ထွန်းဝေမြင့်ကဗျာများစုစည်းမှု

ထွန်းဝေမြင့်ကဗျာများစုစည်းမှု
*******************************
တီကောင်နဲ့ စကြဝဠာ
________________
၁။
သစ်ပင်စိုက်မလို့ မြေကြီးကို လှန်လိုက်တော့...
တီကောင်
တွန့်တွန့်လိမ်လိမ် ခုန်ပေါက်ပြီး အပြင်ထွက်လာ
မြေဆီကို စားလို့ မြေကြီးထဲမှာပဲ ပျော်ရှာသူ တီကောင်
ငယ်ငယ်တုန်းက တီကောင်ကိုမြင်ရင် အူယားပြီး ရွံရှာ
သည်အမြင်ကို ပြောင်းလဲပစ်မှ ကောင်းတော့မှာပေါ့
တီကောင်ကို ငါ နောက်တစ်ကြိမ် ပြန်ကြည့်လိုက်တယ်။
၂။
အကြည့်၊ ပိုပြီး ကျယ်ပြန့်အောင် နောက်ဆုတ်လိုက်
အာကာသထိ နောက်ဆုတ်လိုက်တယ်။
အာကာသထဲက အကြည့်နဲ့ ကမ္ဘာကို ကြည့်မိတယ်
အသက်ဇီဝရဲ့ အရိုးစင်းဆုံး ဖွဲ့စည်းပုံ ရှာတဲ့အခါ
'တီကောင်'ကိုပဲ ရှင်းရှင်းလင်းလင်း မြင်ရမှာပေါ့
လူကိုဒုက္ခမပေးတဲ့ စင်းလုံးချော တီကောင်လေး
ပျော့စိစိ တွားသွားတွန့်လိမ်ထဲမှာ ငါအကြိုက်ဆုံးက
တီကောင်ဖြစ်နေပြီ၊ သူပဲ မြေကြီးကို အချစ်ဆုံးမို့ပေါ့
လောကထဲမှာ တီကောင်လူးလွန့်နေပုံ ဘယ်လောက်လှသလဲ
ဒါဟာ ကလေးငယ်ရဲ့ အမြင်(သို့)ဒသနဆရာရဲ့ အမြင်လည်းဖြစ်ရဲ့။
၃။
အသက်ဝိညာဉ်အကြောင်း
ဘယ်သူတွေဘယ်လောက်နားလည်လို့လဲ
ကဗျာဆရာက ဘာမှ နားမလည်ဘူးလို့ ဖြေတယ်။
ဟုတ်ပြီ...နားမလည်တဲ့ ကလေးငယ်မျက်စိနဲ့ကြည့်တဲ့အခါ
စင်းလုံးချော ကိုယ်ထည်နဲ့ ဖွဲ့စည်းထားတဲ့
တီကောင်ကလေးမှာတောင် အံ့ဖွယ်အလှ ရှိနေတာမြင်ရ
သည့်ထက်ကောင်းတဲ့ ဘဝအမြင် ဘယ်ရှိတော့မလဲ
ဒါဆို...သူ့ထက်ဖွဲ့စည်းပုံရှုပ်ထွေ၊ ဖွဲ့စည်းပုံအရ စိတ်အဖြစ်ဆုံး
အသိမ်မွေ့ အနူးညံ့ဆုံးရုပ်၊ ဖြစ်တည်မှု ဘယ်လောက်လှမလဲ
လူအဖြစ်ကို ငါနောက်တစ်ကြိမ် ပြန်ကြည့်လိုက်တယ်။
၎။
သစ်ပင်စိုက်မလို့ မြေကြီးကို လှန်လိုက်တော့...တီကောင်
တွန့်တွန့်လိမ်လိမ် ခုန်ပေါက်ထွက်လာပြီး ငါ့ကိုမေးတယ်
'အို...လူသား၊ မြေမှာမွေးဖွားပြီး မြေမှာပဲ နိဂုံးချုပ်ရမှာ
စကြဝဠာကို မေးခွန်းထုတ်နေဖို့ လိုသေးသလားတဲ့'
လိုအပ်တယ်လို့ ကဗျာတွေက ပြောတယ်...ဘာကြောင့်လဲဆိုတော့
မေးခွန်းတွေကို ရပ်ပစ်လိုက်ရင် ဘဝဟာ ရပ်ဆိုင်းသွားမှာပေါ့
အသက်ဇီဝမှာ အလှမရှိဘူးဆိုရင် စကြဝဠာမှာလည်း
အလှမရှိ ဘဝဆိုသည် အချည်းနှီးပဲဆိုပါရင်
စကြဝဠာကြီးလည်း အချည်းနှီးပဲ ဘဝနဲ့စကြဝဠာဟာ
မသိနိုင်တာချင်း အတူတူ ထုထည်အတူတူပဲ
လူ့ဘဝဟာ စကြဝဠာကြီးသလောက် ကြီးလေတော့
ငြီးငွေ့ဖွယ်မမြင်တော့ ရှင်းပြရရင် လူဆိုတဲ့ မျိုးစေ့ကလေး
ကမ္ဘာမြေပေါ် ရောက်ရှိလာပုံက စရမှာပေါ့။ ။

ထွန်းဝေမြင့်​
.
*********************************

ကော်ဖီကျကျ၊ဓာတုဗေဒကျကျနဲ့ ကဗျာကျကျ
====================================
တပ်ဆင်ထားသော
ရွှေသားအတိတပ်မက်မှုများ
တစ်ထည်စီခွာချ ချွတ်ပုံလိုက်သောအခါ
ငါ့အတွင်းသားငါ တိုးလျှိုပေါက်မြင်ရတာ
အမှန်တရားနလန်ထစ ကယောင်ကတမ်း ကြောင်အမ်းပြီး
လောကကြီးကို မနိုင်မနင်းဆွဲတင်နေမိလောက်အောင်
ရှေ့လောကြီးခဲ့ဖူးပါတယ်။

ထိုနှစ်တွေကား
မာရေကြောရေများကို ကြွပ်ကြွပ်ဝါး
ကမ္ဘာမြေတွင် အရိပ်ထင်သော စိတ်နှလုံးများစွာကို ကြေညက်ပြီး
ငါနှစ်ကိုယ်ခွဲ ဖြစ်သွားရင်း ကြီးပြင်းနေတာ
ယန်းပေါဆတ်နဲ့ ကော်ဖီခါးခါး သောက်ကြတာ
မာရ်နတ်သားကို လက်ပန်းပေါက်ခတ် စိန်ခေါ်လိုက်တာတွေ
တစ်သက်မှာ မေ့မရလေတော့ ။

လူဆိုတာ ဘာလဲ
ဓာတုဗေဒနည်းလမ်းအရတော့
လူဆိုတာ လျှပ်စစ်ဓာတ်အားစက်ကြီး တစ်လုံးပါပဲ
မဟုတ်ဘူး ငြင်းမိပြီး
နှစ်စဉ် နှစ်တိုင်း
ကိုယ့်မျက်နှာကိုယ် မှန်လို ကြည့်လို့အားမရ
နယ်နိမိတ်အကျယိအ၀န်း ကြီးမားပေစွ ။

ရေမြေတောတောင် တစ်လျှောက် ငါ့ဥဒါန်းကျူးရင့်သံ
တစ်ကိုယ်တော် လူဆန်ရ
ကမ္ဘာမှာ ကဗျာရေးရင်း အသက်ဆက်ရ
ငါ ရပ်မနေ၊အရှိန်မြှင့် အားသွန်နေခဲ့ပြီ ။ ။

ထွန်းဝေမြင့်
.
*******************************************************
လူပုံ ပေါက်ခဲ့ မပေါက်ခဲ့
====================
ဘဝကို အဓိပ္ပာယ်မဲ့လိုက်သောအခါ
မြတ်နိုးတွယ်တာမှုအပေါ် ရောဂါများ ဝေ့ဝဲ
အချိန်ကာလ ပျော့တွဲ အရည် တစက်စက် ထွက်
အဆိုးမြင် လေချဉ် တအေ့အေ့ တက်ရင်း
ကမ္ဘာ့ဓာတ်ပြားဟောင်း၌ မျက်ကြောစင်း
သက်တမ်းရင့် ပျင်းရိငြီးငွေ့ဖွယ် ရပ်ကွက်အတွင်းရှိ
ကဗျာဆိုတာ ဘာမှန်းမသိ ကဖီး
အဲဒီကဖီးမှာ ဒီကဗျာ
ငါ ချရေးလိုက်တာပါပဲ။
ဘဝဆိုသည် တိုတောင်းလွန်းသော အိပ်မက်
ထိုအစွန်းတစ်ဖက်၌ စိတ်လေလွင့်သူ မဖြစ်လို
အို . . . အမေ
သွေးသား ခန်းခြောက်နေမယ့် စိတ်ဓာတ်မျိုး
မြူတစ်မှုန်မျှ သားမှာ မရှိလို၊
လူ့နှလုံးသွေးများ
တသွင်သွင် ကြည်လဲ့ စီးဆင်းနေမယ့်
လုပ်ငန်းအသစ်ကိုသာ တင်ဆက်ချင်ပါရဲ့
ကျွန်တော်ဟာ ကမ္ဘာနဲ့ သက်ဆိုင်ချင်သူပါ။
အထင်မလွဲကြပါနဲ့
ဝမ်းသာအားရ လာခဲ့သူပါ
ချစ်ခင်ရင်းနှီးလိုက်ချင်စမ်းပါဘိ
ငါ တစ်ကိုယ်လုံး ဝင်ရောက်မိတဲ့ မှော်ရုံတောကြီးရယ်။ ။
.
ထွန်းဝေမြင့်

