ခင်အောင်အေးကဗျာများစုစည်းမှု

ခင်အောင်အေးကဗျာများစုစည်းမှု(၇၁ ပုဒ်)
----------------------------------------

သိပ်လှတဲ့မြစ်
-------------------
မင့် ကမ်းနဖူးမှာ
ကြယ်တာရာတွေပြန့်ကျဲနေတဲ့
တောအုပ်ကလေး
မင့် ကမ်းနဖူးမှာ
သက်တံတွေ တွဲလဲချိတ်လို့
ဥယျာဉ်ကြီးတစ်ခု
မင့် ကမ်းနဖူးမှာ
ချိုမြိန်တဲ့နေ့တွေ သီးပြွတ်နေတဲ့
ဧရာမသစ်ပင်ကြီး တပင်
မင်းကိုယ်တိုင်က
လှပသေသပ်စွာ
တသွင်သွင်စီးလို့-
ကိုယ်ကတော့
မူးမူးမင်မင်နဲ့
တေးသီချင်းတကျော်ကျော်။ ။
(၂၀၁၄)
*********************************
ကျိန်စာ
___________
ငပလီ ရောက်နေတာ..။

ဟာ! မိုက်တာပေါ့ ပြန့်ပြူးသဲသောင်
ကျောက်ဆောင်ပေါ် လှိုင်းတအုန်းအုန်းနဲ့
ပင်လယ်ကြီးကလဲ ပြာချင်တိုင်းပြာ လို့
ဘယ်လောက်များ သာယာ လိုက်မလဲနော်..တဲ့၊

တယောက်ထဲ ဆိုတဲ့ အဖြစ်ကသာ
ငါ့အတွက် ငရဲ။
.
ခင်အောင်အေး
***********************************************
နတ်သမီး(1)
___________________
ထူးဆန်းသော တောအုပ်
နေပြောက်များပင် ပျောက်နေခဲ့
ပျောက်နေသော ယုတ္တိယုတ္တာထီးရွက်မှာ
ကဗျာလိုလို အလင်းများ သင့်အိနြေ္ဒဟာ
သင် ယိုဖိတ်သော မေတ္တာတရား၌ စွတ်စို
အို.. နတ်သမီး..
သင်ညွှန်ပြသော နာရီမှာ
ချစ်ခြင်းရဲ့မြားတံများ တုံခါ
အ၀ိဇ္ဇာကိုသာ မှားယွင်း တပ်ဆင်မိခဲ့တယ်
မြက်ခင်း၌၄င်း ခင်တန်းတောစပ်၌၄င်း ဖန်ဆင်းထားအပ်သော
မင့် အဲဒီအလှ။ ။

မစံ ပေးသော ဓါတ်ပုံ ကိုကြည့်၍ ကဗျာရေးပါသည်။
.
ခင်အောင်အေး
****************************************
နတ်သမီး(2)
___________________
ဝင်လုဆဲ နေလုံးကြီးကို မြင်နေရတာဟာ
အလင်းယိုင်နိယာမကြောင့်ဆက်မြင်နေရ
သေးတာတဲ့ ၊ တကယ့်တကယ်တော့ သူက
မိုးကုပ်စက်ဝိုင်းအောက်ဖက်ကို ရောက်သွား
ခဲ့ပြီ တဲ့၊ ငါ့အတွက် မင်း ရှိနေသေးတယ်လို့
ထင်မိတာကတော့ စိတ်ယိုင်နိယာမကြောင့်။

ခင်အောင်အေး
****************************************
နတ်သမီး(3)
___________________
ညထဲ
လက်တဆုံး နှိုက်လိုက်တယ်၊

ကဗျာ သံဗူးခွံတခု၊ အဆိပ်ပါတဲ့
ကင်းမလက်မဲ တချောင်းနဲ့ အတူ
မင့် ဥပေက္ခာ ကြိုးညှိသံများ ရတယ်၊

ငါ
လုံလောက် ပျော်ရွှင်နိုင်ပါရဲ့ ။
.
ခင်အောင်အေး
****************************************
နတ်သမီးသို့ အချစ်သီချင်း
____________________
အိပ်ဖန်စောင့် နတ်သမီးရေ
နောက်နည်းနည်းဆုတ်ပါ့ကွယ်

မင့် ရွှေချည်မျှင် ငွေချည်မျှင်ဝတ်စုံရဲ့
တရွှမ်းရွှမ်းမြည်သံကို အနားသတ်ပါဖိ
မင့်သင်းပျံ့ပျံ့ ကိုယ်ရနံ့များရဲ့ ပျင်းရှမှုကို
ပြန်လည်သိမ်းဆည်း ထုတ်ပိုးပါဖိ

ဖွဖွညင်သာ
အနမ်းကလေး တစ်ခုသာ
ငါ့ နဖူးပေါ် ချွေသက်ခဲ့ပါ
(တစ်ကြိမ်တစ်ခါသာ ဖြစ်ပေမင့်)
ငါ တစ်သက်လုံး
တသသ ဖြစ်ကျန်ခဲ့ပေမှာ။ ။.
.
ခင်အောင်အေး

****************************************
နတ်သမီး ကျိန်စာ
_______________

၂၀၁၆ နှစ်ကုန်ပိုင်း နှစ်သစ်ကူးပွဲတော်နှင့်အတူ
နူးညံ့သိမ်မွေ့ခြင်း လန့်ထိတ်ခြောက်ခြားခြင်းများ
တပြိုင်နက်ထဲ ခံစားနိုင်ကြဘို့ လုံးပမ်းလျက်ရှိ --
ခင်အောင်အေး

*********************************
ပေါင်မုန့်နဲ့လိမ္မော်ရည်
---------------------------------
သိပ်လှတဲ့ အချစ်ကဗျာလေးတပုဒ်
ရေးပြီးတော့ မင်းကို ပေးချင်တာမို့
ကိုယ် ကြိုးစားပါတယ် စကားလုံး
နဲ့တင်စားမှု၊ စာကြောင်း အချိတ်
အဆက် စသဖြင့် ချွေးပြန်လုခမန်း၊
ခက်တာက မင်း လက်ကိုဖြန့်ပြီး
ခံယူမနေဘူးလေ အဟောသိကံ။
၃ အောက်တိုဘာ ၂၀၁၅
ဖရာ့ပရာဒင်န် ၂၂း၄၇ နာရီ
******************************************************************

ကိုယ်ပျောက်နှင်းဆီ
==================
ငါတို့ရဲ့
မင်ရည်ကျဲမှု
ငါတို့ရဲ့
မာနသံ တစ်ချွင်ချွင်
ပန်းတွေ မျက်စေ့တစ်ဆုံးပွင့်နေလဲ
နေခြည်တွေ တရစပ် တောက်ပနေခဲ့လဲ
ညထဲ တစ်ညချင်း လသာညချည့်သာကြုံကြိုက်ခဲ့လဲ
လေညင်းရေ..
အလိုမပြည့်မှုအားဖြင့် ချစ်ခြင်း
တင်းအားဟာ လွင့်မျောတိမ်တို့နှယ်
ချစ်သူရေ..
အံကြိတ်ထားတဲ့ကြားက
ချစ်သူရေ..
စကားလုံး အသုံးအနှုန်း ခေါင်းပါးခဲ့တယ်
မမြင်ရတဲ့ ဆူးတွေအပြည့်နဲ့
နှင်းဆီပန်းတွေချည့်သက်သက် ။ ။
ခင်အောင်အေး
၂၃ မတ်ခ်ျ ၂၀၁၄ ဗဟိုရ်လမ်း၊ ကျောက်မြောင်း ၂၀း၅၃ နာရီ

