၇၃ ကိုဖြတ်သန်ခြင်း

၇၃ ကိုဖြတ်သန်ခြင်း
_______________

__

.
ချစ်သူရဲ့
ချိုမြိန်တဲ့နှုတ်ခမ်းများ
အနမ်းများ
ကြောက်လှန့်တကြားပြေးကြကုန်ပြီ ။
အနော်ရထာလမ်းမမှာ
စ်ိမ်းဝါနီပြာ
ဖိနပ်များ
ခွဲခြားရခက်စွ
ကင်းခြေထောက်ဘုရင်မင်းမြတ်
လမ်းလျှောက်နေတယ် ။
၁၉၄၄
ငါ့မွေးတဲ့နှစ်ကလဲ
ငါ့ခေတ်ကိုမနာလိုကြီးစွာ
သရော်နေရဲ့ ။
ကျောက်ဆောင်တွေကြားက
မြစ်ဖျားသံလွင်
ရင်ခွင်မှေးစက်
အိပ်မက်တွေ
သေးငယ်ကျဉ်းမြောင်း
အကွေ့အကောက်ပေါင်းများစွာ
ဖြတ်သန်းလာရ
မုတ္တမကွေ့က ရှင်းပြလိမ့်မယ် ။
သော့ခတ်ထားတဲ့
စာတိုက်ပုံးနီနီထဲက စာ
သက်ဆိုင်သူရှိရာသွားလိမ့်မယ် ။
နက်ဖြန်နေထွက်မှာ
အခါတစ်ရာပြောပြီး
သစ္စာ ဝါဒီ ဘဝ
လက်မထောင်
အချောင်ခိုမနေရစ်ချင်ဘူး ။
ကောက်ရိုးပုံပေါ်က
ဒိုက်ဗင်ထိုးချ
``ရွှေဘကွ´´အော်တဲ့
ငါ့ကလေးဘဝ ကျန်ခဲ့ပါပြီ ။
ဝင်းမှည့်ချိုမြိန်တဲ့အရသာ
ဘယ်သူ့ထံပို့မယ်
နားလည်စည်းခြားပြီးနောက် ။
သရက်သီးမမှည့်ခင်
ချဉ်တဲ့အရသာ
အချိန်ကာလက ဆုံးဖြတ်မယ် ။
စားပွဲပေါ်က
ဖက်လက်စ စာမျက်နှာ
တစ်ပိုင်းတစ်စ ကဗျာ
ရင်ထဲက သန္ဓေသား
ဘယ်နေ့များမှ မွေးပေါ့
လူရွှန်း ဝိညာဉ်ရဲ့ သက်မချသံ
တစ်ခန်းလုံး ညံနေတယ် ။
ငပလီပင်လယ်ပြာ
သဲကဗ္ဗလာဖြူ တလျှောက်
တိမ်တောက်ချိန် ညနေခင်း
မြင်ကွင်းအလှ
တစ်မိနစ်က တစ်မိနစ်
အလှသစ်များ တဖျတ်ဖျတ်
ငါ့ရင်ဆတ်ဆတ်ခုန်ခဲ့ပြီ ။
စံပယ်ဖြူဖြူလေးတွေဟာ
နေ့နေ့ညည
ပွင့်ကြစမြဲ လှစမြဲ
အသဲထဲအထိ မွှေးလာတယ် ။

  ဖော်ဝေး

၁၉၇၃ / နိုဝင်ဘာ
'နေ့စွဲကျော်ဒိုင်ယာရီစာမျက်နှာများ'မှ
****************************