***********************************************************
___________________________________________________
ပြန်ရောက်လာတဲ့ တနင်္ဂနွေ
====================
ငါ မပျော်ပါဘူးလို့ မပြောချင်
ငါ စိတ်ဓာတ်ကျနေတယ်လို့ မပြောချင်
မပြောချင်တာတွေ ငါ့အမှိုက်တောင်းထဲမှာ ပြည့်နေပြီ
ချစ်သူရေ . . . ငါ့အမှိုက်တောင်း မင်း သွားသွန်လိုက်ပါလား
မင်းဟာ ငါ့အရှုပ်တွေကို ရှင်းသူပါ။
မင်းဟာ ငါ့ရဲ့ စံပယ်ပန်းပင်ကလေးပါ။
မင်းဟာ ငါဖတ်တဲ့စာအုပ်စင်လေးပါ။
အသက်ရှင်ရတာ အရသာကင်းမဲ့တယ် ထင်တဲ့အချိန်
ဘဝကို ယုံကြည်အောင် ဘယ်သူလုပ်တယ် ထင်သလဲ
လေယာဉ်ပျံတွေ အချိန်မှန် ပျံသန်းနေဆဲ
မီးရထားတွေ အချိန်မှန် ဝင်လာကြ၊ ထွက်သွားကြ။
သစ်သီးတွေလည်း သူ့ဓမ္မတာအတိုင်း ဝင်းမှည့်လာမြဲ
တနင်္ဂနွေနေ့လည်း တစ်ပတ်လည်ပြီး ပြန်ရောက်လာခဲ့
" မင်း နေရထိုင်ရတာ ပျော်ရွှင်ရဲ့လား
အားရပါးရ ရယ်မောခဲ့ဖူးသလား
စိတ်တင်းမာမှုတွေ လျှော့ချတတ်သလား "
ချစ်သူရေ . . . ဒါတွေဟာ ဇာတ်လမ်းရဲ့အစပါကွယ်။ ။
.
ထွန်းဝေမြင့်
.
___________________________________________________
ချာလီချက်ပလင်နဲ့ ဟစ်တလာ
====================
ရေကုန်ရေခန်း လက်ဝှေ့ထိုးသတ်မယ့် ချာလီချက်ပလင်နဲ့ ဟစ်တလာ
ဟစ်တလာကို သံလှောင်ချိုင့်နဲ့ ပွဲထုတ်လာတယ်။
လှောင်ချိုင့်ထဲမှာ ဟစ်တလာ အမြီး တယမ်းယမ်း မာန်ဖီနေပြီ။
လှောင်ချိုင့်ကို ဖွင့်လိုက်တာနဲ့ ကြိုးဝိုင်းထဲ ခုန်ဝင်လာပြီး
ဟစ်တလာ မိုးချုန်းသလို တဝုန်းဝုန်း ထိုးဟောင်နေလေရဲ့။
ကြိုးဝိုင်းထောင့်မှာ ချာလီချက်ပလင် ရှိုက်ကြီးတငင် ငိုကြွေး
ပရိသတ် လက်ခုပ်သံ တဖြောင်းဖြောင်း ဟစ်တလာကို အားပေးနေပြီ
ဒိုင်လူကြီးဝင်လာတော့ ဒိုင်လူကြီးရဲ့လက်တစ်ဖက်ကို လိမ်ချိုးလိုက်ပြီး
ဟစ်တလာ တကျွတ်ကျွတ် ဝါးစားပြနေလေရဲ့။
ဒိုင်လူကြီးရဲ့လက်ငါးချောင်းစလုံးကို ဝါးစားပစ်လိုက်တယ်။
ချာလီချက်ပလင် သူ့ပါးသူ ရိုက်ရိုက်ပြီး ရှိုက်ကြီးတငင် ငိုကြွေး
ဟစ်တလာကို အားပေးတဲ့ပရိသတ်များ ဝက်ဝက်ကွဲ ရုံမဆံ့တော့။
ဟစ်တလာ အားတက်လာပြီး
သူ့အမြီးနဲ့ ချာလီချက်ပလင်ကို တဘုန်းဘုန်း ရိုက်
ပွဲခင်းထဲ ဆင်းလာပြီး မိန်းမတစ်ယောက်ကို အဓမ္မပြုကျင့်
ပရိသတ်ဘက် လှည့်ပြီး အမျိုးမျိုး အော်ဟစ် ဆဲရေးတိုင်းထွာ
ဒါကိုပဲ ပရိသတ်က တဝါးဝါး ပွဲကျ၊ ဟစ်တလာကို ပန်းကုံးစွပ်ကြ
ကြိုးဝိုင်းထဲ ပြန်ဝင်လာပြီး ချာလီချက်ပလင်ကို
ဂျုံနယ်သလို နယ်ပစ်
ချာလီချက်ပလင် အပြားဖြစ်အောင် ဖနောင့်နဲ့ ပေါက်
နင်းချေ၊ တင်းပုတ်နဲ့ ထု၊ တလိမ့်တုံးနဲ့ ကြိတ်
ပရိသတ်လက်ခုပ်သံ မစဲတော့၊ အားပေးအော်ဟစ်သံ
အဆက်မပြတ်
ဟစ်တလာ ချန်ပီယံဆု ယူပြီး
ကမ္ဘာတစ်ပတ် ခရီးလှည့်လည် အပန်းဖြေ
ကြိုးဝိုင်းထဲမှာ သားရေစလို ပြားချပ်နေတဲ့ ချာလီချက်ပလင်ကို
အဘွားအိုတစ်ယောက်က ဖျာလို လိပ်ပြီး သူ့အိမ် ယူသွားတာပေါ့။ ။
.
ထွန်းဝေမြင့်

**************************************************************
သူငယ်ချင်းသုံးယောက် ဘယ်ကိုရောက်
=========================
ကျွန်တော်ရယ်
လျှာပေါ် မြက်ပေါက်ရယ်
လေနုအေးရယ်
သုံးယောက်သား
ငရဲကြီးရှစ်ထပ် ဟိုတယ်ဘားမှာ
စကားတွေ အကြာကြီး ပြောကြရင်း
မဟာလူသားဥယျာဉ်ကို သွားဖို့ ဆွေးနွေးခဲ့ကြတယ်။
အချိန်ကာလက ၁၉၈၅
သုံးယောက်သား
လူ့ဘဝ၊ သေခြင်းတရားနဲ့
လောကကြီးရဲ့ အတွင်းအနှစ်ပိုင်းမှာ လူးလာ
လူ့အဖြစ်ဟာ
ခင်ဗျားသိထားသလောက်တော့
မဟုတ်ဘူး ရှိလိမ့်မယ် . . . ဆိုပြီး
ကျွန်တော်တို့လက်ဝယ်မှာ
ဟောလဗ်*၊ ရှေးမော့စ်ဟေနီ** နဲ့ ဗရော့စကီး*** ကဗျာတွေ
တစ်ပွေ့တစ်ပိုက်
ကိုလံဘတ်စ်က နယ်မြေသစ်ကို နင်းမိလိုက်သလို
အခိုက်အခါမျိုးပေါ့။
ခက်တာက
လျှာပေါ် မြက်ပေါက်ဟာ
သူ့မရွှေချောကို သတိရရနေပြီး
လေနုအေးက ငွေလိုနေတယ်
ကျွန်တော်လည်း ထိုနည်းလည်းကောင်း
ပြည်သူနဲ့ တစ်သားတည်းပဲလို့ ကိုယ့်ကိုယ်ကိုယ်ကြီးကျယ်ထားပြီး
ဆင်းရဲမြဲဆင်းရဲနေတဲ့ဝတ်စုံနဲ့
အလုပ်သွားလိုက် ဈေးသွားလိုက်
လမ်းဘေး ထိုင်လိုက်
ဂုဏ်သရေရှိသူတွေထဲ ဝင်ရောလိုက်နဲ့
ကိုယ်ပိုင်သက္ကရာဇ်တွေဟာ အလကားဟာတွေကို ခေါင်းနဲ့ တိုက်
(အေးလေ . . .)
ချစ်သူ့ရင်ခွင်ကို ခေါင်းနဲ့ ဝှေ့သလိုမျိုးလည်း ဖြစ်မှာပါ။
လျှာဖျားက စကားတွေနဲ့ပဲ အသက်ကြီးလာတော့
လူလည်း လူရုပ်မပေါ်တော့ဘူး ဖြစ်တတ်တယ်။
ဒါနဲ့ မဖြစ်ချေဘူးဆိုပြီး အခန်းတံခါး ဆွဲပိတ်လိုက်တယ်။
ထွက်ပြေးခြင်းဝါဒတော့ မဟုတ်ပါဘူး
တဟေတီကိုလည်း မသွားလိုဘူး
ဖုန်လုံးကြီးတွေ တလိမ့်လိမ့်နဲ့ မွေးဌာနေကို
သိပ်ချစ်တာပဲဆိုတဲ့
ပလီပလာ တီတီတာတာလည်း ပြောမထွက်ဘူး။
ဒါဖြင့် ဘာကို ချစ်သလဲ
(မေတ္တာတရားဟာ သိပ်ကျယ်ပြန့်ပါတယ်။)
ကျွန်တော့်အခန်းလေးကိုတော့ ကျွန်တော်ချစ်တာ အမှန်ပဲ။
လောကသုံးပါးကို တစ်ကိုယ်စာ ချုံ့ယူထားတဲ့အခန်းလေး။
သတ္တဝါတစ်ခု ကံတစ်ခု နံဘေးမှာ
ပန်းပွင့်တွေ ဝေလို့၊ စမ်းချောင်းလေး ခွေလို့ပေါ့လေ။
အခုတော့ ၁၉၉၁
လျှာပေါ် မြက်ပေါက်ဆိုတဲ့ကောင်က
မိန်းမရ၊ ကလေးတွေ မွေးပြီး
ငေးတိငေးငိုင်၊ ငူတိငူငေါင်ဖြစ်လို့
လေနုအေးက
အရက်ချိုးကပ်၊ ဗိုက်ကြီးချွဲပြီး
စူပုပ်ပုပ်၊ အောက်သိုးသိုး၊ မျက်စိပေါက် မပွင့်တော့ဘူး
အင်း . . . ကျွန်တော်တစ်ယောက်ပဲ ခုချိန်ထိ တိုက်ပွဲမကျသေးဘူး။ ။
* Miroslav Holub(1923 - ) ချက်ကဗျာဆရာ
** Seamus Heaney အိုင်ယာလန်ကဗျာဆရာ
*** Brosky ရုရှား-ဂျူးလူမျိုး ကဗျာဆရာ
.
ထွန်းဝေမြင့်