***************************************************
ချိုကျိုးနားရွက်ပဲ့ ရက်စွဲများ
==================
ဒီကနေ့လည်း ခါတိုင်းနေ့တွေလိုပဲပ
ဦးထုပ်လှလှတစ်လုံးကို လိုက်ကောက်
ရောက်တတ်ရာရာ စကားပွဖောင်း
မျဉ်းဖြောင့်တစ်ကြောင်းရဲ့အပေါ်
လွဲချော်ခဲ့ရပြန်တာပဲပေါ့။
လက်ထဲမှာတော့
အိပ်မက်တစ်စကို ကျစ်ကျစ်ပါအောင်ဆုပ်ထားလို့။
လိမ့်ပြိုလာသောကိုးကွယ်ရာမဲ့မှုများပမာ
သင်ဟာ ကျောက်တုံးဖြစ်ခဲ့ရင်
သင်ဟာ တိမ်တိုက်ဖြစ်ခဲ့ရင်
သင်ဟာ သေချာမှုဖြစ်ခဲ့ရင်
ဘာမှမရှုပ်ထွေးခင် အားလုံးရှုပ်ထွေးနှင့်ခဲ့ပေါ့။
ကောင်းပြီ
ခုလိုမျိုးမျက်နှာပြောင်တိုက်ဝံ့တာ
တစ်နေရာရာမှာသိမ်းဆည်းသပ်ရပ် သော့ခတ်
မိမိရဲ့ပထဝီမြေပုံချပ်လိမ်တွန့်ကြေမွ
`မရတော့ဘူး၊ သွားပြီ´တဲ့။
ဘာမျှမဟုတ်ပါ
မိုးသက်လေဆင်ခိုက်
အပျင်းပြေ လမ်းလျှောက်ထွက်ရုံမျှသာ။
ခေတ်ရဲ့ကော်ဖီဆိုင် ခွေးခြေခုံပေါ်
ခွေခေါက်ခေါက်ထိုင်ရုံမျှသာ။
မဟုတ်ဘူး၊ မဟုတ်ဘူး
မျက်နှာချိုနဲ့ အရှက်နည်းပါးလှစွာ
ပုဆိုးခြုံထဲ လက်သီးပုန်းပြရုံမျှသာ။
နံနက်ခင်းနာရီများ နှေးကွေး
ဗလုံးဗထွေး အိပ်ရေးမဝ လေသံနဲ့
`မနက်ဖြန်မှ´ တဲ့လေ။
တန်ဖိုးကိုသိသူသာ ဘာမဆိုကဖျက်ကယက်လုပ်နိုင်တယ်
လူသားတစ်ယောက်ရဲ့ကိုယ်ရေးဖိုင်တွဲ
တစ်စတစ်စပေါက်ပြဲဆွေးမြေ့။
သြော် ... သိပြီ။
ဒါ ... ငါ့အမည်ပေပဲ
ရင်ထဲမှာ စုတ်ပြတ်ကြေမွသွားရတဲ့ပန်းတစ်ပွင့်အတွက်
အသက်ထက်ဆုံး ဂုဏ်ယူနိုင်ခဲ့တယ်။
ပန်းချီကားတစ်ချပ်ဆိုတာ
ပင်လယ်ကမ်းစပ်က ခြေတံရှည်ဘန်ဂလိုတစ်လုံး၊
ဒါမှမဟုတ်
ပေါ့ပေါ့ပါးပါးလွင့်ပျံ့နေတဲ့
(မိန်းမလှတစ်ယောက်ရဲ့)ကောက်ကျစ်ဆံပင်များ။
ဒါမှမဟုတ်
မှောင်ခိုကုန်သည်တစ်ယောက်
စက်လှေပေါ်မှာဘီယာသောက်စဉ်
အလိုမကျဟန်မျက်နှာပေးလည်းဖြစ်နိုင်သေးရဲ့
အို ... ဘဝကိုခံတွင်းမတွေ့သူကပ်ဖ်ကာ
ကံကြမ္မာကို ဗလိနတ်စာကျွေးလော့။
အလင်းမဇိန်ဖျော့ဖျော့ စီးယိုသွယ်တန်း
အနာဂတ်ပန်းများ
မှားယွင်းမှုပေါင်းမှလွန်မြောက်ပါစေ။
ဒီလိုနဲ့ ... ကာဖီဆိုင်မထိုင်ဖြစ်တဲ့ညများ ထူပျစ်
အပေါစားစိတ်ကူးယဉ်မှုတို့ ညစ်ပေ
ရက်သတ္တပတ်လုံး တနင်္ဂနွေချည်းဖြစ်နေတော့
ဧည့်ခန်းနံရံမှာ `နှင်းဆီပန်းများသက်ငြိမ်´ကားချပ်
ထိုမှ ...
မိုင်ပေါင်းထောင်ချီဝေးတဲ့အရပ်မှာ
ငါ့ရဲ့သူငယ်ချင်း နည်းပြဆရာကလေး
ဘဝ၌ ညွတ်ကွေးနေရော့မယ်။
သူ့ရဲ့ ...
အလှစိုက်ပန်းအိုးကလေးလည်း
ရိုးသားမြဲ ရိုးသားနေလိမ့်မယ်ထင်တယ်။ ။
ခင်အောင်အေး
နွေဦးမဂ္ဂဇင်း ၊ ဇွန်လ ၊ ၁၉၈၈
**************************************************
မေမေ့ဘို့ ကဗျာ
==============
ကျနော့်ချက်ကြိုး ဘယ်မှာလဲမေမေ
မော်လမြိုင်အောက်လမ်းမကြီးပွဲဈေးတန်းမှာ
ပူဆာခဲ့ဘူးတဲ့ ဗန္ဓုလ ဦးထုပ်နဲ့ သစ်သားဓါးလွယ်
ဘယ်မှာလဲ မေမေ ပြောတော့ သားကို ချစ်တယ်ဆို
မေမေက အခု အသက် ရှစ်ဆယ်ကျော်ပြီ သားကိုလဲ
မမှတ်မိဘူး အင်္ဂါသား အကျိုးပေးမယ်ဆိုတဲ့ ဗေဒင်ဆရာ
ရဲ့ စကားကို အဟုတ်မှတ်ပြီး ခနခန ပဲ့တင်ထပ်တယ်
သားဝယ်လာတဲ့ ထပ်တရာ ပလာတာလေး စားကောင်းရဲ့
မဟုတ်လား မေမေ အပျော်တွေနဲ့ ပတ်ခြာလည်နေတဲ့
သားကို မေ့ကွက်ကိုရှာ သီချင်းနဲ့ ချော့သိပ်ပါလားမေမေ
သားဘ၀မှာ ဘာမှ ဟုတ္တိပတ္တိ မလုပ်တတ်ခဲ့ဘူး မေမေ
သား မဆင်းရဲခဲ့ဖူးဘူး သား ကျိကျိတက် ချမ်းသာခွင့်ကို
မရခဲ့ဘူး မေမေ သားလေ ကဗျာရေးတတ်တယ်သိလား
မေမေမသေခင် ၀ါးလဲဖွယ်တယ် သောက်လဲ ငတ်မပြေ
ဘယ်နေရာမှ အသုံးမကျတဲ့ ကဗျာတပုဒ် မေမေ့အတွက်
သေချာရေးပေးပါ့မယ် မေမေ ကျနော့် ချက်ကြိုးကလေး
ဘယ်မှာမြှုပ်ခဲ့လဲ လို့ သိချင်တယ်မေမေ.. သားမိုက်။ ။
ခင်အောင်အေး
*********************************************************************
ငယ်ဘဝ (၂)
______________ခင်အောင်အေး
ရွှေမန်းတင်မောင်လိုကမယ်
ပေါစံလို ပြက်မယ်
ကျော်ဆွေလို မပွင့်တစ်ပွင့်နဲ့  ရည်းစားစကားပြောဟန်မျိုး အတုခိုးပြီး
တွံတေးသိန်းတန်လို တစ်နိုင်ငံလုံးပတ်ပြီး ဟဲပစ်လိုက်မယ်
ပြီးတော့ ဘခက်လို မြင့်မြင့်စန်းနဲ့ လမ်းသုံးဆယ်မှာ တွေ့ပလိုက်မယ်
စံရွှေမြင့် ကာတွန်း ထွက်ပြီလဲဆိုရော ၄၇ လမ်းထိပ်က ခရမ်းရောင် ဆံသကို ပြေးရော။ ။
ခင်အောင်အေး
****************************************************************
~ ၁ ~
ငှက်ကလေး

အကယ်၍
ငှက်ကလေး တစ်ကောင်ကို
သင်သေချာ တွေ့ပြီဆိုလျင်
နောက်ထပ် ငှက်ကလေးတစ်ကောင် (ပြီးတော့)
နောက်ထပ် ငှက်ကလေးတစ်ကောင် (ပြီးတော့)
နောက်ထပ် ငှက်ကလေးတစ်ကောင် (ပြီးတော့)
နောက်ထပ် ငှက်ကလေး တစ်ကောင်ကို
သင် မုချသေချာစွာ ထပ်မံ တွေ့မြင်ရဦးမည်ပင်။ ။
၁၆၊ ဒီဇင်ဘာ၊ ၂၀၁၂ ချေလ်တန်ဂရို့ဗ်၊ လန်ဒန် ၀၂း၁၃ နာရီ
~ ၂ ~
ငှက်ကလေး

မုန်တိုင်းထဲ
မင်း မျက်စိလည်လမ်းမှား
ကျရောက်သွားပုံ -
ငါ အခု
ဘ၀ထဲ မျက်စိလည်လမ်းမှားနေပုံနဲ့
တူလှချေကလား။ ။
၁၇၊ ဒီဇင်ဘာ၊ ၂၀၁၂ ချေလ်တန်ဂရို့ဗ်၊ လန်ဒန် ၁၂း၃၅ နာရီ
~ ၃ ~
ငှက်ကလေး

ငှက်ကလေးအကြောင်း
ပြောနေရင်း
ကိုယ့်အကြောင်း
ကိုယ်တွေးမိ
ကိုယ့်မှာ ပြုံးစိစိ
နောက်ပြီး
ငှက်ကလေးနဲ့တူတာ
ကိုယ်တစ်ယောက်ထဲမှမဟုတ်တာ
လောကကြီးထဲ
ငှက်ကလေးလို
ကိုယ့်လို
လူတွေ အများကြီး
အများကြီးမှ
အများကြီးပဲ။ ။
၁၇၊ ဒီဇင်ဘာ၊ ၂၀၁၂ ချေလ်တန်ဂရို့ဗ်၊ လန်ဒန် ၁၃း၀၉ နာရီ
~ ၄ ~
ငှက်ကလေး

လူ့ဘ၀ကိုရခဲ့တာ
အားသာလှပြီထင်ခဲ့တာ
ကဗျာလေးဘာလေး
မတောက်တခေါက် ရေးမိတော့
ဂုဏ်မောက်သာယာမိပြန်ပေ့ါ
တစ်နေ့
မင်း တေးသီသံလေး
သေချာ နားစိုက်ထောင်ဖြစ်ပြန်ရာ
ငါ အလိုလို နားလည်သဘောပေါက်လာ
ကဗျာဆိုတာ ဘာမှမဟုတ်
ရိုးသားကြည်လင်ခြင်း အလုပ်။ ။
၁၇၊ ဒီဇင်ဘာ၊ ၂၀၁၂
~ ၅ ~
ငှက်ကလေး

မင်းကို ငါ
အတုခိုးမိတယ်။
မင်းကတော့
ငါ့ ကို အတုမခိုးနဲ့၊
ဘာလို့ဆို
အတုခိုး မမှားစေချင်လို့ကွဲ့။ ။
၁၇၊ ဒီဇင်ဘာ၊ ၂၀၁၂ ချေလ်တန်ဂရို့ဗ်၊ လန်ဒန် ၁၃း၅၇ နာရီ
~ ၆ ~
ငှက်ကလေး

လူ့ရွာလောကမှာ
ယဉ်ကျေးမှုဆိုတာတွေ
အတွေးအခေါ် ဒဿနဆိုတာတွေ
ဘာသာတရား ဆိုတာတွေ
ပေါကြွယ်ဝလှတယ်
အနုပညာနဲ့အလှတရားကို
ကိုးကွယ်တယ်လို့ ဆိုသူ တချို့လဲ
ကိုယ့်ကိုယ်ကို အဆုံးစီရင်သွားကြတယ်
မင်းလောက်များ
လောကရဲ့အလှကို ဖတ်တတ်ရင်
ကိုယ် ကဗျာတောင်ရေးမနေဘူး။ ။
၁၇၊ ဒီဇင်ဘာ၊ ၂၀၁၂ ချေလ်တန်ဂရို့ဗ်၊ လန်ဒန် ၁၄း၀၇ နာရီ
~ ၇ ~
ငှက်ကလေး

ငှက်ကလေး...
ငါ သေရည်သေရက်ကို
အရူးအမူးနှစ်သက်ခဲ့
ငှက်ကလေး...
ပုံပြင်တပုဒ်ရဲ့အဆိုအရ
သစ်ခေါင်းတစ်ခုထဲ
ငှက်တွေထိုးဆိတ် ကိုက်ချီလာတဲ့
သစ်သီးမျိုးစုံတွေ ပေါင်းဆုံရာကနေ
သင့်တင့်မျှတတဲ့ ကာလတခုမှာ
သူရာရည် ဆိုတာ ဖြစ်ပေါ်လာခဲ့သတဲ့
Cheers! ပါ
ငှက်ကလေးရေ့။ ။
၁၇၊ ဒီဇင်ဘာ၊ ၂၀၁၂ ချေလ်တန်ဂရို့ဗ်၊ လန်ဒန် ၁၄း၁၃ နာရီ
~ ၈ ~
ငှက်ကလေး

တခုခု အရမ်းခံစားရလို့ဖြစ်စေ
ဘ၀မှာ ရစရာမရှိအောင် ပြိုကွဲနေပြီလို့
သင် ထင်မြင်မိတဲ့ အခါမျိုးမှာပဲဖြစ်စေ
ငှက်ကလေးတစ်ကောင်ကောင်ကို
မတွေ့တွေ့အောင် ရှာပြီး မျက်နှာချင်းဆိုင်လိုက်ပါ။
သူတောင် ဘ၀တခုအတွက်
အသက်ရှင်ဝံ့သေးတာ
ငါက ဘာလို့မို့... ။ ။
၁၇၊ ဒီဇင်ဘာ၊ ၂၀၁၂ ချေလ်တန်ဂရို့ဗ်၊ လန်ဒန် ၁၄း၄၄ နာရီ
~ ၉ ~
ငှက်ကလေး

