ရာ တစ္ကုတင္တည္း တူတူအိပ္ၾကသည္။ အိပ္ရာ၀င္တိုင္း ညီငယ္ကို သံုးဆယ့္႐ွစ္ ျဖာ မဂၤလာ ပံုျပင္မ်ား၊ လိမၼာေရးျခားပံုျပင္မ်ား ေျပာျပရသည္။
############
      မႏၱေလး ၿမိဳ႕ႏွင့္ ကၽြန္ေတာ္ေနထိုင္ရာ ေက်ာက္ဆည္ ၿမိဳ႕နယ္ အင္ေရာင္းရြာက ဆိုင္ကယ္ႏွင့္ဆို တစ္နာရီေက်ာ္ ေက်ာ္ ေမာင္းရသည္။ ေက်ာင္းပိတ္ရက္အိမ္ျပန္တိုင္း ညအိပ္ရာ၀င္ ပံုျပင္ေတြ အစား ကၽြန္ေတာ္ ့
တကၠသိုလ္ေက်ာင္းသား အေတြ႔အၾကံုေတြက ညီငယ္ နားေထာင္စရာ ျဖစ္ လာခဲ့၏။ ကၽြန္ေတာ္ ဘြဲ႔ရ၍ ရြာ၌ပင္ ေဆး ခန္းျပန္ဖြင့္သည့္အခါ ညီငယ္က ေက်ာက္ဆည္နည္းပညာ တကၠသိုလ္ ပထမႏွစ္ သို႔ တတ္ေရာက္
ေနေပၿပီ။
"ညီေလး အေဆာင္မွာေနရတာ အဆင္ေျပလား ။ေရာ့... တစ္လစာမုန္႔ဖိုးနဲ႔ မုန္႔ေတြ"
"ေျပေတာ့ေျပပါတယ္ကိုႀကီးရာ။ ညီက အစ္ကိုႀကီးေက်ာင္းၿပီးတာနဲ႔ မိသားစုသုံးေယာက္အတူတူေနရၿပီလို႔
ေတြးေနတာဗ်"
      ကြၽန္ေတာ္ေပးသည့္ မုန္႔ဖိုးႏွင့္ မုန္႔ေတြကို လွမ္းယူလိုက္သည့္ ညီငယ္၏မ်က္ဝန္းတြင္ မ်က္ရည္ေတြဝိုင္းလာသည္ ။
"အာ...ညီေလးကလဲ ေပ်ာ္ရာမွာမေနရ ေတာ္ရာမွာေနရတဲ့။ ကိုႀကီးတုန္းကဆို အိမ္နဲ႔ေျခာက္ႏွစ္ေတာင္ ခြဲေနရတာပဲ။ ၾကာရင္ေနတတ္သြားမွာပါ"
"ဒါေတာ့ ဒါေပါ့ဗ်ာ ညီ အိမ္ကိုလြမ္းတယ္ဗ် "
"ေအးပါ။ ေက်ာင္း ပိတ္၇က္ ျပန္လာေခၚမယ္။ စာႀကိဳးစား ။ကိုႀကီး ေဆးဝယ္ရဦးမွာမို႔ သြားေတာ့မယ္ "
"ဟုတ္...ကိုႀကီး။အေမ့ကို က႐ုစိုက္ဦး။ ဆိုင္ကယ္ျဖည္းျဖည္းေမာင္းဦး"
###############
      အေမ့က်န္းမာေရးကို ေစာင့္ေရွာက္ ရန္ႏွင့္ ညီငယ္ကို ျပဳစုပ်ိဳးေထာင္ေပးရန္ အစိုးရအလုပ္၀င္ခြင့္ စာေမးပြဲကို ၀င္မ ေျဖျဖစ္ခဲ့ေပ။ ကြၽန္ေတာ္ အသက္႐ွင္ေနစဥ္ ကာလတြင္ အ ေမႏွင့္ ညီငယ္အတြက္ ျမင္းမိုရ္ေတာင္ မျဖစ္ႏိုင္ရင္ေတာင္ မားမားမတ္ မတ္ ရပ္တည္ ကာကြယ္ ေပးႏိုင္ေသာ ေတာင္ပူစာ တစ္လံုးျဖစ္ဖို႔ ႀကိဳးစားရ
ေပမည္။
"သားငယ္..မင္းက တကၠသိုလ္ ဒုတိယႏွစ္႐ွိေသး။ ရည္းစား ေတြ ထည္လဲတြဲ ေနတယ္ဆို"
       အေမက ကြၽန္ေတာ္တို႔ ညီအစ္ကိုႏွစ္ေယာက္အတြက္ ေကာ္ဖီ ေဖ်ာ္ေပးရင္း ေက်ာင္းပိတ္ရက္တြင္ အိမ္သုိ႔
ျပန္လာေသာ ညီငယ္ကို ေမးလာသည္။
"ဟဲ့။ ဖုန္းထဲ ေခါင္းဝင္ေတာ့မယ္။ ဂိမ္းေဆာ့တာရပ္ၿပီး အေမေမးတာေျဖဦးေလ"
"ဟင္း....ႏိုင္ခါနီးမွ အေမ့ေၾကာင့္႐ံႈးသြားၿပီ။ အဲဒါေကာလာဟလ ေတြပါအေမရာ။႐ိုး႐ိုးသားသား ခင္ျကတာပါ" "ေအး အဲဒါဆိုလည္းၿပီးေရာ။ သူမ်ားသားသမီးကို လက္မထပ္ ရေသးခင္ ကိုယ့္ေမာင္ႏွမလို သေဘာထား။
ဘာသတင္းဆိုးမွ အေမ မၾကားခ်င္ဘူး ေနာ္"
"ဟုတ္။ သားက မိန္းမ မယူေသးဘူး။ အေမနဲ႔အကိုႀကီးကို လုပ္ေကြၽးဦးမွာဗ်။ အဲ... အေမ။ ေညႇာ္နံရတယ္"
"ဟုတ္ပါရဲ႕ေတာ္။ သားငယ္ကို ဆံုးမေနရတာနဲ႔ ဆြမ္းေလာင္းဖို႔ ခ်က္ ထားတဲ့ဟင္းေတာ့ တူးပါၿပီ" အေမက သူ၀ဖိုင့္ဖိုင့္ ခႏၶာကိုယ္ကို မႏိုင္မနင္းသယ္ၿပီး မီးဖိုဆီေျပးသြားသည္။
#########
      တကၠသိုလ္ ဒုတိယႏွစ္ေျဖခါနီးတြင္ ညီငယ္က အိမ္သုိ႔႐ုတ္တရက္ျပန္လာသည္။ အိမ္ထဲဝင္ဝင္ခ်င္း
အက်ႌခြၽတ္ၿပီး "ကိုႀကီး ညီေလးခါးမွာ အရည္ၾကည္ဖုေတြ အမ်ားႀကီးပဲ ဘာျဖစ္တာလဲ မသိဘူး"
ကြၽန္ေတာ္ ထိုင္ရာမွထ၍ ညီငယ္ကိုၾကည့္ေပးရသည္။
"ေအာ္ ဒါ ေရယံုခါးပတ္(Herpes Zoster)ေတြကြ စာေမးပြဲနီးၿပီး စိတ္ပင္ပန္းရင္ ေပါက္တတ္တယ္ "
".ညီက ေၾကာက္လို႔ ေက်ာင္းပ်က္ၿပီး အိမ္ျပန္လာျပတာ။ ဘာမွ မျဖစ္ပါဘူးေနာ္ "
"မစိုးရိမ္နဲ႔ ေသာက္ေဆးလိမ္းေဆးနဲ႔ေပ်ာက္တယ္"
      စားေမးပြဲ ေျဖျပီး၍အိမ္သုိ႔ ျပန္လာခ်ိန္တြင္ ညီငယ္က ဖ်ားၿပီးေခ်ာင္းဆိုး လာျပန္ သည္။
"ငါ့ညီေလး ေရာဂါေတြ တစ္မ်ိဳးၿပီး တစ္မ်ိဳး ျဖစ္ေနတာ။ ေလးလံုးေရာဂါ ၀င္ေနၿပီထင္ တယ္ ဟဲဟဲ"
"ျဖစ္ပါလိမ့္မယ္ အားႀကီးႀကီး။ ညီေလးက ဒါေတြ ကင္း႐ွင္ းတယ္။ ဆံပင္ညႇပ္ရင္ေတာင္ သူတို႔ကို စိတ္မခ်လို႔ ညီဘာသာ ဓားယူသြားတာ ဟြန္း"
