စာပေစုဘူး: လေလွင့်ရွက်ကြွေ

Mar 25, 2017

လေလွင့်ရွက်ကြွေ

#လေလွင့်ရွက်ကြွေ

#ယွန်းမြတ်မွန်းသျှန်
“
ရက်စက်လိုက်တာမရယ်..လက်ထပ်ဖို့ချစ်ခဲ့တာမဟုတ်ဘူးလား..ဒါဆိုမကကျွန်တော့်ကို အပျော်တွဲခဲ့တာပေါ့ ဟုတ်လား”
ခံစားမှုတွေနဲ့ပြင်းထန်စွာပေါက်ကွဲနေသော ကောင်လေးကိုရွဲခပ်စိုက်စိုက်ကြည့်မိသည်။
အင်း..ဘယ်လိုပြောရမှာပါလိမ့်။ရွဲသည် လက်ထပ်ဖို့ဘယ်တုန်းကမှစိတ်ကူးမရှိခဲ့တာပဲလေ။အပျော်တွဲတယ်တော့လည်း မဆိုသာပါဘူး။
“
အင်း..ဘယ်လိုပြောရမလဲ.အပျော်တွဲရအောင် ယောက်ျားတွေကအပျင်းပြေကစားစရာအရုပ်တွေမှမဟုတ်တာ..တို့မှာယုံကြည်မှုမရှိတာပါ..ယောကျားတစ်ယောက်ကိုလက်ထပ်ဖို့လေ”
“
ကျွန်တော်မကို လေးလေးနက်နက်ကြီး ချစ်ခဲ့တာဗျ..အခြားသူတွေပြောသလိုပဲ..မ က တမင်ရက်ရက်စက်စက်အသည်းလိုက်ခွဲနေတာ”
“
တို့ကိုရက်စက်တယ်ပြောရအောင် မင်းတို့ယောက်ျားတွေကရော ယုံကြည်စွာနဲ့ကိုးကွယ်ချင်စရာကောင်းလို့လား”
နေညိုသည် မြလည်ရွဲဆိုသော မိန်းမကိုနားမလည်နိုင်စွာ ကြည့်နေမိသည်။သူ့ရှေ့မှာတန်းစီပြီး ပညာပေးခံသွားရသောသူတွေအများကြီးရှိ
တာသိပါသည်။သူတို့သူငယ်ချင်းတွေလည်း ပါသည်။ဘော်ဒါတွေခံရဖန်များတော့ မြလည်ရွဲကိုသူတို့စိတ်ဝင်စားလာမိသည်။ပညာပေးချင်သည်။စာရေးဆရာမ
လေးမြလည်ရွဲသည် မဂ္ဂဇင်းထက်မှာ နာမည်ယူနေဆဲ သူတို့ကေတုမြေကမွေးဖွားလာတဲ့ ကလောင်ရှင်ဖြစ်သည်။သူ့အလှည့်မှာတော့ ရွဲတကယ်ချစ်တတ်စေ
ရမည်ဆိုသော ခံယူချက်နဲ့ဝင်လာခြင်းဖြစ်သည်။တကယ်တမ်းချစ်တတ်ခဲ့သူက နေညိုဖြစ်နေသည်။
ဘာကြောင့်များသူမဟာ ဒီလောက်သွေးအေးအေးနဲ့ရက်စက်တတ်ပါလိမ့်။ဒေါသတွေကြီးနေသော သူ့ကိုကြည့်ကာ ရွဲကရယ်သမ်းတစ်ချက်သွေးလိုက်သည်။
အတော်ခံရခက်တဲ့အပြုံးဖြစ်သည်။
“
ဒီမှာနေညို.တို့မင်းကိုမောင်လေးတစ်ယောက်လိုခင်လို့ တစ်ချက်သတိပေးလိုက်မယ်..လူတစ်ယောက်ကိုဘယ်တော့မှ မချစ်မိစေနဲ့..နက်နက်ရှိုင်းရှိုင်းမတွယ်တာမိစေနဲ့..အချစ်ကြီးတဲ့သူကရှုံးတယ်..မင်းမှတ်ထားပါ”
သူမက ဆုံးမစကားပင်ပြောခဲ့သေးသည်။နောက်နှုတ်မဆက်ဘဲ လှည့်ထွက်သွားသည်။ဒါဟာ မြလည်ရွဲရဲ့လမ်းခွဲခြင်း ဖော်မြူလာဖြစ်သည်။
ယောက်ျားတစ်ယောက်ကို အလှအပဆုံးစကားလက်ဆောင်လေးနဲ့အချိုမြိန်ဆုံးအပြုံးလေးနဲ့ အေးအေးဆေးဆေးပဲချန်ထားရစ်ခဲ့တတ်ပါသည်။သူမနှလုံးသားကတော့ မထင်မှတ်နိုင်လောက်အောင် မာကြောပြီး ရက်စက်တတ်လွန်းပါသည်။အံ့သြစရာကောင်းတာကအရှုံးတွေနဲ့ကျန်ရစ်ခဲ့ရလည်း ဘယ်သူမှရွဲကို မမုန်းနိုင်ခြင်းဖြစ်သည်။ရက်စက်လွန်းလှပါတယ် ရွဲရယ်။
*******
ရွဲသည် ဘေးလွယ်အိတ်ကို ကျောဘက်ပေါ်တင်ပြီး ကန်တော်ကြီးထဲမှာ တစ်လှမ်းချင်းလျှောက်နေမိသည်။နေညို့ကို Master Coffee မှာချန်ထား
ရစ်ခဲ့ပြီး ရွဲရဲ့ဆိုင်ကယ်ကို ကန်တော်ကြီးထဲဘယ်လို ဦးတည်မောင်းဝင်လာခဲ့မှန်းမသိပါ။ဒီလိုပါပဲ။ဦးတည်ချက်မရှိဘဲ တောင်ငူမြို့ထဲမှာလျှောက်သွားနေမိတာ