ပြန်တွေးကြည့်တော့
ကိုယ့်သူငယ်ချင်းတွေအားလုံးဟာ
ကိုယ့်အတွက်တော့ အတိတ်ငှက်ကလေးတွေပေါ့ကွာ၊
ခင်ဆွေဝင်း ဆိုတဲ့ စကားစု/မြည်သံတခု ဟာ
အဲ့ဒီ ငှက်ကလေးတချို့ထဲက
ဖျောက်ဖျက်ခြင်းငှာ မစွမ်းသာတဲ့
ပညတ်ချက် အမည်တစ်ခုပါ။ ။
၁၇၊ ဒီဇင်ဘာ၊ ၂၀၁၂ ချေလ်တန်ဂရို့ဗ်၊ လန်ဒန် ၁၄း၄၃ နာရီ
~ ၁၀ ~
ငှက်ကလေး

ငှက်ကလေး
လို့ ခေါင်းစဉ်တပ်ပြီး
ရေးမိသမျှကဗျာအားလုံး
နံပတ်စဉ် မထိုးဘူး။
ကဗျာအားလုံးဟာ
ငှက်ကလေးတစ်ကောင်စီပဲ။
ငှက်ကလေးတွေရဲ့
စိတ်ကိုနာကျင်အောင်
တစ်ခုခု ပြုလုပ်မိဖို့ရာ
ကိုယ့်နှလုံးသားက
အဲဒါကို..
ခွင့်မပြုခဲ့ဘူးလေ။ ။
၁၇၊ ဒီဇင်ဘာ၂၀၁၂ ချေလ်တန်ဂရို့ဗ်၊ လန်ဒန် ၁၅း၁၁ နာရီ
~ ၁၁ ~
ငှက်ကလေး

ကိုယ်က ပုထုဇဉ်
ဆိုတော့ ကိုယ်က အာရုံတွေထွေပြား
ဆိုတော့ ကိုယ်က တောပြောတောင်ပြော ပြောမိ
ဆိုတော့ ကိုယ်က မရင့်ကျက်သူပေပဲ
ဆိုတော့ ကိုယ်က ငါနဲ့ငါသာ နှိုင်းစရာလို့သွေးနားထင်ရောက်နေမိ
ဆိုတော့ ကိုယ်က သန်ရာသန်ရာ လုပ်မိ ကိုင်မိသမျှ အဟုတ်ထင်မိ
ငှက်ကလေး
မှောင်နေပေမယ့်
မင့် နေ၀င်ချိန် မင်းသိတယ်
မင်း အချိန်မှန်ကန်စွာ အိပ်တန်းတက်တယ်
မင်း အိပ်ယာဝင်တေးကို သာသာညှင်းညှင်းဆိုညည်း လိုက်တာကို
ငါ အမှတ်မထင်ကြားမိတော့ -
ငါ..
အကန့်အသတ်မဲ့စွာ
ရှက်ရွံ့မိ။ ။
၁၇၊ ဒီဇင်ဘာ၊ ၂၀၁၂ ချေလ်တန်ဂရို့ဗ်၊ လန်ဒန် ၁၆း၁၇ နာရီ
~ ၁၂ ~
ငှက်ကလေး

ရုပ်ပုံကား ပဟေဠိတစ်ခုလို
“ရှုပ်ထွေးနေတဲ့သစ်ကိုင်းမည်းမည်းတွေကြား
ငှက်မည်းမည်းဘယ်နှစ်ကောင်တွေ့လဲ” တဲ့။
တစ်ကောင်၊
နှစ်ကောင်၊
သုံးကောင်၊
ငါးကောင်
အဲ ခုနစ်ကောင်၊
အဲ ခြောက်ကောင်
အဲ မဟုတ်ပါဘူး
ခုနစ်ကောင်ပါ…။
ပြတင်းက လှမ်းမြင်ရတဲ့..
မိုးမှုန်တွေနဲ့၊ မီးခိုးရောင်တိမ်တွေနဲ့
မှုန်ကုပ်ကုပ်အအေးဓါတ်တွေနဲ့
သိပ်သည်းနေတဲ့မြင်ကွင်းနဲ့ ငါနဲ့
Game ကစားနေကြတာပါ။ ။
၂၀၊ ဒီဇင်ဘာ၊ ၂၀၁၂ ချေလ်တန်ဂရို့ဗ်၊ လန်ဒန် ၁၁း၁၆ နာရီ
~ ၁၃ ~
ငှက်ကလေး

တေးသီရှာလေတယ်
ညည့်နက်သန်ကောင်ယံထဲဝယ်
ဘဇာအရေးကြောင့်ရယ်။ ။
၂၈၊ ဒီဇင်ဘာ၊၂၀၁၂ ချေလ်တန်ဂရို့ဗ်၊ လန်ဒန် ၀၁း၅၂ နာရီ
~ ၁၄ ~
ငှက်ကလေး

စွင့်စွင့်ကားကား နေကြာပွင့်ကြီးကို
ငှက်ကလေးလို့ အထင်မှားမိတဲ့နေ့က
နေဟာ မွန်းတည့်ချိန်နည်းနည်းစွန်းလာတာတောင်
အရှေ့ဖက်ခြမ်းမှာ ပေတိပေကပ် လုပ်နေတုန်း
ဝါရွှေညိုလု ရွက်ဖားတစ်ရွက်ကို
ငှက်ကလေးလို့ အထင်မှားမိတဲ့နေ့က
မီးလောင်ထားသလိုအညိုအမည်းစွဲနေတဲ့ အပင်ခွကြားမှာ
ရှည့်ညိုတစ်ကောင်ဟာ ယောင်တီးယောင်န ဖြစ်နေခဲ့ရဲ့
ရေစီးမှာ မျောလာတဲ့ သစ်တုံးပေါ်က အရိပ်တစ်ခုကို
ငှက်ကလေးလို့ အထင်မှားမိတဲ့နေ့က
မြစ်ဟာ သူ့ရယ်သံကို လောကအနှံ့ ဖြန့်ဝေဖို့
ယုံကြည်ထက်သန်မှုနဲ့ တဝေါဝေါစီးဆင်းပစ်လိုက်တယ်
လောကဓါတ်တခွင်လုံး တွေ့သမျှ မြင်သမျှတွေ ကို
ငှက်ကလေးလို့ ထင်ယောင်ထင်မှားတွေ ဖြစ်ခဲ့မိတဲ့ နေ့ကပေါ့။ ။
၁၅၊ ဒီဇင်ဘာ၊ ၂၀၁၂ ချေလ်တန်ဂရို့ဗ်၊ လန်ဒန် ၂၁း၀၆ နာရီ
, 21:06
~ ၁၅ ~
ငှက်ကလေး

ဟောဒီ ကဗျာကို
ငှက်တောင်မွေး မှာ မင်တို့ပြီးရေးရတာ။
ပြီးတော့ ငှက်တောင်မွေးကလွဲလို့
ဘာမှ မပါဘူး။ ။
၁၆၊ ဒီဇင်ဘာ၊ ၂၀၁၂ ချေလ်တန်ဂရို့ဗ်၊ လန်ဒန် ၀၁း၅၁ နာရီ
, 01:51
~ ၁၆ ~
ငှက်ကလေး

ကိုယ်က လူ့ဘ၀ဟာ
ပျင်းစရာကောင်းလိုက်တာ လို့
မကြားတကြား ညည်းညူမြည်တမ်းလိုက်တော့
ငှက်ကလေးက
ဘယ်တချက် ညာတချက်
သူ့ခေါင်းကို ခါဆတ်ပြတယ်
(ဘယ်နှစ်ခါလဲ ရေတွက်ပြဖို့မဖြစ်နိုင်အောင် မြန်ဆန်သွက်လက်လှတယ်)
အဲဒါ -
ကိုယ့်အဆိုဟာ မဟုတ်သေးဘူးလို့ ငြင်းဆန်တာလေလား
အဖျင်းကောင် မင်း အညံ့နဲ့မင်း စင်းစင်းသေပေတော့လို့
လက်လျှော့လိုက်တဲ့ ဟန်အမူအယာလေလား။ ။
၁၇၊ ဒီဇင်ဘာ၊ ၂၀၁၂ ချေလ်တန်ဂရို့ဗ်၊ လန်ဒန် ၁၄း၄၃ နာရီ
~ ၁၇ ~
ငှက်ကလေး