      စူပုပ္ပုပ္မ်က္ႏွာႏွင့္ စိတ္ဆိးုဟန္ ဟန္ေဆာင္ေနေသာ ညီငယ္ကို မုန္႔ဖိုးေပး၍ ေခ်ာ့ရသည္။ ညီငယ့္ ေခ်ာင္းဆိုးျခင္းက ေဆးေသာက္တုန္း ခဏ ေပ်ာက္ၿပီး မၾကာခဏျပန္ ျဖစ္လာ၏။ ညီငယ္က အစားအေသာက္ မပ်က္ပါဘဲႏွင့္ တျဖည္းျဖည္းပိန္လာၿပီး ညီ ငယ္လက္ေပၚတြင္ ယားနာဖု အမည္းေလးမ်ားေပါက္လာေသာအခါ ထိုေရာဂါမ်ား ျဖစ္ ေနမလားဟု ကြၽန္ေတာ္ သံသယ ၀င္မိသည္။
"ညီေလးေရ ဒီကိုလာဦး "
       ေဆးဗီ႐ိုထဲမွ ငွက္ဖ်ားစစ္ကိရိယာအတံေလးကိုထုတ္ၿပီး အေမ့ကို ေဈးေရာင္းကူေနသည့္ ညီငယ္ကို ေခၚရသည္။
"မင္းခဏခဏ ဖ်ားေနတာ။ ငွက္ဖ်ားပိုးစစ္ရေအာင္လို႔ ေခၚလိုက္တာ"
"မစစ္ခ်င္ဘူး။နာမယ္ေၾကာက္တယ္ကိုႀကီးရ "
"မနာဘူးပါဘူးကြ ။လာ ဒီကုတင္ေပၚအိပ္""
      ငွက္ဖ်ားပိုးစစ္ရန္ လက္ထိပ္မွ ေသြးအနည္းငယ္သာ ေဖာက္ရန္လိုေသာ္လည္း မ်က္စိမွိတ္၍အံႀကိတ္ထားေသာ ညီငယ္ေသြးျပန္ေၾကာထဲမွ ေသြးဝမ္းစီစီ စုပ္ယူလိုက္သည္။
"ငွက္ဖ်ားစစ္တာ ဆယ့္ငါးမိနစ္ေလာက္ၾကာမယ္။ ကိုႀကီးဖုိ႔ အေအးတစ္ပုလင္း သြားယူဦး"
       ညီငယ္ထြက္သြားသည္ႏွင့္ ငွက္ဖ်ားစစ္သည့္ ကိရိယာအတံထဲေရာ ေဆးဘူးေတြၾကားမွာ ႀကိဳတင္ဝွက္ထားသည့္ HIVပဋိပစၥည္းရွိ မရွိ စစ္သည့္ ကိရိယာအတံထဲေရာ ေသြးစက္ခ်လိုက္ၿပီး လိုအပ္သည့္ ေဆးရည္
ေတြ တစ္စက္ခ်င္းေပါင္းထည့္လိုက္သည္။
      တျဖည္းျဖည္းႏွင့္ HIV 1ဆိုသည့္ မ်ဥ္းတြင္ အနီေရာင္လိုင္းက ထင္႐ွားလာ၏။ ကြၽန္ေတာ့္တစ္ကိုယ္လံုး အားအင္ေတြ ကုန္ဆံုးသြားသလို ခံစားရသည္။ကုလားထိုင္ ေပၚ ေျခပစ္လက္ပစ္ ထိုင္ခ်လိုက္သည္။
"ကိုႀကီးဘာျဖစ္လို႔လဲ။ ညီေလးမွာ ငွက္ဖ်ားပိုးေတြ႔လို႔လား" ညီငယ္က အေအးပုလင္းေပးၿပီး သူသိခ်င္ေသာ
အ ေျဖအတြက္ ေမးခြန္းဆက္တိုက္ ေမးလာခဲ့သည္။
"ကိုႀကီး။ ညီေလးမွာ ငွက္ဖ်ားပိုးေတြ႔လို႔လားလို႔"
"မဟုတ္ပါဘူးကြာ။ ကိုႀကီး ေခြၽးထြက္မ်ားၿပီး ေခါင္းမူးသြားတာကြ။ငါ့ညီမွာ ငွက္ဖ်ားပိုးေတာ့ မေတြ႔ဘူး။ ေကာင္မေလးေတြ ၾကည္တဲ့ ေစာ္ၾကည္ပိုးေတြ႕တယ္ကြဟား......ဟား....."
"ဟာဗ်ာ။ အစ္ကိုႀကီးကလည္း"
       ညီငယ္မ်က္၀န္းႏွင့္ ဆန္႔က်င္ဘက္ျဖစ္ေသာ အိမ္ နံရံကို ၾကည့္ၿပီး ကြၽန္ေတာ္၏ စိ တ္ခံစားမႈကို ဟာသ
စကားျဖင့္ ဖံုးကြယ္လိုက္၏။ စိတ္ထဲတြင္ တိတ္တဆိတ္စကားေတြ ဆိုေနမိသည္။ `ေအာ္..ကံဆိုး႐ွာတဲ့ ငါ့
ညီေလး။ ငါ့ညီမွ ဒီ ေရာဂါလာျဖစ္ရတယ္လို႔။ ကိုႀကီးရင္ေတြ ပူလွပါၿပီ။ အေမနဲ႔ ညီေလးကို ဘယ္လို ဖြင့္ေျပာရမလဲကြာ။အို.....ငါ ဒီလို ေသခ်ာေပါက္ေတြးလို႔လဲ မျဖစ္ေသးပါဘူး။ငါၿကိဳတင္ စီစဥ္ ထားတဲ့ အတိုင္း ဆက္လုပ္ရမွာပဲ။ တစ္ခါတေလ ဒီကိရိယာက အေျဖမွားေတြ ထြက္တတ္တာပဲ။ မႏၱေလး ကဓါတ္ခြဲခန္း ေကာင္းေကာင္းမွာ သြားျပန္စစ္ရမယ္။ ဟုတ္ တယ္။ငါ့ညီမွာ ဒီေရာဂါ လံုး၀မ႐ွိႏိုင္ဘူး´
######%##%###
      "ညီေလးဓာတ္မွန္က ဘာေရာဂါမွ မေတြ႕ဘူးဆိုၿပီး ညီက ဘာျဖစ္လို႔ ေခ်ာင္းခဏခဏ ဆိုးေနတာလဲ
ကိုႀကီး"
"ရြာမွာ ဖုန္မႈန္ ့ ေပါလို႔ေနမွာ။ ေဆးေသခ်ာေသာက္ရင္ ေပ်ာက္သြားမွာပါ "
     ကၽြန္ေတာ့္စကားသံက မုသားအျဖဴေၾကာင့္ အနည္းငယ္ တုန္ယင္သြားသည္။ ညီငယ္ႏွင့္အတူမႏၱေလးသို႔ သြားၿပီး ညီငယ္ေခ်ာင္းခဏခဏ ဆိုးလာျခင္းကို တီဘီေရာဂါပိုးမ်ား ဝင္ေနၿပီလားဟုစိုးရိမ္၌ ဓာတ္မွန္ ၇ိုက္ၿပီး
ေသြးစစ္ရသည္။ မႏၱေလး ၿမိဳ႕မွ အေဒၚအိမ္တြင္ တစ္ညအိပ္ၿပီး ညီငယ့္ကို မႏၲေလးေတာင္ႏွင့္ ကုသိုလ္ေတာ္ဘုရားသုိ႔ လိုက္ပို႔ေပးျဖစ္၏။
      အိိိမ္သို႔ျပန္လာရာ လမ္းတြင္ ဆိုင္ကယ္ ေမာင္းရင္း ညီငယ္ႏွင့္ ေရာက္တတ္ရာရာ စကားမ်ားေျပာျဖစ္
ၾကသည္။
"ညီေလး၊မင္းသယ္ခ်င္း ေတြထဲမွာ ေဆးခ်ေဆးစြဲ ေနတဲ့လူ႐ွိလား"
"မ႐ွိပါဘူး အစ္ကိုႀကီးရာ။ဘာျဖစ္လို႔လဲ"
"ဒီအတိုင္းေမးတာပါ။ငါ.ညီေလး လူေပါင္းမွားမွာစို႔လို႔။ဒါနဲ႔ ငါ့ညီ ေကာင္မေလးေတြနဲ႔ က်ဴးလြန္ ဘူးလား"
"ႏိုး..ကိုႀကီး၊ ညီက ညီခ်စ္သူအေပၚ စည္းေစာင့္တယ္။ခ်စ္ သူကိုေတာင္ အလြန္ဆံုး နမ္းရံုပဲ"
"ေအးပါ အိမ္နဲ႔ေဝးေနေတာ့ ကိုယ့္ဘာသာ အေကာင္းအဆိုး ေဝဖန္သုံးသပ္ၿပီး လိမ္လိမ္မာမာေန"
"ဟုတ္ကဲ့ ကိုႀကီး"
       ညီငယ့္စကားေတြကို ကြၽန္ေတာ္ အႂကြင္းမဲ့ယံုၾကည္ လိုက္ခ်င္ေသာ္လည္း ဓာတ္ခြဲခန္းမွ ေသြးစစ္ခ်က္
မ်ားက.......