ကြာခဲ့ပါပြီ။ဖြေးလေးသောခြေလှမ်းများဖြင့် လူခြေနည်းပါးသောခုံတန်းလေးတစ်ခုမှာ ရွဲဝင်ထိုင်မိသည်။ဦးနှောက်ထဲမှာ နေညိုအပါအ၀င် ရွဲတွဲခဲ့ဖူးသောယောကျာ်းတွေအကြောင်း စဉ်းစားနေမိသည်။ရွဲ သူတို့ကိုချစ်ခဲ့ပါတယ်။အဟင်း။အသေအချာပါပဲလေ။ချစ်တယ်ဆိုတဲ့စကားလောက်ပါးစပ်ကပြောရတာလွယ်တာ မရှိပါဘူး။အဲ့ဒီလိုနှလုံးသားကမပါဘဲ နှုတ်ခမ်းဖျားကချစ်တတ်ဖို့ ရွဲကို တစ်ယောက်
သောသူကသင်ပေးခဲ့တာပါ။ရွဲနာကျည်းစွာတွေးရင်းကမျက်ရည်တွေရစ်ဝဲကျလာသည်။ဟောင်းနွမ်းခဲ့တာတော့ ကြာပါပြီ။ဟောင်းခဲ့တဲ့အရာတစ်ခုဟာ အသစ်ပြန်ဖြစ်လာနိုင်သလား။ဘယ်လိုမှမဖြစ်နိုင်ဘူးနော်။ရင်ဘတ်ထဲကဒဏ်ရာကတော့ ဘာလို့ ခုထိအောင် နာကျင်နေရတာလဲ။
အရာရာဟာသွေ့ခြောက်နေတာပါပဲ။နွေဦးသရုပ်ကပီပြင်လွန်းနေသည်။မတ်လဆန်းပိုင်းရောက်ပြီမို့ သစ်ပင်ကြီးငယ်တိုင်းမှာ သစ်ရွက်ဟူသည်
သိပ်မရှိတော့ပါ။သစ်ရွက်လက်ကျန်လေးတွေလည်း ၀ါဖန့်ပြီး မကြာခင်မြေခရတော့မှာ ဖြစ်သည်။ရွက်ဟောင်းအတော်များ ညှာကြွေပြီး မြေပြင်ပေါ်မှာ မွစာ
ကျဲနေပြီ။သစ်ရွက်တွေဟာ ဟောင်းနွမ်းသွားရင် ကြွေပြီး မြေခရသည်။မြေခပြီးရင် ဘယ်ရောက်သွားသလဲ။လေနှင်ရာလွင့်ရမှာပေါ့နော်။ခုံတန်းလေးမှာ ထိုင်
ပြီး ရွဲ ညနေခင်းလေးကို ငေးနေမိသည်။
ရွဲ မြင်ကွင်းထဲမှာ စုံတွဲအချို့လည်းဝင်လာသည်။ကျေးငှက်သံလေးတွေလည်း မကြာမကြာကြားနေရသည်။အရင်တုန်းကတော့ ဒီခုံတန်းလေးမှာ
ရွဲနှင့်သူအတူထိုင်နေကြဖြစ်သည်။ရင်ထဲမှာ နွမ်းမောလာ၍ ပင်အိုထက်ဆီအကြည့်လွှဲပစ်မိသည်။
ထိုစဉ်နွေလေရူးက အရပ်မျက်နှာမမှန်ဘဲ တိုက်ခတ်လိုက်ရာ သစ်ရွက်လက်ကျန်လေးတွေ ကြွေလွင့်လာရပြန်သည်။သစ်ရွက်ဝါလေးရဲ့အဖြစ်ကို
ငေကာ ရွဲနာကျင်စွာပြုံးမိသည်။မင်းတို့လည်း ရွဲဘ၀လိုပါပဲနော်။အစကတော့ သစ်ပင်ကြီးထက်မှာ ငွါးငွါးစွင့်စွင့်ဖူးသစ်ခွင့် ရတာကို ကျေနပ်ဂုဏ်ယူမဆုံးဖြစ်
ခဲ့သည်။သစ်ပင်ကြီးရဲ့ရင်ခွင်မှာ ကိုယ်သာလျှင် သခင်မအထင်နှင့်ပေါ့။ကာလအပိုင်းအခြားတစ်ခုမှာ သဘာဝကရွက်နုသစ်ကလေးကို ၀ါဖန့်ဟောင်းနွမ်းစေ
ခဲ့သည်။နွေဦးပေါက်ချိန်လေရူးနှောက်တော့ ရွက်နုကလေးကြွေကျရပြီလေ။ဘာမှကြိုတင်ပြင်ဆင်ချိန်မရှိလိုက်ဘဲ သစ်ပင်ကြီးရဲ့ရင်ခွင်မှသည်မြေပြင်ပေါ်
သက်ဆင်းခဲ့ရသည်။
ပြောင်းလဲသွားလိုက်ပုံက အိပ်မက်တစ်ခုလိုပါပဲ။ထိတ်တလန့်နဲ့ သစ်ပင်ကြီးကို အားကိုးတကြီးမော့ ကြည့်တော့ အို..သစ်ပင်ကြီးမှာ ရွက်နုတွေ
ဝေလို့ပါလား။ရွဲသည်လည်း သစ်ရွက်တစ်ရွက်ဖြစ်ခဲ့သည်။နွေလေရူးလိုပဲ အရပ်မျက်နှာမမှန်သော လူတစ်ယောက်ကို အချစ်မူးမိခဲ့ချိန်မှာ ကြွေလွင့်ခဲ့ရခြင်း
ဖြစ်သည်။ချစ်သူကတော့ သစ်ပင်ကြီးပေါ့ကွယ်။သစ်ရွက်တွေကြွေတွေဟာ အဟောင်းတွေကိုငြီးငွေ့အသစ်တွေနဲ့ပျော်မွေ့ချင်တဲ့ သစ်ပင်ရဲ့ဆန္ဒဆိုရင်လည်း