How to make a bird စာအုပ်ထဲကအတိုင်း
စက္ကူဖြူဖြူလေး တစ်ရွက်ကိုယူပြီး
ခေါက်တယ်
ချိုးတယ်
ဆွဲထုတ်တယ်
ဖြန့်ယူတယ်
ငှက်ကလေးပုံ ပေါ်လာ
ပြတင်းပေါက်နား
ခဏ ချထားတာ
ခုမရှိတော့ဘူး
ဟိုး မိုးကောင်းကင်အစပ်မှာ
ခပ်ရေးရေး လှမ်း မြင်နေရတာ
ငါ့ ငှက်ကလေးလား။ ။
၁၅၊ ဒီဇင်ဘာ၊ ၂၀၁၂ ချေလ်တန်ဂရို့ဗ်၊ လန်ဒန် ၁၉း၂၂ နာရီ
, 19:22
ငှက်ကလေး
ငှက်ကလေး
ငှက်ကလေး
ငှက်ကလေး
ငှက်ကလေး
ငှက်ကလေး
ငှက်ကလေး
ငှက်ကလေး
ငှက်ကလေး
ငှက်ကလေး
ငှက်ကလေး
ငှက်ကလေး
ငှက်ကလေး
ငှက်ကလေး
ငှက်ကလေး
ငှက်ကလေး
ငှက်ကလေး
ခ င်ေ အာ င်ေ အး
***************************************
ရည်ညွှန်းချက်
ပြီးခဲ့တဲ့ မေနဲ့ဂျွန်လတွေတုန်းက အမေရိကန်နိုင်ငံ မေရီလင်းမှာရှိတဲ့
မေငြိမ်း ရဲ့အိမ်ဂေဟာမှာတည်းခိုရင်း သူ့မွေးနေ့နဲ့ကြုံကြိုက်ခဲ့ပါတယ်။
အဲဒီကတည်းက ebook ကလေးတစ်ခု လုပ်ပြီး လက်ဆောင်ပေးဖို့ရာ စိတ်ကူးခဲ့ပေမယ့် လက်တွေ့အကောင်အထည်မပေါ်ခဲ့ပါဘူး။ ခု ဇူလိုင်လ။
ebook ကလေးအတွက် ကဗျာတွေရွေးရင်းနဲ့ ပန်ဒိုရာနဲ့ စကားစပ်မိရာက
ငှက်ကလေး ကဗျာတွေ သူက အင်္ဂလိပ်လိုပြန်ပေးမယ်ဆိုတာနဲ့၊
အဲ့ဒီကဗျာ စုကိုပဲ ebook လုပ်ဖို့ ဆုံးဖြတ်မိသွားတယ်။
လုပ်ရင်းကိုင်ရင်းနဲ့ပဲ ဇူလိုင်လ ကုန်ကာနီးဖြစ်လာတော့ နှစ်တိုင်း Kay (ကေသွယ်)
ကို မွေးနေ့လက်ဆောင်ပေးနေကျဆိုတာလည်းသတိရသွားပြန်ရော -
စာတွေ ကဗျာတွေရေးတဲ့၊ ဘလော့ဂ်တွေလည်း ကိုယ်စီရှိတဲ့
အဲဒီ ညီမ ၂ ယောက်ကိုပဲ ဒီ ebook ကလေးကို လက်ဆောင်ပေးလိုက်ပါတယ်။
ကျေးဇူးစကား
ငှက်ကလေးကဗျာစုထဲက တော်တော်များများဟာ ၂၀၁၂ ဒီဇင်ဘာ တုန်းက ရေးဖြစ် ခဲ့တာပါ။ တိတိကျကျပြောရရင်တော့ ဒီဇင်ဘာ ၁၇ ရက်နေ့ပေ့ါ။ ကိုယ်ဟာ လန်ဒန်မြို့က သမီး အိမ်မှာ ရောက်နေတဲ့အချိန်။ ရာသီဥတုကလည်း တော်တော်အေးပြီး ခရစ္စမတ်ပွဲတော် အတွက် လန်ဒန်သူ လန်ဒန်သားတွေ စိတ်လှုပ်ရှားနေကြတဲ့အချိန်လည်းဖြစ်ပေရဲ့။ ကိုယ်ဟာ ခရစ္စမတ် အငွေ့အသက်ကို ခံစားဖို့ ကိုယ့်အာရုံကို အထူးနိုးကြားနေအောင် တပ်လှန့်ထားမိတယ်။
အဲဒီအချိန်မှာ ဒီကဗျာတွေ ရေးဖြစ်တာပါပဲ။ ဒီဇင်ဘာလဟာ နှစ်ဟောင်းကုန်ဆုံးကာနီး နှစ်သစ်ဖက်ကို သူသူကိုယ်ကိုယ် စိတ်ညွတ်နေတတ်ကြတဲ့ ကာလလို့ ကိုယ်က ရည်ညွှန်းရင် လွန်မယ်မထင် မိဘူး။ သာမာန်အားဖြင့် ကိုယ်ဟာ ငှက်ကလေးတွေအပေါ် (ငှက်ကလေးတွေမှ မဟုတ် ဘယ်တိရိစ္ဆာန်အပေါ်မှာမှ) သာမာန် ပျှမ်းမျှထက်ပိုပြီး စိတ်ဝင်စားတတ်သူ ချစ်ခင် တတ်သူ မဟုတ်ခဲ့ပါဘူး။
ဒါပေမယ့် ငှက်ကလေး ကို ကိုယ်ငြိသွားတယ်။ ပထမဆုံး ငှက်ကလေး ကဗျာကို ရေးမိ ပြီးတာနဲ့ ကိုယ်ဟာ ကျိန်စာတခုထဲ ကျရောက်သွားသလို ငှက်ကလေး ကဗျာတွေကို မနားတမ်း ဆက်တိုက် ရေးချင်နေတော့တာပဲ။ တချို့ ငှက်ကလေးကဗျာတွေကတော့ ကဗျာအမျိုးအစားအရ ခုအုပ်စုနဲ့ သိပ်မလိုက်ဖက်လို့ ဖြုတ်ချန်ထားခဲ့ပါတယ်။ ဒီအတွက်လည်း ရင်ထဲမှာ ကောင်းလှ တယ်တော့ မဟုတ်ပါဘူး။ ဆင်ခြင်တုံတရားနဲ့ ပိုင်းဖြတ်ရတဲ့အခါ နှလုံးသားရဲ့ အစိတ်အပိုင်း တချို့ကို လှီးဖဲ့ထုတ်သလို ဖြစ်တတ်တယ်လို့ သင်္ခန်းစာတစ်ခုတော့ ရလိုက်ပါ ပေရဲ့။ တိုက်တိုက်ဆိုင်ဆိုင် ဒီရက်ပိုင်း အခု ဒီ ebook ကဗျာစာအုပ်ကလေး လုပ်ဖို့ စီစဉ်နေတဲ့ အချိန်မှာကို နှလုံးသားရေးရာကိစ္စတွေ နင့်နင့်သီးသီးခံစားနေရလေရဲ့။ ငှက်ကလေး ကတော့ ကိုယ့်ကို လှောင်ပြောင်ရယ်မောနေမလားမသိ။
ဒီကဗျာတွေအတွက် ၃၀၊ ချေလ်တန်ဂရို့ဖ်၊ လန်ဒန်က သမီးရဲ့အိမ်ဂေဟာကလေးရယ်၊ ကိုယ်အိပ်စက်ရာ နားရာ၊ စာဖတ် စာရေးရာ ပြူတင်းပေါက်နံဘေးက ဆွဲထုတ်/ ပြန်သွင်း ကုတင်လေးရယ်၊ ကိုယ့်မြင်ကွင်းမှာ အမြဲမြင်နေရတဲ့ ချက်စ်နပ်ပင်ကြီးရယ် တစ်ခါလား နှစ်ခါလား ဖျတ်ကနဲ တွေ့လိုက်ဖူးတဲ့ ငှက်ကလေးတစ်ကောင်ရယ်အပြင် ကဗျာများကို အချိန်တိုတိုနဲ့ စိတ်ပါလက်ပါ ပြန်ဆိုပေးတဲ့ တူမကြီး ပန်ဒိုရာ တို့ကို အထူးကျေးဇူး တင်ရှိပါကြောင်း။
ခင်အောင်အေး
၂၁၊ ဇူလိုင်၊ ၂၀၁၃ ဖရာ့ပရာဒင်၊ ဘန်ကောက် ၇း၀၂ နာရီ
**************************************************************************

မမမြိုင်
--------------
ကုန်သွားပြီ ...
ကုန်ပစ္စည်းတွေ
ကုမ္ပဏီတွေက တင်သွင်းထားတာတွေ
ပြည်တွင်း ကုန်ထုတ်လုပ်မှုပမာဏ ပြည့်မီအောင်ထုတ်လုပ်ထားမှုတွ
ထုတ်လုပ်ခြင်းကို ထုတ်လုပ်မှုတွေ
ဘာတွေထုတ်လုပ်မိနေတာတွေ
ထုတ်လုပ်သမျှ ထုတ်ပိုးနေရတာတွေ
ထုတ်ပိုးပြီးသမျှ ထမ်းပိုးနေရတာတွေ
ထမ်းပိုးထားရတာတွေကို ထန်းလက်နဲ့ကာနေရတာတွေ
ထန်းသီးကြွေခိုက် ကျီးနင်းခိုက်တွေ
ကျီးကြည့်ကြောင်ကြည့်တွေ
ကြောင်ကိုဘယ်သူ ချူဆွဲပေးမလဲ မေးခွန်းတွေ
မေးခွန်းက မေးခွန်းကို မေးခွန်းနဲ့ပဲ တုံ့ပြန်နေတာတွေ
တုံ့ပြန်မှုဟာ လက်တုံ့ပြန်ခြင်းခံနေရတာတွေ
ခံနေရတာတွေကို ခံစားချက်လုပ်ပြီး ကဗျာရေးရကောင်းမလားစဉ်းစားမိနေတာတွေ
စဉ်းစဉ်းစားစားနဲ့ စား နေတာတွေ မိသွားတာတွေ
မိကျောင်းတွားတက်လာနေတဲ့ သွားတွေ
သွားတွေ တဆစ်ဆစ် ကိုက်မြဲကိုက်နေ
ကိုက်လမ်း အတိုင်းပြေးမြဲ ပြေးနေမိတဲ့ ကိုက်လမ်းကဗျာထဲက ယုန်သတ္တဝါလေးတွေ
ယုန်ကလေးရေ...တကယ်တမ်းမတော့
ငါဟာ ငါ့ဘဝ အမှန်အတိုင်းမနေထိုင်နိုင်ခဲ့ဘူးကွယ်
ငါဟာ ငါ့ကိုယ်ငါ ကွယ်ခဲ့တယ်
ငါ့ဘဝအမှန်ကို ငါကိုယ်တိုင် ကွယ်ခဲ့တယ်
ငါ့ကိုယ်ငါ ရိုသေစွာ ကွယ်ခဲ့တယ်
ငါဟာ ငါ့ကိုယ်ငါ ရိုသေစွာ ကိုးကွယ်ခဲ့တယ်
ငါ့ကိုယ်ငါ ကိုးကွယ်မှုမှားခဲ့တယ်
ငါဟာ မှန်ကန်စွာမှားခဲ့တယ်
ရှေ့သွားလေး ငေါငေါ နဲ့ မှားခဲ့တယ်
လူ့သမိုင်းကြီးတခုလုံးဟာ ရှေ့သွားတွေ တငေါငေါ
ဘီစီ ငါးထောင်ရဲ့ဟိုဘက်ခြမ်းမှာ တငေါငေါ
အေဒီ ၁ ရာစု ၂ ရာစုမှာ တငေါငေါ
တကောင်း အဘိရာဇ ဆိုပြီး တငေါငေါ
ဘယ်ညာ hang bag တွေ suitcase တွေ ဆွဲလာပြီး တငေါငေါ
ဆတ်ကနဲ shock ရပြီး တငေါငေါ
တော်လောက်ပြီ တငေါငေါ
ပစ္စုပ္ပန်တည့်တည့်ကိုရှုပါ တငေါငေါ
တငေါငေါ ဟာ တငင်ငင်
တနွယ်ငင်မိတာ တစင်ပါရောပဲ
အဲဒီတော့...
မင်းလဲတစင်ထောင် ငါလဲတစင်ထောင်မယ်
ဟိုကောင်တွေကလဲ တယောက်တစင်စီဆိုတော့ မြိုင်ပြီပေါ့ မမမြိုင် ။ ။
ခင်အောင်အေး
******************************************************************

ကျောက်တူးသမား
--------------------
ရသမျှဟာ
တူးယူခဲ့ကြလို့သာ။

အရင်းအမြစ်များလှတဲ့ ကမ္ဘာကြီး
ဘယ်လောက်အိပ်စားပျက်ခံခဲ့သလဲနဲ့
ဘယ်လောက်ရူးခဲ့သလဲတို့ရဲ့ အလေးချိန်မျှ
ကိုယ်စီရခဲ့ကြတယ်
ဘာမှ ၀မ်းနည်းစရာမရှိဘူး။ ။

ခင်အောင်အေး
၆၊ အောက်တိုဘာ၊၂၀၀၉
******************************************************************

ပန်းကလေးတွေအကြောင်း
----------------------------------
ပန်းကလေးတွေ အကြောင်းကိုပြောဘို့
ဘယ်နှစ်ခါလောက် ပန်း ဖြစ်ကြည့်ဖူးသလဲ။

နူးညံ့တာလောက်
ရနံ့မွှေးတာလောက်
အရောင်စုံတာလောက်နဲ့
ပန်းအကြောင်းလာမဖွဲ့နွဲ့ဘို့ တောင်းပန်ပါတယ်။