*****************************************************************
လိုအပ်ချက်နဲ့ ငြင်းဆိုခွင့်
=========================
လူတစ်ယောက်မှာ နာမည်တစ်ခုရှိရင် ပြီးတာပဲ။
မောင်လှဖြစ်ဖြစ်၊ မောင်ဘဖြစ်ဖြစ်
နာမည်တစ်ခုရှိရင် ပြည့်စုံပြီ။
တရုတ်လား၊ ကုလားလား၊ ဆရာဝန်လား၊ ဖိနပ်ချုပ်သမားလား။
ငါ့ကို လာမပြောနဲ့၊ မသိချင်ဘူး၊ မလိုအပ်ဘူး။
ဟုတ်ပြီ၊ အခု လာနေတာ မောင်လှလား။
လာပါဦးကွဲ့ လူကလေးရဲ့။
မင်း လူဖြစ်တာတော့ သေချာရဲ့မဟုတ်လား
ဒါလေး တစ်ခုတော့ အရေးတကြီး လိုအပ်တယ်။
.
ထွန်းဝေမြင့်
.
**********************************************************************
လမ်း၌တွေ့ရသော သတ္တဝါ
=====================
ကွယ်ရင်မေ့
တွေ့မဖြေသာအောင်လွမ်းတတ်တဲ့
ဆယ့်ငါးမိနစ်အကျွတ်တရားကြီးနဲ့
ရန်ကုန်မြို့လယ်မှာ ဆုံဆည်းပြန်ရာ
သူ့ကိုယ်ပိုင်ဟန်အတိုင်း လှုပ်ယမ်း
ကိုယ့်ကိုယိမ်းထိုး အသံထွက်
လေတဝေါဝေါ ရေပက်မဝင်တော့ဘူး ။
တွေ့တွေ့ချင်း ဆောက်နဲ့ထွင်ပုံက
ဟဲ့...အထီးကျန်တစ်ကောင် ကြွက်
လက်တွေ့မပါ စိတ်ကူးယဉ်တွေးခေါ်ပညာရှင်
မြေကိုမခင် ကောင်းကင်မော့ကြည့် အတွေးခေါင်
လူ့ဘောင် လူ့လောကအပြင်ဘက် လူ့ဗာလ
နင့်ဘဝအခြေအနေ သာယာပါစေ
ငါ့အတွက် ကဗျာတစ်ပုဒ် ပေးဦးဟတဲ့
သုညကဖေးက ထွက်ကြတော့
သူ့အတွက် ကဗျာတစ်ပုဒ်ပေး ရပေါ့ ။
{.............................................................}
ဘယ်သူတွေ ဘာတွေရကြသလဲ
ငါးမျှားချိပ်မှာ ဘဝကို ပုံအပ်ကြ
စိမ်းလန်းသော သစ်ပင်များအကြား
ကိုယ်ခန္ဓာများ ဘယ်သို့ ပေါက်ရောက်ခဲ့ပါလိမ့် ။
တစ်စက္ကန့်ပြီးမှတစ်စက္ကန့်လာတယ်
သပွတ်အူကို စဉ်းစားတွေးခေါ်ရတာ
လမ်းမှန်သူတွေရဲ့ပျော်ရွှင်ဖွယ် နေထိုင်နည်း ။
ဒီကဗျာကို အသံထွက်ဖတ်တာ
တဟားဟားရယ်ရင်း
ရယ်ရတယ်ဟေ့ ပြောကာ
ကျွန်တော့်ပါး ခပ်ဆတ်ဆတ် ပုတ်
နူတ်ဆက်ပြီး...
ဆယ့်ငါးမိနစ် အကျွတ်တရားကြီးဟာ
စက်ပစ္စည်း အရောင်းဆိုင်ထဲ
ဝင်သွားတာ တွေ့မိတယ် ။ ။
ထွန်းဝေမြင့်
***********************************************************
ဆောင်းနံနက်
-------------------------------- ထွန်းဝေမြင့်
တမြည့်မြည့် နှင်းမှုံပြာရီက
အရာရာကို ကွေးကုတ် တွန့်လိမ် သွားအောင် ကျီစယ်လေသလား
သက်ရှိများအပေါ် ကျဆင်းပုံဟာ ပြက်သားလွန်းလှချည့် ။

အရိုးခိုက် မတတ်
နှင်းမြူထူထဲ ပြာဝါးဝါးမှာ
ဒီဇင်ဘာ ပန်းကလေးများ အပွင့်လှိုင်လှိုင် မွှေးဝေသင်းပျံ့
ကြမ်းတမ်း ခက်ထန်မှုကြား ရယ်မော ရွှင်ပျနေကြသယောင် ။

ဆောင်းကို စွန့်စွန့်စားစား ရင်ဆိုင်ရာမှာ
ရေနွေးငွေ့ တထောင်းထောင်း
မီးပွား တဖြတ်ဖြတ်လွင့် ကဖိးဆိုင်လေးလည်းပါ။

ကဖီးဆိုင်ထဲမှ လူများ
ဘာတွေ စိတ်ဝင်စား
ရိုးတွင်းချဉ်ဆီထိ စိမ့်အေးစေတဲ့ ငါးနာရီမှာ
ဆောင်းရဲ့တိုက်စားမှုကို ကျောပေးထားကြကာ
သူတို့ စိတ်ဓာတ်တွေ အငွေ့တထောင်းထောင်း
သူတို့စီမံကိန်းတွေ မီးပွားတဖြတ်ဖြတ် လွင့်နေရဲ့ ..။ ။
*******************************************************
နည်းနည်းသိ အမှန်တရား
--------------------------------
.
နည်းနည်းပဲ သိတယ်လို့ ဆိုကရေးတီးလည်း ပြောဖူးတယ်။
၂၁-ရာစု တွေးခေါ်ပညာရှင်တွေလည်း ပြောဖူးတယ်။
သိစရာတွေအားလုံးကို သိုလှောင်ထားတဲ့ ကွန်ပျူတာကတောင်
သိစရာတွေ အများကြီး သိုလှောင်ဖို့ ကျန်သေးသတဲ့။

နည်းနည်းပဲ သိတယ်ဆိုတာ အမှန်တရားဖြစ်တယ်။
နည်းနည်းပဲ သိတယ်ဆိုတဲ့ ယုံကြည်မှုဟာ
ငါ့အတွက်တော့ ပျော်ရွှင်ဖွယ် အကောင်းဆုံးပဲ။

ငါ့ရုပ်ရည်၊ငါ့စိတ်၊ငါ့ခံစားမှု၊ငါ့အိပ်မက်
ငါဖြစ်တည်နေတာ...
ငါ့အကြောင်း ငါသိတယ်ဆိုတာ ဘယ်အထိသိနိုင်မှာလဲ
ငါ့ပြင်ပက အရှိတရားတွေကိုလည်း ငါနည်းနည်းပဲ သိတယ်။
အရာဝတ္ထုတစ်ခု၊ပန်းတစ်ပွင့်၊အသက်ဇီဝ၊စကြ၀ဠာ
အားလုံးဟာ ရိုးမသွားဘူး၊ငြီးငွေ့စရာ မဖြစ်ခဲ့ဘူး။
အားလုံးကို နည်းနည်းပဲသိလို့ ငါ့ဘ၀ ဆက်တိုက်ရှင်သန်လာခဲ့တယ်။
.
ထွန်းဝေမြင့်
ချယ်ရီ၊သြဂတ်၊၂၀၀၂၊
*****************************************************************
မီးရထား ထွက်ခွာချိန်
--------------------------------
.
ဆောင်းည၊ ကောင်းကင်ပြာ ကျယ်ပြန့် ၊ လမင်းဖြာကျ ၊
ဟိုးအဝေးဆီက မီးရထား ၊ ဥသြသံ ပဲ့တင် ရှည်လျား ၊
ကွဲကွာရခြင်းများ ၊ ခွဲခွာရခြင်းများ ၊ ဘယ်သူမှ မလွဲနိုင်ကြောင်း
လွမ်းဆွတ်ခြင်းတဝက်၊ သတိတရား တဝက် ၊ ဥသြဆွဲ ထွက်ခွာ၊
ဒီ ပတ်ဝန်းကျင် ခြောက်သွေ့ ကန္တာရထဲ
ငါ့ဘဝ ခြောက်သွေ့ သစ်ပင်မှာ
ဘာ့ကြောင့်များ မင်းအချစ် ရွက်နုသစ်တွေ စိမ်းလန်းလာခဲ့ပါလိမ့်
မင်းအချစ် ပန်းသစ်ပွင့်ဝေ မွှေးရနံ့ သင်းထုံ လေညင်းထဲ
လောကကြီးက သင်္ခါရ ၊ ငါ့ကိုပြနေသလို
အချစ်က ချစ်ခြင်းမေတ္တာ၊ ငါ့ကို ပေးလာခဲ့
မီးရထားက ဥသြသံပေးကာ ခုတ်မောင်းဆဲ
ငွေနှင်းမှုန်မှုန် ဆောင်းတစ်ည၊ လမင်းရဲ့ အလင်းရောင်အောက်မှာ ။ ။

ထွန်းဝေမြင့်
*************************************************
စခန်းသာ
---------------------
ဘာစားမလဲ
ဘာသောက်မလဲခင်ဗျာ
အအေးလား အပူလား ။

ဟုတ်ကဲ့ဗျာ
ဆဟာရ သဲကန္တရတစ်ပွဲ
ဝင်ရိုးစွန်း အအေးတစ်ခွက်ပေးပါ ။

ထွန်းဝေမြင့်
*************************************************************
အတူတကွ
----------------
.
မိုးချုပ်သွားတဲ့ အထိ
ပန်းခြံ ခုံတန်းလျားမှာ
ငုတ်တုတ် ထိုင်ခဲ့မိတယ်

အရှေ့အလယ်ပိုင်း စစ်ရယ်
အစာအိမ်ရယ်
ဝိညာဉ်ရယ်
အတူတကွ ငုတ်တုတ် ထိုင်နေမိတယ်

ထွန်းဝေမြင့်
************************************************************
ဂွာယာနီကား
--------------------------------------
.
ပီကာဆိုရေးတဲ့ ဂွာယာနီးကား
စပိန်မြို့လေးကို နာဇီတွေ ဗုံးကြဲတဲ့ ပန်းချီကား
ငါ့ မှတ်ဥာဏ်မှာ တစ်သက်တာ စွဲမြဲခဲ့တယ်

ကလေးများ ၊ လူအိုများ ၊ သန်စွမ်းသူများ ၊ ဒုက္ခတိများ
ကျေးငှက်တိရစ္ဆာန်များ ၊ ပန်းခြံများ ၊ ပျိုးခင်းများ
သစ်ပင်များ ၊ စာသင်ခန်းများ ၊ ဈေးများ
ဆေးရုံများ ၊ ပြတိုက်များ
လူတို့ခိုလှုံရာ အိမ်ခေါင်မိုးများ အပေါ်
ဗုံးတွေကြဲချခဲ့တဲ့ ပန်းချီကား
ငါ့ မှတ်ဥာဏ်မှာ တစ်သက်တာ စွဲခဲ့တယ်

ထွန်းဝေမြင့်
ရုပ်ရှင်တေးကဗျာ ။ ဧပြီ ။ ၂၀၀၇

***********************************************************

ဖြစ်တော်မူခန်း
-------------------------
လူဖြစ်လာဖို့အတွက်
ရှေးဦးစွာ
အလုံးဖြစ်ပေါ်လာရ