ရွဲက နားလည်ကျေနပ်ပေးမှာပါ။ဒါပေမဲ့ သူညာခဲ့သည်။ရွဲအချစ်တွေကို လှည့်စားပြီးယူခဲ့သည်။ပြီးတော့ ပက်ပက်စက်စက်နင်းချေပြီး ရက်ရက်စက်စက်စွန့်
ပစ်ခဲ့သည်။
“
ငါ မင်းကို ဘယ်တုန်းကမှ မလိုအပ်ခဲ့ဘူး ရွဲ..မင်းလိုအပ်မယ်ထင်တာတွေကို ဖြည့်ဆည်းပေးခဲ့တာပဲ ရှိတယ်”
ဟင့်အင်း။မဖြစ်နိုင်ဘူး။သူရွဲကို မချစ်ခဲ့ဘူးဆိုတာကို ခုထိလက်မခံနိုင်သေးဘူးလေ။အတိတ်ကန့်လန်ကာကို ဖွင့်ကြည့်လိုက်တော့ အရှုံးတွေအလွမ်း
တွေနဲ့ အရောင်ရင့်နေတဲ့ ရွက်ကြွေပန်းချီကားတစ်ချပ်လိုပါပဲ။
********
တောင်ငူတက္ကသိုလ်နောက်ဆုံးနှစ်ကျောင်းသူဘ၀မှာ သူနှင့်ရွဲ စသိခဲ့ခြင်းဖြစ်သည်။ကိုယ့်ဒေသမဂ္ဂဇင်းလေးတွေမှာ ရွဲစာမူလေးတွေ စတင်ဖော်ပြ
ခံလာရတော့ ရန်ကုန်မဂ္ဂဇင်းတွေမှာ ၀င်ဆံ့နိုင်ဖို့ စာပေတွေဖတ်ရှုလေ့လာနေချိန်ပေါ့။သူကစာပေသမားတော့မဟုတ်ပါဘူး။သူက စာပေရေးသားသူမဟုတ်
ပါဘူး။တောင်ငူမြို့ထဲကလုပ်ငန်းရှင်တစ်ယောက်ဖြစ်သည်။စာပေဟောပြောပွဲတွေ၊စာစောင်တွေထုတ်ဖို့ အတွက် အားကိုးရသူတစ်ယောက်ပါ။ရွဲတို့စာပေလေ့
လာသူတွေစာစောင်ထုတ်ဖို့ အစည်းအဝေးလုပ်ချိန်မှာ သူနှင့်စတင်သိကျွမ်းခဲ့ခြင်းဖြစ်သည်။
နောက်ပိုင်းမှာလည်း သူကရွဲကျောင်းကို လာလည်သည်။ရွဲအတွက်လိုအပ်သော စာစောင်တွေစာအုပ်တွေရှာဖွေစုဆောင်းပေးသည်မိသားစုနှင့်
သူငယ်ချင်းတွေကအားမပေးခဲ့သော ကိုယ့်ရဲ့ဝါသနာကို သူကအားပေးခဲ့သည်။
“
ဘယ်သူတွေအထင်သေးပါစေ မင်းရဲ့ဝါသနာကို ကိုယ်အားပေးတယ် ရွဲ..ကိုယ်မဖန်တီးနိုင်တာကို ဖန်တီးနိုင်လို့ ဂုဏ်ယူတယ်..မိသားစုနဲ့သူငယ်
ချင်းတွေဝေဖန်ကဲ့ရဲ့လည်း မကြောက်နဲ့..အနုပညာသမားဆိုတာ ဝေဖန်ခံရ၊နှိမ်ချခံထားဖူးမှ မခံချင်စိတ်နဲ့အောင်မြင်တာ..မင်းသာအောင်မြင်အောင်ကြိုးစား
ပါ..လိုအပ်တာ ကိုယ်ကူညီမယ်”
အတန်းထဲကသူငယ်ချင်းတွေ ဂေါက်တေးလို့စတိုင်း၊မိသားစုက ဆူတိုင်းရွဲ့စိတ်အားငယ်ခဲ့သမျှ ရွဲသူ့ကိုရင်ဖွင့်မိသည်။သူကအားပေးစကားတွေပြောပေးခဲ့သည်။သူ့နာမည်က မာန်ထက်ဖြစ်သည်။ရွဲထက်ဆယ်နှစ်လောက်ကြီးပြီး ထက်မြက်သည်။တိုးတက်လာသော နည်းပညာ
နှင့်အညီ တောင်ငူမြို့ထဲမှာ Mobile Sales & Service ဆိုင်ကြီးဖွင့်ထားသည်။အပြောလည်းကောင်းသည်။ညှို့ငင်တတ်ပြီး ကြင်နာတတ်တဲ့မျက်ဝန်းတစ်စုံကို
လည်း ပိုင်ဆိုင်ထားသည်လေ။ရွဲ့ရဲ့မွေးနေ့မှာ သူငယ်ချင်းတွေနဲ့အတူ Master Coffee မှာ ဧည့်ခံကျွေးမွေးသည်။သူ့ဆီကယူထားသော အကြွေးတွေများနေ
ပြီမို့ ရွဲပြန်ကျွေးခြင်းဖြစ်သည်။
သူကအရင်ရောက်နှင့်နေပြီး စားစရာတွေမှာထားသည်။မွေးနေ့ကိတ်တွေရော စီမံထားသည်ရွဲရင်ထဲစိုးထိတ်သွားသည်ကိုယ်ကသူ့လိုသူဌေးမဟုတ်
ဘူးလေ။ဒါတွေအကုန်ရှင်းရရင်တော့ စုထားတဲ့မုန့်ဖိုး ကုန်ပါပြီ။သူကတော့ ပြုံးစစနဲ့စိတ်ကြိုက်မှာစားနေလေရဲ့။သူငယ်ချင်းတွေကလည်း သူ့ကြည့်လိုက်