ပန်းကလေးဘက်က
(ကြင်နာစွာ) နာကျင်မိသွားလို့ပါ။ ။

ခင်အောင်အေး
၆၊ အောက်တိုဘာ၊ ၂၀၀၉
******************************************************************

သင်ခန်းစာအဟောင်းတွေ
---------------------------
စက်ဘီးလဲလို့
ဒူးပြဲတဲ့ဒဏ်ရာမျိုး

ငါးကိုစားလို့
ငါးရိုးက ကိုယ့်ကိုပြန်စူးတာမျိုး

မရဲပဲ ကျွဲပြဲ စီးကြည့်ပြီး
ကျွဲ ပေါ်က မရှုမလှပြုတ်ကျတတ်တာမျိုး

ဘ၀သင်ခန်းစာတွေဟာ
သင်ယူလို့ပဲ မကုန်နိုင်
ဘယ်သူမှ အသစ်လဲမတက်ကြပဲ
ဒါမျိုး အမှားတွေပဲ ထပ်တလဲလဲ သင်ယူခြင်းမှာ
မပျင်းရိ ကြတော့ဘူးတဲ့လား။ ။

ခင်အောင်အေး

၆၊ အောက်တိုဘာ၊ ၂၀၀၉
******************************************************************

ဆုနဲ့ တန်ဘိုးသတ်မှတ်ချက်တို့ အကြောင်း
--------------------------------------------
ပုစွန်တွေဖတ်ဖို့ ကဗျာ ရေးတဲ့
အဲဒီကဗျာဆရာကို ကဗျာပွင့် ၉ ပွင့်၊ ကဗျာတင်ဆက်မှု - ၄
------------------------------------------------------------

တော်လို့ဆိုပြီး ပုစွန်တုပ်ကြီးကြီး တကောင်လောက်
ဆုချဘို့မကောင်းဘူးလား။

ကဗျာကောင်းတွေက
ရှားပါးလာပြီး
ပုစွန်ထုပ်ကြီးတွေက
ဖမ်းမိဘို့ခက်သထက်ခက်လာတဲ့ ဒီကမ္ဘာကြီးမှာ။ ။

ခင်အောင်အေး
၆၊ အောက်တိုဘာ။ ၂၀၀၉
******************************************************************

ခေတ်ရယ် ကဗျာဆရာရယ် သူ့ကဗျာရယ်
---------------------------------------------
ဈေးကြီးပြီး နစ်ဘ် ကောင်းကောင်း
အမျိုးအစားဖောင်တိန်တွေ
‘ပိုင်းလော့’ တဲ့ ‘ရှယ်ဖာ’ တဲ့

နောက်တော့
ဈေးချိုချို ဘောလ်ပင် ဆိုတာ
အစားထိုး ကုန်စည်သစ် အနေနဲ့ပေါ်လာတယ်

ပထမဆုံး ကဗျာလေး
ဘ၀တသက်တာရဲ့ ၁၉၇၆ ခုနှစ်မှာ
ဘောလ်ပင်လေးနဲ့ပဲ ရေးဖြစ်တယ်

ပိုင်းလော့ဖောင်တိန်က
မှင်လိုက်မကောင်းတော့လို့။ ။

ခင်အောင်အေး
၆၊ အောက်တိုဘာ၊ ၂၀၀၉

******************************************************************

ကိုယ့်ရေးပုံရေးနည်းနဲ့ နေနည်း/သေနည်း
-----------------------------------------------------
ဟိုး အစတုန်းကတော့
ကဗျာတွေကို ပင်လယ်ကမ်းခြေမှာ ခရုကောက်သလို
ဒါမှမဟုတ် တောင်ပေါ်တောလမ်းမှာ အရိုင်းပန်းတွေခူးဆွတ်သလို
စ ရေးတယ်။

နောက်တော့..
အိမ်ဆောက်သလို ဘောလုံးကွင်းကြီးကြီးဆောက်သလို
မြို့ပြ ပြည်ရွာအသစ်တခုတည်သလို
တည်ဆောက်တယ် ရေးသားတယ်၊

ခုတော့..
လမ်းမှာ မတော်တဆ ကောက်ရသလောက်ပဲ
တော်ပြီလေ..သေခါနီးမှ သိပ်လောဘကြီးနေလို့လဲမဖြစ်ဘူး
ရသမျှလေးနဲ့ပဲ တင်းတိမ်ရောင့်ရဲ နေရဲ ရေးရဲ၊ အခု သေဆိုလဲ သေရဲပြီ။ ။

ခင်အောင်အေး
၆၊ အောက်တိုဘာ၊ ၂၀၀၉
******************************************************************

ထိန်လင်းရဲ့ မာရှယ်ဒူးရွှန့်သို့တမ်းခြင်း အမှတ်တရ
----------------------------------------------------------
ဒီကမ္ဘာကြီးပေါ်မှာ
အနုပညာအကြောင်း
သိပ်ပြီး ခက်ရာခဲဆစ် လိုက်လေ့လာနေစရာမလိုတော့ပါ။

မာရှယ်ဒူးရွှန့်ရယ်
သေးပေါက်တဲ့ခွက်ရယ်
နောက် ၁၀ နှစ် အနှစ်၂၀ လောက်စီ် ခြားပြီး
အဲဒီသေးပေါက်ခွက်ကို performance artist တယောက်က
လူပုံလည်မှာ သေးပေါက်ထည့်တဲ့တာ တစ်ခါ
တူကလေးနဲ့ အက်ရုံထုပြခဲ့တာတခါ လုပ်ပြခဲ့တဲ့
အကြောင်းတွေကို သိရုံနဲ့တင် လုံလောက်ပါတယ်။

အနုပညာဆိုတာကလဲ
နားလည်ဘို့ ခက်တာနဲ့ လွယ်တာ နှစ်မျိုးပဲရှိတာဆိုတော့။ ။

ခင်အောင်အေး
၆၊ အောက်တိုဘာ၊ ၂၀၀၉

******************************************************************

အရူး (ရှယ်လီ)
--------------------
ခုတလော
ဘ၀င်ရူး ရူးလောက်အောင်
ကဗျာတွေရေးမိတယ်၊

တောင်းပန်ပါတယ်
မနက်ခင်းကလေးတွေရယ်
ကိုယ် ပေတိပေကပ် မထတမ်းထိုင်နေတတ်တဲ့ ၀ရံတာလေးရယ်
ကိုယ် မပိုင်စိုးတဲ့ ကာလသုံးပါးရယ်၊

နောက်ထပ်
တောင်းပန်ရမှာက
ငါ ယခုရေးသားသမျှ အောင့်အီးသည်းခံ ဖတ်ရှုနေရသော
ကဗျာချစ်သူ ဆိုသူများ။ ။

ခင်အောင်အေး
၆၊ အောက်တိုဘာ၊ ၂၀၀၉

******************************************************************

လူရွှင်တော်နဲ့ ဓါတ်ကြီးလေးပါး
-------------------------------------
ဟိုမှာထောင်ထားတာ
ရေသန့်ပုလင်းပေါ့

စိုက်ထားတဲ့
လဘ်ရွှင်ဂမုန်းပန်းအိုးထဲမှာ မြေကြီးအနည်းငယ်

ပန်ကာကို ၂၄ နာရီဖွင့်ထားရတယ်
လေ၀င်လေထွက် ကောင်းအောင်လို့

ပူတယ်အေးတယ်
နှာသီးဖျားမှာ ထင်ရှားတယ်

အော်…ဓါတ်ကြီးလေးပါး အကြောင်း
ဓါတ်ဆီ ဓါတ်ဆံကတဆင့် ပြန်သိရတယ်

တခါတခါ လူရွှင်တော်တွေဟာ
ပရောဟိတ်။ ။

ခင်အောင်အေး
၆၊ အောက်တိုဘာ၊ ၂၀၀၉

******************************************************************
ခေတ်ရှေ့ပြေးတဲ့ အတွေးအခေါ်
-------------------------------------
ရှေ့ကဗျာတပုဒ်နဲ့
သူ့နောက်က ကဗျာပုဒ်ကြား
ကဗျာတပုဒ် ရှိသေးတယ်။

အစ ရပြီးမှ
ချ မရေးလိုက်ရလို့
ပြန်မေ့သွားတာ။

ဒီကမ္ဘာကြီးပေါ်မှာ..
မေ့ တတ်ခြင်းဆိုတာသာ ရောဂါတခုလို
လူသားတွေ အပေါ်မှာ မသက်ရောက်ခဲ့ဘူးဆိုလျင်။

ကမ္ဘာ ဆိုတာကြီးဟာ
ခုလောက်တောင် သက်ဇိုး ရှည်ပါ့မလား
စဉ်းစားတွေးခေါ် စရာ ကောင်းလွန်းလှသည်ပင်။ ။