တဖြည်းဖြည်း
တဖြည်းဖြည်း
ဓာတ်သဘာဝ များ
လှုပ်ရှား စုရုံးလာကြ ။

မီး ဖြစ်လာ
မဟာ ပထ၀ီ ဖြစ်လာ
ပင်လယ် ဖြစ်လာ
သစ်ပင် ဖြစ်လာ

တဖြည်းဖြည်း
တဖြည်းဖြည်း
အခန်းကဏ္ဍများ
ထင်ရှား ပြတ်သားလာကြ ။

မိုးတိမ် ဖြစ်လာ
ရာသီဥတုဖြစ်လာ
လေညင်းဖြစ်လာ
တွားသွားသတ္တ၀ါ ဖြစ်လာ

တဖြည်းဖြည်း
တဖြည်းဖြည်း
လူဖြစ်ခြင်းဆီ ဦးတည်ရွေ့လျား ။

တဖြည်းဖြည်း
တဖြည်းဖြည်း
အဓိပ္ပါယ်ရှိခြင်းဆီ ဦးတည်ရွေ့လျား ။ ။
.
ထွန်းဝေမြင့်
*********************************************************
မိုးနဲ့ တိမ်
-------------------------------
မင်းအတွက်
တိမ်ဂွမ်းစိုင်လေး လက်ဆောင်ပေးမယ်
သူဟာ
နူးညံ့တယ် ၊ ပေါ့ပါးတယ်၊ လွတ်လပ်တယ်
(၂)
မင်းအတွက်
ကောင်းကင်ပြာကြီး လက်ဆောင်ပေးမယ်
သူဟာ
ကြည်လင်တယ် ၊ခိုင်ခန့်တယ်၊ ကြီးမြတ်တယ်.။
ထွန်းဝေမြင့်

***********************************************
အင်အားများ
------------------------------------------------
ခါးသီးခြင်းများ
ကျောက်မျက်ရတနာ စီချယ်ထားလိုက်ပြီ ။

မှောင်မိုက်ခြင်းအတွက် လက်ဆောင်
အလင်းတစ်ထောင်ကို ပို့လိုက်ပြီ ။

ဆွေးမြေ့ဖွယ်များ
တဖွဲဖွဲကြွေကျသွားပြီးနောက်
ဘ၀ နွေဦးပေါက်ရာသီမှာ
အင်အားများစွာ ဖူးသစ်လို့လာပါပြီ .။ ။
.
ထွန်းဝေမြင့်

*********************************************************

ဟင်းလင်းပြင်
----------------------
အပြောကျယ်လှတဲ့
ဟင်းလင်းပြင်ကြီး တစ်ခုလုံးအား
လျှာဖျားပေါ်ကို
ပီကေလို တင်ထားလိုက်တယ်။

ဟင်းလင်းပြင်ဆိုတာ
ပီကေလို မပေါ့ရွှတ်
ပီကေလို ချိုရဲရဲမနေ
ပီကေလို ကုန်းခန်းတတ်တဲ့အရာမဟုတ် ။

ဟင်းလင်းပြင်ဟာ
ကိုယ်ထဲက သွေးများလိုပဲ
ထူးကဲတဲ့အင်အားနဲ့ ပြည့်စုံတယ်။

ဟင်းလင်းပြင်ဟာ
ငါ့အာခံတွင်းကတဆင့်
ငါ့တစ်ကိုယ်လုံးမှာ စိမ့်ဝင်တယ်.။ ။

********************************************************************
လိပ်ပြာ
----------------------
လမ်းများ၊ အိမ်များ၊ တောင်စွယ်များ
ကမ္ဘာ့ လျှိုမြောင်များ အကြား

ကြယ်များ ၊ဂြိုလ်များ ၊နက္ခတ်များ
ကောင်းကင် လျှိုမြောင်များ အကြား

ရက်များ၊လများ ၊ ကာလများ
ဘ၀ လျှိုမြောင်များ အကြား

သဏ္ဍန် ပေါ်လာကြည့်ပါလား
လိပ်ပြာလှလှနား ..။
.
ထွန်းဝေမြင့်

******************************************************************

ပန်း
----------------------
ပန်းဆိုသည်မှာ
စကြ၀ဠာကို ဖြတ်ကာ
မြေကမ္ဘာကို ထိုးထွင်းကာ
ပင်စည်တစ်လျှောက် ထုတ်ချင်းပေါက်ကာ
မြစိမ်းရွက်များ အကြား ၀င်းပလျက်

အလှတရား အပြည့်
ထင်ရှားရှိခြင်း အပြည့်
အသက်ဝိညာဉ်အပြည့်
ရှင်သန်ခြင်းအဓိပ္ပါယ်
အပြည့်စုံဆုံး မျက်နာတော် ..။ ။
.
ထွန်းဝေမြင့်

**************************************************
အထုပ်
----------------------
အရိုးရယ်
အသားရယ်
အရေပြားရယ်
အားလုံးဟာ တစ်လွှာစီပဲ ။

အရိုးကို
အသားက ထုပ်ထားတယ်။
အသားကို
အေ၇ပြားက ထုပ်ထားတယ်
အေ၇ပြားကို
သဘာဝတရားက ထုပ်ထားတယ်
သဘာဝတရားကို
အချိန်ကာလက ထုပ်ထားတယ်။

အချိန်ကာလကို
……………………………………………..။ ။
ထွန်းဝေမြင့်
*********************************************************

မျက်ကန်း
----------------------
အလင်းရောင်မှာ ဘာသာစကား ရှိတယ်
မယုံရင် နားထောင်ကြည့်

“ရယ်မောရင်းနဲ့ မျက်စိကွယ်ပြီး
မျက်စိကွယ်ရင်းနဲ့ ရယ်မော……….တဲ့”

သူ့ကိုယ်သူ စိတ်ဆိုးဆိုးနဲ့ ပြောတဲ့စကားပေါ့ ။ ။

****************************************************************

ခေတ်ပေါ်အသံ(၁)
--------------------------------
နှစ်ပရိစ္ဆေဒများ ဆင်မြန်းကာ
အလုံးအရင်းပင့်တင်ထားရသော ကိုယ်ခံအား
လောကဓံတရားဟာ သက်တန့်ဖြစ်တယ်
ထို ထွန်ရေးညက်ခဲ့ပြီ။

မမြဲခြင်းက မဆန်း
မြဲခြင်းက ဆန်းကြယ်လွန်းပေစွ ။
ထို လွမ်းဖွယ် မျိုးစေ့များ ကြဲခဲ့ .။

မိုးကောင်းကင်လည်း အကောင်းဆုံး ပြာ
ကမ္ဘာမြေကြီး အမှန်ဆုံး စိမ်း
နှလုံးသွေးအား အစွမ်းဆုံး နီရဲ
ထိုအပင်များ အပြိုင်အရိုင်း လှိုင်းထခဲ့ပြီ ။

ကျစ်လျစ် ပိရိ ၊၀မ်းမြောက်ဖွယ် နာပျော်ဖွယ်
ငါ တူတစ်ချက် ထုချလိုက်
ပကတိအသံ
ရွှေသားစင်စ်ရဲ့အသံ
ရေ ၊မီး ၊ အပြည့်အစုံ ပါတယ်၊ သေခြင်းကင်းတယ်။ ။
***************************************************************
ခေတ်ပေါ်အသံ(၂)
--------------------------
ထပ်ပြန်တလဲလဲ
ပုပ်ကုန် ၊သိုးကုန်ကြီးလို လက်ညှိုးထိုးခံရ
ဆင်းရဲလိုက်တာလို့ အစွပ်စွဲခံလိုက်ရ
သြော်…..ငါ ရုပ်ဆန်လှချည်ရဲ့ ။

သူလို ငါလိုပဲ ထင်တိုင်းမပေါက်
လိုတာမရရောဂါနဲ့
ဖြစ်ချင်တာ မဖြစ်သေးတာနဲ့
သွားရင်း လာရင်း တိမ်မြှုပ်ခဲ့တော့မှာလား။

တစ်ယောက်တည်း…….
ကိုယ်လေ တစ်ယောက်တည်း လေမှာလွင့်
ကလေးတုန်းကလို သီချင်းတွေအော်ဆိုလည်း
ပြီးမှ မပြီးပဲလေ။

ဒါပေမယ့်
အသံတုဝိဇ္ဇာ မဖြစ်လို့
အသံစစ်စစ်ဝိဇ္ဇာသာ ဖြစ်လို့ရဲ့
အကြီးကျယ်ဆုံးကို ချီမကာ
ပညာသားပါပါ ၊အသားမာတက်
လူ့ဘ၀ ဗဟိုချက်ပေါ် လက်တင်
သော့တစ်ချက်ဖွင့် ၊ငါ့စက် ငါနှိုးလိုက်ပြီ…။ ။
.
ထွန်းဝေမြင့်
.
**************************************************
ခေတ်ပေါ်အသံ(၃)
-------------------ထွန်းဝေမြင့်
ခါတိုင်းလိုပဲ
တစ်မိုးချုပ်သွား။

လူမှာ
နှာမောင်းတွေက များလွန်းတော့ကော
နေ့တစ်နေ့အပေါ်
အနံ့ခံရ စုပ်မြိုရ
တွန်းကန်ရ အိနြေ္ဒပျက်ရ
ပြီး……
ရယ်စရာတွေကိုပဲ ရှာကြံရ ။

အမှန်က
လူတို့ဆီ
အချိန်ကာလ ဆင်းသက်လာပုံဟာ
ညင်လည်း ညင်သာ
နူးလည်း နူးညံ့
သန်လည်း သန်စွမ်းလှပါတယ်။

ငါ တော့
ခါတိုင်းလိုပဲ
တစ်မိုး မချုပ်ချင်ဘူး။
******************************************************************

ခေတ်ပေါ်အသံ(၄)
-------------------ထွန်းဝေမြင့်
နှစ်ဆယ်တစ်ရာစုထမင်းဆိုင်မှာ
ထမင်းတစ်နပ်အတွက် အပြေးအလွှားစားရပေမယ့်
သစ္စာတရားကိုတော့ ပလုံးပထွေး မျိုမချပါဘူး
အက်တမ်ကို ခွဲစိတ်သလိုမျိုး
နျူကလီးယပ်စ် အထိ ရှာဖွေရန် အကြောင်းရှိတယ်။

“လူသစ် စိတ်သစ် ပါဗျာ”
ချီလိုက်ပုံကတော့
ခွေးအတိုင်းပဲ ၊အမိအရ ချီလာပါရဲ့
အရိုးတွေ ဖြစ်နေရင် မရယ်ရဘူးလား။
အပေါစားဆန်တတ်ဖို့ကတော့ လွယ်ပါတယ်။
ဒါကြောင့်
သဘာဝကျကျ
အနုပညာမြောက်စွာ
အနေအထိုင်ကို ပြောင်းလဲရန် လိုအပ်ပါတယ်။