###%####
"ညီေလးေရ၊ မင္းဖုန္းလာေနတယ္"
"ညီေလးက သည္မွာကိုႀကီးရ မ႐ိုမေသ ဖုန္းယူလာေပးဦး"
      ေရခ်ိဳးခန္းထဲမွ ညီငယ္ ေအာ္သံေၾကာင့္ ဖုန္းကိုယူၿပီး ညီငယ္ဆီ သြားရသည္။ မွန္ၾကည့္ၿပီး မုတ္ဆိတ္
ရိတ္ေနေသာ ညီငယ္လက္ထဲက မုတ္ရိတ္တံမွ ေဆးနီအမွတ္သားကို ကြၽန္ေတာ္ျမင္သြားသည္။ စိုးရိမ္ပူပန္မႈ
မ်ားက အထြတ္အထိပ္ သို႔ ေရာက္သြား၏။
"ညီေလး။ ငါ့မုတ္ဆိတ္ရိတ္တံ ယူသံုးတာလား"
"ဟုတ္..ကိုႀကီးအခန္းထဲက ယူလာတာ"
"ဓားေျပာင္းသံုးေသးလား။ ဒါတစ္ေယာက္သံုးဆိုတာ မသိဘူးလား"
ၠ"ဟီး..ပ်င္းလို႔ မေျပာင္းခဲ့ဘူး။ ကိုႀကီးကလည္း ညီအစ္ကိုခ်င္း ေတြကိုး"
"ေအး..ညီအစ္ကိုရင္းလို႔ေျပာဦးကြာ။ ခြပ္.."
       ကြၽန္ေတာ္ ေဒါသတၿကီး ေအာ္ ဟစ္ၿပီး ညီငယ့္ပါးကို ထိုးခ်လိုက္သည္။ ကြၽန္ေတာ့္ကို ၾကည့္လာေသာ ညီငယ္မ်က္ ၀န္းမ်ားက ၀ိုင္းစက္ျပဴးက်ယ္လ်က္။ ညီငယ္ပါးျပင္တြင္ မ်က္ရည္ေတြ စီးက်လာ၏။ အေမက ေစ်းဆိုင္ထဲမွ ကြၽန္ ေတာ္တို႔ဆီ ေျပးလာသည္။
"ဟဲ့..ဘာျဖစ္ၾကတာလဲ။ အေမရင္ေတြတုန္လိုက္တာကြယ္။ သားငယ္ ဘာျဖစ္တာလဲ ေျပာစမ္း"
"အီး..ဟီး..ဟီ...အကိုႀကီးက သူ႔ မုတ္ဆိတ္ ရိတ္ဓားကို ယူသံုးလို႔တဲ့။ သားျဖင့္ ဟိုး အရင္ကတည္းက ကိုႀကီး
ဓားေတြနဲ႔ ရိတ္ေနက်ကို။ အီး..ဟီး..ဟီး..."
"အမေလး သားႀကီးရယ္။ ဘာမ်ားျဖစ္လို႔လဲလို႔။.ညီအစ္ကိုရင္း ေတြပဲ ဒီေလာက္ထိ ျဖစ္စရာလား"
"မသိဘူးဗ်ာ။ ကၽြန္ေတာ့္ပစၥည္းေတြ ယူသံုးတာ မႀကိဳက္ဘူး။ မင္းလည္းမွတ္ထား ။ ဒါေနာက္ဆံုးအႀကိမ္ ျဖစ္ပါေစ"
       ညီငယ့္ဆီမွ မုတ္ဆိတ္ ရိတ္ဓားကို ဆြဲယူၿပီး ကြၽန္ ေတာ့အခန္းဆီသို႔ ေျပး၀င္ကာ အခန္းတံခါးကို ေဆာင့္
ပိတ္ လိုက္သည္။
###########
      စာၾကည့္ဗီ႐ိုအံဆြဲေအာက္ဆံုးမွ စာရြက္ႏွစ္ရြက္ ထုတ္ၾကည့္ရင္း ကြၽန္ေတာ့အေတြးေတြက အလုပ္သင္ ဆရာဝန္ဆင္းခဲ့စဥ္ အေဒၚခင္ပြန္း ဝမ္းေလွ်ာ၍ ဆလိုင္းပုလင္း ခ်ိတ္ေပးခဲ့ရသည့္ ညတစ္ညသုိ႔ ေရာက္ရွိသြားသည္။ ဦးေလးက လက္တြန္႔လိုက္၍ အပ္က ကၽြန္ေတာ့္လက္ထိပ္ကို ျပန္ စူးခဲ့သည္။ ဦးေလးလည္း လူေကာင္းပါပဲ ဘာေရာဂါမွ မ႐ွိ ေလာက္ပါဘူးဟု ေပါ့ေပါ့တန္တန္ ေတြးခဲ့ၿပီး လူနာထိုးသည့္အပ္ ႏွွင့္ မေတာ္တဆ စူးခဲ့မိလ်င္ ေရာဂါ မကူး ေစရန္ ကာကြယ္ေပးသည့္ အေရးေပၚ ကာ ကြယ္ေဆးမ်ား မ ေသာက္ ျဖစ္ခဲ့ေပ။ဦးေလးက အဖ်ားတာ႐ွည္ၿပီး ေဆးရံုတတ္ရသည္။ ဦးေလးေရာဂါက HIVဆိုတာ သိသည့္အခ်ိန္တြင္ လူတစ္ ေယာက္ကို
အျမင္ႏွင့္ ဆံုးျဖတ္ခဲ့မိသည့္ မိမိအမွားအတြက္ ေနာင္တရလာ၏။ "အေမနဲ႔မင္းကို စိတ္ဆင္ ရဲမွာဆိုးလို႔
ကိုျကီးမွာေရာဂါ ႐ွိတာ ဖြင့္မေျပာျဖစ္ခဲ့တာ။ ေတာက္.....အခုေတာ့ အဲဒီ မပြင့္လင္းမႈနဲ႔ နေမာ္နမဲ့ႏိုင္တဲ့ ကိုႀကီးအက်င့္ ေၾကာင့္ ငါ့ညီကို ဒီေရာဂါကူး စက္ခဲ့ျပီ။ကိုႀကီး ေတာင္းပန္ပါတယ္ညီ ေလးရာ.... အီး..ဟီး..ဟီးး"
   ကြၽန္ေတာ္အျမင္ေတြ တျဖည္းျဖည္းေဝဝါးလာ၏။ စာရြက္ႏွစ္ရြက္ေပၚမွHIV antibodies+ဆိုသည္႔ေနရာ