ရွဲကြည့်လိုက်နဲ့ အားမနာတမ်းမှာစားနေကြသည်။အားလုံး ရွဲကို ကြုံတုန်းနှိပ်စက်မည့်ပုံတွေဖြစ်နေသည်။
“
“
မင်းတို့ရော စာမရေးကြဘူးလား..သူငယ်ချင်းက စာရေးဆရာမဆိုတော့လေ”
“
အမလေး ကျောင်းမှာ လက်ချာလိုက်ရတာတောင် ပျင်းလွန်းလို့ပါရှင်..ရွဲရေးနေတာမြင်တာကိုက ပျင်းနေတာ..စာဖတ်လည်းအသေပျင်းတာ”
မေဇော့်အပြောကို အားလုံးကသဘောကျကာ ရယ်နေကြသည်။ရွဲမှာတော့ စားသောက်ပြီးလျှင် ရှင်းဖို့ ရင်တထိတ်ထိတ်နဲ့ ၀ိတ်တာ ကိုခေါ်ရသည်။
“
အားလုံးရှင်းပြီးသွားပြီအစ်မ..ဒီအစ်ကိုရှင်းခဲ့တာ”
ဝိတ်တာလေးစကားကြောင့် ရွဲအံ့သြသွားသည်။သူငယ်ချင်းတွေကလည်း အံ့အားသင့်ပြီး ၀ိုင်းကြည့်နေကြသည်။
“
မွေးနေ့ရှင်အစား ကုသိုလ်ယူချင်လို့ပါကွာ..ကဲသွားကြမယ်..ရွဲကိုယ့်ဆိုင်ကယ်နောက်ကလိုက်ခဲ့လေ ကိုယ်ပြန်ပို့ပေးမယ်”
သူ့စကားကြောင့် သူငယ်ချင်းတွေသည် ဘယ်လိုသဘောနဲ့ပြုံးသွားကြမှန်းမသိဘဲ ရွဲကို သူနှင့်စိတ်ချစွာထားခဲ့သည်။ရွဲသည် သူ့ဆိုင်ကယ်နောက်
ကတစ်ခါမှ မလိုက်ဖူးသေးပါ။ငြင်းဆန်းဖို့လည်း မတတ်သာခဲ့။အာနားပြီးရင်း အာနာစရာတွေဖြစ်လာခဲ့သည်။
“
ကိုမာန်ထက်ကလည်း ရွဲကအကြွေးတွေများလို့ အားနာနေတာ..ထပ်အားနာရအောင်လုပ်တယ်..အကြွေးတွေများနေပြီ”
“
ဟုတ်လား မှတ်ထားလေ..နောက်မှအတိုးနဲ့ပေါင်းတောင်းမယ်”
သူက အိမ်ကိုတန်းမပြန်ပို့ပါ။လောကုတ္တရာဘုရားဘက်ကို ဆိုင်ကယ်မောင်လာသည်။ရွဲသည် နောက်မှထိုင်ရင်း အနည်းငယ်စိုးထိတ်လာခဲ့သည်။
“
ဘယ်ကို သွားမှာလဲဟင်..ကိုမာန်ထက်”
“
လောကုတ္တရာဘုရားကို သွားချင်လို့..ခဏလေးပါနော် ရွဲ”
သူကခွင့်တောင်းသလို ဆိုပြီး ဘုရာခြေရင်းမှာ ဆိုင်ကယ်ရပ်သည်။နောက်ရွဲတို့ ဘုရားပေါ်တက်ခဲ့ကြသည်။ဘုရားဦးချပြီးလျှင် သူကအုတ်ခုံလှေ
ခါးထစ်လေးမှာ သွားထိုင်သည်။
“
ဒီဘုရားကအရမ်းအေးချမ်းတယ်..ကိုယ်မကြာမကြာရောက်လေ့ရှိတယ်..ရွဲရော ရောက်ဖြစ်လား”
“
အင်း ရောက်ဖြစ်ပါတယ်..ရွဲ့ကကျောင်းအားလပ်ချိန်ဆို စက်ဘီးတစ်စီးနဲ့လျှောက်သွားပြီး ကုန်ကြမ်းလိုက်ရှာနေတာလေ..သူငယ်ချင်းတွေကချစ်သူတွေရသွားတော့ ရွဲနဲ့အတူမရှိတာကများတယ်လေ..ကိုယ်ကတော့ စာပေခရီးကြိုးစားချင်တာရယ်
အချစ်ဆိုတာကို မသိရှိမခံစားဖူးသေးတာရယ်ကြောင့် တစ်ယောက်တည်းလျှောက်သွားနေတုန်း”
သူကရွဲကို မျက်ဝန်းညိုများဖြင့် လေးနက်မိန်းမောစွာကြည့်နေသည်။သူ့အကြည့်တွေသည် ညှို့ဓါတ်တွေအပြည့်ပါနေ၍ ရွဲအနေခက်လာသည်။
“
ရွဲ..ကိုယ်ကလေ မင်းအတွက်ဆိုရင် သစ်ပင်တစ်ပင်ဖြစ်ချင်တယ်..မင်းရှေ့ကနေ လေဒဏ်မိုးဒဏ်ကြံ့ကြံ့ခံပြီး ကာကွယ်ပေးချင်တယ်..ရွဲအပေါ်
မှာတွယ်တာမှုတွေက သစ်ပင်ရဲ့အမြစ်တွေလိုပဲ ခိုင်မာနေတယ်..ရွဲ့ကကိုယ့်ဘ၀ရဲ့အစိတ်အပိုင်းတစ်ခု..အသက်သွေးကြောတစ်ခုပဲ..သစ်ပင်ကြီးရဲ့သစ်ရွက်