လမ်းပေါ်မှာ ရောင်စုံကားတွေ တဝေါဝေါ
လမ်းတစ်ဖက်မှာ အပန်းဖြေ ပန်းခြံ ၊လက်ဘက်ရည်ဆိုင်
လမ်းဘေးမှာ ငါ ရပ်နေတယ်။
တန်ဖိုးနည်းလိမ္မော်သီးတစ်လုံးကို အခွံနွှာလို့
အရည်ရွှန်းရွှန်း ချိုမြမြ
ကမ္ဘာကလွဲရင် ဘယ်ဂြိုဟ်မှာမှ မရှိဘူး
တစ်စုံတစ်ရာရဲ့ အထူးပြုလုပ်ချက်
လူဆိုတာကတော့
အထူးပြုလုပ်ချက်ပေါင်း များစွာနဲ့ပေါ့လို့
ရှင်းလိုက်ရရင် ကောင်းမလား။

ကျွန်တော့်မှာ ငါ စွဲမရှိပါဘူးလို့
ပြောလိုက်ရရင် ကောင်းမလား
ကိုယ့်ကိုယ်ကိုယ်
လျှော့မတွက်ကြဖို့တော့ အလိုအပ်ဆုံးပဲ။
လမ်းဘေးမျော ငါ ရပ်နေတယ်
စကြ၀ဠာတံဆိပ် ဂျာကင်ကို ၀တ်လို့
နာရီကြည့်တော့ မှောင်ရီပျိုးစ ခြောက်နာရီ
ကံတရား အသက်အရွယ်နဲ့
လူ့ လောကရဲ့ အလယ်ဗဟိုမှာ စိတ်ရောကိုယ်ပါ ရပ်လို့ ။ ။

**************************************************************
မေ့မရ
-----------------------------
တစ်နေ့ရယ် အကူးအစ
အသစ်ဖူးလာ နှင်းဆီဖူးကလေး ရုန်းကြွနေပုံကို
တွေ့ရ မြင်ရ ကြည့်နေတာလည်း စွဲမက်ဖွယ်
နှင်းဆီဖူးညိုညို ရင်ဖွင့်လာတော့ ရဲရဲနီ
သူပွင့်ပုံ မူဟန် လန်းစွင့်တင့်တယ် ရနံ့ကြွယ်
ကြည့်ရ မြင်ရ တွေ့နေရတာလည်း စွဲမက်ဖွယ်
သူ့အယူ ဒဿနစခန်း ဆူးပြွမ်းတဲ့ အလှဆန်းကြယ်
သူဖြတ်သန်း ရွေ့လျားပုံလမ်း လန်းဆန်းနီစွေးခဲ့ပြီ
အဆုံးတစ်နေ့မှာတော့ ဓမ္မတာအတိုင်းသာ ညှိုရော်သွား
ပြန်ချိန်သင့်မှတော့ ကြွေလိုက်ပါတော့ အို…နှင်းဆီ
တိုးတိတ်ညင်သာ သူပျောက်ကွယ်သွားလေမှ
သူ့အပေါ်စွဲတဲ့အချစ်ဟာ အသစ်က ပြန်စ ။ ။
၁၉၉၇ ၊ ဒီဇင်ဘာ၊ ပန်းတိုင်

********************************************************************
မမြဲခြင်းတရား
---------------------
ဖက်လက်စ စာအုပ်ပိတ်ကာ
အညောင်းအညာ ပြေအောင်လို့
ဂျင်းဘောင်းဘီဝတ်ထားတဲ့ မမြဲခြင်းတရား
လမ်းသလား

အလုပ်သမားရပ်ကွက်မှာနေတဲ့ မမြဲခြင်းတရားဟာ
ပန်းခြံမှာထိုင်
လယ်ကွင်းတွေဘက်ထွက်လာပြီး
လေကောင်းလေသန့်တွေ
သူ့ကိုယ်ထဲ ရှုသွင်းနေလေရဲ့ ။

ခေါက်ဆွဲကြိုက်တဲ့ မမြဲခြင်းတရားဟာ
အနတ္တ ဟော်တယ်မှာ ညစာစားပြီး
ဒုက္ခ ကဖီးမှာ အချိုတဲတယ်။

ကောင်းကင်ပြင်မှာ ကြယ်တွေ ထွက်လာတော့
မမြဲခြင်းတရားဟာ နာရီကို တစ်ချက်ကြည့်ပြီး
အိမ်ကို သွက်သွက်ပြန်ခဲ့တယ်။

အိမ်ထဲ ပြန်ရောက်မှ
သူသွားစရာကျန်နေတဲ့ မြဲခြင်းတရားဆီကို
ဆက်လက် ထွက်ခွာရမယ် မဟုတ်လား။
ထွန်းဝေမြင့်
***************************************************************
မွေးနေ့မှတ်တရ
---------------------------
ခြေဆုံး ခေါင်းဖျား
ငါ ဟာ
နှစ်ပရိစ္ဆေဒများ ဖြစ်တယ်။

နှာခေါင်း ရှိနေတာ
ဒီအနံ့ကို ရရဲ့လား
ရေရေလည်လည် ပြုံးမိတဲ့
မမြဲခင်းအနံ့
ဒါ့ အပြင်
အရေး အကြီးဆုံး
ငါ တဖွားဖွား ဖြစ်နေတာ
ငါ နားစွင့်။

ဒီမှာလည်း
ထင်ပေါ်ကျော်ကြားပါပေရဲ့
အစာစား ၊စကားပြောတဲ့ ပါးစပ်
အစာစား
စကားမပြောဘဲနေချိန် သိုက်နန်းကို
ရှာဖွေ တူးဖော် တွေ့ရှိခဲ့ပြီ။

အခိုက်အတန့်ဆိုတဲ့တရားဟာ
(လေ)လိုပဲ
လူ့ဘ၀ကြီးနဲ့ တပူးတွဲတွဲ။

အပျက်မြင်လို့တော့ ဘယ်ဖြစ်မလဲ
ဒီ ၁၉၉၀ မှာလည်း
ငါ့ ကိုယ်ကောင်ကြီး ရှေ့ထိုးတင်လိုက်ပြီ .။ ။
.
ထွန်းဝေမြင့်

**********************************************************
အကုသိုလ်ပုံတူ
-------------------------
ဖောင်းဖောင်းပွပွ စိတ်လှုပ်ရှားကာ
ဟုတ်နိုးနိုး ပျော်ပါး
လောဘရှေ့ရောက် ၊ အဆီပြန် အရသာကို
ပျယီးပျာယာ ခံစားပြီး
စီးကရက်မီးခိုး တဖွားဖွား ထုတ်နေပုံတွေလေ
နေ့ထဲမှာ ရှင်းလင်းပီသ ပြတ်သားပါပေရဲ့ ။ ။
ထွန်းဝေမြင့်
*********************************************************************
နှစ်ကိုယ်ခွဲ
===============
(၁)
သေးနုပ် နုံခြာလှတဲ့ ကိုယ့်ဘ၀ “ရီရယ်လစ်ဇင်” မှာ
ချိုင့်ခွက်ထူပြောတဲ့ကျောက်လမ်းကလေးရယ်
လမ်းထိပ်မှာ ဆင်းရဲသားဆေးခန်းရယ်
သက်ငယ်မိုးထားတဲ့ဝါးအိမ်တွေရယ်
ညည်းသံ ၊ညူးသံ ၊ဆူပူသံရယ်
သူခိုးလိုက်သံရယ်
အရက်ဆိုင်ရယ်
ကိုယ်ရယ်
(၂)
ကိုယ်ရယ်
ချစ်ခြင်းမေတ္တာရယ်
သစ်သီး ဥယျာဉ်ရယ်
ဆယ့်နှစ်လရာသီ ပန်းတွေရယ်
အောင်မြင်ခဲ့သောဘာသာစကားရယ်
လောကကြီူးရဲ့ အရင့်အမာ ဟာသရယ်
ချမ်းသာကြွယ်ဝတဲ့မိုးကုတ်စက်ဝိုင်းကြီးရယ်
နေချင့်စဖွယ် ကောင်းလိုက်ပါတဲ့ကိုယ့်ခန္ဓာအိမ်မှာ..။
ထွန်းဝေမြင့်

***********************************************************
တစ်ပတ်တစ်ကြိမ်
-----------------------------
တစ်ပတ်တစ်ကြိမ်လောက် အင်တာနက်ကို ဖွင့်ကြည့်
တစ်ပတ်တစ်ကြိမ်လောက် မိုးကောင်းကို စူးစမ်း
တစ်ပတ်တစ်ကြိမ်လောက် သေခြင်းတရားကို ရှုမြင်
တစ်ပတ်တစ်ကြိမ်လောက် ရှင်သန်ခြင်းကို တေးဆို ။

တစ်ပတ်တစ်ကြိမ်လောက် ချစ်သူဆီကို သွား
တစ်ပတ်တစ်ကြိမ်လောက် မုန်းသူတွေနဲ့တွေ့
တစ်ပတ်တစ်ကြိမ်လောက် ပေးစရာရှိတာတွေ ပေး
တစ်ပတ်တစ်ကြိမ်လောက် ရေးစရာရှိတာတွေ ရေး ။

တစ်ပတ်တစ်ကြိမ်လောက် ဘာစာအုပ်မျ မဖတ်နဲ့
တစ်ပတ်တစ်ကြိမ်လောက် ဘယ်သူနဲ့မှ မတွေ့နဲ့
တစ်ပတ်တစ်ကြိမ်လောက် ဘာအသားမှ မစားနဲ့
တစ်ပတ်တစ်ကြိမ်လောက် ဘာစကားမှ မပြောနဲ့ ။

****************************************************
နားစွင့်
-------------------------
စက္ကန့်တံလေး တချက်ချက် ရွေ့လျားနေတဲ့အသံ
သစ်ရွက်တွေကြား လေဖြတ်တိုက်သွားတဲ့အသံ
ပန်းပွင့်တွေရှိရာ ပျားပိတုန်းရောက်လာသံ
အမှောင်ထုထဲက တီးတိုးရေရွတ်သံ
မိုးထစ်ချုန်းသလို ရဲရင့်တဲ့အသံ
သတ္တုကြိုးတွေ ဗုံတွေပေါ်က ဂီတရဲ့အသံ
ပြီးတော့….
သေချာပြီး စိတ်ဝင်စားစရာကောင်းလွန်းတဲ့အဖြေတွေ
ငါ နားစွင့်နေတာ
ကမ္ဘာဦးကနေ ဒီနေ့အထိပဲ။
မဟေသီ၊ မေ၊ ၂၀၀၃
.
ထွန်းဝေမြင့်

****************************************************************
ငါး
---------------
ငါးဟာ သူ့ကိုယ်သူ ငါးဖြစ်မှန်းမသိ
လောကကို မသိ ၊စကြ၀ဠာကို မသိ
သေခြင်းနဲ့ ရှင်ခြင်းကို မသိ
ဘာသာစကားကို သူမသိ ။