တြင္ မ်က္ရည္ေတြ စြတ္စိုကုန္သည္ ။ "သားလည္း ဆရာ၀န္တစ္ေယာက္ပဲ။ စိတ္ဓာတ္က်မသြားနဲ႔။ ျပဳျပင္လို႔မရေတာ့တဲ့ အမွားကို လက္ခံၿပီး အေကာင္းဆံုး ရင္ဆိုင္ႏိုင္ဖို႔ပဲ ေတြးေတာ့။ ငယ္ငယ္ရြယ္ရြယ္နဲ႔ ေသဆံုးသြားတဲ့လူေတြ၊ ေရာဂါေၾကာင့္ အိပ္ရာထဲ လဲေနရတဲ့လူေတြ၊ က်န္းမာပါလ်က္ လူ႔ေလာက ကို ေကာင္းက်ဳိးမျပဳဘဲ ဘ၀ေသေနတဲ့လူေတြနဲ႔ သားဘဝကိုႏႈိင္းယွဥ္ၾကည့္။ သားတတ္ထားတဲ့ ေဆးပညာနဲ႔ လူ႔ေလာကကို အက်ဳိးျပဳစမ္းပါ ။အခု ART(ပိုးထိန္းေဆး) ေတြေပၚေနၿပီပဲ။ သားမွာ အသက္ ဆက္႐ွင္ခ်င္ စိတ္႐ွိဖို႔ပဲလိုတယ္။ သား
အသက္႐ွင္ခ်င္စိတ္ ႐ွိသေလာက္ ART ေဆးေတြရဲ႕ အကူအညီနဲ႔ လူေကာင္းတစ္ ေယာက္လို ေနႏိုင္မယ္။
အာဟာရ ျပည့္ေအာင္စားၿပီး ျပင္ပေရာဂါပိုးေတြ ၀င္လာရင္ ပိုးသတ္ေဆး ခ်က္ခ်င္းေသာက္။သားက ဆရာ၀န္ဆိုေတာ့ တျခားလူေတြကို မကူးေအာင္ ကရဳစိုက္ရမယ့္အျပင္ သားကိုယ္တိုင္လည္း ေနာက္ထပ္ ဒီေရာဂါပိုးရႏိုင္
မယ့္ အျပဳအမူေတြကို ေ႐ွာင္က်ဥ္ရမယ္။ သားအသက္႐ွင္ေနတဲ့ အေတာအတြင္း သားမိသားစုကို စိတ္ခ်လက္ခ် ထားခဲ့ႏိုင္ ေအာင္ အတတ္ႏိုင္ဆံုးႀကိဳးစားေပါ့ကြာ" ကြၽန္ေတာ့္ေသြးစစ္ခ်က္၌ ေရာဂါပိုးေတြ႔ခဲ့စဥ္ အား ေပးစကားေျပာခဲ့ေသာ ဆရာ ဦးထြန္းထြန္း၀င္း ၏စကားသံေတြ ကို တစိမ့္စိမ့္ၾကားေယာင္လာျပီး ရင္တြင္းမွ တစ္ဆို႔ဆို႔ေဝဒနာက တျဖည္းျဖည္း ေပ်ာက္ကြယ္သြားသည္။ ဆရာ့စကားေတြကို ေမ့ေလ်ာ့ေနသည့္ ကိုယ့္ကိုယ္သူ
အျပစ္တင္မိ၏။
      ရခဲလွသည္ ့လူ႔ဘ၀တြင္ ညီငယ္ အသက္ဆက္႐ွင္သန္စိတ္႐ွိဖို႔ ၊ခိုင္မာ ေသာ စိတ္ဓာတ္စြမ္းအင္ေတြ ျပည့္၀ ေစဖို႔၊ ကုသိုလ္တရားေတြျပဳလုပ္ႏိုင္ဖုိ႔ ကြၽန္ေတာ္ တြင္ တာဝန္အျပည့္ရွိသည္ ။ညီငယ္ကို နားလည္ေအာင္
ရွင္းျပရမည္ ။အေမ့ကိုလည္း နားလည္ လက္ခံအားေပးႏိုင္ဖို႔ူ ႀကိဳးစားရွင္းျပၿပီး အမွတ္တမဲ့မွ ေရာဂါမကူး
စက္ေစဖုိ႔ ကြၽန္ေတာ္ ကာကြယ္ရေပမည္ ။
       လက္ရွိအေျခအေနကို လက္ခံၿပီး လူျဖစ္ရျခင္းအဓိက ရည္ရြယ္ခ်က္ကို စဥ္းစားလိုက္သည့္အခါ
ရင္တြင္းမွ ပူပန္မႈမ်ားက ေပ်ာက္ကြယ္သြား၏။ ဆက္ေလ်ွာက္ရမည့္ အနာဂတ္ လမ္းမ်ား အတြက္ အားအင္
အသစ္ေတြက ကၽြန္ေတာ္႔ ေသြးေၾကာထဲ လွည့္ပတ္ စီးဆင္းလို႔ လာသည္။ ဆရာဝန္တစ္ေယာက္ အေနျဖင့္လူထုၾကားတြင္ HIVေရာဂါ မပ်ံ႕ႏွံ႔ ေစရန္ႏွင့္ ေရာဂါျဖစ္ေနသူမ်ားအား ေဖးမကူညီၿပီး စိတ္ဓာတ္ျမႇင့္တင္အားေပးရန္ ကြၽန္ေတာ္မွာ တာဝန္ ႐ွိ ေပေတာ့သည္။

ဟမ္စိုင္း( ေဆး\မန္း)
Health for all magazine,2014,october

Unicode version

အလင်းမနက်ဖြန်

      "မဖြစ်နိုင်ပါဘူး၊မဖြစ်နိုင်လောက်ပါဘူး"ဟု အကြိမ်ကြိမ် စိတ်ဖြေအားတင်းရင်းက ကျွန်တော်ရင်တွေ
တဒိတ်ဒိတ် ခုန်လာသည် ။ ဒီစိတ်ကြောင့် သောကရောက်၍ အိပ်ရေးပျက်ခဲ့ရသော ညတွေ များလှပေပြီ။ HIV ပဋိ ပစ္စည်း ရှိ၊မရှိ စစ်ဆေးသည့် ကိရိယာအတံကလေး တွင် ပေါ်လာမည့် အဖြေမျဉ်းများကို စောင့်ကြည့်
နေသော ကျွန်တော့် မျက်ဝန်း အစုံက မျက်တောင်ပင် မခတ်မိ။ အသက်ရှူဖို့ကိုပင် မေ့ လျော့နေ၏။
ကျွန် တော် တစ်ကိုယ်လုံး ချွေးများ ရွှဲစိုနေပြီး ခြေဖျားလက်ဖျားတွေ အေးစက်လာသည်။ တဖြည်းဖြည်းနှင့်.....
###################
       မန္တလေးသို့သွားရန် ငှားထားသော ကားပေါ်သို့ ကျွန်တော့်အထုပ်ပိုးများ တင်ချိန်တွင် ညီငယ်က မြေကြီး
ပေါ် လူးလှိမ့်၍ ငိုတော့ သည်။
"ကိုကြီး မသွားရဘူး။ ကိုကြီး မရှိရင် ညီလေးနဲ့ ဘယ်သူက လာကစားပေးမှာလဲ။ ပုံပြင်တွေ ဘယ်သူက
ပြောပြမှာလဲ။ အီး....ဟီး....ဟီး...."