ခင်အောင်အေး
၆၊ အောက်တိုဘာ၊ ၂၀၀၉
******************************************************************
ပေါ့ထရိတ်
----------------------
နူးညံ့ခြင်းဟာ
ရေထဲနှစ်စိမ်ထားတဲ့ အံသွားလို
မဆုတ်မနစ်
အချစ်များ
နာကျင်ခြင်းနဲ့
ဖလှယ်ယူထားခဲ့တယ်
နံရံပေါ်
အိုမင်းခဲ့ပြက္ခဒိန်တွေရဲ့
တိမ်းမူးဖွယ် ကြာရင့်မှုနဲ့
နောက်ထပ်တစ်ကြိမ်ရှင်လျက်သေခြင်း။ ။
ခင်အောင်အေး
၁၃ ဒီဇင်ဘာ ၂၀၁၃ ပန်ဒန်း ဘာဒါနား၊ ကွာလာလမ်ပူ ၃း၃၄ နာရီ
******************************************************************
An Innocent Poet
*****************
ငါတို့ ရူးကြတယ်
နံရံဆေးမှုတ် အားတစ်စ်တွေကကျ
စိတ်မထင်ရင် မထင်သလို မျက်နှာ
ပြင်ကျယ်တွေပေါ် ရေးချယ်ကြတယ်
(အရူးလိုရေးမိတဲ့) င့ါကဗျာများ
မျက်နှာစာအုပ်ရဲ့ နံရံပေါ်မှာ
အားပါးတရ ပလူပျံနေကြပါစေသား --
၅ အောက်တိုဘာ ၂၀၁၅ ဖရာ့ပရာဒင်န် ၀၀း၀၄ နာရီ
******************************************************************
အစားထိုးမရတဲ့ ဆုံးရှုံးမှု
-----------------------------------
ကုန်လွန်သွားတဲ့အချိန်တွေက
လျှောက်ခဲ့ဖူးတဲ့ လမ်းမတွေလို
အချိန်မရွေး ပြန်သွားချင်တိုင်း
သွားလို့ ရတာမျိုးမဟုတ်ဘူး၊
နာရီတစ်လုံးလို သံပတ်ကို တင်း
နေအောင်ပေးထားပြီး ၁၂ နာရီ
ဆိုတဲ့အကန့်ကလေး ၁၂ ခုထဲမှာ
ထပ်ကာထပ်ကာ ပြန်ပြန်သွားနေ
တာမျိုးလည်း မဟုတ်လေဘူး၊
အဲဒီ ညနေက မင့်နဖူးလေးကို
နမ်းမယ်လုပ်ပြီးမှ မနမ်းဖြစ်လိုက်ဘူး
(ဆိုရင်) နောက်တစ်ကြိမ် အဲဒီအချိန်
အဲဒီနေရာမှာ အဲ့ဒီ အနမ်းကို ကိုယ်
ဘယ်တော့မှ ပြန်မရနိုင်တော့ဘူး
ကုန်လွန်သွားတဲ့အချိန်တွေက
လျှောက်ခဲ့ဖူးတဲ့ လမ်းမတွေလို
အချိန်မရွေး ပြန်သွားချင်တိုင်း
သွားလို့ ရတာမျိုးမဟုတ်ဘူး၊
ကုန်လွန်သွားတဲ့အချိန်တွေက
လျှောက်ခဲ့ဖူးတဲ့ လမ်းမတွေလို
အချိန်မရွေး ပြန်သွားချင်တိုင်း
သွားလို့ ရတာမျိုးမဟုတ်ဘူး၊
၎ အောက်တိုဘာ ၂၀၁၅
ဖရာ့ပရာဒင်န် ၂၃း၄၂ နာရီ
******************************************************************
Loneliness
--------------------------
နံရံတစ်ချပ်ကို
ခင်ဗျား ဘယ်လိုခံစားရသလဲ
နံရံလေးချပ်ဆိုရင်ကော
ခင်ဗျား ဘယ်လိုခံစားရမလဲ
အကယ်၍
ရွှံ့လို
ပလာစတာလို
အရည်ပျစ်ကနေ
ပြန်ခဲလို့ရတဲ့
ကွန်ပေါင်းပစ္စည်းမျိုး တစ်ခုခု
ငါ့အခန်းထဲ လောင်းထည့်
နံရံလေးဖက်နဲ့အပေါ်အောက်
မျက်နှာကျက်နဲ့ကြမ်းပြင်တွေကို
အဲဒီ အရည်ပျစ်တွေ ပြည့်နှက်သွား
ပြန်ခွာထုတ်လိုက်တဲ့အခါ
အံစာတုံးနီးနီးလောက် စတုရန်းကျတဲ့
အတုံးကြီးတစ်တုံး ရလိမ့်မယ်
ကဲဗျာ..
အဲဒီမှာ
ကိုယ့်နှလုံးသားကို
ပြန်ရှာပေးကြပါလေ --
၎ အောက်တိုဘာ ၂၀၁၅ ဖရာ့ပရာဒင်န် ၂၁း၅၃ နာရီ
******************************************************************
ဘ၀နဲ့တည့်တည့်
-------------------------------
ရေတပေါက်ပေါက်ကျသံဟာ
ဝရံတာက ဆန်းရှိတ်အမိုးပေါ်မှာ
မြည်နေတုန်းပဲ
မိုး
ရွာသွား ခဲ့ပြီ
မြစ်ထဲ
ပင်လယ်ကူးသင်္ဘောအချို့နဲ့
ကုန်တင်သမ္ဗာန်တွဲကြီးတွေ
ရုန်းကန်နေကြလိမ့်မယ်
ကိုယ်လည်း
အခန်းကျဉ်းလေးထဲမှာ
တစ်ယောက်ထဲ ရုန်းကန်နေဆဲပေ့ါ
၎ အောက်တိုဘာ ၂၀၁၅ ဖရာ့ပရာဒင်န် ၂၁း၂၉ နာရီ
*******************************************************

ကဗျာခေါင်းစဉ် = His Master's Voice
---------------------------------------------
ငါ့ကိုယ်ထဲမှာ မင်းသိစရာဘာမှ မရှိတော့ဘူး
မင်းဖတ်ဖို့ရေးခဲ့တဲ့စာတွေ ရေတံခွန်ကြီးတစ်ခု
ပျက်ပြယ်ပြီးသော စက္ကူတစ်ရွက်ရဲ့ အနားသတ်
သတ်ပုံဟာ ကိုယ့်ဘ၀ထဲကို ၀င်မွှေသွားတဲ့ ငနဲပဲ
ရောတိရောရာထဲက ရေရေရာရာမရှိတဲ့ နားရွက်
ဖင်ဒရွတ်ဆွဲသွားမှ လိုရာခရီးရောက်မယ့် 'အက်စ်'
မြောက်ဖက်စူးစူးထိ ဂမူးရှူးထိုး တက်သွားလိုက်
ပြီးရင် မွေးထားတဲ့ ယုန်တွေနဲ့ဆိတ်တွေကိုသတ်
ဖြတ်လမ်းက ပန်းတွေ တဟုန်ထိုးပွင့်တဲ့ဘက်မှာ
ကျောင်းသားတွေကို မေးခွန်းနဲ့ပက်လိုက်တယ်
ကြက်တောင်ရိုက်တံတစ်ချောင်းရဲ့ အူကြောင်
ကျားအကြည့် မုန့်လဲဝေစား အချစ်လဲဝေစား
မျက်နှာမှာ စောက်ထာ တခုခုတပ်ပြီးပြီဆိုရင်
မီးပုန်းထွန်းထားတဲ့ လမ်းထဲကို ဆင်းခဲ့တော့
"ရှင်တို့ ဘယ်မှ မသွားကြဘူးလား" မေးခွန်း
အဖျားပျောက်ဆေးအတွက် နွားနို့ကရားထဲ
က မြွေကို အလမ္မါယ်ဆရာရဲ့ ပုလွေသံဟာ
စစ်အတွင်းထုတ် ခွေးတံဆိပ်ဓါတ်ပြားများ။ ။
၃ အောက်တိုဘာ ၂၀၁၅ ဖရာ့ပရာဒင် ၂၂း၂၇
******************************************************************
ဘီအာရ်
--------------------
ချစ်တယ်လို့
ပြောဖို့ရာ
ကိုယ့်တစ်ယောက်တည်း ပြောနေရတာ
မလုံလောက်ဘူး

လာ
ကူ
ပြော
လှည့် ။

ခင်အောင်အေး

******************************************************************
ဘီအာရ်
-----------------
အဲဒီ မျက်နှာစာအုပ်နဲ့
သွယ်တန်းနေမှုကို ကိုက်ညှပ်လိုက်တယ်
ချစ်ခင်မြတ်နိုးခြင်းပာာ ချေးညှော်တွေနဲ့
မလိမ်းကျံအပ်ပေဘူး

စိတ်ကို ခိုင်ခိုင်ထားတယ်
ပြီးတော့ အားတင်းပြီး ပြုံးပြမယ်
မသိမသာ တုန်ယင်နေမှုကိုတော့
မင်း မမြင်ချင်ယောင်ဆောင်ပေးပါ။

ခင်အောင်အေး
******************************************************************
ဘီအာရ်
---------------------
မနေ့က လူကြုံပါးလိုက်တဲ့
ဗျိုင်းတွေ ပြန်လာကြတယ်

အပြုံးပန်းတွေချည့်
၉၆၈၄၅ ပွင့်တောင် ပြန်ပါလာတယ်

ကျေးဇူး ။
ခင်အောင်အေး
******************************************************************

ဆင်ခြေဖုံးအစ(၁၇-၁၁-၉၀)
--------------------------
တစ်နေ့ထက်တစ်နေ့ ထူလာတဲ့နှင်းတွေ
တမာ၊ မန်ကျည်းနဲ့ မဲဇလီပင်တွေပေါ်မှာ ဖွဲဖွဲလွင့်လွင့်
ရပ်နေသင့်သေးသလား။
ဆက်လျှောက်သွားရမလား၊
မေးခွန်းသံဟာ အဖျားခတ် တုန်ခါသွားတယ်။

တစ်ကိုယ်တော် စွန့်စားခန်းဆန်ဆန်
အဝေးပြေးလမ်းမပေါ်က ခန္ဓာဝန်တစ်ခု လေးလံနေပုံဟာ
အားပါးတရ ရယ်ချလိုက်ဖို့ ခက်လှပေရဲ့။

ဘ၀တွေ တစ်ပြုံတစ်မကြီး
အနားက “၀ှီး”ကနဲ ဖြတ်ကျော်သွားတော့မှ
အသက်၀၀ ရှူဖို့ကို သတိရကာ
ခေါင်းကိုအသာမော့
ရင်ကိုလည်း ကော့ပစ်လိုက်တယ်။

အဲဒီနေ့က
နေလုံးကြီး မြောက်တက်မလာခင်
ကမန်းကတန်း အိမ်ထဲ ပြန်ဝင်ခဲ့မိ။ ။

ခင်အောင်အေး
စက်တင်ဘာ၊ ၂၀၀၀ ထုတ်
(လူနှစ်ယောက်နဲ့ကဗျာ စာအုပ်မှ)

******************************************************************
ဖယ်ရီတေးလ်(စ်)
------------------------
အဲဒီအပွင့်လေးတွေ ခြောက်ပြီး ကြွေကျလာရင်
နတ်သမီးလေးတွေ ဆင်းလာတယ်ဆိုပြီး လိုက်ဖမ်းတယ်
နေရောင်တွေက ရွှေရည်တွေလို တလက်လက်နဲ့ အိပ်မက်
ထဲမှာ မင်းသားလေးကို တွေ့တော့ သက်တူရွယ်တူလိုပဲထင်မိ
သူ့ရဲ့ခါးမှာ ချိတ်ထားတဲ့ ဓါးဆီမှာ ကျောက်သံပတ္တမြားတွေ...
မမက်မော မတမ်းတမိပါဘူး သူ့နှုတ်ခမ်း ပြုံးယောင်သမ်းနေတာ
တခါမှ မတွေ့ဖူးသလို ငေးစိုက်ကြည့်မိ မြင်းကြီးက ထ ဟည် လိုက်
လေမလား လူပျံတော် သေးသေးလေးတွေ သစ်ပင်အကြိုအကြားထဲ
ကနေ ပလူပျံထွက်လာတော့မှ လန့်နိုးတော့တယ် အဲဒီ အပွင့်လေးတွေ
ခြောက်ပြီး ကြွေကျလာရင် နတ်သမီးလေးတွေ ဆင်းလာတယ် ဆိုပြီး။ ။
ခင်အောင်အေး
၈၊ မတ်ခ်ျ၊ ၂၀၁၃ ပါဆာရစ်(စ်) စင်္ကာပူ ၁၅း၄၉ နာရီ
******************************************************************