ငါးဟာ ငါးစာကိုပဲ သိ
ငါးမျှားချိတ်ကို သူမသိ
ငါးဟာ
နှစ်ပေါင်းထောင်ချီပြီး ငါးစာကို ဟပ်ခဲ့
နှစ်ပေါင်းထောင်ချီပြီး ငါးမဆားချိတ်ကို မသိခဲ့ ။

နှစ်ပေါင်းထောင်ချီပြီး
မြစ်ကို ကူးခဲကတဲ့ ငါး
ပင်လယ်ကို ကူးခဲ့တဲ့ ငါး
နှစ်ပေါင်းထောင်ချီပြီး
ကူးကာကူး၏ ခရီးမရောက်ခဲ့ ။
ထွန်းဝေမြင့်
************************************************************

သွားတော့ရိုစီ
-----------------ထွန်းဝေမြင့်
ကျွန်တော် မပြောင်းလဲပါ
ဒီအရပ်မှာ နှစ်ပေါင်းများစွာ ရှိနေခဲ့ပြီး
နှစ်ပေါင်းများစွာ ကျွန်တော် သိနေခဲ့ပြီ
ခံစားချက်များ ပြန့်ပွားနေခဲ့ပြီး
ကျွန်တော်နှင့် အတူ ဟောင်းနွမ်းလာခဲ့သော
သူတို့ရဲ့စကားများ ၊ဟန်ဆောင်နေသော အိမ်များ
ပေါလောပေါ် ပျော်ရွှင်မှုများ
တစ်ယောက်နဲ့ တစ်ယောက် တွေ့ကြတဲ့အခါ
ရောင်းဈေးကို ပြောနေပုံများ
သွား ရိုစီ
စမ်းချောင်းကလေးမှာ ရေချိုးတော့
ဒါမှ လန်းဆန်းသွားမှာ…..။

(မည်သည့်မဂ္ဂဇင်းမှ မပါသေး)
.
ထွန်းဝေမြင့်

********************************************************************
သိမ်ငယ်သူဖရန့်ကပ်ဖကာကောင်းမှု
----------------------------------------ထွန်းဝေမြင့်
သားရဲတိရစ္ဆာန်လိုလို ၊သူတော်စင်လိုလို
သဲကန္တာရလိုလို ၊လူနေထူထပ်သလိုလို
ငါ သတိမချွတ်ယွင်းဘဲ တံလျပ်နဲ့ရေ ရောနေပေါ့။
ဒီခရီး ဒီလမ်း မျက်စိသူငယ်နားသူငယ် အပေါက်ရှာ
အထင်အမြင်သေးစွာ ငါ့ကို ဘယ်ကလာသလဲ ဇွတ်မေးကြ
ဘယ်ကို သွားနေတာလဲ ဇွတ်မေးကြ၊
မေးပြီး မောင်းထုတ်ကြ ။
အားလုံးသူစိမ်းတွေ ၊ဘ၀ချင်းက ခြားနားနေပေါ့ ။
ငါ မတောက်ပဘဲ မတွန့်ဆုတ်ခဲ့တာ ဘာကြောင့်လဲ
ဒီခရီးလမ်းမှာ ကိုယ်တစ်ယောက်တည်းမဟုတ်
ကွယ်လွန်သူ ဖရန့်ကပ်ဖကာလည်း
ဖြတ်သန်းသွားခဲ့သလိုပဲ။ ။
*****************************************************************

ညကအိပ်မက်
---------------------ထွန်းဝေမြင့်
ကမ္ဘာကြီး မီးဟုန်းဟုန်းတောက် ပြာကျသွားပြီလို့
ညက အိပ်မက်မက်တယ်(ရုပဗေဒသီအိုရီ ဖတ်မိလို့လားပဲ)
မနက်မိုးလင်းတော့ ကမ္ဘာကြီးဟာ အကောင်းပတိရှိနေမြဲ
လေပြည်လေညင်း ညင်သာတိုက်ခတ်ဆဲ….
သတင်းစာပို့သမားလည်း အချိန်မှန်ရောက်လာခဲ့တယ်။

မီးကျွမ်းနေတဲ့ သစ်ငုတ်တိုကြီးလို့
မညှာမတာ ငါ့ကို ဆဲရေးတိုင်းထွာ
မီးရထားဥသြဆွဲတဲ့အခိုက် ဘာတွေ ပြောင်းလဲသွားသလဲ
ကလေးတစ်ယောက် မွေးဖွားလာ လူအိုတစ်ယောက် သေဆုံးသွား
ဇာတိမှ မရဏအထိ ငါ့ရှုမြင်ပုံ ကြည်လင်ပါရစေ
တစ်ချိန်ချိန်မှာ ပျက်စီး ပျောက်ကွယ်သွားရမျာမို့
ပန်းကလေးရဲ့အလှမှာ ကြည်နူးစရာရှာမရပါဘူး
ဆိုတဲ့…….အမြင်မျိုး မစွဲပါနဲ့လား ချစ်တဲ့သူ။

ကိုယ့်စိတ်ကြိုက် ဘ၀နေနည်းကတော့
အနုပညာမြောက်ခဲ့ခြင်းလို့ပဲ ယုံကြည်တယ်။
မြင်ကွင်းကျယ်ပြန့်လာတဲ့ တစ်ယောက်တည်းညတွေ
ဘယ်လိုအိပ်မက်မျိုးပဲဖြစ်ဖြစ် လာခဲ့ပေတော့
တစ်ရေးနိုးလို့ အိပ်ယာထတဲ့အခါ ရေတစ်ခွက်သောက်ပြီး
အချစ်သီချင်းတစ်ပုဒ်ကို အော်ညည်းနေလိုက်ဖို့ပဲ..။

Beauty ၊ နိုဝင်ဘာ၊ ၂၀၀၃
****************************************************

စတုဒိတာ
==========
မီလျံနာသန်းကြွယ်သူဌေးကြီးလား
တွေးခေါ်ရှင် ဖီလိုဆိုဖာ သုခမိန်လား
တစ်နေ့လုပ်တစ်နေ့စား ဆင်းရဲသားလား
စိတ်ကူးယဉ်အနုပညာသမားလား
သြဇာ အာဏာ တန်ခိုး ပါဝါ ထူထောင်ချင်သူလား
လူဖျင်းလူညံ့၊ ပညာမဲ့ အုတ်ကြားမြက်ပေါက်လား
ဘယ်သူဖြစ်ဖြစ် ရောက်အောင်လာခဲ့ကြပါ။
လမ်းထိပ်က မဏ္ဍပ်မှာ စတုဒိတာ ကျွေးနေတယ်။ ။
ထွန်းဝေမြင့်
ကဗျာလောက (၂) စာအုပ်မှ

***********************************************************
ကဗျာ မရှိသူ
===============
ကဗျာမရှိသူမှာ စိတ်ချမ်းသာချင်လို့
ငွေတွေ ဖိရှာ။

ကဗျာမရှိသူမှုာ စိတ်ချမ်းသာချင်လို့
ပြောင်လက်တောက်ပ လှအောင်နေ။

ကဗျာမရှိသူကို ကဗျာတွေ အလကားပေးလည်း
ကဗျာမရှိသူက ကဗျာကို ရအောင် မယူနိုင်။ ။
ထွန်းဝေမြင့်
ကဗျာလောက (၂) စာအုပ်မှ

**************************************************************
သူ ငယ် ချင်း သို့
================

လူကြီးလူကောင်းတစ်ယောက်လို ၀တ်စားဆင်ယင်ဖို့
ပြည်သူ့အကျိုးပြုစာပေတွေရေးဖို့
သက်သက်လွတ်စားပြီး တရားဘာဝနာပွားများဖို့
အချိန်တွေကို တန်ဖိုးရှိအောင် အသုံးပြုဖို့
ငါ့သူငယ်ချင်း လူတော်လူကောင်းကြီးက
ငါ့ကိုတွေ့တိုင်း ဆုံးမသွန်သင်တယ်။
ငါကအိမ်ထဲမှာဆိုရင် . . .
တစ်ခါတရံ ကိုယ်လုံးတီးနေတတ်တဲ့ကောင်
မင်းလမ်းညွှန်တဲ့အတိုင်းလည်း သိပ်မလုပ်နိုင်ခဲ့ပါဘူး။
ငါဟာ အကြမ်းဖက်သမားတော့လည်း မဟုတ်ရပါဘူး။
လွတ်လွတ်လပ်လပ်နေပြီး ရေးချင်ရာရေးတတ်တာကိုတော့
ခွင့်လွှတ်ပေးကြပါကွာ…ခွင့်လွှတ်တဲ့အလုပ်ကိုလည်း လုပ်ပေးကြပါကွာ။

ထွန်းဝေမြင့်
ကဗျာလောက (၂) စာအုပ်မှ
***************************************************************
သဘာဝအတိုင်းသာ
=======================
လူ့ဘ၀မှာ နည်းနည်းအနေကြာသွားလို့
ခံစားချက်တွေ လျော့ပါးသွားပြီလား။
လူ့ဘ၀မှာ နည်းနည်းအနေကြာသွားလို့
ပျင်းရိငြီးငွေ့ဖွယ ဖြစ်သွားပြီလား။
လူ့ဘ၀မှာ နည်းနည်းအနေကြာသွားလို့
ဘာဆက်လုပ်ရမယ်မသိ ဖြစ်နေပြီလား။
ငါ့ရုပ်၊ ငါ့ကမ္ဘာကြီး၊ ငါ့စကြာဝဠာကြီး
ဖြစ်တည်ရှိနေတာ
ပျက်စီးပျောက်ကွယ်သွားတတ်တာ
“ပျော်စရာကြီး” လို့တစ်ယောက်ကဆို
“ကြေကွဲစရာကြီး”လို့ တစ်ယောက်ကပြော၊
“သံဝေဂရ”လို့တစ်ယောက်ကဟော
တစ်ယောက်တစ်မျိုး
အမျိုးမျိုးပြောကြတာ၊ ဟောကြတာ
ရိုသေစွာနားထောင်လျက်ပါ။
သဘာဝတရားမှာ
ရွက်ဟောင်းတွေ တစ်ခါကြွေပြီးတိုင်း
ရွက်သစ်တွေတစ်ခါ ထွက်လာနိုင်ခဲ့သလို
လူအဖြစ်မှာလည်း ရွက်ဟောင်းတွေကြွေပြီးခဲ့ရင်
ရွက်သစ်တွေထွက်လာချိန်ဆိုတာ ရှိရမှာပေါ့။ ။