ကလေးလိုပေါ့..မင်းစိမ်းစိုရှင်သန်အောင်အာဟာရဖြည့်တင်းပေးသူ ဖြစ်ချင်တာ”
စာရေးဆရာမဟုတ်ပေမဲ့ သူအတော်အပြောကောင်းပါသည်။အကောင်းပြောတာလား မသိပေမဲ့ မိန်းကလေးဆိုတော့လည်း အပြောကောင်းတော့
ကြွေသည်ပေါ့။သူ့မျက်ဝန်းကချစ်ခြင်းတွေကို ရွဲကရောသတိမထားမိဘဲနေမလာနော်။ဒါပေမဲ့ ရွဲမှာ ရည်မှန်းချက်ရှိသည်။အောင်မြင်အောင်ကြိုးစားကြည့်ချင်
သည်။အပျော်ရည်းစားတွေမထားဘဲ နှလုံးသားထဲကမြတ်မြတ်နိုးနိုးချစ်ရသူတစ်ယောက်ကိုပဲ ရွေးပြီး ဘ၀အတွက် လက်တွဲချင်သည်။ဒါကြောင့် သူငယ်ချင်း
တွေ ပထမနှစ်ကတည်းက ရည်းစားထားကြ၊ပြတ်စဲကျဖြစ်နေပေမဲ့လည်း ရွဲမှာ ရည်းစားတစ်ယောက်မှ မထားခဲ့ဖူးပါချေ။
ခုလည်း သူ့ကိုအပြည့်အ၀မယုံကြည်ရဲသေးပါ။သူက ရွဲမျက်နှာကို စူးလက်သောမျက်ဝန်းများဖြင့် ငုံ့ကြည့်သည်။
“
ဘယ်လိုလဲ ရွဲ..ကိုယ့်ရဲ့သစ်ရွက်ကလေး လုပ်မယ်မဟုတ်လား ဟင်”
“
အင်း ဘယ်လိုပြောရမလဲ..ကိုမာန်ထက်ရဲ့သွေးကြောတစ်ခုဖြစ်ခွင့်ရတာကိုတော့ ပျော်ပါတယ်..ဒါပေမဲ့ရွဲသစ်ရွက်တော့မဖြစ်ချင်ဘူး”
“
ဘာဖြစ်လို့လဲ ရွဲရဲ့..ကိုယ်ကသစ်ပင်ဖြစ်ရင် ရွဲကသစ်ရွက်လေးပဲ ဖြစ်ရမှာပေါ့”
“
သစ်ရွက်ဆိုတာ ဟောင်းနွမ်းသွားရင် မြေပေါ်ကြွေဆင်းရစမြဲလေ..သစ်ပင်ကြီးက ရွက်သစ်လေးတွေနဲ့ပျော်နေချိန်မှာ ရွက်ဟောင်းလေးကတော့
လေနှင်ရာလွင့်နေရမှာ..ရွဲ သစ်ရွက်မဖြစ်ချင်ပါဘူး”
“
ဟား ဟား..စာရေးဆရာမလို့မပြောရဘူး..ကတ်ကတ်သတ်သတ်လိုက်တွေးနေတယ်ရွဲရယ်..စိတ်ချကိုယ်ဘယ်တော့မှ မပြောင်းလဲပါဘူး”
တကယ်ဆို ရွဲသည် အချစ်ဆိုတာကို မလိုအပ်သေးပါဘူး။ဒါပေမဲ့လည်း အချစ်ဆိုတာခန့်မှန်းရခက်သည်။ကြိုတင်ပြင်ဆင်မှုမရှိဘဲ ရောက်လာတတ်
သည်။ရွဲသည်လည်း ခံစားတတ်သောနှလုံးသားရှိသည်ပဲလေ။သူ့အချစ်၊ဂရုစိုက်မှုများကို တစ်နှစ်လောက်လေ့လာပြီးချိန် ရွဲကျောင်းပြီးတော့ သူနဲ့ချစ်သူတွေ
ဖြစ်ခဲ့သည်။သူဟာ ရွဲရဲ့အချစ်ဦးဖြစ်သည်။အရမ်းလည်းချစ်ခဲ့သည်။နောက်ပြီး သူဟာရွဲဘ၀ရဲ့ကောင်းကင်ပါ။ရွဲကြည့်လေရာတိုင်းမှာ သူရှိနေသည်လေ။ရွဲဘ၀
ရဲ့လိုအပ်ချက်များကို ဖြည့်ဆည်းပေးခဲ့သည်။ကျောင်းပြီးလို့ အလုပ်ရှာတော့လည်း သူက အကြံဥာဏ်ကောင်းတွေပေးခဲ့သည်။
“
ဒီခေတ်ကြီးမှာ ဘွဲ့ရလည်းအလုပ်တစ်ခုရဖို့ ခက်တယ်ဆိုပြီး ခေတ်ကိုပုံမချပါနဲ့ကွာ..အလုပ်လုပ်ချင်စိတ်ရှိရင် အလုပ်တစ်ခုကမခဲယဉ်းပါဘူး..ရွဲ
ဘယ်အလုပ်ကိုစိတ်ဝင်စားလဲ..စဉ်းစားဆုံးဖြတ်ကြည့်လေ”
“
အမှန်တိုင်းပြောရရင် ရွဲကစာရေးတာကလွဲပြီး ဘာမှမလုပ်ချင်ဘူး ကိုကို..ဒါပေမဲ့ဘ၀ရပ်တည်ဖို့အတွက်အလုပ်တစ်ခုတော့ ရှိရမယ်လေ..ကုမ္မဏီ
တွေ၊အရောင်းဆိုင်တွေမှာလည်း မလုပ်ချင်ဘူး..အဒေါ်တွေလွှတ်တဲ့ပြည်ပလည်းမသွားချင်ဘူး..စာရေးခြင်းအတွက်လည်း အသုံးဝင်တဲ့ တိုးရစ်ဂိုက်တော့