ရေခဲမြစ်
----------------------
ငါ ရောက်သွားတဲ့နေရာ
သင် ဘယ်လိုမှ မရောက်နိုင်ပါ
အားနာ ပါတယ်
ငါ ရောက်နေပြီ
မင်း ရောက်ပြီလား အဲဒီနေရာ
ငါ ဘယ်လိုမှ အဲ့ဒီနေရာ မရောက်နိုင်ပါ
တကယ်ကို
အားနာမိတာပါ။
ခင်အောင်အေး
******************
ဘုရားဖူးခရီးစဉ်
============
သီချင်းက
ဘရိတ် ခနခန နင်းရတယ်
မြွေလိုတွန်ပြီး
ကြိုးလိုကျစ်ထားတဲ့ လမ်းမများ
အဆင့်မြင့် စားသောက်ဆိုင်တွေရဲ့
လှိုင်းမြင့်တုန်ခါမှု ခပ်စိပ်စိပ်
ရေသန့်၃ ပုလင်း အကုန်မြန်ပြီး
ကျွဲရိုင်းတဗူးက အဆစ်ပါသေးတယ်
အိမ်ရောက်မှ ပြောမယ်
ကားမောင်းနေတယ်
ခွေးဟောင်သံတိတ်
ကုက္ကိုလ်ပင်ကြီးလည်း အိပ်ပြီ တဲ့
အိမ်
ရောက်ပါပြီ။
ခင်အောင်အေး
*********************************************
ဒီည အမှန်တရားအကြောင်း မပြောကြေး
=====================
အမှန်တရားဟာ ကြက်သရေတော်တော်တုံးတယ်
ပြီးတော့ စောက်ခွက်မာတယ် အောက်တန်းကျတယ်
အမှန်တရားဟာ တကိုယ်ရေသန့်ရှင်းမှုမရှိဘူး
ယုတ်မာတဲ့ စိတ်ထားရှိတယ် လူမဆန်တဲ့ရိုင်းပျမှုရှိတယ်
အမှန်တရားဟာ အကြင်နာတရားခေါင်းပါးတယ် ပြီးတော့
တကိုယ်ကောင်းဆန်တယ် ဘယ်သူသေသေ ငတေမာ ပြီးရော
ဆိုတဲ့ သဘောထားကို အခိုင်အမာကိုင်စွဲတယ် အမှန်တရားရဲ့
နောက်လိုက်နောက်ပါတွေက အမှန်တရားအပေါ် သိပ်သစ္စာရှိ
တယ် ရိုကျိုးတယ် အမှန်တရားချကျွေးတဲ့ အရိုးအရင်းတွေနဲ့
နှလုံးနဲ့ချေးတွေ့သလို ကြည်နူးပီတိဖြစ်ကြတယ် အမှန်တရားက
ကုဌနူနာသည်လိုပဲ မထူးဇာတ်ကိုခင်းတတ်တယ် ဒါပေမယ့် ..
ကိုင်လိုက်ရင်တော့ ရွှေခွက်မှကိုင်တာ စောက်အမှန်တရားရဲ့
အကြောင်း ကျုပ်က သိပ်ပြောချင်တာမဟုတ်ဘူး ဒင်းရဲ့ အဆုံးမဲ့
(အဆုံးမဲ့) လုပ်ရပ်တွေက ကိုယ့်ဟာကိုယ် အေးအေးလူလူနေတာ
ကို လာထိခတ်လို့ နည်းနည်းလှုပ်သွားပြီး ဒင်းအကြောင်း စကားစပ်
လို့တောင် မပြောချင်တဲ့အကြောင်း ပြောမိသွားတာ အမှန်တရားရဲ့ အဆိုးဆုံးနဲ့အဆုံးစွန်သော ပက်စက်ယုတ်မာမှုကတော့ ငါတို့ကို
ဒီလို အစိုးရမျိုးနဲ့မြဲမြံနေအောင် ဆွဲစေ့ထားခြင်းပဲ အေး ဒီည မှာ
အဲ့ကောင် အမှန်တရားအကြောင်း မပြောပဲ နေကြရအောင်။ ။
၆ မတ်ခ်ျ ၂၀၁၅ ကျောက်မြောင်း ၂၁း၀၃ နာရီ
ခင်အောင်အေး
*********************************************

ဘီအာရ်
==========
သိပ်ဖွဲ့နွဲ့စရာ
မရှိတော့ပါ၊
မင်းက သေဆိုသေ
မင်းက ရှင်ဆိုရှင် ပါ၊
ဒါပေမယ့် မင်းအမိန့်က
အသံတိတ်ဆိတ် လွန်းစွ ။
ခင်အောင်အေး
*********************************************
ဘီအာရ်
======
ကိုယ်စီ ကိုယ်င
ကူးခတ်ခဲ့ကြပါ၏
ကမ်းသို့ မရောက်နိုင်ကြတဲ့
နာဝါ လှေများနှယ်
ကိုယ်စီ ကိုယ်င ရဲ့
မအောင်မြင်တဲ့ အချစ်များ . . . . ။
‪ခင်အောင်အေး‬
*********************************************

ရနံ့စူးစူး
=============
ငါ့ ရဲတင်းမှုကို
ညထဲ ချခွဲလိုက်တယ်
ရိပ်သိမ်းပြီး မိုးတိမ်တခုရဲ့
နူးညံ့ အမှားများ
ပူဇော်ပ,သ ပြီးနောက်
၎င်း ကောင်းကင်၏ တုန်ခိုက်မှု
ရင်ထဲမှာ အေးကနဲ..
အချစ်ပေါ်မှာ လိမ်းကျံထားတဲ့
အန္တရာယ်ရဲ့
အနံ့စူးစူး။
ခင်အောင်အေး
*********************************************
မတ်ခ်ျလ
---------------
ငါဟာ အခြားအဓိပ္ပါယ်တစ်ခုထဲမှာလည်း ရှိမနေဘူး
အဓိပ္ပါယ်တွေဟာ တစ်ခုက တစ်ခုကိုကွယ်နေကြတယ်
ငါ့ကိုယ်ငါ ကွယ်ထားမိတဲ့အခါ ဝေးကွာခြင်းဟာ ခမ်းနားလာခဲ့ပေါ့
မြင်းခွာလို အသားမှာကပ်ရိုက်ထားတဲ့ အချစ်အပေါ်ရူးနှမ်းစိတ်
ခုန်ထွက်လာတဲ့ နေရောင်ခြည်မှာ ပန်းကလေးတွေ က,ခုန်မြူးတူးကြတယ်
ရောက်မလာသေးတဲ့ ညနေခင်းတခုကို အံဆွဲထဲက အတင်းဆွဲမထုတ်မိခင်
နံရံမှာ မဖြုတ်သိမ်းရသေးတဲ့ နှစ်ချို့ပြက္ခဒိန်ဟောင်းတွေပေါ်
အဓိပ္ပါယ်မဲ့ ပင့်ကူမှေးတွေ။ ။
ခင်အောင်အေး
၃ မတ်ခ်ျ ၂၀၁၃ စင်္ကာပူ ၀၈း၅၃ နာရီ
ခင်အောင်အေး
*********************************************
ကျိန်စာ
---------------
သစ်ရွက်ခြောက်များ
တံလျှပ်တရှိန်ရှိန် ကတ္တရာလမ်းမ
အူကြောင်ကြောင်ထွန်းလင်းနေတဲ့
နေ့ အပူ တဟုန်းဟုန်း လောင်မြိုက်
အင်္ကျီမကပ်နိုင် လုံခြည်မမြဲမြံနိုင်ဘူး
အားသွင်းထားတဲ့ ဖုန်းဆီမှာ စိတ်သတိ
ချိတ်ဆွဲထားလျက် အသံတိတ်ငြိမ်သက်။
ခင်အောင်အေး
*********************************************
ကျိန်စာ
---------------
င့ါ အရှုံးများကလည်း
အပြိုင်းအရိုင်းပွင့်တဲ့
ပန်းမျိုးစုံတို့ လိုပဲ
လှလို့ပလို့-
မွှေးလို့ ကြိုင်လို့ -
င့ါ အရှုံးများကဖြင့်လေ။

ခင်အောင်အေး
*********************************************
ကျိန်စာ
----------------
ကုက္ကိုလ်ပင်ရဲ့အရိပ်တွေ
ထောင့်မာ နေကြလို့
ညက မက်ခဲ့တဲ့ အိပ်မက်ဟာ
ကျောမှာ စိုက်ရက်တန်းလန်းကြီး
ကားကြိတ်ခံ ခိုတကောင်
ကတ္တရာလမ်းပေါ် သွေးနဲ့စေးထန်း
မမြင်ရတဲ့ အနာဂတ်ထဲ
အရိပ်မည်းမည်းကြီးတွေ
နေအလင်း အစူးမခံရပါပဲ
မျက်နှာရှေ့မှာ လက်နဲ့ကာမိ။
ခင်အောင်အေး
*********************************************
ဘန်ကောက်ရှပ်ဒေါင်းနဲ့ပွတ်ကာသီကာ
--------------------------------------
ပြေးနေတဲ့ကားတစ်စင်း
ဘီးကျွတ်ထွက်သွားသလို
ငါ့ လိင်စိတ်
ဆပ်ပြာမှုန့်များများနဲ့
လျှော်ထားတဲ့ အ၀တ်တွေ
မလှမ်းရသေးဘူး
အူယောင်ငန်းဖျား
၂၀၁၀ရဲ့ဒီဖက်က ကလိန်ကကျစ်ဟာသ
မယ်လမင်းများများနဲ့နို့မှုန့်
ကျုပ်က
လက်ရေးမလှဘူး
ပြေရာပြေကြောင်းလဲ မပြောတတ်ဘူး
ပြီးတော့ စောက်ချိုးလည်းမပြေဘူး
သတင်းတွေ ထုတ်လွှင့်တဲ့အခါ
အဲယားကွန်းကြော်ငြာတွေခပ်များများ ညှပ်လွှတ်ပါ
ကျည်ဆံတွေမှာ နိမိတ်ပုံကောင်းကောင်းနဲ့ကဗျာစာသားများ
အလိုလိုသုတ်လွှတ်တတ်တဲ့ ငနဲတစ်ယောက်ဆီက စေးပျစ်မှု။ ။