"သားငယ်က လိမ္မာတယ်နော်။ အမေရှိတယ်လေ။ ပုံပြင်တွေ ညတိုင်းပြောပြမှာပေါ့။ လာ အမေ့ဆီ "
မြေကြီးပေါ် လူးလှိမ့် ငို နေသော ညီလေးကို အမေက ပွေ့ချီသည်။
" ကိုကြီးကဆရာဝန်ဖြစ်ဖို့ စာသွားသင်ရမှာလေ။စနေ၊ တနင်္ဂနွေ နေ့တိုင်း ပြန်လာမှာလေကွာ။ ညီ လေး
အတွက် မုန့်တွေ၊အရုပ်တွေ ဝယ်ခဲ့မယ်။ ကိုကြီး ကို ချစ် ရင် မငိုရဘူး။ တိတ်တော့"
"တကယ်နော် ကိုကြီး။ မညာရဘူးနော်။ လာ လက်သန်းချင်း ချိတ်မယ်" နှာခေါင်း တရှုံ့ရှုံ့လုပ်ပြီး လက်သန်း
ကလေး ကွေးကာပေးလာ သော ညီငယ်ကိုကြည့်၍ အမေရော ကျွန်တော်ပါ မျက်ရည် တွေ ကျရသည်။ အိမ်နှင့်တစ်ခါမှ ခွဲ မအိပ်ဖူးသော ကျွန် တော် အတွက်ပါ အမေ မျက်ရည်ကျဟန်တူသည်။ မန္တလေး မှ အဒေါ်အိမ်တွင် လိမ်လိမ်မာမာ နေဖို့၊ ကျန်းမာရေး ဂရုစိုက်ဖို့၊ စာကြိုးစားဖို့ အမေ တတွတ်တွတ်ပြောနေသည်မှာ ရွာမှ
ကားစထွက်သည့်အချိန်ထိဖြစ်သည်။
      ကျွန်တော် နှင့် ညီလေးအတွက် အမေသည်သာ အဖ၊ အမေသည်သာ အမိဖြစ်ခဲ့ရ၏။ ကျွန်တော်ကိုးတန်း၊ညီငယ် လေးတန် းအရွယ်မှာပင် ထင်မှတ်မထားသော လောကဓံ မုန်တိုင်း ဝင်ရောက်တိုက်ခတ်ခဲ့၏။ `မောင်မြသန်း လယ်ထွန်းရင်း ပိုးထိတာ.. လယ်ကွင်းထဲမှပဲ...´...ဘေးအိမ်က ဦးမောင်သယ်ဆောင်လာ သော သတင်းဆိုးနောက်တွင် ကျွန်တော်နှင့် ညီလေး၏အဖေကိုတပြီး ငိုညည်းသံတွေက ကမ္ဘာမြေ ပျက်မတတ် ကျယ်လောင်
သွားသည်။ အမေက ကျွန်တော် နှင့်ညီလေးလက်ကို ခပ်တင်းတင်းဆုပ်ကိုင်ကာ မျက်တောင်ပုတ်ခတ် ပုတ်ခတ်လုပ်ပြီး တုန်ယင်နေသော စကားသံများအန်ကျ လာ၏။"သားတို့မှာ အမေတစ်ယောက်လုံး ရှိသေးတယ်လေ။မငိုနဲ့ တိတ်ကြတော့၊ အမေရှိပါသေးတယ်..အမေရှိပါသေးတယ် ကွယ်..."
      အဖေဆုံးသွားချိန်တွင် အမေ့အသက်မှာ လေးဆယ်သာ ရှိ သေးသော်လည်း နောက်အိမ်ထောင် မထူဘဲ လယ် များအားလုံးရောင်း၍ရွာ၌ပင် ကုန်စုံဆိုင်ဖွင့်ကာ ကျွန်တော်နှင့်ညီလေးကို လူတန်းစေ့အောင် ထားခဲ့
သည်။ ကျွန်တော်သည်လည်း အစ်ကိုကြီး အဖရာဆိုသလို ညီငယ်အပေါ် ဖခင်လို တစ်မျိုး ချစ်ခင်ကြင်နာရပြီး ၊အစ် ကိုလိုတစ်သွယ် အမြတ်တနိုးထား ပြုစုပျိုး ထောင်ရ၏။ အပေါင်းအသင်း နည်းသော ညီငယ်အတွက်
ကျွန်တော်သည် သာ ကစား ဖော်သူငယ်ချင်းဖြစ်ခဲ့ရသည်။ ငယ်ငယ်ကတည် းက ညီငယ်နှင့်ကျွန်တော်က
အိပ်ရာ တစ်ကုတင်တည်း တူတူအိပ်ကြသည်။ အိပ်ရာဝင်တိုင်း ညီငယ်ကို သုံးဆယ့်ရှစ် ဖြာ မင်္ဂလာ ပုံပြင်များ၊ လိမ္မာရေးခြားပုံပြင်များ ပြောပြရသည်။
############
      မန္တလေး မြို့နှင့် ကျွန်တော်နေထိုင်ရာ ကျောက်ဆည် မြို့နယ် အင်ရောင်းရွာက ဆိုင်ကယ်နှင့်ဆို တစ်နာရီကျော် ကျော် မောင်းရသည်။ ကျောင်းပိတ်ရက်အိမ်ပြန်တိုင်း ညအိပ်ရာဝင် ပုံပြင်တွေ အစား ကျွန်တော့်
တက္ကသိုလ်ကျောင်းသား အတွေ့အကြုံတွေက ညီငယ် နားထောင်စရာ ဖြစ် လာခဲ့၏။ ကျွန်တော် ဘွဲ့ရ၍ ရွာ၌ပင် ဆေး ခန်းပြန်ဖွင့်သည့်အခါ ညီငယ်က ကျောက်ဆည်နည်းပညာ တက္ကသိုလ် ပထမနှစ် သို့ တတ်ရောက်
နေပေပြီ။
"ညီလေး အဆောင်မှာနေရတာ အဆင်ပြေလား ။ရော့... တစ်လစာမုန့်ဖိုးနဲ့ မုန့်တွေ"
"ပြေတော့ပြေပါတယ်ကိုကြီးရာ။ ညီက အစ်ကိုကြီးကျောင်းပြီးတာနဲ့ မိသားစုသုံးယောက်အတူတူနေရပြီလို့
တွေးနေတာဗျ"
      ကျွန်တော်ပေးသည့် မုန့်ဖိုးနှင့် မုန့်တွေကို လှမ်းယူလိုက်သည့် ညီငယ်၏မျက်ဝန်းတွင် မျက်ရည်တွေဝိုင်းလာသည် ။
"အာ...ညီလေးကလဲ ပျော်ရာမှာမနေရ တော်ရာမှာနေရတဲ့။ ကိုကြီးတုန်းကဆို အိမ်နဲ့ခြောက်နှစ်တောင် ခွဲနေရတာပဲ။ ကြာရင်နေတတ်သွားမှာပါ"
"ဒါတော့ ဒါပေါ့ဗျာ ညီ အိမ်ကိုလွမ်းတယ်ဗျ "
"အေးပါ။ ကျောင်း ပိတ်၇က် ပြန်လာခေါ်မယ်။ စာကြိုးစား ။ကိုကြီး ဆေးဝယ်ရဦးမှာမို့ သွားတော့မယ် "
"ဟုတ်...ကိုကြီး။အမေ့ကို ကရုစိုက်ဦး။ ဆိုင်ကယ်ဖြည်းဖြည်းမောင်းဦး"
###############
      အမေ့ကျန်းမာရေးကို စောင့်ရှောက် ရန်နှင့် ညီငယ်ကို ပြုစုပျိုးထောင်ပေးရန် အစိုးရအလုပ်ဝင်ခွင့် စာမေးပွဲကို ဝင်မ ဖြေဖြစ်ခဲ့ပေ။ ကျွန်တော် အသက်ရှင်နေစဉ် ကာလတွင် အ မေနှင့် ညီငယ်အတွက် မြင်းမိုရ်တောင် မဖြစ်နိုင်ရင်တောင် မားမားမတ် မတ် ရပ်တည် ကာကွယ် ပေးနိုင်သော တောင်ပူစာ တစ်လုံးဖြစ်ဖို့ ကြိုးစားရ