ဝါသနာပါတယ်..ရွဲကလည်း အင်္ဂလိပ်စာမေဂျာယူထားတော့လေ..စပီကင်တွေတက်ပြီး ဖြစ်နိုင်ရင်တိုးရစ်ဂိုက်လုပ်ချင်တာ”
“
အင်း..မဖြစ်နိုင်ဘူးဆိုတာ မရှိပါဘူး..ရွဲ စပီကင်နဲ့သင်တန်းထပ်တက်ပေါ့..အရင်ဆုံးဒီတောင်ငူသမိုင်းကိုသေသေချာချာသိအောင်လေ့လာ..မြန်မာပြည်အကြောင်း၊မြို့တွေအကြောင်းသိဖို့စာတွေ
ဖတ်ရမယ်..ဘာသာစကားနှစ်မျိုးလောက်နဲ့ရှင်းပြနိုင်အောင်ကြိုးစားသင်ယူပေါ့..ဒီတောင်ငူကဟိုတယ်တွေရော၊ရန်ကုန်ကမိတ်ဆွေတွေနဲ့ရော ကိုယ်လှမ်း
မိတ်ဆက်ပေးပါ့မယ်”
“
တကယ်လား..ကိုကို..၀မ်းသာလိုက်တာ”
သူက ရွဲဘ၀ကို အလင်းရောင်တွေလည်းပေးဖူးခဲ့ပါသည်။သူ့အကူအညီနဲ့တောင်ငူကနာမည်ကြီး ဟိုတယ်တစ်ခုမကစမ်းသပ်ပြီး အလုပ်ခန့်သည်။
ဧည့်သည်ရောက်လာရင်ဧည့်လမ်းညွှန်လုပ်ပေးရသည်။ရွဲ ရဲ့ကြိုးစားမှုနဲ့အလုပ်အပေါ်စေတနာထားမှုကြောင့် အလုပ်ရှင်တွေကလည်းသဘောကျလာသည်။
ရန်ကုန်ကိုလည်း စပီကင်နဲ့သင်တန်းတွေထပ်သွားတက်ရသည်။ဧည့်လမ်းညွှန်သင်တန်းတွေလည်းထပ်တက်ခွင့်ရသည်။နောက် ရန်ကုန်ကချိတ်ဆက်ပေးမှု
နဲ့မန္တလေး၊ပြင်ဦးလွင်တို့အထိ ခရီးထွက်လမ်းညွှန်လုပ်ပေးလာနိုင်ခဲ့သည်။အားလုံးဟာ ကိုကိုကျေးဇူးတွေကြောင့်ဖြစ်သည်။ရွဲအလုပ်ကိုအကောင်းဆုံးလုပ်သည်။သူ့အပေါ်သစ္စာစောင့်သိပြီး သူတစ်ယောက်တည်းကိုသာ ကိုးကွယ်ခဲ့သည်။
ရန်ကုန်မှာ ဟိုတယ်နှင့်ခရီးသွားလာရေးကဦးဆောင်ဖွင့်လှစ်သောသင်တန်းတစ်ခုတက်နေစဉ် ကိုကိုရန်ကုန်ရောက်လာသည်။သင်တန်းပြီးလျှင်
ရွဲနှင့်မြို့ထဲလျှောက်လည်ကြသည်။ဘုရားသွားကြသည်။အားလုံးကပကတိအခြေအနေပါပဲ။ညနေစောင်းလမ်းခွဲခါနီးမှာ ကိုကိုက ရွဲကိုစကားတစ်ခွန်းပြော
သည်။
“
ရွဲနဲ့ကိုကို တိုင်ပင်စရာရှိတယ်..ကိုယ့်အသက်လည်းမငယ်တော့ဘူး..ရွဲလည်းအလုပ်ရနေပြီပဲ..ကိုယ်တို့လက်ထပ်ဖို့ဆွေးနွေးချင်တယ်..ကိုယ့်
တိုက်ခန်းကို ခဏလိုက်ခဲ့နော်”
တကယ်ဆို ရွဲ တစ်နေရာမှာပဲ စကားပြောချင်ပါသည်။ဒီအချိန်မှာ ချစ်သူနှစ်ယောက်သည် ဆိတ်ကွယ်ရာမှာ အတူရှိမနေသင့်ဘူးမဟုတ်လား။
ရွဲသည် လိမ္မာပါးနပ်စွာနဲ့ဆိုင်တစ်ခုမှာ ဆွေးနွေးဖို့ ပြောလိုက်သည်။
“
ဘာလဲ ရွဲက ကိုယ့်ကိုယ်မယုံဘူးလားဟင်..အထင်သေးတာလား”
“
မဟုတ်ပါဘူးကိုကို..ရွဲလိုက်ခဲ့ပါမယ်”
ရွဲအပေါ်ကို အစစကောင်းခဲ့သူကို ရွဲယုံကြည်သင့်သည် ထင်လို့ သူ့နောက်ကိုရွဲလိုက်ခဲ့ပါသည်။ချစ်သူရဲ့ငြိုငြင်မှုကို ရွဲခံနိုင်ရည်မရှိဘူးလေ။ဒါဟာ
မိုက်မဲမှု၊ဥာဏ်နည်းပါးမှုပဲဖြစ်ပါသည်။ချစ်သူကိုမလွန်ဆန်နိုင်တာရော၊ပုံချစ်မိလိုက်တာတွေကြောင့်ရော ရွဲဘ၀မြောင်းထဲထိုးကျခဲ့သည်။မိမိကိုယ်ကိုလည်း
အရမ်းတန်ဖိုးထားထိန်းသိမ်းခဲ့ပါလျက် ခြေလှမ်းတစ်ချက်မှားခဲ့သည်။ရွဲကျရှုံးခဲ့ပါသည်။အံ့သြစရာကောင်းက ချစ်သူဟာဒီအခြေအနေကိုမဆန်းတော့သည့်
အလား အေးဆေးတည်ငြိမ်လွန်းနေသည်။သူ့မျက်နှာကသွေးအေးခြင်းတွေသည် မကြာခင် ရက်စက်တော့မည့်အသွင်တွေလည်း ဖော်ဆောင်နေပါသည်။