ခင်အောင်အေး
*************************************************************
၁ မတ်ခ်ျ ၂၀၁၄ ဖရာ့ပရာဒင် ဘန်ကောက် ၂၃း၃၄ နာရီ
**********************************************
ဘ၀တလျှောက်ရဲ့ ဖဲကြိုးများ
အာလူးတလုံးကို လှီးသင်ပြီးသည့်နောက်
အနေတော် တုံးတစ်ကာ ဟင်းအိုးထဲပစ်ထည့်
အညတြ ကဗျာရေးသူတစ်ယောက်ရဲ့ ဟန်ချက်
ကျနော်တို့ ပြောဆိုကြပုံ ပြောဆိုကြနည်းဟာ
တောင်စွယ်မှာနေကွယ်ချိန် အဖြစ်အပျက်များ
သံလမ်းတလျှောက် မမောတမ်းပြေးတဲ့ ရထား
များ အရသာ ပျက်ယွင်းနေတဲ့ ကိတ်မုန့်များ
ငယ်ဘ၀ရဲ့ ပြန်လည်အသက်သွင်း ရုပ်ကြွင်း
အနက်ရောင် နိုင်လွန်ကတ္တရာလမ်းမ များနဲ့
ရေတမာပင်များ စံနစ်တကျ စိုက်ပျိုးထားတဲ့
ကြည့်ပျော်ရှုပျော် ရှုခင်းများ ရောင်စုံ ဖဲကြိုးများ
တရားစာအုပ်တွေထဲက ခုန်ထွက်လာခဲ့တဲ့
သင်္ခရ တရားများ ရိုးမ ရိပ်သာများ ပြည်လမ်း
များ လူများ သက္ကရာဇ်များ ဘ၀များ အီလျာ
အာရင်ဘတ်များ အဆီအငေါမတည့်နိုင်တဲ့
ရာသီဥတု တချို့တလေ.. ဒါနဲ့ စကားမစပ်
သူငယ်ချင်းနေကောင်းလား ဒါပဲနော် ဘိုင်း။
၂၉ ဖေဖော်ဝါရီ ၂၀၁၆ ကျောက်မြောင်း ၂၂း၅၁ နာရီ
ခင်အောင်အေး
==============================
အချစ်ဝတ္ထု ၅
-------------------------
ဆောင်းဟာ နှင်းမှုန်တွေကို လေယာဉ်စာအိတ်လေးထဲ
ထည့်ယူလာတဲ့ နှစ်က ကိုယ်အသည်း ကွဲပါတယ် မနက်
အစောကြီးထ ခင်ရွှေနဲ့ ကင်းဘတ်စ်ဘိနပ်နဲ့ ဦးဝိစာရ
အ၀ိုင်းအထိ လမ်းထ လျှောက်ကြတယ် မာကျူ ရီမီးတိုင်
တွေရဲ့ အလင်းအောက်မှာ မြက်ခင်းတွေ စိမ်းနေပုံဟာ
နိမိတ်မကောင်းတဲ့ အရောင်လို့ ကိုယ် ဘယ်သိပါ့မလဲ
မင့် အားကစား အင်္ကျီ မှာ လသာ ၂ ကျောင်းတံဆိပ်နဲ့
ကျောနံပါတ် ၉၊ နှင်းတွေ အဝေးမလွင့်မီမှာပဲ ဝေးခဲ့ကြ
အခု ပြန်ပြောပြတော့ နာကျင်မှုဟာ ဖုံအလိမ်းလိမ်းနဲ့။
ခင်အောင်အေး
******************************************************************
အချစ်ဝတ္ထု ၃
------------------------
ထက်ကောင်းကင် အာကာတခွင်ဝယ်လို့ ဖွဲ့နွဲ့ကြတဲ့ခေတ်
ကျောင်းလွယ်အိတ်ထဲ ပြဌာန်းစာအုပ်တွေကြားထဲ ဘုန်းနိုင်
ဝတ္ထုနဲ့ ငြိမ်းကျော်ဝတ္ထု တလှည့်စီ ပါအောင်ထည့် ဆံပင်ဘုတ်
သိုက်ကို လက်နဲ့သပ်ရုံသပ်ပြီး သူ ဘတ်စ်ကားစောင့်မယ့်
မှတ်တိုင်ဖက် မြန်မာစံတော်ချိန်ထက်မှန်တဲ့ ၀ိရိယမျိုးနဲ့ပေါ့
တလောက အားနေတော့ ဖေ့စ်ဘုတ် Search ထဲမှာ သူ့ကို
ရှာကြည့်တော့ နာမည်တူပဲ တွေ့တယ် သူပဲလား ကိုယ်က
မမှတ်မိတာလား သေချာလဲ ရဲရဲ ဆက်မကြည့်ဖြစ်တော့ဘူး

******************************************************************
အချစ်ဝတ္ထု ၅
============
ဆောင်းဟာ နှင်းမှုန်တွေကို လေယာဉ်စာအိတ်လေးထဲ
ထည့်ယူလာတဲ့ နှစ်က ကိုယ်အသည်း ကွဲပါတယ် မနက်
အစောကြီးထ ခင်ရွှေနဲ့ ကင်းဘတ်စ်ဘိနပ်နဲ့ ဦးဝိစာရ
အ၀ိုင်းအထိ လမ်းထ လျှောက်ကြတယ် မာကျူ ရီမီးတိုင်
တွေရဲ့ အလင်းအောက်မှာ မြက်ခင်းတွေ စိမ်းနေပုံဟာ
နိမိတ်မကောင်းတဲ့ အရောင်လို့ ကိုယ် ဘယ်သိပါ့မလဲ
မင့် အားကစား အင်္ကျီ မှာ လသာ ၂ ကျောင်းတံဆိပ်နဲ့
ကျောနံပါတ် ၉၊ နှင်းတွေ အဝေးမလွင့်မီမှာပဲ ဝေးခဲ့ကြ
အခု ပြန်ပြောပြတော့ နာကျင်မှုဟာ ဖုံအလိမ်းလိမ်းနဲ့။
ခင်အောင်အေး
******************************************************************
အချစ်ဝတ္ထု ၃
=========
ထက်ကောင်းကင် အာကာတခွင်ဝယ်လို့ ဖွဲ့နွဲ့ကြတဲ့ခေတ်
ကျောင်းလွယ်အိတ်ထဲ ပြဌာန်းစာအုပ်တွေကြားထဲ ဘုန်းနိုင်
ဝတ္ထုနဲ့ ငြိမ်းကျော်ဝတ္ထု တလှည့်စီ ပါအောင်ထည့် ဆံပင်ဘုတ်
သိုက်ကို လက်နဲ့သပ်ရုံသပ်ပြီး သူ ဘတ်စ်ကားစောင့်မယ့်
မှတ်တိုင်ဖက် မြန်မာစံတော်ချိန်ထက်မှန်တဲ့ ၀ိရိယမျိုးနဲ့ပေါ့
တလောက အားနေတော့ ဖေ့စ်ဘုတ် Search ထဲမှာ သူ့ကို
ရှာကြည့်တော့ နာမည်တူပဲ တွေ့တယ် သူပဲလား ကိုယ်က
မမှတ်မိတာလား သေချာလဲ ရဲရဲ ဆက်မကြည့်ဖြစ်တော့ဘူး
အဲဒီတုန်းက လေးငါးခြောက်နှစ်လောက် သိမ်းထားဖြစ်တဲ့
စပါယ်ပန်းခြောက်ကလေး မရှိတော့တာ အားနာနေမိရဲ့။
******************************************************************

ဘီအာရ်...
===========
သဲထဲ ရေသွန်သလို
ငါ့အချစ်များ
မင့်အပေါ်
သွန်းလောင်းခဲ့မိတယ်။ ။
ခင်အောင်အေး
(အသက်တမျှဘီအာရ်၊မှ)
*******************************************************
ငှက်ကလေး
-------------------
ငှက်ကလေး မနေ့ညက ငါ
ရှိုက်ကြီးတငင် ငိုခဲ့တယ်၊
ဒီအသံကို မလွှင့်ထုတ်ဘို့ မီဒီယာတွေကို
အချိန်မီ ငါ တားထားနိုင်လိုက်တယ်
လက်ဟာ အတောင်ပံတွေ မဟုတ်ဘူး
ခြေမှာ အကြေးခွံတွေ မရှိဘူး
ဒီလိုပဲ အရှိန်နည်းနည်းနဲ့ပြေးရင်း လေထဲ
ပျံတက်ခဲ့တယ် အိပ်မက်ဟာ င့ါနောက်မှာ
တန်းလန်းကြီး ဒရွတ်တိုက် ပါလာတယ်
ဘ၀ကို ဒါမှမဟုတ် ကြီးပြင်းခဲ့တဲ့ ခေတ်ကို
ဒါမှမဟုတ် ကိုယ့်အသည်း ခွဲသွားသူလေးကို
ငါဟာ တောင်တန်းတွေမှာ လိုက်ရှာတယ်
မြစ်တွေ ရစ်ခွေ စီးဆင်းရာ လယ်ကွင်းများနဲ့
ရွာတန်းရှည်တွေပေါ်မှာ ၀ဲရင်း ရှာဖွေခဲ့တယ်
ငှက်ကလေးရေ င့ါ မိုက်မဲမှုကို မေတ္တာသက်ဝင်
ချစ်ခင်သနားသောအားဖြင့် ခွင့်လွှတ်လိုက်ပါဖိ
မိုက်မဲခြင်းဟာ မာယာရဲ့ ကျော့ကွင်းကနေ ဘယ်ခါမှ
မလွတ်မြောက်နိုင်ဘူးဆိုတာ မင်းဆီကသင်ယူခဲ့တာပါ။ ။
၂ မေလ ၂၀၁၆ ဖရာ့ပရာဒင်န် ဘန်ကောက် ၂၀း၂၄ နာရီ
******
**************************************************************

မှန်နံရံထူကြီး နှစ်ချပ်ကြားထဲ ပိတ်မိနေတဲ့ အောက်ချင်းငှက်ရ

ုပ်
===========================
ကိုယ့်ရည်းစားကို အဲလေ ထားပါတော့ ကိုယ်ချစ်သူကိုပေါ့လေ
စကားနည်းနည်းပါးပါး ပြောချင်တာပေ့ါလေ၊ အဆင်မပြေဘူးပဲ
ဆိုပါတော့ အဆင်မပြေဘူးဆိုတာကလည်း သူနဲ့ကိုယ်နဲ့ အဆင်
မပြေကြတော့တာလား။ အဆင်မပြေမှု တခုခု ကြားထဲကနေ ခန
တဖြုတ် ခံနေတာလား။ ကိုယ့်ရည်းစားက အဲလေ ကိုယ့်ချစ်သူက
ဒါမှမဟုတ် ချစ်တယ်လို့ ခနတဖြုတ် အပြန်အလှန် ပြောဖြစ်ခဲ့ကြ
သူရေ၊ ဘယ်လိုလဲ အချစ်ဆိုတဲ့ အဓိပ္ပယ်က စေးစေးပိုင်ပိုင် ရှိခဲ့ရဲ့
လား။ ဘာကြောင့် / ဘာက ကိုယ့်ကို ချစ်တယ်လို့ ထင်မြင်ယူဆ
မိစေတာလဲ။ အခု မှားပြီလို့ သိရတော့ မင်းဘာလုပ်မှာလဲ၊ ပင့်ကူ
မှေးသဖွယ် ငါတို့ နှစ်ယောက်ကြားက ယက္ကာန်းစင်၊ ကြွေပန်းကန်
နဲ့ ဆန်ပြုပ်။ ယခုမှစ၍ ဆွဲချည်တုပ်လိုက်ပါပြီ။ အလျော်အစားတွေ
မတန်တဆ မြင့်တက်သွားပြီ။ မင့် ဆံညှပ်ကလစ်ကလေး ပုခုံးပေါ်
လျှောကျလာခဲ့တယ်၊ ဆံနွယ်ခွေကို နမ်းရှိုက်လိုက်တယ်၊ ငလျင်လှုပ်
တယ် မိုးခြုန်းတယ် မိုးကုတ်စက်ဝိုင်းတစ်ခုလုံး ဗြောင်းဆန်သတ်ခဲ့
တယ်။ ခင်သန်းနုပုံကို နံရံပေါ်မှာ ချိတ်ဆွဲလိုက်တယ်၊ နိုင်ငံတော်သီ
ချင်း ဆိုတဲ့အခါ တတ်နိုင်သလောက် အချောင်ခိုပြီး ဆိုပါတယ်။ မင်း
င့ါကို ထပ်မဆွဲဆောင်နဲ့တော့ ဆောင်းဦးပေါက်ဟာ သွေးအလိမ်း။
.
ခင်အောင်အေး
*******************