ထွန်းဝေမြင့်
*******************************************************
အလှမြင်ရုပ်ပုံ
---------------------- ထွန်းဝေမြင့်
ကြည်လင်လန်းဆန်းနေပုံ ၊ပျော်ရွှင်တတ်ကြွနေပုံ
နုနယ်ပျိုမျစ်တဲ့အရွယ်မှာ
ကိုယ့်စိတ်နှစ်ဖြာ
သစ်လွင်တတ်ကြွနေပုံ ၊ရယ်မောရွှင်ပျနေပုံ
ဒီမြင်ကွင်းရုပ်ပုံကလေးက လှပပါတယ်။
င်္ဒအလှတရားရုပ်ပုံငယ်
မပျောက်မကွယ်ရှိနေရမယ်လေ။
ဒီနေ့ ဒီအချိန်အထိပဲ။
အဆိုးတွေလည်း များတယ် မဟုတ်လား။
အဖျက်တွေလည်း များတယ် မဟုတ်လား
အပျက်တွေလည်း မျာားတယ် မဟုတ်လား
ဒီနေ့ ဒီအချိန်ထိပဲ။
ယုတ်လျော့မသွားစေနဲ့
ဒီအလှတရားလေး
အဖူးအငုံ အနုအထွေးမှ
အတင့်အဆန်း ၊ပွင့်လန်းနေပါစေကွယ်။
ထွန်းဝေမြင့် 
**************************************************
သစ်သီးတစ်လုံး
===============
ဒီသစ်သီးဟာအမေမရှိတော့ တဲ့သစ်သီး
ဒီသစ်သီးဟာချစ်သူမရှိတော့တဲ့သစ်သီးလို့ 
ပြောရင်သဒ္ဒါမှန်နိုင်ပါ့ မလား..။

ဒီသစ်သီးကအထီးကျန်ခြင်းအကြောင်းမပြောဘူး
ဒီသစ်သီးကဒုက္ခအကြောင်းမပြောဘူးလို့ 
ပြောရင်သဒ္ဒါမှန်နိုင်ပါ့ မလား...။

ဒီသစ်သီးကအမှန်တရားအမျိုးမျိုးရှိတယ်လို့ 
ဒိသစ်သီးကလွင့် မျောခြင်းသီဝရီအတိုင်းနေတယ်လို့ 
ပြောရင်သဒ္ဒါမှန်နိုင်ပါ့ မလား..။

ခုပဲ...ဒီသစ်သီးကကြွေကျလာတယ်
လူတစ်ယောက်ကသစ်သီးကြွေတာကိုကြွေတယ်လို့ မပြော
မြေကြီးကဆွဲငင်တယ်လို့ ပြောရင်သဒ္ဒါမှန်နိုင်ပါ့ မလား....။ ။

ထွန်းဝေမြင့် 

စတိုင်သစ်
ဇွန်.၂၀၀၃
***************************************************************
အပူပိုင်းဒေသ နွေရာသီ
===================

ဦးခေါင်းထက်မှာ
ငွေသံကြေးသံဟာ မြည်လွန်းလှ
လောကဓံတရားက မျက်နှာလိုက်လွန်းလှ
ဒါကြောင့်ပဲ
နွေဥတု ပက်ကြားအက်ကုန်တာ …။

ငါ့ရှုထောင့်မှာ
လမ်းတွေ ဆွေ့ဆွေ့ခုန်
အိမ်တွေ ကျီကျီကျာကျာ
နှလုံးသားများ ခြောက်ခန်း
ဟောဟိုက
လူ့ပြည်ကို ကောင်းတယ် ဆိုးတယ် မပြောတဲ့
ရင့်ကျက်တဲ့ သစ်ပင်ကြီးတောင်
တဖျစ်ဖျစ်မြည် ပြိုလဲတဲ့ နွေ…တဲ့။

ရာသီဥတုမှာ လူလွန့်ကာ
ကိုယ်ကိုယ်ကိုယ် ယုံကြည်ကိုးကွယ်စဉ်
ယနေ့ထုံးစံအတိုင်း အစာရေစာတောင်းတလိမ့်
နှုတ်ခမ်း ပိပိရိရိ အိနြေ္ဒကောင်းဆဲ
ပူပင်တတ်သောနေ့ညထဲ၌
လျှာက တစိုစို၊ အူက တရမ်းရမ်း
အစာအိမ်ပွက်လောရိုက်
ဆာလောင်ခိုက်အတွေးအခေါ်ဟာ
ဘ၀ဆိုတာ အမှုန့်ကြိတ်စက်ဖြစ်ခဲ့
ဟုတ်ပေရဲ့
လည်ချောင်းတို့၊နံရိုးတို့၊အူတို့လည်း
သူ့ဂုဏ်ရည်နဲ့သူ ဖီလိုဆိုဖာတွေပါပဲ။

ငါလည်း အပူခံရ
အသက်နဲ့ထပ်တူ မီးနင်းရ(တကယ့်မီးတော့ မဟုတ်)
ထိုကဏ္ဍများအခြားမဲ့၌
လောကနဲ့ ထပ်တူကျကျ
ကိုယ်စိတ်နှစ်ပါးနဲ့ ထပ်တူကျကျ
အဆုပ်ထဲက လေ၀င်လေထွက်နဲ့ ထပ်တူကျတဲ့
ဘ၀အဓိပ္ပာယ်ကို လွှင့်ထုတ်
အပူထဲမှာ အအေးရှာရင်း
ထိုးထိုးထောင်ထောင်ရွှေ့လျား
အာရုံခြောက်ပါး
ထူးထူးခြားခြား ကြွချီတော်မူခဲ့ပြီ။

နွေရယ် ပူစမ်းပါ့
ငါဟာ ငရဲမှလာသူလို့ တွက်ထားပါ့မယ်
ဦးခေါင်းများ သေးငယ်ကြုံလှီမသွားဖို့ပဲ
အရေးကြီးတယ်
လမ်းလျှောက်ရင်တော့
ကျောက်ခေတ်လူသားနဲ့ တူနေမလားပဲ။

နေလုံး ငုတ်လျှိုးသွားလေပြီ
ဟိုတုန်းကလိုပဲ ပိတောက်တွေ ရွှေရည်လူးခဲ့ပေါ့
ဒီနွေထဲအကောင်းပကတိ ငါ အဖတ်တင်နေဆဲ
မိတ်ဆွေများ စောင့်စားသူများထံ စာပြန်မြဲ
အသက် တရိပ်ရိပ် ကြီးမြဲကြီးကာ
ကိုယ့်ကိုယ်ကိုယ်လည်း အရင်ကထက်မျှော်လင့်မြဲ။ ။

ထွန်းဝေမြင့်
*************************************************************
တ၀ဲလည်လည်
================
ညက တစ်ညလုံး ဘဲဥအစ ရှာမရသလို
ညက တစ်ညလုံး လောကကြီးရဲ့အစကို ရှာလို့မရ
ဒါပေမယ့် တစ်စုံတစ်ယောက်ဟာပေါ့လေ
သစ္စာတရားရှာသူ အဓိပ္ပာယ် ပေါက်နေတော့
အက်တမ်ကို ခွဲစိပ်သလိုမျိုးပေါ့
နျူကလိယပ်စ် အထိ ရှာဖွေရန် အကြောင်း ရှိပါတယ်။

`လူသစ် စိတ်သစ်ပါဗျာ´
ချီလိုက်ပုံကတော့ အိမ်က ခွေးအတိုင်းပဲ
အမိအရ ချီလာပါပြီ။ အရိုးတွေဖြစ်နေရင် ရယ်ချင်တယ်။

လောကဓံတရားဟာ ညက အိပ်ရေးပျက်
ဒီနေ့မနက် အလုပ်ကိုမှ သွားနိုင်ပါ့မလား။
အရာရာ အဆိုးမြင်တတ်တဲ့ဥာဉ်ကို မကြိုက်ဘူး။
စိတ်ကူးများ၊အစာရေစာများနဲ့အတူ
မိုးစင်စင်လင်းမှ မိုးစုပ်စုပ် ချုပ်သည့်တိုင်
နိစ္စဓူဝ လှုပ်ရှားရုန်းကြွရွေ့လျား
လူသားမျိုးဆက်များ တစ်ဆက်ပြီး တစ်ဆက် စွဲထင်
မွေးဖွား ရှင်သန် ပေါက်ပွား တိုးတက်(တိုးတက်)
သူက (တိုးတက်)ကို ဆွေးနွေးလိုဟန် တူရဲ့ ။

လမ်းပေါ်မှာ ရောင်စုံကားတွေ တဝေါဝေါ
လမ်းတစ်ဖက်မှာ အပန်းဖြေပန်းခြံ
ပန်းခြံထဲမှာ ငါ ထိုင်နေတယ် ထင်ရဲ့။အတွေး များများ၊ပွပွ။
ငါ့သွားတွေက ပန်းသီးတစ်လုံးကို ၀ါးလို့
နီရဲရဲ အရည်ရွှန်းရွှန်း ချိုမြ
ကမ္ဘာလွှဲရင် ဘယ်ဂြိုဟ်မှာ မရှိခဲ့ဘူးထင်တယ်။
တစ်စုံတရာရဲ့ အထူးပြုလုပ်ချက်၊
လူဆိုတာကတော့ အထူပြုလုပ်ချက်ပေါင်းများစွာနဲ့
ဟုတ်ပါပြီ၊သေချာပါတယ်၊ကောင်းလှချည့် ။
နာရီကြည့်တော့ မှောင်ရီပျိုးစ ခြောက်နာရီ
(ငါဟာလေ)လူ့လောကရဲ့အလယ်ဗဟိုမှာ
စိတ်ရောကိုယ်ပါ ကျရောက်နေပေါ့။
ဆိုက်ဆိုက်မြိုက်မြိုက် ။ ။

ထွန်းဝေမြင့်
ဟန်သစ်မဂ္ဂဇင်း ၊ အမှတ်(၆၄)
အောက်တိုဘာလ၊၁၉၉၅
*************************************************************
ကန္တာရ သစ်ပင်
_________
ကန္တာရ ထဲမှာ
ရှင်သန်နိုင်စွမ်းရှိတယ်။
ကန္တာရ ထဲမှာ
ပျော်ရွှင်နိုင်စွမ်းရှိတယ်။
ကန္တာရ ထဲမှာ
နှစ်ပေါင်းတစ်ရာ နှစ်ရာ သုံးရာ
သက်တန်းရှည်ကြာနေနိုင်တယ်။
ထွန်းဝေမြင့်