ရွဲကိုချစ်မြတ်နိုးခြင်းထက် သူ့ရဲ့သွေးဆာလောင်မှုကြောင့် ဖြေသိမ့်လိုက်တာများလား။ရွဲမှားပြီလားဟုနောင်တရချင်လာစဉ်မှာပင် ကြားသင့်သော လက်
ထပ်မယ်ဆိုသော စကားမဟုတ်ခဲ့ပါ။
“မကြောက်ပါနဲ့ ..ရွဲရယ် မင်းဘာမှမဖြစ်အောင် ကိုယ်ကာကွယ်ပေးပါမယ်”
တဲ့။ဘုရားရေ။သူပြောရမှာ ဒီစကားမဟုတ်ဘူး ထင်သည်။ရွဲ ရင်ထဲတဆစ်ဆစ်နာလာသည်။လက်ထပ်မှာလားလို့လည်း မမေးဖြစ်ခဲ့ဘူး။အံ့သြစရာ
ကောင်းစွာ ရွဲတို့ဘာမှမဖြစ်ခဲ့သလို ပုံမှန်ရပ်တည်နေရပြန်သည်။သူ ရွဲကိုတော့အရင်လိုကြင်နာမြဲ၊ဂရုစိုက်မြဲပါ။လူမလာနိုင်လည်း ရောက်တဲ့နေရာကဖုန်း
တော့အချိန်မှန်ဆက်ပေးသည်။သူနဲ့ဆုံတိုင်း လက်ထပ်ဖို့ဆွေးနွေးတိုင်ပင်ဖြစ်သည်။
“ရွဲဘယ်မှာနေချင်လဲ ပြောလေ..သီးသန့်အိမ်ခွဲနေချင်လည်း ကိုယ်ကရွဲစိတ်ချမ်းသာအောင် ထားမှာပါ”
သူ့စကားအချို့ကြောင့်တော့ ရွဲစိတ်ချမ်းသာရပါသည်။အစကသူသည် ရွဲဘ၀ရဲ့ကောင်းကင်ဖြစ်သည်။အခုတော့ ရွဲဘ၀ရဲ့ကမ္ဘာမြေကြီးဖြစ်လာ
သည်။သူမရှိဘဲ ရွဲဘယ်လိုမှရပ်တည်နိုင်တော့မှာမဟုတ်ပါဘူး။ရွဲ ခရီးထွက်တဲ့အခါတိုင်းမှာ သူနဲ့ကင်းကွာနေတတ်ပါသည်။ဒါပေမဲ့ ရွဲသူ့ကိုနည်းနည်းမှ စိတ်
မချမဖြစ်ဘူး။သူ့အချစ်ကို မြူတစ်မှုန်တောင်သံသယမ၀င်ဖူးခဲ့ဘူး။ဒါပေမဲ့ သူသည်ရွဲဘယ်လိုမှမထင်ထားသော လက်နက်နှင့်တိုက်ခိုက်သည်။ရွဲ့ရဲ့နောက်မှာ
အသစ်အသစ်သောကောင်မလေးများစွာရှိနေခဲ့သည်။ရွဲအံ့သြသည်။ယူကျုံးမရဖြစ်မိသည်။သူငယ်ချင်းတွေအပြောမဟုတ် ကိုယ်တိုင်သိမြင်ခဲ့ရသည်။
“ကိုကို ရက်စက်လိုက်တာ..ရွဲတို့ချစ်ခဲ့တာ လက်ထပ်ဖို့ထိမဟုတ်ဘူးလား..နောက်ထပ်ချစ်သူတွေဘာလို့ထားခဲ့တာလဲဟင်”
“ချစ်တြတိုင်းဟာ လက်ထပ်ဖို့မှမဟုတ်ဘဲ ရွဲရယ်..ချစ်တိုင်းသာလက်ထပ်ရရင် မင်းရှေ့မှာ ကိုယ်မိန်းမဆယ်ယောက်မကရနေပြီ..ကိုယ်မင်းကို
ဘယ်တုန်းကမှအလိုမရှိခဲ့ပါဘူး..မင်းလိုမယ်ထင်တာတွေကို ဖြည့်ဆည်းပေးခဲ့ရုံပါ”
ရွဲ ထိတ်လန့်စွာ သူ့မျက်နှာကိုမော့ကြည့်မိသည်။သူ့မျက်နှာမှာ ဘာအရပ်မှရှိမနေပါ။ချစ်လို့လား။မုန်းလို့လား။ဘာရည်ရွယ်ချက်မှမရှိဘဲ ရွဲဘ၀ကို
တဖြည်းဖြည်းသိမ်းယူဖျက်ဆီးခဲ့တာဖြစ်မည်။ပြောလိုက်စမ်းပါ ကိုကိုရယ်။မင်းကိုတကယ်ချစ်ခဲ့တာပါ၊အကြောင်းရှိလို့လက်မထပ်နိုင်တာပါဆိုရင်တောင် ရွဲ
လက်ခံနိုင်မှာပါ။ခုတော့ ဘယ်လိုမှချစ်ခြင်းမေတ္တာမပါဘဲ သူရဲ့ဗီဇအရ ရွဲကိုဖျက်ဆီးခဲ့ခြင်းပေါ့နော်။ရွဲဘ၀သည် လေကြမ်းတစ်ချက်အဝေ့မှာ ကြွေလွင့်ခဲ့ရ
တဲ့ပန်းတစ်ပွင့်ဖြစ်ခဲ့သည်။ရင်ဘတ်ထဲမှာအရမ်းနာကျင်သည်။ဒါပေမဲ့မလိုချင်လို့ထားခဲ့သူကို ရွဲအယူခံမ၀င်ခဲ့ပါဘူး။
*********
ဇာတ်လမ်းရဲ့အဆုံးမှာတော့ ရွဲသည် အရှုံးတွေ၊အလွမ်းတွေတစ်ပွေ့တစ်ပိုက်နဲ့ကျန်နေခဲ့ရသူဖြစ်သည်။ခုတော့လည်း သစ်ပင်ဖြစ်ချင်သူကသစ်ပင်