ပေမည်။
"သားငယ်..မင်းက တက္ကသိုလ် ဒုတိယနှစ်ရှိသေး။ ရည်းစား တွေ ထည်လဲတွဲ နေတယ်ဆို"
       အမေက ကျွန်တော်တို့ ညီအစ်ကိုနှစ်ယောက်အတွက် ကော်ဖီ ဖျော်ပေးရင်း ကျောင်းပိတ်ရက်တွင် အိမ်သို့
ပြန်လာသော ညီငယ်ကို မေးလာသည်။
"ဟဲ့။ ဖုန်းထဲ ခေါင်းဝင်တော့မယ်။ ဂိမ်းဆော့တာရပ်ပြီး အမေမေးတာဖြေဦးလေ"
"ဟင်း....နိုင်ခါနီးမှ အမေ့ကြောင့်ရှုံးသွားပြီ။ အဲဒါကောလာဟလ တွေပါအမေရာ။ရိုးရိုးသားသား ခင်ကြတာပါ" "အေး အဲဒါဆိုလည်းပြီးရော။ သူများသားသမီးကို လက်မထပ် ရသေးခင် ကိုယ့်မောင်နှမလို သဘောထား။
ဘာသတင်းဆိုးမှ အမေ မကြားချင်ဘူး နော်"
"ဟုတ်။ သားက မိန်းမ မယူသေးဘူး။ အမေနဲ့အကိုကြီးကို လုပ်ကျွေးဦးမှာဗျ။ အဲ... အမေ။ ညှော်နံရတယ်"
"ဟုတ်ပါရဲ့တော်။ သားငယ်ကို ဆုံးမနေရတာနဲ့ ဆွမ်းလောင်းဖို့ ချက် ထားတဲ့ဟင်းတော့ တူးပါပြီ" အမေက သူဝဖိုင့်ဖိုင့် ခန္ဓာကိုယ်ကို မနိုင်မနင်းသယ်ပြီး မီးဖိုဆီပြေးသွားသည်။
#########
      တက္ကသိုလ် ဒုတိယနှစ်ဖြေခါနီးတွင် ညီငယ်က အိမ်သို့ရုတ်တရက်ပြန်လာသည်။ အိမ်ထဲဝင်ဝင်ချင်း
အကျႌချွတ်ပြီး "ကိုကြီး ညီလေးခါးမှာ အရည်ကြည်ဖုတွေ အများကြီးပဲ ဘာဖြစ်တာလဲ မသိဘူး"
ကျွန်တော် ထိုင်ရာမှထ၍ ညီငယ်ကိုကြည့်ပေးရသည်။
"အော် ဒါ ရေယုံခါးပတ်(Herpes Zoster)တွေကွ စာမေးပွဲနီးပြီး စိတ်ပင်ပန်းရင် ပေါက်တတ်တယ် "
".ညီက ကြောက်လို့ ကျောင်းပျက်ပြီး အိမ်ပြန်လာပြတာ။ ဘာမှ မဖြစ်ပါဘူးနော် "
"မစိုးရိမ်နဲ့ သောက်ဆေးလိမ်းဆေးနဲ့ပျောက်တယ်"
      စားမေးပွဲ ဖြေပြီး၍အိမ်သို့ ပြန်လာချိန်တွင် ညီငယ်က ဖျားပြီးချောင်းဆိုး လာပြန် သည်။
"ငါ့ညီလေး ရောဂါတွေ တစ်မျိုးပြီး တစ်မျိုး ဖြစ်နေတာ။ လေးလုံးရောဂါ ဝင်နေပြီထင် တယ် ဟဲဟဲ"
"ဖြစ်ပါလိမ့်မယ် အားကြီးကြီး။ ညီလေးက ဒါတွေ ကင်းရှင် းတယ်။ ဆံပင်ညှပ်ရင်တောင် သူတို့ကို စိတ်မချလို့ ညီဘာသာ ဓားယူသွားတာ ဟွန်း"
      စူပုပ်ပုပ်မျက်နှာနှင့် စိတ်ဆိးုဟန် ဟန်ဆောင်နေသော ညီငယ်ကို မုန့်ဖိုးပေး၍ ချော့ရသည်။ ညီငယ့် ချောင်းဆိုးခြင်းက ဆေးသောက်တုန်း ခဏ ပျောက်ပြီး မကြာခဏပြန် ဖြစ်လာ၏။ ညီငယ်က အစားအသောက် မပျက်ပါဘဲနှင့် တဖြည်းဖြည်းပိန်လာပြီး ညီ ငယ်လက်ပေါ်တွင် ယားနာဖု အမည်းလေးများပေါက်လာသောအခါ ထိုရောဂါများ ဖြစ် နေမလားဟု ကျွန်တော် သံသယ ဝင်မိသည်။
"ညီလေးရေ ဒီကိုလာဦး "
       ဆေးဗီရိုထဲမှ ငှက်ဖျားစစ်ကိရိယာအတံလေးကိုထုတ်ပြီး အမေ့ကို ဈေးရောင်းကူနေသည့် ညီငယ်ကို ခေါ်ရသည်။
"မင်းခဏခဏ ဖျားနေတာ။ ငှက်ဖျားပိုးစစ်ရအောင်လို့ ခေါ်လိုက်တာ"
"မစစ်ချင်ဘူး။နာမယ်ကြောက်တယ်ကိုကြီးရ "
"မနာဘူးပါဘူးကွ ။လာ ဒီကုတင်ပေါ်အိပ်""
      ငှက်ဖျားပိုးစစ်ရန် လက်ထိပ်မှ သွေးအနည်းငယ်သာ ဖောက်ရန်လိုသော်လည်း မျက်စိမှိတ်၍အံကြိတ်ထားသော ညီငယ်သွေးပြန်ကြောထဲမှ သွေးဝမ်းစီစီ စုပ်ယူလိုက်သည်။
"ငှက်ဖျားစစ်တာ ဆယ့်ငါးမိနစ်လောက်ကြာမယ်။ ကိုကြီးဖို့ အအေးတစ်ပုလင်း သွားယူဦး"
       ညီငယ်ထွက်သွားသည်နှင့် ငှက်ဖျားစစ်သည့် ကိရိယာအတံထဲရော ဆေးဘူးတွေကြားမှာ ကြိုတင်ဝှက်ထားသည့် HIVပဋိပစ္စည်းရှိ မရှိ စစ်သည့် ကိရိယာအတံထဲရော သွေးစက်ချလိုက်ပြီး လိုအပ်သည့် ဆေးရည်
တွေ တစ်စက်ချင်းပေါင်းထည့်လိုက်သည်။
      တဖြည်းဖြည်းနှင့် HIV 1ဆိုသည့် မျဉ်းတွင် အနီရောင်လိုင်းက ထင်ရှားလာ၏။ ကျွန်တော့်တစ်ကိုယ်လုံး အားအင်တွေ ကုန်ဆုံးသွားသလို ခံစားရသည်။ကုလားထိုင် ပေါ် ခြေပစ်လက်ပစ် ထိုင်ချလိုက်သည်။
"ကိုကြီးဘာဖြစ်လို့လဲ။ ညီလေးမှာ ငှက်ဖျားပိုးတွေ့လို့လား" ညီငယ်က အအေးပုလင်းပေးပြီး သူသိချင်သော
အ ဖြေအတွက် မေးခွန်းဆက်တိုက် မေးလာခဲ့သည်။
"ကိုကြီး။ ညီလေးမှာ ငှက်ဖျားပိုးတွေ့လို့လားလို့"
"မဟုတ်ပါဘူးကွာ။ ကိုကြီး ချွေးထွက်များပြီး ခေါင်းမူးသွားတာကွ။ငါ့ညီမှာ ငှက်ဖျားပိုးတော့ မတွေ့ဘူး။ ကောင်မလေးတွေ ကြည်တဲ့ စော်ကြည်ပိုးတွေ့တယ်ကွဟား......ဟား....."