****************************************************************************

အားလပ်ချိန်
_________
အားလပ်ချိန်မှာ
အပျင်းကြီးပြီးအိပ်ရာထဲလှဲဖို့
အခွင့်အရေးရှိရဲ့လား။
အားလပ်ချိန်မှာ
စာဖတ်ချင်ဖတ် တီဗွီကြည့်ချင်ကြည့်
ရောက်တတ်ရာရာ စကားတွေပြောဖို့
အခွင့်အရေးရှိရဲ့လား။
အားလပ်ချိန် မှာ
လမ်းလျှောက် မလား
ပန်းခြံထဲထိုင်ပြီးငေးမလား
အိမ်ထဲမှာပဲ တစ်ယောက်တည်း
အတွေးကမ္ဘာထဲဝဲလည်နေမလား
အခွင့်အရေးရှိရဲ့လား။
ကမ္ဘာစစ်ကာလတွေတုန်းက
လူတွေ တင်းမာနေတဲ့ စိတ်တွေကို
ပြေလျော့စေဖို့
ဘယ်လိုများကြံဆောင်ခဲ့ကြပါလိမ့်။ ။
ထွန်းဝေမြင့်
************************************************
လူတစ်ဦးတစ်ယောက်
===============
လေကိုရှူ လိုက် ထုတ်လိုက်
ငိုက်မြည်းလိုက် မျက်စိကျယ်လာလိုက်
လောဘ ဒေါသ မောဟ များသူတွေကများပြီး
ဒီလိုလူတွေကို ထိန်းသူတွေကထိန်းကြတယ်။
နေရာတိုင်းမှာ စိတ်ရောဂါဝေဒနာရှင်တွေရှိသလို
စိတ်ရောဂါသည်တွေကို ထိန်းသူတွေကထိန်းကြ။
ကမ္ဘာမြေကြီးပေါ်မှာ
စစ်မက်နဲ့သဘာဝဘေးဒဏ်ရှိတယ်။
ထို့အပြင် မည်သူမဆို
ရုတ်တရက် အသက်ရှူ တာရပ်သွားတတ်တယ်။
မတည်မငြိမ် မသေမချာ မရေမရာ
ကျဘမ်းဖြစ်စဉ်တွေကြားကပဲ
လူတစ်ဦးတစ်ယောက်ကတောဖြင့်
အလင်းရောင် အသစ်တစ်ခုခုကို
ရှာဖွေတွေ့ရှိ ဖော်ထုတ်နိုင်ခဲ့တာပါပဲ။
ထွန်းဝေမြင့်
ရုပ်ရှင်တေးကဗျာ မဂ္ဂဇင်း
************************
အလှည့်
။ ။ ။ ။
(၁)
သူသေသွားတော့
သူ့အလောင်းနံဘေးမှာ
ရှိုက်ကြီးတငင်ငိုကြွေးနေသူကတစ်ယောက်
ဝမ်းသာအားရဖြစ်နေသူကတစ်ယောက်
(၂)
ရှိုက်ကြီးတငင်ငိုကြွေးသူ သေဆုံးသွားပြန်တော့
သူ့အလောင်းနံဘေးမှာ
ရှိုက်ကြီးတငင်ငိုကြွေးနေသူကတစ်ယောက်
ဝမ်းသာအားရဖြစ်နေသူကတစ်ယောက်
(၃)
ဝမ်းသာအားရဖြစ်နေသူ သေဆုံးသွားပြန်တော့
သူ့အလောင်းနံဘေးမှာ
ရှိုက်ကြီးတငင်ငိုကြွေးနေသူကတစ်ယောက်
ဝမ်းသာအားရဖြစ်နေသူကတစ်ယောက်။ ။
ထွန်းဝေမြင့်
**************************************
သင့်ဘဝအတွေ့အကြုံ
===============
ငါ့နာမည်ငါ
အရသာတွေ့လိုက် မေ့နေလိုက်
ယနေ့ဆိုက်ရောက်လာတယ်
မနေ့တုန်းက ငါ မဟုတ်တဲ့ငါ ဆိုက်လာတာပေါ့
လူ့ဘဝဇာတ်လမ်းတော့ ကုန်ခဲ့ပြီ
ငါဘယ်ပုံခံစားနေရသလဲ
ပြောရမယ်ဆိုရင် ဒါက ဒီလိုရှိပါတယ်
ရုပ်ကိုတဲ့ခင်ခဲ့တယ်
မင်းတို့ရဲ့ပေါ့ဆမှုကြောင့်
ဈေးပေါသွားရတဲ့ လူ့ဘဝ
အကျနာမြည်ဟည်း
ဣနြေ္ဒကြီးလိုက် ဖျတ်ဖျတ်လူးလိုက်
ကမ္ဘာဦး အစကနေ
ကမ္ဘာဆုံးတိုင် နေထိုင်ပုံများနဲ့ ငါနေခဲ့တယ်
နေရတာ
မပျော်ဘူးပြောလိုက်၊ပျော်တယ်ပြောလိုက်
အမောတလှည့်၊တွေဝေတစ်လှည့်၊ ငန်ကျိကျိ
ပန်းပွင့်များ၊သံမဏီ၊မကောင်းမှုနဲ့ ဒဿန
အားလုံး သူ့အရှိန်နဲ့သူဖွံ့ထွား
သစ္စာသည်သာ အလှတရား
လမ်းကြားထဲမှ ထွက်လာသောအသံကြားရ
၎င်းစကားကစပြီး လူစိတ်ဝင်ခဲ့တာပေါ့။...။
တေးကဗျာ၊၁၉၉၀၊ ဩဂုတ်
(ထွန်းဝေမြင့်)

**********************************************************
ခက်သားပဲ
_________________
`နေကောင်းရဲ့လား။´
နေကောင်းပါတယ်၊ ဒီလိုပါပဲ
ခေါင်းမကိုက်သေးခင်၊ ခြင်မကိုက်သေးခင်
ငါ ခင်တွယ်ခဲ့တဲ့ဘဝ (ဟုတ်ပြီ)
ငါ အကြိမ်ကြိမ်ကြည့်တဲ့မှန် (ဟုတ်ပြီ)
ပိုပြီး ကြည်လင်ရန် ဖုန်သုတ်ရတာပေါ့။
မနေ့က မဟုတ်တော့တဲ့ကမ္ဘာ
မနှစ်က မဟုတ်တော့တဲ့ကမ္ဘာ
ပြီးခဲ့တဲ့ရာစုမဟုတ်တော့တဲ့ကမ္ဘာ
ဒီကနေ့. မိုးစက်တွေ၊ သစ်ရွက်တွေ
ဒီကနေ့. အင်တာနက်...
ဒီကနေ့. ညစ်ညမ်းမှုတွေ၊ အမှိုက်တွေ
အလှသစ္စာတွေ၊ မလှတဲ့သစ္စာတွေ
အဖန်တလဲလဲ အကြိမ်ကြိမ်အခါခါ
ကိုယ့်ကိုယ်ကို အမှိုက်လှဲသလိုလှဲပြီး
ကိုယ့်ကိုယ်ကို ရွက်သစ်လဲသလိုလဲ...ဆိုလား။
ကမ္ဘာကြီးရဲ့ သက်တမ်းနဲ့အမျှ
လူတွေ ဒီလိုနေခဲ့ကြတာပဲ ပြောမလို့(စဉ်းစားတုန်း)
ကိုယ့်ဘဝတွေနဲ့ ကိုယ် ဆိုတော့လည်း ခက်သားပဲ။...။
စတိုင်သစ်၊၂၀၁၄ထောင်၊ဇန်နဝါရီ
(ထွန်းဝေမြင့်)

**************************************************
ကျွန်တော်မသိဘူး
===============
လေ.............ဘာကြောင့် လေဖြစ်နေတာပါလိမ့်
ရေ...............ဘာကြာင့် ရေဖြစ်နေတာပါလိမ့်
မြေ...............ဘာကြောင့် မြေဖြစ်နေတာပါလိမ့်
မီး.................ဘာကြောင့် မီးဖြစ်နေတာပါလိမ့်
ချစ်သူရေ ဘာကြောင့် မင်းဖြစ်နေတာပါလိမ့်
သူမက.......လေရှုတယ် ၊ပညာသင်တယ်
ငါးမျှားတယ် ၊မုန့်လုပ်တယ် ၊ သစ်ပင်စိုက်တယ်။
သစ်သီးတွေ ပြွတ်သိပ်ဝင်းမှည့်နေတဲ့လရာသီ
ရွှေရောင်နေ့၊ လေပြေလေညင်း၊ဝေ့၀ိုက်ပြေးလွှား
စက္ကန့်တံကလေး တချက်ချက် လည်သံပီသ
သူမကို ကျွန်တော် ချစ်မိခဲ့ပြီ။
ဖြစ်တည်နေခြင်းဟာ မှန်သလား မှားသလား
ကျွန်တော်မသိ။ သိစရာလည်း မလိုအပ်တော့ပါ။........။
ထွန်းဝေမြင့်
*******************************************
အချိန်ကာလတစ်လျှောက် လိုအပ်သည်များ
========================
တစ်စက္ကန့်ပြီးမှ တစ်စက္ကန့်
တစ်နှစ်ပြီးမှ တစ်နှစ်
တဖြည်းဖြည်းမှ အသက်ကြီးလာတာပါ။
အေးအေးဆေးဆေး သမ်းဝေနိုင်ခွင့်ရှိတယ်။
ဒီနေ့အထိ ပါးစပ်လှုပ်နိုင်သေးတယ်။
ခြေလက်အင်္ဂါလှုပ်နိုင်သေးတယ်။
ကိုယ့်ကိုယ်ကို သတိလက်လွတ်
ဘာလို့ထင်တယ်၊ ညာလို့ထင်တယ်
ထင်နိုင်အားရှိပါသေးတယ်။
နေထိုင်မကောင်းတဲ့ရက်တွေမှာ
စကားမပြောချင် မလှုပ်ချင်
မထိုင်ချင် မထချင်
အိပ်ရာထဲ လဲလျောင်းနေရတဲ့ ရက်တွေမှာ
ဟိုဝါဒ ဒီဝါဒကို ယုံကြည်ဖို့ထက်
နေသာထိုင်သာရှိနိုင်ဖို့ တောင့်တရ မဟုတ်လား။
ဘဝဟူသည်
တိုသည်လည်းမဟုတ် ရှည်သည်လည်းမဟုတ်ပါဘဲနှင့်
လူတွေအစွဲကြီးပုံ
အယူဝါဒတွေထဲ ဝင်ရောက်သွားပုံကို
မှန်ကြည့်သလို ပြန်ကြည့်ဖို့ ဘာကြောင့်မေ့လျော့နေပါလိမ့်။
ငါလည်း တဖြည်းဖြည်းမှ အသက်ကြီးလာတာပါ။
အခု အသက်ကြီးနေပါပြီ။
အပြည့်အဝ သမ်းဝေနိုင်ခဲ့သလို
အပြည့်အဝ ငိုကြွေးခဲ့ပြီးပြီ။
အပြည့်အဝ ဥာဏ်ပညာဆိုတာ ရှိနိုင်ပါ့မလား။
အပြည့်အဝ ရယ်မောနိုင်ဖို့တော့ အရေးကြီးခဲ့တယ်။
ထွန်းဝေမြင့်