ဖြစ်ခဲ့ပါသည်။ရွက်ဟောင်းတွေကြွေသွားပေမဲ့ ရွက်သစ်တွေနဲ့ဝေဆာလန်းဆန်းနေမြဲလေ။သစ်ရွက်မဖြစ်ချင်ပေမဲ့ မြလည်ရွဲသည် သစ်ရွက်တစ်ရွက်ဖြစ်ခဲ့ရပါ
သည်။ဝါဖန့်ဟောင်းနွမ်းလာတော့ သစ်ပင်ပေါ်ကသက်ဆင်းကြွေကျပေးခဲ့ရသည်လေ။မြေပေါ်မှာ လေနှင်လိုက်တိုင်း ဟိုဒီလွင့်နေလေရဲ့ရွဲရဲ့စိတ်တို့လွင့်
ထွက်သွားတာ ဘယ်လောက်ကြာခဲ့ပြီလဲ။ကိုယ့်ဘ၀ကိုတန်ဖိုးထားထိန်းသိမ်းပြီး နေခဲ့ကာမှ အဖြစ်ဆိုးနဲ့ကြုံခဲ့တာကိုတွေးမိတိုင်း ခြောက်ခြားသည်။
ခုဆိုမြို့ကလေးထဲမှာပင် အများကြီးတိုးတက်ပြောင်းလဲနေပါပြီ။ရွဲကတော့ ရပ်တည်ဖို့အတွက်အလုပ်လုပ်နေသည်။ခံစားချက်ဝင်လာရင် စာရေး
သည်။ဘ၀မှာ ပျော်ရွှင်ခြင်းတို့၊လိုအင်ဆန္ဒတို့ပျောက်ကွယ်ခဲ့တာ ကြာပါပြီ။ဘယ်သူမမှ မသိလည်းဘဲ ရွဲလိပ်ပြာကအမြဲခြောက်လှန့်နေသည်။ပြီးတော့ အတိတ်မရှိ။ပစ္စုပ္ဌါန်မရှိ။အနာဂတ်မရှိတော့ပါ။ရွဲသည် ကိုယ့်ဘ၀ကိုယ်သစ်ရွက်တစ်ရွက်လို့ပဲသတ်မှတ်ထားသည်။လွင့်မည်။နောက်ထပ်အချစ်တွေအများကြီး
တိုးပွါးလာသည်။ကိုယ့်ကိုလာချစ်ကြသည်။စိတ်ဝင်စားလျှင်ပြန်တွဲသည်။စိတ်ကုန်လျှင် အဆက်ဖြတ်လိုက်သည်။
ဒါပေမဲ့ဘယ်ယောက်ျားမှ ရွဲလက်ကိုမကိုင်ဖူးပါ။ဆိတ်ကွယ်ရာမှာ မပြောနှင့် လူအများကြားမှာပင် သိပ်တွေ့ဆုံခြင်းမရှိတော့ပါ။ယောက်ျားတွေကို
မယုံကြည်သလို၊လက်ထပ်ဖို့လည်း တစ်ခါမှမတွေးဖူးတော့ပါချေ။လူတစ်ယောက်ကိုချစ်ရင်အရူံးကြီးရှုံးတတ်မှန်းသိတဲ့နှလုံးသားက နောက်ထပ်မချစ်ရဲတော့
ပါ။ချစ်မိတဲ့အချစ်ရော၊နာကျင်မှုတွေကိုရော မြေမြှုပ်ပစ်ခဲ့တာကြာပါပြီ။ချစ်သူကိုချစ်ခဲ့တဲ့အချိန်ကလည်းအကောင်းဆုံးချစ်ခဲ့သည်။သူလမ်းခွဲသွားချိန်မှာလည်း နှောက်ယှက်မှုမရှိဘဲ အကောင်းဆုံးလမ်းခွဲပေးလိုက်သည်။ရွဲရင်ထဲမှာတော့ နာကျင်နေဆဲပါ။
ရွဲတွေးနေစဉ် အမှတ်မထင်လေတစ်ချက်အဝေ့မှာ သစ်ရွက်လေးတွေကြွေကျလာပြန်သည်။အင်း မြေခရတော့မှာပါလား။မြေခပြီးရင် ဘာဖြစ်မလဲ။
လေနှင်ရာလွင့်ရမှာပေါ့။နေစမ်းပါအုံး။လေနှင်ရာပဲလွင့်ကြသလား။မြေဆီလွှာ ဖြစ်နိုင်တဲ့သစ်ရွက်ရော မရှိဘူးလား။သစ်ရွက်လည်း မြေဆီလွှာဖြစ်နိုင်သည်ပဲ
လေ။အနည်းဆုံးတော့ မြေဆီလွှာကိုကောင်းမွန်အောင် ပံ့ပိုးပေးနိုင်ကြပါသည်။
ရွဲသည်လည်း လေနှင်ရာကိုမလွင့် ချင်တော့ဘူး။မြေဆီလွှာ ဖြစ်အောင်ကြိုးစားကြည့်ချင်သည်။သစ္စာမရှိတဲ့ယောက်ျားအတွက် ရွဲဘ၀လွင့်ခဲ့တာ
ဘယ်လောက်ကြာပြီလဲ။ကြွေသွားတဲ့သစ်ရွက်တွေလည်း မြေဆီသြဇာဖြစ်နိုင်ပါသေးသည်။အနည်းဆုံးတော့ ရွဲရဲ့စာတွေကိုဖတ်ပြီး လူတွေ ခံစားမှုရသဖြစ်
ဖြစ်၊ဗဟုသုတဖြစ်ဖြစ်ရအောင် ရွဲမှာကြိုးစားခွင့်ရှိသည်။သစ်ရွက်ဆိုတာ ၀ါဖန့်ဟောင်းနွမ်းလာရင် မြေပေါ်သက်ဆင်းကြွေကျရတာမှန်တယ်။လေနှင်ရာလွင့်
တဲ့သစ်ရွက်တွေရှိသလို မြေဆီလွှာ ဖြစ်နိုင်တဲ့သစ်ရွက်တွေလည်း ရှိနိုင်ပါသေးသည်။