"ဟာဗျာ။ အစ်ကိုကြီးကလည်း"
       ညီငယ်မျက်ဝန်းနှင့် ဆန့်ကျင်ဘက်ဖြစ်သော အိမ် နံရံကို ကြည့်ပြီး ကျွန်တော်၏ စိ တ်ခံစားမှုကို ဟာသ
စကားဖြင့် ဖုံးကွယ်လိုက်၏။ စိတ်ထဲတွင် တိတ်တဆိတ်စကားတွေ ဆိုနေမိသည်။ `အော်..ကံဆိုးရှာတဲ့ ငါ့
ညီလေး။ ငါ့ညီမှ ဒီ ရောဂါလာဖြစ်ရတယ်လို့။ ကိုကြီးရင်တွေ ပူလှပါပြီ။ အမေနဲ့ ညီလေးကို ဘယ်လို ဖွင့်ပြောရမလဲကွာ။အို.....ငါ ဒီလို သေချာပေါက်တွေးလို့လဲ မဖြစ်သေးပါဘူး။ငါကြိုတင် စီစဉ် ထားတဲ့ အတိုင်း ဆက်လုပ်ရမှာပဲ။ တစ်ခါတလေ ဒီကိရိယာက အဖြေမှားတွေ ထွက်တတ်တာပဲ။ မန္တလေး ကဓါတ်ခွဲခန်း ကောင်းကောင်းမှာ သွားပြန်စစ်ရမယ်။ ဟုတ် တယ်။ငါ့ညီမှာ ဒီရောဂါ လုံးဝမရှိနိုင်ဘူး´
######%##%###
      "ညီလေးဓာတ်မှန်က ဘာရောဂါမှ မတွေ့ဘူးဆိုပြီး ညီက ဘာဖြစ်လို့ ချောင်းခဏခဏ ဆိုးနေတာလဲ
ကိုကြီး"
"ရွာမှာ ဖုန်မှုန့် ပေါလို့နေမှာ။ ဆေးသေချာသောက်ရင် ပျောက်သွားမှာပါ "
     ကျွန်တော့်စကားသံက မုသားအဖြူကြောင့် အနည်းငယ် တုန်ယင်သွားသည်။ ညီငယ်နှင့်အတူမန္တလေးသို့ သွားပြီး ညီငယ်ချောင်းခဏခဏ ဆိုးလာခြင်းကို တီဘီရောဂါပိုးများ ဝင်နေပြီလားဟုစိုးရိမ်၌ ဓာတ်မှန် ရိုက်ပြီး
သွေးစစ်ရသည်။ မန္တလေး မြို့မှ အဒေါ်အိမ်တွင် တစ်ညအိပ်ပြီး ညီငယ့်ကို မန္တလေးတောင်နှင့် ကုသိုလ်တော်ဘုရားသို့ လိုက်ပို့ပေးဖြစ်၏။
      အိိမ်သို့ပြန်လာရာ လမ်းတွင် ဆိုင်ကယ် မောင်းရင်း ညီငယ်နှင့် ရောက်တတ်ရာရာ စကားများပြောဖြစ်
ကြသည်။
"ညီလေး၊မင်းသယ်ချင်း တွေထဲမှာ ဆေးချဆေးစွဲ နေတဲ့လူရှိလား"
"မရှိပါဘူး အစ်ကိုကြီးရာ။ဘာဖြစ်လို့လဲ"
"ဒီအတိုင်းမေးတာပါ။ငါ.ညီလေး လူပေါင်းမှားမှာစို့လို့။ဒါနဲ့ ငါ့ညီ ကောင်မလေးတွေနဲ့ ကျူးလွန် ဘူးလား"
"နိုး..ကိုကြီး၊ ညီက ညီချစ်သူအပေါ် စည်းစောင့်တယ်။ချစ် သူကိုတောင် အလွန်ဆုံး နမ်းရုံပဲ"
"အေးပါ အိမ်နဲ့ဝေးနေတော့ ကိုယ့်ဘာသာ အကောင်းအဆိုး ဝေဖန်သုံးသပ်ပြီး လိမ်လိမ်မာမာနေ"
"ဟုတ်ကဲ့ ကိုကြီး"
       ညီငယ့်စကားတွေကို ကျွန်တော် အကြွင်းမဲ့ယုံကြည် လိုက်ချင်သော်လည်း ဓာတ်ခွဲခန်းမှ သွေးစစ်ချက်
များက.......
###%####
"ညီလေးရေ၊ မင်းဖုန်းလာနေတယ်"
"ညီလေးက သည်မှာကိုကြီးရ မရိုမသေ ဖုန်းယူလာပေးဦး"
      ရေချိုးခန်းထဲမှ ညီငယ် အော်သံကြောင့် ဖုန်းကိုယူပြီး ညီငယ်ဆီ သွားရသည်။ မှန်ကြည့်ပြီး မုတ်ဆိတ်
ရိတ်နေသော ညီငယ်လက်ထဲက မုတ်ရိတ်တံမှ ဆေးနီအမှတ်သားကို ကျွန်တော်မြင်သွားသည်။ စိုးရိမ်ပူပန်မှု
များက အထွတ်အထိပ် သို့ ရောက်သွား၏။
"ညီလေး။ ငါ့မုတ်ဆိတ်ရိတ်တံ ယူသုံးတာလား"
"ဟုတ်..ကိုကြီးအခန်းထဲက ယူလာတာ"
"ဓားပြောင်းသုံးသေးလား။ ဒါတစ်ယောက်သုံးဆိုတာ မသိဘူးလား"
္က"ဟီး..ပျင်းလို့ မပြောင်းခဲ့ဘူး။ ကိုကြီးကလည်း ညီအစ်ကိုချင်း တွေကိုး"
"အေး..ညီအစ်ကိုရင်းလို့ပြောဦးကွာ။ ခွပ်.."
       ကျွန်တော် ဒေါသတကြီး အော် ဟစ်ပြီး ညီငယ့်ပါးကို ထိုးချလိုက်သည်။ ကျွန်တော့်ကို ကြည့်လာသော ညီငယ်မျက် ဝန်းများက ဝိုင်းစက်ပြူးကျယ်လျက်။ ညီငယ်ပါးပြင်တွင် မျက်ရည်တွေ စီးကျလာ၏။ အမေက ဈေးဆိုင်ထဲမှ ကျွန် တော်တို့ဆီ ပြေးလာသည်။
"ဟဲ့..ဘာဖြစ်ကြတာလဲ။ အမေရင်တွေတုန်လိုက်တာကွယ်။ သားငယ် ဘာဖြစ်တာလဲ ပြောစမ်း"
"အီး..ဟီး..ဟီ...အကိုကြီးက သူ့ မုတ်ဆိတ် ရိတ်ဓားကို ယူသုံးလို့တဲ့။ သားဖြင့် ဟိုး အရင်ကတည်းက ကိုကြီး
ဓားတွေနဲ့ ရိတ်နေကျကို။ အီး..ဟီး..ဟီး..."
"အမလေး သားကြီးရယ်။ ဘာများဖြစ်လို့လဲလို့။.ညီအစ်ကိုရင်း တွေပဲ ဒီလောက်ထိ ဖြစ်စရာလား"
"မသိဘူးဗျာ။ ကျွန်တော့်ပစ္စည်းတွေ ယူသုံးတာ မကြိုက်ဘူး။ မင်းလည်းမှတ်ထား ။ ဒါနောက်ဆုံးအကြိမ် ဖြစ်ပါစေ"
       ညီငယ့်ဆီမှ မုတ်ဆိတ် ရိတ်ဓားကို ဆွဲယူပြီး ကျွန် တော့အခန်းဆီသို့ ပြေးဝင်ကာ အခန်းတံခါးကို ဆောင့်
ပိတ် လိုက်သည်။
###########
      စာကြည့်ဗီရိုအံဆွဲအောက်ဆုံးမှ စာရွက်နှစ်ရွက် ထုတ်ကြည့်ရင်း ကျွန်တော့အတွေးတွေက အလုပ်သင် ဆရာဝန်ဆင်းခဲ့စဉ် အဒေါ်ခင်ပွန်း ဝမ်းလျှော၍ ဆလိုင်းပုလင်း ချိတ်ပေးခဲ့ရသည့် ညတစ်ညသို့ ရောက်ရှိသွားသည်။ ဦးလေးက လက်တွန့်လိုက်၍ အပ်က ကျွန်တော့်လက်ထိပ်ကို ပြန် စူးခဲ့သည်။ ဦးလေးလည်း လူကောင်းပါပဲ ဘာရောဂါမှ မရှိ လောက်ပါဘူးဟု ပေါ့ပေါ့တန်တန် တွေးခဲ့ပြီး လူနာထိုးသည့်အပ် နှှင့် မတော်တဆ စူးခဲ့မိလျင် ရောဂါ မကူး စေရန် ကာကွယ်ပေးသည့် အရေးပေါ် ကာ ကွယ်ဆေးများ မ သောက် ဖြစ်ခဲ့ပေ။ဦးလေးက အဖျားတာရှည်ပြီး ဆေးရုံတတ်ရသည်။ ဦးလေးရောဂါက HIVဆိုတာ သိသည့်အချိန်တွင် လူတစ် ယောက်ကို
အမြင်နှင့် ဆုံးဖြတ်ခဲ့မိသည့် မိမိအမှားအတွက် နောင်တရလာ၏။ "အမေနဲ့မင်းကို စိတ်ဆင် ရဲမှာဆိုးလို့
ကိုကြီးမှာရောဂါ ရှိတာ ဖွင့်မပြောဖြစ်ခဲ့တာ။ တောက်.....အခုတော့ အဲဒီ မပွင့်လင်းမှုနဲ့ နမော်နမဲ့နိုင်တဲ့ ကိုကြီးအကျင့် ကြောင့် ငါ့ညီကို ဒီရောဂါကူး စက်ခဲ့ပြီ။ကိုကြီး တောင်းပန်ပါတယ်ညီ လေးရာ.... အီး..ဟီး..ဟီးး"
   ကျွန်တော်အမြင်တွေ တဖြည်းဖြည်းဝေဝါးလာ၏။ စာရွက်နှစ်ရွက်ပေါ်မှHIV antibodies+ဆိုသည့်နေရာ
တွင် မျက်ရည်တွေ စွတ်စိုကုန်သည် ။ "သားလည်း ဆရာဝန်တစ်ယောက်ပဲ။ စိတ်ဓာတ်ကျမသွားနဲ့။ ပြုပြင်လို့မရတော့တဲ့ အမှားကို လက်ခံပြီး အကောင်းဆုံး ရင်ဆိုင်နိုင်ဖို့ပဲ တွေးတော့။ ငယ်ငယ်ရွယ်ရွယ်နဲ့ သေဆုံးသွားတဲ့လူတွေ၊ ရောဂါကြောင့် အိပ်ရာထဲ လဲနေရတဲ့လူတွေ၊ ကျန်းမာပါလျက် လူ့လောက ကို ကောင်းကျိုးမပြုဘဲ ဘဝသေနေတဲ့လူတွေနဲ့ သားဘဝကိုနှိုင်းယှဉ်ကြည့်။ သားတတ်ထားတဲ့ ဆေးပညာနဲ့ လူ့လောကကို အကျိုးပြုစမ်းပါ ။အခု ART(ပိုးထိန်းဆေး) တွေပေါ်နေပြီပဲ။ သားမှာ အသက် ဆက်ရှင်ချင် စိတ်ရှိဖို့ပဲလိုတယ်။ သား
အသက်ရှင်ချင်စိတ် ရှိသလောက် ART ဆေးတွေရဲ့ အကူအညီနဲ့ လူကောင်းတစ် ယောက်လို နေနိုင်မယ်။
အာဟာရ ပြည့်အောင်စားပြီး ပြင်ပရောဂါပိုးတွေ ဝင်လာရင် ပိုးသတ်ဆေး ချက်ချင်းသောက်။သားက ဆရာဝန်ဆိုတော့ တခြားလူတွေကို မကူးအောင် ကရုစိုက်ရမယ့်အပြင် သားကိုယ်တိုင်လည်း နောက်ထပ် ဒီရောဂါပိုးရနိုင်
မယ့် အပြုအမူတွေကို ရှောင်ကျဉ်ရမယ်။ သားအသက်ရှင်နေတဲ့ အတောအတွင်း သားမိသားစုကို စိတ်ချလက်ချ ထားခဲ့နိုင် အောင် အတတ်နိုင်ဆုံးကြိုးစားပေါ့ကွာ" ကျွန်တော့်သွေးစစ်ချက်၌ ရောဂါပိုးတွေ့ခဲ့စဉ် အား ပေးစကားပြောခဲ့သော ဆရာ ဦးထွန်းထွန်းဝင်း ၏စကားသံတွေ ကို တစိမ့်စိမ့်ကြားယောင်လာပြီး ရင်တွင်းမှ တစ်ဆို့ဆို့ဝေဒနာက တဖြည်းဖြည်း ပျောက်ကွယ်သွားသည်။ ဆရာ့စကားတွေကို မေ့လျော့နေသည့် ကိုယ့်ကိုယ်သူ
အပြစ်တင်မိ၏။
      ရခဲလှသည့်လူ့ဘဝတွင် ညီငယ် အသက်ဆက်ရှင်သန်စိတ်ရှိဖို့ ၊ခိုင်မာ သော စိတ်ဓာတ်စွမ်းအင်တွေ ပြည့်၀ စေဖို့၊ ကုသိုလ်တရားတွေပြုလုပ်နိုင်ဖို့ ကျွန်တော် တွင် တာဝန်အပြည့်ရှိသည် ။ညီငယ်ကို နားလည်အောင်
ရှင်းပြရမည် ။အမေ့ကိုလည်း နားလည် လက်ခံအားပေးနိုင်ဖို့ူ ကြိုးစားရှင်းပြပြီး အမှတ်တမဲ့မှ ရောဂါမကူး
စက်စေဖို့ ကျွန်တော် ကာကွယ်ရပေမည် ။
       လက်ရှိအခြေအနေကို လက်ခံပြီး လူဖြစ်ရခြင်းအဓိက ရည်ရွယ်ချက်ကို စဉ်းစားလိုက်သည့်အခါ
ရင်တွင်းမှ ပူပန်မှုများက ပျောက်ကွယ်သွား၏။ ဆက်လျှောက်ရမည့် အနာဂတ် လမ်းများ အတွက် အားအင်
အသစ်တွေက ကျွန်တော့် သွေးကြောထဲ လှည့်ပတ် စီးဆင်းလို့ လာသည်။ ဆရာဝန်တစ်ယောက် အနေဖြင့်လူထုကြားတွင် HIVရောဂါ မပျံ့နှံ့ စေရန်နှင့် ရောဂါဖြစ်နေသူများအား ဖေးမကူညီပြီး စိတ်ဓာတ်မြှင့်တင်အားပေးရန် ကျွန်တော်မှာ တာဝန် ရှိ ပေတော့သည်။

ဟမ်စိုင်း( ဆေး\မန်း)
Health for all magazine,2014,october